|
|
 ارتفاع شاذ في سعر الزيت
|
ارتفعت جركانة الزيت من 145 ألف إلي 340 ألف دون انذار او مبرر
اثرياء الكوارث والحروب ومفسدي مناسبات فرح الشعب السوداني
رمضان كريم
|
|
 
|
|
|
|
|
|
|
|
Re: ارتفاع شاذ في سعر الزيت (Re: عبدالحفيظ ابوسن)
|
عليك الله عبدالحفيظ اخوي قول كلام غير ده....
لا يمكن ولا يصدق في عموم الكون ان يصبح سلعة متضاعف سعرها في يوم...
ده جنون مطلق...
وهذه هي القارعة التي ستقرعنا جميعا
الاقتصاد منتهي
وحسابتنا حسابات الرجال البلهاء
استر يارب علي المساكين
والراي!
| |
|
|
|
|
|
|
|
|
|
Re: ارتفاع شاذ في سعر الزيت (Re: عبدالحفيظ ابوسن)
|
لا اله الا الله
2007-2008 كانت الجركانة مافايتة 25 جنيه
اسي يعني باختصار يعني شهر رمضان الموظف البسيط يشتري جركانة زيت وكيسين تلاتة دقيق وراتبو انتهي ..ده لو فرضنا راتبو 500 جنيه
ربنا يصلح الحال .......
| |
|
|
|
|
|
|
|
|
|
Re: ارتفاع شاذ في سعر الزيت (Re: ابراهيم الفاضل)
|
تحياتي يا عبد الحفيظ
المؤكد أن الحبوب الزيتية خرجت بلا عودة مع القطن والقمح وحتى الفتريتة ماشة على إنقراض
مصانع ومعاصر الزيوت كانت بالمناقل تحديدا ، مدني ، الحصاحيصا ، الباقير وغيرها من مدن الغرب الشهيرة في هذا المجال .
طيب كل الزيوت المتوفيرة حاليا بالاسواق مستوردة وعليها مالا يخفاكم من ترحيل ، وجمارك ، وضرائب بكل أصنافها ، وزكاوات ، وجبايات لا تحصى ، شراؤها كان الدولار مثلا ب 9 ج ، وصلت الميناء الدولار بعشرة ، وصلت المخازن الدولار ب 13ج ، المستورد (الكوز) فتح أعتماد جديد الدولار عمل 18ج ووو هكذا يبيع لتجار الجملة كيف ؟ وتاجر الجملة يبيع للقطاعي كيف ؟ والقطاعي زاتو يبيع للمواطن كيف ؟ والمواطن زاتو يأكل أو يستخدم هذه السلعة ليه ؟؟؟
يالله السوق المطلوق بعمل أكثر من كده - والصبر نفذ ..
تحياتي
الشفيع إبراهيم
| |
|
|
|
|
|
|
|
|
|
Re: ارتفاع شاذ في سعر الزيت (Re: عبدالمجيد المقابل)
|
المواطن المغلوب على امره صار ضحية للنظام الفاشل والفوضى التي تضرب اطنابها بالوطن
الحكام تخلوا عن واجباتهم فعمت الفوضى والغلاء والمعاناة تطحن المواطن ، مرة بحجة وجود ارتفاع عالمي في سعر سلعة معينة ومرات ومرات بسبب ازمات الجنيه مقابل الدولار وشح العملة الصعبة والان ازمة جديدة حتمسخ على الناس شهر رمضان
اللهم وببركة الشهر الفضيل الداخل على الناس نسألك خلاصا عاجل غير آجل
| |
|
|
|
|
|
|
|
|
|
Re: ارتفاع شاذ في سعر الزيت (Re: محمد حيدر المشرف)
|
الله يكون في العون.
على أيامنا لما تمشي الدكان تجيب زيت كان في خيارين فقط لا ثالث لهما:
زيت فهد او زيت سمسم.
اذكر انه في فترة ما ظهر زيت عافية الا أن احد الخبراء افتانا في أمره
قائلا : حتو هو فهد الا الجماعة ديل دايرين يتفلفسوا ساي.
ثم بلغني أن صافولا دخلت البلاد و صار الأمر إلى ما صار اليه و الله المستعان.
تعرف يا عبد الحفيظ الزيت من الأشياء التي يمكن التقليل منه إلى أقصى حد
و ربما بشئ من العزم مقاطعته نهائيا.
| |
|
|
|
|
|
|
|
|
Re: ارتفاع شاذ في سعر الزيت (Re: سيف النصر محي الدين)
|
تحية لكم جميعا
المائدة السودانية فقيرة جدا , وبالتحديد في رمضان , وهنا اتحدث عن عموم الناس العاديين
الفطور عصيدة او قراصة ,, والملاح ( الإدام ) اياهو الشرموط او الدمعة ولا البامية المفروكة ,, فما حصلت مشيت ل فطور رمضان لم يخلو مما ذكرت
ف شنو
كل الناس دايره تحمر بصلتها قبل رمضان ,, ب فهم ان تحمير البصلة في رمضان يجرح الصيام ان لم يبطله حسب التدين الشعبي ,
وفي وطن لا سلطة فيه وتجار مربوطين بجهاز الدولة الفاسد ,, ببقي المواطن واقع في يدهم
مافي سكة يخلو الزيت والبصل ,,
كان زيت البذرة او الفهد بديلا فعدم نتيجة للسياسات الزراعية الخاطئة
زيت السمسم جركانته 800 ج ولا يصلح للتحمير
ضد تصدير السمسم و الفول مالم يتحسن انتاجه , فلا فائدة مرجوة منه للوطن اكثر من ضرره
| |
|
|
|
|
|
|
|
|
|
Re: ارتفاع شاذ في سعر الزيت (Re: عبدالحفيظ ابوسن)
|
صباح الخير اخ عبدالحفيظ وضيوفه الكرام
امس ضرب لي واحد قريبي من الجزيرة قال لي والله شوال الفول السوداني ارتفع من 85 ل 150 الف ومافي ذاتو.
عشان كدا عندو حق الزيت يرتفع سعرو
والله كان خايف نستورد الفول السوداني
تحياتي
| |
|
|
|
|
|
|
|
|
|
Re: ارتفاع شاذ في سعر الزيت (Re: محمد عمر الفكي)
|
هههههه ممكن يا محمد عمر
نحن في كوستي وكنانة جنبنا ,, سكر كنانة عندنا اغلي من الخرطوم
ليه
لأنو الشوال بفسحوهو يمشي الخرطوم ويجي راجع تاني
ارتفاع اللبن
زادت العليقة ,, شوال الامباز 320 ألف
فزاد رطل اللبن من 2.5 ألف لي 3.5 ألف
ولا عزاء للاطفال
| |
|
|
|
|
|
|
|
|
|
Re: ارتفاع شاذ في سعر الزيت (Re: محمد عمر الفكي)
|
ود ابو سن سلام بالزيت
هى لكن الزيت ده يبدأ مع السوداننين من ما تشرق الشمس من اللقيمات مروراً بالفول فى الفطور
و بتحمير بصلة الغداء والعنده نزله يمسح صدره بالزيت والاغبش يقع الزيت والبنيات
يتمشقن بالزيت وللشعر لابد من الزيت وعندما ينتهى دور الزيت المر نقبل بالليل على الزيت الحلو
الدخان بالزيت والتجميل بالزيت يعنى طول عمرهم السودانيين مخموجين زيت وينزلو بالزيت
وبرفعوا بالزيت لووووووول هسه الزيت ارتفع فى عضموا؟ الله يرفع عننا البلاء غايتو يا حكومة
السجم ما بنقدر نقول شى الا احيييى يا العصر،،،
| |
|
|
|
|
|
|
|
|
|
Re: ارتفاع شاذ في سعر الزيت (Re: عوض جاه الرسول)
|
اي والله يا الموج
شغالين زيت بس
نتمسح ونشرب وناكل ونتجمل
كنا بنستعمل زيت السمسم للمسوح , رطلو بقا بي عشرين قلبنا فول , اها الفول طار راح
بنسعط بالسمسم للجيوب الانفية غلبنا
والكركار بقا نار
| |
|
|
|
|
|
|
|
|
|
Re: ارتفاع شاذ في سعر الزيت (Re: عبدالحفيظ ابوسن)
|
قال السيد المسؤول
نحن ما تجار نحن شغالين رقابة بس
كويس
سميناها رضينا
يا السيد المراقب
معروف طن الفول بي كم
ومعروف تكلفة الانتاج كم ,, ما صعبة ممكن تتحسب
ومعروف الطن بطلع زيت كم جركانه وكم شوال امباز
ضربوها ياخ شوفوهو بي كم
وبعدينك راجعو جباياتكم ,, اتحملوا معانا شويه نحن ضهرنا فتر
ثم ايضا كذلك
راجعوا اوزان الزيت ,,, دي صعبة دي
اصحاب المعاصر اتفقوا مع اصحاب مصانع البلاستيك لتصنيع باقات فارغة اصغر وبدأ التلاعب في الاوزان
تشوف الباقة حدها حسن وهي ناقصة
يعني المواطن ده يشيل معاهو ميزان ويمشي السوق
صابون الغسيل وزنو ناقص
شوال البلح
العيش
الحمص
دي مش رقابة برضو
| |
|
|
|
|
|
|
|
|
|
Re: ارتفاع شاذ في سعر الزيت (Re: عبدالحفيظ ابوسن)
|
قريبى ود ابوسن
طلعوا زيتناااااااااااااا من زمان
والله صديق الموج الا يغير بزيت شل
ود الباوقة مرتاااااااااااااااااااااااااااااح يجدع لينا فى زيت البترول
والسودانيون كلهم بقى عرقهم فى الحر ملح بدون زيت هههههههههههههههههه سخينة بصل وموية وبس
| |
|
|
|
|
|
|
|
|
|
Re: ارتفاع شاذ في سعر الزيت (Re: عبدالحفيظ ابوسن)
|
وزارة جديدة يعني وزير وحاشية ومصاريف وووو
والموضوع بسيط
يباع المنتج المحلي للسوريين وغيرهم في مناطق الانتاج ,, اوقف التصدير بس
اوقف الرسوم العالية علي الزراعة والتصنيع
امنع التهريب
اوقف الحرب في دارفور مكان الانتاج
| |
|
|
|
|
|
|
|
|
|
Re: ارتفاع شاذ في سعر الزيت (Re: عبدالمنعم الطيب حسن)
|
من بوست للزميل زهير الزناتي في الفبسبك
؛
احد المعقبين قال: الاسعار دي اظنها امس اليوم في السوق الاسعار اعلى...
جنيه الواردة ادناه تعني الف جنيه بالقديم...
Quote: الصمت جريمة
كيلوا الطماطم اليوم 33 جنيه
طبق البيض 30 حبه 30 جنيه وبالقطاعى الحبه 1.2 الى 1.5 جنيه
العجورة الصغيرة 3 جنيه
الجزر الكيلو 25 جنيه
كليو لحمه العجالى كبير 45ج
كليو العجالى صغير 50ج
الضان 60 الى 62 ج
كيلو اللحمه الصافية عجالى 62ج
الباميه الكيلو مخلط 20ج
باميه طبيخ 25ج
الاسود كلجم 10ج
البطاطس 6ج
القرع البلدى الكيلو 5ج
الملوخية اقلها 7 ج قطاعى الربطه 30ج
المضاد الحيوى مصنع محليا (فلاجيل) من2 ج الى8 ج
ادوية مشتقات الموكسلين للاطفال محلى 15ج
مصرى وخليجى 25ج
الدولار اليوم فى السوق 10 ج
المدرس الاسبوع القادم
الكراس كبير 100 ورقة 10ج
كراس 60 ورقة 6 ج
كراس صغير 24 ورقة 3ج
الجلاد العادى 10 ج لكل 10 كراسات
غلاف الكتب 15ج
اقلام الرصاص 3ج
القلم الجاف 4 الى 5 الى 7 ج
الشنط البسيطه 60ج
الصغيره 45 الى 60ج
الكبيرة 100 الى 150ج و170ج
المتر القماش الثانوى 38ج الى 42ج 50ج لكل نوع
اللبسة الواحده بنات 320ج قماش بس + خياطه 50 تكلف المتوسطه 370ج لبسه واحده
اولاد 160 قماش وتفصيل 100ج 260ج
المرتبات تعين جديد 400ج
موظف فى الدرجة الوسطى 670ج
المدراء 900ج
اللواء شرطه 1200ج
للواء امن 2300ج
للواء جيش 1900ج
وكيل وزارة 1800ج
اجارات البيوت 600 الى 2000 شهريا(طرفيه وشعبية) بدون سفون
الكهرباء 3 لمبات وثلاجة وتلفزيون فقط شهريا 50ج
رسوم نفايات 10ج شهريا
المياه المقطوعه 20 بدون سفون
المياه مع السايفون 30 شهريا
سندوتش الطعميه 4 حبات ورغيفة صغيرة 2.5ج داخل المدرسة (اسعار السنة الماضيه)
رسوم المدارس الخاصه من 6000 الى الاقل 2500ج ثانوى وابتدائى
الروضه 1500ج الشعبيه الى 10000 الف (عشره مليون الاحفاد والبريطانيه و...ووووو)
الصمت جريمة فى استمرار التجويع |
| |
|
|
|
|
|
|
| |
عبدالحفيظ ابوسن
ابراهيم الفاضل
عبدالعزيز عثمان
عبدالمجيد المقابل
مهدي صلاح
محمد حيدر المشرف
سيف النصر محي الدين
صديق الموج
Yousif A Abusinina
عبدالمنعم الطيب حسن
فيس بوك
تويتر
انستقرام
يوتيوب
بنتيريست