حميدتي.. حميدتي .. الحمو اليمعط راسو ...

Quote: يقال والعهدة على الراوي ان حميدتي و رفاقه الاطهار انهم بصدد رفع التمام الى رسول الله

Quote: أبلع .. أنت محتاج قطران! بريمة

Quote: يا جماعة ما تبطلو الضحك على الدقون ... الشعب السوداني فاهم كل البيحصل قدامو ... بس منتظر يشوف نهاية رفع التمام دة شنو ...

Quote: مش غلت ان ياتي حميدتي لادن ومرتزقته للخرطوم للتصييف بعد ان دحر القوات الثورية بكاودا ...

Quote: جاء الخرطوم يقبض المعلوم ويرفع التمام ،، وهندييييييييييييييييييييييييك كاودة

Quote: لو فهمت خير وبركة ما فهمت انا واصل مرحلة ما بقدر افهمك وشوت في اي اتجاه انشاء تجيب قون في روحك زي اتير توماس في اخر مباراة للقمة

Quote: .أخونا عمر دفع الله كيف الحال والأحوال. أنا قايتو فهمت الآتي: العقل الباطن لأولاد البحر - حكومه ومعارضه - بيعتبر أي سوداني جاي من الشماليه ليسرق السلطه من جرابيع القصر - إخوانه - وبالذات من حوش بانقا - يعتبروه وطني ، ثوري هو"للسلطه والسلطه له" وأي سوداني جاي من الغرب ليصحح أمر السلطه من جرابيع القصر بيكون علي طول غير وطني وغير فاهم ، مرتزق ، تشادي، حبشي، رباطي جهلول، نهب مسلح، أو هلفوت "السلطه ليست له ولاهي بتشبه" !. كأنما الوطن هو ماركه مسجله بإسم الشماليّه! لاحظ ، أحداث يوليو 67 ، ثورة دارفور 2003 ، الذراع الطويل 2008 ، ...إلخ بالله عليّك هسع العساكر من عبود ليييي البشير الختفو السلطه بالدبابه والأعطوا أرواحهم رتب ونياشين هل فيهم راجل يستاهل وبيملي العين من حيث الإستحقاق والواجب "الوطني" !! باعو حلفا ، حلايب ، شلاتين ومعظم حدود البلاد للمعتدين ولم نسمع قط واجهو أي عدو إحتل تلك الأراضي! هم وأمثال حميدتي سيان! كلهم جهلاء ، أبالسه وغير جديرين بقيادة حيوانات ناهيك من أن يقودوا بني آدميين. حميدتي كحرامي مثلهم إلا أنه يمتاز عنهم بخصله واحده وهي أنه شجاع لامن عوير! بيحمي كراسي جرذان هو أجدر بالجلوس عليها منهم! وهو زيهم في المستحقات الوطنيه: كسوداني، حرامي، جاهل ، قبلي،بيقول الله أكبر..! لكنه فاتهم بالشجاعه ولد صمداوي عينيهو حمرا ! من صنع حميدتي؟ صنعته الإنقاذ: ناس عمر البشير، علي عثمان ، نافع ، عبدالرحيم حسين، بكري حسن صالح إلي آخر هؤلاء الجرابيع وفي الحقيقه حميدتي أكثرهم جداره بالصلبطه علي السلطه لأنه بيحارب لهم في الشمس وهم بيحكموا الناس بإسم الدين في الضل! جدير بأن يرقي نفسه لمُشير بدل عميد صغيرون! مش هؤلاء الحراميه رقو أنفسهم بأنفسهم وهم جبناء !! الكليّه الحربيه البتعطي الأركان حرب لأمثال هؤلاء يجب أن تكون بجانب الحراميه الشجعان البيقاتلوا في الحر مش بجانب الحراميه البيحكموا الناس في الضل! عبدالرحيم حسين خريج الكليه الحربيه وكل دفاعه عن الوطن كان وسيظل بالنظر! ماذا فعلت تلك النياشين ، المقصات ، واللعالع! الحرامي حميتي خريج كلية "برا الخلا الحربيه" ماسك للجماعه الحدود وحامي ليهم ثغورها ودفاعاته ليس بالنظر وإنما بالدوشكا.. المفروض كل إسبوع يترقي يملأ كتفيّه ، رجليه وصدرو أوسمه ونياشين وأن لايطلب منهم ترقيه هو صاحب الزناد والقلم! واحده من خالات حميدتي قالت الزول أبـ عيونان صغار دا شقي عديل كدا ، مابخاف والله وثم والله لو زعل زعلو شين بالحيل: علي طول "بيجومس"مستعد يومين ماياكل ولايشرب وبإمكانه يقيف ويحط الشمس في صنقور راسواليوم كلو! ! "قيادات" الإنقاذ خايفين من الحركات المسلحه الدارفوريه ومحتمين في ضهر حميدتي وأمثاله .. سياسة أضرب العب بالعب! أو المُهمش بالمُهمش! مفترض البشير وحثالته مايكونوا قاده للحرامي حميدتي ، بل يكونوا خفرا ليهو ياتمرون بإمرته! في النهايه، حميدتي وعصابة الخرطوم ،.. كلهم كتالين كتلا.. كلهم مجرمين! الوحيد خسران هو الوطن! أتمني لو جومس ليهم بداخل الخرطوم وإستلم منهم السلطه ويكون تب ماقصر.. دائما الله بينتقم من الظالم بظالم أشقي منه! الله يرحم السودان ويغفر له وأن يخلصنا من الإنقاذ ومصائبها - ناس حميدتي ! البركه في الجميع وإنا لله وإنا إليه راجعون!