|
سؤال يا جماعة انتو يعني شنو ( كلمة الارو)؟؟؟؟
|
و الواحد لو عاوز يبقى ارو يعمل شنو؟ وهل الصادق المهدي و موسى هلال بقوا اروات؟ والسيدة بتكون اروى . ------- بوست مخستق وغير جادي .. ونتاج لي قرفة .من كلام وزير صحة الخرطوم القال الناس تاكل الضفادع .بس عجبني ليكم يا ناس الخرتوم .انتو اكلو ضفادع ونحن في سنار ناكل باعوض وناس كردفان ياكلو نيم و الجزيرة ياكلوا فيران وهلمجرا. مش قالوا ناكل مما نزرع .حا يجي واحد يسالني وهل القعونج والفيران و البعوض بتزرعوا . اقول ليه اجل يا غلام اما سمعت عن زراعة السمك يا هداك الله.. ...... وشكرا جزيلا الى اللقاء في حلقة قادمة
|
|
|
|
|
|
|
|
Re: سؤال يا جماعة انتو يعني شنو ( كلمة الارو)؟؟؟؟ (Re: امجد الجميعابى)
|
الاخ ناذر الخليفة مداخلتك دي مكتوبة بالحبر السري عموما شكرا بس كنت منتظر الاحابة بس الفيك اتعرفت امجد السماني والله مشتاقين وبعدين تعال هنا انت مش قلت جايي انا جهزت الخروف والكجي مورو و انتظرتك . ولا زلت ......... بالمناسبة انا شمتان في ناس الخرتوم من الهوت دوق للقعونج هههههههه عقبال الحمت رمت
....... ولا زلت في انتظار اجابة السؤال الرئيس للبوست
| |
|
|
|
|
|
|
Re: سؤال يا جماعة انتو يعني شنو ( كلمة الارو)؟؟؟؟ (Re: امجد الجميعابى)
|
الاخ ناذر الخليفة مداخلتك دي مكتوبة بالحبر السري عموما شكرا بس كنت منتظر الاحابة بس الفيك اتعرفت امجد السماني والله مشتاقين وبعدين تعال هنا انت مش قلت جايي انا جهزت الخروف والكجي مورو و انتظرتك . ولا زلت ......... بالمناسبة انا شمتان في ناس الخرتوم من الهوت دوق للقعونج هههههههه عقبال الحمت رمت
....... ولا زلت في انتظار اجابة السؤال الرئيس للبوست
| |
|
|
|
|
|
|
Re: سؤال يا جماعة انتو يعني شنو ( كلمة الارو)؟؟؟؟ (Re: محمد على طه الملك)
|
اخونا على و المتداخلين سلام
Quote: المرأة لايطلق عليها أور بل ( نفر) وعنك نفر تيتي الملكة المشهورة ..[QUOTe عمتى الله يرحمها و يحسن اليها اسمها ست النفر و من ما وعيت على الدنيا محتار فى الاسم ده وكمان زعلان عشان كيف يسموها بى ست الزول الفر او فز او قام جارى .. الان فقط يا ود الملك عرفت معنى الاسم .. ست الملكة ذاتا و تقول لى بوست مخستك يا على !!!!
| |
|
|
|
|
|
|
Re: سؤال يا جماعة انتو يعني شنو ( كلمة الارو)؟؟؟؟ (Re: علي دفع الله)
|
الأخ الحبيب على دفع الله ..
تعرف يا أخى قد ذكرتنى بالذى مضى وانقضى .. بالمناسبة .. قد قمت بتحضير التعليق على هذا البوست .. وبعد الإنتهاء من كتابة التعليق .. وقبيل ارساله .. وبقدرة قادر .. اختفى من الشاشة الغشاشة .. وعمك العجوز .. من غيظه .. خطف مركوبه .. "وقال يا ليل .. وقام متحتحت قوى بالحيل .." هذه من كلمات عمك تنقو .. بقى فكهانى ..
والآن نرجع لموضوعنا .. " معنى كلمة الأرو " .. وكما ذكر البعض هنا .. تعنى المك .. الخ ..
إلا أننى أود أن اسأل .. عن كلمة أخرى مكملة لكلمة " أرو "
هل تتذكروا .. أقصد العجايز مثلى .. هل يتذكرون .. فى القولد التقيت بالصديق .. انعم به من فاضل صديق خرجت أمشى معه فى الساقية ... ويالها من ذكريات باقة فكم أكلت معه الكابيده ... وكم سمعت أرو ألوده ..
فهاتان الكلمتان " أرو ألوده " .. لو كانت كلمة " أرو " مك .. أو المك .. فما معنى كلمة " ألوده " ..
وللأسف قد تغنينا بهذه القصيدة .. مراراً وتكراراً .. أيام الصبا فى المدارس الأولية .. وللأسف الشديد .. لم أذكر قط بأن فسر لنا المدرس آنذاك .. معنى " أرو ألوده "
والمطلوب الآن با أخى على دفع الله .. أن تدفع بالكلمة الأخرى لتكون مع كلمة " أرو " حتى يتكامل المعنى المطلوب .. ونكون وبعد أكثر من ستين عاماً قد حققنا تقدماً ملحوظاً .. لجعل العجايز مثلى يعرفون معنى " أرو ألوده " ..
والآن .. أدعو الله بأن أكمل هذه الجمل الأخيرة لأقوم بارساله .. بالضغط على " أضف رد " .. قبل أن يختفى .. كما سبق ..
المهم .. نرجو منكم .. احالة كلمة " ألوده " لتصاحب " أرو " .. حتى نتعلم سوياً .. والرب يبارك حياتكم .. أخوكم وعمكم العجوز .. ارنست +++
| |
|
|
|
|
|
|
Re: سؤال يا جماعة انتو يعني شنو ( كلمة الارو)؟؟؟؟ (Re: aydaroos)
|
الاخوة الاعزة الجميلين:- الاستاذ قصي الاستاذة تراجي الاستاذ محمد طه الملك الاستاذ جلالدونا الاستاذ الهادي ابو بكر العم الاستاذ ارنست سوداني شباب الاستاذ احمد صالح الاستاذ كمال الجميعابي الاستاذ عيدروس ---------- عظيم امتناني لاحياء رميم عظام فكرة البوست التي بدأتها غير جادة ولكن بعد مروركم شمرت عن ساعد الجدية لمواصلة البوست ولكن النت والكتابة من الموبايل بالاضاقة للشحن تقف حجر عثرة لاني في الفيافي وبعد ردي ساكون وصلت عمق الفيافي في المشاريع الزراعية كنت اتمنى المواصلة ولكن لحين ميسرة . ------ مودتي لكم جميعا
| |
|
|
|
|
|
|
Re: سؤال يا جماعة انتو يعني شنو ( كلمة الارو)؟؟؟؟ (Re: usama Babiker)
|
فى القولد التقيت بالصديـق أنعم به من فاضل ، صديقى خرجت أمشى معه للساقية ويا لها من ذكريات باقيــة فكم أكلت معــه الكابيدا وكــم سمعت آور أو ألودا ***
عمنا ارنست والله الجملة حاولت اعرف معناها بس الظاهر انها من اللهجة الدنقلاوية العويصة، فأحيل الامر لود الملك لعله ضليع فيها،،،
وكمان شكلها مختلفة عن الكلمة [أرو] امكن تكون هي نفسها بس ونحن حرفناها.
| |
|
|
|
|
|
|
Re: سؤال يا جماعة انتو يعني شنو ( كلمة الارو)؟؟؟؟ (Re: الهادي ابوبكر)
|
يا جماعة قلنا ليكم ما (أرو ) بل (أور) الواو متقدمة على الراء .. وقلنا من انشقاقات ( أور ) أورباب أو ارباب .. أما (أرو) بالفتح فتعني المطر .. وإذا نطقت بضم الألف تعني النهر .. برضو الارو بالمعنى الاورده الجميعابي صحيح ويعرف عند البعض بالمشاهرة.. بالنسبة لسؤال الأستاذ أرنست (ايور وا الودا) .. (ايور) يعني دور كما تعني أزرع .. (ألودة ) وزينة .. المقطع في جملته بلاغي يتحدث عن الساقية ويعرض هزيج قائد الساقية ( اورتي ) أثناء دورانها .. حيث يخاطب ثوره الذي يدور بالحلقة ويقول له ( ايور ) أي دور .. ويشبه ثوره في جماله وحركته الثابتة البطيئة وهو يدور بالحلقة .. بالوزينة حين تسبح ببطء متهادية فوق صفحة الماء .. : ود دفع الله تبيع ^ _ ^.
| |
|
|
|
|
|
|
Re: سؤال يا جماعة انتو يعني شنو ( كلمة الارو)؟؟؟؟ (Re: الهادي ابوبكر)
|
Quote: سلامات على الأكارم والكريمات .. |
الكريمات دي بتاعة الجلبطة، واللآ شنو ؟.
أها، بايت القوا يعني شنو ؟. بايت عرفناها، القوا يعني شنو ؟. يقولك، الولد دا بايت السنة دي. يعني في المدرسة. يعني مربِت. مربِت دي جات من وين زاتا ؟. تنقليزي عربي !.
يا عمي أرنست، الكبيدا يعني شنو ؟. باقي أنا زول بندر.
تحياتي لعلوّب وباقي اللآلوّب...
| |
|
|
|
|
|
|
Re: سؤال يا جماعة انتو يعني شنو ( كلمة الارو)؟؟؟؟ (Re: معاوية المدير)
|
الأخ الحبيب معاوية المدير .. شكراً لرسالتك .. وإجابة على سؤالك .. ما معنى الكابيدا .. أعتقد .. وكما يقولون .. و الله أعلم .. معناها " القراصة " ..
حقيقة .. بعد طيلة هذه السنوات .. قد فقهت .. قد ظلمونا .. لعدم اعلامنا .. بمعانى تلك الكلمات ..
وإن شاء الله نجد بالمنبر أو حتى عن طريق الفيس بوك .. أحداً .. يعلمنا .. مرة أخرى شكراً أخى معاوية .. لهذه المحادثة .. والرب يبارك حياتكم .. عمكم العجوز .. ارنست +++
| |
|
|
|
|
|
|
| |