كتب الكاتب الفاتح جبرا المتوفرة بمعرض الدوحة
|
Re: هنا نستقبل التهاني بفوز الزعيم ببطولة سيكافا (Re: haroon diyab)
|
بحضور الرئيس الرواندي و 30 الف متفرج
حقق المريخ السوداني بطولة شرق ووسط افريقيا للأندية بعد فوزه علي مستضيف البطولة الجيش
الرواندي بهدف دون رد في اللقاء الذي جمعهم عصر يوم الأحد.
ويدين بطل السودان بفوزه بتاج سيكافا لمحترفه الكيني الآن وانغا والذي سجل
هدف فريقه الوحيد في منتصف الشوط الاول للمباراة. بعد مجهود فردي رائع من لاعب الوسط راجي عبدالعاطي.
وقدم المريخ مباراة بطولية وحافظ علي تقدمه الذي جاء منذ وقت مبكر
رغم المؤازرة الكبيرة التي وجدها أصحاب الأرض بحضور الرئيس الرواندي وجمهور قدر بحوالي 30الف متفرج.
بهذا الفوز يكون المريخ قد حقق البطولة للمرة الثالثة.فقد حققها من قبل في أعوام 1986 و 1994 و 2014.
| |
|
|
|
|
|
|
Re: هنا نستقبل التهاني بفوز الزعيم ببطولة سيكافا (Re: haroon diyab)
|
كسر فريق المريخ السوداني عناد 20 عاما، واستعاد عنفوانه وعافيته،
وذاكرة الكأسات المحمولة جوا، وتوج بلقب سيكافا 2014، بفوزه المستحق
أمس على الجيش الرواندي على أرض الأخير بهدف حمل توقيع هدافه الكيني ألان وانجا.
وكان المريخ الفريق السوداني الوحيد الذي حقق ألقابا خارجية لبلاده حيث أطلق عليه بطل الكأسات المحمولة جوا.
وبدأ المريخ بطولاته المحمولة جوا بكأس جوبا بمناسبة افتتاح جامعة جوبا وفيه انتصر على نده الهلال 1 / 0 (1977)،
قبل أن يأتي ويحقق كأس سيكافا مرتين عامي (1986 و1990)، وكأس دبي الذهبي على حساب الزمالك المصري (1987)،
كما حقق كأس الكؤوس الإفريقية "مانديلا" بفوزه في النهائي على بندل يونايتد النيجيري على أرض الأخير
بهدف كمال عبد الغني في الخرطوم 1989، علما أن مباراة الذهاب انتهت بالتعادل السلبي.
هذا وما أن أطلق قاضي الجولة صافرة النهاية، انطلقت الأفراح المريخية في كل مكان،
وأعلنت الجماهير استعدادها لاسقبال الأبطال لحظة وصولهم أرض المطار.
منقول من الاقتصادية
| |
|
|
|
|
|
|
Re: هنا نستقبل التهاني بفوز الزعيم ببطولة سيكافا (Re: Shawgi Sulaiman)
|
الف الف مبروك يا هارونا
مرة ومرتين والتالته جات بالقوة مريخ العبور بضرب خصومو فتوة الاسد البينهش كاسيا ايدو مروة مين غيرو البفرح ويسعدك من جوة ***** جمال سالم اكيد حامي العرين الفز شوفو الواوا صمام الامان الرز ود جعفر سلام يالصخرة مابتتهز ويابله الشفت طرفك محززو حز ***** ايمن يالياقه ويافنون ومهارة امير المابيتر من الخصم يضارا علاء الدين زعيم قيمة وادب وشطارة والرسام رسم يوم قلدوهو الشارة ***** راجي البعكس الكورة وتكون موزونة وانغا المابهابي وشوتو تب مضمونه تراوري دا يوم يزف من اليمين بسطونه تلقى الشبكة مقدودة ومبشتن قونا ****** مريخنا العظيم بتجيبا حمرة عين ماك هين اكيد دايما منور زين جبار الكسور مالي القلب والعين مريخنا العظيم وين نلقى زيك وين
| |
|
|
|
|
|
|
Re: هنا نستقبل التهاني بفوز الزعيم ببطولة سيكافا (Re: haroon diyab)
|
سلام هارون دياب
الف مبروك لكل عشاق النجمة في كل مكان
خبر جميل يسعد ويفرح الملايين من ابناء هذا الشعب المكافح الصابر الذي يعاني الامرين
فرصة ان ينسي معاناته وهمومه وضيق عيشه وان يفرح وماسعدنا ان يكون صانع هذا الفرح المريخ العظيم
الشئ من معدنه لايستغرب
وتقبل كامل تحياتي
| |
|
|
|
|
|
|
Re: هنا نستقبل التهاني بفوز الزعيم ببطولة سيكافا (Re: حمزاوي)
|
اصيل معنى الذهب يا مريخ
الف مبروك يا اخي هارون الف مبروك يا عموم الصفوة الف مبروك لجماهير الرياضة عامة الف مبروك للسودان الوطن ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
| |
|
|
|
|
|
|
Re: هنا نستقبل التهاني بفوز الزعيم ببطولة سيكافا (Re: محمد مجيدو)
|
مبروك
اعتقد على كل الفرق السودانية التركيز على هذه البطولات الضعيفة فهي تشبه مستوياتهم وتوفر اموالهم، ليس هناك داعي للمشاركة في البطولات الكبيرة التى يهدرون اموالهم فيها ويخرجون منها على الدوام صفر اليدين
اقول هذا للهلال وللمريخ ولبقية الفرق السودانية حيث ان مستوى سيكافا الذي شاهدته الان هو مستوى ضعيف ويشبه تماما مستوى فرقنا السودانية، وهذه البطولات الضعيفة تساعد فيتطور هذه الفرق وصقلها وجعلها اكثر استعدتدا بعد فترة للمشاركة في بطولات اكبر
مرة ثانية مبرووك
| |
|
|
|
|
|
|
Re: هنا نستقبل التهاني بفوز الزعيم ببطولة سيكافا (Re: حاتم محمد عثمان)
|
خلاللللللللللللللللص ظهرت يا هرون دياب..الله يخلي سيكافا الربع السنوية الخلتك تظهر
برضا نحنا ناس ذوق وبنعرف الاصول والمجاملة والواجب ذاتو
عشان كدا ..داخلين نقول ..مبروك سيكاف تو
لكن اسئلتنا ما بنخليها
بس قول لي عزام دا منو وود منو؟؟ الله يسألك سمعت ليك بدورة تحقق فيها انتصارين فقط ..احدهما من دولة مافي ..وتشيل كاسها؟؟؟؟ دحين يا ود دياب عزام ابراهيم بناظير الجيش البوليس حرس الصيد الناس ...والمؤسسات دي
دحين ..دحين..
مسجلين في الكاف؟ بلاتر بعرفهم بنكباور سمع بيهم بلاتيني شافهم؟؟؟
| |
|
|
|
|
|
|
Re: هنا نستقبل التهاني بفوز الزعيم ببطولة سيكافا (Re: saif khalil)
|
مرحبتين باخوما الهلابي سيف خليل
وياسيف مباركتك قبلناها
بس الفيكم اتعرفت ههههههههههههههه
يعني حسع السنة الجتية الهلال مشارك
في سيكافا بصفته 4 الممتاز
اهي مافي عشم كده ولا كده
تجيبوا المركز الرابع
عشان ترفعوا اسم السودان
وتسعدوا اكتر جمهور صابر
في تاريخ كرة القدم
85 سنة ...؟ ياخي ده كلام
صبر ايوب علي قليل
تحياتي
| |
|
|
|
|
|
|
Re: هنا نستقبل التهاني بفوز الزعيم ببطولة سيكافا (Re: الصادق اسماعيل)
|
تحياتي اخي الصادق اسماعيل
Quote: مبروك
اعتقد على كل الفرق السودانية التركيز على هذه البطولات الضعيفة فهي تشبه مستوياتهم وتوف اموالهم، ليس هناك داعي للمشاركة في البطولات الكبيرة التى يهدرون اموالهم فيها ويخرجون منها على الدوام صفر اليدين
اقول هذا للهلال وللمريخ ولبقية الفرق السودانية حيث ان مستوى سيكافا الذي شاهدته الان هو مستوى ضعيف ويشبه تماما مستوى فرقنا السودانية، وهذه البطولات الضعيفة تساعد فيتطور هذه الفرق وصقلها وجعلها اكثر استعدتدا بعد فترة للمشاركة في بطولات اكبر
مرة ثانية مبرووك |
الله يبارك فيك
ورايك نتقبله ونحترمه وهو حق مشروع للجميع
ومن حقنا ان نفرح بما اتانا الله
وبشكره تزيد النعم
تحاياي
| |
|
|
|
|
|
|
|