كتب الكاتب الفاتح جبرا المتوفرة بمعرض الدوحة
|
Re: تــــــــعــــــــالـــــــــــــــــــــوا نــحــــــب 2 (Re: محمد مختار جعفر)
|
دكتور سلام كم سلام تعالوا نحب جميل متى ؟ كيف ؟ وأين ؟ الحب كقيمة إنسانية مهم ومطلوب بكل حزافيره لكن أي حب ؟ شكله ولونه ودمه ؟ درجة الاهمية تكمن في تفاصيل بقاء الي أي درجة ؟ وأي مضمون ؟ صور إشراقه وبهاء حسب حجم التعريض الفينا
..........................
رحلت أسارق ضئ السحاب فاضت ينابيعك نهر إحتواني شهيق حضنك سكون رفرف عشقي بحورك إنتظار رحلت من تاني اشتهيك
| |
|
|
|
|
|
|
Re: تــــــــعــــــــالـــــــــــــــــــــوا نــحــــــب 2 (Re: وضاحة)
|
وضاحة وانا برضو قلبي لك
دقت مزازيك الفرح بيتنا اللي كان كايس زنابق الامنيات الليلة بالورد انشرح كمين زمن وانا بين فصول زاهي الربيع مرات اناغم بالسلام مرات ارسل ابتسام ومرات احس عقلي انشغل سافر سرح وصبرت شان يمكن قليب الزول يحن ولما منك جاني ارهاص البشارة حرفي الموله بي ملامح الوردة كم من بين مسامه شهق لحون حسنك رشح واتوهج الشوق اللي كان في الجوف كمون والمفردات عبت مواعين الكلام بي شوق صدح وفتحت ليك كل المسارات للدخول كانت شبابيك الهوى مشراع قدومك والحنين ودخل سناك يا بهجة العمر الندي جواي بَوح وانكشح صهلت خيول القافيات كالريح تولول في الفضا وجريت عليك يابنية من عبق الدميرة ومن دعاشات الخريف يلاك ارح اتعطري واتدللي وخلينا نرقص والمطرة تتنازل كبيب ايقاعنا من مردوم ومن تمتم ومن شتم الدليب لمن نضح خلينا نرقص والحلم جوانا يكبر والعشم نقفل مسام قاتم الحزن وانا بهدي ليك كل الفرح للامنيات القادمات للمفردات الجاية من رحم الوجع تتنزل الكلمات قصيد حيا نتح يلاك اغنيك الهوى عشق الحبيب الما بخاف من ملاواة الحروف او من معاندة المعاني القاسية للوصف البيشبه لون ملامحك وروعة البهجة البتمرق من عيونك لما في لحظة صفا قلبي انتبه ليهن لمح يازولة آخ من لون روايعك يشبه جميل الامنيات ويشبه خيوط منسوجة جد من قوس قزح وبس
| |
|
|
|
|
|
|
Re: تــــــــعــــــــالـــــــــــــــــــــوا نــحــــــب 2 (Re: محمد مختار جعفر)
|
Quote: كلام الحب ده بعجب البنات والنسوان بالحليل ، لأننا نحن السودانيون ، الرجال طبعاً ، عندنا في الحته دي شوية عترسه ، لأنو الحكاية ماركوب ركوب موجة طبعاً .. خليتك بعافية |
وبعجب الكائنات جميعها ######ك لما تناديه بصفارة جميلة بجيك يهز ذنبه قطتك لما تشوفك بتجي تتمسح فيك حديقتك لما تكون معتني بيها وبتشذبها وتسقيها دوما بالمناسبة دخولك عليها بيكون شكلها مختلف من دخول غيرك عليها اذن الحب ليس هو حب رجل لامرأة بالمفهوم الساذج بالمفهوم الرباني ( زين لكم حب الشهوات واالشهوات هنا ما تشتهي انفسكم وقال المصطفى تهادو تحابو ما تبقى زول كشر و دشن خليك خشن
بعدين مش قال ( تذروهن في انفسكم ولكن لا توعدوهن سرا ) الحب ما بالجردرة بالمودة الصافية بي طيب الصلات وخليك قريب ياود جعفر
| |
|
|
|
|
|
|
Re: تــــــــعــــــــالـــــــــــــــــــــوا نــحــــــب 2 (Re: Asma.A.Salih)
|
Quote: على كلا ... السؤال هو / متى ينزل آدم السوداني من عليائه ويعلن خضوعه لروعة الحب ؟
او بالدارجي ( لمتييييييييين لمتيييييييييين يا بشر ) ؟؟ |
لمتين .. لمتين ..
لمتين يلازمك في ... هواك مر الشجن ويطول بايامك سهر ... ويطول عذاب يا قلبـــى لوكانت ... محبتــــه .. بالتمن يكفيك هدرت عمر ... حرقت عليه شباب لكن هواه أكبر ... وما كــــان ليه تمن...
أستمعي إليها من الفنان القامة ، عثمان حسين .... ياسلام ..
| |
|
|
|
|
|
|
Re: تــــــــعــــــــالـــــــــــــــــــــوا نــحــــــب 2 (Re: د.محمد حسن)
|
11 hrs انا وانت والليل والسهر وحلاوة الوجد المقيم وحديث طويل عن ارتعاشات الظلال وعن حكايات الهوى النديانة بالشجن الاليم وسرحت في عينيك لحظة ساقتني اللحاظ البترة شقت فيني عرق الريدة واتناتح جوى وغرقت في عالم صفاك وعرفت انو البسمة في جواها كم تحمل عذابات من قديم وهمست ليك تعالي في صدرا هواك خليه يضمك ويحتويك وزفرتي اهة منك مرق لحن الاغاني الحالمة تتراقص تعاند كل مواقع القسوة في الحالة العقيم غنيتي لي غنيت معاك ياحاجة تمرق من نفس نيلا زفر وجده الحنين على الخلوق .. شان ما تحس في لحظة ضيم واتناوبت فينا الاغاني واتبرجت ليك مفرداتي بي كل الوان الجمال واتمخطرت ليك في دلال يابنية من قسم الاله حرفا عظيم لحظة شهقتك كان حدث كان انفتاح نفاج مدارات الغرام كان انبثاق حرفا جديد من بين مسامات الكلام وايقاع بياخد من نبض قلبي الرزيم وينك زمن كان الزمن ماخد مدارات الهوى النديان ؟ وما كان اغتراب جواي اتمدد مسافاتا على مد الحلم حواي اتراوح عليك شالك جنين الرؤيا في جوف الظنو ن ثم احتبستك في العصب ورحلت بيك ما بين بروقا وشاتي غيم الريدة ما بتعرف مواعيد للهطول الريدة مطر العينة في نص الخريف تنزل صبيبا تجرف موانع الاعتصام تدخل تخش جوة العضام ويتورد الانسان شعورا مستديم ونحن في عز الحنين قلتيها لي يازول بحبك اتزلزل القلب الخبر حالة الثبات اتناثرت بين شهقة النفس المرجرج وخفقة القلب الرقيق كل ابجديات الغرام رديت عليك بي كل مجاميع الحسيس ياااااااااااااااربي ديم وبس
| |
|
|
|
|
|
|
Re: تــــــــعــــــــالـــــــــــــــــــــوا نــحــــــب 2 (Re: د.محمد حسن)
|
يا دكتور محمد حسن بعد السلام إت يا زول بت أخوي ما قاعدة تشوف بوستاتك القاطعها من راسك دي ولا شنو؟ نحن ناس رجعيين بنحب من بلدنا ما برا البلد... سودانية .. لكن البوست بورينا الناس الفاقدين حنان لكن حب الواتساب دي ما بنعرفه. سمعت أغنية الواتساب البتقول .. ونسة وكلام واتساب؟
تحياتي كبـّاشي الصـّـافي
| |
|
|
|
|
|
|
Re: تــــــــعــــــــالـــــــــــــــــــــوا نــحــــــب 2 (Re: اخلاص عبدالرحمن المشرف)
|
اخلاص المشرف تحايا وسلامات كتيرة
وكلهم بسلمو عليك
وهاك الهدية
وقفنا على باب المطر انا والشجون واشواقي ليك نتلقى بادرات الدعاش نترقب الفال السعد من بين عينيك برق الوعد لما يتلاصف يصف راكم السحاب شعلة زناد قدحت والهبت العصب وسعدت بيك ايدي دابت في ايديك وبيناتنا كان تيار من الاحساس دفين ممزوج تلهف وانبعاثات من حنين ونحن بنعاين المطر وانفعالات السحاب لما ترعد وتتحول الاصوات سيولا من مشاعر عامرة بيك يلاك نرقص نتبلبل شديد ثم نغسل دي الحزاين وابقى في عينيك اعاين القاها رايعات المداين وتشديني ليك يتشد في الاعماق وتر ما بين خواطري وبين بدايات سوط المطر وهمست ليك انا ليك نذرت المفردات واجمل قوافي الريدة والشعر السمح واروع حروف شاردات اوشيها بي حسنك وبي روعة معاني الاندهاش يازولة كلما التقيك القى الفؤاد بي بوحه جاش ما قلت ليك؟! في ليلة كانت لونا ابيض سمعت زي صوت وشوشات ارخيت سمع كانت نجيمات تحكي بي كل الفرح وتوشوش القول للقمر كانت بتحكي عن جمالك وروعة النور في عينيك وفرحت ثم شعرت بالفيرة الشديدة كيف النجوم تهمس جمالك للنيازك وتوشوش القمرة الوحيدة ؟!! وعاينت ثم في لحظة صفا اخترت من بين النجوم اجمل جواهر ونظمت اسمك في الافق ومشيت عليك وانت جاياني ودحلتي في الفؤاد نيلين تفرعوا في الشرايين والقلب وحسيت معاك الانتشا وسكرت بيك وفضلت من دنك اكب لمن اتباقص الليل الندي واحتواني سحر جميل ودخلت في نورين هلة جبينك والفجر وبسمت ليك سقتيني زي طفلا غرير سقتك جمال انسانة ايديها الحرير وحسيسنا كان حس مشترك عصب الهوى الضمانا غير وكتبت في اول سطر من الافق انا ما بريد زولا سواك اصلا لقيتك يا الحبيبة بين الخلوق اروع ملاك وجمعت من كل الفصول اجمل اريج وهديته ليك وبس
| |
|
|
|
|
|
|
|