|
|
|
 Re: الخرطوم تشمها قدحة ايها العميل المرتزق الفاسق (Re: الهادي ابوبكر)
|
Quote: الخرطوم لا ترحب بالعملاء الخونة حتى ولو بمعية الحكومة
ده خط احمر |
الأخ الشفيع الخط الأحمر ده ليك براك ولا فى واحدين معاك ؟
و ماذا عن تصريحات الأُستاذة سامية هل يُعبر عن موقف شخصى أم رسمى ؟
وماذا أنت فاعل إذا كان الخط العام فى الحزب هو الترحيب به ؟
وهل العمالة والإرتزاق والفسق صفات تخص ياسر عرمان وحده
أم هنالك آخرون يشاركونه تلك الصفات أو بعضها من الجبهة الثورية
أو الحركة الشعبية قطاع الشمال ؟
لم نر لك بوست او تعليق على حكاية حاويات المخدرات ولا على
المتحللين بتاعين مكتب الوالى ولا منتظر الحكاية تنضج حتى تُفاجئ
الجميع ببوست فوق العادة يتضمن أدق التفاصيل .
مع أصدق التحايا وإجازة سعيدة
| |
 
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: جمال خضر)
|
حباب كل الشباب
واستغرب لمن يقول :لماذا عرمان تحديداً
انا احترم واقدر كثيرا جل من عارض وحتى من حمل السلاح من اجل قضية
ما هي قضية عرمان؟
فقط تجده اينما حل الخراب والدمار
طائر شؤم
لا يهمني موافقة او ترحيب المؤتمر الوطني او حتى الحكومة
ده راي غالبية الشعب السوداني
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: الشفيع وراق عبد الرحمن)
|
التحية للاخ الشفيع و ضيوفه
أرى انه و بغض النظر عمن هو ياسر عرمان مادام يأتي بوصفه رئيس وفد الحركات المسلحة المفوض فيجب الالتزام بقرار رئيس الجمهورية و التزامه و وعده بتأمين الوفد في حال حضوره لمؤتمر الحوار الوطني
ثم انه اذا كان هنالك اي اجراء او حكم سيتخذه الشعب تجاهه فليكن بعد الانتهاء من موضوع الحوار و الوصول لاتفاق عام بشأن القضايا السودانية
للشعب كلمة لم يقلها بعد في كل السياسيين الذين يملؤن الساحة فقط في انتظار الديمقراطية و الشفافية ....
مع محبتي
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: NEWSUDANI)
|
الاخ الشفيع سلامي لك ولضيوفك الكرام
هذه هي اتهامات كاذبة يطلقها الموتمر الوطني
لكل سوداني اختلف مع نهج الانقاذ
ولعلك سمعت ورايت ما حل بدكتور جون قرنق
عندما كان في الغابة استخدم الموتمر الوطن كل الوساءل لتخوين
الرجل ووصفه باوصاف غير حقيقية فاستغلال
موارد الدولة لتشويه سمعة الاخرين هو من صميم عمل هذه الحكومة
البشير يتمني عودة عرمان اليوم قبل الغد
رغم حملة التشهير التي قادها ضده
فروق المنقة
واضبط اعصابك
شوية يا حبيب
مع خالص الود
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: جمال خضر)
|
| Quote: الخرطوم تشمها قدحة ايها العميل المرتزق الفاسق |
كدا سيبك من الشم والقدح والخرطوم ولا ام طرقا عراض
اخبار الفساد الجديد شنو (بعد ولاية الخرطوم وشركة الاقطان والصمغ العربى وولاية الجزيرة ) ؟؟
وباخرة المخدرات الهيرووين وحبوب الهلوسة رست على منو فى شلة المافيا تبعكم ؟
سؤال اضافى انتو ليه بتتعاملو مع موضوع الفساد دا عادى زى الماف شى؟؟ هل يعنى ذلك مباركتكم له مثلا ؟؟؟
ولا شنو سر الصمت والهروب لى موضوعات جانبية ؟؟
قاسم المهداوى
خارج النص
صحى الاختشو ماتو !
| |
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: جمال خضر)
|
| Quote: الخرطوم تشمها قدحة ايها العميل المرتزق الفاسق |
كدا سيبك من الشم والقدح والخرطوم ولا ام طرقا عراض
اخبار الفساد الجديد شنو (بعد ولاية الخرطوم وشركة الاقطان والصمغ العربى وولاية الجزيرة ) ؟؟
وباخرة المخدرات الهيرووين وحبوب الهلوسة رست على منو فى شلة المافيا تبعكم ؟
سؤال اضافى انتو ليه بتتعاملو مع موضوع الفساد دا عادى زى الماف شى؟؟ هل يعنى ذلك مباركتكم له مثلا ؟؟؟
ولا شنو سر الصمت والهروب لى موضوعات جانبية ؟؟
قاسم المهداوى
خارج النص
صحى الاختشو ماتو !
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: قاسم المهداوى)
|
| Quote: ده راي غالبية الشعب السوداني |
كلام أغرب من الأول كدى يا أخونا الشفيع حط الكورة فى الواطة وتعال فهمنا حكاية
غالبية الشعب دى حسبتها كيف وياتو شعب الفضل فى الداخل ولا الفى الشتات ولا
الفى معسكرات النزوح فى الداخل والخارج ولا أولئك الذين تتساقط عليهم حمم طائراتكم
آناء الليل وأطراف النهار فى نواحى جنوب كردفان ودارفور والنيل الأزرق ولا أهل أولئك
الذين حصدهم رصاص من لا يخشى الله فى هبة سبتمبر المجيدة ولا أهلنا فى الجزيرة
الذين كانوا عماد إقتصاد السودان فنحر مفسديكم المشروع جهارا نهارا وبدم بارد حتى ينهبوا
أموال القروض التى جُلبت من أجل تأهيله وكذلك ما خصص لما يسمى بالنفرة الخضراء
والنهضة الزراعية وغيرها من خزعبلات كان الهدف منها الإستيلاء على الأموال المخصصة
لها ................................................... نسأل الله أن يخلص السودان وإنسان السودان من المتحللين
والمتحللات الأحياء منهم والأموات آمين يا رب العالمين
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: الشفيع وراق عبد الرحمن)
|
Quote: ده راي غالبية الشعب السوداني[/QUOTE
من وين جبت النسبة دي؟
انا شخصيا وغيري كثيرون نعتقد عكس ما تقول تماما/// اغلبية الشعب السوداني تتمنى موت كل منسوبي هذا النظام
ولكن :: مهما كان لا يجب عليك ان تتساهل مع الارقام والنسب في هكذا قضايا خاصة وانت مهندس..
لست من حزبة ولا ارى ما يرى في السياسة...
لكني اقولها بكل عقل وقلب ويقين:: ضفر عرمان ولا رقبة كل الحرامية والفاسدين الذين ذبحوا السودان من الوريد الى الوريد
وهاك دي الزيادة :::تباً لهم
ومرحب بالمواطن عرمان..والذي مهما بلغ سوءة لن يكون في سوء الحرامية وتجار الدين
ومرحب بيك انت برضوا في سودان خالي من تجار الدين عقب التحلل طبعا!!!!
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: جمال خضر)
|
ابلغ ما قيل في المجرم عرمان انو يتوجع من الم لا يحسه
او على الاصح يحس به غيره
اخونا جمال خضر
لا اعني اشخاص
اهل المنطقتين
اهل دارفور
لهم قضية
ويستحقوا التحاور معهم
ما هي قضية عرمان؟
وما هي علاقته بالمنطقتين؟
وباي حق يمثلهم ويرأس وفدهم؟
اخونا حسين موسى من الفيس
عرمان ال######## طيلة حياته لم يشارك في اي معركة قتالية
كان ولا زال تمامة جرتق
ومحاولة لتبييض وجه الحركات المسود
تم استغلاله وتوظيفه سابقاً
ولامن الحركة حققت اغراضها، تم رميه كما ال###### الجربان
وقال ليهو باقان في وشه
الحمار لامن يوصل سيدو البيت ما بخش معاهو الاوضة
ويخطط الان لاعادة نفس السيناريو
ولكن هيهات
شعبنا وعي الدرس
وسيكون له بالمرصاد
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: يوسف أبو صالح)
|
| Quote: ده راي غالبية الشعب السوداني |
تحياتي وراق
أنا لا أدري متى قمت بعمل إستفتاء عام لتحدد هذه الاغلبية
قطع شك نحن من دولة اللا سودانية
أنا أعتقد بأن الأمر لم يخرج عن ما دار في جامعة الفرع حول الاقرع
هذه نقطة
أما الأخرى هي ما معايير العمالة لديك وماهي العمالة كمفهموم عام ؟
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: يوسف أبو صالح)
|
Quote: ما هي قضية عرمان؟
وما هي علاقته بالمنطقتين؟
وباي حق يمثلهم ويرأس وفدهم؟ |
يا الشفيع انا مثلاً ما من المنطقتين، لكني متعاطف وربما اصل لمرحلة المحاربة مع أهل المنطقتين باعتباري بني آدم بنصر المظلوم أياً كان خاصة لو كان ود بلدي وأوي
أها انا عميل خائن وفاسق؟
عشان الواحد يعمل حسابو !
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: يوسف أبو صالح)
|
يا الشفيع وراق سلام
الجماعه الشابكنا الكيزان فسدوا…و الكيزان برطعوا
هلا اجابونا من اين لياسر عرمان شركاته الحاليه؟!
ومن اين له مستوي المعيشه الذي يحياهو ولا يعيش مثله لا الحلو و لا عقار رفقاء نضاله؟!
انا الناس التي ترغب في تلميع المسؤلين عن كل هذا النزيف الوطني بجبنهم و سفاهتهم و تقاعسهم فاليعلموا بان عرمان اول المسؤلين عن كل هذا.
مسؤل منذ ان كان يروج بان ريكا مشار انفصالي.
ومسؤل و هو يدخل لعبة التوزانات القبليه داخل الجنوب.
ومسؤل و هو يقمع النوبه.
ومسؤل….,مسؤل وهو يسحب ترشيحه من الانتخابات كما ادعي نتيجه لنصائح الحاج وراق و كمال الجزولي.
الدنا دي بتدي الفرصه مره و احده و عرمان لم يحرق فرصته لوحده بل احرق كل فرصة السودان الجديد ليكون.
ولا زال يقصي الاقوياء و يقرب الضعفاء.
وما تحلموا استقبال د.جون قرنق لن يتكرر لاي كائن ثاني
السودان مش اتقسم و بس بل نازف بمعني الكلمه.
شوية اليسارين البطمبروا لعرمان ديل والله انه رئيس فرعيه بالحزب الشيوعي ما يدوها ليه. ان نزل نافسهم في مقاعدهم.
عرمان المستهتر الفاسد مافي عفي الله عما سلف….فاليعفي عنك دراويس اليسار ما شاوءا هم لو بيملكوا النفسهم شيئا ما كان ده حالهم.
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: ود الباوقة)
|
مرحبا بك ياسر عرمان وكل حاملي الهم الثقيل عن عموم أبناء هذا الوطن الطريح الجريح.
الخرطوم أصبحت بؤرة مفسدة وفساد وفسوق وزيف وشعارات قتلها من أتى بها ، أخرجوا منها وأتركوها للشرفاء وإن كان لديكم بينة - بينات - فياسر وخلافه موجودون وعدالة الداخل الفاشلة العاجزة أتركوها فهناك عدالة (دولية) وحساب آخرة ...
الشفيع ابراهيم
| |
|
|
|
|
|
|
|
|
 Re: الخرطوم تشمها قدحة ايها العميل المرتزق الفاسق (Re: Alshafea Ibrahim)
|
بالعكس يا الشفيع
عودة حاملي السلاح و جلوسهم في موائد الحوار مع الحكومة و بقية الأحزاب يجب أن يجد كل الترحيب من كل الشعب السوداني
يا الشفيع...الحرب أس مصائب السودان...و كل بقية المشاكل تهون إذا توقفت الحروب...فمافي داعي للغة العداء و الخصومة ... خصوصاً لمن كانت يده في الموية الباردة...فأهلنا في داخل السودان هم من يعاني
أتمنى أن يسود السلام ربوع السودان و أن يعود حاملي السلاح على رأسهم ياسر عرمان
و أقترح عليك تغيير صورة بروفايلك دي ياخ...فياسر عرمان مواطن سوداني زيي زيك...وهو لم يرتكب الموبقات (إن فعل) وحده ضد السودان و شعبه!!...و لإن كان لابد من المحاسبة فالتكن لكل من أجرم بمافيهم ناس الإنقاذ
-----------------------------
Quote: ودالباوقة
Quote: الظربون
ياخي انت بتجيب الكلمات دي من وين |
الصادق...دي من الكلمات السمعتها فقط في مناطق أهلنا في بربر و الباوقة :)
ياما سمعناها عند أبهاتنا و أعمامنا :)
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: زياد جعفر عبدالله)
|
Quote: ياسر عرمان..عدواً احببناه ... بقلم: ابراهيم احمد حسين الفضل- السويد
الجمعة, 01 أيار/مايو 2009 15:39
[email protected]
كنت احد الذين حاربوا الحركة الشعبية فى مناطق العمليات فى جنوب السودان. ومنذ ان كنت طالباً فى جامعة السودان كنت احد كوادر الاتجاه الاسلامى وكنت على قناعة بان كنا نقاتل فى الجنوب من اجل الاعلاء من راية الله حيث زين لنا اخوتنا الكبار كما يقول شيخنا التجانى عبد القادران قتال اخوتنا فى الجنوب هو مثل قتال المشركين كما كان فى عهد الرسول عليه الصلاة و السلام. ذهبنا لقتال الحركة الشعبية ليس من اجل دنيا فانية و انما احقاقا للحق و نصرة لدين الله. وكنت اذهب للجنوب منذ عام 1993م حتى تم اسرى فى كاجو كاجو فى عام 1997م. فى تلك الفترة استعادت حركة قرنق معظم المواقع التى دحرناهم منها فى معارك كثيرة مثل صيف العبور و الميل اربعين التى صمد فيها اخوتنا من المجاهدين ومنهم من استشهد ومنهم من ينتظر. عندما تم اسرنا كنا نخشى ان يقوم المتمردين بقتلنا ولكننا تفاجانا بمعاملة جيدة لم نكل نتوقعها منهم. بقينا فى الاسر حوالى الشهرين ثم قام الجنود المكلفين بحراستنا بالطلب منا بالتواجد و الجلوس فى مكان واحد لان هنالك قائد كبير من جيشهم سوف يصل للاطمئنان على حالتنا. كان المعسكر كله فى حالة استعداد و النظام و الانضباط كان عالى ذلك اليوم منذ صباح اليوم الباكر وحتى منتصف النهار حيث شاهدنا حوالى خمسة عربات لاندكروز مربوط فى مقدمتها مدفع دوشكا. نزل من العربة شاب ملامحه تقول بانه شمالى حيث كان فى كامل زيه العسكرى يبدو انه قائد المنطقة لان القادة الاخرين نزلوا خلفه و حوله حراسة مشددة وكان قائد المعسكر الذى كنا فيه و نسيت اسمه الان اظنه كان اقوت يتحدث العربية جيداً طلب من جنوده الانتباه قائلا: انتباه القائد ياسر عرمان ثم قام ومعه باقى الجنود وحيوا القائد الشمالى الذى يبدو انه يحمل رتبة عالية وبعد ان قام بالسلام و تحية بعضهم البعض طلب القائد الشمالى من طاقم حراسته ان يعودوا لاماكنهم و طلب من قائد المعسكر اقوت ان ياتيه بكشف عدد الاسرى ونحن كنا نراقب هذا الموقف لاننا كنا تحت الحراسة ولكننا قريبين من المكان و نسمع ونرى باعيننا ما يحدث. طلب القائد الشمالى من الحراس ان يتركونا معه لبعض الوقت و تقدم نحونا و صافحنا كلنا وقمنا باحتضانه وكنا فرحين بقدومه. سال كل واحد منا عن احواله و المنطقة التى اتى منها وعن معاملتنا و اذا كان ينقصنا اى شىء. كان فى ونسة معنا حتى موعد العشاء وتعشى معنا حيث اكل من نفس الاكل الذى قدم لنا. وطلب منا ان لا نخشى شىء لان الحركة لا تقتل الاسير وقال لنا كنتم اعداءنا ولكن عندما سقطت بندقيتكم عنكم فانتم الان اسرى وليس اعداء لنا وسوف تعودون الى اهلكم و ذويكم فى اقرب فرصة. لم اكن اصدق بان الذى يتعامل معنا بهذه الصورة هو ياسر عرمان الذى كنا نتمنى الظفر به وقتله بل بكيت وقتها لاننا كنا نحاول قتل بعضنا البعض من غير اى سبب وياسر عرمان الذى كنا نظنه شيطان و عدو الله عاملتنا احسن معاملة بل طلب من القائد اقوت ان يعاملنا بصورة حسنة و ياتينا ببروش لاداء الصلاة حيث كنا نصلى فى ساحة المعسكر. على الرغم من حركتنا كانت محدودة فى المعسكر ولكننا كنا سعداء لاننا كنا نصلى و نختلط مع الناس فى السوق من غير ان يصيبنا اذى. وعندما تم اطلاق سراحنا عدنا الى الخرطوم وزرت اخونا عبد الحميد الذى تم اسره فى معركة كان يقود جيش الحركة فيها ياسر عرمان وعندما تم اسرهم كان عبد الحميد مصابا اصابة خطرة وحمله ياسر عرمان على ظهره لمسافة تزيد عن ثلاثة كيلومترات لاسعافه و حكى من رأوا ذلك المنظر بان ملابس ياسر عرمان تبللت كلها بالدماء و اصبحت حمراء لانه كان يحمل عبد الحميد على ظهره . وعندما جاء ياسر عرمان الى الخرطوم كان اسرة اخونا عبد الحميد فى استقبال ياسر عرمان و قاموا باحتضانه و شكره على ما فعل. الاخ الفاضل ياسر عرمان رجل من معدن نقى و فارس لا يخشى ساحات القتال و حاربنا بشرف و سالمنا بشرف ولقد ساءنى ما يتعرض له الان و جميع اخواننا الذين كانوا فى الاسر يذكرون كرمه و طيبته فهو ابن بلد و خير من انجبت دار جعل. يا اخوانى السابقين معاملة ياسر عرمان بهذه الصورة ليس من الدين فى شىء ونسال الله الهداية لنا و لكم.
ابراهيم احمد حسين الفضل السويد
|
مرحبا بياسر عرمان في بلده ووطنه عزيزا مكرما وتبا لكم انتم لانكم لا تشبهون السودان ولا السودانيين في شي
بعدين انت يا الشفيع الا يكون ياسر عرمان من دارفور حتى يدافع عنها وللا جبال النوبة حتى يكون عندو قضية تفكيركم دايما جهوي وقبلي بحت
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: بهاء بكري)
|
اراء سودانيين من الفيسبوك يا الشفيع ضيفهم للحساب
Mahmood Buttran · الأكثر تعليقا · Accountant في Lloyd Banks
لماذا تنكرون وتكابرون !!
فالأخوان المسلمون تنظيم سرطاانى مدمر أصبح ملفوظا ومكروها فى كل الدنيا , تنظيم تعدت قدرته على التدمير والقتل والخراب , الشعوب وبيئتها وأوطانها , إلى تدمير الدين الإسلامى السمح نفسه. وقد أبتلى الله السودان بحكمهم وجعله ليكون أمثولة لكل شعوب العالم الأخرى , فقط ليروا بأعينهم مقدار الألم والقتل والدمار الذى يمكن أن يجلبه لهم ولاوطانهم حكم الأخوان المسلمين. ولكن ما كان الله ليبتلى أحدا من عباده الصابرين على إبتلائهم , إلا ونقاه وطهًره مما إبتلاه به. فسيأتى اليوم الذى يزيل فيه رب العز والجلال هذا البلاء من هذا الشعب الصابر الكريم , وينقيه ويطهره منه , وقد لاحت فى الأفق القريب , تباشير اليوم الذى يفر فيه كل الناس من الأخوان المسلمين .. فرارهم من الطاعون.
رد · أعجبني · 1 · متابعة المنشور · منذ حوالي ساعة
Aati Badri · كلية الهندسة جامعة عين شمس
نكرة يسمح لنفسه ان يتكلم باسم كل السودانيين
ويمنع الناس من كل السودان
وبستكثر على ياسر ات يتحدث باسم منطقتين
لماذا لايرفع منسوبي الحركة قضية على هذا البوق
ينتسب لتنظيم الخيانة تجري في عروقه ويقسم البلد
ويتحلوا لعيون واذان للمخابرات الامريكية باعترافهم ويصف ياسر بالخيانة
لماذا لايرفع منتسبي الحركة قضية على الورجاغ في السودان والمملكة
رد · أعجبني · متابعة المنشور · منذ 9 ساعات
Hussein Musa · University of Pune
ياسر عرمان ما هو الشخص البخاف الموت ..هو اختار طريق الموت ومشي فيه منذ زمن بعيد..بل الموت هو من يخاف ياسر..انه رجل والرجال قليل في زمن العهر الانقاذي..
رد · أعجبني · متابعة المنشور · منذ 11 ساعة
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: محمد علي عثمان)
|
Quote:
لا يهمني موافقة او ترحيب المؤتمر الوطني او حتى الحكومة
ده راي غالبية الشعب السوداني |
الشفيبع وراق عبد الرحمن
هنا بس تقدر تقول إنو ثلاثة أرباع الشعب المتداخل في هذا البوست وهم سودانيين رأيهم غير كده خالص وبعبارة أخرى ضد هذا الكلام ، وفي الحته دي تكون دخلت نفسك في مكان ضيق شديد ، وما في حل إلا بالإرشفة دا إذا بكري ما إتغاتت ونقل البوست للمرحلة التالية للأرشفة.
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: الشفيع وراق عبد الرحمن)
|
شكراً الشفيع وراق
شكراً كتير فقد قدمت لنا وللرفيق عرمان إستفتاء مجانى..
مرحب بهذا البوست فى الربع التانى..
| Quote: ده راي غالبية الشعب السوداني |
لا أقول ما قاله الاخرون عن من الذى فوضك عن الشعب السودانى فقد تعودنا سرقة لسان الشعب السودانى من زمرة الانقاذ من كل من له صلة بها رموزها وطباليها وكسارين تلجها والحرامية والسراقين والمتحللين والواثبين..
وأستثنيك يا وراق من القائمة التى ذكرتها لاننى لا أحسبك من اى ممن ذكرت ولكنك تقع فى زمرة (الحاقدين حقد شخصى على عرمان) وأمثالك هنا كثيرين دعواتى لكم بالشفاء لان عرمان سيظل رمزاً ترفع له القبعات وأعلم ان ذلك سيزيدكم حقداً ومرضاً..
وعرمان سودانى لا تستطيع اى قوة فى الارض أن تمنعه الوطن..
ارحم نفسك يا وراق
Quote: النت عندي بطيء جدا جدا
كان االله في عونكم ناس الخرطوم
الصفحة تفتح بعد عشرمية ساعة
ده اذا فتحت اصلا :)
ابراهيم بتاع السويد ده ما قدرت ابلع قصته دي
البوست طلبت نقله للربع الجايي يا الملا عمر |
هههههههههههه زى ما بقولوا الشباب (ياهو دة حنكك يا الشفيع) !!!
غايتو حالتك تحنن والكلام غلبك عديل!!!
بصحك حترفع البوست للربع الجاى!!!
متوقع انك تجتهد شديد عشان تلقى دفرة من الحاقدين أحقاد شخصية من ناس المنبر نساءً ورجالاً على عرمان ( وهم قلة محدودة) وكلمهم قول ليهم مع الاستفتاء المجانى دة والعرض المحترم المقدم من المتداخلين لن ينفعهم الاسفاف والاسقاطات والبذاءات التى تعودوا عليها كما لن يفيدهم العويل والسكلى والصراخ فاما أن يأتوا بما ينفع الناس وإلا سيكونوا مهزأة أمام هذا الحوار المحترم والهادف..
شكراً مرة أخرى يا الشفيع فقد قدمت لنا إستفتاء دون جهد..
تسلم أخوى ود وراق
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: إحسان عبد العزيز)
|
الشفيع
هاك النضيجة
Quote: مؤتمر الوطني حزب يعيش على الأكاذيب ويخطط لإغتيال الأمين العام للحركة الشعبية
المؤتمر الوطني حزب يعيش على كذب اليوم باليوم وتحاصره أخبار الفساد وظلم العباد من كل حدب وصوب، عمل على نشر أكاذيب عديدة في الأيام الماضية ذات صلة بعملية التفاوض وقد أضحى يكذب على مدار الساعة ويعيش عليه ويتنفسه، نود هنا أن نضحض وننفي على نحو قاطع بعض أكاذيبه وإفتراءاته:
أولاً: لم يتقدم وفد الحركة الشعبية بأي طلب الي الوساطة لزيارة الخرطوم وما تقدمنا به هي خارطة طريق واضحة حول الحوار القومي الدستوري قائمة على إجراءات بناء الثقة وفي مقدمتها وقف الحرب والحريات ومشاركة المجتمع المدني والسياسي في عملية دستورية لا يسيطر عليها المؤتمر الوطني وتنهي دولة الحزب لمصلحة دولة الوطن القائمة على المواطنة بلا تمييز، وقبل التأكد من كل ذلك لن يذهب أي وفد من الحركة الشعبية الي الخرطوم.
ثانياً : لم تحدث مطلقاً في أديس أبابا أي مشادة بين الأمين العام ياسر عرمان وتعبان دينق قاي، فهذه فبركة وكذبة تفصح عن مخططات ومؤامرات أكبر.
هذا وقد وردت إلينا معلومات مفصلة حول إجتماعات عقدتها الأجهزة الأمنية بالخرطوم ناقشت فيها أنجع السبل لتصفية الأمين العام للحركة الشعبية وبحث إستخدام وسائل سريعة وبطيئة لإنجاز هذه المهمة، ومعلوم إن أجهزة الأمن ظلت تبث إشاعات وأكاذيب مستمرة حول إغتيال وموت رئيس الحركة الشعبية ونائب الرئيس والأمين العام بشكل دوري ومستمر وقد تم توزيع أكثر من رسالة بهذا المعنى في الهواتف داخل السودان وأخرها في الجولة الأخيرة للمفاوضات حول حدوث خلاف بين نائب الرئيس والأمين العام، ترك بموجبه الأمين العام رئاسة وفد التفاوض.
على المؤتمر الوطني إن يدرك أن كيده ومؤامراته سترتد إلي نحره وهي مؤشر على قرب أجل نظام الإنقاذ وغياب شمس المؤتمر الوطني وما يوم الحساب ببعيد.
مبارك أردول
المتحدث الرسمي بإسم وفد الحركة الشعبية المفاوض
7 مايو 2014م |
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: إحسان عبد العزيز)
|
الشفيع وراق
قضية جنوب كرفان والنيل الازرق قضية سودانية وياسر عرمان سودانى !
وزى ما قال ليك الزميل بهاء بكرى , الكوز الحاج ادم يوسف قبل كده فتح بلاغ جنائى ضده و اتهم فيه بالخيانة والعمالة والارتزاق وبعد داك بقى نائب رئيس فى نفس النظام الذى قام يفتح بلاغ ضده واتهمه بالخيانة والعمالة دون يقدم لمحاكمة وبيرئ ساحته من التهم الموجهة اليه !
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: خالد حاكم)
|
حبابك احسان
واقعة تعبان مؤكدة وعلى رؤوس الاشهاد ومتسقة مع الواقع
| Quote: وقبل التأكد من كل ذلك لن يذهب أي وفد من الحركة الشعبية الي الخرطوم. |
ده هو الخايفين منو
يا حاكم
الجنسية ليست اوراق ثبوتية
ولمن يقول استفتاء البوست
موقع بكري كوووله ليس شريحة عشوائية عيارية
واي واحد فيكم بكل بساطة يسأل اقرب 10 اشخاص حوالينو
اقارب جيران زملاء عمل ويشوف النتيجة
انا اقصد من هم في الخرطوم
بتساعد المدام في البيت احدى الاخوات من الجبال
والله العظيم بدون ان تعرف عن ارائي اي شي
ويا دوبها جاتنا اول امس
سبت ولعنت الحركة الشعبية
وحكت لي المآسي الهم بعيشوا فيها بعد كانوا في نعيم
استقرار وزراعة ورغد من العيش
وحلفت لي انها ما كانت تتصور انها في يوم تشتغل
وبالعكس كانت لديها من يساعدها
وصلت الخرطوم قبل سنتين بعد ما انقلبت حياتها واسرتها لي جحيم
لعنة الله على من كان السبب
وكل ده من راس عرمان العميل المرتزق
معليش يا شباب
الرد عشوائي كيفما اتفق
النت سيء جدا
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: الشفيع وراق عبد الرحمن)
|
Quote: هلا اجابونا من اين لياسر عرمان شركاته الحاليه؟!
ومن اين له مستوي المعيشه الذي يحياهو ولا يعيش مثله لا الحلو و لا عقار رفقاء نضاله؟! |
تسلمي كتير ام حازم، حكيمة المنبر
يا احسان
ده سؤال في غاية التهذيب والمعقولية
منتظرين اجاباتك
معلوم انو عرمان لم يعمل طيلة حياته
ولم يمارس اي مهنة شريفة
من اين له هذا الدخل المهول البخليهو يدرس ابناؤه في الجامعات الاوربية
ده غير ما يمتلكه من عقارات وشركات هناك؟
لو اديتينا اجابة عقلانية، ح يكون هناك امل ضئيل نغير راينا فيهو
يلا اجتهدي
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: الشفيع وراق عبد الرحمن)
|
Quote: بتساعد المدام في البيت احدى الاخوات من الجبال
والله العظيم بدون ان تعرف عن ارائي اي شي
ويا دوبها جاتنا اول امس
سبت ولعنت الحركة الشعبية
وحكت لي المآسي الهم بعيشوا فيها بعد كانوا في نعيم
استقرار وزراعة ورغد من العيش
وحلفت لي انها ما كانت تتصور انها في يوم تشتغل
وبالعكس كانت لديها من يساعدها
وصلت الخرطوم قبل سنتين بعد ما انقلبت حياتها واسرتها لي جحيم
لعنة الله على من كان السبب
وكل ده من راس عرمان العميل المرتزق
|
يعني يا الشفيع عايزا تلعن حكومة الخرطوم وهي قاعدة في الخرطوم
للدرجة دي انت تظن ان الجهل مستفحل في ابناء النوبة
لا يا الشفيع ليس لهذه الدرجة هي تعلم تماماً ما سيحدث لها ان تفوهت بكلمة
سوء في حق حكومة المركز وهي بنت الجبال ذات شموخ وعزة اجبرتها طائراتكم التي
تقصف اناء الليل واطراف النهار للهرب والبحث عن مكان امن تستطيع العيش فيه
هل عرمان هو من يرسل الطائرات لقصف القرى ؟؟
هل عرمان اعتقل النساء وارسلهن لسجن الفاشر والابيض ومنع زيارتهن؟؟
اصحى يا الشفيع اصحى واعلم ان هناك يوماً ستحاسبون فيه امام المولى
الذي لا تغيب عنه الحقائق والذي يعلم بما في الصدور
وستحاسب على كل حرف كتبته هنا وظلمت به واحد من شرفاء بلدك
ولمعت به جرائم حاكم ظالم يظلم باسم الدين ويقتل باسمه ويشتم باسمه
وانت تهلل وتكبر وتظن ان كل هذا لله .
الدنيا ما دايمة يا الشفيع على الاقل اعترف لابناء بلدك بان زمرتكم قد فسدت وسرقت المال العام
وما حدث بمكتب الوالي ليس ببعيد وما وريتنا رايك فيهو ... امكن تقنعنا انهم سرقوا المال لله
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: Haytham Ghaly)
|
| Quote: هي تعلم تماماً ما سيحدث لها |
يا هيثم
شكلك بعييد وطولت من الخرطوم
ولا تعلم ما يدور
الحركات ومؤيدوها ببرطعوا زي الما حصل شي
امساقامت حركات ددارفور ندوة في جامعة بحري
شفت كيف
يكتلوا هناك
ويبرطعوا هنا
والحكومة في ثبات عميق
شوف
انا وزهراء متأكدين انو الدمار الفي الجبال ده بسبب عرمان
وهو ما نكر
قال ح يسقط الحكومة من الجبال
ذنبهم شنو اهل الجبال يتحملوا مسؤولية اسقاط الحكومة نيابة عن باقي مناطق السودان البتنعم بالاستقرار والرفاهية؟
جاوب؟؟؟
الفساد موجود وبكثرة
ومدان من قبلي
كان من والي ولا رئيس
وكل من افسد سيحاسب
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: الشفيع وراق عبد الرحمن)
|
Quote: شكلك بعييد وطولت من الخرطوم
ولا تعلم ما يدور
الحركات ومؤيدوها ببرطعوا زي الما حصل شي
امساقامت حركات ددارفور ندوة في جامعة بحري
شفت كيف
يكتلوا هناك
ويبرطعوا هنا
والحكومة في ثبات عميق
|
يا الشفيع
من هم البقتلو؟؟؟؟ الحكومة بطائراتها وللا المساكين الفي القرى ديل
وبعدين شنو معنى يجو يبرطعوا في الخرطوم"""؟؟؟؟ الخرطوم دي برة السودان وللا حقة الكيزان بس
الخرطوم دي ما العاصمة السودانية وديل سودانيين كمان عايزين تحددوا منو يجي الخرطوم ومنو المايجي؟؟
والله عجايب
Quote: انا وزهراء متأكدين انو الدمار الفي الجبال ده بسبب عرمان
وهو ما نكر
قال ح يسقط الحكومة من الجبال
ذنبهم شنو اهل الجبال يتحملوا مسؤولية اسقاط الحكومة نيابة عن باقي مناطق السودان البتنعم بالاستقرار والرفاهية؟
جاوب؟؟؟
|
انت وزهراء براكم ولو اتنين قالولك راسك مافي اهبشو
يعني يا الشفيع بتتعلق بخيوط واهية يعني فكرك اذا انا عايز اسقط نظام زي نظام الكيزان بتاعكم دا
حا اقوم اعمل حركة مسلحة داخل الخرطوم مثلاً !!!! دي معروف مستحيلة لانو نظامكم مركزي وبيركز لتأمين نفسو في المركز
وترك الهامش يموت باوجاعو. واختيار المكان ما كان بطريقة يا ايدي شيليني .. بس حكمتو ظروف ومشاكل تاريخية في المنطقة
زيادة على التهميش الحقيقي الذي مارسه قادة الحكومة على هذه المناطق المتاخمة للجنوب .
Quote: الفساد موجود وبكثرة
ومدان من قبلي
كان من والي ولا رئيس
وكل من افسد سيحاسب
|
ههههههه
حا تحاسبوهم كيف بطريقتكم الحلوة بتاعة التحلل دي
يا الشفيع والله العظيم نصيحة لوجه الله
لا تدافع عن هذه العصابة وابعد بنفسك عنها
و قل خيرا او اصمت
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: الشفيع وراق عبد الرحمن)
|
Quote:
بعد ان تم تهديده من قبل تعبان دينق، يفكر العميل المرتزق جدياً في الذهاب الى الخرطوم
الخرطوم لا ترحب بالعملاء الخونة حتى ولو بمعية الحكومة
ده خط احمر |
ياااخ ليه ما يجي ....... فترنا من الحرب ومن الخلافات ومن ضياع الشعب المسكين والبلد الطيبة؟؟؟!
يا اخي انت وودا لباوقة كيف مؤتمر وطني ما عارف..
انت سابحين عكس التيار ولا شنو؟؟!
الريس جاري وساكي والليل ما بنوووم عشان يلم الناس كلهم دون فرد حتى يلحق ما تبقى من الوطن..
وانت شغالين عكس توجهاته..
فلياتي ياسر عرمان مهما فعل لان الجيش السوداني لا يستطيع ان يحسم هذه المعركة مهما تقوى؟!@!
ولياتي كل من له رأي ويجلسوا في طاولة المفاوضات والحوار ويخرجونا من ما نحنا فيه؟؟
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: الشفيع وراق عبد الرحمن)
|
Quote:
بعد ان تم تهديده من قبل تعبان دينق، يفكر العميل المرتزق جدياً في الذهاب الى الخرطوم
الخرطوم لا ترحب بالعملاء الخونة حتى ولو بمعية الحكومة
ده خط احمر |
ياااخ ليه ما يجي ....... فترنا من الحرب ومن الخلافات ومن ضياع الشعب المسكين والبلد الطيبة؟؟؟!
يا اخي انت وودا لباوقة كيف مؤتمر وطني ما عارف..
انت سابحين عكس التيار ولا شنو؟؟!
الريس جاري وساكي والليل ما بنوووم عشان يلم الناس كلهم دون فرد حتى يلحق ما تبقى من الوطن..
وانت شغالين عكس توجهاته..
فلياتي ياسر عرمان مهما فعل لان الجيش السوداني لا يستطيع ان يحسم هذه المعركة مهما تقوى؟!@!
ولياتي كل من له رأي ويجلسوا في طاولة المفاوضات والحوار ويخرجونا من ما نحنا فيه؟؟
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: أمير السماني يس)
|
Quote: والله العظيم بدون ان تعرف عن ارائي اي شي
ويا دوبها جاتنا اول امس
سبت ولعنت الحركة الشعبية
وحكت لي المآسي الهم بعيشوا فيها بعد كانوا في نعيم
استقرار وزراعة ورغد من العيش |
أخونا الشفيع آراء شنو كمان ؟ البيت باين من عنوانه بتكون قطع شك
معلق ليك صورة للبشير أو على عثمان فى الصالون وقطع شك بيكون
الفيديو بيتململ من تكرار برنامج ساحات الفداء وما يُسمى بالأناشيد الجهادية
والدولاب ملان كاكى والكلاشينكوف رابض على مرأى من الجميع أها
بعد ده كله ما لازم تقول ليك كنا عايشين فى بحبوحة ودعة ورغد من العيش
إنت المفروض بعد الكلام عن رغد العيش تاخد ليك وقفة وتعرف من قرائن
الكلمات أن ما قالته ليك مجاملة ساى ونتساءل خلال ال25 سنة الفائتة
من الذى عاش فى رغد من العيش غير جماعتكم نضفوا البلد وعدموها
نفاخ النار ...... ولو سمعت برنامج المحطة الوسطى أمس تتيقن تماما
أن جماعتكم يريدون السودان بلدا خاليا من السكان ...... الله يستر
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: جمال خضر)
|
Quote: الفساد موجود وبكثرة
ومدان من قبلي
كان من والي ولا رئيس
وكل من افسد سيحاسب |
(كل من أفسد سيُحاسب ) أخونا الشفيع إطلاق الكلام على عواهنه لا يُفيد الحوار الجارى
مطلوب منك توضيح كيف يُحاسب المفسدين ؟ ومن هم الذين حُوسبوا خلال ربع قرن
انت بتحاسبوا فى أشباح الفاسد ده ما لازم ينفضح ويتشال حاله فى الصحف علشان كل
من يفكر فى لهط جنيه من المال العام يفكر مليون مرة قبل الإقدام على ذلك أما حكاية
الغطغطة بفقه السترة وعقاب المفسدين بحفظ آيات من القرآن الكريم والتحلل الأكبر
وضرب حصار من التعتيم الإعلامى على موضع حاويات المخدرات وعلى أسماء
المتحللين بمكتب الوالى تدل على ان جماعتكم فى حرج بالغ ولن يستطيعوا تقديم
أولئك المتحللين للمحاكمة لأن الموضوع سيجرجر كل قياداتكم الموجودة لأن الفساد
يكاد يشمل الكل وبتاع المخدرات أيضا لن يُقدم للمحاكمة لأن عملية بهذه الجراة تؤكد
تورط شخصيات نافذة جدا جدا فى الموضوع لذا لن نعرف من الشخص المستورد
حتى يلج الجمل فى سم الخياط .
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: اسماعيل عبد الله محمد)
|
انا عملت استفتاء
وكان موضوعوا. بوستك هذا بي ( ضبانتو)
والعينة كانت عشوائيه
زملاء عمل
اصدقاء
العائلة
والله لو وريتك نوعية الكلام الاتقال عن البوست كفكرة وعن صاحبو يمكن بكري اسحب مني الباسوورد
يا زول هوي مارتحاول تقنع نفسك بي طريقة التفكير الرغائبي،،،
والله اي سوداني بشوف انو جزمة عرمان اشرف من كل ديناصوران الفساد والحرامية والصعاليك الحامين البلد
قومو لفو ياخ اي واحد اجي استفز في الناس
البلد دي حقتكم؟
ة سويتو ليها خير؟
ة لقيتوها بلد موحدة مزقتوها وخربتوها
لعنة الله علي سارقي الشعب السوداني،،،،
بكرر ليك انا لست من حزب الرجل واختلف تماما مع افكاره،،،بس كلامك مش مقبول،،،
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: الشفيع وراق عبد الرحمن)
|
العينة حقتي يارالشفيع
عينة عشوائية فعلا
وفيهم ناس ماربعرفهم حتي،،،،،واللهرعلي ما اقول شهيد
حبيت اوضح ليك انو كلامك وفكرتك استفزتهم جدا،،،،ودا شي طبيعي،،،
معقول يا الشفيع انت ما شايف انو البلد دي اتنهبت كيف،،،وانو ثبتربي الدليل انو البد حاكمتها شوية حرامية،،
وهل الكلام دا وخاصة في الايام دي بكون كلام غريب مع قصص الفساد التي ازكمت الانوف،،،،
بطمنك يا باشمهندس،،مافي حد اتناولك بي سخصنة او تعدي،،،،وانا استخدمت العبارة الفوق لتوصيل حجم الاستفزاز والنفور من الفكرة،،،،،،
واحد بس من جملة عشرين اللقال عبارة صادمة ،،،،
اكرر كلامك غير دقيق وهو يمثلك انت فقط
وتحياتي،،،،
| |
|
|
|
|
|
|
|
|
|
Re: الخرطوم تشمها قدحة ايها العميل المرتزق الفاسق (Re: الشفيع وراق عبد الرحمن)
|
Quote:
مصدقك والله يا الامين
"العينة" البتقول كلام يفقدك باسويردك في منبر بكري الفاكي ده
اكيد دي "عينة" لا تفرق كتير عن الفاسق عرمان
فهنيئاً لك "بعينتك" يا الامين |
يا الشفيع انت قلت عرمان فاسق ؟؟؟
سؤال : البشير فاسق وفاسد وللا لأ؟؟
وكل اعضاء المؤتمر الوطني بلا فرز فاسقين وفاسدين وانت تعلم ذلك
ولكن شكلها كدا المعايش جبارة .
والله يا الشفيع بصراحة انا مستغرب في انو في انسان عاقل يظن ان البشير ورهطه امتادا للصحابة والتابعين
يعني انت وود الباوقة تخلو الواحد يستغرب في انحراف زوايا التفكير في العقل البشري واختلاف الاراء
بس البرجع الواحد عن وجود عذر ليكم انو في شي اسمو انسانية وفي دين نهانا عن كل ما تفعلون
يعني الحكومة دي اي حاجة نهى عنها الكتاب عملتا وبرضو انت بتهلل وبتكبر وكلو باسم الدين.
سبحان الله ولله في خلقه شؤون
| |
|
|
|
|
|
|
|
| |
الشفيع وراق عبد الرحمن
ادريس خليفة علم الهدي
الصادق صديق سلمان
عبد الله شم
أيمن محمود
مدثر صديق
الهادي ابوبكر
جمال خضر
خالد المبارك
خالد عبد الله محمود
باسط المكي
فتحي الصديق
Deng
محمد الطيب محمد
قاسم المهداوى
ناصر المحسى
الامين محمد علي
محمد علي عثمان
يوسف أبو صالح
عادل البراري
Tragie Mustafa
زياد جعفر عبدالله
بهاء بكري
almulaomar
إحسان عبد العزيز
أمير السماني يس
اسماعيل عبد الله محمد
فيس بوك
تويتر
انستقرام
يوتيوب
بنتيريست