دكتور عمر القراي و(التشتشة)

Quote: -لقد سطع اسم محمد حمدان دقلو (حميدتي)، في الإعلام، ومختلف المواقع، مع أنه ليس القائد الأعلى ل"قوات الدعم السريع".. ولكنه الأعلى صوتاً، والاكثر تفاخراً، وتصريحات، ومعلوم ان القائد العسكري، الذي يكثر من التصريحات، والتهديدات، وإدعاءات البطولة، إنما يعوض عن نقص في قدراته العسكرية والقيادية .. فلقد نسب الى (حمدتي)، أنه قال أنه هو الذي أمر باعتقال السيد الصادق المهدي ولم ينف هذا الخبر !! ولكنه نفى خبراً آخراً، فيه إساءة للقوات المسلحة، وإدعاء بأن الحكومة تعتمد على الجنجويد الجدد، لأنها لا تملك جيشاً !! وحتى لو لم يقل (حميدتي) ما نسب إليه في هذا الصدد، فإن وجوده، ووجود قواته، واطلاق يدها بهذه الصورة، يؤكد ما زعم من أن حكومة الأخوان المسلمين، لا تثق في جيش لا يتبع افراده لها، أو يرتزقون لديها، كما يفعل (حميدتي) وقواته. وحين ظهر(حميدتي)، بدأت الأخبار تجمع عنه، فعرفنا أنه ولد في تشاد، وكان يعمل تاجراً متجولاً، على ظهور اللواري بين الكفرة ومليط، وأنضم الى الجنجويد الأولى في عام 2004م، ثم تمرد على حكومة الخرطوم في عام 2007م. ولم يقتنع بالعودة إلا بعد أن طلب رتبة " لواء" ومبلغ 30 مليون جنيه، وقد سلم له المبلغ، كما تقول الروايات، ومنح رتبة " عميد" . وليس هنالك دليل على صحة هذه الروايات، إلا انه الآن فعلاً يتمتع برتبة " عميد" !! وما دام حكومة الاخوان المسلمين، يمكن ان تمنح رتبة كهذه، لشخص لا علاقة له بالعمل العسكري، فإنها أيضاً يمكن ان تعطي 30 مليون وأكثر، من أموال الشعب، للموالين لها، من ضمن بنود نهب المال العام !!

Quote: بتاع ام مثلث حمدي نظرية السيدوالتابع mastar and slave هي السائده منذ ان تواطأ ابناء الوسط النيلى مع جيش كتشنر الغازي من اجل النيل من ابن الغرب المابسر القلب فأنتبهوا يا اصحاب الهوية الزائفه

Quote: ماتتعب نفسك ياالسنوسي مابجوك ديل ياجبن من يناقشوا مواضيع (اللحم الحي ) دي لانهم بعتبروا الغير مطيتهم التي توصلهم الى سدنة الحكم ويعملون من اجل ذلك بجد اما كلام القراي فدا اسمو (الوهلة الاولى) اوالصدمة الكبرى يعني قالو في حاله من تفاغم المخاوف امام اعين وسرح مع الخيال الى ان نصب حمدتي رئيسا ثم استشعر الخطر ليفرغ غيه ذلك فلا تسريب عليه فقد قالها عمر البشير في لحظة صفاء

Quote: اتاري الكيزان ما براهم كان كده

Quote: صدقا الناس لا يعرفون عنه شيء ويرغبون في تلك المعرفة ومن حقهم ذلك .. ما كتبته حتى الآن هو تقيمك الشخصي للكاتب وما كتب .. كنت ولازلت أنتظر منك أن تتحفنا بسيرة الرجل وإضاءات عن مجموعته المحاربة .. مظالمهم ، دوافعهم ، أهدافهم التي حملوا من أجلها السلاح ، مناطقهم ..الخ ..

Quote: .نقول مع الايام ققروا هو وبقية المتعلمين من افراد قبيلته انه يطوروا موضوع (الهمبته) ده لثوره! وصيغت مطالب و غيره

Quote: هي السائده منذ ان تواطأ ابناء الوسط النيلى مع جيش كتشنر الغازي

Quote: Quote: Quote: هي السائده منذ ان تواطأ ابناء الوسط النيلى مع جيش كتشنر الغازي محمد احمد المهدي .. الأمير ابقرجه .. عثمان .. عثمان دقنه الأمير النور عنقره .. الأمير النجومي .. عبدالرحمن النجومي الأمير محمد خالد زقل الخليفة على ود حلو .. الأمير موسى ود حلو اعلاهم - على الأقل - لم يهربوا من امدرمان خلسة !!

Quote: هي السائده منذ ان تواطأ ابناء الوسط النيلى مع جيش كتشنر الغازي من اجل النيل من ابن الغرب

Quote: Quote: هي السائده منذ ان تواطأ ابناء الوسط النيلى مع جيش كتشنر الغازي من اجل النيل من ابن الغرب أبناء الوسط النيلي دينم طلع من سلطة زولكم الطلعتو دينا بيهو .. وبعداك ماتو في كرري وزولكم زاغ .. فما تطلعو دينا زيادة .. هرب عديل كده .. هرب الخليفة الليكم من امدرمان وهرب زولكم على دينار .. وماتوا أبناء الوسط النيلي في كرري تلبية لرغبة معتوه محب للاستعراض بالبنادق في وضح الصباح كما سنة النبي المعصوم !!

Quote: وهذه الإنقاذ زولتكم تب .. آآآآ بتختاكم دون العالمين .. كنتم أهلها وناسها ويدها الطولى في التعذيب والقتل والحرق والتشريد .. وكنتم أدواتها في ارتكاب المجازر والآثام الإنسانية العظيمة ولغااااية الآآآآن . فول استوب

Quote: يا اخي انت عامل ليك معركة من غير معترك الدكتور القراي قال عرفنا او سمعنا ان حيمدتي تشادي اذا انت عندك المعلومة الصحيحة اكتبها هنا و صحح للقراي ما سمعه او عرفه من غير اللغة الفجة البتستخدم فيها دي و التي لا تخدم غرضا و انا الحظ من خلال كتابتك انك زول معتدل مالك الليلة في شنو؟ بعدين يا السنوسي عراقي الهامش دا اكان شلتو و لفيتبو السودان دا كلو بتلقاهو عود لاقى حربة يعنى الناس دي كلها عينا طالعة . حتى الآن يا سنوسي انت كتابتك في هذا البوست مناطحة للقراي و زي ما قلتلك لو صححتلو المعلومة كان احسن.

Quote: لقد سطع اسم محمد حمدان دقلو (حميدتي)، في الإعلام، ومختلف المواقع، مع أنه ليس القائد الأعلى ل"قوات الدعم السريع".. ولكنه الأعلى صوتاً، والاكثر تفاخراً، وتصريحات، ومعلوم ان القائد العسكري، الذي يكثر من التصريحات، والتهديدات، وإدعاءات البطولة، إنما يعوض عن نقص في قدراته العسكرية والقيادية .. فلقد نسب الى (حمدتي)، أنه قال أنه هو الذي أمر باعتقال السيد الصادق المهدي ولم ينف هذا الخبر !! ولكنه نفى خبراً آخراً، فيه إساءة للقوات المسلحة، وإدعاء بأن الحكومة تعتمد على الجنجويد الجدد، لأنها لا تملك جيشاً !! وحتى لو لم يقل (حميدتي) ما نسب إليه في هذا الصدد، فإن وجوده، ووجود قواته، واطلاق يدها بهذه الصورة، يؤكد ما زعم من أن حكومة الأخوان المسلمين، لا تثق في جيش لا يتبع افراده لها، أو يرتزقون لديها، كما يفعل (حميدتي) وقواته. وحين ظهر(حميدتي)، بدأت الأخبار تجمع عنه، فعرفنا أنه ولد في تشاد، وكان يعمل تاجراً متجولاً، على ظهور اللواري بين الكفرة ومليط، وأنضم الى الجنجويد الأولى في عام 2004م، ثم تمرد على حكومة الخرطوم في عام 2007م. ولم يقتنع بالعودة إلا بعد أن طلب رتبة " لواء" ومبلغ 30 مليون جنيه، وقد سلم له المبلغ، كما تقول الروايات، ومنح رتبة " عميد" . وليس هنالك دليل على صحة هذه الروايات، إلا انه الآن فعلاً يتمتع برتبة " عميد" !! وما دام حكومة الاخوان المسلمين، يمكن ان تمنح رتبة كهذه، لشخص لا علاقة له بالعمل العسكري، فإنها أيضاً يمكن ان تعطي 30 مليون وأكثر، من أموال الشعب، للموالين لها، من ضمن بنود نهب المال العام !!

Quote: بدأت الأخبار تجمع عنه، فعرفنا أنه ولد في تشاد، وكان يعمل تاجراً متجولاً، على ظهور اللواري بين الكفرة ومليط، وأنضم الى الجنجويد الأولى في عام 2004م، ثم تمرد على حكومة الخرطوم في عام 2007م. ولم يقتنع بالعودة إلا بعد أن طلب رتبة " لواء" ومبلغ 30 مليون جنيه، وقد سلم له المبلغ، كما تقول الروايات، ومنح رتبة " عميد" . وليس هنالك دليل على صحة هذه الروايات

Quote: الا أن أننا وجميعا أبناء راهن وطني ضاغط جدا .. بلغت فيه ارواحنا الحلقوم ولا الخرطوم ولا ..

Quote: وخطأ القراي أعظم من أخطاء غيره بحسب رأيي !!! الا أن أننا وجميعا أبناء راهن وطني ضاغط جدا .. بلغت فيه ارواحنا الحلقوم ولا الخرطوم ولا ..

Quote: القراي أنا ما بعرفه معرفة شخصية، وما من الكتاب البقرأ ليهم، لكن على العموم الكلام الفوق دا ما فيه أي حاجة خصوصاً إنه القراي نفسه قال ما في دليل على صحة هذه الروايات، ولكنه أكد\ حقيقة واحدة أن الرجل له رتبة "عميد". كدي بالرواقة كدا قول لي أو فهمني المشكلة وين؟

Quote: اشـكرك على التوضيحات التي اســـتفدت منها على قلتها و كنت اتمنى ان تتوســع و تكتب ما تعـرفه عن حـمـيدتي ( كما طلب منك الأخ الملك ) و لكنك لم تفعـل

Quote: Dahab Telbo · متابعة · الأكثر تعليقا · ‏ناشط‏ في ‏حركة أحرار السودان‏ ياود المشرف هو انتو عندكم دين عشان يطلع عليك الله كدي سيبنا من ضجيج الصفيح الفاضي ده اخوي الجو راكبين في دبابة كتشنر الليله ده ليهم الشنه والرنه في بلدكم الميتينا طالع دي وبعدين اقرا التاريخ كويس عشان ماتجي تتهم الناس بالباطل وبالاخص في حتت استنجاد المتمه بالجيش الغازي من الانصار يا سيدي الخليفه ده عبقري غصبا عن عين اي زول بنى تصوروا ووضع اطر دولتو واستغلا الضنقلاوي كمطيه للوصول لهدفوا والكلام ده اي بتاع الف باء ما بقرى للبناني الوهم داك بعرفو ثم انو شنو حكاية الانقاذ الجديده دي كمان لا بالله قلت لي الانقاذ حقتنا ياخ ما تخجلوا يا ناس المثلث !! انت عليك الله قايل الناس الهنا دي عندها قنبور ولا ساكين اكياس هي الشينه منكورا لكن ما للدرجه دي المهم موضوع الانقاذ ده تاني نرجع لي في حينو انتو ياالشماليين مثيرين للشقفه والله اعلموا ان لم يحدث اعادة قراءة للتاريخ واي زول يحمل اخطاءوا ما بكون في سودان لسنا عنصريون او ندعوا لمحاسبة الاخرين بما كسبت ايدي الاولين ولكن الاستعلاء الاجوف لامكان له الان فليكن بلد للكل او يذهب الكل لكن تقطيع ماف ولاتقسيم مودتي

Quote: انتو ياالشماليين مثيرين للشقفه والله اعلموا ان لم يحدث اعادة قراءة للتاريخ واي زول يحمل اخطاءوا ما بكون في سودان لسنا عنصريون او ندعوا لمحاسبة الاخرين بما كسبت ايدي الاولين ولكن الاستعلاء الاجوف لامكان له الان فليكن بلد للكل او يذهب الكل لكن تقطيع ماف ولاتقسيم

Quote: يا السنوسي الجمهوريين من (جلالهم لبلالهم) همهم الاساس الانتقاص من قدر (الناس)!!! عندي دراسة شارفت على الانتهاء سميتها حقيقة الاستاذ محمود!!! (1)دكتور هنا (جمهوري) يشيد بدكتور يعقد مقارنة بين الشريفي الركابي والنوباوي فيليب عباس غبوش!!!مستنكراً قتل الشريفي وترك ......هكذا!!! (2)سوداني بسيط اوصل بسيارته البوكس الاجرة اوصل اخوان جمهوريين للشيخ مكاوي !!! طلع (بغل)* وسط حصين!! والحصان يوضح بالسند كيف تعرف الحصين الاصيلة من غيرها!!!والحصان موجود هنا في سودانيز!! *البغل سواق البكسي المستأجر الذي اوصل (الجمهوريين)!!! كان الخليفة مكاوي على تعلّق كبير بالأستاذ محمود، وبتلاميذه... يحكي لي أحد الأخوان أنهم زاروا مرة الخليفة مكاوي في مسجده في معية الأستاذ محمود، كان معهم سائق "بكس" أجروه من السوق.. يقول الأخ أن الخليفة رحب بهم ترحيبا حارا.. يقول أنه كان يمسك بأحدهم، يتمعّن في وجهه مليا وبابتسامة أخّاذة ثم يجره من يده لداخل الجامع، هكذا واحدا، واحدا، (يعرفهم كخيل غر محجلة، وسط خيل دهم) - كما جاء في الحديث النبوي الشريف، ظل الخليفة مكاوي هكذا معهم واحدا، واحدا، حتى أتى على سائق "البكس" .. ما أن رآءه حتى صاح (آآآ!!! شنو البغل المباري الخيل!!!؟؟)

Quote: هل ذكر القراي أن الجنجويدي المتفلت حميدتي تشادي؟؟

Quote: الحل الوحيد هو التكتل الجهوي ضد المركز و فرض اجندتنا كما فرض قرنق اجندته الجنوبية الصرفة من خلال وعاء ما يسمى السودان الجديد هذا الوعاء الذي حل مشكلة الجنوب وترك ناس جبال النوبة و الانقسنا يرزحون تحت نير البوت الجلابي الى يومنا هذا , الحل في القبيلة لانها هي السند و الداعم اذا وظفت توظيف يخدم المصلحة الجهوية الصرفة , ولا يجدي الركض خلف سفسطة المثقفاتية و شخصيات الكرتون الاسفيرية ,ا

Quote: طيب الخلاصة شنو في البوست بتاعك ده .. سلمنا انو حميدتي سوداني ومن قبيلة الرزيقات .. ولكنه يا سيدي لص ومغتصب نساء وقاتل اطفال .. وقاتل ماجور .. انت لن تغير الحقائق بسردك هذا او دفاعك عن جنسه او اصله .. هذا الرجال حثالة اتي به النظام كفزاعة قش لا تهش ولا تنش .. وهاهو قد ارانا رجولته بهروبه من المعارك كالجبناء واحتمي بالخرطوم .. البراميل الفارغة اشد ضجيجا وقد صدعنا ضجيج هذا الحميدتي ومن يدافع عنه كأنه من حرر القدس .. وهو لا يتعدي سوى جرو صغير بيد نظام فاسق .. متي ينظف السودان من امثالكم يا السنوسي والافتخار للقبيلة .. وما يحير ان القبائل في السودان ذات تاريخ مزيف وملي بالخيانة والجرائم وادعاء الشجاعة الجوفاء والغدر البغيض بعد ذلك نجد من يتمشدق بافتخاره بهذه القائل .. انا سوداني ويكفيني فخراً ..

Quote: والبلد والشعب والكل في مأذق لا نعلم سبل الخروج منه هل في هذه المناكفات منفذ للخروج بالبلد الى بر يقيها شر الصوملة مثلاً

Quote: الأخ : د. السنوسي كيف الحال. يبدو لي أخونا دكتور القراي ذكر المعلومه وهو غير متأكد منها تماماً - لذا - أوردها بالمقال في شكل "كلام سمعه يتداول بين ناس البندر ساي" طبعاً،(من سياق كتابته)..يبقي يكون من المفيّد لك يالسنوسي ، عمر القراي وللأفاضل قراء هذا البوست، أن تنتهز هذه السانحه وتتعمق أكثر لتنورهم علي إنسان تلك المنطقه (شمال غرب السودان) تأريخه ، هجراته، أصوله ومعظم تفاصيل حيّاته اليوميّه ليتثني لأخونا عمر القراي والمثقفين من أمثاله ، أن يكونوا ملمــين بمعلومات صحيّحه مباشرةً يتلقونها من ناس الوجعه الزيّك!.

Quote: والله انا مافاهم انت عائز تقول شنو ليه ماتكتبوا كلام واضح د. القراى ليس عنصرى ولم تعرف وسط الجمهوريين

(عدل بواسطة Elsanosi Badr on 06-10-2014, 07:11 PM)

Quote: عبدالله ازيك بالإضافة لقصة كوز الموية التي ذكرتها د. خليل عثمان قال خينما دخلت المعتقل وعرفت أت الأستاذ محمود سيكون جيتو وأنا خليل عثمان العندو قصر قي كل بلد ورائد الصناعة في السودان وهو رائد الفكر بعدين الأستاذ محمود خت لي نخرتي في ا( ثم يرفع صوته الجهوري) وأنا والله فرحان وكنت أتمنى الأستاذ يقول لي يا خليل أعصر برتكانة لكن مابقول لي....... أما برفيشور عبد الله الظيب فقد قال أمامي وامام حمع من اساتذة جامعة الخرطوم مقارنا بينه وبين فيليب عباس غبوش ( يكتلو محمود الشريفي الركابي ....)هذا والله حسن الخاتمة....وقد تاكدت من مقارنة عبدالله الطيب بعد أن قرأت كلام لفيليب عباس غبوش قال فيهو أنه نصح الاستاذ بأن يربي دقنو ويكلم اهلهو يجيبوا ليهو سبحة عشان ينجي نفسه من الاعدام عحبي

Quote: وحين ظهر(حميدتي)، بدأت الأخبار تجمع عنه، فعرفنا أنه ولد في تشاد وكان يعمل تاجراً متجولاً، على ظهور اللواري بين الكفرة ومليط، وأنضم الى الجنجويد الأولى في عام 2004 ثم تمرد على حكومة الخرطوم في عام 2007م. ولم يقتنع بالعودة إلا بعد أن طلب رتبة " لواء" ومبلغ 30 مليون جنيه وقد سلم له المبلغ، كما تقول الروايات، ومنح رتبة " عميد" . وليس هنالك دليل على صحة هذه الروايات إلا انه الآن فعلاً يتمتع برتبة " عميد" !! وما دام حكومة الاخوان المسلمين، يمكن ان تمنح رتبة كهذه، لشخص لا علاقة له بالعمل العسكري فإنها أيضاً يمكن ان تعطي 30 مليون وأكثر، من أموال الشعب، للموالين لها، من ضمن بنود نهب المال العام !!

(عدل بواسطة Haytham Ghaly on 06-11-2014, 05:55 AM)

Quote: عبدالله ازيك بالإضافة لقصة كوز الموية التي ذكرتها د. خليل عثمان قال خينما دخلت المعتقل وعرفت أت الأستاذ محمود سيكون جيتو وأنا خليل عثمان العندو قصر قي كل بلد ورائد الصناعة في السودان وهو رائد الفكر بعدين الأستاذ محمود خت لي نخرتي في ا( ثم يرفع صوته الجهوري) وأنا والله فرحان وكنت أتمنى الأستاذ يقول لي يا خليل أعصر برتكانة لكن مابقول لي....... أما برفيشور عبد الله الظيب فقد قال أمامي وامام حمع من اساتذة جامعة الخرطوم مقارنا بينه وبين فيليب عباس غبوش ( يكتلو محمود الشريفي الركابي ....)هذا والله حسن الخاتمة.... وقد تاكدت من مقارنة عبدالله الطيب بعد أن قرأت كلام لفيليب عباس غبوش قال فيهو أنه نصح الاستاذ بأن يربي دقنو ويكلم اهلهو يجيبوا ليهو سبحة عشان ينجي نفسه من الاعدام عحبي

(عدل بواسطة Kabar on 06-11-2014, 08:57 AM)

Quote: و يبدو انو المرجعية دي الدكتور ما شغال بيها كتير و نسى تعاليمها و ادبياتها التي تمجد الأخوة الإنسانية.. فالرجل يمارس احتقار و تعالي على مواطن سوداني (غض النظر عن اختلافنا او اتفاقنا معاهو فهو سوداني).. فالدكتور ابتدر عبارته بشطط و كدنا ان نرى الغيظ الذي سوى ليهو ام ظريطة (عبرة تسد الحلق حنقا و غبنا يا سارة عيسى..!!) يكسو ملامح وجهه و روحه ، فهو مفجوع أنو حميدتي الناس عاملة ليهو توم و شمار اكتر من القائد الأول لقوات الدعم السريع (الجنجويد/المراحيل..الخ)..و كانما الدكتور يرى أن الأبهة اولى بيها زولو القائد الأول.. و هذا تناقض عجيب.. العساكر عساكر يا القراي سواءا كانوا من غشفروا ولا الطينة ولا حجر العسل ولا تقاطع هيا ذاتو.. كلهم ام الكـــلب بعشوم.. فليه انتا زعلان عشان تهميش بعضهم البعض؟..

Quote: وفي كلمة عرفنا فدي كمان زي ما بقولوا الغرقان يتعلق بالقشة وكلمة علمنا اكثر تحديدا من عرفنا

Quote: اعتقد ان قضية السنوسي بدر واضحة جدا .. وهي مشكلة من مشاكلنا العويصة جدا التي ابت الا ان تتفاقم .. لييه القراي بجيب معلومة مش مؤكده وهو عندو معلومات مؤكده عن دور الجنجويد فيما يدور الآن ؟ شنو حكاية منح وحجب صكوك المواطنة كده بس بناء على كلام قهاوي ؟ بعدين انتو قايلين جنسيتنا دي خلاص يعني العالم كلو جاري وراها؟ الغريب والسخيف ان الرجل يحمل دكتوراة في علم انساني على ما اعتقد ، ويجب ان يكون دوره منصب على تمكين وتعزيز الروح القومية وليس العكس.. والانكأ ان الكثير من مثيري هذه الاوساخ يحملون جنسيات دول اخرى غربية بالطبع ! واحد تلقا معاهو جنسية اوربية او امريكية ولسة عايش في فصام ، بالنهار عايش بجنسية بالتجنس وبالليل يجي يقرفنا بجنسيتو الاولى .. فصام ازلي.. الموضوع مش تجريم او تبرئة حميدتي .. الموضوع هو اكتساب - حق المواطنة ، حجر الزاوية في بناء الامم وان لم نعترف به كمبدأ علينا العمل على العيش داخل كبسولة القبيلة ونرجع تاني لداحس والغبراء وجنكيزخان والجماعة بتاعين زمان ديل .. قبل اليوم كنت متأكد من ان المؤتمر الوطني استجلب قبائل حدودية للقتال نيابة عنه ! صدقت طبعا .. لو سمعت ان المؤتمر الوطني قد استجلب مرتزقة من المريخ لصدقت بدون شك .. ولست مذنبا لهول ما اعرف وما نعرف كلنا عنهم .. لكن يبقى على الطرف المتضرر نفي المعلومة و بيان الحقيقة .. الان لدي معلومتان لا اعرف ايهما اصح لكن على الاقل لن آخذ المعلومة الاولى كمسلمة الى ان تنجلي الحقيقة ، يبقى يا دكتور نشر المعلومة او اتاحتها ايضا مفيد بالتوازي مع ادانة سلوك القراي .. يبقى يا اخوانا نحن محتاجين نعرف الكتير حتى نحاول حلحلة مشاكلنا ، السؤال ما فيهو عيب ، لكن البطلع من اللسان ما بنقبض تاني ..

Quote: ول ابا السنوسي..حبابك يا صديقي كتر خيرك على اشراكنا في محن ناس امسودان ، و كتر خير صديقنا عبد الله ادريس الذي كفانا بعض الكلام ، فالفكرة وقعت ليهو و حاول اعادة الأمور الى نصابها..فالأخ السنوسي و اكثر من مرة يعتب على الدكتور العجلة و عدم التحقق من الأمور.. اما بقية النخب المكابرة ساكت.. فنقول.. ما كتبه دكتور عمر القراي يدخل في باب التنحيل الواحد ده ، و فيهو اشارة و اضمارات غير كريمة لأنها تنطوي على احتقار و استعلاء كبير.. و بالطريقة دي.. ممكن بكل اطمئنان نقول أنو استاذنا دكتور عمر القراي سقط مرتين: مرة كرجل محكم و موثق الكتابة (يعني مؤرخ محترم) ينقل الأمور من مصادرها المعترف بيها ، و سقوطه انتهى به الى أمر الكتابة عن مصادر الشمارات والقوالات (كلام القهاوي كما قال اخونا عبد الله ادريس).. ومرة ثانية سقط دكتور عمر القراي كجمهوري محترم ، لأن ادعاء الجمهوريين انهم ينحدرون من فكر انساني لا يفرق بين الناس بالشبهات أو بالحقائق الموثقة حتى..و الأنكي أن مرجعية الدكتور الجمهورية تقوم على فكر ديني بين ، و الفكر الديني ده قائم على القران الذي يحفظه حميدتي ..ولا السادة الجمهوريين عندهم قرآن تاني؟.. تلك المرجعية تدعي انها كونية و تخاطب الإنسان أينما كان و كيفما كان..يعني اممية زيها و زي الفكر الشيوعي.. فحكاية الخيار و الفقوس دي الجابها شنو؟.. و يبدو انو المرجعية دي الدكتور ما شغال بيها كتير و نسى تعاليمها و ادبياتها التي تمجد الأخوة الإنسانية..فالرجل يمارس احتقار و تعالي على مواطن سوداني (غض النظر عن اختلافنا او اتفاقنا معاهو فهو سوداني).. فالدكتور ابتدر عبارته بشطط و كدنا ان نرى الغيظ الذي سوى ليهو ام ظريطة (عبرة تسد الحلق حنقا و غبنا يا سارة عيسى..!!) يكسو ملامح وجهه و روحه ، فهو مفجوع أنو حميدتي الناس عاملة ليهو توم و شمار اكتر من القائد الأول لقوات الدعم السريع (الجنجويد/المراحيل..الخ)..و كانما الدكتور يرى أن الأبهة اولى بيها زولو القائد الأول..و هذا تناقض عجيب.. العساكر عساكر يا القراي سواءا كانوا من غشفروا ولا الطينة ولا حجر العسل ولا تقاطع هيا ذاتو.. كلهم ام الكـــلب بعشوم.. فليه انتا زعلان عشان تهميش بعضهم البعض؟.. اما الأنكى فهو تجريد الناس من المواطنة..و عبارة القراي (فعرفنا) ما هي عبارة عادية..و انما هي عبارة فيها احتقار و تعالي على الخلق..فالمعرفة تختلف عن العلم ، لأن المعرفة تتعلق بالشي في عضمو (ذاتو) و العلم يتعلق بصفات الشي.. فلو قال علمنا كان ممكن يتخارج من اللوم بان مجرد العلم بالحاجة لا يعني انو ممكن تتشكل خلاصات عنها ، لكن المعرفة بالحاجة فده معناتو تيقن اكثر..و العبارة كلها كان يمكن ان يتجاهلها الدكتور..و حتى اللحظة حذفها لا يؤثر من سياق الكلام ، و طالما الأمر كده فان ذكرها مقصود لذاتو.. عشان كده قلنا الدكتور قاعد يمارس التنحيل الواحد ده..و دي عوجة كبيرة خلاص..!! السادة الجمهوريين شكلهم ماشين على الإنحدار كما حدث لأتباع دكتور جون قرنق.. فقرنق بشر و عمل على انزال فكر السودان الجديد كواقع ، و بعد مات حدثت الردة الأخلاقية فاصبحت الناس تتكاتل على اساس الأثنية و القبلية (دينكا ضد نوير) كما يحدث في دولة جنوب السودان . و الجمهوريين الأستاذ يعمل و يبشر بفكر انساني فيرتد ابناؤه اخلاقيا و يشربوا من عكر السقوط لمرحلة تجريد الناس من صفة المواطنة، و يا ليتو كان تجريد مؤسس.. فهو تجريد قايم على الشمارات و الكضب الأبلق ..!! في واحد من ناس قطيع الشمال ، قاعد يكتب باسم مستعار (يوسف بشاري) من نافذ الفيس بووك.. كل دقيقة و التانية شابك اخونا ول ابا بريمة تشادي و ارجع تشاد و شنو كده ما عارف.. فهل نستبعد يوما ما انو دكتور القراي يقول بريمة تشادي؟.. المافي شنو..!! اخونا هيثم غالي.. الدكتور قال ليك كان قاعد يجمع في الأخبار (نظام بوليس سري عدييل) فشنو يا ابوي مافي طريقة نسوي من الفسيخ شربات..!! على الدكتور الإعتذار عن هذا الشطط..و على الجمهوريين الإعتذار بدل المكابرة ساكت..!! كبر

Quote: شايف برضو (بتلت) وتعجن في كلام دكتور دكتور الحسين تاع المقارنه والمقاربة بين فليب غبوش والركابي الشريفي محمود والذي نسبو لبروفيسور عبدالله الطيب ... اتا ما تخلي الدكتور يفند كلامو الاوضح من شمس ام بلولة في قوز الهشابة ياخ... وعندو باصوويرد قدر الضربة وحافظها وبعدين هو الضيع السودان ده شنو يا هيثم غالي ... ما جنس التبجيل الماعندو لزوم ده ... زول يكتب ويكورك بطول حسو في الجرايد والسايبر انو جاهو كلام وطراطيش انو حميدتي تشادي وهو مما متاكد من الكلام الناقلنو ليهو ... لزوم الفنجرة (ام جيبين) يعني ... وتجي اتا واقع في الكلام بالعرض وتقول لا ..وتعجن في الكلام وتتلجلج ... يا هيثم الغلط غلط ... وتوزيع صكوك المواطنة لا مساومة فيهو ... البلد ما ناقصة انحطاط غير الانحطاط اللهي فيهو ... يا هيثم خليك عندك القدرة علي علي التجرد وركوب دابة المريد الجمهور وحوار دكتور القراي او دكتور الحسين ... ان تحترمهم شئ اخر وان تجابهم بغلط ارتكبوهو شئ تاني .. فارحمنا من جنس كتابات بعر ... شعر ... شدر البتعمل فيها دي من شاكلة ده زول بنحترمو ومما مكن يغلط . دي

Quote: أخطأ دكتور القراي ولا شك