|
|
|
 Re: وقفة العطالى امام مكتب والي الخرطوم (Re: usama Babiker)
|
سلام أسامة،
أها كان كده الله يفكو!
ده ح يدخل الشرطة في أضافرها،
يعني يوم الأحد ح يكون في تجمع أمام ولاية الخرطوم،
التجمع خاص بناس الخرطوم، لكن دخول آخرين لا يمكن اكتشافه!
و ما تنسى كلمة عاطل تشمل كل من لا يعمل في وظيفة حكومية،
يعني حتى الأغنياء أصحاب المهن الخاصة دستوريا يدخلوا ضمن فئة العطالة!
وطبعا التجمع أمام المكتب، لكن مصير المسير بعد ذلك مجهول!
عليه أتوقع الآتي:
تراجع الوالي عن قراره هذا بصورة عاااااجلة و ظرييييييييييفة كده، يعني مثلا يؤجل الموضوع شوية كده!
وكل واحد يقعد في بيتو ويتابع الإعلام لحين إشعار آخر!
تحياتي وتقديري.
| |
  
|
|
|
|
|
|
|
|
Re: وقفة العطالى امام مكتب والي الخرطوم (Re: usama Babiker)
|
Quote: السيد الوالي
السلام عليكم ورحمة الله ,,,,,
انا عاطل واحمل 2 دكتورا ,,, في الهندسة الكيميائية وفي الادارة الهندسية الصناعية ,,, و لي خبرة في العمل لمدة 36 سنة في اوربا والسعودية والامارات ,,, و اسست حوالي 17 مصنع في العالم العربي و3 مصانع في اوربا ,, من مرحلة الارض الفضاء الي مرحلة تسليم المفتاح والانتاج ,,, واجيد التحدث بثلاثة لغات عالمية غير العربية ,,,
وقااااااااااااااااعد عاطل وانا الشخص الوحيد في السودان كله الحاصل على (دكتورا في الادارة الهندسية الصناعية ) بالاضافة الي دكتورا اخرى في هندسة كيمياء البوليمر ,,,,
ولن اقبل الا بوظيفة وزير صناعة اتحادي او مستشار للرئيس للصناعة والهندسة الكيميائية ,,,,
اخر وظيفة لي كانت ( مدير عام البحث والتطوير في ايطاليا )
لو ما لقيت لي شغل ,,, يمكنك تقديم الاستقالة وتسليمي الولاية وفي خلال 2 سنه اوصلها ليك مستوى دبي ,,,, مع عدم وجود عطالة في الخرطوم ,,,,, ( تحدي )
الصفر البارد |
| |
|
|
|
|
|
|
|
|
|
Re: وقفة العطالى امام مكتب والي الخرطوم (Re: usama Babiker)
|
Quote: اها يا واليينا
* انا زول عاطل ومعاي شباب الحي مقضنها قعاد في صناديق_الببسي من صندوق لي صندوق قدام دكان_دفع_الله ولمن بنشاكل ما بنقعد في صندوق مكسور يا والينا
* انت عارف عملنا شنو يا والينا
* دقينا شيرنق وعملنا لينا كنبة اي كنبة الواحده دي
* عشان سيد الدكان بدينا صناديق ببسي مكسورة ولان نحن عطاله مثقفين وخريجين جامعات ما بنقعد في صناديق الببسي المكسورة
* ودا كلو كوم يا والينا
* فجأة كدا لقينا رفعوا تقرير في الكنبة البتلمنا نحن العطاله يا والينا
التقرير قال الكنبه دي فيها معارضين للنظام وبشاغلو بنات الناس ونسوان الناس البجو الدكان يا والينا
* لكن ما تشوفنا كدا يا والينا
* بنجاسف حق الفته برانا بس بنجاسفها كيف دي خليها نحكيها ليك بعد ما نجيك يوم الاحد
* عشان ما تزعل يا والينا
* بحكي ليك بنجاسف كيس التمباك كيف
* شفت يا والينا بنجاسف كيس تمباك فاضي ونقعد نلفلف للناس البسفو
نشيل منهم سفه سفه
* لحدي ما الكيس يبقي كيس معتبر كدا
* عشان قعدة الكنبه تكون حلوة يا والينا
* وفي الصورة دي ناس الفيس_بوك سألوني شغال_وين
افتح الصورة وشوف رديت ليهم بشنو يا والينا
* يا والينا قلنا نحكي عن العطله حقت حلتنا عشان يوم الاحد الناس بتجي كتيرة واي زول داير يحكي العطاله حقت حلتو |
| |
|
|
|
|
|
|
|
|
|
Re: وقفة العطالى امام مكتب والي الخرطوم (Re: usama Babiker)
|
مرحبا اسامة وضيوفه
كدي عندي معاينة تانية
هل التوظيف من مهام الوالي ?
التصريح يدين نمط تفكير الولاة ,, اعتبار الولاية ملك خاص ,,,
التوظيف ده عنده مؤسسة ووزير وجيش من الموظفين , عدم التوظيف مشكلة جوهرية في الدولة , لأنها لا تخضع لمعايير معروفة وواضحة , غير معيار انك بتعرف فلان ,, وده ولدنا
ف شنو
يا الوالي داير تقابل الآلاف دي وتكتب لكل واحد بقلمك الاخدر ?
يعني برضو إلا يقابلوك حتي يشتغلوا ?
ولا توجه لجان التعين بممارسة واجبها دون محاباة
حل مشكلة العطالة مشكلة متجددة , كل سنة الجامعات السرطانية تفرخ آلاف مؤلفة من الطلاب ,, اها كل سنة يجو يقابلوك ?
الموضوع يا سيادة الوالي يتجاوز قدراتك السوبرمانية ,, ويتجاوز افقك
محتاج لحل مؤسس وعلمي
محتاج لحل اكبر وجذري
انكم لا تصلحون حكاما
| |
|
|
|
|
|
|
| |
usama Babiker
عبدالحفيظ ابوسن
مهدي صلاح
فيس بوك
تويتر
انستقرام
يوتيوب
بنتيريست