|
|
 مبروك المولود للعزيز شوقي مهدي مصطفى.. وجدوووو (أبوساندرا)..
|
رزق الأخ وزميل المنبر الأستاذ شوقي مهدي مصطفى
وزوجته الأخت ماهيتاب عبدالرحمن بركات بمولود ذكر..
ألف مبروك وحمداً لله على السلامة.. ونسأل الله أن يرزقك بره
ويكون ذخراً لوالديه..
والتهنئة للأخ عبدالرحمن بركات (أبوساندرا).. ونبارك ليهو كمان
الانتقال إلى خانة (الجدود).. ويارب تشوف أحفاد أحفادك..
|
|
 
|
|
|
|
|
|
|
|
Re: مبروك المولود للعزيز شوقي مهدي مصطفى.. وجدوووو (أبوساندرا).. (Re: عبد الوهاب المليك)
|
ما شاء الله .. ما شاء الله .. وتبارك الله احسن الخالقين
نبارك لكم ولوالديه .. وفي قلبي مكانة لاسم جده الاخر مهدي مصطفي ..
وكذلك في قلبي شيء لجده ابو ساندرا .. وإذ عمده هذا الوليد المبارك
جدا فانني ادعوه للانضمام لنقابة الاجداد وهي نقابة تختص بالدفاع
عن حق الاجداد في احفادهم وردع الاباء عن اقامة الحواجز امام
عواطفهم الجياشة نحو الاحفاد او اعتبارها حماية مفسدة لهم ..
الف مبروك والسماية علينا ..
عمر علي حسن
| |
|
|
|
|
|
|
|
|
|
Re: مبروك المولود للعزيز شوقي مهدي مصطفى.. وجدوووو (أبوساندرا).. (Re: عمر علي حسن)
|
أيمن دياب :
Quote: والتهنئة للأخ عبدالرحمن بركات (أبوساندرا).. ونبارك ليهو كمان
الانتقال إلى خانة (الجدود).. ويارب تشوف أحفاد أحفادك.. |
كتر خيرك يا أيمن على إفتراعك البوست وعلى التهنئة الرقيقة
وضعتنا في خانة الجدود ف ما فارقت الحقيقة ، و لن نزور عنها
لكن احفاد الأحفاد فهذه أمنية بعيدة المنال ، بل مستحيلة
ما أكرمك و أوسع تفاؤلك
تقدير عال
| |
|
|
|
|
|
|
|
|
Re: مبروك المولود للعزيز شوقي مهدي مصطفى.. وجدوووو (أبوساندرا).. (Re: عبد المنعم سيد احمد)
|
سعادة اللواء عمر علي حسن :
Quote: ما شاء الله .. ما شاء الله .. وتبارك الله احسن الخالقين
نبارك لكم ولوالديه .. وفي قلبي مكانة لاسم جده الاخر مهدي مصطفي ..
وكذلك في قلبي شيء لجده ابو ساندرا .. وإذ عمده هذا الوليد المبارك
جدا فانني ادعوه للانضمام لنقابة الاجداد وهي نقابة تختص بالدفاع
عن حق الاجداد في احفادهم وردع الاباء عن اقامة الحواجز امام
عواطفهم الجياشة نحو الاحفاد او اعتبارها حماية مفسدة لهم ..
الف مبروك والسماية علينا ..
عمر علي حسن |
عشنا و شفنا زمن اللواءات بيعملوا نقابات ، ده تطور ديمقراطي عميق ، ينقلنا من مرحلة الإنقلابات إلى مرحلة الإنتخابات
الله يحضرنا زمن الدولة الإشتراكية و تخفق رايات العدالة الإجتماعية في ربوع السودان الكبير ، وحينها تكون حدوده لغاية مالي ، و أنا مالي بي
من هسع يا سعادتك بسطت سيطرتي و قعدت شوقي مهدي في علبه
شرفتنا سعادتك
| |
|
|
|
|
|
|
|
|
|
Re: مبروك المولود للعزيز شوقي مهدي مصطفى.. وجدوووو (أبوساندرا).. (Re: أيمن الطيب)
|
محمد ابوالعزائم :
Quote: أبو ساندرا ما مشكلة ........... الحكاية لافقة معاهو ...
لكن رشيدة دي حبوبة كيف يعني؟
مبروك ماهيتاب، شوقي، رشيدة وأبوساندرا. |
هههه طيب يا ريش ، ومع إنك موعود بأن تلحقنا قبل أن يحول الحول
لكنك زي الحبوبة روش ، لن يظهر عليكما الأثر .. كاتمنو في سركم
لكن بعد عشر سنوات ح تنكس الآية وتبقى حكاية
بل رأسك
| |
|
|
|
|
|
|
|
|
|
Re: مبروك المولود للعزيز شوقي مهدي مصطفى.. وجدوووو (أبوساندرا).. (Re: أبو ساندرا)
|
يحي قباني :
Quote: بتحصل في احسن العائلات يا ابو ساندرا ...
الف الف مبروك و عقبال احفاد احفادك انشاء الله .. |
ياخ انا لو عارف الموضوع بهذه البهجة الطاغية
لكنت حرضت البنات ينجبن قبل الزواج ذاتو
فالذي حدث ابهجني جدآ .. و كل العائلة
مابعرف تاني في أحسن العائلات بيكون الوضع كيف ، لكنا في أحسن الحالات
احفاد أحفادي سوف يغطوا عين الشمس
لكني سوف أكون في الضفة الأخرى .. وقد غربت شمسي
عقبالك نغني
| |
|
|
|
|
|
|
|
|
|
Re: مبروك المولود للعزيز شوقي مهدي مصطفى.. وجدوووو (أبوساندرا).. (Re: أبو ساندرا)
|
محمد عمر الفكي :
Quote: مبروك للاخ شوقي والاخت ماهيتاب وللحبوبة رشيدة والجد ابو بركات.
والله ما عارف لكن زمان واحد نصحني وقال لي صاح ان خير الاسماء ما عُبد وحُمد لكن اختا اسم عبدالرحمن
من الشفتو من عبدالرحمن ولدي قربت اصدق الحكاية دي، فشنو الزول العجوز دا ما يغشكم ويقول لكم سموهو علي اسمي
اذا مكضبني شوفو عنوان بوست فتحي الضو في اعلى صفحة المنبر ههههههههههههههه |
ههههههه لا ياخ انا ما بدقس
وتيرابي ما بتكون فيه حتة مرخية زي الأشرت ليها في بوست فتحي الضو دي
و مع ذلك ، تفاديت تمامآ كل المقترحات النادت بأن يحمل المولود إسمي
و إستخدمت كل حيلي و مناوراتي و وسائل الأقناع التي أجيدها
حتى إقتنع الجميع بأن الإسم المناسب للحفيد : يوسف
سموه : يوسف شوقي
ياخ انا بس كفاني ولدك ده .. وعاجبني البيسويه فيك
| |
|
|
|
|
|
|
|
|
|
Re: مبروك المولود للعزيز شوقي مهدي مصطفى.. وجدوووو (أبوساندرا).. (Re: أبو ساندرا)
|
| Quote: عشنا و شفنا زمن اللواءات بيعملوا نقابات |
ياما في الجراب يا حاوي ..
طول بالك علينا شوية لغاية مانموت .. ونطلع لك المستخبي كله
| Quote: بسطت سيطرتي و قعدت شوقي مهدي في علبه |
قلنا لك تعال النقابه عشان نوريك تسيطر علي منو .. وتقعد منو في
علبه .. قعدت تتفولح جبت ضقلها يتلولح
الحق نفسك .. الحاجه ام يوسف ضحكت عليك وشغلتك بشوقي مهدي
الذي لا يستطيع ان يودي ولا يجيب
خمستاشر سنه خبره يا مولانا
عمر علي حسن
| |
|
|
|
|
|
|
|
|
|
|
Re: مبروك المولود للعزيز شوقي مهدي مصطفى.. وجدوووو (أبوساندرا).. (Re: أبو ساندرا)
|
أيمن الطيب :
Quote: الف مبروك لجدو عبدالرحمن بركات وحبوبة رشيدة قدوم حفيدهما الأول
وألف مبروك لزميل المنبر الأستاذ شوقي مهدي مصطفى والأخت ماهيتاب
بركات ويتربى فى عزكم إن شاء الله,, |
بنارك ليك السمح و العديل و الزين
وفي فرحك بنجاح اولادك
طبعآ فرحك بزواجهم دي إحتمال كبير أن لا نحضره
و مؤكد ان نحضرك و أنت جد و عندك حفيد
لكن من باب الحرص ف مبروك مقدمآ
| |
|
|
|
|
|
|
|
|
|
Re: مبروك المولود للعزيز شوقي مهدي مصطفى.. وجدوووو (أبوساندرا).. (Re: أبو ساندرا)
|
عمر علي حسن :
Quote: قلنا لك تعال النقابه عشان نوريك تسيطر علي منو .. وتقعد منو في
علبه .. قعدت تتفولح جبت ضقلها يتلولح |
ما فات شيء ، جهز الفرش لدرس العصر
نصائحك وخبراتك سوف تسمعها أذن واعية
بالمناسبة أمس شرفني سعادة اللواء الركن محمد فضل الله المكي بزيارة
ولما لحظت أنه على عجل
قال: ياخ تركت بنات رانية بتي براهن في البيت ما شي الحقهن
شلت هم ، ان أصير جد بمواصفات سعادة اللواء و اقعد أتجارى
أوع تكون خبراتك من هذه الشاكلة يا سعادتك
| |
|
|
|
|
|
|
|
| |
عبد الوهاب المليك
أبو ساندرا
محمد أبوالعزائم أبوالريش
Tragie Mustafa
معاوية المدير
يحي قباني
محمد عمر الفكي
إبراهيم عبد الحليم
الطيب شيقوق
عبد المنعم سيد احمد
معتصم دفع الله
بكرى ابوبكر
أيمن الطيب
صديق الموج
فيس بوك
تويتر
انستقرام
يوتيوب
بنتيريست