|
|
 غربان مازيمبى حامت فى سما الخرطوم ...... وقصيدة
|
قصيدة بعنوان : غربان مازيمبى حامت فى سما الخرطوم
على الرغم من أننى لظروف عدم نقل المباراة مباشرة ومشاهدتها متقطعة على النت وتزامنها مع وقت تلاوة وتفسير القرآن الكريم بالجمعة وهو برنامج ثابت محافظ عليه والحمد لله منذ قدومى فى أول شهر الى بيرمنجهام وكان ذلك فى فبرابر 2009م ألا أننى تابعت الربع ساعة الاولى وغادرت للتلاوة وبدأت أهاتف الاخ ( عادل ) لمدنى بأخبارها وقد كان !!! واليوم وانا فى طريقى للعمل بدأت فى تجمييع خيوط هذه القصيدة والتى رغم أننى كنت أرغب أن تكون أقوى من ذلك إذا تم لعبها فى يوم غير الجمعة !!! وعلى العموم أقبلوها بحالها فإلى القصيدة :
غربان مازيمبى حامت فى سما الخرطوم
(كاديابا أبشعير ) قال الليلة يوماً شوووم
ما شاف الرقيص وما كبرولو ( الزوووم)
وصلاح الجزولى بالشبال حماهو النوووم
***********************
يا دووب عرفو الهلال عاتى وكبيير القوووم
ويا ما زيمبى مطلووب ....والنقاط بالكوووم
ما تقرّب عليينا .... وعلى الهلال ماتحوووم
فى الجاية أكييد ........ تتعب تقع وتقوووم
***********************
جماهيرنا الوفية حضرت ... بعييده تخوووم
وكان عقد الهلال ... يا هو الفرييد منظوووم
أخوان مساوى خلو مازيمبى كييف محروووم
ولى بشّه نكفّر.......أخوانك هلال ونجوووم
***********************
ختينا النقاط........وكايسيين زياده أكيييد
وهلالنا هلال رجال ... وهلالنا قووه عنييد
يا رب فرحتنا تبقى زى فرحة ليالى العيد
ونفرح وننبسط ......ونكتب قصيد وقصيد
***********************
يتواصل فرحنا .... فرحنا وللفرح حانعيييد
مع زمالك مصر .... حانعصر عليهو شدييد
نطلع بى انتصار ... يزيد رصيدنا رصييد
نتأهل بى جدارة ..... ونزيييد نقاطنا نزيييد
|
|
 
|
|
|
|
بشرى مبارك ود السقاى
فيس بوك
تويتر
انستقرام
يوتيوب
بنتيريست