|
|
|
 Re: ابتسسسسسسسسسامة (Re: نعمات عماد)
|
شكرا الأخ مهدى صلاح
كما تعلم نفت الخارجية السودانية تصريحات كرتى
ثم عاد هو و أنكر بعض ما جاء على لسانه عن المنصات
الايرانية ,و هذا ما يعرف عندهم ب الدغمسة .كل التخبط
و كل الكذب الحاصل و عينهم على الانتخابات .
تحياتى
| |
 
|
|
|
|
|
|
|
|
Re: ابتسسسسسسسسسامة (Re: نعمات عماد)
|
نعمات
تحياتي
الإبتسامة فن ، والبسمة التي تخرج من رحم المعاناة إبداع ، لذلك أروع وأجمل وأكثر النكات صدقاً هي النكات السياسية لأن ظاهرها فيه الهزل وباطنها من قبله النقد ، يعني نظام توريه وكده خاصة في ظل الأنظمة الشمولية الديكتاتورية في الحكم ، وهذا الضرب من ضروب الفن لا يجيده إلا المبدعون ويفوت توووش في العسس والأمنجية ومن أمنجهم لأن التفكير عند الكثيرين منهم يتخلف بالقدر الذي لا يتجاوز معه حدود النخره.
أنا أطرب أيما طرب للنكته لأنها فن يعالج مشكلة أو مشكلات إبرازاً ونقداً وهلم. والمكان هنا في حاجة إلى إضاءات ونكات في شأننا كله لأننا أمة إبتليت بالكثير من المصائب والمشاكل حتى لم يبقى في الخريطة مقدار حمالة زير دون مشاكل أو مصائب.
--
دعوة للمبدعين بإستفزازنا بالجمال والإبداع والطرفة عشان نقدر نجاري الجمال بجمال
| |
|
|
|
|
|
|
|
|
Re: ابتسسسسسسسسسامة (Re: نعمات عماد)
|
| Quote: دعوة للمبدعين بإستفزازنا بالجمال والإبداع والطرفة عشان نقدر نجاري الجمال بجمال |
سلام الملا عمر
أثنى الدعوة للمبدعين وأشكر كلماتك المركزة عن دور الكاريكاكتير فى النضال من أجل الحرية .
| |
|
|
|
|
|
|
|
|
|
Re: ابتسسسسسسسسسامة (Re: نعمات عماد)
|
فى احدى الجرايد اليوم :
اكتشاف حوض بترولى يحوى 4 مليارات برميل ...
حد يعدل لهم الخريطة....
شكرا الملا على الابتسامات الحلوة
...........................................
المتزوجة برجل قبيح احتمالات الانجاب اكثر من المتزوجة ب وسيم ...
مش كفاية عليها مقلب واحد ....
مع انو الراجل ما بيعيبو شكلو واغلب الناس اولوياتها ليست الوسامة .
| |
|
|
|
|
|
|
|
|
|
Re: ابتسسسسسسسسسامة (Re: نعمات عماد)
|
فن الكركتير عالم جميل وإبتسامة من بين مواجع وألم
وقد برز في هذا الفن في بلادنا كثيرين لكن ( وهذا رأيِّ )
هو الكراكتريست عزالدين
كنّا نشتري الصحيفة مخصوص عشان كركتير عزالدين
في أيام مايو
كانت البلد أزمة قية مافي شئ إلا بالصف ومرات مافي
دعى الرئيس نميري لعقد مؤتمر القمة الأفريقية في السودان
وكان الكراكتير
مرأة خاتا الكانون أمامه والحلة فاضية منتظر الزوج رب البيت يجي داخل
وأول ما دخل هبت في
يا راجل ما بتخجل البيت لا بصل .. لا ملح ... لا لحمة .. لا فحم .. لا زيت .. لا خبز .. لا دقيق نسوي منو كسرة
وكمان جايب معاك ضيوف
شكراً اختي نعمات لهذه الكوة فسحة نتبسم من خلالها ولو بقت الإبتسامة مرات ما بتطلع من لهيب النيران الفي الجوف
علي الحاصل البتحصل كل يوم في بلادنا
| |
|
|
|
|
|
|
|
|
|
Re: ابتسسسسسسسسسامة (Re: نعمات عماد)
|
أستاذ خالد المنسى
ذوقك جميل جدا كفاية تختار عزالدين الما ح يتكرر أبدا
حبيب الاطفال و الكبار رحمه الله .
اشكرك عنى وعن كل اللى ح يشوفو الفيديو الرائع و
اغانى المبدع أونسة .من أسع و لغاية رمضان ح أسمع
يوماتى للاغانى الحلوة دى .ادام الله عليك الابتسامة و الفرح .
و نشوفك فى مشاركات قادمة .
| |
|
|
|
|
|
|
|
|
|
Re: ابتسسسسسسسسسامة (Re: almulaomar)
|
كان الفنان الرائع الجميل عزالدين يعمل في صحيفة رئيس مجلس إدارتها
دكتور جعفر محمد علي بخيت المعروف
المهم
كان الاستفتاء لرئاسة جعفر نميري ( لا ) أو ( نعم) واشتغلت الأذاعة التلفزيون
سيد خليفة ليل نهار ( قولناها نعمبي الملاين )
فطلع علينا الباهي الجميل عزالدين بكراكتير عبر عن كل ما في عقول الشعب السوداني
إلا كل منتفع من مايو
صورة بدون تعليق
كانت الصورة محطة بنزين
ورسم بخرطوم البنزين ( لا )
وفي اليوم الثاني طرد من الجريدة التي يرأسها جعفر محمد علي بخيت
وبعد مدة من الزمان عمل بجريد أخرى
غير التييرأسها الدكتور جعفرمحمد علي بخيت
وكان ايامها قام الدكتور جعفر محمد علي بخيت بصياغة قوانين حاجات كدي حتى الآن نحن ما فاهمينها هي شنو
فئوية وشنو ما عارف وجاط ريسين ناس نميري والاتحاد الإشتراكي وكل البلد
يرددوها وما فاهمها زول
أول كراكتير عملوا عز الدين في الجريدة الثانية
قرد في دكان لخبط الدكان كلوا في غياب صاحب الدكان الميزان مجدوع في اخر رف وكل شئ في الأرض
لخبطة شديد والقرد مصنقر في رف وبتاع الدكان دخل الدكان وبصفق في يدي وقال للقرد
( خلاص لخبطها يا بخيت وقعدتا )
الفاضلة نعمات لك الشكر الجزيل أخلصه على الرد الجميل
| |
|
|
|
|
|
|
|
|
|
Re: ابتسسسسسسسسسامة (Re: نعمات عماد)
|
أخى الكريم خالد
حكايات السودان زمان ازدادت جمال بالحنو و الحنين للسودان
الظاهر بين سطورك .السودان الحبوبات والجيران الأقرب من
الأهل و تبادل العابرين ل أزيك.....اهلا
وصدق تجار السوق و أمانة الموظفين و عيشة العمال الرضية
و أشياء أخرى جميلة اختفت الآن .حكيك يشبه تاريخ السودان الحقيقى
شكرا على المشاركة الممتعة .
| |
|
|
|
|
|
|
|
|
|
Re: ابتسسسسسسسسسامة (Re: نعمات عماد)
|
Quote: أخى الكريم خالد
حكايات السودان زمان ازدادت جمال بالحنو و الحنين للسودان
الظاهر بين سطورك .السودان الحبوبات والجيران الأقرب من
الأهل و تبادل العابرين ل أزيك.....اهلا
وصدق تجار السوق و أمانة الموظفين و عيشة العمال الرضية
و أشياء أخرى جميلة اختفت الآن .حكيك يشبه تاريخ السودان الحقيقى
شكرا على المشاركة الممتعة . |
أختي الفاضلة نعمات
وكأنك قرأتي دواخلي أنا زول قديم وعشقت وأعشق كل قديم شوهزينته تلكم الطقمة الباغية
طلعت من السودان وكلي حنين له أحمله بين دوانحي صورة حلوة يوم خرجت وقفت قفاي الحلة
ودموع وداع زرفت وإتوكرت في بلاد الفرنج
عيييييييييييك لي يومي ويومك رغم أن قربت المسافة قبل سنين تحسب في اليد الواحد المسافة
نحو الشرق
لكن ما زلت أحن للسودان وأهله الحنان الزمان
ويا حليل المحنة يا نعمات راحت مع القمل
حليلن هن زمان يقعدن يتفلن ومحنتهن تزيد مع كل صقعة قملة الواحدة لي رفيقتها
زمن تجي الواحد شايلا قدحها مملح صباح لي أختها تفطر معاها
وبقينا في زمن كل زول سد بطن بيتو علي
وملكة جيلا بت فنية
وقفلت بابا بي زنكية
وأم روبة أستغنت من أحبابا
وفوق القلعة فتحت بابا
وعيشةبتعثمان يا راقية
أختصرتي خلاص يا غالية
وكلو فضيلة في الأجداد
اب ما تبقى في الأولاد
وكل فضائل العابرين
معاهم راقدا في شبرين
ومسكت في النعوش الطاهر
وإندفنت مع الجُثمان
وبقت أمجادنا كانوا زمان
تحياتي أختي نعمات أهجت فيَّ مشاعر للماضي والماضي دوماً جميل
والله يعيد كل لحظة حلوة نسعد مرتين يوم فوتتهم بلا رجعة ويوم نعود كما كنا
عز وصدق وأمانة وحرية ومع فقر ومو مشكلة نأكلها كسرة حافة إن شاء الله بي ملاح اخد أغلف
لكن نكون أحرار ونسعد قولي أمين وباب السماء فاتحة بإذنه الواحد الأحد
| |
|
|
|
|
|
|
|
|
|
Re: ابتسسسسسسسسسامة (Re: نعمات عماد)
|
Quote: حلوة الفكرة استاذة نعمات ....
ال في صينية فطور
المزارع
دي ملوووووحة
(تركين) مااااويكة ....والله لما بلعت ريقي
ملوحة كاربة جد |
الأخ محمد حسن من الفيس معليش فاتتك عزومة الملوحة ..تتعوض أن شاء الله
| |
|
|
|
|
|
|
|
|
|
Re: ابتسسسسسسسسسامة (Re: نعمات عماد)
|
| Quote: الأخ محمد حسن من الفيس معليش فاتتك عزومة الملوحة ..تتعوض أن شاء الله |
أختي نعمات
جوعتينا
تصدقي مشتهي تركين ضقتو مرة واحدة وعجبني
| |
|
|
|
|
|
|
| |
نعمات عماد
مهدي صلاح
almulaomar
خالد علي محجوب المنسي
فيس بوك
تويتر
انستقرام
يوتيوب
بنتيريست