كتب الكاتب الفاتح جبرا المتوفرة بمعرض الدوحة
|
|
 إفطار بورداب جـــدة .....
|
شباب وشياب
رمضان كريم وتصوموا وتفطروا على خير
افترعت هذا البوست لنقل المقترحات و المشاورات الدائرة في القروب عن موعد ومكان افطار هذا العام
وكل عام وأنتم بخير
|
|
 
|
|
|
|
|
|
|
|
Re: إفطار بورداب جـــدة ..... (Re: عبد الوهاب المليك)
|
الأخ عبد الوهاب المليك ومحمد العوض
السلام عليكم ورحمة الله وبركاته
مبارك عليكم وعلى أعضاء وقراء سودانيز أون لاين
وتقبل الله صيامكم وقيامكم وصالح أعمالكم
إن شاء الله حضور هذه السنة
مشتاقين للمة ناس جدة
وين العذابي وليد عبد اللطيف والدينمو حجر وبقية العقد الفريق
| |
|
|
|
|
|
|
|
|
Re: إفطار بورداب جـــدة ..... (Re: جعفر محي الدين)
|
Quote: وين العذابي وليد عبد اللطيف والدينمو حجر وبقية العقد الفريق
|
الأخ جعفر محي الدين
نسأل الله أن يجمعنا دائماً في ساعات الخير ولمة الخير وبورداب الخير
الوليد إن شاء الله موجود
أما الدينمو حجر يختال زهواً وافتخاراً في ربوع الوطن الحبيب مع الأهل والأحباب
نراكم بخير إن شاء الله
| |
|
|
|
|
|
|
|
|
|
Re: إفطار بورداب جـــدة ..... (Re: الطيب عثمان يوسف)
|
حباب سعادتو / الطيب عثمان يوسف
وتصوم وتفطر على خير
| Quote: يا ليت يكون فى الفترة ما بين 17 الى 23 رمضان . مجرد رغبة في لقاءكم مرة أخرى ، إن كان فى العمر بقية |
وإن شاء الله رغبتك تتحقق ونشوفك لأنه المرة الفاتت لم نتشرف بلقياك
| |
|
|
|
|
|
|
|
|
|
Re: إفطار بورداب جـــدة ..... (Re: عبد الوهاب المليك)
|
كل الشكر والتقدير لأخوة كرام زملاء بحوش بكري تحدثوا معي هاتفياً عن إفطار بورداب جدة
وها أنا أبصم بالعشرة أن الدعوة لافطار بورداب جدة تعني كل الزملاء الكرام بحوش بكري
بطاقة التعريف التي يحملها كل واحد منا في لمة الافطار هي (بوردابي بحوش بكري)
وبعد خروجنا من مكان الافطار كل منا يرمي بطاقة التعريف خاصته ، ويبحر بقاربه في بحر الدنيا العريض المتلاطمه أمواجه ..
ورمضان كريم
وكل عام وأنتم بألف خير تامين لامين متحابين في الله يجمعنا حوش بكري ..
ويا مثبت العقل والدين ..
| |
|
|
|
|
|
|
|
|
|
Re: إفطار بورداب جـــدة ..... (Re: Asim Fageary)
|
سلامات يا عاصم ولا باس عليك والف الف حمد لله على سلامتك
بعيد ياخي الناس تعرف من وين؟ ما شفنا اي خبر في المنبر.
الف لا باس عليك مرة تانية.
بخصوص اقتراح الاستاذ تاج السر الذي اثنيت عليه بخصوص الاستراحة، اثني وابصم معاكم بالعشرة
| |
|
|
|
|
|
|
|
|
|
Re: إفطار بورداب جـــدة ..... (Re: Asim Fageary)
|
| Quote: وبعد خروجنا من مكان الافطار كل منا يرمي بطاقة التعريف خاصته ، ويبحر بقاربه في بحر الدنيا العريض المتلاطمه أمواجه .. |
الاخ / عبدالوهاب المليك ،،، تحياتي ورمضان كريم
طالما الموضوع الان اصبح اكثر رؤية ووضوحا نرحب بالفكرة ونعاضد على قيامها فكلنا عضوية في منبر بكري وطالما نلتقي في هذا الافطار بهذا الفهم فمرحبا وحاضرين باذن الله
مودتي
رحـــال
| |
|
|
|
|
|
|
|
|
|
Re: إفطار بورداب جـــدة ..... (Re: أشرف الرحال)
|
السلام عيكم
رمضان مبارك وتصوموا وتفطروا علي خير
حضور إن شاء الله
| Quote: يا أخوانا يوم 12 يونيو 2014 تعرضت لحادث حركة كبير ولكني الآن الحمد لله وتلقيت إتصال هاتفي فقط من دكتور بشرى الفاضل |
عاصم فقيري ألف سلامة والحمد الله علي سلامتك
| |
|
|
|
|
|
|
|
|
|
Re: إفطار بورداب جـــدة ..... (Re: محمد شيخ الدين ابراهيم)
|
حاضرين معاكم فيما يتفق عليه باذن الله تعالي
ـــــــــــــــــ
يا عاصم فقيري , ربنا لا يعذب حتي يبعث رسول , والمحاكم ما بتجرم حتي تنشر قوانين يتم انتهاكها , عليه المفروض قبل ما تنزل الخبر جاهز بي لومه , ادينا فرصة نتعامل مع الخبر ونكفر ليك وبعد داك ابدأ مشروع اللوم
والف لابأس عليك وكفارة يا عاصم وما تشوف شر باذن الله
| |
|
|
|
|
|
|
|
|
|
Re: إفطار بورداب جـــدة ..... (Re: أشرف الرحال)
|
استاذنا الجميل عبدالوهاب المليك
وكل الاعزاء اهل البورداب رمضان كريم
حاضرين ان شاء الله وأمل بل ارجو ان يكون جنابو الطيب مشرف الفطور واقترح يوم الإفطار يكون الخميس20 رمضان أو يوم الجمعة 21 رمضان أو يوم السبت 22 رمضان . وفي كل الاحوال نحن بإذن الله حاضرين ..
| |
|
|
|
|
|
|
|
|
|
Re: إفطار بورداب جـــدة ..... (Re: أشرف الرحال)
|
Quote: طالما الموضوع الان اصبح اكثر رؤية ووضوحا نرحب بالفكرة ونعاضد على قيامها فكلنا عضوية في منبر بكري وطالما نلتقي في هذا الافطار بهذا الفهم فمرحبا وحاضرين باذن الله
|
الحبيب أشرف الرحال
أمانة في ذمتك كنت قايلوا غير كدا ؟؟؟؟؟؟
| |
|
|
|
|
|
|
|
|
|
Re: إفطار بورداب جـــدة ..... (Re: عبد الوهاب المليك)
|
الريس ود المليك ،،، تحياتي
| Quote: وها أنا أبصم بالعشرة أن الدعوة لافطار بورداب جدة تعني كل الزملاء الكرام بحوش بكري |
| Quote: أمانة في ذمتك كنت قايلوا غير كدا ؟؟؟؟؟؟ |
يا ريس ابصم بالعشرة كنت فاكرو غير كده ولكن بعد بصمتك بالعشرة حاضرين متى واين ؟؟ وتحت امرتكم جاهزين
مودتي
الرحـــال
| |
|
|
|
|
|
|
|
|
|
Re: إفطار بورداب جـــدة ..... (Re: Asim Fageary)
|
Quote: أتفق مع إقتراح الأخ تاج السر حامد
|
أخونا عاصم
رمضان كريم وسلامتك وجدة كلها كرامتك
أخونا د/ بشرى الفاضل لو تذكر لنزل الخبر في المنبر ..
عموماً حقك علينا .. ونتلاقى في الفطور
واتفاقك مع اقتراح تاج السر موضوع ضمن بقية الاقتراحات
| |
|
|
|
|
|
|
|
|
|
Re: إفطار بورداب جـــدة ..... (Re: Asim Fageary)
|
أستاذنا عاصم فقيري
رمضان كريم
ويا أخي بعد الشر عليك يا جميل والف لا بأس عليك والجاتك في سيارتك سامحتك والحمدالله على السلامة يامان .. لم يكن هناك خبر بالحادث والله وإلا الشباب ما يقصروا ..
| |
|
|
|
|
|
|
|
|
|
Re: إفطار بورداب جـــدة ..... (Re: عبد الوهاب المليك)
|
أساسي و آدم شحوتاي
شكراً ليكم وما تشوفوا شر
يا أساسي مافي لوم بس المحيرني في ناس هنا في المنبر دا يكونوا معاك آخر حلاوة
لما تحصل ليك حاجة زي دي كفارة يقولوها ليها بالقطارة أو بعد سنة
وأكيد في ناس ما وصلها الخبر وفي ناس عرفت يا دوب من البوست دا وبرضو عاملين رايحين
| |
|
|
|
|
|
|
|
|
|
Re: إفطار بورداب جـــدة ..... (Re: Asim Fageary)
|
السلام عليكم ورحمة الله وبركاته
رمضان كريم وكل عام وأنتم بخير
وشكراً أستاذنا المليكـ ، ونثني على الجمعة القادمة أو التالية لها .. ولكم تحياتي ومستعدين لأي زمان/مكان
الأخ عاصم حمد لله على السلامة والف بعد الشر عليكـ
| |
|
|
|
|
|
|
|
|
|
Re: إفطار بورداب جـــدة ..... (Re: عبد الوهاب المليك)
|
عاصم فقيرى
سلامات وإن شاء الله تكون سلامة وعافية
كيف لو سمعنا ما نتصل بيك
ولو إنه أول ما قرأت الخبر رجعت لبرفايلك وما لقيت لا تلفون
لا حاجة يتصلوا بيك بيها
وأنا أفضل دائما الإتصال رأسا أو الذهب للشخص
فى مثل هذه الحالات لأنه الكتابة مل بتنفع وما بتجيب حفها من المواساة
لذلك يا عاصم أكتب الآن تلفونك فى البروفايل ( بتاعك - موش بتاعى )
وبعدين والله ألف ألف حمد لله على السلامة
وأنا معاكم يا شباب محل ما يكون ويوم ما يكون
وبعدين أبو قصى ساعد مع المليك فلك تجارب ومبادرات
سلامى ليكم جميعا
صديق ضرار
| |
|
|
|
|
|
|
|
|
|
Re: إفطار بورداب جـــدة ..... (Re: عبد الوهاب المليك)
|
الاخوان الاعزاء كل عام وانتم بخير ورمضان كريم
انا مع رأي اخونا سيفان يكون بعد كاس العالم
والفندق افضل من الاستراحة كسبا للوقت وسهل الوصول اليه
لكن الاستراحة تتطلب سياره خاصه
والف حمد علي السلامه الاخ عاصم
| |
|
|
|
|
|
|
|
|
 Re: إفطار بورداب جـــدة ..... (Re: عبد الوهاب المليك)
|
الاخ المليك
مع كامل احترامي لراى البعض لكن اعتقد ان الفندق افضل من الاستراحه للاسباب الاتيه:
1. المقصود من الافطار هو التجمع والتواصل والتفاكر وليس الافطار او نوعية الطعام
2. الافطار فى الاستراحه يعنى تعيين بعض الاخوان لخدمه الضيوف من توزيع الطعام والشراب ثم تجميع الاوانى واعادتها لاصحابها وممكن يكون فيها (غسيل عدة) كمان وبعدين الشاى والقهوه يعنى لو البرنامج (5) ساعات سوف تضيع (4) ساعات فى تقديم الخدمات.
3. الفندق كل شى جاهز ما عليك الا بدفع الـ(100 ريال) والباقي عليهم وبالتالي يستطيع الجميع التفرغ للتعارف والتفاكر مع الاخوان وقضاء وقت جميل بعيد عن التعب .
واذا كان قولكم غير ذلك فنحن معكم وبكم
تقديري
محمد الهادي
| |
|
|
|
|
|
|
|
|
|
Re: إفطار بورداب جـــدة ..... (Re: محمد عمر الفكي)
|
Quote:
الاخ المليك
مع كامل احترامي لراى البعض لكن اعتقد ان الفندق افضل من الاستراحه للاسباب الاتيه:
1. المقصود من الافطار هو التجمع والتواصل والتفاكر وليس الافطار او نوعية الطعام
2. الافطار فى الاستراحه يعنى تعيين بعض الاخوان لخدمه الضيوف من توزيع الطعام والشراب ثم تجميع الاوانى واعادتها لاصحابها وممكن يكون فيها (غسيل عدة) كمان وبعدين الشاى والقهوه يعنى لو البرنامج (5) ساعات سوف تضيع (4) ساعات فى تقديم الخدمات.
3. الفندق كل شى جاهز ما عليك الا بدفع الـ(100 ريال) والباقي عليهم وبالتالي يستطيع الجميع التفرغ للتعارف والتفاكر مع الاخوان وقضاء وقت جميل بعيد عن التعب .
|
أتفق مع الأخ محمد الهادي فيما ذكره أعلاه و أعتقد أن الفندق الذي كان فيه الافطار في رمضان السابق معقول و مكانه مناسب للأغلبية و سعره معقول و على ما أعتقد المسئول من الفندق بوردابي و الأهم من الإفطار إنو بناسب مديح أخونا جمال أما الاستراحة فصراحة ما جايبة همها و بعدين قصة إنو العوائل تجيب فطور دي ذاتها منفسة لأنو العوايل عايزة تغير فما معقول نشبكم ليك اعملو تقلية و عصيدة و عندنا ضيوف و الى آخره من الفلم المعروف و البايخ ده الناس دايرة تغير لنفسها و لعوائلا
مش روب و عصيدة.
أعتقد الجمعة 20 رمضان مناسب و رمضان مبارك على الجميع و تصومو و تفطرو على خير
| |
|
|
|
|
|
|
|
|
|
Re: إفطار بورداب جـــدة ..... (Re: عبد الوهاب المليك)
|
التحية لصاحب البوست ولكل الاخوان
كنا حضورا العام السابق في فندق قصر المدينة وقد كان بحق افطارا جامعا ومرتبا نتمنى لو كان هذا العام في نفس الفندق لان الاستراحة قد تحتاج الى الكثير من الترتيبات
تقبل الله الصيام والقيام وجمع الناس دوما على الخير والمحبة
| |
|
|
|
|
|
|
|
|
|
Re: إفطار بورداب جـــدة ..... (Re: عبد الوهاب المليك)
|
Quote: يا شباب
عايزين نتفق على التاريخ ومتفقين بعد نهاية مباريات كأس العالم عشان نشوف الحجز في الفندق ...
|
الأخ عبد الوهاب المليك سلام وتحية
مسألة إتفاق الناس كلها مستحلية لذلك بما أنك صاحب المبادرة عليك تحديد اليوم والذي سوف يصبح ملزم للجميع
وكذلك يمكنك الإستعانة ببعض الشباب النشطين والذين سوف يسعاعدونك على إنجاح المهمة أمثال الرحال ، أساسي ، مجدي أبو قصي وغيرهم من الشباب الهميمين
| |
|
|
|
|
|
|
|
|
|
Re: إفطار بورداب جـــدة ..... (Re: عبد الوهاب المليك)
|
مع جمعة 13 رمضان لاسباب براحة الزمن وضمان حضور الكثيرين لان جمعة 20 رمضان زنقة سفر والما سافر اصلا بكون جاري في تجهيز السفر
عكســـة :- ممكن يوم برضو من غير جمعة بين الجمعتين المقترحتين ديل
مودتي
رحال
| |
|
|
|
|
|
|
|
|
|
Re: إفطار بورداب جـــدة ..... (Re: خالد العطا)
|
سلام عليكم
الجمعة 13 رمضان نهائي كاس العالم والله اعلم يجي زول.
اي يوم غير كدا معاكم.
يا وليد الشيخ
| Quote: أعتقد أن الفندق الذي كان فيه الافطار في رمضان السابق معقول و مكانه مناسب للأغلبية |
انا لا اعتقد، المرة الفاتت مرقت راجع البيت، لو ما لقيت لي بتاع دينا وراني الدرب كنت يا الليلة اكون حائم.
ياخي اخدت لي تلاتة لفات وكل مرة القي نفسي قدام الفندق.
عليه
خرطة الوصول والمغادرة قبل كل شئ
| |
|
|
|
|
|
|
| |
عبد الوهاب المليك
محمد العوض
جعفر محي الدين
الطيب عثمان يوسف
محمد هاشم ابوزيد
محمد الهادى عبد الرحيم
طارق ابراهيم ابوالفضل
طارق حرسي
سفيان عثمان قرضيه
عثمان عبد الوهاب العامري
تاج السر محمد حامد
Asim Fageary
محمد عمر الفكي
مجدي عبدالرحيم فضل
أشرف الرحال
محمد شيخ الدين ابراهيم
اساسي
ادم شحوتاي
نورالدين الفحل
Sidig Rahama Elnour
Sulaiman Adam
خلف الله حسين
سامي عطا المنان
شمس الدين التوم
احمد التجانى احمد
قمر الانبياء عبد الحي
فيس بوك
تويتر
انستقرام
يوتيوب
بنتيريست