|
|
 مثابه حاج حسن : الاتحادي الديمقراطي الأصل جاهز للانتخابات
|
print screen windows xp
قيادية بالإتحادي الأصل :جماهير الحزب جاهزة للانتخابات
06-07-2014 10:22 PM
الخرطوم (سونا)- أوضحت الاستاذه مثابه حاج حسن القيادية بحزب الاتحادي الديمقراطي الأصل أن تعليق حزب الاصلاح الآن المشاركة في الحوار يفاقم من الأزمة السياسية مما يحدث تراجعا لخط الحوار الذي اطلق ويحفز قوة اخري بالرجوع عن الحوار مبينة أن مبادرة الرئيس للحوار كانت خطوة غير مسبوقة .
وأكدت مثابة أنهم فى الحزب الاتحادي الديمقراطي الاصل قد بادروا بالحوار مشيرين لحاجة الحوار لاجواء محددة واجماع مبينه ان عدم رفض الأحزاب لمبادرة رئيس الجمهورية للحوار كان كسبا كبيرا وأن التراجع عنه سيكون خسارة كبيرة مؤكدة باننا نريد أن نخرج بالبلاد من أزمتها دون اقصاء لأحد .
وكشفت مثابة عن جاهزية جماهير حزب الاتحادي الديمقراطي الاصل للانتخابات وأنهم مهيأوون تماما لذلك وقالت إنه قد تكون هناك عدم جاهزية مالية مشيرة الي أن الحزب قد جرب الانتخابات من قبل وهو غير متخوف منها .
|
|
 
|
|
|
|
|
|
|
 Re: مثابه حاج حسن : الاتحادي الديمقراطي الأصل جاهز للانتخابات (Re: محمد علي عثمان)
|
صباح الخير يا اخ محمد
بالله لو بتعرف مثابة دي او لو هي بتقرا المنبر دا او لو في زول بعرفها يوصل لها الكلام ادناه
الدوائر 36 و 37 دوائر (حيث تمركز البطاحين) كانت دوائر مضمونة للحزب الاتحادي بحسب الانتماء الحزبي وليس العقائدي، والله ووالله ثم والله لو جرت انتخابات حرة نزيهة اليوم و نزل فيها السيد علي من قبرو ما يفوز فيها.
قال جاهزية قال.
انا ابتديت اصدق انه فعلاً حاتم السر ما انخج ونتيجته هي الواقع الذي يعكس حال الحزب.
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: ودقاسم)
|
ذا الحزب تعيس بائس .. ليس لديه جماهير فقد انفضّ الناس من حوله وأصبح حزبا اسريا بعد أن آلت ملكيته بوضع اليد للمراعنة وأشياعهم ولن يكسب من الانتخابات شيئا لابد أن يتحرك الاتحاديون لهدم الأصنام واستعادة حزبهم الحر الديمقراطي ..
ود الفكى
ود قاسم
ابناء الاتحادى المقهورين
يا اهلنا الطيبن المبادى عمرها ما كانت اسماء نعى جيدا ما ال اليه الحزب ولكن مبادى الحزب الوطنية شامخة فى علياها شمسا مضئية لسودان ولاهل السودان
كل المعاير فى بلادى تعدت كل المقايس فلما حزب الحرية الذى ظل صامتا طيلة فترات الدكاتوريات التى قضت على اكثر خمسين عاما من عمر عمر استقلاال البلاد .
قولو خير وان شاء خير
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: Yousif A Abusinina)
|
ود قاسم شيوعي معروف و يتسم بشيوعيه كامله الاوصاف و لا يحتاج منا لكثير عنا بالتعريف .
اما ظهور واحد قليل ادب و ما متربي زي ود الفكي ف ده الجديده . ان كنت فعلا بطحاني فالبطاحين نعرفهم جيدا عفيفي لسان و كرماء اخلاق فهم انسابي ، و لكن هذا الانحطاط مستحيل ان يخرج من احفاد الشيخ صديق طلحه و اشبال الاسد طه الضرير .
سياده النسيب الحسيب السيد علي الميرغني قدس سره ، لا يتشرف و لن يتشرف بالنزول في انتخابات بلد انت احد مواطنيها .
يعرف قدر الرجال الرجال ، و يعرف الفضل اول الفضل .
صباح نكد و تعيس نتصبح فيه بالشيوعي الدموي ود قاسم و الجاهل المنحط ود الفكي .
الزبير الختمي
سقادي غرب / المحميه
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: الزبير بشير)
|
Quote: اما ظهور واحد قليل ادب و ما متربي زي ود الفكي ف ده الجديده .
ان كنت فعلا بطحاني فالبطاحين نعرفهم جيدا عفيفي لسان و كرماء اخلاق فهم انسابي ، و لكن هذا الانحطاط مستحيل ان يخرج من احفاد الشيخ صديق طلحه و اشبال الاسد طه الضرير .
سياده النسيب الحسيب السيد علي الميرغني قدس سره ، لا يتشرف و لن يتشرف بالنزول في انتخابات بلد انت احد مواطنيها .
يعرف قدر الرجال الرجال ، و يعرف الفضل اول الفضل .
صباح نكد و تعيس نتصبح فيه بالشيوعي الدموي ود قاسم و الجاهل المنحط ود الفكي .
|
صاح ما متربي وقليل ادب
في مداخلتي ما شتمت اي زول وانت جيت في خمسة سطور وجهت لي اربعة شتائم صريحة وواحدة مستترة، يعني السطر بشتيمة، اها نقول عليك شنو؟
انتا يا زول اي واحد يقول لكم النصيحة يا مرقتوهو شيوعي يا جاهل ومنحط وقليل ادب وما متربي؟ ياخي قول كل دا فينا اها بغير شئ من الحقيقة القلتها ليك فوق دي؟ ابداً
اها ان شاء الشتيمة دي ريحتك شوية واخدت لك غفوة كدا وحلمت فيها ان البطاحين الاعمي شائل المكسر على صندوق الحزب؟
التوقيع
محمد عمر الما بطحاني وقليل الادب والما متربي والجاهل والمنحط.
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: محمد عمر الفكي)
|
e: اما ظهور واحد قليل ادب و ما متربي زي ود الفكي ف ده الجديده . ان كنت فعلا بطحاني فالبطاحين نعرفهم جيدا عفيفي لسان و كرماء اخلاق فهم انسابي ، و لكن هذا الانحطاط مستحيل ان يخرج من احفاد الشيخ صديق طلحه و اشبال الاسد طه الضرير . سياده النسيب الحسيب السيد علي الميرغني قدس سره ، لا يتشرف و لن يتشرف بالنزول في انتخابات بلد انت احد مواطنيها . يعرف قدر الرجال الرجال ، و يعرف الفضل اول الفضل . صباح نكد و تعيس نتصبح فيه بالشيوعي الدموي ود قاسم و الجاهل المنحط ود الفكي . صاح ما متربي وقليل ادب في مداخلتي ما شتمت اي زول وانت جيت في خمسة سطور وجهت لي اربعة شتائم صريحة وواحدة مستترة، يعني السطر بشتيمة، اها نقول عليك شنو؟ انتا يا زول اي واحد يقول لكم النصيحة يا مرقتوهو شيوعي يا جاهل ومنحط وقليل ادب وما متربي؟ ياخي قول كل دا فينا اها بغير شئ من الحقيقة القلتها ليك فوق دي؟ ابداً اها ان شاء الشتيمة دي ريحتك شوية واخدت لك غفوة كدا وحلمت فيها ان البطاحين الاعمي شائل المكسر على صندوق الحزب؟ التوقيع محمد عمر الما بطحاني وقليل الادب والما متربي والجاهل والمنحط. ++
الاخوة
ود الفكى ، ود قاسم ، الزبير
الرجاء الكف عن كل هذى المهاترات
الكل ابناء لهذا الحزب ولهم معزة خاصة له
يا الزبير اخوى ود قاسم بعيد كل البعد عن الشيوعية فهو اتحادى لحما ودما
فرجو من الجميع الحفاظ على متبقى فالكل يعمل جادا لاعادتة لسيرتة الاولى كم يعلم الكل ما الت الية جميع الاحزاب فى تلك الفترة
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: Yousif A Abusinina)
|
إنتخابات شنو يا مثابة !!
مليشيات المؤتمر الوطني تكتل في الناس في نص الخرطوم ..
إنتخابات شنو وأنتو بعتوا الحزب للمؤتمر الوطني وحولتوا الحزب الي حديقه خلفيه او مطبخ للمؤتمر الوطني
إنتي جاية تبشري بالإنتخابات وجاهزيه الحزب للإنتخابات (حاجة غريبه) ..
ليه ما أسقتلتي من المجلس التشريعي ولاية الخرطوم وقت المليشيات أطلقت الرصاص علي شهداء سبتمبر
كل الذين أشتركوا في هذا النظام (في أجهزته التشريعيه والتنفيذيه ) شركاء في جرائم هذا النظام من تاريخ إشتراكهم
ياخي موقف يحفظ ماء الوجه ساكت بالإستقاله ....
شغالين ماشين مكتابكم كل صباح وتقبضوا في المرتبات والمخصصات (وبرضوا معارضه) ...
مؤسف جدا أن يتراجع الحزب الإتحادي صاحب التاريخ العريق الي هذا الدرك السحيق من التواطوء مع القتله واللصوص
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: عبدالعظيم عثمان)
|
يا الزبير
| Quote: صباح نكد و تعيس نتصبح فيه بالشيوعي الدموي ود قاسم و الجاهل المنحط ود الفكي . |
قدرت ما أحاول أعرف سبب زعلتك دي ما عرفت
يعني ديل ناس معاك في الحزب تسمعهم الكلام دا
أمال الناس التانين تقول ليهم وعنهم شنو؟؟؟
ثم أن ودقاسم دفعة وصديق قديم
أخدها مني
ود قاسم ما شيوعي
ممكن تقول عليه إتحادي مستنير
مثقف، قريب كتير من الناس المساكين
(ودي ممكن بمزيد من التحلل تسميها نكهة يسار)
والزول التاني القمت عليه دا
قدر ما قريت كلامه عشان أشوف سبب الزعلة منه ما عرفتها
إلا تكون في حاجات إتقالت في بوستات تانية
ولا حاجات تانية خالص
كدي إستهدوا بالله
حزبكم دا (كان رضيتو كان أبيتو )
مهم للسودان وللديمقراطية
كدي شوفوا ليكم طريقة حوار أحسن من كدا
وبتصلوا جميعا لمحطات كويسة
حزب الأزهري وزروق وعلي عبد الرحمن والدرديري وميرغني حمزة
والهندي وأبو حسبو ويحي الفضلي والحاج مضوي وميرغني عبد الرحمن
وحسن بابكر وسيد أحمد الحسين
ما حزب هين
ما تضيعوه
وتضيعوا وكتكم في مخاشنات فارغة
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: Nasr)
|
الاخوان يوسف ونصر
تحية طيبة
لا اود الخوض في اتحاديتي واتحادية اهلي (سابقاً) وما قدموه لهذا الحزب وخصوصاً الدعم المادي واهلي هنا اعني بها اسرتي المباشرة وليس قبيلتي وانتمائي للمكتب السياسي للحزب بمنطقة شرق النيل وحضوري لعدة اجتماعات بدار ابوجلابية، لكن اود ان افيد الاخ الزبير بانه لن يستطيع ان ينزع عنا انتماءنا بوصفنا بشيوعية او منحطين او غيرها من الصفات.
بالمناسبة يا نصر دي اول مداخلة لي مع الزبير دا، يعني مافي حاجة سابقة يسئ لي بيها كل هذه الاساءة، رغم انه دي ما اول مرة اكتب عن حال الحزب وزيك والله رجعت لما كتب لارى سبب هذه الغضبة العمرية.
الزمن دا الزول اصلو ما يقول البغلة في الابريق؟
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: محمد عمر الفكي)
|
سلامات أخونا الزبير,,
كنت قديما من الموقنين أن بعض عضوية ومنتسبى بعض الأحزاب وقطعاليس من بينها (المؤتمر الوطنى ) هم من الذين يمكن أن تعول على عفة لسانهم وتربيتهم الدينية تحتم وتحرم عليهم البعد عن سب الناس وشتيمتهم مهما إختلفوا معهم,, هذا المنبر حطم هذه الصورة تماما والمنبر نفسه إستطاع تخريب مفاهيم وأخلاقيات البعض ممن لم نعهدهم من المسيئين والسبابين والشتامين بكثرة تكرار مسائل الشتم والسب والإساءآت!! | Quote: اما ظهور واحد قليل ادب و ما متربي زي ود الفكي ف ده الجديده . ان كنت فعلا بطحاني فالبطاحين نعرفهم جيدا عفيفي لسان و كرماء اخلاق فهم انسابي ، و لكن هذا الانحطاط مستحيل ان يخرج من احفاد الشيخ صديق طلحه و اشبال الاسد طه الضرير . |
شتيمتك لمحمد عمر الفكى بهذه الأوصاف وهو عندى من المحترمين لم يكن لها أى داع وغضبتك المضرية من رأيه كان أوجب أن توجهوها أنتم وحزب الأمة لنصف عضوية أحزابكم التى تم تتطويعها لخدمة النظام وبالتالى تعد مشاركة فى جرائمه ومخازيه ولو بسكوتها, زد على ذلك وجود عدد مقدر من أفراد (الأسرتين ألكبيرتين) داخل منظومة الحكم وأدوار غير مفهومة ومواقف مخزية من السيدين أنفسهما!!!
محمد عمر قادر على الرد عليك ولكنه تمالك غضبه وأحترم المكان والموجودين وهذا ما عهدناه فيه وعنه,,
إذا لم تر نفسك مخطئا فلا تعذر أخى الزبير,,
ولكنك أخطأت جدا جدا,,,
تحياتى
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: محمد عمر الفكي)
|
Quote: الخرطوم: محمد فايت
هدد الحزب الاتحادي الديمقراطي الأصل بثورة تصحيحية ضد من سماهم بالانتهازيين من التجار والمستفيدين من الشراكة مع المؤتمر الوطني وأكد القيادي بالحزب علي السيد في حوار مع الجريدة ينشر لاحقاً أن حزبه لن يكرر تجربة الانتخابات السابقة في ظل الظروف الحالية.
في وقت شكك في أن يكون الاتحادي اختار الوزير أحمد سعد عمر لتمثيله في آلية الحوار الوطني وقال إن الهيئة القيادية للحزب لم تجتمع لاختيار سعد الذي عينه المؤتمر الوطني ممثلاً للحزب بآلية الحوار الوطني واتهم سعد بتنفيذ أجندة المؤتمر الوطني. وفي سياق ذي صلة بشر قواعد الحزب بثورة تصحيحية داخلية يقودها السيد الحسن الميرغني بعد صدور قرار مؤخراً بتعيينه نائباً لرئيس الحزب ورئيساً للقطاع التنظيمي، وقال إنها ستقضي على كافة منابع الانتهازيين من التجار والمتكسبين من الشراكة مع المؤتمر الوطني. |
أها نصدق علي السيد ولا مثابة حاج حسن عضو المجلس التشريعي ولاية الخرطوم
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: عبدالعظيم عثمان)
|
ود الفكي
يا سيدي تحدث عن الحزب ملئ فيك و لا اعتراض علي اخفاقات الحزب و لكن ليس هذه هو المكان الذي تنقد فيه الحزب و مادام انت موجود في دار اب جلابيه لك كامل الحق في القول بما تري .
الحزب له مؤسساته و هيئاته و يمكنك ان تغير زي ما انت عاوز .
و نحن عندنا اراء مغايره للكثيرين و لكن نخضع لاراء الاغلبيه .
يا سيدي وجودك في دار اب جلابيه و وجودك في امانات الحزب لا يعطيك اي حق في القول بهذه الوقاحه و قله الادب لو قام السيد علي من قبره .
ان فعلا انت اتحادي انشر للجميع ماثر و انجازات السيد علي من خروج الانجليز الي تسليم بلد ديمقراطي اخفق الاتحاديين امثالك بالحافظ عليه بالقدح في قيادات حزبها و كمان الاموات منهم .
ياخي تادب مع الاموات و السيد علي يقوم من قبره ليه .
تادب عند ذكر السيد علي ابو الوطنيه ،مثل هذا الكلام لا يليق و لن يليق في ذكر رجل في قامه ابو الوطنيه السيد علي
خليك من السيد علي و الله و بالله تالله انزل السيد محمد عثمان في الانتخابات لتشوف العجب العجاب ، و لكن لكل حدث حديث و لكل مقام مقال .
ارحمو انفسكم و ارحمو الحزب
الزبير ختمي
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: الزبير بشير)
|
اولاً انا دار اب جلابية فارقتها منذ زمن طويل وبعيد ولا اعتقد انني ساعود اليها قريباً ما دام الحزب يدار بهذه العقلية والطريقة والاسلوب.
بالمناسبة النوريك الديموقراطية في الحزب
اجتمع اعضاء المكتب بتاع شرق النيل برئاسة المغفور له باذن الله السيد محمد الحسن عثمان وبمشاركة العم إبراهيم ابوحريرة للتصويت على الانضمام لحكومة الوفاق الوطني الاولى، وكان التصويت ساحقاً ماحقاً للرفض.
بعد يومين كان هناك صديق لي ختمي دعانا للغداء وكان الحضور ثمانية اشخاص فقط منهم ثلاثة من ابناء الميرغني ومن القيادات العليا في الحزب (مافي داعي لذكر الاسماء تجنباً للإحراج)
سالتهم عن التصويت في بقية المكاتب، ضحكو وقالوا لي بالحرف الواحد(اجماع المكاتب بالرفض ورفعنا الكلام دا للقيادة في القاهرة، لكن ناس القاهرة دايرين يموتو على المشاركة!!!!!)
اليوم التاني لقينا احمد علي ابوبكر والمرحوم فتحي شيلة شغالين في قائمة وزراء الاتحادي والمناصب الولائية والتشريعية؟!!!!!
انتظر منك ان تسحب الاساءات الموجهة لشخصي فلم ابادرك باساءة او سباب، وحديثي عن ترشح السيد علي هو لضرب مثل على استحالة الفوز وهو ما اؤكد عليه ثانية.
خوفي على الحزب من مصير حزب الوفد المصري، تاريخ وبس بدون حاضر او مستقبل.
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: عبدالعظيم عثمان)
|
الزبير الختمي
ختم الله على قلبك ..
يا الزبير عقليتك زي عقلية حبوبتي لما كنا طلبة قبل أربعين سنة ونيف .. كنا نذهب لصلاة العيد عند أبونا الشيخ دفع لله ود الشيخ حمد النيل
وبعد الصلاة مباشرة يتم نشر ( قداحة ) العصيدة بملاح الروب والتقلية من بيت الشيخ فيفطر الناس فطورا باكرا على سبيل التبرك من طعام الشيخ
رحمه الله ورضي عنه ..
لكن أنا وأخي كنا نعود إلى البيت دون أن نشارك الناس في أكل العصيدة .. وعندما نطلب الفطور في البيت ، تقول حبوبة لأمي :
يا بتي قومي سوي ليك فطور لأولادك (الشويعيين) ديل .. ابوا ياكلوا كسرة الشيخ ..
وإن اتهمتني أنت بالشيوعية فقد اتهم قبلي بها شيخي أزرق طيبة ..
الزبير الختمي ، ودقاسم ده عركي ، وعركي دي يعني جده السيد مقبل بن السيد نافع بن السيد محمد بن السيد سلامة بن السيد أحمد بن السيد بدر
بن السيد محمد بن السيد حسن بن السيد أحمد بن السيد عامر بن السيد حسين بن السيد إسماعيل بن السيد عبد الله بن السيد إبراهيم بن السيد الإمام موسى الكاظم
بن السيد الإمام جعفر الصادق بن السيد الإمام محمد الباقر بن السيد الإمام على زين العابدين بن السيد الإمام المشهور بسيد الأئمة
وقائد الأمة الذى أمتحنه الله بأنواع المحن والبلايا أبى عبد الله الحسين شهيد كربلاء رضى الله عنه وإبن السيدة فاطمة الزهراء سيدة نساء العالمين
وبنت سيد المرسلين سيدنا محمد صلى الله عليه وسلم وإبن فارس المشارق والمغارب أسد الله الغالب أمير المؤمنين سيدنا ومولانا أبى الحسن على إبن أبى طالب
كرم الله وجهه ورضى الله عنه وأرضاه إبن عبد المطلب بن هاشم بن عبد مناف بن قصى بن كلاب بن مرة بن كعب بن لوى بن غالب بن فهر بن مالك بن النضر
بن كنانة بن خزيمة بن مدركة بن إلياس بن مضر بن نزار بن معد بن عدنان
وأسيادك المراغنة هم من فرع السيد الحسن بن علي ..
فإن إن كانوا هم أسيادك فنحن أيضا اسيادك .. وإن كانوا مؤهلين ل ( سختك ) فنحن أيضا مؤهلون لذلك ..والسيادة إن أردناها فهي لنا قبل أن تكون لغيرنا ..
وإن أردنا استغلال الناس سياسيا واقتصاديا فسنجد من البسطاء ملايين يمكن أن يقدموا أرواحهم لنا فداء
لكني والله أنصحك أن لا تعبد أحدا غير الله، ولا تنحني لأحد ، ولا تطأطي هامتك لأحد فأنت سوداني مثلك مثل كل السودانيين ، لك كل ما لهم من حقوق وعليك ما عليهم من واجبات
إن الحزب الاتحادي الديمقراطي حزب عريق ، ونحن اتحاديون بالفطرة والتربية والأصالة ...
وإن شئت أم ابيت فقد أراد اسيادك أن يضيقوا المساحة الشعبية التي يتمتع بها الحزب الاتحادي الديمقراطي ، وأن يحيلوه من حزب قومي شامل إلى حزب أسرة وفي أحسن الفروض حزب طائفة
ثم انك ومع ضيق عقلك شتمت زميلا لك في المنبر وأسأت إليه وهو رجل عف اللسان وربما اكثر أصالة منك في الحزب ، فهو ابن الوطن وأنت ابن الطائفة .. هو يتمتع بعقل ثاقب سليم معافى
وأنت ترقص في حلقة أسيادك بعقل مريض ومغيب..
عد إلى أسيادك وقل لهم في حصة الاعتراف أنك شتمت واحد عركي وواحد بطحاني .. وسيقولون لك أنك قد كفرت ..
لكن أنا وأخي البطحاني نقول لك أنك قد أخطأت وأن خطأك ليس من صالحنا كأبناء بلد واحد .. والدعوة مفتوحة لك لتعود إلى بعض الرشد علّك ترضي ربك ورسولك وأبناء وطنك
| |
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: ودقاسم)
|
سلام علي الجميــع
هدوا شوي يا جماعه وأستهدوا بالله...
المقام ليس مقام هجوم لفظي وهجوم مضاد ...
يا الزبيــر يا أخوي واحدة من مشاكل الحزب الإتحادي قناعة مريدي الطريقه الختميه بالتسليم بكل الأفعال والأقوال التي تصدر من السادة المراغنه
دون التفكير في صحتها او عدم صحتها .. هذا السلوك في العمل السياسي لا يستقيم لأن المواقف السياسيه وتقديراتها أمر بشري وليس وحيا ينزل علي أحد
أخطا الميرغني في كثير من المواقف السياسيه ولم يحسن التقدير .. هذا الموقف يعتبره مريدي الطريقه الختميه هو حسن تدبير وعمق بصيره وأن الميرغني
يري ويعلم ما لا يعلمه الأخريــن .. بينما الأمر عندما يحاكم بالمنظور السياسي خاضع للإتفاق والإختلاف ... مثلا الموقف من السلطة الحاكمة ...
والإستمرار في الشراكة مع المؤتمر الوطني (قبل وبعد قتل المتظاهرين) .. هل تستطيع أن تدافع عن صمت الميرغني وعدم إتخاذه لموقف يسحب به
وزرائه من حكومة تقتل الأبرياء بدم بارد ... لن تستطيع ولكنك ستصمت وستقول بأن الميرغني يري ببصيره ويعلم ما يعلمه عوام الناس ...
هذه واحده من العقبات الكبيره في الحزب الإتحادي ...
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: ودقاسم)
|
الاخ ود قاسم
تحية طيبة وبعد
تعرف الحزب الاتحادي دا هو الحزب الوحيد الممكن تلقى فيهو انصاري سنة (مثل شيخ الهدية رحمه الله) رغم ان الهدية رحمه الله مستحيل ان يكون في يوم من الايام قد نده السيد علي او السيد الحسن عشان يمرقوهو من ازمة او يرفعو عنه بلاء، وفي نفس الوقت ممكن تلقى فيهو واحد افكارو يسارية وفي النهاية رغم تعدد المشارب فكلهم بمشو يصوتو للحزب الاتحادي الديموقراطي لانه حزب وسطي بفضل قامات سامقة تم ذكرها في صدر البوست بواسطة احد المتداخلين.
يا الزبير اعتبرني انصاري سنة وعقيدتي وهابية لكن انتمائي الحزبي للاتحادي، بتقدر تمنعني، اها انصار السنة ديل ما عندهم التقديس العندكم دا ولا بيؤمنو بالحاجات دي، تجي تقولو ليهم امرقو واتخارجو من هنا؟
يبدو ان الحزب الاتحادي في طريقه لان يصبح الحزب الختكيزاني (ختمية-كيزان) ولا مكان فيه لمن يعارض هذا التوجه.
بالمناسبة يا الزبير، قبيلة البطاحين دي من الله ما خلقني ما شفت فيها غير ختمي واحد، اي والله فرد واحد ومن قرية مجاورة ورغم ان باقي الناس اهله واقاربه كلهم اتحاديين وبصوتو للحزب لكنه مثار سخرية وتندر منهم بسبب ختميته.
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: ودقاسم)
|
يامولانا ود قاسم العركي
العفو و العافيه
و لا ازيد معك الكلام و لا انقصه تادبا مع حديث الرسول ( لا تعلموهم هم اعلم منكم ) ، وعندي كلام كتير عقائديا في الرد عليك و لكن انني لست في مقام من جده الشيخ حمدالنيل ، لنا عقيده ثابته بانه واجب علينا موده وحب العتره الطاهر .
بس العفو العافيه و صافيه لبنا اتدفق . العمر كان فيه بقيه ان شاء الله نتقابل و سوف تجد منا ما يسرك . لك العذر و العتبي حتي ترضي .
يا ود الفكي
لك مني الف مليون عذر و ننسي الفات و معليش اللوم بجي بالغفلات ، لك العذر و العتبي حتي ترضي .
صافيه لبن و برضو العفو و العافيه .
الزبير بشير
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: الزبير بشير)
|
ولعلمك يا الزبير الليلة دي لو جرت انتخابات ديموقراطية داخلية لاختيار رئيس للحزب ومكتب سياسي يعمل كاداة تنفيذية وينحاز رئيس الحزب لقرارات المكتب السياسي المتخذة بتصويت الاعضاء فاقسم لك انه انا ود الفكي دا صوتي ما حيمشي لغير السيد محمد عثمان، لانه شخصياً بعتقد انه الحزب محتاج لمظلة تتفق عليها الاراء وتحسم اي خلاف بينهم.
اما ان يكون المكتب السياسي مجرد ديكور لا قيمة له فهذا غير مقبول
خلينا ننسى الفات زي ما قلت ونركز على تصريح مثابة بنت القبطان الكبير الراحل
ممكن الاخت مثابة تورينا اخر ندوة عقدها الحزب متين؟ ممكن تورينا اخر اجتماع لمكتبه القيادي كان متين؟ ممكن تقول لنا حاجة عن نشاط وكوادر الحزب بدارفور والنيل الازرق؟ بس عشان نطمئن فعلاً انه الحزب جاهز؟
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: محمد عمر الفكي)
|
الاخ محمد عمر
ياخي ليك الف عذر .
حزب ركبوه المصلحجيه . لا نريد ان ننشر غسيلنا ، لان المابشتري اكيد حا اتفرج .
ارتضينا بالديمقراطيه فيجب ان نرتضي بمآلاتها . نتمني ان يظل حزب الوسط و ان لم نستطع تغيير شئ الان فيكون الامل في الابناء .
الان من يشارك في الحكومه اسوء بكتير من كادر المؤتمر الوطني ، ان ارتضي ناس المؤتمر الموطني الخيانه و الكذب ، ناسنا ارتضو المهانه و لم يدعمو اي فكره من اجلها دخلوا النظام .
احزنني قولك في السيد علي ، يجب علينا ابراز ما قمنا به من تضحيات و الكل يبكي علي ماضيه ، نحن لم نرتكب جرائم بيت الضيافه و خيانه الوطن بستليم السلطه للجيش مرتين . علينا ابراز ما قدمناه و ما ضحي به كبارنا في سبيل هذا الوطن . نحن الجينا باراده الشعب و ما تضارينا وراء دبابه . اتفق معك بان الحزب عاوز اعاده صايغه من دستوره مرورا بجميع هياكله التنظيميه .
الحببيب ود الفكي
لك كل عذر و ما تزعل اهو نحن خطائين و لكن خيرنا من تاب و اعتذر فاقبل العذر .
الغالي ود قاسم
يا سيدنا ليك مني هديه حضره و حوليه ( محضوره ) احضرها جدودك الشيخ احمد الريح و الشيخ الطريفي العركي و الشيخ حمد النيل .
تخريمه : بالمناسبه اسكن علي بعد اقل من 50 متر من ضريح سيدي العارف بالله تعالي الشيخ حمدالنيل .
محمد معانا عصار الوهابي عماد و الوهابي ودعمي محمد جلال ما اغشانا .
الزبير بشير
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: الزبير بشير)
|
Quote: يامولانا ود قاسم العركي
العفو و العافيه
و لا ازيد معك الكلام و لا انقصه تادبا مع حديث الرسول ( لا تعلموهم هم اعلم منكم ) ، وعندي كلام كتير عقائديا في الرد عليك و لكن انني لست في مقام من جده الشيخ حمدالنيل ، لنا عقيده ثابته بانه واجب علينا موده وحب العتره الطاهر .
بس العفو العافيه و صافيه لبنا اتدفق . العمر كان فيه بقيه ان شاء الله نتقابل و سوف تجد منا ما يسرك . لك العذر و العتبي حتي ترضي .
يا ود الفكي
لك مني الف مليون عذر و ننسي الفات و معليش اللوم بجي بالغفلات ، لك العذر و العتبي حتي ترضي .
صافيه لبن و برضو العفو و العافيه .
الزبير بشير
|
ههههههههههههههههههههههههههههههههههههههههههههههههه
الزبير اخوى الحمد لله الذى الهمك صدرا و صبرا وقلبا واعتذارا لهلاء الاخوة الافاضل الذى اكون لهم محبة خاصة
وقد ذكرت فى بداية حديثى ابناء الاتحادى المقهورين لماذا ؟؟؟؟؟؟؟؟؟؟؟؟؟
الجميع صدقى لهم محبة خاصة تجرى فى دمائهم للحزب والجميع محترق بنار الحزب وتفرقتة ومواقفة السياسية الغير مرضية
والجميع قالها سمعنا وطاعة لادارة الحزب ونكن لهم كل محبة وتقدير ونعلم جيدا انهم اقرب الى القرار السياسى منا
الحمد هم الاتحايون اين ماذهبوا مواقف لاتنهز ولاتهتز ونحن معهم مع الاحترام للسادة ال الميرغنى وقول اخوى عثمان رغيم فرقوا بين الطائفية والسياسية فى الحزب الاتحادى
فكما ذكر اخوى ود قاسم نحن لنا طريق اخر لا يخلف عنكم بل جزء منكم
العــــــــــــــــــــــــــــــــــــركيين اجدادى لحم ودم
جدى الشيخ احمد ود الطريفى خصيم السعر عم جدى يوسف احمد الطريفى ابوشراء وازرق طيبة
فكلنا فى الهواء سواء
روق يا حبيب وعلى قول ود الفكى نحن ما مخلينهم ال الميرغنى وندبر حالنا معاهم كان طائفية او سياسية المقامات محفوظة دائماااااااااااااااااااااا
ههههههههههههههههه ود الفكى انتو شيخكم منو
معدنها لينا كلها شكل ههههههههههههههههه خايف اقول كلمة يقموا على البطاحين اكرهونى المنبر بقولها دائما لنسيبى بطحانى خلى يقولها بدلى ود قاسم عارفها ( ن ح ق ط )
محبتى لكم بعد هذا الصفاء والنقاء والرجوع للحق فضيلة
وعاش ابو هاشم ......................... كمل يا الزبير هههههههههههه
| |
|
|
|
|
|
|
|
|
 رد (Re: Yousif A Abusinina)
|
هههههه والله يا يوسف اقرا واضحك
في بداية كلام الزبير معاي راسي دا اتقشط رسمي؟ اها يا جماعة قول خليت الاتحادي دا امشي وين؟ انصار السنة حزب ذاتو ما عندهم وحسب معرفتي بيهم تلاتة ارباعهم بصوتو للاتحادي؟ ممكن اتفق معاهم في العقيدة لكن كحزب سياسي ارفض ذلك جملة وتفصيلا وافضل انهم يكونو في الدعوة وبس عشان دخلتهم السياسة بت######و فلا حيلمو في دعوة ولا حيلمو في سياسة! امشي الحزب الشيوعي؟ لا ، اقدرهم واحترمهم لانهم ناس واضحين وصريحين لكن انتماء لا، امشى المؤتمر الشعبي؟ سنوات حكم الترابي لسه معششة في راسي، امشى الامة؟ مع كامل احترامي ليهم بس ما بقدر، ابقى كوز؟ والله ما بنفع معاهم ولا هم بنفعو معاي، غايتو لو ما برد علينا بكلامو الاخير ما عارف كنا نقبل وين ههههه
يا الزبير المقامات للسيد علي ولمولانا السيد محمد عثمان محفوظة وزي ما قلت لك انا قاصد ضرب مثل للاستحالة وغرضنا اصلاح الحزب ورفعة شانه لانه الحزب البعبر حقيقة عن وسطية واعتدال الشخصية السودانية دون تفريط او غلو
والله من وراء القصد.
ما تاخد في بالك صافية لبن، نحن قلوبنا والله ما بتبيت شايلة من زول
| |
|
|
|
|
|
|
|
|
|
Re: رد (Re: محمد عمر الفكي)
|
نهنئكم علي العودة (المبكرة)
للعقل وللحوار المفيد
المشاكل (وهي قدر البشر عموما)
بتتحل بمواجهتها لا الهرب منها
وفي سودان اليوم
ما في حزب ما فيه مشاكل
وما في حزب ما فيه إنقسامات
(ألهم إلا الأحزاب التي تكون عضويتها فراد واحد
ما بقدر ينقسم زي الأميبيا)
الحزب الإتحادي عريق ويقوف فوق قاعدة صلبة
وله تاريخ يمكنه أن يتعلم منه
وفوق هذا وذاك حزب ديمقراطي
بس كيف الوصول لممارسة ديمقراطية داخله؟؟؟؟
دا واجبكم يا مثقفين
وبكثير من الصبر والتدبر بتقدروا
أبقاكم الله ذخرا للسودان
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: عوض محمد احمد)
|
يا ود الفكي البطحاني
صباح الخير ( وما اظن )
يا بطحاني الزول عوض البهضرب ده ادوه جمله و تاني يا البطاحين ما تهمبتو الجمال الجربانه و هامله ، شيلوا حقت الرجال ، الجمال السود و البيض .
اها يا ود قاسم العركي
انا سكته ، جاتك في بيتكم رد علي الزول الضهبان ده
ياخي نحن ما صدقنا صالحنا العركيين اولياء و صالحين، و البطاحين نسابتنا ، اجينا واحد جمله رايح .
يا سيدي الحسن اب جلابيه و يا اسياد البنيه من الهضربه التحتانيه .
اللله لا كسبك يا الدنيا بت الغلفه لميتينا في ناس جمالها رايحه .
الزبير الختمي
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: Yousif A Abusinina)
|
السيد علي الميرغني رجل وطني ومواقفه الوطنية مشهودة وجملة الاكاذيب التي اتي بها الاخ عوض مردود عليها جميعاً.الميرغني هو راعي الحزب الاتحادي و الحزب الاتحادي يسمى حزب الحركة الوطنية واعتقد ان هذه الحركة الوطنية كانت ضد المستعمر الانجليزي الذي يقول عوض ان الميرغني كان يعمل به سائساً !!!!!!
الميرغني مولود في جزيرة مساوي وذهب الى مصر لطلب العلم وعاد الى السودان بعد دخول الانجليز بثلاث سنوات وليس معهم او في مقدمتهم ولم يعد بالمناسبة الى الخرطوم او امدرمان وانما الى كسلا.
بعدين الاصول الاجنبية التي تتحدث عنها هي اصول ترجع الى بيت النبوة بحسب السير الذاتية للميرغني، فهل ال بيت الرسول صلى الله عليه وسلم اجانب؟ ام ان لديك طعناً بهذا النسب؟ يا ريت نعرفو.
السيد علي رفض ملكاً بريطانياً على السودان لان بريطانيا كانت تريد نظاماً تابعاً لها بعد مغادريتها وهو ما رفضه الميرغني واستعاض عنه بالدعوة الى الوحدة مع مصر.
اما الوفود التي كانت تروح وتجي من سراي الحاكم العام وبريطانيا فلم تكن تشمل الميرغني وحده بل حدث ولا حرج
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: محمد عمر الفكي)
|
ود الفكي
علي الطلاق شده ما عجبتي مشيت جبت قهوه ، ان شاء الله نشربا سواء عند سيدي الحسن .
بس زعلتني منك ياخي انت جدك ود اب حريره و هو فارس مغوار و هذا ماحدثني به شيخي و استاذي الوالد العارف بالله تعالي شيخ علي زين العابدين ، اكان كل ما تجي سيره البطاحين يذكر لنا فروسيه جدك ود اب حريره . يا بطحاني زي الهطله عوض دوس عليه بسنابك خيل جدك ، و هذا لا يحتاج لمثل هذا الكلام . القمه حجر في فيه لا فض الله له فيه .
العركي يوسف ابوسنينه
معليش غلطنا في حق ود قاسم العركي ( الشيوعي ) هههههه
تخريمه اولي : في الجامعه كنت يلعب كوره قدم درجه اولي و لكن كنت اخشي الوالد جدا ، مره سمع بانو انا اليوم لعبت مع فريق ، و كانت مباراه قويه و نحن ابدعنا فيها ، الخبر وصل الوالد ، جا زعلان و صاح فيني باعلي صوته يا ولد انا ما قلت ليك تاني ما تمشي مع الشيوعيين ديل .
يا قول لي العركي ود قاسم نحن شيوعيتنا ، شيوعيه كوره ساكت .
تخريمه تانيه : تعرف نحن درسنا في اعرق الجامعات السودانيه و كملناه في امريكيا باقوي الشهادات و تميناها ارقي مستويات التدريب و الخبره بالعمل في اكبر الشركات الالمانيه و كمان في المانيا و نافسنا الالمان قول يا اب جلابيه . مع ده كلو لاننا ختميه و بنحب الرسول الاعظم في ال بيته الناس بتعتبرنا جهلاء و ما بنفهم . عاوزين واحد اقنع لينا الديك السوداني انو لا علاقه بين الجهل و العقيده و حب ال البيت . غايتو نحن بنحب كل الاولياء و تاج الاولياء ، الناس تقول زي ما تقول . هو البقولو الناس شويه / رحم الله الفنان نادر / التحيه للشاعر عبد العظيم اكول .
الزبير الختمي
| |
|
|
|
|
|
|
|
|
|
Re: مثابه حاج حسن : الاتحادي الديمقراطي الأصل جاهز للانتخابات (Re: عبدالعظيم عثمان)
|
نان أأأأأأأأأأأأأأأ عبد العزيز اخوى كان ما دخلنا فى الانساب :
ود قاسم جاااااارى عكاظ مضبب ومتحزم ومتلزم متحرى الزبير الختمى
والشيوعى البطانى لابد بخرطوشة ماسورتين ونصف وظرفين بارود يقولن واااااااااا نارى
والزبير عاملووو حولية شيتن ذكر وشيت تلبد للاتثبن الفوق
الحمد لله النار برد وكان عاوز نرجعك لبيتنا الاتحادى الكبير بنقفل الباب ونعوس ونسوط الا البقول كلمة بنشب ليه فى رقبوووووووو لما تقول طق
وحزبنا حتى المــــــــــــــــــــــــــــــــوت وحرررررررروين فوقووووووووووو
| |
|
|
|
|
|
|
| |
محمد علي عثمان
محمد عمر الفكي
ودقاسم
Yousif A Abusinina
الزبير بشير
عبدالعظيم عثمان
Nasr
أيمن الطيب
معاوية المدير
عبدالكريم الاحمر
فيس بوك
تويتر
انستقرام
يوتيوب
بنتيريست