|
سعادة وزير الصحة بولاية الخرطوم (الاختشوا ماتوا)
|
والله يا دكتور مامون حميدة الناس الكتلتهم بقراراتك الحكيمة وبيروقراطية وزارة الصحة بقصد او بدون قصد اكتر من الناس الماتت بي السجائر عليك الله اختشي وقوم لف وتعال تاني اوردت صحيفة السوداني في عددها الصادر يوم 11.6.2014 (الخرطوم: رحاب فضل السيد انتقد وزير الصحة ولاية الخرطوم، بروفسور مأمون حميدة، سماح الدولة لمستثمرين أجانب، بشراء مصنع حجار للسجائر. وقال حميدة بلهجة غاضبة: "قمنا بفتح قضية ضد المستثمر الأجنبي الذي اشترى (حجار) عشان يسمم أولادنا، إلا أن الحكومة طالبت بأخذ إذن من وزارة الخارجية". وأضاف حميدة لدى مخاطبته أمس اليوم العالمي لمكافحة التبغ: "لو انتظرنا أخذ الإذن سيكون السودان كله انتهى بالتدخين"، واعتبر منح المستثمرين مصنع للسجائر بالسودان جريمة جنائية، وزاد: "إذا كانت الدولة تأخذ من شركات التبغ (300) مليون دولار خلال (3) أشهر، فلتهنأ بالسرطان"، واستدرك بقوله: "لماذا تأتي الشركات الأجنبية المنتجة للتبغ عالمياً في هذا التوقيت لفتح مصانع للتبغ؟ ولماذا لم يأتوا بصناعة التايوتا الظريفة أو السوني؟"، وطالب بضرورة إنشاء نيابة خاصة وقضاء خاص لقضايا التبغ، مشدداً على أن المعارك ما زالت تشتعل هنا وهناك لتعطيل قانون التبغ.
السوداني)
اولا ماسر العداوة بين سعادة الوزير وآل حجار مع العلم انوا في احد برامجوا الحوارية اتكلم عن مشروب بزيانوس ونبزوا وقال انوا مضر بالصحة دا علي اساس انوا البيبسي مفيد للصحة ولا مياه الشرب المخلوطة بمياه الصرف الصحي مغذية اكيد القصة كلها فلوس في فلوس لانوا اساسا زي مامون دا مابخسر ليهو زول تحت اي ظرف الا يكون قروش(راي شخصي) انت عاوز تغطي فشلك الذريع وفشل سياسياتك القميئة من تجفيف لمنابع الصحة في السودان وهجرة الكوادر البشرية وغلاق المراكز الصحية والمستشفيات المجانية المتخصصة لعدة اسباب منها قربها من مناطق نفوذك وعملها الدؤوب لخدمة المرضى بدون اجر وهو مالايرضيك انت ولا سادتك من تجار الدين كل ما انظر اليك اتذكر شخصية اليهودي المرابي في رواية تاجر البندقية (شايلوك) انت مثلا تبتعيب علي الحكومة انها باعت المصنع لي مستثمر اجنبي ( هل دي كل المشكلة بالنسبة ليك) هل عندك 500 مليون دولار وكنت مفكر تشتري المصنع انت مثلا او هل عندك مستثمر سوداني في بالك وكنت عاوز تجيبوا وتاخد الكوميشن بتاعك انت ما بتشبع ولابتقنع ياخي انتوا جابوكم من وين مش كفاية سياساتك واساليبك المارستها في العام 1992-93 ابان توليك امن الخرطوم ماكفاية عليك سياسة التعريب الفاشلة والمخجلة الي فرضتها كسر رقبة عند تولي قزم مثلك جامعة الخرطوم ياخي رائحة المجاري الطافحة عندك في مستشفى اذيتونا (الزيتونة) كتلتنا كتل الناس ماتت بالفشل الكلوي ومالاقيا لاغسيل وانت بتتكلم عن السجائر علي الاقل السجائر البشتريهوا دا جنى علي نفسوا براهوا لكن مريض الفشل الكلوي الماوفرتا ليهو اي معينات ولا اجهزة ولا محاليل ولو هندية
|
|
|
|
|
|