|
اعـــتـــــــــــــــــــــــــــــــــــــــــــــــــــــــــــــــــــــــــــــــــزال
|
احساس غريب .. قررت ما امسك قلم ولا اقرب للكتابة ما انت يا نور الصباح غرقانة شكلك في الكآبة ما ضايقة للافراح طعم كاتماه في جواك الم واتملت الايام حداك بي لون رمادي وصارت اللحظات كسولة فيها احساس الرتابة وريني بس اكتب شنو؟إ لمن يغيب بيناتنا ايقاع المطر ويتمدد الليل الغريب وتدمن مآقينا السهر واجكيني يا اجمل ندى عن زول موكر في الرحيل بيناتو ما بينك سفر احكيني كيفن برتجيك واتمنى شوفتك في الحقيقة كلما ساهرت ساهم ارجاه لو طيفك عبر والاماني الزغب تفرح لما تفتح رائع الاحلام نوافذ وابقى انقر ليها بابا.. عايز ارجع ليك مشهل بالحنين والحكايات النبيلة وتحربة زولا تجمر في التغرب اتقلى بي نار الصبر اتحلى بي جلد السنين واتجملت ليك الحروف لبست شعاعات النجوم اتبرجت صارت قوافي الريدة ليك اجمل قوافل ما كنت شايلاها الهموم كانت غيوم الريدة تتجمع سحابة وكنا نفرح بالدعاش وبداية المطرة الرشاش وكنا نسعد كلما النيل الجميل جوة الجروف اتمد ريقو ترياق امان يرقيها نائحات الجروف بالبسملة بركات طمي البلد الخصيب دعواتنا كانت في الدغش مولانا ليها بتستجيب تتنزل البركات مطر آه يا مغيث اوجاعنا اتشدت وتر في الجوف تطمبر ثم تفرح ثم في عز الحنين,, تنتحب زي نواح اوتار مدوزنة في ربابة وتمرق معاني غريبة جد لا اتحكت لا غايمة بينات الكتب حتى الابجديات ليك ما بتعرف سوى الكلمة الصبابة سقتك معاي جواة المشاعر انبل احساس في الهوى بقينا متقاودين سوى جوانا نيل موسوم حنين جواي ضفة وفيك ضفة والمواويل في السحر نحن بنغنيها ونقول ياريدنا يا رقة مشاعر الكلمة زي نور الفجر تمرق تبق والدنيا تتلون رحابه انا بيني ما بينك جنون واجمل فنون واتلزمك اجمل شجون واتوسمك في كل خطاويني واقول يا أحلى زول انا فيك ما بحمل عنت انا ليك بتوجه ومتلزم حروفي اليك جوى ما برضى زعلك او محاسيس ضيم تجيك ما انت قبلة منتهاي وانت المنال الفي الغيوم الشايلة قطرات المنى ليها تتابى الارض كلما حان اقترابها وبس
|
|
|
|
|
|