|
|
|
 Re: سؤال عن مثل سوداني (Re: عبدالحفيظ ابوسن)
|
معقول يا ود ابو سن
ياخي قريعتي وهي تصغير لقرعة
والمثل يضرب لمن يهتم بالاشياء البسيطة ويترك الاشياء الثمينة
وهو قريب من ابيات ابو الطيب المتنبي في مدح سيف الدولة
على قَدْرِ أهْلِ العَزْم تأتي العَزائِمُ, وَتأتي علَى قَدْرِ الكِرامِ المَكارمُ.
وَتَعْظُمُ في عَينِ الصّغيرِ صغارُها, وَتَصْغُرُ في عَين العَظيمِ العَظائِمُ.
انت ما سمعت بقرع ود العباس الالف منو بقرش والماة هوادتن الف هههههههه
غايتو استرخاص السودانيين للقرع كتير خلاص
| |
 
|
|
|
|
|
|
|
|
Re: سؤال عن مثل سوداني (Re: عبدالحفيظ ابوسن)
|
صبحك الله بالخير ود أبو سن
وضيوفه الأكارم الباشمهندس محمد وعبد الله شم
وأنا كذلك أؤيدهم في اختيار القريعة
والقراحة تركت علامات دائمة في سواعدنا من زمان المدرسة الابتدائية
وكنا نطلقها على عملية زرع اللقاحات في جسم الإنسان ضد الأمراض
وكانت آثارها تبقى في الجسد فترة طويلة
وربما يقصد أبو سن أن الناس في الريف كانت تنشغل بآثار هذه القراحة
وتفرح عند شفاء آثارها وتقول (قراحتي راحت)
| |
|
|
|
|
|
|
|
|
Re: سؤال عن مثل سوداني (Re: جعفر محي الدين)
|
سلام عبد الحفيظ
ربنا لا يجعلك من منّ اضاعوا " قَرِيحَهم "
اما عن من منّ اضاعوا "قَرَعاتهم "
فالله غالب ، ولايسعنى الا قول
" أرتاح القَرْعُ من كدَّ الأمشاط ".
| |
|
|
|
|
|
|
|
|
|
Re: سؤال عن مثل سوداني (Re: عبدالحفيظ ابوسن)
|
القراحة ( التطعيم ) كنا صغار . والتعطيم بعمل جرح زمن ما بروح . فكان المثل متسق معاي . هم طفل صغير . صغر الاهتمامات
وغير كده سمعتو منذ سنوات طفولتي كدة. لا يطيب لها الحديث والا ذكرت مثلا
| |
|
|
|
|
|
|
|
|
|
Re: سؤال عن مثل سوداني (Re: عبدالحفيظ ابوسن)
|
القراحة ( التطعيم ) ما أظن دا المراد أولاً المثل قديم ومتوغل في القدم أما (القراحة ـ التطعيم ) فهي حديثة ويكاد يكون حديث طفولة أو وصف فيما بينهم
لذلك أميل لقرعة أكثر فهي أكثر إرتباط بالواقع
| |
|
|
|
|
|
|
|
|
 Re: سؤال عن مثل سوداني (Re: عبدالحفيظ ابوسن)
|
ود اب سن
سلام
ينظر ويفاد بعد اجتماع اللجنة برئاسة المسنوح في امر ادراجك بقائمة بني حنكش
واعطاك فرصة اخيرة للصعود لناس وحاتي شمها
اتا وكت حضرت زمن القراريح اصلك ما جغمت ليك بقنية من قرعة ؟
| |
|
|
|
|
|
|
|
|
|
Re: سؤال عن مثل سوداني (Re: عبد الله شم)
|
تشكرو
لكن يا عادل المثل زاتو ما موغل في القدم
وتعبير القرعة متداول للشحدة
ههههه
ود البوش البوقنبا شربتها لكن ماجربت الحسوة و السورج
تشكر شم
وهو تأبير النخل
كدي عاينو للمثل تاني
| |
|
|
|
|
|
|
|
|
|
Re: سؤال عن مثل سوداني (Re: عبد الله شم)
|
تشكرو
لكن يا عادل المثل زاتو ما موغل في القدم
وتعبير القرعة متداول للشحدة
ههههه
ود البوش البوقنبا شربتها لكن ماجربت الحسوة و السورج
تشكر شم
وهو تأبير النخل
كدي عاينو للمثل تاني
| |
|
|
|
|
|
|
|
|
|
Re: سؤال عن مثل سوداني (Re: بدرالدين بابكر مصطفى)
|
العزيزالخلوق \ ابو سن .
صباح الخير يا وش الخير .
هههههههههههههه يعني يا ابو سن بعد كلامكم مع ود البوش ود شيقوق والمنسي
وقاموسكم المحلي ما بتعرف ( قريعتي ) غايتو بكلمهم ليك يسحبو عضويتك من
مجموعتهم بتاعت الكلام الحصري ههههههههههههههههه . وسلمت
ولي قدام .
| |
|
|
|
|
|
|
|
|
|
Re: سؤال عن مثل سوداني (Re: مني عمسيب)
|
بت عمسيب يا خية
هههههههه
انا بندراوي وديلك ناس خام ساكت ,,,
تعرفي
المثل ده راكب غلط
شنو يعني قريعتي راحت
القريعة تصغير القرع ,,, وقرع ود العباس مية بي قرش والباقي هوادة
لكن راكب لي في مخي كدة وده ما اول غلاط لي
من زمان بغالط فيهو ولسة ما اقتنعت وما قادر اتعامل معاهو كدة
وبرضو المثل
وأكل ما يعجبك وألبس ما يعجب الناس
| |
|
|
|
|
|
|
|
|
|
Re: سؤال عن مثل سوداني (Re: عبدالحفيظ حسن)
|
شكرا عبد الحفيظ
المثل يرمز لبساطة ورقة الحال كما يرمز لسخرية الحاضر من البادي ..
والمرجع فيه القريعة وهي تصغير قرعـة والمثل يضرب لمن يملك قرعة لا غير وضاعت منه القرعة فاهتم لضياعها وطفق يبحث عنها ويسأل الناس عنها بإلحاح
ويريد المثل أن يصور أن مثل هذا الشخص لا شأن لهم في هذا المكان أو في هذا الحال ..
أحمد الشايقي
| |
|
|
|
|
|
|
|
|
|
Re: سؤال عن مثل سوداني (Re: عبدالحفيظ حسن)
|
ود ابوسن سلام
حرم الحنكشة فيك ولا خائله، الحنكشة دى خليها لاسيادها ود المنسى وود البوش وود شيقوق
شوف اسامى الدلع دى ساكت، تسمع الاسماء دى طوالى تتخيلهم حالقين كرستيانو ومجدعين
حول حوض السباحه ولابسين المايوهات وكل واحد معه البشكير وكريم تنعيم البشرة مخير الله!!!
المثل قريعتى راحت وهى تصغير قرعة، ويقال ان جماعة من الهمباتة اغارو على جمال قرية
وسلبوها وقرر اهل القرية الفزع وهو عملية الذهاب لاسترداد الابل السليبة ، وارسلوا احد الاطفال
ليخبر اهل الحى بالنائبة وجهز كل احد منهم سيفه ودرقته والعنده بندقية شالها وملأوا سقوهم وقربهم
ماء وتزودو للمعركة وفى الطريق جبن احدهم عندما سمع القوم يتحدثون عن بطش المعتدين وقوة
شكيمتهم وتمرسهم على القتال فتخلف بحجة انه يريد ان( يقطع الجمار) وواصل البقية سيرهم حتى
ادركوا الغزاة وعندما استردوا ماسلب منهم بعد معركة حامية الوطـ ــــيس ورجعوا لاقو الرجل يفتش
الطريق غادياً ورائحاً سألوا الرجل الذى تخلف عن القتال عن سبب عدم حضوره فقال لهم متل ماكم
شايفين جهزت سيفى ودرقتى وعبيت قربتى موية وكتين نزلت جنب الشديرات ديك قطعت الجمار
ولاحقكم هبشت رحلى لقيتو تمام الا قريعتى راحت وكنت بفتش عليها وده السبب الخلانى ما الحقكم
فاصبح المثل يضرب لمن ينشغل بتوافـ ــه الامور ويترك القضايا الجسام ، يقولو ليك انت مع شنو يا
ناس قريعتى راحت...
ود ابوسن هسه يجوك ناس ود البوش وود شيقوق يقولو ليك اقطع الجمار معناها شنو ياعمو اقعهم خبت،،،
| |
|
|
|
|
|
|
|
|
|
Re: سؤال عن مثل سوداني (Re: صديق الموج)
|
Quote: المثل زاتو ما موغل في القدم
وتعبير القرعة متداول للشحدة
|
كان لمثل ده كانوا شحدوا بسرويس التمرجي .. وبقى مضرب مثل في انبعاجه
بدل نمد قرعتنا لهوا سااااكت مادارين شن العائد
| |
|
|
|
|
|
|
|
|
|
Re: سؤال عن مثل سوداني (Re: كمال الطيب الجميعابي)
|
عبد الحفيظ يا صديق ...
المثل بيقول كما عرفناه ( ناس قريعتي راحت ) ...
وهو مثل وسطي قديم و يقال انو قصته
واحد مسافر في الخلا من ضمن قافله و عنده قرعة بشرب فيها مويتو و روبو ...و يتوضأ منها
و القافلة طبعا تقيف في الليل و تتحرك بالنهار ...
المهم القافله قامت و صاحبك جا يلملم اشياؤه... فقد القرعة ...
و قنب يكوس فيها و القافلة اتحركت ...
و في نص الطريق فقدوه ... و رسلو واحد لي ورا ...
المهم لقاهو لسه يفتش ...
قال لي يازول مالك الناس اتحركت ... و انت بيجاي ...
قام قال ليهو والله ( قريعتي راحت ) ...
فقام عمك طوالي قال ليهو ها يا ناس قريعتي راحت ...
بما معناه انو لو ضيع القافلة و هي الاهم ... ( قريعته ) دى ما حتهبب ليهو اي حاجه ...
و الله اعلم ... :)
| |
|
|
|
|
|
|
|
|
|
Re: سؤال عن مثل سوداني (Re: يحي قباني)
|
| Quote: انا بندراوي وديلك ناس خام ساكت ,,, |
في 2003 كنا في مكة المكرمة في فندق للمعتمرين السودانيين .. في واحد من أعمامنا من قرى الجزيرة شغال في الفندق وكلما جات مجموعة معتمرين يسألني يا ولدي الجماعة دل يا ربي من ناسنا ولا من ناس طبق البيض ؟!!
مرة جاءت اسرة مكونة من كم بنت .. أها قال لي امشي اشوف ليك الجماعة ديل من وين ... جاني بعد شوية وقال لي الجماعة طلعوا ناس طبق البيض ... قلتا ليهو كيف ؟؟؟
قال لي سألتهم قلتا ليهم يا بناتي شوال العيش في السودان وصل كم ؟؟؟ قالوا والله يا عمو ما عارفنو ... قال ليهم طيب طبق البيض بي كم ؟؟؟ قالوا ليه طبق البيض بي 5000 جنيه :) ...
| |
|
|
|
|
|
|
| |
عبدالحفيظ ابوسن
محمد إبراهيم علي
عبد الله شم
جعفر محي الدين
هاشم احمد ادم
عادل البراري
عبدالله ود البوش
بدرالدين بابكر مصطفى
مني عمسيب
محمد هاشم ابوزيد
عبدالحفيظ حسن
أحمد الشايقي
صديق الموج
يحي قباني
nazar hussien
قسم الفضيل مضوي محمد
فيس بوك
تويتر
انستقرام
يوتيوب
بنتيريست