|
|
|
 Re: الرئيس يسمعك .... ماهي رسالتك له؟ (Re: صلاح غريبة)
|
العميد عمر البشير
أنت سارق سلطة
بليل والناس نيام
أرجع الحق لاصحابه
(الشعب السوداني)
وهو يعرف ما يصنع بحياته
بعدها تحاكم علي ما أرتكبت من جرائم
أمام محاكم عادلة سودانية
ثم نسلمك لمحاكم العدالة الدولية
(ما في داعي نحكي ليك عن عمايلك في الاقتصاد السوداني
من تدمير لمشروع الجزيرة
والسكة حديد
والخطوط البحرية
والخطوط الجوية
والبوستة
والنقل النهري
والنقل الميكانيكي
وعيك
أظنك عارف أي حاجة.
برضو ما حنكلمك عن الفساد
إنت عارف أي حاجة
ودي حاجات تتقال في سوح العدالة
وبنديك حقك في الدفاع عن نفسك حينها)
| |
 
|
|
|
|
|
|
|
 Re: الرئيس يسمعك .... ماهي رسالتك له؟ (Re: Alshafea Ibrahim)
|
قُولُو قالك ود المدير، عندك شنكلين نحاس وسلبة
اللّت لِيّف نخل تمشي تستلِمِن من ود الفكي وتجي
تعتِل معانا بدل قُعاد ساكت.
وما تنسى تديهو بوسة في خده الأيمن، وإن أدآر
لك الأيسر فأصفعه لأنه يستحق الصفع.
صبّ الله عليه الصادات في هذا الشهر المبارك،
وهي الصرف والصفع والصلب...
| |
|
|
|
|
|
|
|
|
|
Re: الرئيس يسمعك .... ماهي رسالتك له؟ (Re: معاوية المدير)
|
انت متاكد هو
بسمع زي سمعنا ده وبشوف زي شوفنا الشايفنو وشايفو كل مواطن الا من نسوا الله فانساهم انفسهم
انت بلا شك وبشيرك منهم
على العموم حيجي يوم حيسمع ويقف على الملاء ويقول فهمتكم ووقتها حيكون فات وقت الفهم
تحسبونه بعيداً ونراه قريب وات لا محال
| |
|
|
|
|
|
|
|
|
|
Re: الرئيس يسمعك .... ماهي رسالتك له؟ (Re: فرح الطاهر ابو روضة)
|
الشعب السودانى عن بكرة أبيه ملتف حول حكومة الإنقاذ وزعيمها
المفدى عمر البشير لأنها أقامت العدل وبسطت الشورى وحاربت الفساد
فحصلت نهضة شاملة فى كافة المجالات فصار مشروع الجزيرة غُرة
فى جبين الوطن والسكك الحديدية تهز وترز وناقلنا الوطنى أصبح له
وجود مؤثر فى كل مطارات العالم وسفننا تجوب كل موانئ العالم
محملة بخيرات السودان . علشان كده نطلب منك الإسنمرار فى حكم
البلد الى أجل غير مسمى ونرجو منك النظر بعين العطف لسيادة خبيرنا
الهُمام ولا بد من تنصيبه وزيرا أو سفيرا أو واليا أو مندوبا للسودان بالأمم
المتحدة أو مديرا لنك السودان أو مديرا لسونا .
| |
|
|
|
|
|
|
|
|
|
Re: الرئيس يسمعك .... ماهي رسالتك له؟ (Re: فرح الطاهر ابو روضة)
|
تحية طيبة
ورمضان كريم
وعملاً بفقه المؤمن صديق نوجه رسالتنا .
...........................................................
بحكم الواقع ووضع اليد نخاطبك بصفتك رئيساً للسودان
لو كنت تعلم فهذه مصيبة ولو كنت لا تعلم فهي الكارثة بعينها
يعاني الناس في دارفور وجبال النوبة بسبب الحرب التي انتم طرف اساسي فيها وعليكم بالسعي لوقف فوري لاطلاق النار
لضمان مساعدة المدنيين (مراقبة اممية افريقية لا يهم المهم هو وقف اطلاق النار) ومن ثم السعي لحل الاشكال .
..........................
قد تردى الحال ووصل الناس الى مراحل تكبد المشاق والسهر طول الليل من اجل الحصول على ما يكفي حاجتهم
غلاء الاسعار يؤثر على الطبقة الكادحة وهم غالبية لا قلة .
خطط الاصلاح الاقتصادي لم تكن بالمستوى المطلوب وغير مجدية.
تناسى الناس القبلية والجهوية فيما سبق وتنامت في عهدك فقد تمت رعايتها وتقويتها باوامر الدولة والنتيجة تناحر وتنافر بين مكونات المجتمع قد تفضي الى مزيد من التشرذم .
كما غنى السقيد (الحوجة سيفا سنين تبتر رقاب الجاه) هناك من باع شرفه من اجل قوت عياله لا اسميه انحلال اخلاقي ولكنه نتيجة حتمية للسياسة الاقتصادية المتبعة .
فيما يخص السلطة
ابرمتم مئات الاتفاقيات ولم يتم تنفيذها والمسؤولية على عاتقك بصفتك التي خاطبناك بها اعلاه .
الحكومة هي صاحبة الكفة المرجحة في الخيارات ولو اردتم حلاً ناجعاً لوصلتم اليه .
ازمة الثقة موجودة بين جميع المكونات السياسية وحزبكم وفي ظلها لا امل لحل سياسي مرضي .
اطلقتم دعوة للحوار في خطابكم المشهور (خطاب الوثبة)ولكن ما تبعه من افعال واجراءات اوضح مدى استعدادكم لتنفيذ ما قلتموه في ذاك الخطاب .
اخيراً
نرجوا أن يتم تشكيل حكومة قومية لادارة الدولة ووضع الدستور الدائم لجمهورية السودان ومحاسبة كل من ثبت ارتكابه جريمة في حق السودان واهله
نعلم أن هذا الرجاء عسير ولكن تبقى الموازنة بين أن يكون السودان او يكون حزبكم
وشكراً
| |
|
|
|
|
|
|
|
|
|
Re: الرئيس يسمعك .... ماهي رسالتك له؟ (Re: ihsan fagiri)
|
حفظك الله سيدي الرئيس
كفيت ووفيت
سطرتم اسمكم بماء من ذهب في جل صفحات
تاريخ هذا البلد وشعبه المعطاء
بانجازاتكم وتكبدكم المشاق طيله فتره حكمكم
حماك الله ووقاك وايدك بنصر من عنده
فقد احبك هذا الشعب
ووقف معك وقفة لم يقفها مع اي نظام ومنذ
استقلال البلاد
ولاكمال المسيره
نقف معك ونرفع لك القبعات تحية واحتراما
لشخصكم الوفي
رعاك الله مادمت قائد هذه الامه
واطال الله في عمركم المديد ان شاءالله
وتمضي مسيرتكم
وليخسأ الخاسئون
والله اكبر والعزه للسوان
| |
|
|
|
|
|
|
|
|
 رد (Re: عمر عثمان عبد الوهاب)
|
Quote: قُولُو قالك ود المدير، عندك شنكلين نحاس وسلبة
اللّت لِيّف نخل تمشي تستلِمِن من ود الفكي وتجي
تعتِل معانا بدل قُعاد ساكت. |
اول حاجة قول للسيد الرئيس ود الفكي قال لك انا زول معايش وود المدير دا ما بعرفو لكن الشنكل والسلبة بالحليل عندي هههههههه
تانيا
قوله ياخي فترنا من الحروب وفترنا من 25 سنة تجارب وفترنا من الغلاء والفساد والسرقة والنهب وفترنا من الكبت وقمع الحريات ونحلم بنظام ديموقراطي حقيقي يجيبك انت يجيب المؤتمر الوطني يجيب من يجيب ما عندنا مانع شريطة ان يتم ذلك بكل شفافية ونزاهة وباختيار حر في ظل تنافس شريف.
قول له نريد محاسبة من افسد نريد ان نرى ابناء شعبنا يعيشون كما يعيش بقية خلق الله نريد سلام نريد حرية نريد تنمية لا لصوصية وفساد ونهب ومحسوبية.
وبس؟ صعبة الحاجات دي؟
اخر طلبين من السيد الرئيس
نمرة واحدة ما يصوقر تاني مع ود الباوقة عشان ما يتفسح فينا
الطلب التاني يطلب منك ان ترحمنا كبدنا وفشفاشنا ديل شوية وان ابيت يمرق مسدسو ويديك طلقة في نص فاخورتك الماكنة دي ويريحنا منك مع انها حتكون خسارة فادحة للبلاد كونها تفقد خبيرها الوطني الاوحد لكن البركة في ود الباوقة والدومة حنظل وفرانكلي، والله ديل يفقعو مرارة جمل
| |
|
|
|
|
|
|
|
|
|
Re: رد (Re: محمد عمر الفكي)
|
عجبى لامر العتالة
ودالمدير وجمال وودالفكى
معالى الخبير يجيب ليكم ليلة القدر بدل تتمنو فلل رئاسية اومناصب وزارية
سويتوها نبيشة في بشة .... فعلا مرمى الله مابترفع
سير سير ياخبير ولانامت اعين العتالة
| |
|
|
|
|
|
|
|
|
Re: الرئيس يسمعك .... ماهي رسالتك له؟ (Re: محمد أبوالعزائم أبوالريش)
|
اغلبكم دراويش
والتحيه لمحمد ابو العزايم ابو الريش لانه مفتح جدا
Quote:
Quote:
اكتب رسالتك بكل صراحة وشفافية وبدون ابتذال او تهور ؟
كن منطقيا في طرحك ..!
|
المفتاح الهامل ده الليلة عند منو؟ |
طيب اللهجة واضحه ما لهجة صلاح غريبه.
المهم هذه الباس ورد المتدوله اليوم في يد زولا عامل فيها كبير بالحيل فبالله ركزوا
والتحيه للمركزه الدكتوره احسان فقيري
وناصر
وكل الكتبوا ي العضم الحي يلا ركزوا.واكتبوا انا بجيكم يا ناس (غريبه ) لاحقا.
| |
|
|
|
|
|
|
|
|
|
Re: الرئيس يسمعك .... ماهي رسالتك له؟ (Re: Tragie Mustafa)
|
سلام عليكم ورمضان كريم
استاز غريبة
احلفك بالله في هزا الشهر المبارك وقد تكون صائم
ان تبلغ مكتوبي هزا للسيد المشير عمر البشير
السلام عليكم ورحمة الله وبركاته
قد نقلت لنا الاخبار ومدعومة بالصور
ان جزء من رعيتك من اهل منطقة سوبا
في شهرنا المبارك هذا قد رق لحالهم قلوب اعداء
الاسلام ومشروعكم الحضاري الا وهم الامريكان
واغاثوهم ببلح وسكر ومواد تموينية
وقد قام النصاري بتوزيع المواد بنفسهم
وباياديهم الغير المتووضئة
ولم يكتفو باعطاءها لعمال ليقومو بتوزيعها
اولم تشعر بالغيرة لرقة قلوب الكفار الغير مومنة
اين قلبك العامر بالايمان سيدي المشير عمر
و لمازا لا تقوم انت ومعالي جيوشك من الوزراء والمستشارين والدستوريين
بتوزيع الشنط الرمضانية علي الفقراء من رعيتك بايديكم المتؤضئة الطاهرة
ولا اطلب منكم سيدي المشير مشاركتهم موائد الافطار
ترفقا بك وجيوشك وحرمانك من مما لذا وطاب فاكون قد اثقلت عليكم
واخيرا وليس اخرا ارفق لك سيدي المشير
مقال اعجبني
فارجوا ان يبلغك وتقراءه
واقول اللهم هل بلغت فاشهد
عمر بن الخطاب أيها الحكام
عمر بن الخطاب أيها الحكام
عائض القرني
هذه بعض أخبار عمر بن الخطاب فاروق الإسلام، من المراجع الموثوقه، في العدل بين رعيته: وقف عمر يخطب الناس وعليه ثوب طويل فقال: أيها الناس اسمعوا وعوا. فقال سلمان الفارسي: والله لا نسمع ولا نعي. فقال عمر: ولِمَ يا سلمان؟ قال تلبس ثوبين وتُلبسنا ثوبا. فقال عمر لابنه عبد الله: يا عبد الله قم أجب سلمان. فقال عبد الله: إنّ أبي رجل طويل فأخذ ثوبي الذي هو قسمي مع المسلمين ووصله بثوبه. فقال سلمان: الآن قل يا أمير المؤمنين نسمع وأمر نُطع. وقال عمر مرة على المنبر للناس: ما أنتم فاعلون لو حدت على الطريق هكذا؟ وحرف يده. فقام رجل من آخر الناس وسل سيفه وقال: والله لو حدت عن الطريق هكذا لقلنا بالسيوف هكذا. فقال عمر: الحمد لله الذي جعل في رعيتي من لو حدت على الطريق قومني. وقال له رجل: اتق الله يا عمر. فدمعت عيناه، وقال: لا خير فيكم إذا لم تقولوها ولا خير في إذا لم أقبلها.
وطالب عمر على المنبر بتقليل مهور النساء، فقامت امرأة من آخر المسجد فقالت يا أمير المؤمنين إنّ الله يقول (وَآتَيْتُمْ إِحْدَاهُنَّ قِنطَارا فَلاَ تَأْخُذُواْ مِنْهُ شَيْئا) فقال عمر: أصابت امرأة وأخطأ عمر. يقول ابن عباس: والله لقد رأيت في قميص عمر وهو خليفة أربع عشرة رقعة. ولهذا حيَّاه الشاعر محمود غنيم، فقال:
* يا من يرى عمرا تكسوه بردته - والزيتُ أدمٌ له والكوخُ مأواهُ
* يهتز كسرى على كرسيه فرقًا - من خوفه وملوكُ الروم تخشاهُ
* وجاء الهرمزان الوزير الفارسي يبحث عن عمر، فوجده نائما تحت شجرة عليه قميص مرقع بلا حراسة، فهزّ الهرمزان رأسه وقال: حكمت فعدلت فأمنت فنمت، فنظمها حافظ إبراهيم في قوله:
* فقال قولة حق أصبحت مثلا - وأصبح الجيل بعد الجيل يرويها
* أمنت لما أقمت العدل بينهمُ - فنمتَ نوم قرير العين هانيها
* وقال عمر: والله لو عثرت بغلة في ضفاف دجلة لخشيت أن يسألني الله عنها لِمَ لم تصلح الطريق لها يا عمر؟ ووجد حلوى عند أطفاله فقال لزوجته: من أين لكم ثمن هذه الحلوى؟ قالت كنت أوفّر من حصتنا من الدقيق الذي يأتينا من بيت المال، فقال عمر: توفرين الدقيق وفي المسلمين من لا يجد دقيقا؟ وأخذ الحلوى من أيدي أطفاله وقال ردوها لبيت مال المسلمين؛ قال حافظ إبراهيم:
* لمّا اشتهت زوجه الحلوى فقال لها - من أين لي ثمن الحلوى فأشريها؟
* وتقول زوجته عاتكة: كان يأتي إلى فراشه لينام فيطير منه النوم ويجلس يبكي، فأقول له: ما لك يا أمير المؤمنين؟ فيقول: توليت أمر أُمة محمد صلى الله عليه وسلم، وفيهم المسكين والضعيف واليتيم والمظلوم، وأخشى أن يسألني الله عنهم يوم القيامة. وقرقر بطنه من الجوع على المنبر عام الرمادة، فأشار إلى بطنه وقال: قرقر أو لا تقرقر والله لا تشبع حتى يشبع أطفال المسلمين. ومر بامرأة في خيمة وقد ولدت طفلا وعندها أطفال غيره قد مات أبوهم، فذهب إلى بيت المال وأحضر دقيقا وزيتا وأوقد لهم النار وصنع لهم العشاء وقدمه، فقالت المرأة: والله إنك خيرٌ من عمر بن الخطاب. وقرأ قول الله تعالى (أَلاَ لَهُ الْخَلْقُ وَالأَمْرُ) فبكى وقال ما بقي لنا شيء ومن بقي له شيء فليطلبه. وذهب بثوبه المرقعّ لفتح بيت المقدس وقال له بعض ########ه لو لبست يا أمير المؤمنين لباسا جميلا إعزازا للإسلام، فقال: نحن قوم أعزنا الله بالإسلام ومهما ابتغينا العزة بغيره أذلنا الله. وكان يطلي إبل الصدقة، فجاءه رجل فقال: يا أمير المؤمنين أنا أطلي عنك الإبل، فقال عمر: أأنت تحمل عني ذنوبي يوم القيامة؟ وذهب مرة خلف أبي بكر الصديق ودخل أبو بكر خيمة امرأة مع أطفالها فاختفى عمر وانتظر حتى خرج أبو بكر ثم دخل على المرأة فسألها عن حالها، فقالت أنا امرأة حسيرة كسيرة ومعي عيال وليس لنا عائل إلا الله. فقال عمر وماذا يصنع هذا الشيخ الذي يدخل عليكم؟ قالت يصنع طعامنا ويكنس بيتنا ويحلب شياهنا ويغسل ثيابنا. فجلس عمر يبكي ويقول: أتعبت الخلفاء بعدك يا أبا بكر. ومر في سكة المدينة ليلا فسمع بائعة لبن تقول لابنتها امزجيه بالماء ليكثر فإن عمر لا يدري، فقالت الفتاة: لكن الله يدري. فعرف عمر البيت وخطب الفتاة لابنه عاصم، وكان من ذريتها الخليفة الزاهد العادل المجدّد عمر بن عبد العزيز. ولما أصاب القحط المدينة كان يدور بين الخيام وجفنة الطعام على رأسه يوزعه بين الفقراء. وطلب عام القحط من الأعراب والفقراء أن يسكنوا في ضواحي المدينة ونصب لهم خياما وقال إما نحيا سويَّا أو نموت سويَّا. وجاءه رجل وقال يا أمير المؤمنين لو أوصيت بالخلافة لابنك عبد الله فإنه أهلٌ لها فقال عمر: كذبت قاتلك الله اُشهد الله على مقتك كيف أوصي بالخلافة إليه وفي المسلمين من هو خير منه؟ وشكا إليه قبطي من مصر ابن أميرها، محمد بن عمرو بن العاص، يقول القبطي: سابقته بفرسي يا أمير المؤمنين فسبقته فضربني وقال أتسبقني وأنا ابن الأكرمين؟ فدعا عمر محمدا وبطحه وجلده وقال: متى استعبدتم الناس وقد ولدتهم أمهاتهم أحرارا؟ انظر كتاب أخبار عمر للطنطاوي، وعمر بن الخطاب للصلاّبي، والبداية والنهاية لابن كثير.
نقلا عن (الشرق الأوسط) اللندنية
| |
|
|
|
|
|
|
|
|
|
Re: الرئيس يسمعك .... ماهي رسالتك له؟ (Re: معاوية المدير)
|
Quote: طيب اللهجة واضحه ما لهجة صلاح غريبه.
المهم هذه الباس ورد المتدوله اليوم في يد زولا عامل فيها كبير بالحيل فبالله ركزوا
والتحيه للمركزه الدكتوره احسان فقيري
وناصر
وكل الكتبوا ي العضم الحي يلا ركزوا. واكتبوا انا بجيكم يا ناس (غريبه ) لاحقا. |
يا ام حازم صباح الخير بتوقيتنا
والله قريت مداخلتك وقبل ما اشوف تعليق ود المدير ضحكت ضحك
غايتو يا تراجي واحدة من اتنين
يا ما قاعدة تخشي المنبر
يا انتي ما معجبة بخبيرنا الوطني 
على العموم
حبابك يا ام حازم عتالية معنا بالمجان لسعادته
يا مدير
عليك الله اتفقد لي نور تاور ما يكون اتوكت او عملت حاجة في رقبتها
ياخي قلبي بحس
| |
|
|
|
|
|
|
|
|
|
Re: الرئيس يسمعك .... ماهي رسالتك له؟ (Re: أحمد ابن عوف)
|
خبيرنا المُفدي
قبل ما نمشي معاك لقدام ونواصل ارسال الرسائل
الرئيس دا حيرد علينا ولا حيطنشنا؟
اذا برد، حيرد علينا كيف؟ حتديهو الباسوورد مثلاً؟
صورة لخبيرنا بعد ان اذهب الظماء وابتلت العروق (ثبات الاجر ما بضمنو لانه من ربنا)
| |
|
|
|
|
|
|
|
|
|
رد (Re: بدر الدين الأمير)
|
يا ود الامير
يا اخوي انت طقتك فلسة زي حقتنا ولا شنو؟ بقيت عتالي محترف عديل والله الواحد خايف الخبير يطردنا ويعينك محلنا!!!!
كسرة
عامل كيف مع رمضان؟ ههههههههههه
| |
|
|
|
|
|
|
|
|
|
Re: رد (Re: محمد عمر الفكي)
|
| Quote: عامل كيف مع رمضان؟ ههههههههههه |
عامل زى الكاشف اخوى عزام فرح
وبعدين انت ياودالفكى اكان ماخربت بيتى مابترتاح المدام قالت لى انت منعناك من حليفة الطلاق مع ودالفكى
تقوم تكتب ليهو عكاكيز وسكاكين انت لوداير التخلف دا ارجع اربجى وشكلة دورت اربجى ارقى من خرطوكم
اللحم راس قامت ردت ايوة ماانت جيت بالسقار الكوبى والبدل من اربجى قلت نعم ومتزوج من الخرطوم
ودالفكى انت شديتك في حبوبة الخبير فكرك شديتك دى المدام بتفهمها ههههههههه
| |
|
|
|
|
|
|
|
|
|
رد (Re: بدر الدين الأمير)
|
يا بدر الدين
اول حاجة اربجي شنو وخرطوم شنو؟ انا من منطقة شمال الخرطوم تاسست قبل 300 سنة تقريبا من قيام الخرطوم وما بعترف الا بناس عجيب المانجلك وبس كجيران فقط ليس اكثر.
بمناسبة حليفة الطلاق، يا اخوي لسانك متعود شكلو ودا ما من مباراتي وشدتنا بكسر الشين اله اعلم مدامك بتعرفها .
في اشاعة انه حبوبة عيانة بس احب اطمنك انها شديدة ولضيضة.
اسمع
تذاكري بتجيني متين هههههههه
ثم اخيرا
ارجو عدم صرف البوست لانه بيني وبينك دا ما خط الخبير ولا الله قال وقبال كدا وضاحة حذرتنا وقالت يمكن راس كبير القاعد يكتب وانتو تبكو وما عارفين الميت منو هههههههه
| |
|
|
|
|
|
|
|
|
|
Re: رد (Re: محمد عمر الفكي)
|
ود الفكى انت كدى النسالك وباقى انت مكجن الاسئلة
الصورة الجبتها لخبيرنا وهو يتناول افطاره دى صورة ولارسم عمر دفع الله
لانو في جزء كدا ماقدرت استبينه لاهو ركبة ولاهو صلعة فرفور
| |
|
|
|
|
|
|
|
|
|
Re: رد (Re: محمد عمر الفكي)
|
والله يا صلاح غريبه سؤال بسيط لفخامة الرئيس
بس لوممكن يرجع لنص الخطاب الاول للانقلاب
نقطه نقطه ويفند تلك النقاط ويورينا رأيه فيها مقارنة بما هو حاصل الان
| |
|
|
|
|
|
|
|
|
|
رد (Re: طارق ميرغني)
|
يا بدر
هذه الصورة لفخامة الخبير وهو يتناول الطعام (بالهنا والشفا) وقد شمر عن ركبته لكن لشنو ما عارف هههههههه
اطلقنا على هذه الصورة (صورة معركة ذات الركب).
اوعك تسالني تاني ما شفتني حذرت ود المدير من الاسعلة؟
والله يا بدر عندي عبدالرحمن جنو وجن الاسئلة يكون راكب معاي يشوف زول قاطع الشارع طوالي يقول لي دا ماشي وين يا بابا؟ وبعدين لصقة كل ما امشي حتة ملصق فيني، قلت له يا زول ما عندي مانع تباريني لكن اوعك من الاسعلة، رد على قال لي نان امسي واجي راجع ساهي؟
| |
|
|
|
|
|
|
|
|
|
Re: رد (Re: محمد عمر الفكي)
|
| Quote: نان امسي واجي راجع ساهي؟ |
هههههههه
يعنى بت الخرطوم النعدى طلع ليها زميل ياخى دى مطلعة روحى بالاسئلة
لوتكلمت مع قطرى اوقطرية تجى انت كلامة الكنت بتقول فيهو دا شنو
وكان تكلمت مع اهلك عرب الجزيرة تجى تقولى في حاجات من كلامك
مافهمتها قلت لها اسمعى انا ببيع ترجمة ولكنى مامترجم دايرة اخصص
ليك مترجم فورى اوتعاقبى ماعندى مناع بس تدفعى
دحين عبدالرحمن لوبترجم من لغة اهل العوض للغة اهل البندر وكذلك
من القطرية للخرطومية وظيفته جاهزة والدفع بالدولار حسب ساعات العمل
واكيد بطحانى جدة غير ههههههههههههههههههه
| |
|
|
|
|
|
|
|
|
|
Re: رد (Re: بدر الدين الأمير)
|
خلاص خلاص بنتفق يا امير
راجع المسنجر
خلينا نرجع لموضوع ولب بوستينا الرئيسي، ما ممكن السيد الرئيس جاي يشوف هموم المواطنين بناء على توصية من مستشاره الاعلامي والخبير الوطني يجي يلقى ود الامير ماسك ليهو سجارة كوبية قدر الكتلة ويبخبخ فيها في نص نهار رمضان؟
انضبطوا كما قالت دينا خالد ههههههههههههه
| |
|
|
|
|
|
|
|
|
|
Re: رد (Re: محمد عمر الفكي)
|
| Quote: خلينا نرجع لموضوع ولب بوستينا الرئيسي، |
بالعكس دهو لب الموضع الذى من اجله فتح معالى الخبير هذه النافذة
يعنى الريس والخبير هم في ديك الساعة لمن يلقو المواطن عبدالرحمن
محمد عمر الفكى تحصل على وظيفة بالدولار وحايدفع ضربية الشهيد
وضربية الخبير ونثريات قصر كافورى وفيها يجدع لاعمامو ودالمدير
وجمال واكيد ماحاينسى عمو العتالى البرلوم على عبدالوهاب
انت مفروض تولم بهذه المناسبة وتحرص على مايشتهى الخبير من مطايب
سير سير ياخبير
| |
|
|
|
|
|
|
|
|
|
Re: رد (Re: بدر الدين الأمير)
|
Quote: بالعكس دهو لب الموضع الذى من اجله فتح معالى الخبير هذه النافذة
يعنى الريس والخبير هم في ديك الساعة لمن يلقو المواطن عبدالرحمن
محمد عمر الفكى تحصل على وظيفة بالدولار وحايدفع ضربية الشهيد
وضربية الخبير ونثريات قصر كافورى وفيها يجدع لاعمامو ودالمدير
وجمال واكيد ماحاينسى عمو العتالى البرلوم على عبدالوهاب
انت مفروض تولم بهذه المناسبة وتحرص على مايشتهى الخبير من مطايب
سير سير ياخبير |
تعرف بعد كلامك دا عبدالرحمن ياهو الانفتح ليهو ملف ضريبي وهو لعمري شرف لم يحظي به ميسي المباري الكورة من عمره 11 سنة
احتمال البرلمان ذاتو يعيد النظر في الميزانية عشان جات موارد جديدة تساعد في تحقيق (الربط)
طبعاً في حالة عدم السداد فيبقي الى حين
بالمناسبة المدير وجمال وعلي ديل منو؟ غايتو بتجيب لك في اسامي اول مرة اسمع بهن
| |
|
|
|
|
|
|
|
|
|
Re: رد (Re: محمد عمر الفكي)
|
| Quote: بالمناسبة المدير وجمال وعلي ديل منو؟ غايتو بتجيب لك في اسامي اول مرة اسمع بهن |
ليك حق تنكرهم وتضحك ماخلاص ضمنت الدولارات بس عبدالرحمن مايبقيك مدير اعمالو شكلك انت اكعب من
ابومسى في الزوغان من الضرايب هههههههههههههههههههههه
| |
|
|
|
|
|
|
|
|
|
رد (Re: بدر الدين الأمير)
|
كابت لك يا بدر رد طويل وفجاءة اختفي!!! ما عندك فيهو قسمة
شايفم جليت المسنجر
اسفين يا ريس لخمناك بمواضيعنا الخاصة
| |
|
|
|
|
|
|
|
|
|
Re: رد (Re: محمد عمر الفكي)
|
انا رسالتي غايتو مختصره زي رسالة د.احسان فقيري
ارحل
وبزيد عليها و رحل معاك كل الخبوب و الكبوب الفيكتهم فينا ديل.
| |
|
|
|
|
|
|
|
|
 فوق (Re: صلاح غريبة)
|
عفوا سادتي
لاهمية البوست وعظمة الطرح.
فاننا لا نرى غضاضة بالمداخلات اللاهية العابثة انطلاقا من ايماننا باختلاف الثقافات وتباينها.
ونقدر اصحاب الردود الجادة .
| |
|
|
|
|
|
|
|
|
|
رد (Re: صلاح غريبة)
|
Quote:
لاهمية البوست وعظمة الطرح.
فاننا لا نرى غضاضة بالمداخلات اللاهية العابثة انطلاقا من ايماننا باختلاف الثقافات وتباينها |
يا ناس سلام عليكم
دي اصلها ما لغة الخبير ولا لهجته والقدلة ذاتها دي ما مشيتو هههههههه
اي زول يبقى عشرة على البضاعة
عموما يا خبير ممكن نعرف الرئيس حيسمعنا كيف؟ بخش المنبر؟ بتديهو الباسوورد شدة؟ بتطبع الاقتراحات وتديها ليهو وهو يرد؟
يا ريت تتواضع شوية لعتالتك ديل وترد عليهم
| |
|
|
|
|
|
|
|
|
|
Re: الرئيس يسمعك .... ماهي رسالتك له؟ (Re: صلاح غريبة)
|
قول ليه رجعنا محل ما انقذتنا
نشكيك لربنا اللا نام و لا اكل الطعام
دعوة كل ام ووليه ساعة الفجريه يرسل عليك طير ابابيل يرميك بحجاره من سجيل تطحن عضامك و تحرق حشى امك زي ما حرقت حشا الامهات السودانيات
ان شاء الله بحق اي مواطن عذبته تضوق سم الدقر
بركة السور الميه و عشره و اربعه ما يطلع عليك تاني يوم اربعاء
حق اطفالنا الكتلتهم في جبال النوبه و ضربتهم بالطيرات يضربك الضريب شقاق العناقريب
اي قرش سرقته انت ووداد و جماعتك ببركة الشهر الكريم يبلعوه ليك بنخرتك
ما عافيين ليك و نقاضيك قدام المولى عز و جل
| |
|
|
|
|
|
|
|
|
|
Re: الرئيس يسمعك .... ماهي رسالتك له؟ (Re: Dania Elmaki)
|
Quote: سيدى الرئيس
لقد قسمت شعب السودان شيعا ...
وقربت بعضها واوليتهم كل ما تيسر للسودان من موارد فعاثوا فيها نهبا وسرقة...
الا يعظك فى القران الكريم فرعون وعمله ..
سيدى انى لك من الناصحين تب وابعد السحرة الدجالين من حولك ...
حتى لا ينطبق عليك قول المولى عز وجل ال...الان ....
وتنح وكن من المستغفرين ..
|
| |
|
|
|
|
|
|
|
|
|
Re: الرئيس يسمعك .... ماهي رسالتك له؟ (Re: عبداللطيف شريف على)
|
سيدى الرئيس سمعت انكم وبعد تغير البلالى اى صيانة الركب
الخبير النحرير نصحكم بان يكون الرقيص إسلولى لذا اهديكم
بهذه المناسبة اغنية ماجد الرومى التى تقول كلماتها : يسمعنى حين يراقصى كلمات
مش زى كلمات ودالمدير وصنوه البطحانى وتابغهم وجمال وبلرومهم على عبدالوهاب
وفي الختام يحلو الرقيص
صدر تحت توقيع الخبير
وممنوع اى عتالة لهذا البوست مرة اخرى
| |
|
|
|
|
|
|
| |
صلاح غريبة
Nasr
سليمان القرشي
معاوية المدير
فرح الطاهر ابو روضة
جمال خضر
الجنيد حمد
محمد عمر الفكي
بدر الدين الأمير
محمد أبوالعزائم أبوالريش
Tragie Mustafa
عبد المنعم عبدالله
عزالدين عباس الفحل
أحمد ابن عوف
Dania Elmaki
عبداللطيف شريف على
فيس بوك
تويتر
انستقرام
يوتيوب
بنتيريست