|
|
|
 Re: كملت كوتة التمباك صقعنا الجِرّة (Re: أبوبكر عباس)
|
سلام
ربنا يفتح عليك محل ماتكون. ليه فتره قلت لو كل زول ركز في مجاله او حتى حول مجاله
مش بيكون افيد. الكل عاملين عارفين كل شي في كل شي. شي كوره وشي سياسه وشي
اقتصاد و.....
بعد تخلص موضوعك دا شوف لي منتجات الالبان خاصه الكريمه اللباني زي ما بقول
اسامه السيد. لانه لتر الحليب عندنا ب 70 سنت ولتر الكريمه 7 يورو. وبقية المنتجات
من زبده وسمنه وا######## وزبادي.
مشكور مقدما بس ما تعمل لي زي بخيته النشيطه
| |
 
|
|
|
|
|
|
|
|
Re: كملت كوتة التمباك صقعنا الجِرّة (Re: أبوبكر عباس)
|
والله يابكري ..
ذكرتنا زمناً جميل زمن ( الجره ) ده .... 
ايام الدراسه كان معانا واحد بيحب التمباك زي عيونو ..
حياتي ماشفت لي زول بيحب الصعوط بالطريقة دي ..
يكون بيتونس معاك ومبسوط ومنشكح ..
من تقول ليهو في نص الونسه ( عشان تلهيهو وتشدهو ) ..( جيب سفه ) ..
وشو ده يتغير ..
ويقلب مليون لون ..
طبعا هو بيجيب مونة السنة معاهو من السودان ...
ومابيرضى زول يشحدو تمباك ناشف .. وقافلو في شنطة وداسيها ..
أها زولنا ده هداهو حبو للتمباك بانه يخت كيس في جيبو ..
من الجره ..
بعدين شنو .. يرجع في الكيس قدام الناس عشان يقرفو ..
يقول ليك لو داير سفه عندي ( جره ) بس ..
بي كده ارتاح من الناس الشحادين ..
أخووك عكليت وناقش حركاته دي ..
عارفه ما بيسف ( الجره ) .. ونفسه حلوه شديد ..
لكن عشان يطفش الناس ..
يقول ليهم عندي ( جره ) ..
من يدخل يدو في جيبو اليمين ..
طوالي اقبض جيبو الشمال ..
واقول ليهو شوف ياتديني من هنا ..
يا اطرشق ليك الكيس جوه جيبكـ وا###### بنطلونكـ ..
يقول لي يادنقلاوي يادين حجر .. 
أصلك ما بتتغش ..
فاطلع منو بي سفه من حباب عيونو .. ..
ــــــــــــــــــــــــــــــــــــــــــــــــــــــ
الانسان دون شكـ كائن مجتر ...
وينتمي لفصيلة المجترات ..
هسه انا قبل يومين بس قطعت تمباك بالليل ..
والله سفيت من الجره ..
بختها زي ماهي في حته كده .. لامن تنشف ..
تحسباً للطوارئ ..
أها في الزنقه أقنطرها ليك زي المافي شي ...
| |
|
|
|
|
|
|
|
|
|
Re: كملت كوتة التمباك صقعنا الجِرّة (Re: جمال ود القوز)
|
شكراً يا ود القوز على المداخلة اللطيفة وربنا يجعل ليك في كل خطوة جِرّة.
في بداية التسعينات قام أحد المهمومين بمشكلة الطاقة بمدني بتصميم وحدة لإنتاج غاز الميثان بالمنازل، وقد قام إبن خالتي عماد الناسخ بإنشاء التصميم بمنزلهم بحي مايو(تقريبا مثل التصميم الفي الفيديو).
نجحت التجربة في إنتاج الغاز وتمّ استغلاله للطبخ.
المشكلة التي أوقفت هذه التجربة الرائدة هي نقص مخلفات الحيوانات بالحي، وكان يذهب لزريبة المواشي والمسلخ ومطاعم السوق لجلب المخلفات، وبحساب تكلفة الترحيل والزمن المستهلك بتلقى شراء أنبوبة الغاز الجاهز أرخص.
http://www.youtube.com/watch?v=s4EWOoPY5OYhttp://www.youtube.com/watch?v=s4EWOoPY5OY
| |
|
|
|
|
|
|
| |
أبوبكر عباس
عمر نملة
جمال ود القوز
فيس بوك
تويتر
انستقرام
يوتيوب
بنتيريست