|
|
|
 Re: المائة أغنية سودانية الأكثر هجيجاً و رقصاً ... (Re: يحي قباني)
|
الحبيب الاستاذ يحيى قباني اينما كنت تصنع الفرح متعك الله بالصحة والعافية يا زول يا نيل ،،
بس ما تنسى ملك التم تم المرحوم رمضان زايد تقريبا اغلب اغانيه راقصة وجميلة ومحركة للدواخل والاحاسيس ,, ولا شنو ,
وتقريبا اغنيات التم تم السريع عدد كبير منها راقص وجميل .. ولا يفتى وانت في المدينة لكن بجيك راجع واذكر ليك بعض النمازج ..
تحياتي : ياسر العيلفون
| |
 
|
|
|
|
|
|
|
|
Re: المائة أغنية سودانية الأكثر هجيجاً و رقصاً ... (Re: يحي قباني)
|
| Quote: المائة أغنية سودانية الأكثر هجيجاً و رقصاً ... |
ههههههههههههههههههههههههههههههههههههههههههههه
حاسي بيك يا هندسة
ممكن نشارك ؟؟
- حبايبي الحلوين ...................... ..........عبدالوهاب الصادق ( شفاه الله )
- يا صغير يا محيرني ومتحير ................... الكاشف ( بعد إعادة تذكرها )
- من عيونك يا غزالي ...................... .....عثمان حسين ( بعد إعادة إكتشافها )
- حنى على أنا يا ستي .................... .......كمال ترباس
- حمادة دا جنني وسافر ما كلمني ................ حنان بلوبلو
- قام يتعزز الليمون ................................... محمد سلام
- كيف هان عليك يا حبيب تسلاني .................. الطيب عبدالله
__________________
لقيتني كلما أكتب أغنية ( أفرفر ) وأتذكر رقصتها كانت كيف !!!!!!!
أين أنت يا أبو الريش ؟؟
| |
|
|
|
|
|
|
|
|
Re: المائة أغنية سودانية الأكثر هجيجاً و رقصاً ... (Re: محمد البشرى الخضر)
|
Quote: يا حليلك ياهباني انت من زمن الغنية بتهجّج بالناس
أسّي القصة بقت أورغنات وكيبوردات من قولة تت تن تلقى العجاجة قامت
بالتالي رقم واحد مفروض يكون اي صولة لأيمن الربع |
قعدت الاسبوع الفات جنب سماعة في عرس فيامريكا يا ود البشري ....
بالغلط مشيت اسلم علي زميلة قديمة ... و السماعة طلعت بي وراي ...
بالله قربت استفرغ من كتر ما بتدق جوه البطن بس ...
لكن بي امانة كلامك صاح ... بالله الاورغن ملان ايقاعات جاااهزة ...
و صاحبنا الفنان محمد بابكر ما قصر ...
غايتوا نقزنا تمااام ...
| |
|
|
|
|
|
|
|
|
|
Re: المائة أغنية سودانية الأكثر هجيجاً و رقصاً ... (Re: عباس محمود)
|
الاخ يحيي
سلام
اولا في إطار دعم الجهود المبذولة لحل أزمات السودان
وإيماناً منا بان المساحات الفضائية واسعه ووكبيره وفاضيه ومجانيه
أشكرك علي فتح هذا الموضوع المهم والذي أبت نفسي الا وان أشارك فيه حتي تتطافر جهودنا جميعا من اجل رفعت الوطن الغالي
وأود هنا ان أشارك باغنيه احس بأنها راقصه جداً وتقع ضمن معايير الهجيج وإلا وهي
كاااان مااالي وانا ماااالي بييييه وكان مالي وانا مالي بييييييييييييييييييه
وبدون المناسبه ...تعرف مشيت عشان أصور المستشفي الراقد فيه صاحبك مورقان (stacy) للبوست. بتاعك
وفعلا صورتها لكن الصور ما نزلت لي لكبر الحجم
معليش
مراسلكم من هنا
انا
| |
|
|
|
|
|
|
|
|
|
Re: المائة أغنية سودانية الأكثر هجيجاً و رقصاً ... (Re: عباس محمود)
|
Quote: يا قباني سلامات
كدي جرب اسمع الكنداكة بتاعة خلف الله حمد
ممكن الزملاء يساعدو بالفيديو ....نص كلام الغنية ما فاهمه لكن فيها هجيج صاح |
عباس يا محمود ...
تحياتي يا جميل ...
رغم انو الكنداكه ما مفروض تصنف كغنية ...
لكنها تتوافق مع المعيار تماماً ...
حاجيب ليك تسجيل ليها اعجب من عجيب ...
| |
|
|
|
|
|
|
|
|
|
Re: المائة أغنية سودانية الأكثر هجيجاً و رقصاً ... (Re: عاطف عمر)
|
Quote: ههههههههههههههههههههههههههههههههههههههههههههه
حاسي بيك يا هندسة
ممكن نشارك ؟؟ |
وصلنا حتة شر البلية يا صديقي ...
بقينا نفتش للناس ...
باكر نستورد زى الخليجين ...
___________________________________________
و الله يا عاطف يوم السبت كنت في زواج بت اخت نواري في اوهايو ...
ما شاء الله لا قوة الا بالله ...
كمية العقول السودانية المهاجرة ... تفتح النفس ... و تحزن القلب علي البلد الطارد ...
اي واحد منهم ممكن تعمل بيهو لستة ...
يقول ليك العهد البائد نجيبو تاني !!!
الله يستر علي البلد بس ...
| |
|
|
|
|
|
|
|
|
|
Re: المائة أغنية سودانية الأكثر هجيجاً و رقصاً ... (Re: الصادق اسماعيل)
|
ولو اني متحسس من الميات دي...
لكن اللبن ابو لي بي ياناس...ابو لي بي...
كانت تقوم انفاسنا
وتقوم العصار
ويخشي انها كادت تقوم القيامة الصغري
بس زول شيخي يحي...
من هو صاحب هذه الكلمات الرائعة
ممكن تستعين بي عثمان موسي
بس سمعتا انو اليومين ديل شوهد يغني مع كفيله ذو الاصول الهندية..
ماري ها جت تم تم ماري ها
او كيف ماهي..
بوست سمح...
| |
|
|
|
|
|
|
|
|
|
Re: المائة أغنية سودانية الأكثر هجيجاً و رقصاً ... (Re: يحي قباني)
|
Quote:
ورانا شنو ؟
ما خلاص ... ما عندنا موضوع لغاية ما نحدد موضوع الميات ده ...
|
العزيز قباني الفنان ... سلام ..
فعلا انا لاحظت حكاية الميات الحايمه في البورد دي
ومتوقع واحد يجي ينزل لينا احصائية لمية شكش .. المافي شنو ؟؟
بس نشر الاسماء حتكون مشكله .. وفيها تشهير ومحكمه ...
هو اصلو نحنا عندا شكش قدر كدا .... ؟؟
نرجع لموضوع البوست ..
انا بالامس استمعت لجمال فرفور
واغنية الريده لازم تستمر و شعرت انوفيها تطريب وهجيج ..
| |
|
|
|
|
|
|
|
|
|
Re: المائة أغنية سودانية الأكثر هجيجاً و رقصاً ... (Re: ABUHUSSEIN)
|
ياسلام ياقبانى يافنان. عندى اغنيتين واحده للعم والجد فى نفس الوقت د. على شبيكة الله يديه طول العمر, والفنان المرحوم سيد خليفة وهى اغنية نانا يانانا وفيها سامبا ثقيلة فى فترة نهاية الستينات ومطلع السبعينات .
والثانية للاستاذ الكابلى سكر سكر سكر وكان فيها تويست رهيب
مع ودى
| |
|
|
|
|
|
|
|
|
|
Re: المائة أغنية سودانية الأكثر هجيجاً و رقصاً ... (Re: nour tawir)
|
يا سلوة قلبي شن سوا للفنان الذري ابراهيم عوض رحمه الله
براااي يا خلا من عيني النوم قله ..
يا جمال دنيانا يا جمالا
رف قلبي بي جناح النسايم وراح وشافك وشاف جمالك ...
حياتي حياتي احبك انتي كحبي لذاتي ... لعميد الفن السوداني الاستاذ احمد المصطفى رحمه الله
سال من شعرها الذهب وتدلي وما انسكب ...
شفتك ابتهجت وين يا غالي انت ..
سهران دمعي ساكب انا بهوى الكواكب ..
اسمر لونو لادن جسمو يزدري بالبروق فر بسمو ..
هجروني هجروني الليلة ما زنبي ..
حبيب انا وسمير انا يا ضنايا ..
اها كفاك ولا ازيدك من الشعر بيت يا استاذ يحيى ,,,, هذا بالاضافة لاغاني السيرة بجيك ليها راجع
تحياتي : ياسر العيلفون
| |
|
|
|
|
|
|
|
|
|
Re: المائة أغنية سودانية الأكثر هجيجاً و رقصاً ... (Re: ياسر السر)
|
يعني يا قباني دي ما شفتها؟
| Quote: (أو ما يعادلها من الإيقاعات الحديثة) |
بعدين الإيقاعات دي عدد محدود .... أجيب من وين يعني؟
عايز تشهّد علي الناس، وإنت بتستشهد بالفيس بريسلي يا حريف؟
في كلام عايز أقولو بعد ما تديني الأمان ....
أديتني؟ ..... طيب.
أجمل مثال على إيقاع السامبا في الأغاني السودانية هو في أغنية إبراهيم الكاشف (بغير عليك).
الأغنية إيقاعها راقص وحوار بين المغني والكورس والأوركسترا في لازمات موسيقية بديعة ويقول:
أنا بغير ..... بغير عليك
من جمال خديك
ومن الزهر الفتح حوليك ...... بغير عليك.
تستمر الأغنية صاخبة، ثم تهدأ بإيقاع سامبا بطئ لكنه أيضاً راقص، وتمهد للمغني ليقول:
كيف أنساك وانا في لوعة
وإنت ملاك زايد روعة
بس يا جميل حاسب وأوع
لأني كتير عليك بغير
طول عمري وايامي السبعة.
مالك يا يحي ياخ.
| |
|
|
|
|
|
|
| |
يحي قباني
ياسر السر
محمد يوسف طه
Jamal Mustafa
عاطف عمر
khaleel
محمد البشرى الخضر
خالد علي محجوب المنسي
عباس محمود
محمد حسن محمد ادم
الصادق اسماعيل
عبدالعزيز عثمان
محمد أبوالعزائم أبوالريش
محمد مجيدو
ياسر منصور عثمان
أحمد الشايقي
nour tawir
محمد حيدر المشرف
محمد جبره
ABUHUSSEIN
Elmoiz Abunura
munswor almophtah
محمد عمر الفكي
حاتم محمد عثمان
Hafiz Bashir
فيس بوك
تويتر
انستقرام
يوتيوب
بنتيريست