|
|
|
 Re: جهاز الامن والمخابرات السودانى !!! (Re: بدر الدين اسحاق احمد)
|
وين يشتغلوا يعني ؟
عندكم خيارات ليهم؟
لحس الكوع والمدعو ( نافع) - الله لا يرد غربته وعزلته- لناس قريعتي راحت - الدفعة اياها أكتمل القبول فيها وشغالين دراسة وأستلموا حقوقهم - وناس قريعتي راحت يزازوا بين لجنة الاختيار والجهاز منتظرين المعاينات
=============
الله يرحمكم برحمته العم فتح الرحمن البشير ( شرف العالمية ، النقليات ، المطاحن ، الغزل ، النسيج ، ألخ) وكمية موظفين وعمال تفوق العشرة ألف - لا نتحدث عن العمال الموسميين بالجزيرة وخصوصا (لقيط ، تعبئة ، نقل ، حلج ، عتالة ألخ القطن)
=====
شكرا يا استراتيجي لكونك تجلب للمنبر أخبار الوهم أياها ...
الشفيع
| |
 
|
|
|
|
|
|
|
|
Re: جهاز الامن والمخابرات السودانى !!! (Re: khaleel)
|
| Quote: لا نتحدث عن العمال الموسميين بالجزيرة وخصوصا (لقيط ، تعبئة ، نقل ، حلج ، عتالة ألخ القطن) |
بالله عليك الله ما خجلان عمالة موسمية منذ 1956م
اها والعمالة الموسمية ديل ساكنين وين ؟ وبيرجعوا الى مواطنهم الاصلية متين ؟ واثناء موسم اللقيط بيسكنوا وين ؟ بيتعالجوا وين ؟ وكيف ؟
وهم شغالين مع منو ؟ واجرهم كم ؟
والذين سكنوا واستقروا فى اطار حرية التنقل والحركة والسكن فى السودان ...
الخطة الاسكانية حقتهم كانت وين ؟
ـــــــــــــ
وكمان جاي قاشر بى عبد الرحمن البشير اخخخخخخخ
اقرأ تاريخ الجغرافيا السياسية حقت بلدك عشان تعرف يا مسكين
| |
|
|
|
|
|
|
|
|
Re: جهاز الامن والمخابرات السودانى !!! (Re: بدر الدين اسحاق احمد)
|
Quote: حرام يابدر حرام والبزرع منو والبصنع منوووووووو
والبعالج الناس منووووووووووووو |
واصل ...
منووووووووووووو البيعارض
منوووووووووووو البيظاهر
منووووووو البيقاتل فى الحركات
منووووووو البيمشى الجبهة الثورية
منووووووووووو البيكتب فى الاسافير
ــــــــــــــ
الخطة الوطنية لتشغيل الشباب فى ذمتك سمعت ليك يوم قائد من قادة المعارضة تحدث عنها ...
خليكم فى تخمير العجين
وخلونا فى خبز العجين
| |
|
|
|
|
|
|
|
|
|
Re: جهاز الامن والمخابرات السودانى !!! (Re: بدر الدين اسحاق احمد)
|
| Quote: ولكن وانت سيد العارفين التصنيف تم من زمان ومعروف من يلتحق بالجهاز |
يا ليتك وقفت على طريقة الامتحانات ؟ ومن يقوم بتنفيذها ؟ وكيفية اعلان النتيجة ؟
ـــــــــــ
الجهاز لا يملك الا وان يجعل المساحة مفتوحة ومتاحة لكافة ابناء السودان وفقا لمعيار الكفاءة
| |
|
|
|
|
|
|
|
|
|
Re: جهاز الامن والمخابرات السودانى !!! (Re: بدر الدين اسحاق احمد)
|
وكمان جاي قاشر بى عبد الرحمن البشير اخخخخخخخ
اقرأ تاريخ الجغرافيا السياسية حقت بلدك عشان تعرف يا مسكين
===============================
أسمو فتح الرحمن البشير الشيخ ... يا استراتيجي ... بعد (خمُ) الكيزان مكائن مصانعه وحرقوها بنيران جياد تبقى له اسما لن تطوله أنت أو أي كوز لص فاسد ( مجمع فتح الرحمن البشير) في قلب الخرطوم وقف لله تعالى ..
نعم عمال موسميين لأن عملهم مرتبط بمواسم - وساكنين معانا وعندهم قرى وكمان فيها كهرباء ومدارس وأندية رياضية ووو ألخ ؟
يامسكين لو المعرفة مثل عرفتك دي على الحلال أحسن أكون أمي تب
قبل ما ترد أطلع ليك 15 كيلو جنوب الخرطوم شوف سكن ضيوف وأهل الجزيرة كيف ؟؟؟ شيل معاك كمرة بالله - مسعول من الخير مشروع توطين القمح عندكم كيف؟ كم أدخلتم من أطنان للسوق المحلي ؟؟؟
شكرا يا استراتيجي يافكي يا حرامي .......
الشفيع إبراهيم
| |
|
|
|
|
|
|
|
|
|
Re: جهاز الامن والمخابرات السودانى !!! (Re: Alshafea Ibrahim)
|
والله صحيح الاختشو
الكوز ده ما يختشي مرة
انت تعلم وكلنا نعلم ان هذا الجهاز
امن خاص بمليشيا ونظام مؤتمركم الوطني الفاشل
افسد نظام مر على تاريخ السودان
وقد لا تعلم ان تقديم 6 او 60 مليار للعمل في امنك سوف لن يغطة مشروعية لجهاز امن
اقصائي عقدى لمجوعة انقلابية
يمثل شريحة ضيقة من شعبنا
تمتو بسفادكم قليلا
لابد من الصبح وان طال ظلام انقاذكم
بدر الدين انا عندي احساس انك طال الزمن ام قصر ستنط من سفينة الانقاذ الفاسدة المفسدة
لان هذا النظام لا يمثلك ولن تكون اصيلا فيه لسبب بسيط وجوهري تعلمه انت
| |
|
|
|
|
|
|
|
|
|
Re: جهاز الامن والمخابرات السودانى !!! (Re: علاء الدين صلاح محمد)
|
أخونا علاء الدين سلام،
| Quote: لابد من الصبح وان طال ظلام انقاذكم |
نعم الصبح آت ولو طال الزمن، ولكن لا أحد يدري من أي الإتجاهات ستطلع شمسه، فلربما استدار ذات قرص الشمس الذي نعرفه من ليل و أنبت لنا صبحا!
مع اختلاف التفاسير حول الصبح والليل، لأن ليل جهة يعني نهار منطقة أخرى، والعكس صحيح.
وقد يستمر الصبح مظلما - إن طلعت شمسه الجديدة - لفترات طويلة كما في دول ما يسميها اليعض"دول الربيع العربي"،
ولكن حتى يعود لأضاءته المعهودة، ويحافظ على وضوحها المشرق أمدا بعيدا،
لابد له من أجهزة أمنية مخلصة، تشق جميع أنواع الطرقات فداء لأمن النائمين في بيوتهم.
تحياتي وتقديري
| |
|
|
|
|
|
|
|
|
|
Re: 6 الف خريج / خريجة يقدمون للعمل فى جهاز الامن والمخابرات السودانى !!! (Re: بدر الدين اسحاق احمد)
|
سلام للجميع،
| Quote: 6 الف خريج وخريجة يقدمون اوراقهم للعمل بجهاز الامن والمخابرات السودانى |
أتمنى أن يضاعف العدد لـ 12 ألفا، وأن يختاروا جميعهم و يساهموا في أمن اليلاد.
الأمن السري موجود في كل المؤسسات الصغيرة و الكبيرة، الحكومية والأهلية.
والكل يعرف مصطلح "دبوس" وهو أصغر وحدة أمنية بين المجتمع،
ومكانه دائما المؤسسات الصغيرة كالمدارس و الأندية والتجمعات الصغيرة الأخرى،
ولا غنى لجهة تطلب الأمن التام عن الأجهزة الأمنية.
لا يرفض الأمن ويذمه إلا من ينوي السوء وتوابعه!
تحياتي وتقديري.
| |
|
|
|
|
|
|
|
|
|
Re: 6 الف خريج / خريجة يقدمون للعمل فى جهاز الامن والمخابرات السودانى !!! (Re: قصي محمد عبدالله)
|
سلام يا بدر الدين
و ما تخمنا بقراية ناقصة
000 6 بس؟!!
العدد الكلي للخرجين حوالي 000 130 خريج سنوياً
الباقين ديل مالم ما قدمو رغم إنو العمل بجهاز الأمن يوفر مرتب و مخصصات مغرية جداً لا يمكن مقارنتها ببقية القطاعات
الفصل الأول من الميزانية (المرتبات و الأجور) 8% منو مخصصة للعاملين بجهاز الأمن و 4% فقط مخصصة للعاملين بالصحة و التعليم و الزراعة
عدد المتقدمين للعمل في مجالات التعليم و الصحة و الزراعة كم؟
000 6 عدد قليل و يوضح إنو في نفور من العمل بجهاز الأمن رغم المغريات التي تقدمها الوظيفة بجهاز الأمن و رغم الميزانية الضخمة التي تخصصها الدولة للأمن و رغم الضائقة التي تعيشها بقية القطاعات
| |
|
|
|
|
|
|
|
|
|
Re: 6 الف خريج / خريجة يقدمون للعمل فى جهاز الامن والمخابرات السودانى !!! (Re: أيمن محمود)
|
سلامات يابدر الدين
أعتقد ان جهاز الأمن أوالحكومة تمر بمرحلة تخليو يجند مش خريجين
حملة شهادة ابتدائية... وبالعدم شهادة ميلاد زاتو..
وبعدين الأغراءات بتاعت الظبوطية دى شكلها السنة دى مامشت فى البشرية
زمان جهاز الأمن يفتح تجنيد عساكر ساكت تلقى الصف من النادى الوطنى لغاية المدينة الرياضية
السنة دى يقولوا دايرين ضباط والعددية العندها الرغبة اتحداك تكون وصلت نُص المطلوب
تقول لى 6 الف خريج؟ قوم لف
على باليمين انا أمشى بالرقم الوطنى ساكت يقبلونى
بين قوسين مشتاقين ياخ 
| |
|
|
|
|
|
|
|
|
|
Re: 6 الف خريج / خريجة يقدمون للعمل فى جهاز الامن والمخابرات السودانى !!! (Re: بدر الدين اسحاق احمد)
|
السلام عليكم ورحمة الله
وماذا بعد ! جيش بكل مسمياته وفروعه واداراته ، دفاع شعبى وجنجويد ودعم سريع وشرطة بكل مسمياتها واداراتها وأمن عام وامن اقتصادى وامن شعبى وامن ايجابى وامن سلبى ، فهل عاش اهل البلد فى امان هل البلد موحدة هل الجريمة اختفت من الشوارع والبيوت وهل وهل !؟ يا سيدى الامر اهون من ذلك : العدالة بين الناس وتيسير معاشهم وامور حياتهم ومعاملتهم معاملة كريمة وسنكون فى غنى عن كل تلك الجيوش والالوية.
| |
|
|
|
|
|
|
|
|
|
Re: 6 الف خريج / خريجة يقدمون للعمل فى جهاز الامن والمخابرات السودانى !!! (Re: يوسف أبو صالح)
|
كتب السيد:- قصي محمد عبد الله
| Quote: ما في نظام في العالم يسمح بأن تكون هنالك مظاهرات وثورات داخل أراضيه، ومن السذاجة أن نتناقش حول هذه النقطة. |
يجتمع في كلامك هذا عدم المعرفة مقرونا بالتنطع وبؤس التبرير للنظام! كيف?
- حق الإضراب والتظاهر والتعبير حق مشروع تكفله مئيات الدول
- حق التظاهر من مكتسبات شعبنا منذ العهد الإستعماري مرورا بكافة العهود الديموقراطية
- حق التظاهر مكفول في الدستور الحالي-2005 وإن كنت تتهم الإنقاذ بالنفاق والتناقض مابين القول والفعل فأعلن ذلك !
- فإن كنت أنت وعلي المستوي الشخصي ترفض حق التعبير والتظاهر السلمي فهذاشأنك ! ولكن أتمني أن يكون لك رأيك واضح في القتل والتعذيب ومصادرة
الحرية والإعتقالات التي يقوم بها جهاز الأمن القمعي ! وفي تغوله علي صلاحيات الشرطة والقضاء وإدارة السجون وتجاوز صلاحياته الممنوحة له بواسطة الدستور........
| |
|
|
|
|
|
|
|
|
 Re: 6 الف خريج / خريجة يقدمون للعمل فى جهاز الامن والمخابرات السودانى !!! (Re: MOHAMMED ELSHEIKH)
|
وراع صاحب كسرى ان رأى عمرا *** بين الرعية عطلا وهو راعيـــــــــها
وعهده بملوك الفرس أن لـــــــــها *** سورا من الجند والأحراس يحميها
راّه مستغرقا في نومه .... فرأى *** فيه الجلالة في أسمى معانيـــــــــها
فوق الثرى تحت ظل الدوح مشتملا *** ببردة كاد طول الدهر يبليــــــــــها
فهان في عينه ماكــــــــان يكبره *** من الأكاسر والدنيا بأيديـــــــــــــــها
وقال قولة حق اصبحت مثلا *** واصبح الجيل بعد الجيل يرويـــــــــــــــها
أمنت لما أقمت العدل بينهمـ *** فنمت نوما قرير العين هانيـــــــــــــــــــــها
_________
الحليلة
| |
|
|
|
|
|
|
| |
بدر الدين اسحاق احمد
باسط المكي
khaleel
محمد المسلمي
علاء الدين صلاح محمد
كمال عباس
Hafiz Bashir
أيمن محمود
hafiz Issue
Mohammed Awad
فتحي الصديق
يوسف أبو صالح
MOHAMMED ELSHEIKH
elhilayla
Nasr
فيس بوك
تويتر
انستقرام
يوتيوب
بنتيريست