|
Re: ازيك يا بنت .... ما وراء الطبيعة (Re: فيصل محمد خليل)
|
فيـــــــــــــــــــــــــــــــسل هليل
على قول حبوبتى عين السواد واللواد سجمهم ورمدهم فى ثوانى ..................جمرة عديـــــــــــــــــــــــــــــــــــــــــــــل توقد المنقد
اللهم احفظنا جميعا ( المعوذات والاخلاص ) ابقوا عليهم عشرة
| |
|
|
|
|
|
|
Re: ازيك يا بنت .... ما وراء الطبيعة (Re: فيصل محمد خليل)
|
الأخ فيصل سلام الزول عينو حارة... كانت هنالك دعوة غداء .ومن ضمن المعزومين واحد عينو حارة.. الجماعة جو شايلين صينية كبيرة شايلنها زولين.. عاين ليهم وقال: البلاء التقول صينية الحركة!! من وسط الصينية انكسر صحن بصوت عالي سمعه الجميع.. وكلهم قعدوا يحوقلوا ويبسملوا ويتشهدوا. تناول شيخ كان بين الجالسين الصحن المكسور بطعامه وقال لهم اكلوا الباقي.. العين جات الصحن دا بس.
قناتي في اليوتيوب http://www.youtube.com/user/KabbashiSudan تحياتي
كبـّاشي الصافي
| |
|
|
|
|
|
|
Re: ازيك يا بنت .... ما وراء الطبيعة (Re: فيصل محمد خليل)
|
سلام يا فيصل والله ياخي أنا بحب بوستاتك لأنها مفيدة وبتفتح في مواضيع ذكية وحيوية! القصة الجبتها دي عتاة المسلمين، ان وُجد هذا النوع، عجزوا عن تفسيرها! يُروي عن الرسول محمد (ص) ما معناهو احذروا العين فهي أقوى من القدر. طيب! احذروا دي يعني نقرا آية الكرسي احتياطاً ولا نعمل شنو؟ مافي ايضاحات. طريقة عمل العين ذاتها. يعني هسع الولد دا كيف تعرض للضرر من هذا الشخص اللي هو موصوف بأنه رجل طيب؟ الطريقة التي انتقل بها السم أو الحاجة الطلعت منو ووقعت في الطفل دا هي شنو وكيف؟ لا شيئ يخضع لقياس معياري أو غيره! ومهما اجتهد شخصان فإن حديث الرسول (ص) يعني اختلافاً بين العين والقدر. وبما أننا رضينا بالقدر من حيث كونه شيئ سبقت ارادته لنا من الخالق عز وجل فما هي العين؟ ولعلمك هناك (عين) لا تنفع فيها ارادة القدر! موضوع كبير ويحتمل العودة للنقاش مع تحياتي لك وللمشاركين هنا!
| |
|
|
|
|
|
|
Re: ازيك يا بنت .... ما وراء الطبيعة (Re: فيصل محمد خليل)
|
Quote: يُروي عن الرسول محمد (ص) ما معناهو احذروا العين فهي أقوى من القدر. |
Quote: ولعلمك هناك (عين) لا تنفع فيها ارادة القدر! |
صديقي mustafa mudathir
حسب ما جاء في الحديث ان العين فهي أقوى من القدر. فبالتالي العين لا تنفع فيها ارادة القدر . حاجة تمخّول . تعال راجع كلمْنا عن الحتة دي باسهاب .
مع تحيات حلفا دغيم
| |
|
|
|
|
|
|
|