|
|
|
 Re: شخوص مارست الورجغة في الارض السودانية كيزان وابواق وكدا....!! (Re: Nazik Eltayeb)
|
الشئ الملفت يا كيكي نحن وعينا على حكومات نميري وعرفنا جميع وزرائها ومسؤوليها الكبار
ما شفنا واحد فيهم تعرض لشتائم زي ما تعرض له وزراء ومسؤولو الإنقاذ، شتايم الأراذل وعلى عينك يا تاجر
حتى حكومات الصادق المهدي في الديمقراطية الأخيرة لم يتعرض أحدهم للشتم الصراح دا
وأعتقد في تاريخ حكومات السودان منذ الاستقلال لم يحدث مثل هذا الشئ
شتائم تتنزل على رؤوس مسؤولي الإنقاذ من تصبح لغاية تمسي، يوميا، خاصة في الطاشر سنة الأخيرة
مش حاجة جديرة بالملاحظة فعلا؟
أفتينا يا كيكي كونك خبير في تفكيك الشخوص المتورجغين!
| |
 
|
|
|
|
|
|
|
|
Re: شخوص مارست الورجغة في الارض السودانية كيزان وابواق وكدا....!! (Re: عبدالكريم الامين احمد)
|
| Quote: يا كيكي الكوز الجر الساعة جرها براهو...و البشير وافقو....اصلو اقتراحو وافق هواهم ورغبتهم في سرقة عمر الشعب السوداني ولخبطت حياته....متمنية من زماااااااان اشوفو جارنو في شوارع الخرطوم |
هلا يا نازك
ووينك يااخ يا زولة يا ماسكة جمر القضية
وفعلا الجر الساعة هو الزول الأول الذي قلب الهوبة وبموافقة ومباركة بشة وبعده الدولة الرسالية القاصدة كلها جرت الساعة
والكيزان خربو أي حاجة حتي التوقيت الدولي وسطوة خطوط الطول في خارطة العالم خربوووها وورجغوها نواحي السودان
| |
|
|
|
|
|
|
|
|
Re: شخوص مارست الورجغة في الارض السودانية كيزان وابواق وكدا....!! (Re: عمار يس النور)
|
Quote: يا كيكي عليك الله حلليني أسغل كوز أنتجته البشرية أمين حسن عمر. بعض الناس يسمونه اب شفشوفه تشبها بالهالك القذافي.
و بعد ما تنتهي منو أدلف على برميل الشحم المتورم في السوداني (على قول مظفر النواب) حسين خوجلي.
وفي النهاية عارفك ما بتقصر مع صاحبك العبيط عبد العاطي الديك تور المشهور |
هلا عمار وشوق الشوق يا دفعة
واراك يا صديقي فكيت لي 3 من خيرة رموز العمل الكيزاني المتورجغ في سماء الدولة الانقاذية
وخليني اشوت ليك من (اب شفشوفة) وبجيك راجع لبقية المتورجغين كلا علي حدا فاي واحد منهم فيهو قبضة ونقة ثمينة خلاص...
ابو شفشوفة طارح نفسه ومنذ سنوات ما قبل الانقاذ كمفكر استراتيجي ومنظر اسلامونجي حداثي ورغم انو حظوظه كانت قليلة لتواجد شيخ حسن و غيره من المنظراتية الكبار كبار في سلم الهيكل الكيزاني..
تسلق ما بعد المفاصلة ونيفاشا نفشت ليه ريشه وكتب عند بني كوز كمفاوض نحرير لا يفقه كوعه من بوعه ولكن وباصرار عنيد واصل وهو محمولا علي اسنة الخواء الفكري والتنظيمي في الموتمر الوطني فصار يورجغ في قضايا الاعلام والسلام ومرات مرات بطلع طلعات متورجغة
تجاه تنظير في الاسلام السياسي ....وطبعا شخص ذي شفشوفة ده لمن يلقي مساحة وزمن وفلاشات ببرطع وبمتع الورجغة زااتها في روحها...
هم طبعا تيار كبير من المتورجغين الكيزان عاملين فيها (نخبة ومثقفاتية وكدا).. و ممكن تسميهم شلة بني كوز القرو في امريكا (سيد الخطيب واخريين نموذجا)..
شفشف ماسك في نظام البشير بايديه وكرعينه لانو لو بشة والنظام راحو في القازوزة شفشف ح يلحق غنم زهرة كونه نخبوي عديم موهبة يستمد كل اشيائه من الدكتاتورية ..والدكتاتورية فقط...!!
دارت حولة شبهات ورجغة فسادية نواحي مدارس كمبريدج والموضوع راح مع غسيل الحراك السوداني اليومي جايب كفوة كيزانية جديدة..ولكن اعتقد بان هذا الامر لو وجدت شوية من التحقيق والتقصي القانوني المختص
شفشفة حيخش في حيص بيص والله اعلم..
وسنتابع
| |
|
|
|
|
|
|
|
|
|
Re: شخوص مارست الورجغة في الارض السودانية كيزان وابواق وكدا....!! (Re: جمال المنصوري)
|
لو نقلت بوستك للربع الجديد شوف لينا معاك المعارضين للإنقاذ فى العشرية الأولى (حسب مصطلح المحبوب ) ثم فى العشريات اللاحقة صاروا أكبر أبواق للحكومة تحديدا ركز على :
1- د. احمد بلال ( بتاع حزب الهندى ).
2- خالد المبارك (بتاع رث الشلك وريش النعام وكوستى ).
3- عبدالرحمن الصادق المهدى (ده ركز عليه شديد لانو مستفز عبر نظرته الغامضة تلك )
تجاهل تماما محمد محمد خير (بتاع كندا ) لانه (زول ساكت ).
| |
|
|
|
|
|
|
|
|
|
Re: شخوص مارست الورجغة في الارض السودانية كيزان وابواق وكدا....!! (Re: عبدالكريم الامين احمد)
|
هلا يا جمال وشوق الشوق والله
وايووووه ياهو زولي المتورجغ الكايس عليهو انا زااتو
العبان نخبوي اسلامونجي يجيد التغبيش ويجيد ايضا الخطابة في مظلة الشمولية وشمولي متورجغ حتي النخاع وعامل فيها ود موية
شفت قبل كده بتكلم عن انو في الدفاع عن الانقاذ يعني دفاع عن الحضارة الغالبة..ومثل هذا الرجل هو الاخطر علي الاطلاق كونه لا يتواني في تسخير التاريخ والفلسفة والاحداث من اجل سيادة الواقع الشمولي الدكتاتوري...
ادناه ما كتبه في حريات في واحدة من طلاته في الدفاع عن الدكتاتورين في السودان
الود محروس بتوع الحضارة الغالبة….!!!
November 21, 2011
وتبقي سطوة اللهجة المصرية باقية ومستلهمة في هذا العنوان للحضور الكثيف والموثر للثورة المصرية في نسختها الاولي التي سرعان ما تم تلحيقها بنسخة ثانية حتي تبقي جذوة الثورة والنضال مترسخة ضد الطاغوت… طاغوت نالنا منه في ارض السودان ما نال من عصابة قرصنت وطن بقامة مليون ميل مربع ….و جلسنا ومنذ ايام قليلة امام شاشة قناة الجزيرة التي سارت بموجتها الركبان في برنامج ما وراء الخبر لكي يناقش قضية (تحالف كاودا) لتطل( كرفتة) خلفها صحفي قيل في الاثر الاثيري بانه يسمي (سيف بشير) يرسل الي الفضاء الكوني دفوعات عن دولة الظلم والقبح والرقص علي اشلاء الجثث في دندرو وفي سالي وفي خور عفن ثم في نواحي خور برنغا وفي البيوتات والغرف المظلمة في نواحي الفجيعة الكبري المسمية في الذاكرة النضالية السودانية التي لاتزال حية ببيوت الاشباح حيث اجمل الناس علي فضل وصحبه…!!!
الصحفي التحفة ذكر فيما ذكر بان التدافع للدفاع عن السلطة الانقاذية هو تدافع للدفاع عن الحضارة الغالبة…!!وياتري اين هي الحضارة واين هي الغلبة لسلطة اتت الي الحكم عن طريق دبابة وبوووت ونبوت ودقن استوطنت الارض السودانية لدرجة جعلت لسان وقلم النبض السوداني وواحد اعمق مثقفي الوطن السوداني(الطيب صالح ) الذي رحل يهتف عاليا بين حروف الصحف والمجلات (من اين اتي هؤلا….؟؟؟)….وكيف تكون الحضارة الغالبة يتم توطينها عبر القمع والجلد والصلب والانتنوف وان قيل في التهافت انها الحضارة الاسلامية العربية فان دارفور نار قرانها عالية وشامخة شموخ جبل مرة لن تهش جمراتها سوي قنابل الانتنوف ورصاص الراقص الشهير عمر البشير…!!
وعن اي حضارة غالبة يتحدث ذلك الصحفي المضحك المبكي وحسن الترابي رائد المشروع الحضاري والذي اتاح كنفه لمثل ذلك الصحفي ان ياتي منتفخا كالطاووس وحسن الترابي يقول في موتمره الشعب مالم يقول مالك في امر المريسة وينادي باسقاط النظام مثل المنادين من اهل كاودا وتلودي وخوربرنغا ودندرو… فالاسقاط هو الاسقاط و النظام الذي لم يمت بالكلاشنكوف يمت بالهتاف الشهير (الشعب يريد اسقاط النظام)… فكل القوي السودانية ذات الضمير الحي والاحساس الحقيقي بالفقراء في المدن وفي الفيافي التي صار نهارها ليلا من اثر الفقر والعوز والجوع والعطش والنقص في الانفس وفي ثمرات الارض السودانية التي نهبت وشيد كغابات من الاسمنت لكائنات امتصت عقدين من الزمان كل رحيق هذا البلد الذي كان اسمه السودان…!!
ولعلها جاكة من جاكات الشمولية الذكية لمغازلة الوعي الاسلامي العروبي الذي تسطع فيه الجزيرة حتي يتم المساهمة في تحييد المواطن العربي وعزله عن الواقع التغييري وضرورته الحتمية في السودان وقد يذهب هذا التحييد التي تحييد حكومات وملوك.. ولكن عفوا اخي محروس ومن لف لفه فمثل تلك الفزاعات الفطير صارت لا تجدي في ازمنة الربيع العربي الذي هدم او ما هدم الفزاعات الفطير كفزاعة اسرائيل وفزاعة القاعدة وفزاعة الهجرة الي اروبا عند القذافي وفزاعة الصهيونية العالمية والامبريالية ….!!!
الانقاذ اكلت بنيران جهلها النشط وغوغائيتها كل الاشياء في الارض السودانية وصار بيت اعلامها مثل بيت المرفعين الذي يحتوي علي ما يحتوي علي كميات كبيرة من جيف الخطاب والاقنعة الجاهة التركيب والانطلاق للعمل في خط الدفاع الاول عن مشروع الموتمر الوطني الهلامي…وفي امر الغضبة والهجمة ضد تحالف كاودا استخرج وسريعا الخطاب العربي الاسلامي لكي يعمل ضد تحالف تري فيه الانقاذ بانه تحالف تحالف بتاع زنوج زرق ذوي شلاليف غليظة فقط…ناسين بان خليل ابراهيم خرج من رحم الحركة الاسلامية وياسر عرمان خرج من اعماق ديار السودان الشمالي ان كان الامر مقاسا بالواقع الجهوي او بالارضية الفكرية كما يتوهم اصحاب الدفوعات الوهمية عن الفساد والظلم والقمع والتغبيش واللصوصية الشديدة المفاجئة…..!!!
السودان وطن عجيب وغريب ردح لسنين شتي في مظلة الصراع ما بين اولاد الغرب واهل دار صباح وتلك التداعيات الشهيرة في الدولة المهدية ثم سرعان ما سرحت ومرحت في ارضه الدولة الاستعمارية التي كانت في كل الاحوال تحقق اهدافها وغايتها الاستراتجية التي ليس من بينها بناء مجتمع علي قيم المساواة الاثنية والثقافية وهرمنة التباين الباين في كل مكونات الموجدات السكانية في ذلك المليون مربع الذي كان… ثم اتت سلسلة الحكومات السودانية ما بعد الاستقلال من الانجليز ولعبت علي قشور هذه الكتلة السكانية الثقافية والاجتماعية فقامت الحروب واشتعلت الغابات رصاصا و اشلاء ومارست النخب اللعب علي منصات القبيلية والجهوية كونها اقصر الطرق لنييل الكعكة التي يسيل اليها لعاب النخبوي المثقف او برنيطة وكرفتة وغليون…!!!
الانقاذ في حضورها الهبتلي لعبت علي هذه الحبال لعب بفن ومهارة وحماس واعلام متخصص وخطاب قوي من اجل المحافظة علي علي الهلامية في الهوية ما بين عروبة يتمسح فيها الكثيرين واسلام قشوري جانح الي التسلط وقمع الاخر وقبيلية راسخة لم تجد برنامج
متخصصة وذات منهج يفككها ويصهر اهل كل المليون ميل مربع في بوتقة واحدة ليس من هي السودان ..وفي مسير الدولة السودانية وحتي يومنا هذا لم تتواجد المشاريع الجادة المطبقة علي الارض والتي تصهر الكتلة البشرية في (وطن) يتساوي فيه الجميع وهذا النفاج هو ما تلاعبه الانقاذ الشطرنج الان كونها تدري جيدا في وعيها تواجد هذه النفاجات وسطوتها ما بين الكثيرين …!!
لذا لقطع الطريق امام هكذا خطاب جانح الي توطين القمع والاستعلاء والدكتاتورية ليس الان فقط بل في مستقبل السودان فالديمقراطية الحقيقية المدعومة بالمنهجية في صهر النسيج السكاني بثقافاته ودياناته واختلافاته الشتي هي الطريق وليس ديمقراطية البرلمانات التي تقعد وتنفض ويعيث فيها النخبوبين فسادا واستحقاقات وياتي الناتج انقلابا ولن يجد من يقول (جر) لمن ينقلب عليها
وتلك لعمري خارطة طريق شاقة ومضنية في ظل سودان العجايب وغرائب
| |
|
|
|
|
|
|
|
|
|
Re: شخوص مارست الورجغة في الارض السودانية كيزان وابواق وكدا....!! (Re: عبدالكريم الامين احمد)
|
Quote:
لو نقلت بوستك للربع الجديد شوف لينا معاك المعارضين للإنقاذ فى العشرية الأولى (حسب مصطلح المحبوب ) ثم فى العشريات اللاحقة صاروا أكبر أبواق للحكومة تحديدا ركز على :
1- د. احمد بلال ( بتاع حزب الهندى ).
2- خالد المبارك (بتاع رث الشلك وريش النعام وكوستى ).
3- عبدالرحمن الصادق المهدى (ده ركز عليه شديد لانو مستفز عبر نظرته الغامضة تلك )
تجاهل تماما محمد محمد خير (بتاع كندا ) لانه (زول ساكت ). |
هلا يا احمد
وهي باقة المهرولين الي احضان الدكتاتورية عقب اقل كشكرة وتلويح بكيكة السلطة والجاه اصحاب الانفاس النضالية الضيقة والمتاجرين سابق بالنضال للوصول الي احضان الطغاة
وديل نوع رسل رمزية موغلة في الاسف عن المثقف الهش الركيك الوعي
وديل حنعمل ليها جابتر خسوسي في هذا البوست الذي ابشرك بانه مشي بص الارشفة حتي يتواصل ضرب ركب النخب الفاسدة والمتسلقين في اكتاف الفجيعة السودانية
وعليك الله اطلق لي كيبوردي في محمد محمد خير ده عشان ارشووووووووووو ليك رش الجن
وكن بالجوار
| |
|
|
|
|
|
|
|
|
|
Re: شخوص مارست الورجغة في الارض السودانية كيزان وابواق وكدا....!! (Re: عبدالكريم الامين احمد)
|
Quote: أبواق و ورجغة ممكن (تتنزل) وتشمل ود الباوقة الشهير بعمر أم هم ومن على شاكلتهم (متحللون) ؟؟؟
لا تنسى شيخنا ووالينا السابق وسابقه ( عبد الرحمن سر الختم) و المجاهد ( شيخ الزبير طه)
الشفيع |
هلا يا الشفيع ومشتاقين يااخ
وباوقة خاشي جوووه الجك فالرجل بوق نحرير في هذا الفضاء الاسفيري فالرجل يمثل قطاع كبير من مويدي الكيزان والماشين وراء خزعبلات الانقاذ وماشة فيهم مكنات التغبيش مشي صاح
وباوقة حاصل ليهو انفعال عاطفي كيزاني متورجغ ويصعب اقناعة بعكس ذلك فالرجل خلاص غاص في محبة ورجغات بشة حتي الثمالة... وفي ظني انه سيكون مع بشة حتي السقوط وبعدها ممكن يجينا تاني متعلبث ومحاولا ركوب موجة من الموجات التي تخلد الشخوص والافكار الفاسدة
عبدالرحمن سر الختم حملته اسنة صداقته لبشة الي الورجغة في نواحي ولاية الجزيرة ففي مراحل الانقاذ كلها يهبط الي المشهد قوما لايفقهون كوعهم من بوعهم سوي (الصفاء والانتباهة) ويتم ارسالهم لادارة شوون ولايات حدادية ومدادية ثم الجزيرة وعندها تحصل الورجغة...
المجاهد المتوجغ الزبير ايضا حملته ورجغته الجهادية الي هذا المنصب ومارس الورجغة في اعلي مراحلها وخرب الواقع الجزيري بكل عشوائية وركاكة وكان اول المغادرين المضحين بهم عندما وصلت الانقاذ عنق الزجاجة والفوضي عمت
ونحياتي يا الشفيع وكن بالف خير
| |
|
|
|
|
|
|
|
|
|
Re: شخوص مارست الورجغة في الارض السودانية كيزان وابواق وكدا....!! (Re: معاوية الزبير)
|
Quote: طلب خاص يا كيكي،
عمار محمد آدم دا، بالله عشان حاجتين
يا اعتذر ليهو لو كنت غلطان يا أمضي قدما لو عكس كدا
باقي أنا دخلت معاهو في تشكك بشأن غرضه من بوستات المحاسبة ومراجعة النفس الأمارة دي
وبمناسبة النفس الأمارة، إياك تنسى بتاع الروح والجسد المتورجغ |
هلا يا معاوية ويا صباحات الخير بتوقيت الدوحة المحلي...
وعمار ده لو سالتني عنو ايام الجامعة كان قلت ليهو رشووووو واردمو ولا تاخذك به شفقة ولا رحمة فالرجل كان في زمن كانت غطرسة الاتجاه الاسلامي في اوج ورجغتها وكان هو وبعض من بني كوز يمشون في ارض الجامعة ارهابا وتنكيل
ولكن مرت مياه كثيرة في جسر الاتجاه الاسلامي المتهالك بعد ركوبهم سفينة السلطة..
وعمار ورغم لداحته التاريخية يبدو جليا بانه من الذين في تلك الايام قد اخذتهم اشواق الدين وسارت بعقولهم مقولات الترابي التي خرب بها عقول كثر كان المعول بان يكونو من خيرة ابناء السودان
وهو في مرحلة من المراحل صار خميرة عكننة لرفاق التنظيم القديم وعشان كده حاولو وبشتي الطرق اسكاته او ارهابه مع انو كان عندو فرصة للمسير في سفينة السلطة والجاه بسبل شتي
وباختصار عمار كوز فقد ظله وبوصلته تاه الزمبلك بتاعها عشان كده صار يشوت ذات اليمين وتارة ذات اليسار
وعشان كده انا بقترح انك ترخيهو يااخ ههههههههههه فكل ما يكتبه هنا في ظني هي محاولات الانفكاك والهروب من التاريخ...
سنعود
| |
|
|
|
|
|
|
|
|
|
Re: شخوص مارست الورجغة في الارض السودانية كيزان وابواق وكدا....!! (Re: عبدالكريم الامين احمد)
|
عمار ما ناسيك وما ناسي البوق الاعظم في دولة الانقاذ ربيع عبدالعاطي...
فربيع عبد العاطي ظل نكرة كوزية ولكن وفي مظلة الفراغ الخطاب التبويقي الكيزاني في الفترة الاخيرة امتطي صهوة القنوات مدافعا عن الظلم والافساد في الارض بكل عين قوووية وسن ملوووية وحماس يحسده عليه اكتر الابواق تطبيلا في كل حضور الطواغيت في العالم
ربيع خطابه اللاعلامي البوقي يعتمد دوما علي الهروب الي الامام وانكار الحقائق حتي وان كانت واضحة كالشمس وفي سبيل دفاعه عن الظلم ممكن يقول ليك بكل سهولة الشمس تشرق من الغرب ويجيب ليك منطق معوج ويصر عليه اصرار عجيب وغريب
لاحظت موخرا بانه انزوي فيبدو ان صراعات مراكز القوي في الموتمر الوطني قطعتو فاااول...
ولكنه رجل شديد الخطورة كونه متورجغا ورجغة مزمنة و يعمل علي حرق كل السفن واظنه يعمل بتكتيك فلترق كل الدماء
| |
|
|
|
|
|
|
| |
عبدالكريم الامين احمد
باسط المكي
Nazik Eltayeb
معاوية الزبير
عمار يس النور
جمال المنصوري
احمد الامين احمد
يوسف أبو صالح
فيس بوك
تويتر
انستقرام
يوتيوب
بنتيريست