|
سيرة باكستانية فى شارع المسجد ( الوم رووك ) بيرمنجهام
|
سيرة باكستانية كاربة فى شارع المسجد ( الوم رووك ) بيرمنجهام !!!!! ذكرت لكم اليوم فى سرد الدرس اليومى أننى طالع مشاوير كثيرة ومهمه وخرجت الحادية عشر ولم أرجع إلا الساعة والنصف عصراً !! أتغديت سريع لأن العصر السابعة طلعت على الصلاة وأنا راجع على البيت تقابلنى سيرة باكستانية كاربة أتنين باكستان يدقون على ( الدنب ) وهى تشبة النحاس ولكن معلقة على الرقبة ، الدقة تشبة الدقات السودانية !! وقفت دقيقة لكى أسجل ( الملاحيظ ) وجدت شغل النساء ( لا مؤاخذة )!!!!! مييت والغناء ضعيف وعدد النساء فى حدود 15 ويتقدمهن العريس والعروس بالزى الباكستانى الشعبى السيرة من المنزل 79 الى المنزل 19 ( يعنى جيران )!!!! وبراى قلت للنسوان والله يا ريت لو جابو ليكن سيرة سودانية وسمعتن النسوان السودانيات ( كيفن بهبكن الدلوكة )؟؟!!! والغناية بصوت كلو ( حلويه ) تقول الليلة ساير لى بيت القبايل العجبنا ليه !! وحننى يا أمو والقرش ما بهمو العجبنا ليه !! ولو كانت السيرة جاية من مكان بعيد يقولن ( أم العروس جيناك برانا البلد بعييد والعجاج ملانا !! وحسى حسى يا أم العروس حسى وقابلينا بالببسى يا أم العروووس !!!! . عندما دخلت البيت أردت أن أضع المدام فى الصورة فقد لها الليلة شفت لى سيرة باكستانية فى شارع الجامع !! قالت لى سمعت الدقة وانا فى الحديقة بشر لى فى هدوووم !! وبراى قلت الدقة السودانية دى شنو يا ربى ؟؟ وضحكنا زيين فى الموضوع وقلت تضحكو معانا والدنيا قبايل عييد ، ومن بيرمنجهام سلام وحديث وسيرة كمان . LikeLike · · Share Awad Widatallah Husein likes this.
Awad Widatallah Husein ان شاء لله دايما ضاحكين . 44 mins · Like
إبوعلي مختار بختكم ماتشوف لي عروس من الخواجات ديل عشان نوريهم السيره الدوسانيه كيف 23 mins · Like
بشرى مبارك مبارك إدريس من الخواجات لى شنو الباكستانيات المسلمات ما أحسن ليييك ههههههههه!!! تحياتى . 6 mins · Like
بشرى مبارك مبارك إدريس نزلت على المدام من فوق ، قلت أكييد عايزه تقول لى يا راجل إنت مساهر لى الساعة إطناشر بالليل وبكره شغال ؟؟ ما تمشى تنوم ؟؟ رغم أننى نمت ( بعد السيرة ) ساعتين !!!!! والله التقول كنت بعرض فيها !! قالت لى وهى محتجه قرييت موضوعك بتاع السيرة لكن كلمة ( لا مؤاخذة) بعد النساء ما عجبتنى ؟؟؟ قلت ليها الموضوع مكتوب لى ناس الشرطة وهناك ثلاثة كلمات وردت فى الموضوع ( وهى ملاحيظ ، لا مؤاخذه ، حلويه ) كلها تخص قاموس الراحل تاج السر محمد حامد الباتيرا أشهر تعلمجى فى تأريخ كلية الشرطة من 1957م وحتى 1983م وسعادة المشير عمر على حسن فى بوست الباتيرا فى سودانيز أون لاين أستعمل هذه المصطلحات واللغة الباتيرية كثيراً حتى تعودت كتابتها فى الكثير من المواضيع وأعتذرت للمدام أننى لا أقصد التقليل من قيمة النساء إطلاقاً
|
|
|
|
|
|