|
بين ليبا والسودان والعراق واليمن
|
قلت لزميل عمل يمني يلا نزور فلان في منزله لانه لم ياتي للدوام الرجل اتصل قال عيان فوافقني وذهبنا للمريض جلسنا معه بعض وقت ثم خرجنا في طريق العودة سالني اليمني بالله عليك ايش معنى عيان قلت له عيان عندنا بمعنى مريض قال لي نحن نقول في اليمن المعيون هو الشخص المصاب بالعين او السحر والعيان هو الشخص الذي يصيب الاخرين بعينه او مصدر السحر تأملت الكلمة فوجدت كلام اليمني اقرب للصواب ان لم يكن الصواب كله فقلت له ضاحكاً والله انحنا برضه (( معيونين )) قال لي كيف يعني قلت معيونين في سودانيتنا لا بقينا فاهمين كلام الافارقة من حولنا ولا الواثبين على عباياتهم قادرين يفهموا كلامنا قال لي ما فهمت عايز تقول شنو قلت ليه خليها لما نجي نزور صاحبنا مرة تانية
نقطة سطر جديد وقف ابن خالي القادم من السودان قبل يوميين امام محل تجاري للملابس فاختار له شقيقه بنطلون فقال ابن الخال محاولاً ان يوصل السعودي الجالس على الكاشير ما يود قوله (( هذا ما قدري )) كان قد سبقني الضحك قبل ان يلتفت ناحيتي الكاشير ايش يقول هذا قلت له ساخراً لزيادة توهانه بقول في كلام (( الطير في الباقير )) فقال الكاشير ضاحكاً والله انحنا عندنا كاشير هندي بتعامل مع الاسويين بصفة عامة حاقول لراعي المحل هات لينا مترجم سوداني قلت له لو عايز الشربكة ذاته ما يحلها ليكم (( ود خالنا ده جائي جديد من السودان وببحث عن عمل شغلوا ليييييينا )) عشان يزيد ليكم (( الكوم ردوم )) فقال الكاشير بشي من ضجر يا اتلكموا عدل ولا ما ابي ابييييييييييييييييييع .
صديقنا وحبيبنا احمد يعمل باحد الفنادق لديهم عامل هندي مضى على قدومه من الهند اكثر من ستة شهور كانت لديه مشكلة كبيرة في العربي فاتى شقيقه الي احمد واخذ يتبادل معه اطراف الحديث فقال لاحمد من بين ما قال بالله عليك يا احمد انت متى يجي للسعودية رد احمد من فترة طويلة فقال شقيق الهندي الحين انت كلام عربي مية المية كل نفر سوداني يجي هنا شهر شهرين كلام عربي مية مية شوف اخو انا ستة شهور وما يعرف كلام عربي .
تسجيل خروج وتبقى لسه بيننا وثبة لكن باي طريقة لربما بطريقة (( وراء وراء يا )) وهذا ما يفهمه قادة الوثبات وحدهم مع التحييييييييييية
|
|
|
|
|
|