|
|
|
 Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: معاوية المدير)
|
غازلها ذآك البخار
العالق فوق زجاج المطارات
جرا الثلوج،،،
رنّ الموبايل
في جيب مِعطفِها
تسابقت إلي الذاكرة
اجنحة الفراشات
علي مهابل الزهور
رسالة (إيميل)،
وعقاب سيكار،
وكرسي يتأرجح
فوق البلكونة
تسافر رسائل (الوآت سآب)
مع خصل الشعر
وليل خريفي
رائحة الرطوبة
منبعثة من الأخشاب
ونوار التفاح.
صهيل رياح الليل
في جوف رنين (الآي فون)،
ورائحة التبغ
تتجول في الأركان
والجوغة تعزف
مقطوعة (بتهوفن)
وحنين كمان
ونبيذ بطعم عصير الرمان
مكبرات الصوت تنادي
علي الركاب
وحقائب تائهة في
كل مكان
سحبت حقيبتها
علي بلآط الزمان
وعازف البيانو يوقع
حركات (الكوندكتار)
في بدلته (التكسيدو)
فتحت اجفانها الناعسة
علي صوت المضيفة الشقراء
وهي تبيع الويسكي
علي سبج الغمام
اسبلت رموشها علي الزحام
وارتمت في صدر الأزيز
ززز
ززز
ززز
ز
ز
ز
.
.
.
المكس
في 15 حزيران 1935.
جنا المدير...
| |
 
|
|
|
|
|
|
|
 Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: سليمان القرشي)
|
Quote:
ود المدير صاحبي .. لعلك عافية .
Quote:
الذ مافي النص الشعري .. كل فردة من بلد هههههههههههه .
والله مشتاقوون . |
صاحبتي بت عمسيب،
إنت بالعافية التخصك في المصارين.
في الذاكرة واجنحة الفراش هنالك (قراوند)،
لكن يحتاج لتفكيك النص حتي يظهر المُخبأ
منه.
يبدو أنّ النص إستغلق في مكانٍ ما، لكن بالتقصي
والغوص يمكن معرفة مكان العضة وفكها.
هذا النص من نوع النصوص العاضة.
أهمّ حاجة في مثل هذا العولآق الشتارة.
والله صحي...
| |
|
|
|
|
|
|
|
|
 Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: معاوية المدير)
|
شوف يا زول ما يلمو فوقك الترابلة وبلولتاريي الشعر اقنعوك من النص ده..
ده نص ينتمي لما بعد الحداثة...
بعدين قريبتي بت عمسيب دي مالا ومال الشعر...
دي بتاعت ثورات وسياسة
فلا شان لها بنصنا هذا الارستغراطي النبيل...
فليخرج اجدادنا قدماء الشعر من هنا..
هذا نص ليس لهم
لنا نحن شباب هذا الزمن الجميل
والله صحي...
حاشية...
ات امعاوية اخوي كمان شوية شوية
ما تبالغ كتير كده
كل مرة زارنك..
خلينا في حكاوينا بس...
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: mustafa mudathir)
|
Quote: جنا الوزين أقصد جنا المدير سلام
يا زول ودعناك الله و الرسول أنا و رفاقتي الكتبتهم فوق ديل
سغافة قدر دى صراحة ده شعراً ما عندنا ليهو رقبة
لكن قطع شك المقتبس الفوق ده ما دام فيهو الآي فون أكيد المك الفحل عندو الحق الحصري في التواجد. |
ما قُتلك ما تجي هنا.
أها، كدي امش جاوب همس السحر دا.
أعلم أنّ هذا النص، نص (فتوشوبي)،
يعني إذا دققت فيه النظر تجد أنه شبيه جداً بنص توماس إليوت
(اربعاء الرماد)، لكن إذا أرجعت البصر كرتين تجد أنه نص
مُستحدث، وهذه من ميزات النص (الفتوشوبي)، وفيه نفس وروح
الشاعر العالمي المتنبئ، عِلماً بأنّ إاليوت مُتهم بأنه سرق من
المتنبئ الكثير من اشعاره.
مشكور علي المرور...
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: معاوية المدير)
|
Quote: يعني إذا دققت فيه النظر تجد أنه شبيه جداً بنص توماس إليوت
(اربعاء الرماد)، |
الرماد اليكيلو ليك فوق صلعتك بالشوالات
يازول ما قلنالك سغافة قدر ده ما عندنا لازم تحرجنا يعني قال اليوت قال
| Quote: ما قُتلك ما تجي هنا. |
بالله شوفو الفسالة دي زول جاى يقول ليك ودعناك الله و الرسول تقولوا جنس كلامك المسيخ ده غايتو أول مرة أشوف لي زول يابا الوداعة.
غايتو بس نقول يا حليلك يا حيدر حسن أتاريك كان ماسك ليك بلاوي.
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: ALWALEED ALSHEIKH)
|
Quote: همس السحر · الأكثر تعليقا
(أكيد المك الفحل عندو الحق الحصري في التواجد.) الوليد اذا كنت تقصد بكلمة التواجد انه موجود فقد فصمت ظهر اللغة العربية اما اذا كنت تقصد الوجد والطرب الروحى فقد اصبت ولئن اصبت او غير ذلك لك جزيل ودى ووافر تقدير وجميل امتنانى وظنى فى تلقيك لفحو حديثى جميد . ودمت |
و حياتك يا غالي ما بقدر اكضب لأني قاصد المعنى الأول القصمت بيهو ظهر اللغة العربية لكن صدقني كان قايل انو بيقصم الظهر كان قصمت بيهو ظهر معاوية ده الداير يجيب ليهو سغافة على كبرو غايتو رب ضارة دارّة
و ليك كثير الشكر و الامتنان على تصحيحك لكلماتي.
و بالمناسبة عاجبني شديد لقبك ده و بيدل على انك زول راقي و ما عارف ليه بذكرني بأغنية يانسمة.
غايتو اتمنى انو حظك يكون جميل و نديان زى صدف البحر كما الأغنية
و لك كل الود و الامتنان و التقدير لكلماتك الجميلة.
| |
|
|
|
|
|
|
|
|
 Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: نعمات عماد)
|
Quote: غايتو المرة البستفتك لمن
مسكت الموبايل ماخاتية عليك
كلو كلو وكان عارفك بتكتب متل
كلامك دا كان ادتك بي جمبة
الايفون الفيها الحديدة ههههه
تسلم |
القبحة فوقا،
ما تطريني ليها العجوز الفاجر دي، اكان ادتني بجنبة الحديدة
كان اخير من مساختا اللِتماسختا علي، المرا تقول رباطبية!!!.
عِلا يا سلمان عليك الله رايك شنو في القصيدة ؟؟؟.
أهمّ شي في هذا النص التعويل علي تقليد القدماء، فقد قال،
(لافونتين) إنك إذا اخترت طريقاً آخر غير طريق القدماء فسوف تضل.
ونحن أهلنا بيقولوا، النسى قديموا تاه، وهذا من تعانق الحضارات
والتشابه بينها في النظرة للطبيعة.
سلام وإحترام يا زول يا سمح...
| |
|
|
|
|
|
|
|
|
 Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: معاوية المدير)
|
Quote:
شوف يا زول ما يلمو فوقك الترابلة وبلولتاريي الشعر اقنعوك من النص ده..
ده نص ينتمي لما بعد الحداثة...
بعدين قريبتي بت عمسيب دي مالا ومال الشعر...
دي بتاعت ثورات وسياسة
فلا شان لها بنصنا هذا الارستغراطي النبيل...
فليخرج اجدادنا قدماء الشعر من هنا..
هذا نص ليس لهم
لنا نحن شباب هذا الزمن الجميل
والله صحي...
حاشية...
ات امعاوية اخوي كمان شوية شوية
ما تبالغ كتير كده
كل مرة زارنك..
خلينا في حكاوينا بس... |
عزيز يا قريبي،
النص في ظاهره الإنتماء إلي ما بعد الحداثة، لكن أرجو
قرأته في مكنونه وسبر أغواره حتي يظهر واضح للعيان.
بت عمسيب اتت إلي هذه الباحة تبحث عن شعراء أمثال
فيكتور هيجو ولوركا ليساعدوها في الثورة، لتصطدم بهذا
الحشد من النبلاء الأرستغراطيين في رحاب هذا النص
الحديث يرتدي ثياب بالية.
نحن ندعو للحداثة في أكمل معانيها، ولا مكان للمتحجرين
الذين يسعون لقفل الشعر في جرّة التقليد.
يا عبد العزيز أنا كان ما جبت لنفسي
الهوا، خلي بالك ما برتاح.
هذه الزهرة لك يا لورد...
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: معاوية المدير)
|
Quote:
لا حول ولا قوة
مهابل الزهور؟
إنها بورنوغرافيا التواصل يا مدير!
سوف يأيتك تنزيل رتبة demotion
على الايميل لتلاعبك بالألفاظ.
مدير منفلت! |
ههههههههههههههههههه،
سلآمات يا أُستاذ مصطفى.
يا سلآم في هذه اللمحة الذكية أعلآه يبدو التعانق ما بين الناظم
والمُتلقي جلياً واضحا، فقد عنى الشاعر المعني الواضح للعيان
بينما ذهب المتلقي إلي ما وراء الظاهر ليستشف (الميتونيمي)
الكامن في العبارة كمون النار في العود علي غرار يغني المغني
وكل علي هواه.
والله إنه الإبداع ولا شئ سواه.
شكراً لك أُستاذ مصطفى علي النظرة اللماحة التي اضفت علي
النص بُعد آخر.
ههههههههههه،
يديك العافية يا أُستاذ،
والله في مدير منفلت دي ضحكت جِنِس ضحك !!!.
أعتذر عن التلآعب بالألفاظ، وخلو لي رتبتي في محلها.
شكراً أُستاذ مصطفى مدثر،
بزيارتك بيتنا نوّر...
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: معاوية المدير)
|
Quote:
النكسة كانت فى حيزنان 35 ولا تاريخ ميلادك ؟
وبت عمليات السيليكون دى انشالله القصيدة عجبتها ؟
يس الحقيقة شعرك بليغ و رنان . |
سلآمات يا نعمات.
النص فيه إستحضار للماضي ودمجه في الحاضر،
لذلك لا يخضع للعمليات الحسابية.
فتاة السليكون هي الحقيقة تسافر في الأجواء غير
حافلة بالعالم حواليها.
مشكورة علي الإطراء، ويبدو أنك مثلنا سابقة
لزمانك، فوقت فهم هذا النص بيننا وبينه ملايين
السنين الضوئية.
النص حقيقة كُتِب في كانون السابع
من غُرّة اذآر، ما بين طوبة وأُم شيّر...
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: معاوية المدير)
|
Quote:
Alaa Abdelwhab
قصيده جميلة لمن تخلصها ح تكون عملت لينا فليته في اللسان
رد · أعجبني · متابعة المنشور · أمس في الساعة 03:06 صباحاً |
ورغم انك طاردني انا ورفاقتي ود الشيخ والفكي.. لكن رغم كدة حا اقتل إحساسي واموت حيلي وأجي لفائدة القراء العظماء لقراءة نقدية حداثوية مستصحبة للنصوص الملتمدية المخطروطية لهذا النص اللامع في فضاءات المطارات ..
واتمنى في هذه الخاطرة السانحة وقبل الدخول في براحات النص انك تحدثنا قليلاً عن المحيط العام لسياج مهبط هذا النص الشعري حتى تتضح رؤية النص الكلية في تناغم ومؤامة مع الفراغات المتوقعة برحول الهاجس في انكباب صبابة المهابل في إقحوانية الحياة السرمديـة ..
عفواً .. لا شكر على واجب :)
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: قسم الفضيل مضوي محمد)
|
Quote: ورغم انك طاردني انا ورفاقتي ود الشيخ والفكي.. لكن رغم كدة حا اقتل إحساسي
واموت حيلي وأجي لفائدة القراء العظماء لقراءة نقدية حداثوية مستصحبة للنصوص الملتمدية
المخطروطية لهذا النص اللامع في فضاءات المطارات ..
واتمنى في هذه الخاطرة السانحة وقبل الدخول في براحات النص انك تحدثنا قليلاً عن المحيط العام
لسياج مهبط هذا النص الشعري حتى تتضح رؤية النص الكلية في تناغم ومؤامة مع الفراغات
المتوقعة برحول الهاجس في انكباب صبابة المهابل في إقحوانية الحياة السرمديـة ..
عفواً .. لا شكر على واجب :) |
نسبةً لأنك المعي وإستطعت أن تقرأ ما وراء النص سأمنحك فرصة الرد،
لكن اكان لقيتك ما فاهم حاجة تاني ما بعشمك.
المحيط العام لسياج هذا النص، والجو الذي تمخض فيه ليس له علآقة بروبرت
نستي ولا اجواء كنقستون والترنش تاون العابقة بدخاخين الكيا، والراقصة تحت
تأثير موسيقى الريقي كما زعم الناقد الفذ يوسف إدريس بتاع الجخانين.
كلّ ما في الأمر أنّ النص إستدعاء للماضي في الزمن الحاضر لإستشراف المستقبل
إثر إيحاء مصدره نص ملتميدي صاخب بضجيج معاناة البلوتاريا في
كنف الغربة. قرأة النص وضعتني في إطار خارج إطار الواقعية. إطار وراء
عالمنا المُعاش تنقلت في عرصاته سويعات حتي إنقضاء خروج النص للوجود،
لذلك يبدو النص للبعض كأنه كُتب تحت تأثير إعتقاد الويلرز بيد أنه لا علآقة
للنص بالويلرز.
إن شاء الله سوف نعقد مقارنة نقدية
بين النص الملتميدي والنص الفوتوشوبي
كي نُدخِل المتابعين معنا داخل إطار النص.
تاني شكراً...
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: معاوية المدير)
|
يا مدير
اذا صلاح غريبة خبير فانت شاعر واي زول يقول لك غير كدا، فعليك بنص فاخورته بعكاز مضبب.
انت قاعد تذاكر من ورانا؟ الكلام الكبار كبار دا لقيتو وين؟
وشوف المتثقف حيدر الزين قال داير يحلل النص؟ نصوص زي دي يا سيد الا يحللها حسن خوجلي ونوعك دا يفتح خشمو ويتفرج بس
اسمع اكلم لك تركي الدخيل يجيبك في اضاءات ولا احسن لك احمد على الزين في روافد؟
قوم لف
بالمناسبة بقصيدتك هذه اطمانيت تماماً على فرقة المديح، امناء المال قاعدين،المداح متوفرين، الشيالين قاعدين، الشاعر قاعد، فضلن الصاجات بس (هي قصدي الطارات)
| |
|
|
|
|
|
|
|
|
 Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: معاوية المدير)
|
Quote: Yousif Idris · جامعة جوبا - كلية دراسات المجتمع والتنمية الريفية
نأسف رغم أنو القصد كان المزح مع كامل الوعد بعدم التداخل مستقبلاً حتى لا نأذيك يا مدير !! |
لا يا يوسف، يا اخي لا وألف لا كمان.
تعرف يا يوسف إنت لو وقفّت التداخل دا معناتو شنو؟؟؟،
معناتو إننا كلنا فشلنا يا يوسف. أيوه يا يوسف فشلنا. يا يوسف نحن
بنمارس نقد لظواهر داخل وخارج المنبر بطريقة ساخرة بعيداً عن
النبذ والشتم الحاصل في المنبر، يعني تقدر تقول تيار معارض لهذه
الأساليب الجارحة. كلّ المداخلآت لو تلآحظ مصحوبة بأيقونات ضاحكة،
فنحن ضد الأيقونة الحمراء الخارج منها اللهب. حتي البوست دا فيهو
رسالة وهو نقد لنمط معيّن لِما يسمى بالشعر مع الإحترام التام للذين
يرون انه شعر، ونحن نوصل رسالتنا وبيننا والمُرسل إليه كامل المحبة
والإحترام. والله يا يوسف حكاية بوب مارلي والدخاخين والكمنقة كلو
ما خرج من هذا الإطار، يا زول إنت كان جاك صاحبنا حمد عبد الغفار
تقوم جاري واللآ شنو؟؟؟هههههههههه. يا يوسف ثق تماماً إنّك إنت ابداً
ما غِلِت ولا سببت لي إحراج إطلاقاً، ونحن اصلاً رافعين الكُلفة للآخر
وليس بيننا حرج، ولو شاعر إنو أنا غِلِت معاك، يا زول والله إعتذاري
يجيك قبل أن يرتدّ إليك طرفك في المكان التختاروا إنت وبالطريقة
التريحك إنت، رغم إنه الطريقة البتريحني أنا ابوس راسك يا يوسف،
فيا يوسف عليك الله خليك فرايحي، واعلم انّ الأمر برُمته محاولة معالجة
لخلل واضح للجميع وهو النمط المُتبع في طريقة الخلاف داخل المنبر.
محقت يومي، هسّع كان عملت لي دولآرين تلآتة، هههههههه. أخليك
لود الفكي، وود الزين، وود الشيخ يدوك علي راسك عشان تاني العادة
دي لا تعودلك.
أتمنى بعد ارجع من الدوام القى منك رد علي كلآمي دا، واعلم انّ وجودك
مُهم بيننا.
عندك وردة فوق ومعها كامل إحترامي ومودتي.
جنا المدير...
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: عمار يس النور)
|
يا يوسف
ياخي كلام المدير دا ما بنزاد. ياخي انت بقيت من ال البوست فما تخلينا نحلف حرام او طلاق انك ما تفوت؟
ياخي نحن في ونستنا التحت تحت لما نجي نقسم القروش الجايانا من الملياردير الظهري بتاع ود الفحل قاعدين نعدك معنا
العن ابليس وعد الى قواعدك سالماً
هاكم المربوع دا لشاعرنا الفذ الفرجوني عشان تعرفو الفرق بين كوم القمامة الكاتبو المتشوعر ود المدير وبين رصين الشعر
وصفـك فى الغـنـا الاذهـان بتـتـمتـعبـو
وقـواميـس القـصـايـد الرايعـة تتوسَّعبـو
ما هاميكي فى الرايقين ولا فى التعبو
دوسـك لينـا زى دوس البشير لـ شعبو
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: محمد عمر الفكي)
|
Quote: هاكم المربوع دا لشاعرنا الفذ الفرجوني عشان تعرفو الفرق بين كوم القمامة الكاتبو المتشوعر ود المدير وبين رصين الشعر
وصفـك فى الغـنـا الاذهـان بتـتـمتـعبـو
وقـواميـس القـصـايـد الرايعـة تتوسَّعبـو
ما هاميكي فى الرايقين ولا فى التعبو
دوسـك لينـا زى دوس البشير لـ شعبو |
ود الفكي سلام
تعرف زولتك القالو فيها الكلام جميلة و تستحق تعفص للرايقين و التعبو لكن ود المدير عافص لينا فوق كم .
غايتو وصف المتشوعر عجبني شديد خلاس و ريحني في حناني ذاتو ياخ.
المهم لازم تشوفوا لينا طريقة لإيقاف عبث ود المدير بسحر القوافي.
و نؤيد موقف أخونا يوسف إدريس في موضوع البسطونة و العنجاوي.
و يا يوسف الزعل مرفوع و لازم تراعي مشاكل الشيخوخة عند ود المدير و طول بالك.
و دمت أخاً وفياً نتمنى مقابلته على أرض الواقع.
و بعدين يا ود المدير الاعتذار الملح ده ما بفيدك لازم ترسل ليك ألف دولار لأخونا يوسف تمسح بيه زعلو.
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: ALWALEED ALSHEIKH)
|
| Quote: تعرف زولتك القالو فيها الكلام جميلة و تستحق تعفص للرايقين و التعبو لكن ود المدير عافص لينا فوق كم . |
يمكن يا وليد عرس العجوز ديك وطلعت وارثة؟ او احتمال رفعو الاجرة بتاعة التكسي؟
| Quote: و بعدين يا ود المدير الاعتذار الملح ده ما بفيدك لازم ترسل ليك ألف دولار لأخونا يوسف تمسح بيه زعلو. |
ود المدير دا قبال كدا نبذني، انا ذاتي زعلان، ما طالبني حليفة يا وليد، من الزعل يا الله اتنفس
بمناسبة الدولارات دي يا وليد
في خبر من ود الفحل الليلة جبت جواب؟
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: معاوية المدير)
|
Quote: يسكك الـكـلـب.... شوية سمكرة كدة وتلحق ناس حميد وازهري محمد علي ....
تحياتي يا مدير يا مبدع .... |
قسم الفضيل يا فنان،
حياك الغمام.
النصوص الزي دي دايماً بتكون خاضعة للتأمُل وبُعد النظر،
وليس للسمكرة وضبط البُلُوفة. حميد عليه رحمة الله وازهري
كلاسيكيين خالص، وأشعارهم تحتاج منا لضبط شديد جداً
ويتطلب علينا أن نضعها في قوالب الحداثة حتي تواكب العصر،
وهذا عمل شاق يحتاج دوزنة وضبط إيقاع.
لأزهري قصيدة إسمها (اللِتلومن) سمعتها مرّة وآحدة، ياريت
زول يلمني فيها، وإن شاء الله ستكون لنا وقفة مع حكيم الشعر
حميد في رائعته (سوقني معاك يا حمام)...
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: معاوية المدير)
|
Quote: ويا ود الفكي ببقى من آل البوست بعد ما استلم ولو داير ابقى صحي من آل البوست حول لي وبعد الفحل يقبضكم أخصم ولا مو كدا ياجماعة؟
ويا مدير كلام ود الشيخ حق الألف دولار ما بنعقب حول بس الدنيا قبايل رمضان وعطية نايم. |
يا يوسف
يا اخوي انا غلطان تب عشان قلت لك ارجع، شفت الباب داك، اها بوشك عليهو واوعى من اشوفك بهنا تاني
انت قبل كدا مش وعدتنا بتلاتة الف دولار؟ وينها؟
سالت عالم قال لي ما بجوز اديك من قروش غايبة، فيها شبهة ربا وانا جني وجن الشبهات ومال الحرام، انا ربطت الحجر زينا واتصابرت معانا في صف الملياردير الازرق، بنرسل لك المصاريف من نصيب معاوية الزعلك دا
نحن فينا زول غلط عليك عشان تقع فينا غرامات؟
| |
|
|
|
|
|
|
|
|
|
Re: فـتـاة وآدي الـسِـيِـلِـيـكـون وقـيـصـريـة الـوآت سـآب،،، نـص شِـعـرِي... (Re: سليمان القرشي)
|
Quote: يامحمد عمر الفكي انضبط الهدف
من البوست قراءة نقدية لاشعار
ودالمدير |
وانت يا سليمان حاجة في ذمتك دي شِعر ود المدير دا وينو؟ انا غايتو ما قابلني؟ يكون اعتاقبنا؟
بمناسبة المقابلة دي اسمع دي
اتنين مداحين عزموهم ناس حولية، بعد الحولية ما انتهت جابو ليهم عصيدة بلبن، بعد ما اكلو واحد قال للتاني اها يا اخوي بتشرب اللبن ولا الحُترب (فتات العصيدة البكون في اخر الصحن) قال له بشرب اللبن، زولك مسك الصحن وشفطو كلو بحتربو ومد الصحن فاضي للتاني، التاني قال له يا زول الحُترب وين، قال له والله ما لاقاني
| |
|
|
|
|
|
|
|
|
|
رد (Re: سليمان القرشي)
|
يا سليمان القرشي
اول حاجة انت طه بتاع كتاب الابتدائي داك اخوك؟ ههههههه
تاني حاجة
والله شعر ود المدير دا قدرت ما قلت حترابة واحدة تعشرق لي في حلقى ما لقيتها فيهو هههههههههه
غايتو قصيدة ود المدير دي لايدانيها في الشعر الا قصيدة الحلزونة بتاعة عادل امام هههههههه
يا يوسف وكت ابيت تطلع تعال شيل لك قرش مننا هههههههه والله يا جماعة البديهو قرش فيكم الا اخسرو
والله البشوف الحلايف يقول ود الفحل والملياردير الظهري قاعدين يحولو في الدولار هههههههه
| |
|
|
|
|
|
|
|
|
|
رد (Re: محمد عمر الفكي)
|
يا سليمان نسيت اكلمك
عندنا واحد هنا اسمه بريمة رايحة ليهو عروبة، لو لما فيك باسمك دا فواحدة من اتنين
يا قعدك في الواطة دي وقالك احسب لي نسبك لمن توصلو القرشي يا كمان بقى ليك حوار واتلحك في رويحتك دي هههههههه
| |
|
|
|
|
|
|
|
|
|
Re: رد (Re: محمد عمر الفكي)
|
Quote: بمناسبة الدولارات دي يا وليد
في خبر من ود الفحل الليلة جبت جواب؟ |
طبعاً المك الفحل ما حايجئ البوست ده لسببين
السبب الأول انو المك نفسو عزيزة و معاوية طاردنا كلنا من البوست بما فينا ود الفحل
أما السبب التاني و الأهم فانو معاوية صار يشكل تهديد حقيقى و خطير لمواهب المك الفحل الأدبية فمعاوية بقصيدتو العولاق الشترا دي دخل فيها مفردات مطارات و مطر و كده و طبعاً انت عارف انو ده تخصص ود الفحل و ما بعيد بعد شوية معاوية يحاول سرقة بعض المصطلحات الأدبية الحصرية بتاعت ود الفحل زي زيزفون و سفرجل و هلمجرا و بعدين المك يضيع في الرجلين.
تصدق يا ود الفكي أنا هسه بقيت أفكر الخلا معاوية يحاول انو يرمى نفسو في المجاهل الما بيعرفا دي شنو و وصلت لانو ده اسلوب جديد من ود المدير عشان يهدد و يضغط بيهو المك.
غايتو الشاف معاوية قبض الدولارات ما كضّب.
| |
|
|
|
|
|
|
|
|
|
Re: رد (Re: ALWALEED ALSHEIKH)
|
جنا المدير وضيوفو سلام وتحية
اولا انا السبب الاول الخلانى اتسجل فى المنبر دا
دولارات ود الفحل التبعذقو فيها يمين وشمال
فدحين اجلو اخونا يوسف دا شوية لامن يبقى عضو
اما بخصوص القصيدة
انا من البداية حسيت بى سرقة ود المدير لى مصطلحات ود
الفحل
لكن كمان يصل لى سرقة قصيدة مدغلبة ذى دى ودايرنا
نصدق انها حقتو هيهات
كدى اجرو على عمكم قوقل اقطع كراعى ان ما قالكم
الشى دى الت ود الفحل
ولا كمان ود الفحل يكون اقنعو بدل الدولارات يرسلو
قصايد يبيعن ويترزقبهن
خسمتكم بالنبى ان طلع كامى صاح ولا صاح تدونى نصيب ود المدير
فى الدولارات
يبقالى كفاهو القصايد
| |
|
|
|
|
|
|
|
|
|
رد (Re: خالد زين العابدين حاج نور)
|
يا جماعة نحن يا محسودين يا معيونين
ننفك من يوسف يجينا خالد هههههه
اتو اجماعة خالد دا تبع منو؟
غايتو الجابو يصرفو
والله بتكلم في القسمة بثقة لمن خوفتني هههههههه
and#65275; والعاجبني فيهو انه واضح وصريح وخاتي هدفو قدام عينو
ما شاء الله عليهو
لكن ابشرك
والله لا حتلم في الريح القبضها يوسف ولا حتلم في حترب المداح ههههههه
| |
|
|
|
|
|
|
|
|
 Re: رد (Re: خالد زين العابدين حاج نور)
|
Quote: Awad Elseed Mohd · الأكثر تعليقا · التربية
علي النعمة يا ود المدير ( جنا شنو) انت من الطف خلق الله هنا في الملجة دي ياخ الله يبسطك دميا وآخرة
لكن اسامة الخواض ده شعرا انت ما عندك ليه رقبة |
هههههههههههههههههههههههههه،
بِنقو، وليس بنقو البشربوهو، يعني طنبرت.
الله يبسطك في الدارين يا عوض والتحية ليك ولأسامة الخواض.
الذي يراهو غيرنا شعر لا نراهو شعر، ونختلف في إطار المحبة
والأُخوّة.
الناس إذا عايزة تبني وطن يجب أن يعلموا أنّ الهرجلة لا تبني
الأوطان. قبل أن يكون النقد لقصائد الخواض فهو للهرج والمرج
الدائر في ملجة بكري دي.
البوست اول حلقة في سلسلة سنتعرض فيها بالنقد الساخر لعدة
ظواهر في الملجة الصغيرة (حوش بكري) والملجة الكبيرة
(السودان).
إذا أتاني الهوا من جميع الإتجاهات سأضع راسي تحت جناحي، وما تسألوني كيف ؟،
لأني ما راح ادي فرصة لزول يصطادني، يعني حايكون في تبويظ كورة.
بالمناسبة، زمن كنا بنلعب كورة كنت أحسن وآحد ببوظ كورة الزول الحريف،
يعني لو في زول حريف في التيم التاني ممكن بالرآحة أخليهو ليك لآفي صينية.
هسّع يجي البطحاني دا يقول ود المدير الكورة بعينو ما شافا. أسعل حيدر الزين.
مع عاطر التحايا والمحبة يا عوض
عندك صم آب فوق.
تشكر...
| |
|
|
|
|
|
|
|
|
|
Re: رد (Re: معاوية المدير)
|
| Quote: والله لا حتلم في الريح القبضها يوسف ولا حتلم في حترب المداح ههههههه |
 ،
رشو وبالحتة الفيها المسمار كمان.
نقول ما فايتاتننا، يقول أدوني الحُترُب !!!...
| |
|
|
|
|
|
|
|
|
|
رد (Re: معاوية المدير)
|
ود الفكي يا مدير لعب في الفريق القومي للشباب تحت اشراف المرحوم سامي والكوتش حسون وبالمناسبة كنت اللاعب الوحيد من الدرجة التالتة في الفريق داك، والله صحي
ثم ثانيا انت في ذمتك صلعتك دي صلعة كورة؟ انت قايل عندنا قنابير؟ ههههه قال لاعب كورة قال
| |
|
|
|
|
|
|
|
|
|
Re: رد (Re: محمد عمر الفكي)
|
Quote:
ود الفكي يا مدير لعب في الفريق القومي للشباب تحت اشراف المرحوم سامي
والكوتش حسون وبالمناسبة كنت اللاعب الوحيد من الدرجة التالتة في الفريق داك، والله صحي |
بكرعينك المشققات ديل ؟؟؟!!!...
| |
|
|
|
|
|
|
|
|
|
Re: رد (Re: معاوية المدير)
|
Quote: يا مدير
اذا صلاح غريبة خبير فانت شاعر واي زول يقول لك غير كدا، فعليك بنص فاخورته بعكاز مضبب.
انت قاعد تذاكر من ورانا؟ الكلام الكبار كبار دا لقيتو وين؟ |
أنا ما قُتلكم ما تجو هنا ؟؟؟.
| |
|
|
|
|
|
|
|
|
|
Re: رد (Re: معاوية المدير)
|
Quote: هذا نص يغوص في الأعماق الديقتالية و يسبر أغوار شفراتها الكودية.
في أنتظار أعمال أخرى على شاكلة فتاة الجافا (القهوة). |
الأخ عمار نشكر لك نظرتك العميقة للنص.
فتيات كولومبيا وكينيا ناطحات سحاب بلون حُبيبات البُن يجعلن
الشاعر ينضح (بالداتا)، فيأتي القصيد كفقاعات البلور علي
السطح السراميكي مما يجعل الحرف يتسابق لكهرباء الذهن،
فيوحين لمربعات الكي بورد بالإبداع. علي ضفاف انهار
الغزالة الحمراء سنجلس في حضرة (إستار بكس) لنستدعي
الكلم (لفايبر) الوصف.
مشكور عمار يا معجب...
| |
|
|
|
|
|
|
|
|
|
Re: رد (Re: معاوية المدير)
|
Quote: Ahmed Mohammed
يا مدير انت وكت مسغف قدر دا البقعدك مع السفها ديل شنو ؟
غايتو اعمل حسابك ما تقع عليك الوقعت على الاديب محسن خالد ويكتفوك ام زوير
اصلو نهاية العباقرة فى السودان يجلدهم درويش مجنون فالجزاء من نوع العمل |
شقاوتي يا أحمد، شقاوتي بس.
تعرف يا أحمد، مُحسن خالد ما شاء الله رجل ذو
إمكانيات عالية، وعالية جداً كمان، لكن عيبه إنه غير
مَرتب، يعني زي المخزن المليان حاجات قيّمة لكن
مبعثرة من غير نظام. لو ركّز مُحسن خالد فهو خطير،
خطير. نظير مُحسن خالد كاتبي المفضل معاوية محمد
نور، وأين معاوية المدير من هاؤلاء ؟؟؟. أنا غايتو
عِلا يدقوني في مباراتي لود الفكي وود الزين وود الشيخ.
| |
|
|
|
|
|
|
|
|
|
Re: رد (Re: معاوية المدير)
|
Quote: فتيات كولومبيا وكينيا ناطحات سحاب بلون حُبيبات البُن يجعلن
الشاعر ينضح (بالداتا)، فيأتي القصيد كفقاعات البلور علي
السطح السراميكي مما يجعل الحرف يتسابق لكهرباء الذهن،
فيوحين لمربعات الكي بورد بالإبداع. علي ضفاف انهار
الغزالة الحمراء سنجلس في حضرة (إستار بكس) لنستدعي
الكلم (لفايبر) الوصف. |
سؤال ؟
إنتــو عمو بطوطة قاعد يلعب كورة
| |
|
|
|
|
|
|
|
|
|
Re: رد (Re: معاوية المدير)
|
حسب السمعتو انه قاعد يلعب باك يمين
بس في اشاعات بتقول انه في خلاف كبير جداً بين المدرب ومساعده.
المساعد قال الزول دا ما ينفع الا حارس مرمى احتياطي بكرعيهو المشققات ديل
الكورة لعبوها ناساً راسهم زي حجر المسن الما بخلي بطوط يلعبها شنو؟
| |
|
|
|
|
|
|
|
|
|
Re: رد (Re: محمد عمر الفكي)
|
ثم ثانياً يا ود الزين انت لما شايف بوست عم بطوط، ما بتجي تبارك عيد الميلاد مالك؟
بالمناسبة سمعت اخر شمار؟
سمعت انه ود الحافظ بارك لندى راسطا عيد ميلادها!!!!!
| |
|
|
|
|
|
|
|
|
|
Re: رد (Re: محمد عمر الفكي)
|
| Quote: ثم ثانياً يا ود الزين انت لما شايف بوست عم بطوط، ما بتجي تبارك عيد الميلاد مالك؟ |
انت مش قلت مافي زول يجي يدو فاضية والا يبارك ساي ؟
انا صراحة مفلس ساهر عدمني الهللة فراجي تحويلة الفحل عشان اجيك خاشي ان شاء الله ببوكيه ورد ساي وعلبة ماكنتووش ..:)
| |
|
|
|
|
|
|
|
|
|
Re: رد (Re: محمد عمر الفكي)
|
| Quote: الكورة لعبوها ناساً راسهم زي حجر المسن الما بخلي بطوط يلعبها شنو؟ |
إنت النسألك يا ود الفكي عليك الله ..حركات (الكوندكتار) يعني شنو ؟
انا من امبارح بعد في قراءة ايروتيكية لهذا النص العبقري مستعيناً جهدي ودعم قوقل .. قوقل في بعض الكلمات بيقول لي سوري .. يور تكيست واط يو ابلكيشن لايوجد نص حالياً فضلاً تعال بعدين أو استعين بخبير
| |
|
|
|
|
|
|
|
|
|
Re: رد (Re: HAIDER ALZAIN)
|
| Quote: إنت النسألك يا ود الفكي عليك الله ..حركات (الكوندكتار) يعني شنو ؟ |
لا والله سالت الخبير
ما تسعل سيد الشئ ذاتها؟
كسرة:
انت ساهر في الدمام دي ركبوه عربيتك دي؟ راجع النمرة يمكن فيها حاجة غلط!
| |
|
|
|
|
|
|
|
|
|
Re: رد (Re: محمد عمر الفكي)
|
| Quote: راجع النمرة يمكن فيها حاجة غلط! |
دي إعانتك يا ود الفحل
دي حقت الشهر الفاااات دااااااكـ حاتكون قاعدة كدة في انتظار ود الفحل يحول أو كمان الأخوان ما شاء الله قاعدين :)
| |
|
|
|
|
|
|
|
|
|
Re: رد (Re: HAIDER ALZAIN)
|
Quote:
إنت النسألك يا ود الفكي عليك الله ..حركات (الكوندكتار) يعني شنو ؟
انا من امبارح بعد في قراءة ايروتيكية لهذا النص العبقري مستعيناً جهدي ودعم قوقل ..
قوقل في بعض الكلمات بيقول لي سوري .. يور تكيست واط يو ابلكيشن لايوجد نص
حالياً فضلاً تعال بعدين أو استعين بخبير |
Quote:
لا والله سالت الخبير
ما تسعل سيد الشئ ذاتها؟ |
مِن اللوّل ما قُتلكُم ما تجو هنا ؟؟؟.
أوعكُم تجو محل المسغفين تاني،
شرطو عينا...
| |
|
|
|
|
|
|
|
|
|
Re: رد (Re: معاوية المدير)
|
Quote: جنا المدير وضيوفو سلام وتحية
اولا انا السبب الاول الخلانى اتسجل فى المنبر دا
دولارات ود الفحل التبعذقو فيها يمين وشمال
فدحين اجلو اخونا يوسف دا شوية لامن يبقى عضو
اما بخصوص القصيدة
انا من البداية حسيت بى سرقة ود المدير لى مصطلحات ود
الفحل
لكن كمان يصل لى سرقة قصيدة مدغلبة ذى دى ودايرنا
نصدق انها حقتو هيهات
كدى اجرو على عمكم قوقل اقطع كراعى ان ما قالكم
الشى دى الت ود الفحل
ولا كمان ود الفحل يكون اقنعو بدل الدولارات يرسلو
قصايد يبيعن ويترزقبهن |
يا خالد أخوي حبابك في
ملجة بكري.
بعدين إن بقيت جايباتنك قروش، من هسّع بقولك شيل براطيشك
وإتخارج من هنا. قنالكم ما فايتاتننا، لكن كمان إنجابتك سرقات
أدبية أقعد أسمع طربقتنا دي.
كعب بن زهير قال:
ما أَرانا نَقولُ إِلآ رَجيعاً وَمُعاداً مِن قَولِنا مَكرورا
وهكذا تكون الكتابة، لكن ود الفحل دا كلآمو البقولوا مافي زول
بيقدر يسرقو واللآ يحاكيهو فيهو.
هذا تناص وتوارد أفكار، وما أنا إلا ظاهرة أدبية حري بكم
أن تتناولونها بالدراسة والتمحيص وهذا أمر يتطلب منكم مجهود
عظيم وبعد نظر.
والسلآم...
| |
|
|
|
|
|
|
|
|
|
Re: رد (Re: معاوية المدير)
|
Quote: وما أنا إلا ظاهرة أدبية حري بكم
أن تتناولونها بالدراسة والتمحيص وهذا أمر يتطلب منكم مجهود
عظيم وبعد نظر.
|
محسن خالد برضو ظاهرة هذا لم نقل لك ان ود الحافظ برضو ظاهرة
| |
|
|
|
|
|
|
|
|
|
Re: رد (Re: HAIDER ALZAIN)
|
Quote:
Yousif Idris · جامعة جوبا - كلية دراسات المجتمع والتنمية الريفية
(أو كمان الأخوان ما شاء الله قاعدين :)) إلا الأخوان المسلمون !!
رد · أعجبني · متابعة المنشور · منذ 22 ساعة |
والله يا يوسف في ظني الاخوان المسلمين خير في خوتهم الماديــة الدولارية من اخواننا ديل..
ديل خوتهم خوة عساكر بس ..
قالك خوة الكاب حدها الباب
| |
|
|
|
|
|
|
|
|
|
Re: رد (Re: محمد عمر الفكي)
|
Quote: ولو شاعر إنو أنا غِلِت معاك، يا زول والله إعتذاري
يجيك قبل أن يرتدّ إليك طرفك في المكان التختاروا إنت وبالطريقة
التريحك إنت، |
الزول ده قال بتريحو الألف دولار فدحين أكرب جيبك و رسلا ليهو
| |
|
|
|
|
|
|
|
|
|
Re: رد (Re: ALWALEED ALSHEIKH)
|
Quote: Yousif Idris · جامعة جوبا - كلية دراسات المجتمع والتنمية الريفية
قال الأخوان قاعدين، كدي شوف فسالة ود المدير وود الفكي وحالتهم ما قبضو،
علي بالجزيمة كان قبضو يكاتلو عديل !! |
نان إنت وكِت عارفنا فسلين تاعب
رقبتك فوق كم ؟؟؟...
| |
|
|
|
|
|
|
|
|
|
Re: رد (Re: معاوية المدير)
|
Quote:
ياود المدير اعدا النجاح ديل كشهم
من البوست دا هههه
وياودالمدير ماتهتم بي الناس المابتقدر
الشعراء واصل ماتهتم واتحفنا بي
اشعارك الجميلة التي لانملها هههه |
يا سلمان القِمم دايماً مُستهدفة،
وتلآطم الأمواج يزيدنا إصراراً علي
أن نمخر عباب البحر لشاطئ المعرفة
ونشر العلم، فهذه مهمتنا ولن نتراجع
ولو تكالبت علينا الأُمم.
شكراً لك...
| |
|
|
|
|
|
|
|
|
|
Re: رد (Re: معاوية المدير)
|
| Quote: الزول ده قال بتريحو الألف دولار فدحين أكرب جيبك و رسلا ليهو |
خليهو يمشي يبيع الدولاب الظهري، كان ما بيقدر
يصبر. نحن عشمنا في الفحل قدر الجنّة.
هو زاتو يوسف قال نحن فسلين، أسعلُو...
| |
|
|
|
|
|
|
|
|
 Re: رد (Re: معاوية المدير)
|
Quote: قرحطب فور برنقا · طب الفاشر
ود الزين عليك الله الموت واحد والله أحد صمد وحكمه عدل
لا تحرمني حقي |
قرحطب دا صاحبي، والظاهر مِضايق، الزول دا
كان ما مِضايق بالحيل ما بيسأل. دحين يا ود الزين
أمرقلوا حقو، ولو من قروش الخبير. الله يرضي عليك...
| |
|
|
|
|
|
|
| |
معاوية المدير
ALWALEED ALSHEIKH
مني عمسيب
سليمان القرشي
عبدالعزيز عثمان
نعمات عماد
HAIDER ALZAIN
قسم الفضيل مضوي محمد
محمد عمر الفكي
عمار يس النور
خالد زين العابدين حاج نور
فيس بوك
تويتر
انستقرام
يوتيوب
بنتيريست