قسموا الوطن(ووحدته مريم في رحمها) فالمجد للجميله! مبروك داينال و مريم هذه الصغيره.

Quote: ما تتعرض له هذه المرأة وطفلتها وزوجها لعار كبير في وجه هذه الحكومة المجرمة الظالمة لكن هم عملوا السبعة وزمتا وأصبح لا يهمهم شيء حرية مريم واجب كل سودانى وسودانية وكل من يحترم حق البنى ادم في العيش الكريم تراجي رجائي أن تقبلي تحايا احد الأصدقاء معجب جدا بكتاباتك... وكمان تحياتى

Quote: الخلاصه ان مريم و دنيال قالوها بالصوت العالي ان المحبه بيننا كشعب واحد قسمه الساسه ممكنه. المجد للمحبين المجد للعشاق المجد لزراعي السلام بين شقي الوطن المقسم.

Quote: الاخت العزيزة أم حازم سلام فشلت حكومة الخرطوم من أن تجعل خيار التصويت للوحدة شيئا جاذبا للمواطن الجنوبي سوي بالسياسات الخرقاء الغير مدروسة التي انتهجتها في التعامل مع الشأن الجنوبي, الانفصال كان حسرة.. لان الوحدة ممكنة الانفصال كان زورا لان الوحدة موجودة في داخل الشعبين.. فشكرا للاسرة الصغيرة التي خطت نحو المستقبل على شوك التفرقة التحية لمريم ودانيال مودتي

Quote: هذا الحكم جائر، و ظالم، و مسئ للإنسانية لدرجة كبيرة، و لا يستند على أى أسس حقوقية أو دستورية، و فوق ذلك يصادر حرية الإعتقاد الدينى، و حق تغيير ذلك الإعتقاد. جائر و ظالم لأنه يفرق بين المواطنين على إساس العقيدة، و مسئ لأنه لا يحترم كرامة الإنسان و حقوقه الأساسية، و يسلب حق طفلة بريئة فى المجئ لهذا العالم فى مكان مناسب للولادة، وفى الحياة الكريمة. لا لحكم اللئام! الأخت Tragie Mustafa التحية لك، و عبرك التحية لمريم و دانيال، و للطفلة البريئة، التى رأت النور لأول مرة و أمها خلف القضبان. EmailProfileEditرد على الموضوع

Quote: الأخت الحبيبة والمناضلة تراجى .. كيف حالك وأحوالك يا تراجى .. أرجو من الله أن تكونى بخير وعافية .. مبروك لمريم ولدانيال .. وألف حمد لسلامتها وسلامة طفلتها .. حقيقة .. أخالها فى زنزانتها .. والحر يقطع ضنب الفار .. وهذه الطفلة الرضيعة البريئة .. ما ذنبها .. فى هذا الحر .. وكما قلت .. سواء للأم .. أم للطفلة .. كيف تكون حالتهما وهما فى السجن .. !!! ولكن هناك رب .. قادر أن يلهم الصبر .. وهنا رب قادر أن يجازى كل ظالم .. ولا أدرى .. كيف ينام الظالم وهو يخال الأم وطفلتها .. فى هذا الموضع الأليم .. كل هذا .. وذنبها الوحيد .. لأنها مسيحية .. !! نقول شنو بس .. الله كريم .. الرب يبارك حياتك .. يا تراجى .. يا أختى .. أخوك وعمك العجوز .. ارنست +++

Quote: Quote: يا تري ما قادرين تشوفوا كل هذه الروعه في هذا الانجاز البشري لمريم و دنيال؟! تراجي تعرفي نحن مشكلتنا كمسلمين باختصار شديد شنو؟؟ والله العظيم ما بنعرف نتمتع بدينا اي والله يعني بنقاتل بشكل رهيب عشان نصوره انو دين صعب وعايز التزام شديد وانضباط صارم يعني زي الزول البكون هو طيب فى الاصل لكن بصر انو يكون انوينغ مزعج ومتعب جدا للناس الحوله!!! ياخ اسي ده موضوع عايز ليهو راي فقهي زولة عاقله واتزوجت وهي بكامل وعيها وبتقول اني مسيحية تاني الكلام والمحكمة فى شنو؟؟ والله انا شخصيا اذا هي سعيدة باختيارها ده انا كمسلم سعيد لسعادتها جدا وبتمنى انو فى يوم ما تشوف جمال الاسلام من خلال سعادتنا دي وبدعو ربنا انو يهديها للاسلام. غير كده كمسلم ما عندي شئ تاني اقوله. ياخ الاسلام ده فى الاصل ممتع واحكامه ممتعه ايوه بقصد لفظ ممتع واذا ما عرفنا المعنى ده وعشنا بالمعنى ده لا حنرتاح ولا حنريح اي زول من حولنا وخاصة غير المسلمين. السنجك

Quote: هسة بالله الناس الما بخافوا الله ديل عايزين ييتموا الطفلة المولودة دي بسبب أختيار ولدتها لمعتقدها؟؟ مخليين القتلة و الحرامية الكبار حايمين مستمتعين من مال الشعب… و ماسكين في أم.. ولية مهيضة الجناح يسترجلوا عليها؟؟ الله لا كسب تجار الدين ... الله ينتقم منهم دنيا و آخرة حسبنا الله و نعم الوكيل

Quote: كنا محتفلون ياتراجي

Quote: يا سلاااااااام بوست رائع يا تراجي