|
Re: قيامة منبر أسفيري .. عاجل !! (Re: أمير عثمان)
|
سلام حيدر وضيوفه ولا نقول إلا ما كان للوطن فضل منفعه فيه وننأي مواطن الزلل ونحتقب هم زغب صغار ولدتهم امهاتهم احرار فأستعبدهم طفبايع الخلل الانساني شاكرا لك حسن ظنك في شخصي وأظنني دون مواطئ اقدام من ذكرت و لكنه يشرفني ان يكون لترهاتي قارئا مثلكم كتر خيرك ياخ
| |
|
|
|
|
|
|
Re: قيامة منبر أسفيري .. عاجل !! (Re: محمد حيدر المشرف)
|
الاصدقاء الاصدقاء ..
تذكرت ميقات الفجيعة الوارد في نص غناء العزلة للصادق الرضي .. ميقات الفجيعة وذلك الفراغ العاطفي/الوطني
لم أقل : إن الفضيحة قد ترآءت في تلافيف العمامةِ وامتداد اللحية - الزيفِ لماذا لم تقل ؟ إن العماراتِ استطالت أفرغت أطفالك الجوعى على ###### الرصيفْ ومقيات الفيجعة ، والفراغ العاطفيِّ الوطنيِّ الآن لن نبكي ولكن مَنْ يساوم بالغدِ الآتي !وماذا سوف نخسرُ؟
ماذا سوف نخسر لو حاولنا الانتباه لتفاصيل ذلك الوطن الحزين .. ماذا حدث ولماذا ؟!! ما ضاع يا بله ولكن كيف نجبر تلك الكسور ؟!! سيف وأمير وابوسن وحمد وجميعنا.. كيف الرجوع لتلك البدايات الخاطئة كي نقوم ما استطعنا مستقبل البلد .. فات الاوان ؟!!
| |
|
|
|
|
|
|
Re: قيامة منبر أسفيري .. عاجل !! (Re: محمد حيدر المشرف)
|
كل سنة و انت بخير د . محمد
أتشرف بكلماتك الطيبات .
الحمدلله ان عقلاء المنبر كثر، و بلا مجاملة انت من اوائلهم .
أتعلم يوميا أن بعض الناس لا يستحقون أن تغضب منهم .
أتمنى أن نرى المزيد من كتاباتك الرصينة .
عن نفسى لن يوقفنى سوى نفسى او م .بكرى لا سمح الله .
احترامى .
| |
|
|
|
|
|
|
Re: قيامة منبر أسفيري .. عاجل !! (Re: محمد حيدر المشرف)
|
شكرا للاستاذ والاخ العزيز كمال عباس ..
ليت الناس تفهم وتدرك الذي تقوله .. لو فعلوا لما انخرطوا في حوارات مأزومة جدا ودائرية لا علاقة لها بجوهر الازمة الحقيقية للنظام ومنسوبيه ..
عزيزتي نعمات عماد .. في الحقيقة لفتت انتباهي بوستاتك حول ماساة السيول والامطار .. التزام جميل بالقضية وموضوعية تامة ..
شكرا جزيلا ..
| |
|
|
|
|
|
|
Re: قيامة منبر أسفيري .. عاجل !! (Re: محمد حيدر المشرف)
|
لم يفت الوقت يا دكتور المشرف ، الأيام القادمات ، أحسبها من هسع وحتى مايو 2015 ، حبلى بالبشريات السلطة عاجزة و مرخرخة و مزنوقة ، و الرفض العام قام و إستوى ، يعبر عنه في المناقشات و الونسات في بيوت اللمات و الملمات وسوف يلي ذلك ، أي الونسات وتفريغ شحنات الغضب في النقد ، أن يبدأ الناس في التفكير و التخطيط والتدبير .. ليغيروا الوضع ويرفعوا المسغبة والضنك عنهم وعن وطنهم
| |
|
|
|
|
|
|
Re: قيامة منبر أسفيري .. عاجل !! (Re: محمد حيدر المشرف)
|
يا ود المشرف .. سلام يا سيدي المنبر دا بعكس صورة عن واقعنا, وما هو منبر شو عشان الناس تتجمّل وتبدو عكس حقيقتها كون فيه كيزان موجودين و المزيد منهم قادم فدا شي طبيعي طالما الواقع الحقيقي فيه كيزان, هم بقولوا عضويتهم خمسة مليون طلّع مليون انتهازيين ناس بعد الفتح ومليون مكابرين أهلهم وأصحابهم ومليون جابهم الدرب و مليون دايشين و خمسمية الف مصدّقين قصّة هي لله و تلتمية جابتهم كجنتهم للشوايعة اها الناس ديل الترابي يزازي بيهم من الستينات ما بكون لا أسّي دبّر الميتين الف الباقين ديل !! أها بالتالي طالما يوجد كيزان مقتنعين بالفكرة ح تسوّي ليهم شنو؟ ح تلغي وجودهم! تعزلهم, تقصيهم .. طبعا لأ, يبقى زي ما مضطرين نقبل وجودهم في الواقع تقبلو في الأسافير, وتحاورهم وتزانقهم و تفتح اكياسهم الفاضية و تقعّدهم في السهلة بقواعد اللعبة المرعية هنا. بالنسبة للعنصريين و السفلة والساقطين و ناس اللغة المنحطة و المطاعنات و الشخصنة فللأسف برضو دا واقعنا كدا, نحن لسنا مجتمع ملائكة و لا حتى كمجتمعات البشر في الدول التي سبقتنا بمراحل في تعريف و فهم حقوق وحدود الفرد و المجتمع و وسنوّا القوانين و انفذوها على الجميع نحنا لسّة ما بنعرف حاجة اسمها خصوصية ولا قانون و حق آخر, بل يا ود المشرّف في الواقع بنقتل عديل كدا ونغتصب الاخر ودمه وماله حلال بس كيف يختلف معاي سواء في راي أو حق أو حتى عرق و قبيلة.
كلامي دا ما معناه طالما الواقع سيئ الناس تستسلم و تربّع يدينها, على حسب الوعي المفترض توافره الناس تراعي للقوانين و الأعراف البتحكم علاقات الناس و خلافاتها وحقوقها ... إلخ و الناس كبار للدرجة الما بتحوّجهم لزول يساككهم و يطبق فيهم لائحة, لكن تقول شنو بس, لامن تعير الناس بتستسهل خيار أدّيها سوط عن قصة سكّها و لجمها.
| |
|
|
|
|
|
|
Re: قيامة منبر أسفيري .. عاجل !! (Re: محمد البشرى الخضر)
|
و دونك المآلات الوشيكة مقتطف من موضوعنا .. قرآءة إستباقية .....الخ كتبت:
Quote: فالشاهد أن السلطة عاجزة عن إيجاد أي مخرج لأزماتها وخاصة الأزمة الإقتصادية وقريب جدآ سوف تنفذ السلطة الفاسدة البرنامج رقم 14 الذي تتكم السلطة عليه وهو يتعلق بالرفع التام للدعم عن السلع وذلك في نهاية هذا العام او في مطلع العام 2015 ، و تتخوف السلطة من ردود فعل الشارع حيث تتوقع مظاهرات لن تستطيع قمعها هذه المرة كما فعلت في مواجهة انتفاضة سبتمبر 2013 لأن عيون العالم باتت مفتوحة تجاه ما يحدث في السودان لذلك قد يتم تأجيل قرار زيادة الأسعار خاصة البنزين الذي قد يبلغ 42 جنيهآ و الخبز ، إلى حين إجراء الإنتخابات في ابريل 2015 حتى يتم توريط أكبر عدد من القوى السياسية التي ستشارك في الإنتخابات و في السلطة ( راجع مقال بابكر فيصل بابكر .. مرة أخرى رفع الدعم لن يحل الأزمة الإقتصادية المستفحلة .. فس سودانايل بتاريخ 8/8/2014 |
| |
|
|
|
|
|
|
Re: قيامة منبر أسفيري .. عاجل !! (Re: أبو ساندرا)
|
مداخلتي كالعاده لا تنزل بردا وسلاما علي محمد المشرف
وونوع مداخلات الناس في بوسته الكلها عازفه في اتجاه واحد.
هل بالصدفه انه كتابه المفضلين او ايا كانت مسمياتهم كلهم من المركز؟!
Quote: شكرا نعمات عماد .. عبدالحميد البرنس .. عبدالحفيظ أبو سن .. ابوساندرا محمد المرتضى حامد .. مصطفى مدثر .. الكيك .. اسامة العوض بشرى الفاضل .. د. محمد حسن و .. آخرون !!
|
ولا ناس محجوب علي العلمانين وشراقه ديل ما جاملتوهم….هههههههههههه
ولا ناس سمير كوكو المسالمين دي ما اتذكرتوهم
ويقولوا لك السودان اتفرتق ليه؟!
وسلموا لي علي عزام صديقكم بقطر.
| |
|
|
|
|
|
|
Re: قيامة منبر أسفيري .. عاجل !! (Re: Tragie Mustafa)
|
العزيزة تراجي مصطفي سلامات وكيف الحال ..
سمير ومحجوب هما على رأس القائمة مافي ذلك شك .. كل الاسماء التي انزلتها هنا انزلتها من بوستات في الصفحة الاولى عند الكتابة .. كلهم اصحاب بوستات في الصفحة الاولى .. لذلك غاب زول زي كمال عباس .. وغاب أحمد طراوة .. وخالد كودي .. ومحمد سليمان .. ونجلاء سيد احمد واشراقة مصطفى .. والسنوسي بدر وآخرون وآخرون ..
مودتي التي لا تعلمين ..
| |
|
|
|
|
|
|
Re: قيامة منبر أسفيري .. عاجل !! (Re: محمد حيدر المشرف)
|
والله يا دكتورنا وعزيزنا ود المشرف لامن نقراك بنحس برد الروح وبتعود لينا النسمة من خلال حروفك هنا
زمان ايام النور عنقرة وجماعتو شغالين عسس. وجو لاقو ست مريسة خاته ازيارها في السهلة ونزل واحد من جماعة النور سالها قال ليها ده شنو؟ ماردت بل فتحت الزير وزولنا طوالي ختا يدو في الكاس وغمسو جوة الزير وتناولو بارد نفوع.... اها النور عنقرة سالو قالو ده شنو ؟ قام الراجل قال ليهو والله يا سيدي انا ما عرفتو لكين هاك ضوقو انتا
اها الكيزان ان ما ضاقوا الزرزرة هنا وهناك ما بعرفو الله واحد فخلينا زي ما قال اخونا ود البشري نقعدهم في السهلة زي ازيار المريسة ونفرج فيهم خلق الله وهم بلا قيم.
| |
|
|
|
|
|
|
|