|
كتب الكاتب الفاتح جبرا المتوفرة بمعرض الدوحة
|
|
 Re: مربعات ومسادير من صفحة الهمباته بمجلة النافذة (Re: عبدالله الأسد)
|
بعد موافقة الاديبة الرائعة صاحبة البوست الاكثر قراءة في النافذة "انا زهجانه" علي تغيير اسمها الي اسم جديد "لميس" اردت ان اوثق لها هذا المسدار .... بعد ان جفت حروف الهمباته وهجروا ديارهم... لعل لميس هذه المبدعة...تجمع سيوفهم من جديد
************************************************** **
بي عيدك يا لميس جــــــــرس النوافذ دقه
وحــــــرفك بي جــــــمال الكلمه لينا اتلقه
مرحــــب بي اشتباكاً في مشـــــاعرك رقه
يا الــــودعتي الزهج فـــــــرح النوافذ بقه
**
العيد في القـــــــــــــــلوب خلينا نــــفرح بيك
وغردي يا الــــــــطروب النـــــافذه بين ايديك
مداد حــــرفك لمس وتر الشــــــــعر جيد ليك
وقدامي اب ســــــدر بركب عليه واجــــــيك
**
رمضان كريم بقعد معاك واتســـــــــــــحر
ومن عين الـدهمشي جيبي البخور نتبخر
الكهرجي قال.. في حــــــفره شافني مكسر!
فك الشفره يا الكهربجي في ايديني ما بتعثر
**
بالليل والنـــــــــــهار انا في انتظارك شوق
وريحة البن وايـــــــــدك في الفناجين زوق
قمر الســـــبعتين يا ضي ســـــــماك الفوق
صعيب دربك سيوف وايد الرجال بتحوق
**
الهـــــــمباته جات زايرين لميس في الدار
وانقلب الســــــــحر اليوم علي الســـــــحار
يا ســـــــــــــواح انت وين؟ ووين ابوبشار؟
اتلومتوا ذي ناس شوقي والهباني والمسدار
**
شفتوا الباشــــــــــــا كيف ديوانه لمه خلاس
وشـــــفتوا ســـــــــنارك الولد البعجب الناس
في عيد ميلاد لميس خـــلونا نشـــــــرب كاس
وتشبكنا المشاعر في النافذه بي الاحســــاس
| |
 
|
|
|
|
|
|
|
|
Re: مربعات ومسادير من صفحة الهمباته بمجلة النافذة (Re: عبدالله الأسد)
|
عزيزي امير محمد ادريس
اود تصحيح موضوع الجاهله لانه سرق من النافذة بواسطة شخص من موقع التوثيق الكامل وواجهناهم واعترفوا بالنقل العشوائي وابعدوا الشخص الذي نقل موضوع الجاهله
قارن بين ما نقلته وبين ما اوردته لكم في نهاية الصفحة
لكن هذه ساحة المواقع الاسفيرية التي لا تحكمها قيود
---------------------
أطول مجادعه بشعر الدوبيت ملتزمه بالقافيه
(Re: أمير محمد ادريس)
سلام..يا الجاهلة
في جلسة عصرية اجتمع نفر من الهمباتة عند الجاهلة (أسم فتاة صاحبة قهوة) لشراب القهوة وحقيقة الجاهلة مِي جاهلة نصاح ودعونا نطلق عليها اسم (سلام) فهي من سكان مدينة القضارف و تنتمي لقبيلة الأمهرة ذات الإصول الإثيوبية الحميرية اليمنية فبنات الأمهرة مشهود لهم بالجمال الباهر و القوام الفارع..جمعت هذه الجلسة نفر من محبي الشعر الشعبي و كان في الحضور إثنين من الهمباتا وهما ود أبو شكرة و أخوه البشرى و هما أخوان شقيقان من أشعر شعراء الشكرية الشباب في العصر الحديث (المدرسة الحديثة) –
يبدأ الهمباتي البشرى برمي السلام على هذه الحسناء وكان مفاده الآتى:
سلام..يا بقة العسل الشِرِق مصّاصِك
سلام..يا ظبية الوادي الكُتار قُنَّاصِك
سلام..شاوياني نارك وطول نهاري بساسك
سلام..هاريني ريدك وفي القلب رصاصك
******
سلام الجاهلة ياود أبشكرة زادو شقايا
سلام..ريلاً مَهَقَّتْ جوز خدودو مرايا
سلام..ست اللهيج نارك شَوَتْ أعضايا
سلام..ديسك ضلام الليل والعيون ضوايا
******
سلام الجاهلة يا أبشكرة..مِي غالاتة
سلام..يا برطم العسل اللذيذ ..شوكلاتة
سلام..الجاهلة يا خلاّني زايدة غلاتة
تتلاصف خدودها وبرضو زايدة حلاتة
فيردف السلام أخوه البشرى بقوله:
سـلام يـا ملكـة وسكونـك أديــس
سلام ظبية جبال كَرَنْ الكَسَاها الدِّيْـسْ
كان ما خفت مـن الله ولعنـت ابليـس
تكوني الراهبة يَمْ وجنات وأكون قِدِّيِسْ
******
بالسين:سيـدة الستـات مِتِـل امريكـا
باللام:لونها زي تبري ومِسِنُّوْ سَبِيْكَـة
بالألف:أشـا داييـب سبـغ ليكـا (1)
بالميم:مالكة لقلوبنا ومِسَاهِـن شِيْكَـة
******
قول لأبْسِنْ جَمَالاً شُفْتُو فـي الحبشيـة
فزَّزْ نُومِي من عَيْنَيْ صَبَـاحْ وعَشِيَّـة
حلوة أديبة راقية وِحَيْشَة بِتْ وَحَشِيَّـة
سَاطَتْ عَقْلِى بي مُسْوَاطْ كِتِرْ هَبَشِيَّة (2)
(1) التحية بلغات (هندي -لهجة البجة -ارتري)
(2) اصبح مجنون ويكثر الهبش
ويرد عليه ود أبو شٌكرة بهذا المربع
سلام القاصده يا عزنا مهيريه!!؟
العرضت جمال سارقاه من وطنيه
والقالت مهيره صديقته الشايقيـه
خفة دم وذوق جلسات وطيبة نيه
-------
فيعقب البشرى سلام أخيه بسلام آخر :
سلام يا ملكة الدار البقت محمية
سلام يا الشبهوك ظلما علي الحورية
شن اوصف واقول دعجك كهارب اللية
رمشك في القلب بغرز سهامو المية
*****
خدك ما الحرير انعم واظنو شوية
من التبري شال لونو وشرب حنية
فرة ثغرك البرق الشلع في الصية
جيدك ما الغزال كفلك بديع يا بنية
*****
ديسك هردبيس الليل قبل دغشية
كتفك لي الشعر فرش الضماير حية
ممشوقة قوام ماكي الطويلة النية
ما اتشابيتي يوم ايدك تندّي ترية
******
سلام يا الساكنة في البلد البقت محمية
سلام يا عزة ليك يا الشلتي ضي عينيا
شن فايدة قليب انشال بلا جودية
هاك الروح كمان والله برضو هدية
--------
ورغم سفره المتواصل يجد الشاعر الهباني ود أبو شٌكرة قليل وقت ليبث هذا المربع :
سلام ليكم جميع والخاص يجيك يا سلام
سـلام ظبيـة أديـس الفاقـت الارام
سلام يـا الفُقتـى اقرانـك ورا وقـدام
سلام يا ملكة الحبش السكونـه بًشـام
****
سلام يا الفيكى غنو فطاحلة الشكريـه
سلام يا اللى غًناكى خرتى بى الزنديه
سلام يا البِضوى ألماظك جهر عينيـه
تسلمى يابدور اومـاك ونجـم أبريـه
فبينما كانت تتراقص القوافي طربا وتعزف المشاعر نغما فينساب بوح هذا الإحساس ليرسم لنا ملامحه في لوحة مطرزة برقة روعة الإبداع بأسلوب جميل ساحر وكلمات عذبة تنحني أمامها الهامات العظام من بوح إبداعها فيرتاح الشاعران قليل ليخرجا خارج راكوبة الجاهلة و يتركون الحضور و كأنما إنسدل الستار عن مسرحية من مسرحيات وليام شكسبير ليتنفسوا الصعداء و رزازات دعاش المطر الهابة من جهة الدالي و المزموم كأنها تحّرك شياطين أشعارهم التي يستمدون منها وحي إلهامهم ثم سرعان ما يدخلون الراكوبة مرة أخرى و تنهال عليهم تصفيقات الحضور طرباً برجعة الشاعران المبدعان و تبتسم الجاهلة لتبرق أسنانها الناصعة البياض المفلجة بريق وامضاً
ويعود البشرى مرة أخرى في رد طويل هذه المرة معاتباً أخاه الذي سلبت عقله هذه الحبشية الرطانية ذات العربي المكسر
دربك ماشـي ويـن يا أبشكرة فوقـك ديـه
يا الكاسينا بي الابداع وبي الأخلاق وحسن النيه
نار كورسيـك مسخنـه فـي النوافـذ حيـه
كيف تنساه لو بشار جلالة قدره جاكـه عشيـه
--
وينـك يـا اب حجـل يـا اب طلتـاً عفويـه
ليـك عشرتنـا هانـت وتبعـتـه رطانـيـه
فـارس دار جعـل مـا فوقـك المحـريـه!!
تنسى منابع التاريخ ودق التور وقصـة ريـه
--
تنسى المـك نمـر تنسـى السيـوف مسقيـه
اهو عيون ناس سـلام زيـك تجيبـون ميـه
وهاكـم منـي قـول يـا معشـر الشكريـه
والكاينـه التكـون باقـي العمـر عـاريـه
--
قمت بـراي عصـر قاصـد مـرادي بنيـه
بركـت اب سـدر عـن بابـه فـي القطيـه
جات بالفركـه لافحـه القرمصيـص متنيـه
ذي ورتابـه قامـت مـن قصيبـتـاً نـيـه
--
دخلنـا الليـل سـوى والريلـه حنـت ليـه
مـا جـادت كتيـر دسـت شعـوره الحيـه
يـا جنـات سـلام عنبـك لـمـس ايـديـه
سهـر الليـل معـاك والله شايـفـه شـويـه
--
بي شمس الصبـاح هـدر اب سـدر بكريـه
عقلـي الطـار سـلام ملكـة سبـا الحبشيـه
نسيـت القبلـه ويـن وتـلالـك الشرقـيـه
والشـئ العجيـب ايضـا نسيتـه وضـويـه
----------
وإذ تحس واحدة صاحبة قهوة أخرى مجاورة لقهوة الجاهلة بصيرة بعلم الطب الشعبي يلقبوها بالحكيمة (الدكتورة)بأنها مستفزة بابيات من سبقها من الهمباتة تنشد قائلة
سلام يا الكتفتي الرجال بي ديسك
خليتي الخلق تتراطنبو حالي حديثك
شرارة نارك صابت قليبو جليسك
ما ظنيت طبيب بشفيهو منو حسيسك
******
سلام يا ملكة الريل في خلاهن
سلام ضحكاتك حزن ما غشاهن
نديداتك بي فتنتك فارقاهن
سلام إنت العيوب خلقتي بلاهن
*****
سلام يا ست السماح و مليكتو
إنت القمر دورين -زاتو- ماكي شبيهتو
فارسك ما خبر كيفن يلاقى طريقتو
طول في كبل حسنك ناسيها فريضتو
******
سلام يا البي كاحلات عيونك فتي الأرايل
قافي عجز لي وصف الحسن مو طايل
المولى فوقك ردمو السماح الكايل
قاسي ليمك خلى العين تكب متل السحاب الشايل
============
ويرد عليها ود أبو شُكرة بقوله
يا سلام يا الحكيمة مـن نمـك الوصـاف
وبالسماعه كشفك لي سلام انصـاف
ورينا يا دكتوره كيف بتعالج الرجاف
لو ايد سنارك من السـلام بتخـاف
---------
وترد عليه الدكتورة ايضا بما يلي
ود أبشكرة أخوي الريدة ما بتنهاب
و الريد ما بفرز فقير و أرباب
بي شوفة المحبوب مرضان السنين بنطاب
و سلامو بيرد الروح من دون زعل و عتاب
******
يا أبشكرة الطب حار في أمر الريدة
من فعايل الإنس و ألا ساحرة مريدة؟
القلوب بتريد و العقول بي ابتلاها شريدة
إن صابت سهامها زولها بلزم التشهيدة
*****
الزول البريد ما تسائلو كيفن حالو
حال العشق بين في في عضاه و نحالو
غالبو الموت و بلا المعشوق حياتو ما بتهنا لو
ما بدور عرفة طبيب خبر المجرب فالو
--------
ولا يفوت ود نصيري أن يختتم بتحية الجاهلة و أقول:
--------------
سلام للجـــاهلة حين شالت قليبي معاها
سلام أرض الخواجه وكلْ تراب ضماها
شالت مني روحـــــي وباللهيب شاوياها
آه .. من سين مفدَّع ومن لِحاظْ طالْقاها
***
سلام يمتدَّ لي لحْظاً ملك أحشــــــــــــايَ
ســـــــلام يا النايره بسْمة سنِّك الضوَّايا
محروق جوف زمان بجاوي ليَّ ضرايَ
وفي شـــــــــان عزَّنا دعَّشْتِ ليَّ مسايَ
***
سلام ست الحسان والراء تجيد ترديدها
مكتول بالعيــــون واسرني مقطع جيدها
كلْ ما أقــــول أتوب نيرانها زايده هويده
كيفِن الوصول للســـــــــامية فينا سعيده
****
* منقول
++++++++++++++++++++++++++++++++++++
هذه قصة الجاهلة الحقيقية واسمها سلام وكانت تعمل في منزلي في ابوظبي
========================
الشاعر عزنا - 1- سلام يا الجاهلة
عزنا أحد أعمدة منتدى النافذة وإدارتها ، وإضافة إلى ذلك فهو شاعر سليل اسرة شاعرة معروفة بتاريخها العريق اولاد اب سن، وهو في هذا البوست يخلد لحظات معينة التقى فيها بعض أعضاء النافذة على فنجان قهوة ، فانظر كيف كانت ردة فعله شعرا ، وانظر أيضا كيف كانت التعقيبات والردود من بقية الهمباتة الذين حضروا الجلسة أو أولئك الذين لم يحضروها وتعجب من هذا الإبداع الذي يجري في سهل ممتنع
----------
سلام..يا الجاهلة
------
سلام..يا بقة العسل الشِرِق مصّاصِك
سلام..يا ظبية الوادي الكُتار قُنَّاصِك
سلام..شاوياني نارك وطول نهاري بساسك
سلام..هاريني ريدك وفي القلب رصاصك
******
سلام الجاهلة يا جيلاني زادو شقايا
سلام..ريلاً مَهَقَّتْ جوز خدودو مرايا
سلام..ست اللهيج نارك شَوَتْ أعضايا
سلام..ديسك ضلام الليل والعيون ضوايا
******
سلام الجاهلة يا جيلاني..مِي غالاتة
سلام..يا برطم العسل اللذيذ ..شوكلاتة
سلام..الجاهلة يا خلاّني زايدة غلاتة
تتلاصف خدودها وبرضو زايدة حلاتة
-------
لعله كان من الأفضل أن نقدم تمهيداً لـ ( سلام..يا الجاهلة ) قبل تقديم السلام شعراً ..في جلسة عصرية اجتمع نفر من الهمباتة عند الجاهلة لشراب القهوة وحقيقة الجاهلة مِي جاهلة نصاح ودعونا نطلق عليها اسم (سلام)..شاءت الأقدار أن يتم ايصال خبر القهوة لكل من الهمباتي محمد إبراهيم محمد على والهمباتي البشرى إبراهيم محمد على وهما أخوان شقيقان من أشعر شعراء الشكرية الشباب - قبل عدة أيام سجل تلفزيون السودان في حلقة شوارد لقاءاً ضم البشرى إبراهيم والأستاذ المحامى كرار صديق والهمباتي ميرغني عبدالله - وقد جاءنا الرد الأول من محمد إبراهيم محمد على وكان مفاده الآتى:
سـلام يـا ملكـة وسكونـك أديــس
سلام ظبية جبال كَرَنْ الكَسَاها الدِّيْـسْ
كان ما خفت مـن الله ولعنـت ابليـس
تكوني الراهبة يَمْ وجنات وأكون قِدِّيِسْ
******
بالسين:سيـدة الستـات مِتِـل امريكـا
باللام:لونها زي تبري ومِسِنُّوْ سَبِيْكَـة
بالألف:أشـا داييـب سبـغ ليكـا (1)
بالميم:مالكة لقلوبنا ومِسَاهِـن شِيْكَـة
******
قول لأبْسِنْ جَمَالاً شُفْتُو فـي الحبشيـة
فزَّزْ نُومِي من عَيْنَيْ صَبَـاحْ وعَشِيَّـة
حلوة أديبة راقية وِحَيْشَة بِتْ وَحَشِيَّـة
سَاطَتْ عَقْلِى بي مُسْوَاطْ كِتِرْ هَبَشِيَّة (2)
(1) التحية بلغات (هندي -لهجة البجة -ارتري)
(2) اصبح مجنون ويكثر الهبش
ونحن الآن في انتظار رد الهمباتي الكبير البشرى ابراهيم محمد على..ويا همباتة جهزوا ردودكم ..الناس ديل عبهم مليان خلااااااااااااااااااااااااااااس
----------
ويرد عليه جيلاني بهذا المربع
سلام القاصده يا عزنا مهيريه!!؟
العرضت جمال سارقاه من وطنيه
والقالت مهيره صديقته الشايقيـه
خفة دم وزوق جلسات وطيبة نيه
-------
أما شوقي وهو عبدالله وداعه الامين فيقول :
سلام يا ملكة الدار البقت محمية
سلام يا الشبهوك ظلما علي الحورية
شن اوصف واقول دعجك كهارب اللية
رمشك في القلب بغرز سهامو المية
*****
خدك ما الحرير انعم واظنو شوية
من التبري شال لونو وشرب حنية
فرة ثقرك البرق الشلع في الصية
جيدك ما الغزال كفلك بديع يا بنية
*****
ديسك هردبيس الليل قبل دغشية
كتفك لي الشعر فرش الضماير حية
ممشوقة قوام ماكي الطويلة النية
ما اتشابيتي يوم ايدك تندّي ترية
******
سلام يا الساكنة في البلد البقت محمية
سلام يا عزة ليك يا الشلتي ضي عينيا
شن فايدة قليب انشال بلا جودية
هاك الروح كمان والله برضو هدية
--------
ورغم سفره المتواصل يجد الشاعر الهباني قليل وقت ليبث هذا المربع :
سلام ليكم جميع والخاص يجيك يا سلام
سـلام ظبيـة أديـس الفاقـت الارام
سلام يـا الفُقتـى اقرانـك ورا وقـدام
سلام يا ملكة الحبش السكونـه بًشـام
****
سلام يا الفيكى غنو فطاحلة الشكريـه
سلام يا اللى غًناكى خرتى بى الزنديه
سلام يا البِضوى ألماظك جهر عينيـه
تسلمى يابدور اومـاك ونجـم أبريـه
****
لكم تحياتى وهذا العربون فأنا فى تسفار
ومشاغل دنيا لكنى سأعود بازن الله
----------
ويعود جيلاني مرة أخرى في رد طويل هذه المرة
دربك ماشـي ويـن واحشنـي فوقـك ديـه
يا الكاسينا بي الابداع وبي الأخلاق وحسن النيه
نار كورسيـك مسخنـه فـي النوافـذ حيـه
كيف تنساه لو بشار جلالة قدره جاكـه عشيـه
--
وينـك يـا اب حجـل يـا اب طلتـاً عفويـه
ليـك عشرتنـا هانـت وتبعـتـه رطانـيـه
فـارس دار جعـل مـا فوقـك المحـريـه!!
تنسى منابع التاريخ ودق التور وقصـة ريـه
--
تنسى المـك نمـر تنسـى السيـوف مسقيـه
اهو عيون ناس سـلام زيـك تجيبـون ميـه
وهاكـم منـي قـول يـا معشـر الشكريـه
والكاينـه التكـون باقـي العمـر عـاريـه
--
قمت بـراي عصـر قاصـد مـرادي بنيـه
بركـت اب سـدر عـن بابـه فـي القطيـه
جات بالفركـه لافحـه القرمصيـص متنيـه
ذي ورتابـه قامـت مـن قصيبـتـاً نـيـه
--
دخلنـا الليـل سـوى والريلـه حنـت ليـه
مـا جـادت كتيـر دسـت شعـوره الحيـه
يـا جنـات سـلام عنبـك لـمـس ايـديـه
سهـر الليـل معـاك والله شايـفـه شـويـه
--
بي شمس الصبـاح هـدر اب سـدر بكريـه
عقلـي الطـار سـلام ملكـة سبـا الحبشيـه
نسيـت القبلـه ويـن وتـلالـك الشرقـيـه
والشـئ العجيـب ايضـا نسيتـه وضـويـه
----------
وإذ تحس دكتورة نهى بأنها مستفزة بابيات من سبقها من الهمباتة تنشد قائلة
سلام يا الكتفتي الرجال بديسك
خليتي الخلق تتراطنبو حالي حديثك
شرارة نارك صابت قليبو جليسك
ما ظنيت طبيب بشفيهو منو حسيسك
******
سلام يا ملكة الريل في خلاهن
سلام ضحكاتك حزن ما غشاهن
نديداتك بي فتنتك فارقاهن
سلام إنت العيوب خلقتي بلاهن
*****
سلام يا ست السماح و مليكتو
إنت القمر دورين -زاتو- ماكي شبيهتو
فارسك ما خبر كيفن يلاقى طريقتو
طول في كبل حسنك ناسيها فريضتو
******
سلام يا البي كاحلات عيونك فتي الأرايل
قافي عجز لي وصف الحسن مو طايل
المولى فوقك ردمو السماح الكايل
قاسي ليمك خلى العين تكب متل السحاب الشايل
============
ويرد عليها جيلاني بقوله
نها يا سلام مـن نمـك الوصـاف
وبالسماعه كشفك لي سلام انصـاف
ورينا يا دكتوره كيف بتعالج الرجاف
لو ايد سنارك من السـلام بتخـاف
---------
وترد نهى على جيلاني ايضا بما يلي
يا الجيلاني أخوي الريدة ما بتنهاب
و الريد ما بفرز فقير و أرباب
بي شوفة المحبوب مرضان السنين بنطاب
و سلامو بيرد الروح من دون زعل و عتاب
******
يا الجيلاني الطب حار في أمر الريدة
من فعايل الإنس و ألا ساحرة مريدة؟
القلوب بتريد و العقول بي ابتلاها شريدة
إن صابت سهامها زولها بلزم التشهيدة
*****
الزول البريد ما تسائلو كيفن حالو
حال العشق بين في في عضاه و نحالو
غالبو الموت و بلا المعشوق حياتو ما بتهنا لو
ما بدور عرفة طبيب خبر المجرب فالو
ويعود الهباني ليرسل هذه الأبيات تعليقا على ما سبق
شقاق تيهة الفنقـه الوسيعـه دروبـه
أسرع فاسِح الباع نجدتـك مطلوبـه
دهب أولاد تبيد البى الغَفر مزروبـه
بدخُل داره وأقعُد جوه فـى الراكوبـه
***
رحيل الجاهله من دار أبجديرى أخونا
هو الخلانـا نتوهـد خـلا وقهبونـه
جلا الخالق الوهب الدلال لى عيونـه
جفلت منو بى الوادى وصِبح مجنونه
***
طبع الريل نفور يا ود عُزاز النـاس
مو غابيكَ يا الحافظ الكتاب لى الناس
أبرُك ناجى ربك وأطبـق الاخـلاص
برجع تانى بى بركة لزيـز الكـاس
***
سوق زكرك وقيم الليل وسـو أورادو
وخل عنك لزيز النوم ووالى سهـادو
سو جُهدك عشان تصرف هناك عدادو
برجع تانى محبوبـك بخلـى عِنـادو
---------
وياتي عزنا ليؤكد ملكيته للخيط المرسل وليعطي المزيد من أوصاف هذه الجاهلة التي أثارت قرائح الهمباتة
دقيقة يا همباتة..البوست ده هولي..وهول سلام..
سلام خِلاَّنِي ما بْتَحْمَل كِتَالْ همباتة
سلام في دار اديس المَا وِطِيْنَا بُلاطَة
سلام هَجَرونِي نَاسِي وشَبَّعُونِي غَتَاتَة
سلام غَافْرِكْ سَرَحْ والهَمْبَتُوكِي تَلاتَة
******
يا المسدار سلام ما بتعرف الشَاشَاي
لا وَرَدَتْ حَفِيْر لا سَوَّت البُوْبَايْ
بِتَقْلِى البُنْ مَعَاهُو قِلَيبِي في القَلاّّي
اخير تِنداح وفي لندن تَعَقْدُو الرَايْ
******
في بلد الزهور السمحة حايزة مَكَانَة
تَقْدِل فُوقْ سَمَاحْ همباتة بيك طَربانة
جيلاني ابْ ضراع ألْفَاهَا.. ما تَلْفَانا
شِيْل ليها السَلام وَدِّيهُو مِنِّي أمانة
******
هبَّانِي الكَلَس يا اليَوُتْ سِحابك شَايل
بَرْقَ العِينَة شَالِح ولَى هواك يَحَايِل
هَيَّجْتَ الخُلُوق وفَتَحتَ مَحْضَر وفَايِل
حيَّرتَ القلب.. بِتْ مَرَوِي ولَّه مِهَيرة ولَّه اسمايل؟؟؟
----------
وعندما قرا الهباني أبيات عزنا السابقة رد عليه قائلا
--------------------------------------------------------------------------------
اقتباس
المشاركة الأصلية كتبت بواسطة 3izzna
دقيقة يا همباتة..البوست ده هولي..وهول سلام..
هباني الكلس يا اليوت سحابك شايل
برق العينة شالح ولى هواك يحايل
هيجت الخلوق وفتحت محضر وفايل
حيرت القلب بت مروي وله مهيرة وله اسمايل؟؟؟
سلام همباتى فوق ضهر الوهيط اتحكر
خلف لى ساقو فوق حكريهو خت الدُكر
سلام يا عزنا قبـل الحديـث اتوكـر
سلام جبل الضرا الفى فزعى ما بتتأخر
***
سؤالك لى صَعب بلحيل علـى جوابـو
ودا الشى النسيتو وما حسب لى حسابو
الراقى الجميـل الفـى القلـب نشابـو
طوطو قلبى زى طى الهِدم بى اجنابـو
| |
|
|
|
|
|
|
|
|
 Re: مربعات ومسادير من صفحة الهمباته بمجلة النافذة (Re: عبدالله الأسد)
|
حباب ودالاسد الهمباتي الجميل
من الان انا صديق حرفك الندي
وهذا البوست سيكون مسكني لان
اشعار البطانة واشعار الهمباتة
واشعار الغزل عشقي الاول
اكتسبت هذا الحب من البطانة
عشت بها ونشقت بها ومطرت
بها ولي معها زكريات لاتنسي
واصل وكتر لينا من اشعار
طة الضرير وودضحوية
تسلم ياحبيب
| |
|
|
|
|
|
|
| |
عبدالله الأسد
سليمان القرشي
باسط المكي
مني عمسيب
فيس بوك
تويتر
انستقرام
يوتيوب
بنتيريست