كتب الكاتب الفاتح جبرا المتوفرة بمعرض الدوحة
|
يا ناس الاعلام هوووووي ياتو حارة منتظرين بيها كاميراتكم دي؟
|
الاعلام صار صناعة industry
الترويج صار صناعة -industry
شنو ضاربين الخرطوم متابعين ليكم فقاعات حوار فارغة و مهرولين وراء احداث مصنوعة
يا اخوانا اسدروا بكاميراتكم دي ضهاري السودان في هذه لايام المطيرة عشان تعكسوا للعالم جمال طبيعتنا و خصوبة اراضينا و محقتنا وسجمنا نحن الزي ابل الرحيل شايلة السقا وعطشانا
|
|
|
|
|
|
|
|
Re: يا ناس الاعلام هوووووي ياتو حارة منتظرين بيها كاميراتكم دي؟ (Re: رشا بابكر)
|
رشا بت ابوي بابكر
Quote: والله سودانا ده من أجمل اماكن الدنيا بس علي قولك إيد الأعلام القصيرة هي الخلت جمالو مغتغت ومافي زولن شايفو يا الطيب أنا هوايتي التصوير وحرييفة فيهو بس مكتفاني الغربة أنت بس أمّن لي لاندكروزر 2014 وكاميرا ( كانون ) وليك علي اتروس ليك الصور المدهشة |
والله كلامك عين الحقيقة
ولو طلعتي على بلدنا اهلك ناس الدندر هناك ومنهم اتلهمتي البطانة واخدتي ليك لوشة جهة المفازة وجيتي راجعة في جبال الفاو وهي تكسوها خضرتها الزاهية اخخخخخخخخخخخخخخخخخ حاجة ترد الروح عديييييييل
انت بس اخمشي معاك ابو علاء وتعالي لينا تلقينا جاهزين ليكم موية ونار علا يغلبكم التصوير
| |
|
|
|
|
|
|
Re: يا ناس الاعلام هوووووي ياتو حارة منتظرين بيها كاميراتكم دي؟ (Re: الطيب شيقوق)
|
يا ود شيقوق بالله كان تنبز فرز إنت قاصد يا تو إعلام غايتو في الشيء الشايفوا أنا دا ناس التلفزيون والإذاعة وجرايد السودان ديل وحاتك ما بفوتوا سيدي الريس دا لحظة كان عدل نعلاتو يصوروه وكان قدل يصوروه وكمان كان أخد ليه رتبة ونقز عينك ما تشوف إلا الفلاشات يتلاصفن ما لك دايرن يتلهموا الخلا ونوم البعوض وسفر اللواري الخايضة في الطين
| |
|
|
|
|
|
|
|