|
Re: حكايات عن نشالين وبلطجية ريودي جانيرو في كأس العالم (Re: عبدالعزيز عثمان)
|
عزيزنا عبدالعزيز سلامات جرح شنو يا أخوي ؟ ديل ما بجرحوك ويخلوك .. لا لا . سألت وأحد أسبانيولي يا عبدالعزيز عن الكبع الحاصل في القناة الأمريكية الأسبانيولية . سألتو عشان ينورني ويساعدني في ترجمة حكايات النشالين والنشالات الجهجهت الشرطة دي . قال : الضحية ده بقول : فقد القدرة علي الدفاع بعد البنيتين الفي بطنو والكف التحت الحنك . بس الجواز كان في الفندق . تعال شوف الفديوهات .. ياخ الحرفنة البرازيلية دي ما في النجيلة بس .
| |
|
|
|
|
|
|
Re: حكايات عن نشالين وبلطجية ريودي جانيرو في كأس العالم (Re: Osman Musa)
|
يا عثمان يا خوي النشالين ديل انا بكرهن كراهية التحريم... تعرف يا عثمان عندهم حكاية مع ،مع خالك ، ابوي ، ظللنا نذكرها طوال حياته... عارف يا عثمان انا طالب في الجامعة لقيت ابوي منظرني في الداخليه... سالمتو،،،احثت به ليس علي مايرام.. حكي قال... صرفت ارباح القطن ،،صرفة مميزة،،من المكتب ركبت علي الخرطوم،،حسبت احتياجاتي،،جوز لساتك للواري حفيان،،عمرة طلمبة،،ديون واحتياجات،،قال ابي وجدتها فائضه،،،نزلت الخرطوم وكيل البردجستون قال لي تعال بعد ساعة ،يازول خد قروشك،،قال لي امش وتعال..ننتظرك لي خمسة. قال ابي قصدت مريضا بالمستشفي الخرطوم،،وانا متاكد من قروشي في جيب العراقي ،بحرص شديد فتح الباب للزيارة،،قال ساعتها تاكدت من البلية،،اذا في تزاحم الباب ،تولي احد جهة اليمين،والاخر اليسار،وواحد خلفي وجدت نفسي معلقا في الهواء.. حين نزلت كنت خفيفا... دارت مباني المستشفي امامي... قال علمت ان اولاد الحرام فعلوها... ياخي لعنة الله علي النشالين،،اخس خلق الله..
| |
|
|
|
|
|
|
Re: حكايات عن نشالين وبلطجية ريودي جانيرو في كأس العالم (Re: عبدالعزيز عثمان)
|
يا عبدالعزيز يا أخوي مهما كان برضو النشال السوداني نشال ود حلال . وعندو تقدير للظروف . يعني ما ممكن يكتلك بي كاتم صوت بي طلقة زي البلحة البركاوية بي سبب مية دولار بي القديم .. هههها شايف القديم دي ؟ تعال النحكي ليك قصة ال 11 طالب سعودي المنشولين من فد نشال في ريودي جانيرو . وده حالتو قبال كأس العالم . حلف لي الطالب الأسمو القحطاني .. قال ما كان في المكان الا برازيلي وأحد . البرازيلي ده جاهم شاقي زي السيل . قال : والله السيل ما فضل شيء . والمضحك يا عبدالعزيز . القحطاني قال : النشال كان شايل في يدو اليمين كيس موز للتمويه . معناتو النشال أستعمل يدو ال Left وللحداشر نفر . ياخ بي جاي في دنيا مختلفة أختلاف الليل من النهار .
| |
|
|
|
|
|
|
Re: حكايات عن نشالين وبلطجية ريودي جانيرو في كأس العالم (Re: Elsanosi Badr)
|
Quote: سألت وأحد أسبانيولي يا عبدالعزيز عن الكبع الحاصل في القناة الأمريكية الأسبانيولية . سألتو عشان ينورني ويساعدني في ترجمة حكايات النشالين والنشالات الجهجهت الشرطة دي . قال : الضحية ده بقول : فقد القدرة علي الدفاع بعد البنيتين الفي بطنو والكف التحت الحنك . بس الجواز كان في الفندق . تعال شوف الفديوهات .. ياخ الحرفنة البرازيلية دي ما في النجيلة بس . |
سلام عزيزنا عثمان. ياخ رغم كآبة الموقف لكن ضحكت في تعبير: بنيتين تحت البطن ومعاها كف تتحت الحنك! اليابانيون مشوا زي 5000 مشجع. وطبعا النشل حصل، رغم تحذيرات وزارة الخارجية وشركات الطيران. لكن برضو بعضهم دقس.طبعا لأنه ظاهرة النشل دي ما موجودة في اليابان خالص. المهم في بعض شركات الكريديت كارد فتحت غرف عمليات واي زول اتنشل، طلعوا ليهو كريديت كارد فوري!!
محبتي
| |
|
|
|
|
|
|
Re: حكايات عن نشالين وبلطجية ريودي جانيرو في كأس العالم (Re: الفاتح ميرغني)
|
عزيزنا الفاتح سلامات والحمد لله جماعتك اليابان ما عندهم ظاهرة النشل . ديل ياخ أهل ال SIEMENS وأهل ال CASIO ديل لو عرفوا درب النشل كان قيامتنا قامت . ديل ممكن ينشلوليك الكحل من عين شاكيرا وهي في المسرح . وأحدة يا الفاتح أمريكية رجعت بتحكي في التلفزيون عن آخر 700 دولار في الجيب قالت : ياريت لو ما طلعت المبلغ في المطعم . كيف أتنشلت من جيب المنطلون القدامي ؟ غايتو نقوليها الجاتك في حق بيرتك وسندوتشاتك وفرجتك سامحتك .
| |
|
|
|
|
|
|
|