|
|
|
 Re: أجمل التهاني..غدا الإثنين أول أيام العيد ...في سيدني... في أستراليا... (Re: Magdi Is'hag)
|
الفاضل د.مجدي
كل عام و انت بخير
وبدين الزيك منو اريته حالي هههههههه عريس وبلاد جديده ههههههه!
يا زول لو بتسمع كلامي استراليا اسمح من بلدكم الشينه بريطانيا
مع انه عارفاكم ما بترضوا فيها.
يا زول تمتع ببلاد الشمس المشرقه تلك.
وحيشانهم الكبيره و بيوتهم السمحه.
تلقي شيتكم قاجه و شربوتكم كمان.
ومبروك يا ابتسام
وربنا يهنيكم و يباركم.
ويا ناس حلولي رغم لمضاتكم و طولة لسانكم
بلدكم سمحه عاد نقول شنو!!
| |
  
|
|
|
|
|
|
|
|
Re: أجمل التهاني..غدا الإثنين أول أيام العيد ...في سيدني... في أستراليا... (Re: Tragie Mustafa)
|
العزيزه تراجي
أكضب يعني
حقيقيه بلدهم اجمل من بريطانيا.....وجوهم أجمل بي مراحل
وحنستمتع الليله بي الباربكيو مع درجة حراره ما اكتر من18
لكن والله انا ما زول نعمه...والجمال ده كله ما قادر أستمتع بيهو
مشتاق لي عيد الكوه
ولمة الناس والشربوت والعصر في البحر
وحوامتي في دروب أمدرمان سلام يا بيت وحباب يا بيت
يا زوله بس نقول شنو غير الله غالب
وربنا يحقق الأماني
والسنه دي ما الجايه ..ما عندنا غير أمنيه واحده
..يفوتوا هم...والخير يعم...وترجع البلد ما زي زمان بل أجمل.....ما فيها طفلا قاعد في معسكر ولا مندسي في جبل
ولا أما خايفه من صوت المدافع.....وكل الناس تشعر بي حقها في البلد لا أبيض ولاأزرق ولا أخدر ولا مسيحي ولا مسلم ولاوثتني كلهم.....................سوا...كل الناس صحاب وكل الناس أهل
قولي آآآآآآآآمين
لك الود
مجدي إبتسام
| |
|
|
|
|
|
|
| |
Elmosley
معاوية الزبير
Hololy
الفاضل يسن عثمان
عماد الشبلي
Tragie Mustafa
الزنجي
فيس بوك
تويتر
انستقرام
يوتيوب
بنتيريست