|
|
|
 Re: هلال- مازيمبي خواطر من داخل الاستاد (Re: د. ياسر عبد القادر)
|
تعرف يا دكتور
حكايتى مع الهلال ومازيمبى زى حكاية الزول الجننو البنقو !!!
مش بقولو ليك مجنون البنقو يفتشو أصحابو الشرب معاهم ويسوقو يضرب السجارة
فى نفس المكان والزمان ومع نفس الأصحاب
عشان العقل يرجع ليهو والشبكة تجمع من جديد ؟؟
حكاية رجوع بالزمن لى وراء ونقطة البداية
انا كنت ما بفوت حاجه للهلال والهلال كان عندى زى شهقة النفس
إلا خمسة مازيمبى خلتنى فى حالة كآبه كدا واترع ليك هزيمة ما قدرتا أتعايش معاها
ومن الزمن داك بقيت ما مهتم بما يدور أو مع من يلعب ولاكن فى داخلى هو هو الهلالى المستحيل يبدل الهلال
اها أول امبارح لمن الهلال كان لاعب مع مازيمبى شالنى الحنين داك وودانى أفتش حته حته عشان أشوف الهلال
زى ما تقول الحب العميق رجع تانى والهلال جرى فى شريانى
وعينك ما تشوف إلا الجزولى يدرعا ليك فى كديابا وخلانى أتقطر فرح
تحياتى وتقريشة محبة
| |
 
|
|
|
|
|
|
|
|
Re: هلال- مازيمبي خواطر من داخل الاستاد (Re: نجم الدين سعدابى)
|
ود البشري ياصديق
كانت هناك في الحلق غصة......و في القلب مغصة......
كان هناك تار بايت....إحنا ما بنرضي الحقارة للناس التانيين....خليك تجينا في دارنا
وأهلنا زمان قالوا ......ورونا العدو و أقعدوا فراجة
الهلال يا ود البشري كبير عندما ينازل الكبار
وأنا إقتنعت....بأنو الافضل مائة مرة أن يلاقي الهلال الاندية الكبيرة من أن يلاقي حمام حوض النيل هههههه
الهلال ناد يظهر مع الكبار فقط......لأنه ناد كبير و كفي
جاييك أوصف مشاهد ما بتتوصف و شعور ما بتوصف
مشاهد غلبني أصورها بالكاميرة المعاي
كنت قايل انو مافي زول بيفوتنا في حب الهلال ...فتواريت خجلا
هناك ماخلف الكواليس مالالا تستطيع كاميرا أن توصفه
وهناك مالا يمكن أن يستوعبه الجواسيس و الخونة و.......
جاييك أبو حتوت بما يسرك
| |
|
|
|
|
|
|
|
|
|
Re: هلال- مازيمبي خواطر من داخل الاستاد (Re: د. ياسر عبد القادر)
|
حيا الله صديقنا الهلالابى القح دكتور ياسر
لك التحايا مثنى و ثلاث و رباع
و انا اقول الدكتور دا مالو ما شفنا ليه بوست بعد المبارأة مباشرة
و هو اتارى قاعد ليه فوق راى و كان ممن ألهب الميدان حماسآ بأصواتهم الجهورة مما جعل كامبوس
آخر ربع ساعة لا يهتم بما يجرى داخل المستطيل الاخضر لانه اندمج مع حماس الجمهور
هو الهلال الذى تشد اليه الرحال حين منازلة الكبار
و هو الهلال الذى لا يرضى لجمهوره بالحقارة كما قلت اخونا ياسر
وقف الشامتون ينتظرون الهزيمة و كتبت صحفهم عن ان دفاع الهلال شوارع و تهكموا على بوى و اتير و جمعة
فزاد ابناء الهلال حماسآ و كانت موقعة التحدى
خرج بشه مصابآ و نقل مسساوى الى المستشفى و غاب كاريكا عن المبارأة
اسباب تجعل اعتى فريق يينهار عندها فرح الواقفون على خط التماس
و لكن هذه الظروف زادت ابناء الهلال عزيمة و كان لا بد لكلمة من صلاح الجزولى يخرس بها تلك الألسن التى تطاولت على رفقائه
و ذهب ابو الهل بالغنيمة و ترك لمن خلفه الحسرة و النحيب
شكرآ لك ياسر و نحن في انتظار ما كان من اسرار الملحمة داخل الاستاد
| |
|
|
|
|
|
|
|
|
|
Re: هلال- مازيمبي خواطر من داخل الاستاد (Re: د. ياسر عبد القادر)
|
شووووووووووف يا دكتور ياسر
شفت بوستك دا اهم بوست بعد النصر الكبير على الغربان
ما تخلي ضبانة حايمة حضرت الكورة ما توصفها لينا هنا
يازول انا سافرت من الدمام الى الجبيل عشان احضر الكورة في البيت (حوالي 80 كيلومتر)
ما تخلي حاجة بالله يا كتور
ومبروك لك ولي ولكل هلالابي
| |
|
|
|
|
|
|
|
|
|
Re: هلال- مازيمبي خواطر من داخل الاستاد (Re: د. ياسر عبد القادر)
|
| Quote: شاهدت سرجيو لاعب الهلال الجديد مذهولا و سألته فقال إنه جمهور عجيب وقال لي إنها بيئة مثالية لأي لاعب للابداع و هو يتمني أن يقضي موسما ناجحا مع هذا الجمهور الخيالي فتمنيت له التوفيق |
ألف مبروك الفوز على مازيمبي العنيد وعقبال الكأس بإذن الله
أما ما يخص اللاعب سيرجيو فأعتقد بأنه لاعب مستهلك ولا يضيف شيئاً جديداً للهلال
أتذكره كان لاعباً بالإتحاد جدة قبل عشرة سنوات في العم 2004
| |
|
|
|
|
|
|
|
|
|
Re: هلال- مازيمبي خواطر من داخل الاستاد (Re: د. ياسر عبد القادر)
|
في هذه اللحظة تحديدا ...بصورة لا إرادية قام كل من كان بالأستاد تقريبا بالقيام بحركات هستيرية لا إرادية...بكاء مختلط بصريخ مختلط بهتاف ...كل من كان حولي يحضن الاخر بصورة لم أشهدها من قبل
وكان فعلا تجسيدا للابيات
وقف مشاهدك يا زمن راجع دفاترك يا محال
في السكة موج أزرق هدر تاريخ ندر إسمو الهلال
| |
|
|
|
|
|
|
|
|
|
Re: هلال- مازيمبي خواطر من داخل الاستاد (Re: لؤى)
|
دكتور ياسر وضيوفك الكرام... تحياتي،
| Quote: المباراة بدأت الثامنة و النصف وهذه الصورة السادسة مساء و لا يوجد كرسي واحد فاضي لا بالمقصورة و لا الجانبية ....ولا الشعبية ( الكراسي خلف بدلاء مازيمبي محجوزة لمشجعي مازيمبي) ....قال لي مشجع بجواري أنه حضر الساعه 11 ظهرا للاستاد ووجد أن هناك من سبقه...... |
يا الله..
أزرق هدر....
يا لهذا العشق السرمدي!؟
ويا لعظمة جماهير الهلال بالمصاطب الشعبية..
فعشقهم لهذا الأزرق لا حدود له..
...
والله لو ارتفعت إدارات الهلال إلى مستوى تطلعات تلك الجماهير العاشقة
لتوشح الهلال وارتقى إلى مصاف التتويج إقليمياً وعالمياً...
--------------
التحية لجماهير الهلال بالمصاطب الشعبية خاصة ولعموم الأهلة
وأبارك لك ولجميع الأهلة هذا الانتصار المستحق على (مازيمبي)..
مع أجمل الأمنيات لهلال السودان بتحقيق نتيجة طيبة في مباراته القادمة أمام الزمالك
- ---
آمل أخي ياسر رفدنا بالمزيد من تلك الخواطر والمشاهدات .. ودمتم
| |
|
|
|
|
|
|
|
|
|
Re: هلال- مازيمبي خواطر من داخل الاستاد (Re: نصر الدين عثمان)
|
الف مبرووك العزيز ياسر
وفعلا شئ سعيد ان تحضر هذا الحدث الفريد
جمهور عظيم وشعب عظيم لا يستحق هذه الحكومة المتعفنة
الف الف مبروووك،،،،وفعلا الهلال لو لقي طرف شمال علي قدر باقي اللعيبة انشاء الله الكاس حقتنا
وكمان يا ريت لو يرجع لينا البرنس عشان تبقي الفرحة الف
مع خالص التقدير يا ياسر
مكي
| |
|
|
|
|
|
|
|
|
Re: هلال- مازيمبي خواطر من داخل الاستاد (Re: د. ياسر عبد القادر)
|
موقف لطيف::
وقفت معنا في صف الحمام مشجعتين من سيدات مازيمبي....وعند خروج التانية إنتقدت باللغة الفرنسية عدم و جود حمام للنساء و حالة الحمام أيضا مع إنو حمام المقصورة حالته كويسة...ولم تتوقع أن أحد الواقفين يجيد الفرنسية فدار هذا الحوار:
أنا: c`est pas gentle madamme
هي: Oeeeee, parles francais monsior??
أنا : Oui madamme
هي: Pardon monsiour, je, je je ......
وفرت عليها الحرج وقلت : C`est bonn madamme, pas probleme, c`est normal
و إنسحبت و هي تتمتم بكلمات الخجل...وقال لي الواقف بجواري ويبدو أنه لم يفهم شيئا : شكلك أخدت حقك من الدامة دي كلام؟؟؟
قلت ليهو : أخدت حقنا مش حقي
ههههههه
| |
|
|
|
|
|
|
|
|
|
Re: هلال- مازيمبي خواطر من داخل الاستاد (Re: د. ياسر عبد القادر)
|
هناك إإحتمالان لإصابة عدد من لاعبي الهلال أثناء المباراة كبشة و مساوي.....
- الاول أنهما لعبا بحماس زايد تأثرا بالجمهور...
= ثانيا...هناك خطة نفذها لاعبي مازيمبي بالتخلص من مصادر خطورة الهلال بأي طريقة ( وهذه خطة يبدو أنها بتوصية...)
الخيار لكم
| |
|
|
|
|
|
|
|
|
|
Re: هلال- مازيمبي خواطر من داخل الاستاد (Re: د. ياسر عبد القادر)
|
بعيدا عن الكاميرا ....لدي ملاحظات علي بعض اللاعبين و متأكد بأن الجهاز الفني قد إنتبه لها :
-أتمني أن لايعود صلاح الجزولي لما بعد منتصف خط وسطنا في حالة فقدان الكرة خاصة و هو خط هجومنا الاول....ثانيا أتمني منه مطاردة لاعبي دفاع مازيمبي كما يطاردهم بكري المدينة عند فقدان الكرة....عدا ذلك هو في الطريق الصحيح
| |
|
|
|
|
|
|
| |
د. ياسر عبد القادر
محمد البشرى الخضر
الصادق صديق سلمان
طارق ابراهيم ابوالفضل
ismeil abbas
سفيان عثمان قرضيه
Fatima Alhaj
abuguta
ياسر منصور عثمان
نصر الدين عثمان
لؤى
mekki
الفاتح شلبي
عبد المنعم سيد احمد
فيس بوك
تويتر
انستقرام
يوتيوب
بنتيريست