كتب الكاتب الفاتح جبرا المتوفرة بمعرض الدوحة
|
|
 يامغتربين،،،الليلة قبال باكر،،هاكم مشروع عيشة،،وستشكروني...
|
يامغتربين،،،الليلة قبال باكر،،هاكم مشروع عيشة،،وستشكروني...
اخوانا في الاغتراب
الناس مصيرن يرجعوا
اذا كان مصدر العيش الشريف هو ما اخرجكم
فان المصدر الشريف لا شك سيقودكم للرجوع
لقد تشغلبت الصور تشغلبا كاملا
وما كان الامس مصدر مامون
اصبح الان بعض سراب
فمثلا يظن المغترب ان منزلا معقولا يمكن اذا اوجر ان يقوم بالواجب
ان منزلا بمليار لو اجر فلن يكفي لصيانة نفسه
فما العمل
جاييكم
|
|
 
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: ismeil abbas)
|
هووي يا ود عثمان أوع تقولي الزراعة ..
شايفك الأيام دي ساكي البويتات البقولن عليها محمية ..
إنت قايل المنبر دا ما شيال حال ؟
أيوه الزراعة مبروكة وعيشة حلال ..
إلا يا خوي بلا تصنيع ولا تسويق علمي مامنها فايدة ..
ياخي كان شفت اللوبا العفينا البنعلق بها البهائم في البلد ..
متزينة ومتلبسة ومنجعصة وسط الأطايب فوق رفوف السوبرماركت تحت الكوندشن تقلب الشهادة مرتين ..
إلا كان عندك تعويزة من عقاب صلاحكم تمرقنا لا بره ترانا راجنك .
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: ismeil abbas)
|
عبد العزيز حكاية فاصل ونواصل دي غير مجدية وبتخلينا نحرد باقي الفلم عديل كده دين يا أخوي أدخل في الموضوع فلم يعد هناك شئ أصلاً للتشويق إبتداء ، بعدين حكاية المشاريع أو المشروعات التي تدر whatsoever دي لم يعد لها مكاناً في السودان فكان الحكومة ما أكلتك أهلك بياكلوك وظلم ذوي القربي أشد مضاضة.
المناخ العام في السودان فاسد منتن والإستثمار جزء من هذه المنظومة. فإن اردت أن تنجح في مشروع في السودان فلن تسعفك أي نظرية في الإقتصاد أو فقه الإستثمار والشئ الوحيد البنفع أن يكون لك ضهر فاسد فمناخ الإسثمار في السودان هو الوحيد الذي يمكن أن يكون ناتج أبسط عملية حسابية فيه شئ لا يصدق هسي ممكن الناس يثبتوا لينا أن واحد ضرب واحد يساوي تلاته وعشرين ، كيف !! زي بصات الجريف ، ما قلنا ليكم دي بلد كل شئ فيها ممكن إلا المنطق.
ومع ذلك أقول ليك ربما يكون في مشروعك أو طرحك بعضاً من الأمل لكل أولئك الذين فقدوا الأمل مغربين أو محليين أمثالي.
| |
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: ismeil abbas)
|
عبد العزيز حكاية فاصل ونواصل دي غير مجدية وبتخلينا نحرد باقي الفلم عديل كده دين يا أخوي أدخل في الموضوع فلم يعد هناك شئ أصلاً للتشويق إبتداء ، بعدين حكاية المشاريع أو المشروعات التي تدر whatsoever دي لم يعد لها مكاناً في السودان فكان الحكومة ما أكلتك أهلك بياكلوك وظلم ذوي القربي أشد مضاضة.
المناخ العام في السودان فاسد منتن والإستثمار جزء من هذه المنظومة. فإن اردت أن تنجح في مشروع في السودان فلن تسعفك أي نظرية في الإقتصاد أو فقه الإستثمار والشئ الوحيد البنفع أن يكون لك ضهر فاسد فمناخ الإسثمار في السودان هو الوحيد الذي يمكن أن يكون ناتج أبسط عملية حسابية فيه شئ لا يصدق هسي ممكن الناس يثبتوا لينا أن واحد ضرب واحد يساوي تلاته وعشرين ، كيف !! زي بصات الجريف ، ما قلنا ليكم دي بلد كل شئ فيها ممكن إلا المنطق.
ومع ذلك أقول ليك ربما يكون في مشروعك أو طرحك بعضاً من الأمل لكل أولئك الذين فقدوا الأمل مغربين أو محليين أمثالي.
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: almulaomar)
|
يا اخوة الخير،،،
فتحت البوست ده مع وش الفجر،،
تسحرت ،،صليت
اخدت لي غميده
ساعة واحده،،
ماسك شغل جديد مرقت عليهو
جيت داخل هسع دي..
كفرت لي عاصم
تاوقت لقيت حروفكم
الموضوع موضوع حساب
واكان قلت ليكم مع العطشه والجوعه دي
وانا زول سكري بعرف تلت التلاتة كم
كضبت عليكم
نفطر ،،طبعا يومنا 16 ساعة
ونجي طق طق نوريكم
مش حساب ،،ومن ارض الواقع
رغم البلد المبشتتنو حكامو
نمسكم واحد واحد،،
سماعين اخوي ات مشهادك مشهاد غني في بلدك المجهجها دي
وشايفك صالط بتم معاك الامر
ود طه يعني قائل الزراعه مافيها مشهاد
وله اللعوج البتشوفو ده مابنعدل
بنعدل ونص بعزيمة الرجال
عن تجربه انا القدامك ده مسرة زراعه اخدت منها بوكس عل الزيرو
جعفر متفقين ،،اخر شئ يمكن ان يكون استثمار في المدينة
ارضها او بيتها
دي المعادلة الخطا،،مع ذلك توري الناس البديل يصرو علي مايقولون انه مضمون،،،ناس قراب نتناقش باستمرار
الملا اخوي
كلامك عديل
لقد افسد الفساد الحياة
وحول وطن سمحا الا مسرح خوف
لكن بالعزائم تصلح الحياة
والحياة لا بد تنتصر
وجيلنا خلاص سن معاشو اوشكت
والخليج والسعودية علاقة الانسان بها عمل ولا فرصة لمواطنه
ابقي لابد من التفكير المزعج
وماذا بعد العودة؟
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: حمد عبد الغفار عمر)
|
يا اسماعيل،،،زرت صديقي عبدالله الامام،،كان مغتربا لعشرين سنة....
قلت له ان شاء الله بيت الخرطوم اكون تمام ...
قال لي انه يفكر في بيعه
قلت كيف يعني....
اخذني الي حوشه الريفي الواسع بطرف الحله
وجدت راكوبة اية منتصبه
بها 4 بقرات
قال لي بيتي بمليار
وبقرة واحدة من هذه الابقار تعود لي بدخل اكثر من ايجار البيت
قلت ولكنك اذا فقدت البيت...
ساقني لخارج الحلة
اراني ارضا مد البصر
قال لي ساشتري 20 فدانا هنا
قلت هذه تجربة فاشلة
قال تعال لاريك فما تفشل
ومررت علي تجارب ناجحة
قابلت اصحابها
فلماذا اكذب الارقام والمشهاد
واصدق المالوف
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
يا حمد المشكلة التي لايريد اخواننا مغتربي الخليج والسعوديه مواجهتها
انهم يوم ما لابد عائدون
والوطن الان كل مافيه مختلف عما في بالهم...
المدينة التي في بالهم ذهبت لغير رجعة
والريف الذي فروا منه لو احسنو استغلاله خير من المدينة
لن تستطيع البلايين ان تشتري لك بيتا حيث تريد في المدينة
ولكن بضع ملايين تضمن لك مشروع في الريف
ولا يستهونن احد بالامر،،فمن يعرف مال الاشياء
فليتيقن بان الارض الجيدة في الريف لا يماثلها قصر في المدينة غدا..
اولا العشمان في دخل في المدينة اقنع
لا صناعه
لا تجارة
كل الاماكن سدت وقل الرزق
اذن اين هو
حيث الانتاج،،،لتطعم الرجال البلهاء الذين بسياسة بلهاء
جمعوا كل البلد في مدينة
ستتوقف فيها الحياة
وعندي ادلة من تجارب
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: محمد يوسف محمد)
|
سلامات عبد العزيز
تربية الابقار والزراعة اتنين
من اهم وانجح المشاريع
وسبق اخونا د صلاح الدين نزلاوي
عمل بوستات جميلة عن تجربتو
في تربية الابقار اتصلت عليه
وسجلت ليهو زيارة في
المزرعة والرجل مشكور لم
يبخل علي بمعلومة وبل
ذهب معي لمزرعة صديقة
حتي اقف علي تجارب عدة
وصلاح راجل حبوب ويحب
الخير لكل الناس ممكن الاخوان
يستفيدو من تجاربو
ربنا يوسع عليهو في رزقو
ويعطية بقدر مايحمله من طيب
تسلم
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: صديق الموج)
|
اهيا يا الطيبين ...
فطرنا،،،وصليت نص التراويح مع امام لا يراعي لاهل الحاجات من امثالنا...
برادي ملان شاي...
ويالله...المشكلة تقول للزول كده،،،اقول ليك ماناجحه....
لن اتحدث الا عن تجارب اعرف اصحابها...
اخي واصدقائي...
ويا ود القرشي ياخي رسل لي ت صلاح...
ويا ود يوسف خلينا ايوه نخت الارقام فوق الحروف عشم في الرحمن
صديق الموج يا ود خالي قايل العوارض الله ما بزيلا...
وحات ابوك ارجع بلدك تاني مرحمن ومترحمن
ويختفي كل نصاب واعوج...
وتقدل تاني يابا عمده بي اطيانك
عبدالعظيم نحن ورانا حاجة ،،نغلب الاراء ونمرق بي الفيهو خير.
نقول قولنا هذا دون علاقة لنا باي سياسة وبلاويها
وفي بالنا النصيحة الحكومة ما بتفيدنا في امرنا ده
لكن هذا هم يجمع ود الباوقه قريبي وصديق ابن الخال
هم الجهجهة وعدم المشهاد
هم النفس والعقاب
ونبدا...
وقبل كل ذلك احي وارحب بالحبيب
البدري ع عاطي
فكم افتقدته..
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
نصيحة اولي....
ايما مغترب الان في البلد،،
اصلا ما تضيع ثانية واحدة تبحث عن صقيعة في المدينة...
حيث كان مقر اهلك ،وحيث كانت امكانية للحياة
الان ابحث عن الاتي..
.. ان كنت قريب من بحر ففتش لو تلقي عن ارضا سمحه،،،
هي رخيصة مهما غلا سعرها،،،ادفع اية مبلغ ل من فدان وحتي 10 حسب ظرفك...
تليها الارض الاقرب من البحر وتسهل البئر فيها..
لن يكلف ذلك كثيرا،،،حتي في المناطق الجيدة مقارنة بوهم المدينة
افعل ذلك دون تردد واذا وجدت هذه الارض الجيدة فلا تتردد حتي لو اضطررت ان تبيع ارضا لك بصقائع الخرطوم...
ركز علي،،،جودة الارض،،،شربها،،بحر اوبير سهلة،،،مواصلات ش الظلط،،ان لا تبعد عن العمران كثيرا ،،خالية من الموانع...
بالمناسبة لا زالت الارض الزراعية في السودان من ارخص الاراضي واجودها في العالم بينما السكنية اغلاها واسؤاها.
ثم ماذا بعد ان حزت علي ارض...
بالمناسبة ياصديق ممكن بمبلغ قليل جدا تكون مالكا لارض جيده وساعة واحده من المدينة وفوق الظلط...
نجي للمعادلات والارقام والتوقعات
وبعدين الموضوع ونسة اخوان انقل مارايته واظن بانه قد ينفع اصدقاء
ويقيني بان بركة ارضنا لن تنقطع،،،رغم عدم تعويلي ابدا علي حكام.
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
العام قبل الفات عاد بن عمي قنعان من الغربة،،ليس له من رصيد الا حقوقه البسيطه،،اشتري بها بوكس قديم،،له ارض في الخرطوم باعها بي 200 مليون قديم،،اشتري فدان واحد ارض،7 بقرات ،وزرع فدانو برسيم،،
البقر ولدن للمرة التالتة هسع،،الاولانيات 5 عجلات عشرن،،والتانيات 6 عجلات،،كان يعلف من برسيمه ويبيع ليشتري باقي علف،،
في خلال هذه المدة استطاع ان يربي حوالي 50 من الماعز..اللبانة...
قال لي يوميا يدخل جيبي بعد كل المصاريف،،500 الف صافي،،نسيت ان اقول انه من ارباحه عمل قفص دواجن به الاف من الدواجن البياضه..
قال لي انه لاول مرة ضاق طعم الحياة،،وعيالو عيونن فتحن..
اريد ان اسال صلاح عن تجربته ليته يطل...
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
ماذا اريد ان اقول...
يقنع الناس من كل شئ الا الغذاء
اشتريت الليمونة الان بدولار
ربطة جرجير صغيرة بدولار
بامية حلة بي 8 دولار
لكني اشتريت عربة كامري بي الف
في بلادنا بي 20 الف
اشتري صديق بيتا تمام بي 20 الف دولار
في بلادنا بي 100 الف دولار
المستقل للغذاء
مهما تلولوت الامور يوما ما تنعدل
ويجري كل العالم وراء خداركم ولحومكم وفواكهكم
حسنا ماذا انصح
ارض سمحة
تربية حيوان البان ودواجن
زراعه ويمكن نفصل كم وكيف وارقام.
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
هذه من بوستي مغالب سوق الخرطوم دخلنا بي شاحنة اتعوضنا ركشة
ما تركنا وودالبرعي ،، باب رزق الا طرقناه،،لملمنا باقي الجراب حصيلة شقا الغربة ،كانت مصرورة ومدخورة ليوم الشدة،،،وهاهو قد جاء، تحزمنا تحزم دراويش مهدي الله ، وطفقنا جوالين في الاسواق.
وتتوالي الخواذيق،،تشربكنا في بيت ورثة بكوبر،،خرجنا منه بشق الانفس،بعد ستة اشهر،،فقدنا ربع راس مالنا،،وثلث روؤسنا ،اشترينا دكاكين في السوق الشعبي الحصاحيصا،وما ان لبنت الا واكلها الطير،الغت الحكومة كامل السوق ،كما اقامته بقرار حكومي.
اشترينا تركتر تصلط عليه سواق معمش رماه في الكنار،فتفرتق حديدة حديدة،،عملنا كمينة طوب ،زادت نارها ففارت،،وحرقت .
قلت لود البرعي ،لن ينصلح هذا الامر الا بما صلح به اوله..
مهنة ابي ...
قال ود البرعي ،ات يازول مودر ،مالك داير تفك المشهاد ،قلت واين هو المشهاد،،السوق قدح نبي،،مالك مابيهو،،تيقن ود البرعي بان قد فات في الفوات ،والدخلت مي مارقة.
توكلت علي الرحيم،،هي عشقي منذ الصغر،وصلاة ابي الوسطي،كانت لنا ارض تركها والدي عليه الرحمة،اشتراها بسعر لوري في ذلك الزمان،،قال لي ،انها ارض مباركة ..
توجهت اليها،جيب فارغ ،ويقين ثابت،باخر عقاب جرابي حضرتها واعددتها،قلت لود البرعي،،ازرعها بطيخا..
لمحت بعينيه الاسي علي حالي،،وايامي الخوالي..قابلت مهندس الري بالسوق،،اخوه دفعتي وصديقي بحنتوب،،يعرف قصتي من طق طق لي استر الله،،قال لي سافتح لك الدرب ليوم وليلة جهز حالك.
كان جماعتي ستاند بي،،زرعنا بطيخنا،مع اخر دفقة ماء،شربت اخر سرابة لنا،،زرعت عشرين فدانا بطيخا،،قال ود البرعي،،الان فقدت ثلث عقلك الاخر،،تبقي الثلث.
لم تمت حفرة واحده،،طعنت الارض،مشرئبة للحياة بعزيمة وتوق،،وكان ملكوت الله قد استشعر اشواقها،،فما لبث الغيم الا وظلل الفجاج،وهبوب انفاس الرياح الحلوة يعطر الدروب،جزلا يمضي زرعي دون كلال،كانه نغم طروب ،تدوزنه الحياة.
اول لوري بتيخ يصل ملجة الخدار ذاك العام،كان لنا،،خشينا ان يقتلل السبابة فوقه،،عشرة لواري من ارضنا ولم يدخل المدينة احد غيرنا حاملا بطيخا....
ولا زال جزء منه لم يقطع،،كنت وود البرعي بكرين بحري نشتري بوكسيا لنج،،علي الزيرو من احد التجار الصالحين من جهة سوبا شرق،،اظن اسمه مصطفي،،اسما علي مسمي،،،
ثم ان الارض لم تتوقف عن نفحنا ببركاتها...
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: مامون أحمد إبراهيم)
|
الاخ عبد العزيز وضيوفه الاكارم
رمضان كريم ....
الفكرة جميلة جدا ومربحة ولكن ..!!!! الحكومة قاعدة
نعم طالما الحكومة قاعدة يعني الفكرة " مخستكة"
وانا شخصيا بديت بالامر ده والحمد لله انتهيت في الاغتراب ان شاء الله دشليون سنة
وانا حتى الان أملك شهادة بحث بامتلاك ارض ولكنني لا أمتلك ارض
وانا خريج أجتهدت وتمكنت من استلام ارض زراعية و"لململة " حق البقر ,...
ولكن حكومتنا " القاعدة دي" قلعت الارض وخلت لي الورقة " شهادة البحث"
وقمت بتأجير ارض لزوم الاجتهاد فيها وصلاتك ع النبي قبل ما ابداء مداهمات ما تديك الدرب من جهات تحصيلية
ربما يمتلك البعض بالا طويلا للتعامل مع ظلم الحكومة او يجيدون ادارة معركتهم معها
ولكن من خلال تجاربي وتجارب من حولي اقول ان الحكومة تنتصر حتى في معركة مثل الخيال ...
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
سلام وتحية أخي عبدالعزيز عثمان . ومبارك علينا وعليكم الشهر ...
من ناحية أنه لا مخرج للسودان اقتصاديا الأ الزراعة بشقيها النباتي والحيواني هذا كلام حقيقي ولا يوجد غيره ..
وأعتقد حتى الحكومة قد تبين لها أخيراً بأن أهم ركن في الإستثمار الزراعي هو المواطن السوداني
والدليل المؤتمر الذي عقد قبل ايام قليلة بخصوص الاستثمار الوطني ..
وأعتقد بأن وزارة الإستثمار الآن في حركة دائمة لحلحلة بعض المعوقات التي تقعد بالإستثمار مثل الجبايات والضرائب وغيرها ..
المهم وعشان نكون عمليين ..
هل لديك رؤية محددة عن كيفية الحصول على أرض زراعية (مزارع) بأسعار معقولة؟؟
وما هي الأماكن التي نتجه إليها ؟؟
أقصد الخطوات العملية لهذا الأمر ....
تحياتي وأمنياتي بالتوفيق ....
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: Dr. Ahmed Amin)
|
يا د احمد ،،ياخي تصوم وتفطر علي خير..
يازول حيكومة من متين شغالة بي همنا...
ياخي المزارعي المسيكين لي هسع ترعو يابسة ومازرع عيشو والذي ستري بنفسك،،،وربنا يكضب الشينة ،،ما سيحصل نتاج عدم الاهتمام.
حكيومتنا دي اصلو ما بتدي بتشيل
واقسم بالله انها قلعت من والدتي ومزارعين اخر حواشاتهن التي سلمها لهم مشروع الجزيرة ساعة قام..والجدير بذكره ان لوالدتي مئات الافدنة ملك حر قام عليها مشروع الجزيرة وكان نصيبها فيها كرت واربعة افدنة والتي قلعت منها،،،
بل وهم شيوخ في الثمانين ادخلوا الحراسة بتهمة التعدي علي ارض ليس لهم سلمهم لها مشروع الجزيرة وعام 75 احتفل داخلها مشروع الجزيرة بانتاجها اكثر محصول قطني..
شايف يا سيدي كيف،،الحيكومة بتربط ما بتحل...
ولو خلتنا من الربيط لكن شاننا اخر ،،نقول هذا ولا يعنينا من السياسة الا معايشنا...
ولكن رغم ذلك وبعيدا عن موتمراتها ننجح...
نعم،،،نزرع برتقالنا وليموننا وخضرواتنا،،،رغم معوقات انتاجهم..
نربي ابقارنا ودواجننا بعزائمنا وجدنا...
ذلك بان الحياة لن تقف ونحن لابد ان نفعل ما لاتريده وفشلت فيه
ان تكون بلادنا كما ارادها الله
اخضرارا وعمار
وليس من اي قوة توقف هذه العزيمة
وانت زول شاطر ضرب...
اما اين الارض فاعتقد بان الاجدي ان يبحث الانسان في ما حواليه
يعني ناس مناطق النيل الابيض يفكرو يستثمرو هناك
الابيض وبارا هناك
مدني وناس ع حفيظ كوستي
ود شيقوق البردانة وهو السنة نازل زراعا بي تقلو
ونحن ديل فوق وش البحر الكاملين وما جاورها وحتي الحصاحيصا
توكل الليلة واختي ارض من الحيكومة تاكد اصلو مابدوك ارض فيها عمار،،اعصر علي جيبك
وما ارخص واجود الارض الزراعية،،وي كان الناس لا يرون..
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: سليمان القرشي)
|
قاليك جماعة في السعودية ساكنين كمية في شقة، اغلبُن
ما شغالين، وحالتهم صعبة جداً. يييييييييييا الله ملحقين
ياكلوا ويشربوا.
أها، في وسط المعمعة دي وآحد جاب أخوهو من السودان.
الجماعة قالولوا، يا زول، إنت شايف الحالة زي الزفت،
تجيب أخوك !!!؟؟؟.
قالهم، أنا قُلت كان أكلوا بُرتُكانات مع رفاقتو ديل بينفعنو.
ثُمّ ورمضان كريم علي الجميع...
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: معاوية المدير)
|
يا ود المدير شوف من ماسي الغربة ات قايلا كلها اكل برتكان
الصحراء تتمدد امامي واضحة نهارا ويكتنف ليلها الغموض ،،كانت الريح تضرب بالحصا علي عربتي احملها علي الجادة حملا،،والفضاء موحش وفارغ يتسلل لك احساس بالقيامة والقبر ووالوحشة
لاحت لي قهوة يتيمة علي جانب الطريق ،،قلت اشرب شايا اطرد به الضني ورهق العينين،،دخلت فؤجئت بشخص ينظر الي بعد تحيتي كانه عرفني وما ان اقتربت حتي هب،،،،مرحبا بي ،
منظر شاله حسبته يماني،،كان يستطعم سلم علي بفرح خرافي وامر بمزيد من الطعام رغم اصراري باني قد اكلت مسبقا،،في الحقيقه انا لا اكل في السفر في مطعم ولكن الرجل بسماحته،لهفته وكرمه اجبرني،،ثم خطر ببالي انه قريب او صديق سقط سهوا في بلاد يسقط فيها كل شئ بغتة..
ثم لم استوينا لجلسة الشاي بدا جلجماش ملحمته..قال..
حسنا دخولك ادخلني لعالم الاحياء،،انا اقيم مسيرة ساعات ست من هنا،،وسط محيط من الرمل والاشجار الزابلة الشحيحة
ات الي هنا مرتين في الاسبوع كاني ابعث من قبري،،مرة اخذ فنطاظ الماء والاخري العلف...هناك خلف هذه الصحراء المرعبة بوادي غير ذي زرع وسط ادغال مبعثرة لشجيرات شوك بلا ظلال توجد قبورنا الجماعية المتباعدة قيامة من الاهوال،اثنان من رفاقي اكلت الشمس رموش اعينهم احدهم صار اجهر،،واحد قبلهم اصابه الجنون،، ررابع مات بلدغة ثعبان
قال كنت اعمل في السودان افنديا صغيرا في وزارة التجارة ولي عربة تاكسي قديمة اعمل بها بالامسيات ،،معي امي زوجتي وعيالي انا من جهة الغابة بالشمالية ونسكن بعد حضوري الخرطوم في المقرن،،حالنا مستورة،،،جاء قريب لنا من الاغتراب واقنعني بالنعيم الذي ينتظرني،،فيزة مدير مزرعة،،تكلفة الاجراأت وشوية اكراميه له
بعت التاكسي فكيت البيت وجئت لحيث مدين صحراء الظما لوحشة والاهوال حلمي ان اجمع مايشتري لي عربة تكسي عزائي انني ابعث من قبري مرتين واني اجلس في خيمة حمت رم وشي الاحتراق،وعيني الجهر.
ثم انه بكي ،،،قلت يا رجل ترجل،،قال والله ما ابكاني الا ذكري من مات حالما بخطيبته،،ومن جن حالما بامه..
انه طرف من الصحراء يسوقك للجنون،،ولكنه المر..
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
ع عاطي اخوي ....
وحاتك نحن محل قاعدين مرتاحين طب...
بلدا ميزوها اهاليها لهم ولضيوفهم..
ثم انهم لا يبخلون علي الضيوف ان يكونو مثلهم اسياد بلد
لذلك ياسيدي نبكي حين نري ارضنا جرداء غبشاء فوق النيل
ونبكي حين نري اهالينا يضيعون اغلي ماعندهم ،،ريف سمح بهي
لينحشرو في مدن مزدحمة قبيحة
اجيك من الاخر،،طبيعة حبي الله بها بلادنا ،،من اسهل الحيوات
لازلزل لا ترنيدو واعاصير وثلوج وفيضانات
بلد مستقرة
ياخي قوقل تلقي فوق النيل الاف الكلم ولا شدره
الحامينا شنو،،،
حسبت الف شجرة موسكيت وعشر في انحانا
فتشت عن شدرة ظل واحده وجدتهم قطعوها
ati Badri · كلية الهندسة جامعة عين شمس
يا عبدالعظيم مكي
عليك بالتسلح بصبر ايوب قبل دخول بوستات عبدالعزيز
وبعدها تنفتح واسعة امامك ابواب المتعة الباذخة والاحاسيس المضمخة بانسانية في ارقى صورها
رد · · منذ 2 ساعتين
Aati Badri · كلية الهندسة جامعة عين شمس
يعني يا عبعز
الف ربيطة جرجير
البتحشها من التقنت
تجيب كامري عندكم؟
طيب ياخي ما نشحن لك الجرجير وتشحن لنا الكوامر
رد · · منذ 2 ساعتين
Aati Badri · كلية الهندسة جامعة عين شمس
انا متابعك وملاكك الحارس
لكن ما كنت قادر اداخل معاك
الحمد لله اتحل الاشكال وهاانذا اتابعك واتداخل كمان
رد · · منذ 17 ساعة
Aati Badri · كلية الهندسة جامعة عين شمس
عبعز
رد · · 3 يوليو، الساعة 02:10 مساءً
Abdelazim Mekki · TU Berlin
ده إستثمار زراعي ولا قصه قصيره
رد · · 3 يوليو، الساعة 04:33 مساءً
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
الأخ عبد العزيز عثمان السلام عليكم ورمضان مبارك
لك جزيل الشكر على حرصك على تقديم عمل الخير للناس فالدال على الخير كفاعله
ولكن أي عمل إقتصادي لا بد أن تسبقه دراسة جدوى كافية قبل الإقدام عليه تخوفاً من الوقوع في المخاطر التي لا يحمد عقباها
لذلك ولكي تكون الفكرة متكاملة يا ليت لو عملت لينا دراسة جدوى مصغرة للمشروع بالأرقام بحده الأدنى لأن الكلام الإنشائي وحده لا يكفي للولوج في عالم الإستثمار
ولك كل الشكر
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
السلام عليكم ورحمة الله
لعلك تقصد يا اخ عبد العزيز ان ينتج الناس ما يحتاجون اليه فى بيوتهم من تربية بعض المواشى والدواجن وزراعة بعض الارض للاستهلاك الاسرى ، ان كان هذا قصدك فهو امر مطلوب ومحمود
اما ان كنت تقصد انتاجا تجاريا فاعتقد ان المسألة ليست بهذه السهولة فسيكون عند الناس انتاج يحتاجون الى بيعه ودونك جوال البصل قبل فترة قليلة هبط سعره حتى لم يوفى حق عمال الحصاد وتصريف المنتجات الزراعية يحتاج الى فتح اسواق خارجية وهذه دونها عقبات وعراقيل امنا الحكومة من جبايات وتدهور فى الطرق وعدم وجود مطارات وموانى ومصانع تعليب وتجفيف ومواعين تخزين وتبريد كافية
ارجو تصويبى ان كنت مخطئا
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: يوسف أبو صالح)
|
يا سفيان فكرتي ببساطة كالاتي...
قلت للاخوة المغتربين الجايين اجازات لا تتورطو في ارض صقيعة في الخرطوم،،،اولا قيمتها خرافيه،،وانت ملزم استنادا للسعر والغرض ان تبني فيها منزلا سكن او ايجار مكلف جدا،،،حتي اذا استطعت اتمامه وتاجيره لن تكفي قيمة الايجار لصيانته...
حسنا اعتقد ان البديل ارض زراعية جيدة تاكد تماما بالمنطق ان قيمتها تزيد كل يوم لاهمية الغذاء،،وطال الزمن او قصر سيتغير الواقع يوما ما وينفتح بلدك...
اذا زرعت هذه الارض ايما شجر مثمر برتقال ليمون ج فتاكد انها مربحة
قوقل انتاج الالبان وستجد ميات التجارب الناجحة
نحن يا سيدي اسيري ان الحياة منزل في المدينة
انا اقول المستققبل للريف والانتاج
انسي الحكومة لا افكر فيها فهي لن تنفعنا بشي بطبيعة تفكيرها واولياتها
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
مولانا الناظر الملك
Quote: ياخي كان شفت اللوبا العفينا البنعلق بها البهائم في البلد ..
متزينة ومتلبسة ومنجعصة وسط الأطايب فوق رفوف السوبرماركت تحت الكوندشن تقلب الشهادة مرتين .. |
وما اتفرجت دحين في المشروم البقوم بروس في خلانا كيفن ناسك ديل مجيهنوا وكاتبين ليهو (الكيلو 4 ريالات عمانية) يعني قريب 100 الف ج بالقديم .
دا حرررررررررم عندنا بقوم بروس سااااااااااااااى في الحدب والصقيع واسمو عندنا كان قلتو ليكم بكري بلحق باسويردي امات طه الحين .
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: محمد عمر الفكي)
|
ول أبا عبد العزيز عثمان ..
رمضان كريم وتصوم وتفطر على خير ..
مشروع رائع .. وأكيد مبشر ..
لكن، يا ول أبا عبد العزيز .. كما أنك تحدثت عن التغيير الذى طال بلدنا .. وأقتصادنا .. لم تتحدث عن الزراعة مع التغيرات التى تشهدها بلدنا فى نموها الأقتصادى ..
الأقتصاد السودانى خرج من مرحلة الزراعة إلى مرحلة التعدين ..
مرحلة أستخراج البترول .. والذهب واليورانيوم وغيرها .. رغم أنها أوهام لكنها وجدت النفسية التى تصدقها ..
وقد رأينا أرتال من المواطنين والشباب تحديداً ترك وظائفه وذهب للتعدين والبحث عن الفرص الكبيرة فى المجهول ..
هل سمعت بمرض الأقتصاد الذى يسمى ال "الداطتش سندروم" .. أى مرض الأقتصادى الهولندى ..
أخبراء الزراعة واجهوا هذا المرض فى كل أقتصاديات العالم بعد خروج أى دولة من الزراعة إلى التعدين .. أو توهم ذلك الخروج
وخلاصة المرض .. ينبئ بنهاية الزراعة وتربية الحيوان بالطرق التقليدية .. وتحول الأقتصاديات إلى مرحلة التعدين ..
الأمر ليس هذا فقط ..
بل تفقر القطاعات التقليدية وأهلها ويغنى أصحاب الحظوة الذين يستثمرون فى الأقتصاد الحديث الذى يحل بعد البترول ..
------------
نقيف هنا .. لغرض يخص الأسرة مربوط بزمن .. كل الجماعة بما فيهم سيدة المنزل فوق راسى .. والمداخلة لم أستطع قراءة ..
سوف أرسلها لكم بأخطاءه وسوف أصحح أى خطأ لاحقاً
بريمة
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: بريمة محمد)
|
الحل .. ليس فى الأستثمار فى الأقتصاد السودانى .. الأقتصاد السودانى قارب أن يصل مرحلة الأنهيار ..
إذن ماذا لو فكرنا فى الأستثمار فى أقتصاديات الدول التى نستوطن فيها فى الغربة .. مثلاً الأستثمار فى الأقتصاد الأمريكى أو الأقتصاد الفرنسى أو الأقتصاد البريطانى؟
هنا تكمن فرص نحن حرمنا منها أنفسنا بسبب وهم العودة.
السؤال ماذا نستثمر ونحن أتينا فقراء نبحث عن قوت يومنا؟
بريمة
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: بريمة محمد)
|
ماذا نستثمر فى الأقتصاديات العالمية ونحن أتينا فى هجرتنا فقراء؟
هذا سؤال كبير وتتشعب الإجابة عليه ..
فى مكاتب الهجرة الأمريكية .. وضعت صورة أينشتاين وكتب تحتها .. "ليس كل ما يأتى به المهاجر حزمة أغراض بالية، إن إينشتاين كان مهاجراً"!
الفكرة هى ماذا لو أستثمرنا فى أقتصاديات المعرفة .. أى ماذا لو أستفدنا من علمنا وخبراتنا وعملنا منها بيوتات خبرة أستشارية؟
مثلاً معرفتنا باللغة العربية .. كمثال ..
ماذا لو جمعنا خبراتنا التى أكتسبناها فى الغرب .. وقدمناها لدولنا وغيرها ..؟
لماذا لا يكون جهدنا جماعى .. بدل أن يكن فردى .. ونجمع مدخراتنا أو معارفنا ننميها ونستثمرها بصورة جماعية؟
----------------------
لكن بعد كل النضمى .. لو لقيت لى قطيع بقر حوالى 400 رأس وجملين وحمارين والمرحال سالك من الأبيض لتلودى .. لا استبدله بأى شيئ أخر ..
بريمة
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: محمد عمر الفكي)
|
صلاح حمد،،تحياتي يا صديقي...
واسعدني مرورك..
وافرحني رفعك للشعار ،،الارض
فليكن نشيدنا الوطني يصلح وطننا بالعمار في ماحبانا به الله..
ارض مقدسه وانهار مباركة
كان كافيا لو احسنا ادارتها لكنا سادة انفسنا في هناء ورغد
لو سخرت اموال الفشخرة والضجيج الفارغ العربات الفواره البيوت الزجاجية
اليخوت السفر الوفود،،،الكلام الشايلو الهواء
لو ذهبت حيث الانتاج
حفائر ودوانكي مراكز بحوث وبيطره
مصانع تعليب وانتاج الفواكه ومشروباتها جبل مرة
الخضر والتمور انتاجا وتسويقا
اللحوم والالبان والا########
الجزيرة وحدها دولة كاملة
دع عنك مئات ملايين الافدنة الخصبة الصالحة
ولكننا ياللعار ضيعنا كل ذا
هزمنا الامل والحلم
انتجنا الايدلوجيا والسياسة
ولم نكن نحتاج اكثر من انتاج الحياة
بدل ان ينشغل كامل الوطن بالموت
ولابد ياصلاح من انصلاح الحال
فلننبدا نحن،،،وندع الحكام فمتي انشغلو بالحياة.
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
اخي يوسف ابو صالح ،،تحياتي لشخصك الكريم ورمضان مبارك...
كلامك منطقي من حيث ان التسويق مهم جدا،،وعنصر اساسي في اندنوسيا انشا المزارعين شركات انتاج زراعي اداروها بعلم وتنظيم،،حتي انهم رتبو للمزارع جدولا يتبعه بحرفيه،،،منذ بذر الحبة والي موعد اخذ الثمر لشحنها بالطائرة،،يستطيع الناس ان يتجاوزو دولة عاطلة عن الابداع والانتاج بالدخول في شراكات تجارية لتسويق منتج جيد النوعية وفق المواصفات معد وباكننج بصورة جيده تغليفا وتعليبا وترتيبا،،من يقول لا لغذاء جيد،،هل رفض العالم لحومنا،،بعملية مدروسه وواعية تستطيع بلادك ان تغذي كل دول الجوار خضرة فاكهة من ليمن ومناجو وموز ولحوم.
ثم يا اخي انظر لحالنا نتستورد الفواكه التي يمكن انتاجها والطماطم واللبن وحتي النبق..
اذا رتبنا ونظمنا نستطيع ان نستثمر ونسوق ثم اذا انخفضت اسعار الغذاء في بلادنا فهذا انتصار للحياة وتاكد بان كل شئ سيتاثر ايجابيا،،انا لا اتحدث عن انخفاض عبثي يجعل المنتج بائرا يخسر المزارع ويزهد ،،،الامر ليس عصيا نحو يحتاج لترتيبات واعداد فني لوجستي.
طبعا لولا دولتنا المبهلة لما احتجنا لكل هذا الكلام،،ولكن علي اولادنا المتعلمين تولي الامر واعمال الفكر،،،فلن تهتم الحكومة الا بالجبايات واللولوة.
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
يا بريمة نقفذ بعد الاذن...
ياخوي السودانيين الجو غربا ديل مشكلتهم محلولة فهم اصبحو من اهل هذه البلاد ...
اتكلم يا بريمة عن الملايين،بالبلدان العربية والافريقية،،تنتهي اقاماتهم بمجرد ان ينتهي عقدهم..
هؤلاء الذين تقادم بهم العهد بغربة تنتهي بانتهاء خدماتهم...
انهم ملايين،،،ولقد اصابهم ياس قاتل
بلادنا الطارده
وغربتهم الممحوقه وماحقه
فما لديك لهؤلاء
اشيلو شقي عمرهم اديدعوه في ارض صقيعه في الخرطوم
يا بريمة اعرف من اجذ بيتا بالمدينة بمليارات
وليس من من يؤجره،لا زال يدفع لغفيره وصيانته
لو وضع هذه المليارات في ارض جيده
احسن ادارتها واستغلالها لنفع
ثم يابريمة
الدرس الاول الذي تعلمته منذ وصولي لهذه البلدان
احترام الحياة والعمل
الاتري كيف حول هؤلاء الرجال بلادهم الي جنات
زرعوها وزينوها
من يا تري يبني ارضنا اذا كانت وصيتنا لبعضنا البعض
انج سعد..
انخرج جميعا ونتركها لرجال بلهاء لم يحسنو ادارتها
انا اريد اجابة كيف لعاقل ان يترك مشروعا كالجزيرة يسقط
ذلك باننا لم ندعم اهالينا
بالراي والمعلومة والقرش حتي يصمدو امام الغول
حتي لا يتم القضاء مشروع صاغنا كامة
من الشرق والغرب والجمال
من افريقيا حتي ملاوي
احتمو به فحماهم
يابريمة اذا هرب الجميع من يهزم الغول
ينتصر للحياة
والله نهضة السودان دا بس تخرس السياسة
وتبعد عنا الحيكوومة بلاويها ولولوتا
براهو يقيف زرعا وضرعا وحياة
تعال يابريمة نتناقش
وحارجع ليك
انا زول معايش ولا تهمني السياسة والاعيبها .
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
عبد العزيز
تحياتى
الزراعة بنعرفها كويس وشغالين فيها مضرب بحر ووراء الكنار عايزة صبر ايوب وعمر نوح ومال قاروون
البقر مجز جدا لكن ماعايز شغل الافندية الجداد توتو كورة
ارض البحر على ضفاف النيل الازرق من الخرطوم لى مدنى الان عليها هجمة ولازال فى فرقة فى اسعارها خصوصا من شمال الكاميلن لحدى ابوعشر لكن جهات الحصاحيصا ارخص مضرب بحر خلاء بدون شجر اقل من 80 مليون للفدان مافى والفدان المخضر وصل ال 150 مليون عندنا وفى زول جاى من الخرتوم واسمو عصام فى جهات الحصاحيصا يشترى شراء من لايهاب كميل الفلوس واستحوذ على اراضى شاسعة( طبعا بى قروشو) بين الحصاحيصا لحدى بنطون الجنيد ودى من اخصب الاراضى وكانت غابة ام سوتيب جوار مزرعة بن لادن جهة مشتل قنب كدة كفاية ولانزيد واللة الزراعة فى دمنا والسنة نبشرك التيراب للفول جبناهو من الهند اكان نجح العصارات بتشتغل عدلنا و3 ولا اربع بكاسى جداد بقيفن فى بيتنا بس قول يارب انجح الخريف واكفينا شر الحكومة والفار
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
يامحمد عمر الفكي،،باذن الواحد الاحد سيقدل بن الخال ود الموح في بستانه يتخير من فواكهها شماما بطيخا برتقالا وجوافة ويملح لعياله من دواجنها ويملا سدر عربته من خدارها وبسكلة لبنه وللجيران..
وسيتفئ ود المدير عجوته وبلحه وبرتكانه ..
اما انت فتحوذ باذن الله كل ذا..
سينهزم الشر،،تنتصر الحياة...
وماذلك علي الله بعزيز
وعلي هذا لشعب الطيب الصابر كتير..
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
محمد احمد ود سعيد الزول الجواد الفهمان ،،،
يامك ،،نحن الجزيرة دي محوجانا اكان ما المغايس لي شي...
والله يامحمد احمد جبت تيراب عيش من ج افريقا زرعتو في 4 فدان جابت مية جوال،،،وفي عام زرعت بتيخ معي استاذ الزين البتيخه قدر التيبار،،ولكنهم افقروها عطشوها وتركو افاتها تتكاثر...
كم في رايك بمناطقكم او ماجاورها سعر الفدان ورا الظلط او قدام الكنار ارض ملك حر.
هل عندك معلومات عن تربية البقر الحلوب نفيد بها الاصدقاء
اشكر عبورك المحفز
اما الجزيرة فلا بواك لها
واسال الله ان تنجح تجربتك الخيرة لزراعة الفول..
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
غايتو أديتنا أمل شوية
أنا عندي مزرعة 7 فدان من البيت حوالي 2 كيلو، يعني لو وقعن فيها بهايم بشوفن من البيت
الآن بور ما قادرين نسوي فيها بصلة
وهي الأرض نفسها التي أنوي إقامة مزرعة أسماك في تلاتة فدان منها
كان الله هون ورجعنا سالمين غانمين
مسألة بيع الأرض عندنا نادرة، بل هناك نظرة استحقار للشخص الببيع أرض أجداده
ممكن تأجرها ، ممكن تشارك زول في زراعتها، ممكن تاخد تمويل وتجيب عمال
لكن البيع نادر عشان كدا ما بعرف أسعارها كيف
وأراضينا البتشرب من نهر عطبرة من أخصب الأراضي (يمكن) في العالم كلو مش في السودان
لأنو الأتبراوي في الدميرة بجينا لونو زي القهوة
جاب زبدو وسوام وبعشّم
والقش روسو شبّن وللعجايف عشّم
البتيخة البتقولا دي نحن بنرميها حبة وما بنديها الحبة تاني، لا موية لا سماد لا مبيد ممكن تلقما بي خرا حمام
وبتجي تلقاها زي البطاح وحلاتا عينة
نعم للحياة في الريف، نقية وهادئة، ولادك بطلعوا أقوياء في كل شيء، بدنياً وعقلياً
بمشوا البحر يعوموا الضحوية كلها،
بجوا بلعبوا من بعد العصر شدت لامن تغيب
بعدين بجوا شليل وين راح أكلو التمساح
نحن هنا حالهم يحنن، مقفلين في شقق لا تتعدى المية وخمسين متر
ويومهم كلو في قوموا أكلو، أمشوا نوموا، أقعدوا في التلفزيون
عندي واحد لو لقى ليهم عشرة متر فاضية بقوم يجري فيها رايح جاي زي سبعة تمانية أشواط
ودي حركة غريزية عشان يشبع حاجة جسمه للحركة
وسأعود
تحياتي مثنى وثلاث ورباع
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: Mohammed Ahmed Saeed)
|
يا محمد احمد شكرا للاهتمام....
سيتصل بك صديقي الذي عنده الرغبة في المزرعة وهو موجود معكم بالخليج،،
تعرف يا محمد احمد تصدق رغم كل اهتمامي الذي تراه ،فانا الان ارضي فاضية وتركتها للاخوان ،،وتركت المزرعة لهم وصرت اشجع في الجميع من البعد نسبة لسفري واستقراري بعيدا...
لكن هناك عدد من الاصدقاء مهتم بالامر ممن استقر بالخليج وعندهم رغبة و امكانية للاستثمار في هذا المجال في نفس المنطقة التي ذكرت ،فعلا هذه المنطقة جيده جدا ومستقبلها ان تكون حضر ومنتعشة فاراضيها خصبة وقراها ناهضة وهي خير من المدينة .
اتمني ان اجد هنا او في الخاص اسعار الارض وتلفونك لاعطيه للشخص الذي يريد الارض،،وهو شخص جيد ومهتم،،كيف حال عبدالمنعم.
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: عبدالعزيز عثمان)
|
ماذا أعددنا للعودة إلى الوطن؟
معلوم ومفهوم أن الإنقاذ شرّدت الكثيرين من السودان. منهم من هاجر إلى بلاد الفرنجة وهؤلاء عودتهم اصبحت صعبة إن لم نقل شبه مستحيلة وذلك لعدة أسباب. وكثيرون يقولون لك لن نرجع السودان ما دامت الإنقاذ جاثمة على صدر الوطن. كلام معقول ومقبول وهو الرأي الآخر. لكن يجب على الجميع الإستعداد للرجوع إلى الوطن حال ذهاب الإنقاذ للمساهمة في بنائه لأن الإنقاذ ستتركه مدمّر تدميراً كاملاً ويحتاج لسواعد بنيه لبنائه من أول جديد. وهنا نود أن تكون الخبرات التي ساهمت وما زالت تساهم في رفعة الدول الأخرى أن تكون على استعداد للمساهمة في بناء الوطن عن رغبة واقتناع.
ولكن السؤال هل يفكِّر الجميع في الرجوع إلى الوطن؟ ما هي فكرة الرجوع أو بالأحرى ما هي خطة الرجوع؟ لا يمكن أن نقول لشخص تقاضى مرتباً بالدولار لسنين عددا أن يعود لتلقي مرتباً بالجنية السوداني الذي تدهورت قيمته وقدرته الشرائية إلى الحضيض. المعقول ومقبول منطقياً أن يفكر كل من يريد العودة أو يخطط لها في إقامة مشروع عند عودته للوطن. يفهم الكثيرون كلمة مشروع خطأ. ويظنون أنها تعني صرف مبلغ كبير من المال وانتظار العائد ببطء شديد. هذا غير صحيح. على المستثمر تفصيل مشروع إيرادي من أي نوع يختاره يعرف في البداية كيف يديره.
يعتمد إختيار المشروع الاستثماري على مهنة أو إمكانات المستثمر المادية وخبراته الإدارية. فمثلاً لا يمكن أن نطلب من مهندس معماري إقامة مشروع لتربية الماشية مالم يكن مستعداً للصرف على تيم من الإدارة العليمة بإدارة هذا النوع من المشاريع. وفي نفس الوقت ينطبق القول على طلبنا من طبيب بيطري أن يقيم شركة مقاولات للبناء و التعمير. السودان يزخر بخيرات لا ينكرها إلا جاهل. وهنا فرق بين معرفة خيرات السودان ونكرانها. وباستغلال هذه الخيرات والإمكانات المتوفرة في الوطن يمكن لأي إنسان أن يفكِّر أو يقيم المشروع الذي يروق له والذي سيدر عليه دخلاً وهو عليم بكيفية إدارته.
يذخر السودان في أركانه الأربع بكل معينات قيام المشاريع الإستثمارية الصغيرة والمتوسطة. ما على من يريد الإستثمار إلا تحديد هدفه شاملاً كل الجوانب التي تهمَّه لقيام المشروع بطريقة علمية صحيحة. على المستثمر الصغير أي المغترب او المهاجر العائد؛ تخطيط المشروع حسب مقدرته المالية ولا يلجأ للإستدانة من البنوك أو التجار. يجب أن يشمل راس مال المشروع كل التكلفة من معدات ومباني وأرض ومواد خام وتكلفة عمالة وتعبئة وترحيل المواد الخام وترحيل المنتج النهائي للسوق للبيع بالإضافة لمواعين التخزين للمواد الخام والمنتج النهائي.
وهنا بعض الأمثلة للمشاريع الصغيرة ذات التكلفة المعقولة، بل يمكننا القول البسيطة التي في متناول يد المستثمر الصغير، حسب المناطق في السودان. ففي منطقة الجزيرة يمكن قيام صناعة إنتاج معجون الطماطم بأنواعه؛ الصلصة. فالطماطم في موسم الإنتاج تفوق كل التوقعات والآلات التي تنتج وتعبئ المنتج قليلة التكلفة، صغيرة الحجم ويمكن نقلها على ظهر عربة بوكس عادية. كما أنها لا تحتاج لطاقة كبيرة فيمكن تشغيل تلك الماكينات بمولد صغير لا يتعدي 10 كيلو وات يمكن حمله بجانب الات الإنتاج. ونفس المشروع يمكن تنفيذه في عدة مناطق بالسودان مثل كوستي وأم روابة وغيرهما.
هنالك صناعة تجفيف البصل. هذا مشروع سهل ومقدور عليه من حيث التكلفة الكلية ولا يحتاج لرأس مال كبير. كمان آلات تجفيف البصل وتعبئته سهلة التركيب وغير معقدة. ويمكن تخزين المنتج النهائي لمدة تتراوح بين 6-12 شهراً. والمعروف للجميع أن البصل ترتفع اسعاره في الشتاء وتنخفض في موسم الإنتاج في شهور الصيف. مثل هذا المشروع يمكن قيامه في الجزيرة ونهر النيل وكسلا والخرطوم. ومثله مشروع تعبئة البطاطس بعد تحويلها لمنتج استهلاكي نهائي وهو مشروع قليل التكلفة عالي الربحية ويمكن قيامه في كل من الخرطوم ودار فور شملها الله بالسلام. مثل هذه المشاريع للأشخاص الغير مهنيين اي لا يحملون مؤهلات مهنية محددة.
لذوي الإختصاصات من كافة المهن كالأطباء الإختصاصيين وما يليهم من الوظائف خاصة الفنيين منهم مثل تخصصات المعامل والأشعة وتوابعها من اجهزة الفحص المعروفة مثل أجهزة رسم القلب وإن إم آر، سي تي سكان وما شابهها فيمكن البداية بها كمشروع استثماري يجعل المستثمر مستقلاً مادياً؛ كما يمكنه التطوّر لمشاريع أكبر بعون الله. كذلك المهندسون والفنيون من مختلف التخصصات يمكنهم الاستثمار كل في مجاله وتخصصه بأن يبدأ بمشروع صغير يتطوّر معه ويكبر حتى يصير عملاً ضخماً يفخر به صاحبه.
حتى لا يحبط القارئ بعد قراءة هذا المقال بتذكره لسلطة الإنقاذ، قلنا إنها مشاريع للعائدين للوطن بعد ذهاب الإنقاذ في أقرب فرصة ولكن من يريد الإستمرار في الغربة حتى بعض سقوط حكومة الإنقاذ فهو حر في تفكيره ولكننا ندعو الجميع للتعاون والتفكير في الرجوع للوطن بعد أن ينصلح الحال بذهاب الإنقاذ والله قادر على ذلك. (العوج راي والعديل راي).
رمضان كريم. زر قناتي في اليوتيوب من فضلك واشترك معنا
https://www.youtube.com/user/KabbashiSudan
تحياتي.
كبـّاشي الصافي
| |
|
|
|
|
|
|
|
|
|
Re: يامغتربين،،،الليلة قبال باكر،،هاكم مشروع عيشة،،وستشكروني... (Re: cantona_1)
|
ثم ان لا حياة من غير زرع واخضرار،،كل الناس غنيهم وفقيرهم ،رئسهم ومرؤسهم ،بهم دوما ذلك الحنين الطاغي،،لحيث عشب وماء،بل ان ما يصنع الجمال دوما هي هذه الخضرة التي تحفه.هنا تجد الروح فضاء لاشراقها،والنفس براح لسكنها،،كيف بالله عليك اذ تشرق شمسك،فتجد نفسك تعب من هواء الحقول الصافي،،واذ ما الشمس شوت الناس شيا تجد نفسك تفئ لظلال الاشجار الوارفة،،تستانس بطيرها،وتانس لحيوانها،،تنتصر لتجددها،تفرح لاسهامك في اطعام جوعي ودورك في صنع الجمال..
لو خيرت بين قصر اسمنتي في المدينة،،وحقل اباشر منه الحياة،الامس الناس ،احس بهمهم وفرحهم،،لما ترددت ان اولي شطر الحقل..فلكي تنتصر الحياة لابد من غرس الثمر كي تنمو ,
الاعجب انه واضافة للقيم الداخليه،،فان كسبها المادي لا جدال البتة فيه،،ويا ود سعيد،،اغرس الاشجار الطيبة،،ودع اصدقائك العابرين من الخليج والسعودية،،يتفئون ظلالها ،استجماما قبل وصولهم المدينة.
نشكر كل من مر بهذا البراح،قارئا او معلقا.
| |
|
|
|
|
|
|
| |
عبدالعزيز عثمان
ismeil abbas
محمد على طه الملك
جعفر محي الدين
almulaomar
حمد عبد الغفار عمر
سليمان القرشي
صديق الموج
مامون أحمد إبراهيم
ناصر حسين محمد
معاوية المدير
صديق عيسى صالح
سفيان عثمان قرضيه
صلاح حمد
يوسف أبو صالح
الطيب شيقوق
محمد عمر الفكي
بريمة محمد
Mohammed Ahmed Saeed
بدرالدين بابكر مصطفى
cantona_1
فيس بوك
تويتر
انستقرام
يوتيوب
بنتيريست