الدعاية في الراديو انا سمعتها (حسنين راجل ببيع طعمية بعد ما يخلص بمشي الدكان يشتري كبكبية لي بكرة شايل قروشوا وماشي لاقوهو جماعة وشالوا كللللللللللللل العندو بي ضحكتا مان اليوم التاني برضوا لاقوه وشالوا منو قروشوا اليوم التالت ياحسنين الحاصل شنو ههههههههههههههه حسنين مشي اشترك في خدمة المحفظة وبقي ماشايل قروش كاش في جيبوا وبكدا حل مشكلتوا دا غير التحاويل المالية والسرعة في الاداء وووووووووووووو) مايستفاد من الدعاية اعلاه * فهم انوا الامن غير مستتب(مع انوا في قوات تدخل سريع) *حسنين الي هو ببيع الطعمية قانصين ليهو الطبقة المسحوقة (والله بذكرني بي عسكري المرور لما يقصد بتاع الركشة) *افتكر انوا الناس البتسرق من حسنين دي ماممكن تكون حالتا اكعب من حسنين ولكن تردي الاوضاع الاقتصادية انعكس على الاخلاق وبالتالي نشأت مجاميع من الناس تكتسب قوت يومها من خلال التعرض للمواطين من نهب وسلب (عصابات ال(.........)ز مثال صغير) والفهم دا برضوا الناس شفوهوا من جهات حكومية بتمارس نفس القصة بس بي توب حكومي(ظاهرة التجنيب ) وبمباركة راس الدولة في القطاعات الامنية والعسكرية والتي لايجرؤ احد انوا يقول ليها (تك) النظام العالمي الجديد الذي يرتكز على مبدأ تركيز الرساميل تحت سمع وبصر اناس معينين يأخذون اموالك ويحركونها بدون علمك ويعطوك بطاقة عشان تصرف بيها من حسابك ويلزموك بي سقف معين في اليوم ولما تجي البنك تصرف تقيف في الصف ولما تصل الشباك تلقي القلم رابطنوا بي حبل وانت ضامنهم في قروشك وهم ما ضامننك في قلم * فهم انوا الناس تاكل طعمية وتخلي اي حاجة عموما الدعاية مليئة بالمفارقات والحكم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سليمان القرشي
فيس بوك
تويتر
انستقرام
يوتيوب
بنتيريست