كتب الكاتب الفاتح جبرا المتوفرة بمعرض الدوحة
|
Re: عادل عبد العاطي .. نبي عديييل كدة !! (Re: عصام دهب)
|
و كأنما عين عنية أصابت محسناً .. حين أنصرف الى عوالم يسبر أغوارها .. و توغل فيها حتى و تاه و تاه .. حتى خرج للناس هنا معلنا نفسه : أنه .. النبي المعجنو ربو أو كما شطح ..
{ إنّني هِبَة البارئ، المهدي المنتظر، المهدي أي التائب إلى ربّه، والنبي الطائر، المؤيَّد بنار اليشب وبمذراة الحياة والطاقة، وريث السيّد المسيح عليه السلام، المأذون بإحياء الموتى والطيران وفعل الخوارق، من سيؤمُّ المسلمين في المسجد الأقصى. ومَن أسماه السيِّد المسيح بـ(المُدَلَّل عند ربّه) المعجّنو ربّو. }
| |
|
|
|
|
|
|
Re: عادل عبد العاطي .. نبي عديييل كدة !! (Re: عصام دهب)
|
و من عجائب ما لاقيت في هذا ( البورضي ) .. بعض( الأزوال ) يشوف أخوهو و رفيقه ماشي على النار .. يقوم يدفروا عليها و يزيدوا حطب و بنزين كمان .. هؤلاء هم أصدقاء و معجبي محسن خالد .. الذين زينوا له ما توهم .. بل أن منهم من بايعه نبياً .. و نصب نفسه صحابياً .. و لربما توهم أنه بدعم محسن في وهمته تلك .. لربما يكون من زمرة .. ( السابقون السابقون أولئك المقربون )
| |
|
|
|
|
|
|
Re: عادل عبد العاطي .. نبي عديييل كدة !! (Re: عصام دهب)
|
ده زول مضيع زمنو وزمن غيرو من الناس البتقرأ وتشارك معاه في هذه الخزعبلات ... جايب جداول وأرقام ما أنزل الله بها من سلطان قال عايز إحدد موعد يوم القيامة ...!! بالله ده زول طبيعي ؟؟؟؟ مسكين ياخي الله يكون في عونو ..
| |
|
|
|
|
|
|
Re: عادل عبد العاطي .. نبي عديييل كدة !! (Re: mohmmed said ahmed)
|
قال ليك يا عصام انو واحد اسمو عبد الرسول يوم بالليل نائم في الحوش سمع حركة في الشارع اها قام يشوف الحاصل شنو اتاري بنات الحلة كانن ملمومات في بيت واحدة منهن و ما حسن بالزمن الا لما أتأخر شديد قامن مرقن يدبن بالحيطان و الخوف كاتلن اها لمن جو جمب بيت عمك عبد الرسول و هو حس بالحركة و مرق البنات من الخوف لأمن قعدن في الواطة قام عمك قالهن: يا بنات ما تخافن انا عمكن عبد الرسول، قامن بنفس واحد كلهن قالن :عليه الصلاة و السلام
| |
|
|
|
|
|
|
Re: عادل عبد العاطي .. نبي عديييل كدة !! (Re: عصام دهب)
|
Suliman Raffai · Los Angeles, California
بتخلوا قلة الأدب متين يا شيوعيين؟ نبي في عينك
ـــ
حكاية إني شيوعي دي مشيتها ليك بمناسبة رمضان و كدة ..
لكن ( نبي في عينك ) دي ما زيها زي ( يلعن دينك ) .. هسة ما جرحت ليك صيامك بالله؟؟ الغاصبك شنو و الرسل ليك ناداك منو ؟؟ ( صوموا تصحوا )..
| |
|
|
|
|
|
|
Re: عادل عبد العاطي .. نبي عديييل كدة !! (Re: عصام دهب)
|
كل مره اقول لي نفسي ... ياخي محسن دا اكيد بهظر لكين بس المره دي تقل الهظار و طول المده لحدي اسه ما قادر اقتنع انو هو جادي في كلامو دا. و الله يكضب الشينة لكين بي صراحة عجبني لي عادل عبدالعاطي اصلا اللقب دا كان ناقصو من زمان مما يفتح الباب علي مصراعية للنقاش ... و بي نفس المعادلات الرياضية اسه بكري ابوبكر دا ما بكون (نوح)؟
تحياتي يا عصام و من خلالك للزملاء المتداخلين
| |
|
|
|
|
|
|
Re: عادل عبد العاطي .. نبي عديييل كدة !! (Re: ناصر احمد الامين)
|
Dahab Telbo · متابعة · ناشط في حركة أحرار السودان
ياجماعة محسن خالد نبي ولكنه كاذب هذا ما اؤمن به لكن خلي انحكي ليكم قصة كنا برالمة في النيلين وساكنين طيارات (بدون تسجيل)في داخلية الاسلاميه كان ساكن معانا واحد من قرية الحديبه واسمو حامد وبناديهو بحامد كرزاي بقرى في الاسلاميه اها يوم كده جانا ونحن خلاص بقيلنا على النوم قام قال لينا ياجماعة سمعتوا بنبي الله الخضر قلنا لي بالحيل قال خلاص انا نبي الله الكرز غيتو جطنا كتيير في النهايه امن بي عباس وهو تلاتيني من معمرين الداخلية وبايعو المهم نمنا والحكايه مشت امن من امن وكفر من كفر فيوم كده جوعنا شدييد ومفلسين الغرفة كلها عدمانه الفكة المهم نمنا بي جوعنا نص الليل جا شيخ محمد (كان شغال طلبه) لقانا نايمين وكان شايل معاهو كيك وبارد وبعد لقانا نمنا ماصحى الناس ختاها ونام نص الليل نبي الله الكرز قام لقى الكيكه والبارد فصحى سعد (وكان رأس الكفر وكان بنادي بود الكنيسه ) ود الكنيسه قم حقو بعد ده تؤمن بي سعد قال في شنو؟ قام قال لي هسي جبريل جاني ونزل لي الكيكه والبارد البتشوفهن في الواطة ديل فود الكنيسه ختفك ختف البارد والكيك وقال لي قول لجبريل ينزل ليك تاني
| |
|
|
|
|
|
|
|