|
Re: هسة ألمانيا دي عندها كورة ؟ فرقها شنو من الوحدات الأردني ؟ (Re: دورنقاس)
|
مرحبتين أم حازم
كدي قبل المعارضة انت هلالابية ولا مريخابية ؟
Quote: وحاتك اداء البرازيل ده التقول اداء المعارضه السودانيه قدام منتخب المؤتمر الوطني!!
|
والله يا أم حازم الواحد لما يتذكر أداء المعارضة ! غايتو خليها ساي بس الشهر الفات دا بس داخله فيها 3 أهداف اراضي الخرطوم + مريم + نسيت ما عارفا شنو
بس المؤتمر الوطني برضو دخل فيهو سمبك مريم دي زي قون المغربية
أنا في موضوع الكورة محيرني بتاع البرازيل التعب عشان يجيب ليهو قون في آخر الدقائق دا والله ما اتعب ولا أشوت في القون ذاتو
| |
|
|
|
|
|
|
Re: هسة ألمانيا دي عندها كورة ؟ فرقها شنو من الوحدات الأردني ؟ (Re: د.محمد حسن)
|
مراحب دورنقاس
Quote: عوافي بالظبط زي موردة احمد سالم وعمر التوم برضو النتيجة كانت 7 بس الفرق المغلوب ما بجيب اسمو |
يا زول عمر التوم دا الحاضرو منو؟ يمين 99.99% من عضوية المنبر ديل ما سمعوا بالكلام دا
لكن حقت المانيا الأمس دي سمعنا بيها
وحقت الوحدات قبل 7 سنوات تقريبا سمعنا بيها برضو
كدي هاك استمتع بالجمال دا
| |
|
|
|
|
|
|
Re: هسة ألمانيا دي عندها كورة ؟ فرقها شنو من الوحدات الأردني ؟ (Re: محمد البشرى الخضر)
|
هلا محمد البشرى
طبعا مافي مقارنة لكن عجبتني السبعات دي ساي وبعدين نفس سهولة الأقوان والدفاع والحارس الخردة
Quote: مع الأرجنتين الشفناها امس دي الكاس ألماني ياخوي, لا تحاول |
أها والبرازيل الشفناها قدام كولومبيا دي منو الكان بتخيل إنها تتغلب سبعة
زمان مارادونا غلب المانيا وإنجلترا براه
الكورة دي بقت شفتنة ساي وتركيز ربع ساعة بس ممكن يغير نتيجة المباراة
نشوف
| |
|
|
|
|
|
|
Re: هسة ألمانيا دي عندها كورة ؟ فرقها شنو من الوحدات الأردني ؟ (Re: خالد عبد الله محمود)
|
هلا خالد رمضان كريم
Quote: المشكلة يا حمد أنو ميسي ليس مارادونا و لا حتى ربع مارادونا |
أكيد ما زيو مارادونا كان صانع العاب وهداف في نفس الوقت وما بتقدر تعرفوا حيعمل شنو بالكورة
بس ميسي هداف بشكل خارق الحاجة الثانية مباريات كأس العالم دي أهم شيء فيها تعرف عدوك الأرجنتينيين عارفين إنو الألمان بلعبوا بطريقة ملء الملعب هجوما ودفاعا وضغط الخصم، بساعدهم في دا لياقتهم العالية في نفس الوقت الأرجنتينيين سريعيين جدا في نقل الكرة بشكل خاطف والوصول للمرمى وبعرفوا كيف يقيفوا لتسجيل الهدف
ياخ ميسي دا زئبق بس، يكون في خط المنتصف ثواني بس تلقى وصل جوة الصندوق وجاهز لتسجيل هدف مع ذلك صعب جدا التكهن
| |
|
|
|
|
|
|
Re: هسة ألمانيا دي عندها كورة ؟ فرقها شنو من الوحدات الأردني ؟ (Re: وضاحة)
|
هلا يا وضاحة
مبروك ليك لكن المانيا دي أصلو ما مبروك ليها تصدقي في الدقيقة 110 أنا فتحت البوست وكنت عايز أبارك للأرجنتين تاني قلت يا ولد أصبر الكورة دي ملعونة بت كـــلب فعلا حدث ما حدث الأرجنتين كانت الأقرب للفوز وأنا قلت ليكم الألمان ديل الأرجنتينيين بقدروا عليهم وأهو قدامكم الحصل تفوق كان واضح من بداية المبارة ما عدا فترات قليلية
شيء تاني أنا بكجن الفريق الألماني دا شديد لأنو في اعتقادي إنهم واحد من أسباب فقدان المتعة والمهارات الفردية واللمسات الساحرة في كرة القدم بانتهاجهم للعب الميكانيكي والمحسوب مجرد ريبوتات (رغم إنو هدف أمس دا جميل فعلا)
شيء ثالث كان عندك مزيدا من الصور الحلوة دي ما تبخلي بيها
| |
|
|
|
|
|
|
| |