|
|
 تنبيه هام للمغتربين وخاصة مغتربي السعودية
|
الايام دي بجهز لتقضية الإجازة مع الأسرة الكبيرة والصغيرة في السودان، فالايام دي لف شديد من باب شريف لباب مكة ولغيره من الأسواق علشان الهدايا للأهل والأصدقاء
عندي أخوي ليه قرابة العشرين في جدة وعنده علاقات في مطار الخرطوم وميناء بورتسودان، فقال لي جاته اتصالات من مغتربين ومن أصدقاءه انه في سرقات شديدة في المطار
والميناء، وبقولو في الميناء ممكن عادي تفقد شنطة أو برميل مليان أغراض أو صندوق وفي المطار في ظاهرة فتح الشنطة وسرقة الأشياء الثمينة، وفعلاً في محل سوداني بتاع أقمشة
جلاليب حكى لينا أنو فقد عطور وصندل ما قيمته أكتر من ألف ريال.
خاصة أنو المؤسم موسم اجازات والناس نازلة السودان وزخمة في كل مكان,
عموماً نرجو من الجميع الحرص والحذر الالتزام بكتابة اسم الراسل والمرسل إليه وغيرها من التدابير البعملوها المغتربين القدام، والعندو معرفة في الميناء أو المطار وخاصة إذا ثقة
يكتب الشنط باسمه ويديه الفيها النصيب ضماناً لأغراضهم نرجو من قدامى المغتربين يمدونا بتجاربهم.
|
|
 
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: مهدي صلاح)
|
اخ يوسف تحياتي
السرقات البتحصل في مطار الخرطوم وميناء سواكن
ليها سنوات عديدة وليست وليدة اليوم
الظاهرة يمكن زادت في الفترة الاخيرة
ولا حياة لمن تنادي
حتشوف كتير يا اللخو . . .
انت بتتفتش في باب الطيارة وادارة مطار الخرطوم واقفة تتفرّج
كل الوُّد
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: يوسف الطيب احمد إدريس)
|
| Quote: يعني انا داير انزل عيد رمضان اجلي الفكرة ولا الفهم شنو ؟؟؟؟ |
اخونا علاء الدين الجيلي
أولاً : ما (تجلي) الفكرة اطلاقاً.
ثانياً: انت محمل عفش كتير ولا بسيط؟
ثالثاً : ماشي بالبحر ولا بالجو؟
رابعاًَ : إذا محمل عفش كتير والظروف بتسمح أشحنو بالحاويات بس حتدفع كتير في الجمارك، لكن بتريح نفسك بحيث انك تشيل في يدك
حاجة خفيفة لو طيران ، وممكن تزودها لو بحر.
خامساً : حاول استعين بالمعارف والأصدقاء في المطار والميناء شان يستلمو ليك عفشك
يعني أنا اخوي الكبير شحن لي عفشي كلو باسم صديقه في الميناء بستلمه ومن هناك بشحنو للبيت وكلو بحسابه وأهم شيء ضمان وصول العفش
لأنو لم يكون مشحون باسم واحد شغال في المطار الناس اللي معاهو بحسبو
وربنا يوصلك بالسلامة انت وعفشك.
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: يوسف الطيب احمد إدريس)
|
Quote: عفوا اعزائي ولكن المعروف في عهد هذه الحكومه والله اي شيئ فاق حده
الجريمه استحدثت والحرامي اتفنن في السرقه وبقى علاقاته واسعه ممكن يحتمي بيها
المهم الجايه من السما تتلقاها الواطا والله يرحمك يا شعبي الابي |
الاخ حبيب اسماعيل
كان الله في عون البلد، مع الكيزان مش حتقدر تغمض عينيك، تخيل في أهم مدخلين للبلد يتسرق عفش المسافر، وللأسف عفش السودانيين بس
يعني ما حصل أجنبي فقد حاجة، كأنما شيء مقصود وللأسف الحرامي ما غريب، يعني ممكن نشال يجي من السوق العربي أو سوق بحري
عشان يسرق عفش المسافرين ويرجع ؟؟
لك الله يا وطني
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: مجدي عبدالهادي طبيق)
|
الأخ مجدي
فعلاً كلامك سليم وتساؤلك في محله ، بس المغترب المسكين ذنبو شنو على طول هو الحيطة القصيرة .
غربة، ضغوطات عمل، أعباء أسرية، أعباء مادية (تجديد، نقل...الخ)، تحويل للأسرة، التزامات اجتماعية (مرض، وفيات، أعراس) والمشكلة
الناس الجوة السودان فاكرة الناس دي برة بتلقى القروش واقعة في الأرض وماعارفين إنها بتطلع من بين فرث ودم.
تسلم وربنا يهون القواسي
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: يوسف الطيب احمد إدريس)
|
سلام عليكم صاحب البوست والمتداخلين الاعزاء ورمضان مبارك للجميع . بحكم سابق العمل بالميناء وبحكم المجال العملى سابقا ولاعوام عدة ولله الحمد اشير ان لا يخلو مجتمع من ظواهر سالبة اما مايتعلق بموضوع البوست ربما فقد البعض جزء من متاعه ونسب الامر على سرقات بالميناء من ناحيتى اؤكد على الحرص الشديد لامتعة الركاب من عدة جهات عسكرية كانت ام مدنية ويتلخص التاكيد فى الاتى :: فور وصول امتعة الركاب يتم الاستلام العفش من تريلات الباخرة بواسطة الشركة الناقلة عبر مناديبها ويتم التفريغ تحت اشرافهم بواسطة عمال اليومية الذين يمر عليهم الدور بواسطة مكتب العمل وهم كلات المؤانى المشار لهم فى اغنية مصطفى سيداحمد ووتتكون الكلة من اكثر من خمسة عشر فand#65275;د ويتم دخولهم للميناء باشراف الشرطة ومراجعتها لهم عند الخروج وينتهى دورهم بالانزال من التريلات ومن ثم يقوم مندوب الشركة بفرز العفش الواصل مثل وضع الاجهزة الكهربائية لحالها والعفش المشحون بالخاص لحاله والعفش التجارى والعفش العام وعفش شركات نقل الامتعة كالاسكلة والاخرين لحاله ايضا والمياء مخصصة لكل وكيل ناقل هنكر عقش خاص به وهومسور بالكامل وعليه غفراء من الشركات وافراد من شرطة الجمارك كخدمة ثابتة بالاضافة الى مباحث المؤانى واستخبارات الجمارك . وفى صباح اليوم التالى يكون الاستلام بواسطة اصحاب العفش ويتم مراجعة الاسم عبر سلطات الجمارك عند التفتيش هكذا الامر ...اما مايتعلق بالسرقات فاشير الى امور تفوت على كثير من الاخوة مثل رفع الفش فى تريلة ميناء جدة ظنا بان العفش سوف يصاحبهم ..لا سوف يتم ارجاع العفش الى حوش الشركة ورفعه فى الرحلة الاخرى او التى تليها فعندما يصل الراكب لايجد امتعته ويقدم بلاغه بالسرقة وهى اصلا لم تصل معه وهو فى عجلة من امره لكى يصل اهله فيصل عفشه بالرحلات الاخرى ويوضع فى زريبة المهملات والتى يتم حصرها واعلان اصنافها بالاسماء فى نشرات الموانى والجمارك بل الاعلان عبر الصحف ولا ياتى ذويها ايضا ... كذلك استلام العفش بالغلط خاصة الاغراض غير الموضح بالاسم ويفاجاء من يحملها الى بدلدانهم انها لاتخصه او ليست من اغراضه وبالتالى يبحث عن فتوى للتصرف فيها ..عموما الرقابة بالميناء شديدة وجميع العمال معروفين للاجهزة الامنية والشرطية ...مع شكرى لكم وناسف للاطالة
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: هادى جعفر محمود)
|
أنا أعتقد أن الأمر برمته يرجع لنا في طريقة تعاملنا مع حقائبنا، نوعية الحقائب التي نشتريها، إلتزامنا بالوزن المحدد، تغليف الحقائب الآمن في المطار، طريقة مطالبتنا بحقنا في حالة فقدان أو تلف حقائبنا، معرفة حقوقنا وكيفية المطالبة بها.
ربما تكون هناك بعض التصرفات السالبة من بعض العمال، لكن يجب أن نتذكر أن المال السايب بعلم السرقة.
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: حسن فؤاد)
|
الأخ جعفر محمود
وعليكم السلام
خليني أبدأ ليكم من آخر كلامك،
أولاً: أنا سافرت ذهاباً وإياباً سنة 2004 ورجعت 2005، وكنت شاحن عفش وشفت الفوضى الضاربة في الميناء .
ثانياً: لعلمك أنا ما اتهمت العمال، لأن العمال بالتحديد ما أظن يسرقو لأنهم خيط رقيق وأغلبهم بتعامل مع المسافرين يطلعو ليهم عفشهم
وياخدو حقهم.
ثالثا: الكلام اللي قلتو بنطبق على العفش المشحون ببوليصة وفي حاويات، أما العفش الطلقيت ساي فله الله .
رابعاً: أنا عندي أخوي سافر قبل رمضان الفات وشحن عفش بقيمة أكتر من عشرة ألف ريال وأنا كنت معاهو من المشترى للشحن هل
تعلم لحدي اليوم وصل جزء من العفش وباقي العفش لحدي الآن ما وصل فحين انو تم تسليم دفعة واحدة يعني ما قطاعي.
خامساً: ميناء جدة للأمانة ترتيب وسهولة في الإجراءات وبسرعة مع توفر آليات النقل يعني بالذات العفش الشخصي يدخل معاك الباخرة سوا
سادساً: أما موانينا فحدث ولا حرج فوضى إهمال وتسيب ودا بدي فرصة لضعاف النفوس يسرقو
سابعاً: حكاية الدخول لحوش العفش ولداخل الميناء عندنا ساهل جداً والله صادفت سواقين تكاسي داخل الحوش وفي مكاتب، أصعب حتة في موانينا
البواخر ماتقدر تدخلها ليه؟ لأن البواخر أجنبية والطواقم أجانب في الغالب شان كدا بشددو في مسألة الدخول.
ثامناً: بالنسبة لاختلاط العفش واللوم على أصحاب العفش دي مسألة انتهت تماماً، يعني عندك في جدة هنا ناس متخصصين في شحن وتربيط وتعليم العفش
بطريقة لا يمكن إطلاقاً يتلخبط وناس ماهرين جداً في المسألة وهم في الغالب من الآسيويين والباكستان غالبيتهم. يعني يوروك عفشك قدامك مربط ومكتوب فيه
اسمك وعناوين المستلمين في السودان، يبقى الإشكال وين؟ الإشكال عندنا بهناك .
وتسلم يا حبيب
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: يوسف الطيب احمد إدريس)
|
الأخ حسن فؤاد
إن كان في مشكلة عندنا نحن السودانيين مشكلتنا دايماً شغالين بمسألة عفا الله عما سلف، يعني لو راكب واحد وقف أي شركة شحن على رجل واحدة
وطالب بحقه وبتعويض عن أي ضرر صدقني ما كان في زول بقدر يتصرف في عفش المسافرين لأنو كان حيضغط الشركة والشركة حتضغط على سلطات
الموانيء أو المطار وحتحرص على عفش الركاب، أما نحن فقول يا لطيف زي ما قلت في مداخلة سابقة أخوي مشتري عفش بأكتر من 10,000 ريال وشحن
وتربيط وترحيل وتوصيل للبيت قرابة ال6,000 ريال ومن رمضان الفات لحدي اليوم جا جزء وجزء ما جا ، واستعوض الله في الباقي، مع إيماننا التام بالله
وفي عوضه، لكن في رأيي كان يضغط عشان يشوف الإهمال من وين؟
أما بقية نقاطك فرديت عليها في المداخلة السابقة العفش بالذات في جدة بقى عندو ناس متخصصين في رص وترتيب وتربيط وتحميله بطريقة احترافية
وبالنسبة لعدم التزامنا بالوزن وغيره الناس وعت كتير وبقت تعمل حسابها لأن الوضع ضاغط وماف طريقة تفقد أي شيءشان كدا غصباً عنها الناس
بقت تنظم نفسها، اللهم إلا الناس البشحنو مع طيبة الذكر سودانير عليها رحمة الله .
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: يوسف الطيب احمد إدريس)
|
الأخ التجاني عبد القادر
كيفك التغليف ما بحل بالذات في مطار الخرطوم عشان تفريغ العفش بتم بعشوائية شديدة ويفرغو في أكوام كبيرة، ومرات تلقى العمال طالعين في قمته وبفتشو ومرات في التفريغ
بحصل تلف للشنط وللأقفال وبتقع أغراض وطبعاً الأمانة قليلة وأصحاب النفوس موجودين على طول بحللو لنفسهم.
وربنا يعوضك عن الموبايل
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: يوسف الطيب احمد إدريس)
|
اخ يوسف
بارك الله فيك ... انا ح اقول ليكم اسلم طريقة تضمن بيها عفشك يصل سالم لا شنطة شرطوها ولا قدوها وطعلو الحاجات بالقد ... اي شنطة بتاعتك تعمل ليها (التغليف الامن ) في المطار انا ما متاكد من المينا اذا كان فيهو تغليف ولا لا ؟ المهم يلفوها ليك لامن الحراميه يحتاروا او وضع الشنطة داخل كيس او شوال ويتم خياطة خشم الكيس جيدا فبالتالي الحرامي بكون عايز طريقة سريعة للسرقة واذا ما لقا ح يصرف النظر
الجيعان حللو ليهوالميته والجوع كافر والناس البسرقو ديل ماناس الحكومة دي الغلابة .. ناس الحكومة حرامي كبار محترمين
عبدالكريم الاحمر
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: عبدالكريم الاحمر)
|
الأخ عبد الكريم
أهلاً بيك .. شكراً للتوجيه بس أنا مسافر بالميناء وزي ماقلت فوق عندي أخوي قديم في جدة، يعني شحنت كل عفشي في برميل وقفلناه بالطبلة بس المصيبة انو واحد معرفة في الميناء
قال اعملو حسابكم مرات البرميل في روحو بتفقد ربنا يلطف علينا
وكلامك عين العقل والمنطق فعلاً الجيعان عذره معاه، شوف سبحان الله حاجة عجيبة في السودانيين الواحد تلقاه عامل يومية ولا راعي شغال براتب ضعيف وبعدا لم يجي في الميناء
أو المطار بعدا يدي العمال والناس التعبانين الفيها النصيب رغم انو ملقطها زي دم الحجامة زي ما بقولو.
ربنا يلطف بعباده
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: يوسف الطيب احمد إدريس)
|
الأخ/الطيب والمتداخلين...السلام عليكم ورحمة الله وبركاته.
Quote: خاصة أنو المؤسم موسم اجازات والناس نازلة السودان وزخمة في كل مكان,
عموماً نرجو من الجميع الحرص والحذر الالتزام بكتابة اسم الراسل والمرسل إليه وغيرها من التدابير البعملوها المغتربين القدام، والعندو معرفة في الميناء أو المطار وخاصة إذا ثقة
يكتب الشنط باسمه ويديه الفيها النصيب ضماناً لأغراضهم نرجو من قدامى المغتربين يمدونا بتجاربهم |
بألأشارة لما تحته خط أنا من قدامى المغتربين وأسافر تقريباً بمعدل مرتين فى العام أنا وأسرتى والحمدالله لم أفقد شىء وهذا عن طريق المطار ولم أجرب سفر الميناء لأحكم عليه..
المشار إليه باللون ألأحمر خدمتنى كتابة رقم التلفون بأن مرة من المرات ألأسرة نست شنطة لم ترفعها بعد أن خرجت من مطار الخرطوم إتصلوا بهم وسلموها لهم كاملة........وقد ذكرت هذه الحادثة قبل ذلك عرفاناً بالجميل.......نسأل الله للجميع سفراً مريحاً وممتعاً...
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: ismeil abbas)
|
وعليكم السلام
الأخ الفاضل إسماعيل عباس
كما في حديث المصطفى عليه أفضل السلام (الخير في أمتي إلى يوم القيامة)، الناس الكويسين في، ما قلنا اتعدمو لكن بالمقابل في ناس نفوسهم ضعيفة، وناس طارفة
أنا زيك في شهر مايو الفات في مطار الخرطوم وجاي جدة نسيت نسيت شنطة كاملة فيها ملابسي كلها وأوراق مهمة، وقنعت منها بعد فترة واحد لقى رقم واتصل بناس البيت
سلمهم الشنطة، لكن الفقدان أغلب في الميناء وبالنسبة للمطار الغالب الأعم الإهمال وبالذات لو نزلت كم طيارة في وقت واحدة عينك ما تشوف إلا النور.
وشاكر مرورك
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: يوسف الطيب احمد إدريس)
|
الاخ يوسف الطيب
تحية طيبة
ظاهرة السرقات في منافذ السفر ( مطار أو ميناء ) بتنقسم الى نوعين :
سرقة كلية : يعني تتسرق الشنطة أو الكرتونة أو أي أي حاجة كلها وتختفي وتذوب تماما وفي الحالة دي ما بتنفع طبلة للشنطة ولا اسمك المكتوب عليها ولا رقم تلفونك ولا عنوانك
سرقة جزئية : ودا بتم بفتح الشنطة و( سلسلت الأغراض الثمينة بداخلها ) كالجوالات والالكترونيات الصغيرة والعطور والأشياء الثمينة والخ ... ولصوص هذه السرقات احترفوا حتى فتح كسر الطبل الصغيرة وعادة تتم هذه العملية في المرحلة ما بين نقل العفش من الطيارة الى أن يصل الى ( السير ) الذي ينتظر حوله الركاب لاستلام عفشهم , وغالبا ما تتم هذه العملية بواسطة عمال النقل والشحن .
بعد التوكل على الله عز وجل يمكن للتغليف الآمن بالمطارات حل 99 % من مشكلة فتح الشنط وأخذ أغراض منها , كلفته ليست باهظة ويتراوح سعر تغليف الشنطة متوسطة وكبيرة الحجم بين 35 الى 50 ريال على الأكثر .
| |
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: البشير دفع الله)
|
الأخ البشير دفع الله
أهلا بيك
أنا بقصد الجزء الأول (كلية) أها دي كترت وبشكل كبير ودي قضية البوست الأساسية، وشان كدا أنا نبهت لحل المشكلة دي تترسل باسم معرفة في المطار أو الميناء
أما الجزء الثاني (جزئية) فالسودانيين شغالين بتلتو ولا كتلتو، وبستعوضو الله .
وفعلاً السرقة بتتم ما بين السير والطيارة، ومرات في التفريغ من الطيارة والتحميل للتفريغ في حوش العفش.
بالنسبة لتكلفة التغليف اهلنا بقولو (البحل أمو كلو سمح)
وتسلم
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: يوسف الطيب احمد إدريس)
|
الاخ يوسف وضيوفك الكرام ..
السلام عليكم ..
زي ما اشار بعض الاخوان الحرص مطلوب .. ولابد من تغليف كل امتعه تغليف حراري
مع وضوع الاسم ورقم الهاتف .. واذا في طريقه كمان وضع بعض الاقفال عليها ...
قبل كم سنة سافرت بالسيارة عن طريق ميناء جده ..
ولم احرص على قفل الامتعة بالطبله ..
وعند استلامي السيارة في ميناء سواكن ..
لاحظت ان عداد البنزين نقص الى النصف مع العلم بانني ملأت التانك فل ...
كما اكتشفت اختفاء بعض الاغراض القيمة من الشنطه ..
ولا استطيع ان اجزم هل هذه السرقات حدثت في جده ام سواكن ...
المهم الحرص واجب .. وكما يقولون المال السائب يعلم السرقه ..
تحياتي ,,
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: محمد مجيدو)
|
وعليكم السلام الفاضل محمد مجيدو
هذا هو كلامي لو راجعت مداخلاتي انو الناس تحرص أشد الحرص من تغليف وغيره وترسلها باسم أحد المعارف أو الأهل الشغالين في المنافذ
لو تلاحظ أنو التحميل والتفريغ في ميناء جدة أكتر دقة وتنظيم وفي نفس بعتمد بنسبة كبيرة على آلات الشحن والتفريغ، ومع ذلك لا نستعبد شيء
أما أنا عندي الراجح المسائل أو الغالبية تحصل عندنا في الميناء والمطار للفوضى والعشوائية الشديدة والمجاملات في الرسميات.
وربنا يخلف عليك بأحسن مما فقدت
وشكراً للمرور
| |
|
|
|
|
|
|
|
|
|
Re: تنبيه هام للمغتربين وخاصة مغتربي السعودية (Re: يوسف الطيب احمد إدريس)
|
إلى الأخ هادي محمود
لم قلت في سرقات ما قلتها اعتباطاً ، الحين اتصل علي أخوي بناءاً على اتصال من المخلص وصاحب مكتب الترحيلات اللي شحننا 2 برميل كبير وبرميل واحد صغير باسمه أنه في برميل كبير
مشروط وفي برميل الصغير حقه مفتوح ومسروق ودي في ميناء سواكن ... شفت كيف، الله يعوض ويخلف بأحسن ويبارك.
وتاني تنبيه للجميع أرجو الحذر ،، الحذر ،، الحذر
| |
|
|
|
|
|
|
| |
يوسف الطيب احمد إدريس
أيمن محمود
مهدي صلاح
Mohammed Abuzaid
مجدي عبدالهادي طبيق
هادى جعفر محمود
عبدالكريم الاحمر
ismeil abbas
البشير دفع الله
محمد مجيدو
فيس بوك
تويتر
انستقرام
يوتيوب
بنتيريست