كتب الكاتب الفاتح جبرا المتوفرة بمعرض الدوحة
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: يوسف أبو صالح)
|
Quote: وشوف دي،،،مسروقة من ص فيس بوك ود ابوي فكي صالح.
|
هههههههه عملتها شينة يا عزو الصورة دى بنات عمها ما سمعن بيها رسلوها لى طازة من البطانة ونزلتها فى الفيس قبل خمسة دقايق بس تقوم طوالى كدا تجاسفا ، لكن ما مشكلة تستاهل . تعرف يا ود عتمان الناس القاعدين ديل وهم فى هذه الحالة ما هماهم بى اى حاجة تحدث فىهذا العالم ولا يهتمون ان كان البشير يتعالج فى رويال كير او جالس على مكتبو فى القصر الجمهورى ولا جايبين خبر كان الصادق المهدى رجع من باريس ولا قعد قبلوا ، ولسان حالهم يقول : العبادى كركر خمج النتايل رى والباساى سرف رطب وادى الصى بعد تخدر بوادينا ونقاشر الحى ما خسانا عقب كان سلام كان دى
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: يوسف أبو صالح)
|
تحياتي اخي يوسف..
بوادي السودان م اأجملها من ساحات تلتقي فيها لطائف الاجواء وشيم الاصفياء الانقياء.. نضر الله ايام بيت البرش .. الذي يحوي داخله سرير واحد عريض يتنام فيه الام واطفالها جميعا.. وحيا الله ايام الهلس. البطانية المحكمة النسيج الذي يحمي الاسرة كلها من المطر والبرد.. بيوت البوادي ثلاجاتها القرب والسعون ..ومكيفاتها رفع اطراف بيت البرش والعناقريب الهبابية.. تتلاعب عناصر الطبيعة كلها مع بعضها في الصباحات والمساءات.. بيوت تحوى العز كله ..والشرف جميعه.. والغني الذي لا يخالطه طمع ولا زيف.. بيوت مفتوحة للعابرين والسائرين والمستجيرين ..
نضرها الله من بيوت..ونضر اهلها .. كهوف الخير والمروءة والكرم والضكرة.. ونضر الله اجواء البادية وتعولها ..انظر الى ما قاله الدلال ..وهو شاعر من بادية الكبابيش . انظر اليه يوصف في وادي تالاهم يقال له صداف..وتخيل معي بيوت البرش على صفحة الوادي والسحاب والخير المنهمر حتى "باس أو قبل" الوادي: صداف البقوقي دباسكْ مدة طويلة من وارف ظلالك وناسَكْ تعّالك هَدَج وزُرق السحاب اتماسكْ وحتّان تاني ساري المُدْجنات الباسَكْ
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: عادل ابراهيم احمد)
|
الاخوان
يوسف - سيد الحوش
عادل
اطيب الله نهاركما
Quote: بوادي السودان م اأجملها من ساحات تلتقي فيها لطائف الاجواء وشيم الاصفياء الانقياء.. نضر الله ايام بيت البرش .. الذي يحوي داخله سرير واحد عريض يتنام فيه الام واطفالها جميعا.. وحيا الله ايام الهلس. البطانية المحكمة النسيج الذي يحمي الاسرة كلها من المطر والبرد.. بيوت البوادي ثلاجاتها القرب والسعون ..ومكيفاتها رفع اطراف بيت البرش والعناقريب الهبابية.. تتلاعب عناصر الطبيعة كلها مع بعضها في الصباحات والمساءات.. بيوت تحوى العز كله ..والشرف جميعه.. والغني الذي لا يخالطه طمع ولا زيف.. بيوت مفتوحة للعابرين والسائرين والمستجيرين ..
نضرها الله من بيوت..ونضر اهلها .. كهوف الخير والمروءة والكرم والضكرة.. ونضر الله اجواء البادية وتعولها ..انظر الى ما قاله الدلال ..وهو شاعر من بادية الكبابيش . انظر اليه يوصف في وادي تالاهم يقال له صداف..وتخيل معي بيوت البرش على صفحة الوادي والسحاب والخير المنهمر حتى "باس أو قبل" الوادي: صداف البقوقي دباسكْ مدة طويلة من وارف ظلالك وناسَكْ تعّالك هَدَج وزُرق السحاب اتماسكْ وحتّان تاني ساري المُدْجنات الباسَكْ |
لله درك يا عادل على هذه الدرر واللآلي التي لا يعرف قيمتها الا ابناء البوداي
تجول اخي يوسف بكمرتك الزاهية لنستمتع بتلك المناظر وخلفك اخي عادل يوشح هذا البوست بالنضم الجميل
والله يا عادل اخوي بقرا في كلامك وشعر راسي قام واحدة واحدة
وين العبيد ود ابوي الطيب خليهو يجي يبكي على هذا البلد الذى ، كما تفضلت اخي يوسف ، اسف عليه ان يتقاتل ابناؤه وهم بين ايديهم كل هذه النعم
قبح الله الذين افسدوا علينا كل هذه النعمة
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: الطيب شيقوق)
|
هذه البيوت او قل الخيم المتنقلة التي يعيش فيها اهل البادية يحبها اهلها اكثر من القصور المشيدة واسمع هذه القصة "
كان سيدنا معاوية ابن ابي سفيان، الخليفة الأموي يتجول مع حاشيته في البادية وفجأة رأى جمع من البدو يرعون الابل والغنم ومن بينهم فتاة بدوية حسناء وذات جمال لا يخطؤها العين فأعجب بجمالها وكلم والدها في ان يتزوجها .. وهذه الفتاة البدوية اسمها ميسون..وطبعا قبل الوالد بمعاوية .. فهو امير المؤمنين .. وقبلت الفتاة البدوية على مضض امتثالا لرغبة والدها وطاعة له.. وجاء بها معاوية إلى عاصمته حيث بنى لها قصرا منيفا والبسها الحرير..ظانا بذلك ان هذه النعم الوفيرة ستبهجها وتسرها .. ويما دخل عليها ووجدها تبكي وتنشد هذه الأبيات واستمع اليها حتى انتهت من انشادها وهي تقول:
لبيت تخفق الأرياح فيه..... احب إلى من قصر منيف وكسيرة من كسر ابي .... احب إلى من اكل الرغيف وبعل من بني عمي كريم......احب إلى من ملك عنيف ولبس عباءة وتقر عيني.... احب إلى من لبس الشفوف وطلقها معاوية استجابة لرغبتها وارجعها أهلها في البادية وهي تطير فرحا وسرورا لأنها ستعود إلى خيمتها في البادية لأنها لم تطق عيشة القصور..
وهذا اثبات ودليل مادي بأن المال والسلطة والجاه والقصور والذهب ليس امل كل فتاة في هذه الدنيا ..لأن البنت اذا حبت لا تعبأ بكل كنوز الدنيا ولكنها تقر بالا وسعادة حتى اذا عاشت في خيمة من خيم البادية.. وطبعا سوف يعتبر البعض ان هذا من قصص الخيال وان هذه الحياة في هذا الزمن القمئ قد غيرت طبائع الناس ، وخاصة النساء اللاتي اصبحن يلهثن وراء المال.. وهذا ليس صحيحا ابدا فإن البنت تلهث وراء الحب وراء المحنة وراء العطف وراء العشق وعلى استعداد ان تقص شعرها الطويل ارضاء لزوجها.. هل سمعتم نزار قباني وهو يقول: وان يسالوني لماذا قصصت شعرك الحريرا اقول لهم بكل كبرياء لأن من احبه يحبه قصيرا
( اذا في واحد من خبراء تكنلوحيا الكمبيوتر ينزل لينا هنا اغنية الفنان حمد الريح الذي تغني بهذه القصيدة
والله يديك العافية
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: عبيد الطيب)
|
Quote: أحببتُ هذه البوادي بل "غويتها غَيْ" ولكن مِحن السنين السود كادت ان تجعله "غَيْ التمساح لي اللّدرع" لذا حين تُرعِد سحابات الشرف .......نكتب ونهضرب وما عساي أن أكتب عن قومٍ........ ملأوا ماعون البادية سماحةً ونبلا............... وقد أترعت البادية أقداحهم مروءة ً وإيثارا وجمالا.......... ستظل المدينة عندي "بَوْ" وأطلال و.......... تتخطاها روحي، وتشدُّ علي مطايا حنايايا أكوارها، وترحَلُ مع الظاعنين يوما والمقيمين يوما، وسوف يتخطيّ بهرجتها قلبي، إلي القيصوم والخشين، ونفل نوّار السِّعات والإندراب..... *بَوْ" البَوْ هو جلد حِوار أو عجل يملأ بالعشب وتُصنع له أرجل ويوضع أمام النّاقة التي مات فصالها او البقرة .. وحين تشمّه تحسبه ...وبذلك تَدُرُّ حليبا صافيا ، وأصبح مضرب للمثل لكل شئٍ فارغ ولا يساوي قيمة ..
إنّ قلبي يزكم، وتجفُّ شراينه، إذا لم يستنشق عبس الإبل، ورائحة جديد المطر وطين الجروف، وإن بطينه الأيسر يصاب بالوقر إذا لم يسمع حنين النوق..... وصياح البذر........... وطنين النّاموس...... وسجع القِمري وشقشقت العصافير الملونة وتغريد "أُم سورج" وإيقاعها وشدو العذاري عند دوداب الورد........ وحتي طِناب السِّيد العَمَلَّس..... ونعيق إبن بَرِيحِ..... إن روحي وتتعلَّق بأذيال البروقِ ودوائب الرياحِ وصفيرها النوم والمُضّجع فوق اللِّحاف والدمقس وتاقت "لنوم الهدب والمفارع ووسائد ريش النِّعام.....وللّه درّك يا مُظعن الكباشي حين تقول:- "أبو رقبة الفَرَش هِدَبُو وعملُّو مطارح نازِل كَرْكَر اللَّيد الدِّروبُو مَقارح علي سقديبو واليت النقيق لي البّارِح ؤخازين النِّجوس عرفوكَ بيهُن سارِح" إن الأربعين التي أحبو إليها هي في حساب "التّاية" ورمل المسيد وتحت الطنائب الممدودة..... أنظر لهذه البدوية، ######ريتها من حالنا وهي تصوِّر المشهد ومن غنا الجراري:- "المغتربين إنْدعُو لا حجُّو ولا سَعُو عجَبِي العاط لي الرَّعو شرابو فواق مُو بَقُو" "اي أنهم لم يحجوا بيت الله ولا إشتروا لهم بهائم "سعوا" من سعيّة وهي البهائم وليس من سعا اي السعي بين الصفا والمروة" َلعَمْرِي هي توأمة،لحالنا نحن قبيلة المغتربين ،من أبناء البادية، حتّي صرنا كالعضاريط، كما يقول "ربيعنا" في بادية السماوة....
حالنا يا صديقي صورها هذا البدوي السَّاري البِتُك رعدو وطَلَق واريبو مُشْهاد برقو فوق خوار الجواد ؤعنيبتو عانْس البي صباح ناس تيقة طالت غيبْتُو رشَّشو أهلها والحارس الخليج وا سيبتُو"
|
ااااي يا العبيد اخوي عليك الرسول تنداح
علي الطلاق الدخلها فيني البوست دا لحولا ما تمرق تاني
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: عبدالعزيز عثمان)
|
الطيب ود شيقوق ويحي ود قباني شكرا وكتر خيركم فلقد جعلتما هذا اليوم ، يوم الاجازة، يوم فرح وعيد لي لكن حمد الريح ذاته ما بالغ في الاغنية دي ولحنها لحنا سماويا زاذا غناها اي زول غير حمد الريح ما كان حيجيدها زيه... وطبعا انتو حتقولوا انا اخترت الاغنية السمحة دي عشان بيقول " اميرتي"(وجه ضاحك).. اها شن قولكم اذا قلت ليكم فعلا والله الكلام ده صحي.. ويلا يا يوسف شد حيلك ونزل لينا الطبيعة الخضراء لباديتنا الرائعة ويا ريت تحدد الاسماء كمان عشان نشجع نتخارج من غابات الاسمنت العايشين فيها دي ...واذا ما قدرت تنزل الصور ..اظن زي ما قال ليك ود شيقوق لازم تستعين بناس البندر ..هم شديدين على التكنلوجيا المعقدة دي...عشان ناس البادية ما عندهم غرض بتعقيدات الحياة المتشربكة دي وبعيشوا حياتهم بالنية السليمة والله يديكم العافية
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: يوسف أبو صالح)
|
Quote: فلقد جعلتما هذا اليوم ، يوم الاجازة، يوم فرح وعيد لي لكن حمد الريح ذاته ما بالغ في الاغنية دي ولحنها لحنا سماويا زاذا غناها اي زول غير حمد الريح ما كان حيجيدها زيه... |
انت عارفة - يا بت عمي السيد - اي زول في الدنيا دي عندو اغنية خاصة تزكي فيهو جذوة الفرح او الحزن
انا غايتو اغنية ( يا مرية) لصلاح احمد ابراهيم بتخليني احبى بركبي عديل كدا ولو ردفوا لي تاااااااااااني ب ( يا ضنين الوعد) بتمسكني ام هلا هلا ( الهاء دي هنا مفخمة) ولو كمان زادوها ب ( عاد الحبيب وعادت الى احلى الليالي ) لصديق مدثر المقابر بس .
معليش يا اخونا نحن سرحنا سرحة بندرية اخرجتنا من سياق البوست
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: يوسف أبو صالح)
|
Quote: ياسلاااااااااااااام على الخضار والجمال والجمال { الثانية بكسر الجيم }
يا أخي هيجت فيني الذكرى ورجعت بي سنييييييييييييين
من رفاعة ابو سن ولااااااابطانة ابوسن ولااااااااااااااااقدام عشتها كل الروعة |
مرحبا استاذى معتصم جعل الله الجَمال فى الانعام حين الغدو والرواح من والى المرعى وجعل فيها الدفء والمنافع والمأكل وجعل من ماء السماء سقيا للكائنات وانبت به الشجر والمرعى لتسوم فيه الدواب : وَالْأَنْعَامَ خَلَقَهَا لَكُمْ فِيهَا دِفْءٌ وَمَنَافِعُ وَمِنْهَا تَأْكُلُونَ (5) وَلَكُمْ فِيهَا جَمَالٌ حِينَ تُرِيحُونَ وَحِينَ تَسْرَحُونَ (6) وَتَحْمِلُ أَثْقَالَكُمْ إِلَى بَلَدٍ لَمْ تَكُونُوا بَالِغِيهِ إِلَّا بِشِقِّ الْأَنْفُسِ إِنَّ رَبَّكُمْ لَرَءُوفٌ رَحِيمٌ (7) وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً وَيَخْلُقُ مَا لَا تَعْلَمُونَ (8) وَعَلَى اللَّهِ قَصْدُ السَّبِيلِ وَمِنْهَا جَائِرٌ وَلَوْ شَاءَ لَهَدَاكُمْ أَجْمَعِينَ (9) هُوَ الَّذِي أَنْزَلَ مِنَ السَّمَاءِ مَاءً لَكُمْ مِنْهُ شَرَابٌ وَمِنْهُ شَجَرٌ فِيهِ تُسِيمُونَ (10) يُنْبِتُ لَكُمْ بِهِ الزَّرْعَ وَالزَّيْتُونَ وَالنَّخِيلَ وَالْأَعْنَابَ وَمِنْ كُلِّ الثَّمَرَاتِ إِنَّ فِي ذَلِكَ لَآَيَةً لِقَوْمٍ يَتَفَكَّرُونَ (11)
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: الطيب شيقوق)
|
Quote: السلام عليكم اخى عادل هازول نضميك دا نضمى زول بطانة راسو عديل دور المرعى ونشق مع السعية ورقد فوق الرحل : عربان الجميل وظريف وناير زنادى سارو صحبتّن قلبى الولوف ورقادى لاقاهن قليب سعلوه من الوادى قالهن ذكرة الموية فى سليم بادى |
تحياتي أخي يوسف..
هاهاها.. دا كلو سويتو والله يا يوسف.. البطانة هي امتدادنا وملاذنا وبراحنا الذي نتمدد فيه ايام الخريف سادرين من صفحة النيل.. لنا اراضي واسعة يزرعها اهلنا في وادي الهواد والحميرابية وغيرها .. وجميع اهالي شندي وكبوشية تجدهم مرتبطين بابودليق وام حطب والتميد وما بينها من مساحات.. وفي هذه المساحات امتزجت دماء وثقافات هؤلاء الناس جميعا..
ثم ان جدي من جهة والدتي هو الشاعر والهمباتي ذائع الصيت الطيب ود عبد القادر ود ضحوية.. ورغم اننا لم نستقر كثيرا في الريف لكن لا تمر سنتين الا ونزوره .. ومنذ صغرنا تشربنا باجواء البادية .. وعرفنا معناها ومآثرها ..
تحياتي
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: عادل ابراهيم احمد)
|
كيف يا يوسف وكل ولاد البوادي طرفك تذكرت قول الصادق: اتخلفن لها البطحاني والعبادي ونفضنو المتل جبب أم صريمة يدادي
الصورة الفيها العروب الراحلين ومشيلين فوق جمالن ذكرتني زمان كان معانا واحد في الجامعة قال: لامن ينزل إجازة بقعد يفتش لي أهلو بالخلا لامن يلقاهم بعد أسبوع أو عشرة يوم وينهر معاهم لامن إجازتو تنتهي الزمن داك لا في موبايلات ولا تكنولوجيا يطلع من الجامعة يوم الإجازة ويجي راجع يوم تفتح في تاريخها المعلوم ولو حصل أي تأجيل للدراسة بيكون أكل نيم
تحياتي مثنى وثلاث ورباع
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: عادل ابراهيم احمد)
|
حباب اهل البادية .. هاكم دي غباشة بيضاء من جدكم طه ود الشلهمة :
رفيقي الواجبة باذل ليها دمك ومالك وفي وكر الهرف كضب البقع قبالك فرسان المواقع الصعبة عمك وخالك ابوك زرعك مناصح طينة ما لفالك
رفيقي الدنيا ما سوت هوس في راسو رفيقا راسو مو قرعوبة جابر ساسو رفيقا ضارعو بالهاشمي وعرفت قياسو رفيقا في البشوفن مافي تب ودكاسو
رفيقا اصلو ماظنيتو يقطع يلومك رفيقا يقل طمع نفسو ويندر كومك رفيقي ان جيتو مضكر كرب قدومك بتمرق منو عريانا بشيلها هدومك
رفيقا مو الطرورة وعلى التفيهة بدلك رفيقا مالو ليك وان انقبضت بحلك ما بدورك ملان ويعاف يباسك وقلك رفيقي الواجب ان نطيت حدودو بذلك
مو صايع المجالات تم كاسو وعب ومو الورل البهشك وبالفراغ بتنبا كان الجو حما اتعكر صفاهو ارب من ردك تحود ناسا غلاد وتلبة
ماك صايع المجالات وفي الصقيعة تزح وماك كضاب تقول الفارغة تابا الصح ماك ###### الرواكيب البتاكل المح اب درقة الملان سما بضر ويوح
ان واعد صديقا حاشا موكضاب وان امنتو سرك يقفلو كيلون باب قلبك مااتنفض شايل ضلعتك شاب يا اب هحبة الغداك من السمان وغواب
مو النعجة البغشك وينقلب يتعذر على الدبر اب وعا بشيل التقل ما اتفزر مالا غير شكر ان شاء الله سيدو معقر ان مات مو فقد موعتودا نقر
اتعبتك تعب موت وانت عندك راحة اخلاص من ضميرك ببشاش وسماحة اياك توب قدلتي الخايلة في اللفاحة نفرا توزن الجمهور عبار ومساحة
وقاسمتك مقاسمة الوريث في حقوقك وانتاجات فوايدي ببضعن من سوقك يا اب درقة الموشح بالسواميت طوقك يفداك عمري كان احتاج قرينك يسوقك
ايدك في خراب كوم القروش ملهوفة وسراقاً عطيتك زول حرام ما بشوفها لباي البتصعب في ليالي السوفة قلبك للقلوب فيهو اختلاف مو دوفة
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: يوسف أبو صالح)
|
بوست جميل ..
الأخ عادل، مازال توثيقنا فى المنبر للهمباتى الفذ ود ضحوية لم يكتمل بعد .. وإننى الأن أشتم رائحة شواء البادية فى الهواء الطلق .. بقولك أنك حفيد الهمباتى ود ضحوية . وهنا الملحمة من أشعار الفارس الهمباتى ود ضحوية
Quote: الملحمه قال طه : أخوك يا ريا وكت الخيول بدبكن أخوك يا ريا وكت الرماح يتشبكن أخوك جبل الثبات وكت القواسي بحبكن كم بكيت وكم قشيت دموع الببكن قالت ريا : وراك أسود علي ما نمت اسع طيب قال طه : بسم الله قولي أخو طيب طيب نصيح وشديد حاضر قلبي ماهو مغيب إلا الشفتو في النوم من هوايله يشيب الزول في الصحي مخدوم عليه شقاهو وإن غمض شويه تجي الهموم لاحقاهو الصف ابلبوس أنا ما بخافو لقاهو ياليت الحلم في صحيا كان بلقاهو قالت ريا : كعب نوم النهار أمس العصير كنت نايمه رأيت قدام الفريقنا أشوف صقورا حايمه كبيرن غار علي من نومي تبيت قايمه صحيت مهجومه لا مفصل ولا في القايمه قال طه : وانتي كمان رأيتي صقور عباره غريبه علامتا كافية ظنيت الحكايه قريبه هاك مني الصحيح الما بتدخلو الريبه هادي الحله بي عيني أشوف تخريبه قالت ريا: تف الشينه ليه فاجعني ليه يا طه انت الدغري وانت الكاشفه ياك غطاها كان الدنيا هادي العقبة تتخطاها ما بضلل سماها وما ابتشيلني وطاها وقعدت ريا تبكي
:رد عليها طه وقال : ما بفيد البكاء وكلامي احسن تنسي قالت ليه ريا : كيف ما أبكي وكيف أفوت مراتع أنسي افقد كل شي عزي ورجالي وانسي تطلق فوقي نار عقبان تقول لي أنسي كنا في سيرة لقاء طه وريا وهم بيحكوا لي بعض قصة الحلم قال طه : فال الخير أخير ما شفنا شينا جدت كلا لشفنا أحلام في طريقه إتعدت قبل الليلة إيد لحمان قط ما اتمدت ما بنهد شرفنا لو السماء إنهدت قالت ريا : خير إنشاء الله خير والخير مساك وصباحك والفال السمح فالك يضوي مراحك بالضيفان أشوف عامر تملي مراحك شينك ما أشوف وأشوف هناك و أفراحك قال طه : خير الزول يقول مهما الامر يتهول قالوا الناس علي فالو الحلم يتأول غاية الحي فناه إن كان قرب إن طول يترك ذكرو والناس الوري بتتقول قالت ريا : وريني الحلم التورك مذهول قال طه : أصبري لي أروق حبل الفكر مبهول احكيلك شنو الشفتو والله مهول شفت الوحده شفت النار وشفت الهول أحكيلك تمام الشفتو ما بتغابه جايين العصير أنا وإنتي من الغابه سايقه ليك بهم قدامي بي رقابه بينا والفريق إتولعت تقابه قدر ما نشوف قدامنا نلقي حريق وقت النار علت ما شفنا تاني فريق باصرنا المروق ما لقينا لينا طريق تشكي من عطش واخوك يابس ريق فترتي قعدتي , انا محتار جلست وراكى حاقبه الدرقة ختيت سيفي فوق أوراكى وكت بعد البهم لى قسعو قمتى براكى غسعتي وجيتي ومعاك كور صقور تبراكى تبت بي عجل شافنى جفلن و طارن غابن من عيوني وفي اللعوت اتضارن ما غابن كتير جن يقدلن يتبارن قدامن كبيرن عينني وغارن سل السيف ولاقاهن أخوك يالضامره تور عنز أم هشيم الفي المجامع دامره سيل تلوى اندفق فوقو السحائب هامره حجر الصاقعه فرتاك الصفوف العامره بادرني الكبير ديك إستعدن وقفن ما مهلتو طار راسو وجناحي يرفن طارن ديك وقت بي ريشو رقد اتكفن
قالت له ريا : عارض ومات خلاص لي الليلة يمكن عفن بعد ان بدأ طه يطمئن ريا اراد ان يقطع الشكوك والمخاوف من تحقق هذا الحلم بالزواج من بنت عمه ريا فقال : نحمد ربنا الليلة مات عارضنا وان كان عمروا طال يا ريا كان قارضنا يلحقوا بي عجل ديش همنا المارضنا نبدا زواجنا بكرة منو البيجي يعارضنا بطال البعيش في الدنيا اصلوا غناه ان كان مالو راح غير اهله مين يدناه سمح لبفوق اساس ابواتو تمه بناه والزول دون قبيله غناه شن معناه ما بنفرح بي مال ونقول كفانا ورثنا نفخر بالرجال في الحارة يبقوا ترسنا نجمع ناسنا هيلنا من الكبار حارسنا يحضروا اهلنا فرحانين يباركوا عرسنا كل بطحاني يفرح بي عرسنا مناه ساعة جمعتن بيتنا يتم بناه عذاب عيش العزب يا ريا مر ضضقناه سمح الزول صبي يد ويربي جناه طبعا ريا ما قبلت الكلام ده لانو ابوها عبد الله المعروف بابو كبس ما تم سنه من وفاته والناس في حالة حداد فقالت : ده الاعوج تراه والشين نهايه حدو إن شاع ده الخبر يملا الفريق لي حدوا يقولوا ابكبس من دخل ود احدو فرحوا وعرسو لا موجعن لا حدو إن كان في الفريق ماتت مريه ذليله لي الحول يرفعوا العرس الدخلتوا الليله خليه ابكبس راجل الرجال ودليله إن كان بي قبيلة تعدوا تبقي قليلة خليه الكلام وعرسنا في ده الحال من بالك أمرقو محال والف محال علي ميتت ابوي لي الليله حول ما حال نصبح بكره ونسه وبهادل حال رد عليها طه وقال ليها : الموت ما شمت غاية البخود والببروا والموت والحزن ما جابو زول من قبرو الزول في الشدايد أولي يلزم صبروا يترجي الكريم مولاه كسره يجبروا بنخاتر منو الوجعه هيلنا برانا نحن أهل المصاب والناس عزا مجابرانا في آخر المراح دايما تجي الفترانا هادة الحد ندوس والناس عقب تبرانا بعدين ريا شافت تحسم موضوع العرس ده مع طه وانه لازم يتم السنة كالعادة المتعارف عليها في الحداد : فقالت : الناس بالمكارم والفعال بتباهو زي الفطرة ينشا الزول حسب مرباهو عاة جدو عادتو ونحل ابوه نباهو يلبس ثوب قبيلته ان داره ولا اباهو من الليلة حول مضيوه تاني اتكلم الدايروا بيتم رب العباد ان سلم رد عليها طه : تاني امضي حول وانا بالحسا اتالم علي حكمك صعب انا قابله ما بظلم نستني السنة قاسية وصعيبه علينا ردت عليه ريا : تم الاتفاق من الكلام خلينا زي عادة البلد لا زدنا لا قلينا إن شاء الله السنة بي خيرة عايده علينا يا طه البهم قرب رجوع سراحو بنات واولاد ديك ناس فريقنا الراحو نصيحة سمعتها من الكبار الراحو قالو العربي ما بنعز كان ما مراحو وتقوم ريا فايته علي الفريق وطه يعاين فيها وهي ماشه ويقول : ياليت السعادة ان كان وقت ايديه كنت اعيش غني في الدنيا بالزنديه علي حكموا ناسي الفب اخذوا الديه اموت بالعطش والمويه بين ايديا اه يا رب ارحم صبري امس ضنين يمحف ديه السنه ربي الحليم وحنين يخصمه من حياتي رضيت بعشرة سنين وهنا ريا داخله علي الفريق لاقوها خمسة عرب راكبين زواملم " وده بداية الحلم الشافتوا ريا وشافوا طه " العرب قربوا من ريا قام واحد من العربان المع ود دكين شيخ العرب نادي ريا وقال : بالضيفان تمري لا لام لا كلام صدقوا اهل المثل توب العرب صح لام قامت ريا ردت عليه : حبابكم عشرة ومن دون كشرة والف سلام يا وجوه العرب المتلي ما بتلام انا بت الرجال اهل الدرق والسيف بت الما بهموا بي حساب الخريف والصيف بت البحجو لى المرقوب بكرموا الضيف انا ريا كان شفتكم افوتك كيف قام العربي قال ليها : من وين في الاهل كفاك فخر يا بنية ردت عليه ريا : انا بت البيوت المن بعيد معنيه بى فوق السما نفوسنا وبيوتنا حنيه انا بت ابكبس في النسبه بطحانيه قام رد عليها ود دكين طبعا عرفها انها هي زولتوا العاوز يعرس زاته فقال : عبد الله ابكبس عز البطانه وفخري في راس العرب بنعد ماهو الوخري كريم وهميم كان للقبائل دخري بت شيخ العرب هيلك صحيح تفتخري توقد ناره ديمه الما بكوس الجمره وفي الضيفان يهوش سكينو دايما حمره بي كاس ما عبر لبنو بيجيك بالعمره هيلو الشكرة هيلو الرئاسه هيلو الامره المرحوم ابوك كان للقبيله غطاها عزك قديم عمك حسين ابو طه ان شاء الله اخوك دي السكه ما تخطاها بقصد بيها ود عمها طه يعني هل هو في مكانه ابواتوا فردت عليه ريا قايله : كما يسد مكانن قدموا ليش يوطاها ( يعني ماشي في الواطه ليشنو غير اكرام الضيف واغاثة الملهوف( لا يفوت ولا يموت الساحتو يوت مغشيه تقابة الفريق يوقد صباح وعشيه زايد في الرجال طالق قفاي ووشيه رد عليها و دكين : ما دخل التراب البركه في الذريه والخلاك وراه ما بقولوا مات يا ريه دايما في القبائل سيرة ابوك مطريه بيكي وبي اخوك تزيد وديه المطريه قام واحد من العرب داير يعرفا انه ده شيخ العرب ود دكين فقال : ما بتسألي لامن وين ولا وين ترسو قالتلوا ريا : كيف العربي يسأل ضيفو كيفن تنسوا أول بكرموا ويخابروا ساعة أنسو من مقلب حديث يعرف أبوه وجنسوا فرد عليه العربي : عملتي حسابو ضيفك وكرموا وجبتيه يخجل كان سألتي وإسمو ما عرفتيهو إسم شيخ العرب سامعابو ما شفتيه ده خريف البطانه المالوا فيها مشارك هيلوا السارحه هيلوا الصاهله هيلوا البارك ما وقع لك كلامي ساكته لي شنو خبارك فخرك ود دكين جاك في فريقك زارك ردت عليه ريا : اهلا حبابو العزو ماهو لفايه اب نارا تولع للضيوف دفايه بي شيخ العرب الإفتخار ما كفايه تابعو إنت جانا نجري ونخدموا حفايه رد عليها ود دكين : بارك ربي فيك عقلك يدوم يا ريا كرمك ماهو كلفه ديه طبعتك فطريه إياك بت التلوب والسمته فيك محريه قديم فوت البطاحين عزه للشكريه في الوقت داك جاء طه ووجدتهم واقفين فقال : مرحبتين حباب مرحب خريفنا الزارنا حباب شيخ العرب اتشرفنبوا ديارنا حباب راس العرب البيهو كل مدرنا تنزلوا في الدرب مالنا ماتت نارنا رد عليه شيخ العرب: حباب طه الضرس والفي الصهيباب راس الجود والكرم يلك قديم ميراس نارك ما بتموت با ولده الفراس قاصدين ام شديد ومعانا عوجه راس رد عليه طه : لعدوك العوج يا الفي الكبس سراي راسك ما بدوس مليان رجاله وراي باكر لي ام شديد اركب معاك براي يا شيخ العرب لاكن تختوا كراى طبعا شيخ العرب ما فهم كلمة كراى ديه فقال لي طه : هادي الشورة يا طه الغلبني دليله كل البزمه القاهو فيك قليله رد عليه طه شارح ليه كلمة كراي : كراي الدايروا تبقوا ضيوفنا انتو الليلة ترقدوا في الفريق حتي ان عشانا بليله رد عليه ود دكين : مسكنا الدرب أسرع قوام ما تلعب دارك ديمه عامره والسمح ما بكعب يكفين الوصف لاتشد جمل لا تتعب وهدنا الطريق عقب الوصول ما بصعب رد عليه طه: يمين تغشوا الفريق بتفوتوا نحنا مقابر رد عليه شيخ العرب : عامر انشاء الله ديمه اياك مرسى العابر مشطوطين خلاص مسكنا في دريب جابر نخاف عوج الطريق منو لي المقدر خابر رد عليه طه : دريب جابر مزم والسكه سالكه ورايقه فرقان ما بتلاقيك ما بتعوقك عايقه اخذ خاترنا نحنا قالوا واصله السايقه بتراوح ام شديد باكر زواملك فايقه رد عليه ود دكين : الزول ان وعد شين ميعادو يخلفو في ربط اللسان يسخابو دمو يتلفو سفري الليله فيه زولين ما بختلفو ضروري اصل ام شديده علي وعد بي حلفو ما بعرف ازوق من نشيت تبيت فريقكم لي فريق وبيتكم يمين لي بيت اجيك دينا علي حتي إن بقيت حبيت هاك وعدا نجيض ارجانا بكره مبيت شوفتي للفريق ايام بكي ابواتك ما غابني حالك سمعت بي نخواتك فريقك بكره ضيفوا وما بفوتوا وحاتك إلا أحققك وبراي اشوف نفحاتك يا ود الهميم النفسوا ما معارضاه كرم الضيف عليك مكانه ابوك فارضاه جاييك في امر ان تابه وان ترضاه غيرك ما بكوس واملي بس تقضاه
رد عليه طه : غرضك مقضي كان احتاج لخيل وجمال والضان والابل سارح يمين وشمال رد عليه ود دكين : فوق القولتو انا لي فيك امال رد عليه طه: بي دمي الغرض اقضاهو خلي المال المهم طه زي فهم شيخ العرب وده ماشيلوا جاي وطه ماشيلوا علي المال فرد عليه شيخ العرب : دي المأموله فيك وين الدرب خترنا رد عليه طه : دربكم في السلم قالوا شيخ العرب : والله تب ما ودرنا بكره نجيك ان قلينا ولا كترنا وهنا ودعهم شيخ العرب وسار بي جماعته قاصد ام شديد وعلي اساس في اليوم التاني ينزل ضيف علي طه وقبيلة البطاحين وفي اليوم التالي طلع طه مع ريا منتظرين ود دكين حسب موعده معاهم وفي الحديث قال لي ريا : في البال لي ضمير شيخ العرب متعوب قايم نفسه يختف في الكلام مرعوب ما خاتيلوا شئ ما شوفتي كيف مرعوب حمد ود دكين مرتع دياروا وربعوا ده الشئ السمعتوا من الاباه والتبعو الراجل فاعيلوا يبين لك طبعوا انا ود الخلا البعرف اسوده وضبعو ردت عليه ريا : اعوج كان يخلف الليله ميعاد جيتو رجال وحريم كل اهل الفريق في رجيتو قطعوا السارحه كل زول في مراحو سعيتو كبار وصغار و حتي الراعي خله رعيتو قال ليها طه : محال يخلف محال قال جايبو غرضا عندي ردت عليه ريا : كان غرضا صعب ؟؟؟؟؟ رد عليها طه : كان رأس نمر في شندي وعدتوا أقضاه وابذل كل جهدي العندي كان بالمال وكان بالراى وكان بي زندي قالت ريا : هيلك من زمان غنت البجيك تحجالوا لاكين ود دكين عامر قديم برجالو قال ليها طه : يا ريا الكلام ده اخير تقفلي مجالو وكت اوعدته بقضالو غرضو الجالو وفي وقفه طه وريا يجوهم ثلاثه من ابناء البطاحين عبدالله وخلف الله وأحمد قال عبد الله : سلام يا طه قال طه : مرحب بي كبار قبيلتي وعزي مرحب بالاسود البفقعوا المستهزي ريا جات قبيلتك فوقه انكعى هزي وإن زحينا يوم الحارة قرنك جزي ردت عليه ريا : اولاد بطحان تعيشوا ويزيد مراحكم ناير وناركم في سرات الوادي تهدي الحاير بتحلو المضيق وتصدوا غارات الغاير ما هيلم تزحوا غن كان يزح الداير قام خلف الله لما سمع الكلام ده خاف وارتجف واصابته خوفه كده فناداه عبدالله قال : خلف الله ولدي اقعد قبال ود عمك كلام ريا هادا بشوفه غير دمك من زمن بعيد أتمني أسمع نمك فرج همنا مولاي يفرج همك دوبينا ......قول ... دوبينا قال خلف الله : الولد البخاف من القبيلة تلومو بخلف ساقوا فوق تيسا رقيق قدومو اما يجيب رضوه البهم البينقر فومو وإما تخامشن قدح الرماد حرومو سنابك حضر الطافه و جرايدك نوا كورك سال و مزيقا و رطانه و عوا الخلاني فوق نار أم لهيب أتلوي النوم شفتو يا قرد القلوع شن سوا أكل الشلخه لامن كمل المنسية شمخ الحورى لبعصه عريب بت ريه أكان ما أسكت الباكيات و أخلف الكيه قوله أبو فاطنه يا الصادق خساره عليا خرير دوماتو فوق عاجن رسن متلاقيه يا الغول النقيب سويلو سوق الساقيه بت معز الخلا الفوق الكجر متاقيه عكرناها يا أمروبه النشوف الباقيه وبعدين ظهر ود دكين في جماعته جايين علي الفريق فقال طه : هداك ود دكين بي زمله بان شفناه دار اليوم يروح خلف الوعد خفناه الراجل في الاصول ما خاتي لي معناه يا ريه استعدي الزول جمعنا عناه ولما وصلوهم ود دكين قال : قلنا جاهم شيخ العرب فقال: ولاد بطحان سلام اهل النبا و الشكره سلام عز العرب اهل الفحل والبكره سلام يا طه يا راس الكرم والضكره جيت لي غرضي يا طيب الاصل والذكره رد عليه طه : مرحبتين حباب مرحب خريف الرازه حباب شيخ العرب البيه القبائل عازه حباب سيف العرب البيه هاشه وهازه في يمنك قبيلتا ما تقبل فازه قام عبد الله قال : هيا جايهو الزمل رد شيخ العرب : خليه يا عبد الله غرضي إن كان ما أنقضى أنا زملي ما بتدله رد عيه طه : الناس في رجاك من الصباح في مله كدي شوف الطعام شيخ العرب بسم الله رد شيخ العرب : ما بأكل طعام كان ما حساب اتضرب وقضيان الغرض فيكم حقيقه مجرب الامر العنيتو كما اتدرب ما بنفعني اكل وما بيرويني مهما اشرب خبيب محمد |
منقول ..
بريمة
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: يوسف أبو صالح)
|
يا عاذراً لامرئٍ قد هام في الحضـر## وعـاذلاً لمحـبّ البـدو والقـفـر لا تذممـنّ بيوتـاً خـفّ محملـهـا ** وتمدحـنّ بيـوت الطيـن والحجـر لو كنت تعلم ما في البـدو تعذرنـي ** لكن جهلت وكم في الجهل من ضرر أو كنتَ أصبحت في الصحراء مرتقياً ** بساط رملٍ بـه الحصبـاء كالـدرر أو جلتَ في روضةٍ قد راق منظرها ** بكـل لـونٍ جميـل شيّـق عطـر تستنشقـنّ نسيمـاً طـاب منتشـقـاً ** يزيد في الروح لم يمرر على قـذَر أو كنت في صبح ليل هـاج هاتنـه ** علوت في مرقبٍ أو جلـت بالنظـر رأيت في كلّ وجـهٍ مـن بسائطهـا ** سرباً من الوحش يرعى أطي الشجر فيا لها وقفة لـم تبـق مـن حـزن ** في قلب مضنى ولا كدّا لذي ضجـر نباكـرُ الصيـد أحيـانـا فنبغـتـه ** فالصيد منّا مدى الأوقات فـي ذعـر فكـم ظلمنـا ظليمـا فـي نعامتـه ** وإن يكن طائراً في الجـو كالصقـر يـوم الرحيـل إذا شـدّت هوادجنـا ** شقائق عمّهـا مـزنٌ مـن المطـر فيها العذارى وفيها قد جعلـن كـوىً ** مرقعـاتٍ بأحـداقٍ مـن الـحـور تمشي الحداة لها من خلفهـا زجـلٌ ** أشهى من الناي والسنطيـر والوتـر ونحن فوقَ جياد الخيـل نركضهـا ** شليلهـا زينـة الأكفـال والخصـر نطارد الوحـش والغـزلان نلحقهـا ** على البعاد وما تنجو مـن الضمـر نروح للحـيّ ليـلا بعدمـا نزلـوا ** منازلاً ما بها لطـخٌ مـن الوضـر ترابها المسك بل أنقـى وجـاد بهـا ** صوب الغمائـم بالآصـال والبكـر نلقى الخيام وقد صفّت بهـا فغـدت ** مثل السماء زهت بالأنجـم الزهـر قال الألى قد مضوا قـولا يصدّقـه ** نقلٌ وعقلٌ ومـا للحـق مـن غيـر الحسن يظهـر فـي بيتيـن رونقـه ** بيتٌ من الشعرِ أو بيتٌ مـن الشعَـر أنعامنا إن أتت عنـد العشـيّ تخـل **أصواتها كـدويّ الرعـد بالسحـر سفائن البـرّ بـل أنجـى لراكبهـا ** سفائن البحر كم فيهـا مـن الخطـر لنا المهارى ومـا للريـم سرعتهـا ** بهـا وبالخيـل نلنـا كـل مفتخـر فخيلنـا دائمـا للحـرب مسـرجـةٌ ** من استغـاث بنـا بشّـره بالظفـر نحن الملوك فلا تعـدل بنـا أحـداً ** وأيّ عيشٍ لمن قد بـات فـي خفـر لا نحمل الضيم ممن جـار نتركـه ** وأرضه وجيمع العـزّ فـي السفـر وإن أسـاء علينـا الجـار عشرتـه ** نبين عنـه بـلا ضـرٍّ ولا ضـرَر نبيت نـار القـرى تبـدو لطارقتنـا ** فيها المداواة من جوع ومن خصـر عدوّنـا مـا لـه ملـجـا ولا وزرٌ ** وعندنـا عاديـات السبـق والظفـر شرابها مـن حليـبٍ مـا يخالطـه ** ماء وليـس حليـب النـوق كالبقـر أمـوال أعدائنـا فـي كـلّ آونـة = نقضـي بقسمتهـا بالعـدل والقـدر ما في البداوة من عيـب تـذمّ بـه** إلّا المـروءة والإحسـان بالـبـدرِ وصحّة الجسـم فيهـا غيـر خافيـةٍ ** والعيب والداء مقصورٌ على الحضَر
| |
|
|
|
|
|
|
Re: لا تذممنّ بيوتاً خفّ محملها وتمدحنّ بيوت الطين والحجر، دعوة لزيارة بوادى السودان السندسية صور ه (Re: يوسف أبو صالح)
|
الأخ يوسف لك التحية والتقدير على البوست الجميل وعلى إيراد قصيدة الأمير عبد القادر الجزائري في فضائل البادية والتي درسني لها والدة رحمه الله وأنا في المدرسة الإبتدائية وحفظتها من تلك الفترة وكان قد استشهدت بها هنا في عدة مواضيع أرفدها هنا لعلها تساهم في البوست. Re: التراث الكردفاني الأصيل
وإليك ما قاله خالنا الشاعر عمر الشيخ رباح: شٍيتي إرادة جابتني المدينة خريف دُوبل قلبي من ريحة البعر والجيف لا نسام ولا طلقا بلولي خفيف حَن فوادي لي ريحة الدعاش والزيف أرحل معانا ترتاح من سخانة الديم سكناً شُقة في خيشاً مُشبح خيم تكييف خِلقة بعد الرشة بجيب ريم ويومك كلو في ظِل الهرع والغيم أرحل معانا ترتاح لي طبيعة البادية يوم نصبوا الشُقق فوق الضهر متقادية تلقى خريفنا سايق والعين مِترادية وأرضاً لي سجاجيد الملوك ما فادية وهي تقارب قصيدة من فضائل البادية للأمير عبد القادر الجزائري. يا عاذرا لامرئٍ قد هام في الحضـر = وعـاذلا لمحـب البـدو والقـفـر
لا تذممـن بيوتـا خـف محملـهـا = وتمدحـن بيـوت الطيـن والحجـر
لو كنت تعلم ما في البـدو تعذرنـي = لكن جهلت وكم في الجهل من ضرر
أو كنت أصبحت في الصحراء مرتقيا = بساط رملٍ بـه الحصبـاء كالـدرر
أو جلت في روضةٍ قد راق منظرها = بكـل لـونٍ جميـل شيـق عطـر
تستنشقـن نسيمـا طـاب منتشـقـا = يزيد في الروح لم يمرر على قـذر
أو كنت في صبح ليل هـاج هاتنـه = علوت في مرقبٍ أو جلـت بالنظـر
رأيت في كل وجـهٍ مـن بسائطهـا = سربا من الوحش يرعى أطي الشجر فيا لها وقفة لـم تبـق مـن حـزن = في قلب مضنى ولا كدا لذي ضجـر
نباكـرُ الصيـد أحيـانـا فنبغـتـه = فالصيد منا مدى الأوقات فـي ذعـر فكـم ظلمنـا ظليمـا فـي نعامتـه = وإن يكن طائرا في الجـو كالصقـر
يـوم الرحيـل إذا شـدت هوادجنـا = شقائق عمهـا مـزن مـن المطـر
فيها العذارى وفيها قد جعلـن كـوى = مرقعـاتٍ بأحـداقٍ مـن الـحـور
تمشي الحداة لها من خلفهـا زجـل = أشهى من الناي والسنطيـر والوتـر
ونحن فوق جياد الخيـل نركضهـا = شليلهـا زينـة الأكفـال والخصـر
نطارد الوحـش والغـزلان نلحقهـا = على البعاد وما تنجو مـن الضمـر
نروح للحـي ليـلا بعدمـا نزلـوا = منازلا ما بها لطـخ مـن الوضـر
ترابها المسك بل أنقـى وجـاد بهـا = صوب الغمائـم بالآصـال والبكـر
نلقى الخيام وقد صفت بهـا فغـدت = مثل السماء زهت بالأنجـم الزهـر
قال الألى قد مضوا قـولا يصدقـه = نقل وعقل ومـا للحـق مـن غيـر
الحسن يظهـر فـي بيتيـن رونقـه = بيت من الشعر أو بيت مـن الشعـر
أنعامنا إن أتت عنـد العشـي تخـل = أصواتها كـدوي الرعـد بالسحـر
سفائن البـر بـل أنجـى لراكبهـا = سفائن البحر كم فيهـا مـن الخطـر
لنا المهارى ومـا للريـم سرعتهـا = بهـا وبالخيـل نلنـا كـل مفتخـر
فخيلنـا دائمـا للحـرب مسـرجـة = من استغـاث بنـا بشـره بالظفـر
نحن الملوك فلا تعـدل بنـا أحـدا = وأي عيشٍ لمن قد بـات فـي خفـر
لا نحمل الضيم ممن جـار نتركـه = وأرضه وجيمع العـز فـي السفـر
وإن أسـاء علينـا الجـار عشرتـه = نبين عنـه بـلا ضـرٍ ولا ضـرر
نبيت نـار القـرى تبـدو لطارقتنـا = فيها المداواة من جوع ومن خصـر
عدونـا مـا لـه ملـجـا ولا وزر = وعندنـا عاديـات السبـق والظفـر
شرابها مـن حليـبٍ مـا يخالطـه = ماء وليـس حليـب النـوق كالبقـر
أمـوال أعدائنـا فـي كـل آونـة = نقضـي بقسمتهـا بالعـدل والقـدر
ما في البداوة من عيـب تـذم بـه = إلا المـروءة والإحسـان بالـبـدر
وصحة الجسـم فيهـا غيـر خافيـةٍ = والعيب والداء مقصور على الحضر
من لم يمت عندنا بالطعن عاش مدى = فنحن أطول خلق اللـه فـي العمـر ندوة عن تراث الأبالة بين الفريق والحلة - بالنادي السوداني أبوظبي
فقد ما لاقت لي حبسة إلبل في المزارع والسياج والزنك في بلد كالسودانية تتسع بواديه الكثير من النعم والظعينة كان في البادية الغربية أو البادية الشرقية. أحمد
| |
|
|
|
|
|
|
|