|
|
 أزمة العالم كلها في جميع النواحي أصبحت أزمة أخلاق، إذا اتحلت أزمة الأخلاق، يبقى إتحلا كل شئ
|
إي حاجة تمسكا.. تحللا... تلقاها في النهاية أزمة أخلاق.. أزمة تربية... أزمة منهاج.. في الاقتصاد في السياسة في التعليم.. في الطب.. في الهندسة.. أي أي حاجة
إذا عندك منهاج صحيح.. سليم.. متكامل.. قدرت ربيت بيهو ناس وفكيتهم في المجتمع.. بعد دا كأنك أهديت للمجتمع درة من الدرر وقمة من القمم.. لأنو الزول الربيتو صاح دا! تاني ما يتخاف عليهو.. ولا أنت بتخاف منو.. ودي ما ضروري تعرف لما الناس يمسكوا الحكم ناس بهذه النوعية.. لا.. شوف جارك .. شوف أستاذك.. شوف بتاع الدكان.. شوف سائق البص..
انعدمت ألأخلاق فانهار كل شئ
الإنسان ذاتو.. ما عارف نفسو جاء من وين؟ وماشي وين؟ ونهايتو وين؟ عشان كدا عايز يخم.. أقرب فرصة لقاها.. في مال.. في إدارة.. عايز يخم.. عايز يغرف غرفتو ويمشى.. لأنو عارف هو دي فرصة العمر.. ما جاءت لديك.. لو دامت لى غيرك..
في ناس عندهم دين مفروض يكون عندهم منهاج تربية
في ناس ما عندهم دين برضو مفروض يكون عندهم منهاج تربية والآ منهاج بوليسى يقرهم على مصلحة الآخر
لما انفرطت سبحة الأخلاق وتشتت خرزاتها، انفرط أي شئ وما قويت الأخلاق أمام المد الحضاري الغربي خالص..
لذلك حقو مصدر البحث لكل البشرية يكون في مستقبل الأيام عن منهاج أخلاقي.. راقي.. عتيد لاتزعزعه عواتي الأيام حينما يكون أصحاب هذا المنهاج في سلطة أم إدارة مجموعة.. أو إدارة جمعية تعاونية حتى
أفتكر البحث عن منهاج الأخلاق الذي عليه يتربى الناس تربية صحيحة هو مفروض يكون مجال البحث مستقبلا
|
|
 
|
|
|
|
|
|
|
|
Re: أزمة العالم كلها في جميع النواحي أصبحت أزمة أخلاق، إذا اتحلت أزمة الأخلاق، يبقى إتحلا كل شئ (Re: منصوري)
|
لو الإنسان قدر يعرف الضبط هو جاي من وين ؟
وماشي وين؟
والهدف من وجودو في هذه الدنيا شنو؟
وهو محاسب على أصغر الصغاير.. وإنو الحساب موش بيتأجل لغاية يوم القيامة.. الحساب وقتي ولحظي.. بعدين يتمم بحساب يوم القيامة.. هذا ما يخص أصحاب الديانات وعلى رأسها الإسلام.. أيضاً أصحاب غير الديانات مفروض يكون عندهم منهاج تحفيزي.. بوليسي حتى .. نافذ سريع مراقب.. يخلق ضمير.. يؤرخ لنشأة ضمير عندهم لكي تساعد في دوران عجلة المجتمع..
العلم إنداح بتقنياته كلها.. وسال وماع في الحياة.. لكن ما وجد أصحاب أخلاق تقدر تضبط هذا العلم فحصلت المفسدة..
إذن أزمة العالم أزمة أخلاق.. أزمة قيم.. أزمة ضمير..
لو وجدنا منهاج تربية قادر على تربية الفرد تربية صاح.. بعدين الجماعة بي تتربى
وكا ياخذ الجسد الذي خلق في هذا العالم عالم الأرض حظو كلو من الكمالات والمتع والعافية والصحة وتفتق المواهب والاستمتاع بمباهج الحياة لكل القاطنين على ظهر هذا الكوكب بالتساوي..
| |
|
|
|
|
|
|
|
|
|
Re: أزمة العالم كلها في جميع النواحي أصبحت أزمة أخلاق، إذا اتحلت أزمة الأخلاق، يبقى إتحلا كل شئ (Re: منصوري)
|
Quote:
لو الإنسان قدر يعرف الضبط هو جاي من وين ؟
وماشي وين؟
والهدف من وجودو في هذه الدنيا شنو؟
وهو محاسب على أصغر الصغاير.. وإنو الحساب موش بيتأجل لغاية يوم القيامة.. الحساب وقتي ولحظي.. بعدين يتمم بحساب يوم القيامة.. هذا ما يخص أصحاب الديانات وعلى رأسها الإسلام.. أيضاً أصحاب غير الديانات مفروض يكون عندهم منهاج تحفيزي.. بوليسي حتى .. نافذ سريع مراقب.. يخلق ضمير.. يؤرخ لنشأة ضمير عندهم لكي تساعد في دوران عجلة المجتمع..
العلم إنداح بتقنياته كلها.. وسال وماع في الحياة.. لكن ما وجد أصحاب أخلاق تقدر تضبط هذا العلم فحصلت المفسدة..
إذن أزمة العالم أزمة أخلاق.. أزمة قيم.. أزمة ضمير..
لو وجدنا منهاج تربية قادر على تربية الفرد تربية صاح.. بعدين الجماعة بي تتربى
وكا ياخذ الجسد الذي خلق في هذا العالم عالم الأرض حظو كلو من الكمالات والمتع والعافية والصحة وتفتق المواهب والاستمتاع بمباهج الحياة لكل القاطنين على ظهر هذا الكوكب بالتساوي.. |
حبيبنا المنصوري جزاك الله خيرا حقيقة البشرية في ازمة !!والتحدي الذي يواجه البشرية كبيرة
| |
|
|
|
|
|
|
|
|
|
Re: أزمة العالم كلها في جميع النواحي أصبحت أزمة أخلاق، إذا اتحلت أزمة الأخلاق، يبقى إتحلا كل شئ (Re: منصوري)
|
تحياتي الاخ منصوري
والشاعر قال ..
انما الامم الاخلاق ما بقيت
فان هم ذهبت اخلاقهم ذهبوا
بالتاكيد محتوي بوستيك ده ..هو جوهر الاديان اللسماوية
لكن من يختطفون الدين الان حصروا مفهوم الاخلاق
في بعض الممارسات الشخصية جدا .. وتناسوا متعمدين
تلك الممارسات المتعدية والموذية لانها تتعارض ومصالحهم
الانية .
المنهج المطلوب ليس سماويا ولا يحتاج منا ان نستحدثه
فقد كان فينا ومن حولنا .. ودون شعارات براقة ولا هتافات خاوية
يكفي جدا ان نوقف النهج الحالي ونعود الى سابق عهدنا ...
فنصلح ديننا ودنيانا
| |
|
|
|
|
|
|
|
|
|
Re: أزمة العالم كلها في جميع النواحي أصبحت أزمة أخلاق، إذا اتحلت أزمة الأخلاق، يبقى إتحلا كل شئ (Re: منصوري)
|
السياسة أزمة الأخلاق وعدم التربية عمتا
الإقتصاد أزمة الأخلاق وعدم التربية عمتو
الاجتماع أزمة الأخلاق وعدم التربية عمتو
......
الديمقراطية ذاتا عدم الأخلاق وعدم التربية عمتا
الاشتراكية ذاتا عدم الأخلاق وعدم التربية عمتا
الشيوعية عدم الأخلاق وعدم التربية عماها
الماركسية عدم الأخلاق وعدم التربية عماها
العلمانية عدم الأخلاق وعدم التربية عماها
وتفرع من ذلك..كل فصايل الحياة بضعف الأخلاق وعدم التربية
بقت في أزمة أخلاق في المستشفيات والسرير الأبيض
بقى في أزمة أخلاق في الجامعات والتعليم عامة
أزمة أخلاق وعدم تربية في الشغل والتوظيف
أزمة أخلاق في عالم العولمة والشبكة الأثيرية والعنكبوتية ومد التواصل الاجتماعي في البريد الالكتروني والفيس بوك والواتساب وجميع خيوط التواصل
ثم نجي شوية شوية نفسر ونشوف وين ضربت أزمة الأخلاق بأطنابها
| |
|
|
|
|
|
|
|
|
|
Re: أزمة العالم كلها في جميع النواحي أصبحت أزمة أخلاق، إذا اتحلت أزمة الأخلاق، يبقى إتحلا كل شئ (Re: Adel Mohammed Abdulrahman)
|
عادل أزيك...
تسلم
معليش أنا ما جمال المنصوري
أنا منصوري فقط... جمال المنصوري عضو آخر في هذا المنتدى
.............
نجي لى موضوعنا
الإنسان بطبعه أناني... مجبول على حب الأنا
جات الأديان السماوية تعلمه الأخلاق.. وجاء الحكماء في المجتمع يعلمونه الأخلاق... وأن يكون هنالك اعتبار للآخر وللمجموعة.. وكلما قل توحيده أو إيمانه بأفكاره المعنية.. سماوية كانت أو أرضية .. كلما ضعف توحيده بذلك زاد حبه لشهواته كلها من المال والجاه والسلطة والتسلط.. وإستحواذ كل شئ.. برضو الخوف من المستقبل.. لذلك تراهو يعادي ويكنز ويستحوذ.. وقد قال نبينا صلى الله عليه وسلم: لو توكلتم على الله حق توكله، لرزقتم كما يرزق الطير، تغدو خماصاً وتروح بطانا)
يعني الطيرة ما عندها مخزن تخزن فيهو ولا بنك.. بس متوكلة على الله تروح جعانة وتجي شبعانة.. فالإكتناز في ديننا الإسلامي جريمة كبيرة.. لأنك كنزت من وين؟ كان ما أخذت حق غيرك..
هم رسول الله صلى الله عليه وسلم بالصلاة ورفع يديه بالتكبير.. وفجأة هرول الى حجرته ثم عاد وصفوف الصلاة قائمة.. فاستغرب الصحابة عليهم الرضوان..
قال لهم: ( لعلكم راعكم ما فعلت
قالوا: ( بلا يا رسول الله )
قال: ( تذكرت أن في بيت آل محمد درهماً، فخشيت أن ألقى الله وأنا كانز)
أي أرفع يدي بالتكبير.ز ولكن ليس الله كبيراً في قلبي.. كبير الدرهم المكنوز في بيتي.ز لذلك مشى أنفقوا ثم عاد ليكبر بالصلاة ليكون الله كبيراً في قلبه..
ماذا ينتج منا لو اتبعنا قدوتنا رسول الله صلى الله عليه وسلم حق اتباع
هذا هو ديننا
| |
|
|
|
|
|
|
|
|
|
Re: أزمة العالم كلها في جميع النواحي أصبحت أزمة أخلاق، إذا اتحلت أزمة الأخلاق، يبقى إتحلا كل شئ (Re: منصوري)
|
حتى السرير الأبيض أزمة الأخلاق طالتو
تجازف في أي شئ ما تجازف في الهندسة والطب.. ليس الطب والهندسة وحدهما ، ! وإنما هذا للإستدلال والخطورة..
وإلا فإن أي تخصص في مجاله هام وهو سيد الموقف في حينه، يتفوق على غيره، حينما يرز الى السطح.. حتى البي تعوس الكسرة ( الكسّارية ) تخصصها مهم في بابه، حينما يعرّج الزمان عليه وإليه، عندما تجوع، ولو كنت دكتوراً.. إياكا راح لى ست الكسرة.. في هذه اللحظة التى جاع فيها الدكتور وراح لى ست الكسرة ينقر بابها، ليفك حر مصارينه بكسرتها! أصبحت ست الكسرة دكتوراً بدله.. لذلك قلنا أي تخصص مهم وصاحب الوقت في حينه
كم من طبيب قبضوه يمارس الطب ويفتح روسين ناس وهو لايعرف من الطب إلا اسمه
| |
|
|
|
|
|
|
|
|
|
Re: أزمة العالم كلها في جميع النواحي أصبحت أزمة أخلاق، إذا اتحلت أزمة الأخلاق، يبقى إتحلا كل شئ (Re: منصوري)
|
لأنو أبوهم.. مافي أعز منو
دخل المستشفي 85 سنة وفي سوداننا الغالي
كلو عشان المستشفى الخاص يزيد غنى
وعشان أولاد الفقير يزداوا فقرا ودين
عشان أزمة أخلاق
عشان مدير المستشفى يقول الدكتور دا بيجر عائد للمستشفى
عشان كدا لما يجيه المريض
عايزن صورة أشعة .... وهو ما محتاج ليها
عايزين اسكانار وهو ما محتاج ليها
عايزين رنيين مغنطيسى وهو ما محتاج ليها
حاضرين يا دكتور نسويهم ليهو .. بس كيف أبونا يلقى طعم العافية
اتضح إنو ما محتاج أبوهم إلا لفحص الدم والبول
لكن عملوا كل ديل
بل
وقال لهم الدكتور الما دكتور أصلا
بالمناسبة جايينا الأسبوع الجاي
خارباتريشوف.. وهو الإخصائي الأول في المخ في جورجيا.. مخصوص جايباهو مستشفانا.. ممكن حالة أبوكم دي نعرضا عليهو
واتضح إنو أبوهم ما محتاح لى خارباتريشوف.. بس كل الحصل
السيد الما عندو أخلاق مدير المستشفى الخاص.. العايز يرفع المليار فوق المليار
عمل اجتماع الأسبوع الفات بكل طاقم المستشفى الخاص في فندق ( أزمة الأخلاق ) خمسة نجوم وعمل عشاء عمل لكل التخصصات الهامة في مستشفاه.. الممرضات والكتبة ما دعوهم
وعلى أنغام ذبح المرضى غنت الفنانة صاحبة الصوت الرخيم.. والرخيم هذه من الرخمة وليست الرخامة.. وزمان لما الحيوان ينضم.. قال أب نعوف راجل بت كلتوم.. الرخمة قالت ( أنا أخير من البقعد مع نسابتو ) وهي دلالة على أنك تسوق عرسوك وتقوم من أول يوم ما تكلف أهل العروس..
كل ما في الموضوع أن الجهامة المتجهم مدير المستوصف الطبي الخاص الذي لايفهم في الطب شيئاً ولا يعرفه.. إلا أنه شعر سريع العائد والربح.. فأسس مستشفياُ ليربح..
قام قال لكل اسطاف المستشفى المهموز في إمعائه بخيرات هذا المدير الجهامة .. في بوفيه عشاء هذا المدير.. المحلي بأم علي.. الفاكي الخرمة من سجاير علبة المدير.. الموصل الى بيوته الى الحارة 90 الثورة بعربة المدير الكبيرة
بعد كل هذا لابد أن يعرض السيد المدير الموضوع الهام في اجتماع عشاء العمل لإسطاف مشفاه.. نجي نحكي
| |
|
|
|
|
|
|
| |
منصوري
osama fadlalla
فيس بوك
تويتر
انستقرام
يوتيوب
بنتيريست