|
انعدام الوقود في مدني
|
ابحث منذ صلاة المغرب عن ديزل لم اجده في كل محطات طريق مدني القضارف ولاداخل مدني وبعد صعوبة تحصلت عليه بسعر خيالي وهو 120جنية للجركانة المعني انو الجالون بسعر 30جنية غايتو لو الانقاذ دي ماجات اكان الجالون وصل 60جنية لينا الله بس
|
|
|
|
|
|
|
|
Re: انعدام الوقود في مدني (Re: سليمان القرشي)
|
يازول ات بي صحك الكلام ده في مدني ان بقيت كدي بي موية وكملت... شوف لينا معاك بالله تورين اقرنين غلاد شداد خلينا نزرع بلدات مشروع الجزيرة دي،، السنة دي الحواشة كلها نسجها عيش نحرت بالتور وما بنخلي بور فكرك ما بنمرق من السنة دي ؟
| |
|
|
|
|
|
|
Re: انعدام الوقود في مدني (Re: عبدالعزيز عثمان)
|
هلا ياعبد العزيز كيف حالك تعرف وانا بفتش اتزكرتك طوالي كدي ورينا وصلت وين في موضوع الطاقة الشمسية لانو الجاز غالي ومامتوفر ولو بالحالة دي اراضينا ياها البارت ساي بقن علينا اتنين ياعبده وقود مافي وبصل رخيص ههههه تسلم ياحبيب
| |
|
|
|
|
|
|
Re: انعدام الوقود في مدني (Re: سليمان القرشي)
|
سلام يا ريس
هناك حيلة من اصحاب الطرمبات وهى انهم يقومون بتعبئة الوقود فى براميل ويستأجرون شخصا يبيعه بالسوق الاسود لكن العائد راجع لصاحب المحطة نفسه وهذا الامر مؤكد مية المية .
| |
|
|
|
|
|
|
Re: انعدام الوقود في مدني (Re: يوسف أبو صالح)
|
تحياتي لكم مش والينا المجاهد السابق طه وقُع عقد لإنشاء خزانات و خطوط نقل بترول مباشرة للولاية ؟ ولا كلام ساكت ؟؟ الندرة في الوقود ستكون أكثر شدة في الآيام الجاية .. مافي أمل ، ستكون زراعة فدان أمرا مستحيلا ، أسعار الذرة وغيرها من السلع الاستهلاكية ستكون في ارتفاع مضطرد ... يا رحمة الله خريف قوي ... رحمة بنا وأنعامنا .. الشفيع
| |
|
|
|
|
|
|
Re: انعدام الوقود في مدني (Re: Alshafea Ibrahim)
|
Quote: ابحث منذ صلاة المغرب عن ديزل لم اجده في كل محطات طريق مدني القضارف ولاداخل مدني وبعد صعوبة تحصلت عليه بسعر خيالي وهو 120جنية |
سلام.... أقترح عليك الإتصال بالعقيد أمن حميتي .. فهو من بيده مفاتيح الحل و الربط في السودان الأن.... و بما أنكم في مدني ما بتكاتلو .. و معني ذلك أن ليس لديكم رأي.... فلذا يجب عليكم أن تترجوه فقط... و الله المستعان
| |
|
|
|
|
|
|
Re: انعدام الوقود في مدني (Re: يوسف أبو صالح)
|
حباب يوسف ودابوي صالح صدقت في كل كلمة قلتها وشوفت بعيوني عمال طرمبات لمن يكون الوقود متوفر بضربو للتجار والبراميل ماتديك الدرب نظير مبلغ من المال غايتو لينا الله بس تسلم
| |
|
|
|
|
|
|
Re: انعدام الوقود في مدني (Re: سليمان القرشي)
|
اخوي شغال في شركة كبيرة من شركات البترول العندها مستودعات بتوزع البنزين داخل وخارج العاصمة قال لما البنزين يكون فيهو ازمة بيعملوا ليهم اجتماع ويقولوا ليهم ولا كباية بتاعت بنزين ما تطلع من العاصمة..لانو بيخافوا الناس تطلع مظاهرات قام واحد قال ليهم لو ناس الولايات طلعوا مظاهرات..قام المسئول باستخفاف شديد قال ليهو يعني لو ناس مدني طلعوا مظاهرات حيصلوا وين ؟الكاملين؟ اتخيل الاستخفاف والحقارة وصلت وين!
| |
|
|
|
|
|
|
Re: انعدام الوقود في مدني (Re: رشا سالم)
|
هناك حيلة من اصحاب الطرمبات وهى انهم يقومون بتعبئة الوقود فى براميل ويستأجرون شخصا يبيعه بالسوق الاسود لكن العائد راجع لصاحب المحطة نفسه وهذا الامر مؤكد مية المية .
من جد ؟؟؟؟؟؟؟؟؟؟؟؟؟؟؟؟؟؟؟؟
يا اخى البلد ليها شهرين وتشكو من المواد البترولية خصوصا الديزل
| |
|
|
|
|
|
|
|