|
|
|
 Re: رباطة جهاز الامن يعتدون بالسيخ والسواطير والهراوات على طلاب الجامعة( صور) (Re: وضاحة)
|
المناضلة نجلاء سيد احمد
الفارسة البنت الوطن وضاحة
تحياتي
شيئ مؤسف ان نرى الدم السوداني يراق بايدي الكيزان في كل يوم جديد
واصبحت سياط ظلمهم غذائها المفضل اجساد شعبنا
اما ان لهؤلاء السياسيين المنبطحين ان ينحازوا الى صف الشعب
الذي قال كلمته وما زال يقولها مع كل اشراقة شمس يوم
لا للظلم لا للكيزان
التغيير قادم وقريب باذن الله
ولا عزاء للمحاورين والجلادين
فالكلمة ستكون للشعب وقتها
| |
 
|
|
|
|
|
|
|
|
Re: رباطة جهاز الامن يعتدون بالسيخ والسواطير والهراوات على طلاب الجامعة( صور) (Re: علي محمد الفكي)
|
أجلدني أنا
وهز ضراعات البلد
مافيك حيل تهزمني يوت
أنا ود جروف
طعم الشقي
والنيل أبوي
ماكان علي ضهري أنحني
أنا ود تساب العافية في الضل البناء
يكفيني أكون
زول من رجال
زول من تراب
خلقوهو في الأفراح عذاب
ماغيرو الزمن الكعب
لابدل الريق في النضم
لايوم يكون لك منهزم
مهما لويتني بقوم عديل
ماني العلي الفيك بنتني
أهبشني في حلمك بجيك
مخلوق علي ضلعي الهنا
أرميني في سجنك بعيش
وأختاني أنا
الذلة في الخوف بشتنه
أرقص إذا في الدين رقيص
والبس علي جلدك ذنوب
الحنة ياك القرمصيص
العيش ولادكم ياهويش
شد مزامير الغناء
وتلقاني أنا
رُكازة في قلب الظلم
محراكة العيشي النشاف
دلاية التمرة السبيط
والفقر من الله اليكون
مافينا من صوت الضلام
زولا ينخس في البلد
او كلمة ساكت يلكُنا
ماتدقنا
قايل علي سوطك سعير
الجنة هيلنا علي الصبر
يكفيك يادقنك سعير
أسرق بلد
ماقلنا هيل ربنا
يكفينا ذلة ومسكنه
وحس الهتاف بالفينا حي
ياخ دقنا
يمكن نفوق
ونقوم نباصر حقنا
واجعني في بلدي الجنا
وكتين يقوم يسألنا عننا وين نمش
نندسه منو علي النضم
حرمان علينا نربي خوف
ويقوم علي الجلد الدقن
قول ياعفن
وأمرق كلامك يادِلق
مشروط وماك درويش مسيد
ومانا العبيد
أمرق كفاك
ياااخ دقنا
ماهزة صوتك حس هتاف
أمرقنا منك كلنا
صابرين عليكم كم سنه
قاعدين تموتو كما يجب
عايشين بلا روح لاقلب
وبرضو بنحب
وطنا علي الله بيكون
أجمل من الروح والضني
ياخ دق
إن كان ضراعك حقتك
مافينا خوف
شان وطني حقنا كلنا
اللارنجا أحمد
| |
|
|
|
|
|
|
| |
نجلاء سيد أحمد
nour tawir
وضاحة
علي محمد الفكي
أحمد التجانى حمودى
فيس بوك
تويتر
انستقرام
يوتيوب
بنتيريست