سلام لأهل الدار بعد غيبة .. لفتت نظري وانا ابحث عن اغنية (أقيس محاسنك) رائعة الشاعر سيد عبد العزيز عنوان الأغنية بأداء اثيوبي وقبلها سمعت أغنية (القطار) أحمد الصادق ايضاً باداء اثيوبي والحقيقة لم اسمعها كاملة بصوت احمد الصادق بينما سمعتها عدة مرات بصوت الفنان الاثيوبي الذ تغنى بها ، ثم وجدت كماً هائلاً من الأغاني السودانية القدمة والحديثة بالآداء الاثيوبي ولفت نظري كمالجمال الهائل الموجود في تناول الالحان . عليه سيكون البوست مرجع الأغنيات السودااثيوبية نقلاً لبعض جمال مبعثر .
عبير لكن ما مسؤوليتك نور عيني ونور الزمن.. والله ابداع ما بعده ابداع.. معقولة الفنانين الأثيوبيون بيغنوا الأغاني السودانية أحسن من الفنانين السودانيين!!! وشكرا على هذه الإستراحة الأنيقة كأناقتك.. والله يديك العافية
04-28-2014, 03:16 AM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
Quote: يا عبير خيري كيفنك ياخ ... حقيقة و بكل امانه ... لا اجد اي متعه في سماع اغانينا الجميله بهذه الطريقه ... ياخي دي بهدله اسمها ... عليك الله بس غمضي عيونك عشان ما تشوفي اللوحه الجميله من الرقص و الحركات ... ولا حتي المناظر الجميله في الخلفيه ... بس غمضي و اسمعي ... بهدله في النطق و مخارج الحروف لانها ما لغتهم ... اذهبت الجمال في الكلمه تماماً ... انا قلت الرجال مساخيط دايرين يتفرجوا ... انتو سببكم شنو ؟
أشهد انك عبرت عني - وأشهد انك احترمت الرأي الآخر ويا عبير الجمال الجبتيهو ما بناباهو ... الا الفيك اتعرفت
- يا عمر الفاروق قوم لف
04-28-2014, 07:48 AM
ناصر حسين محمد ناصر حسين محمد
تاريخ التسجيل: 01-09-2013
مجموع المشاركات: 5233
السلام عليكم زمان قلنا نشوف لينا طريقة وحدة مع اثيوبيا " الجميلة " يعني تأثيرنا الثقافي عليهم أكبر وباين وهم شعب " محترم " وغير مكابر يظهر أعجابو بالجميل حتى لو اتى من أخر وبعدين هي الدولة الاولى افريقيا من ناحية النمو والتطور ... بالتحديد فيديو " تلقى الدنيا فرحة " انا كان نزلتو هنا وبديك احساس عاطفي جميل بانو الناس ديل ناس فعلا ومحترمين ..
برنامجي الانتخابي حيكون " الوحدة مع اثيوبيا " ... ولكن اعتقد انني سوف افقد أصوات الجنس اللطيف
04-28-2014, 08:11 AM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3515
دا إرهاب راسو عدييييييك كدا يا عمك يعني لو شكرنا الغناء دا نكون ( مساخيت ) ولو قلنا أنو بهدلة للأغنية السودانية لربما نكون بنمارس التقية
الأهم من وجهة نظري أن التناول الإثيوبي لأغانينا يسحب البساط من ( فرية ) أن السلم الخماسي هو العائق أمام إنتشار الأغنية السودانية ويعريها لذلك كان نقدنا للفنان ( زميل المنبر ) عاصم البنا عندما حاول أن يغير ( جلد الأغنية ) السودانية ويغير سلمها بدعوى أن ذلك من شأنه أن يسهم في إنتشار الأغنية والخروج بها من ( محليتها )
كنت أقول دائماً أن أغنيتنا السودانية رغم لغتها العربية الراقية ( مضاعة ) في محيطها العربي ، وفي ذات الوقت ( محفوظة ) في محيطها الإفريقي الناطق بغير العربية معادلة تحتاج لزول شاطر في الكيمياء عشان يوزنها
_________________________
أقول قولي هذا ولم أسمع شيئاً من الأغاني لحظر الصوت في مكاتب العمل
04-28-2014, 12:33 PM
khaleel khaleel
تاريخ التسجيل: 02-16-2002
مجموع المشاركات: 30134
هذا التواصل الثقافي بين شعبين مختلفين في اللغة و اللحن رائع ومدهش , حباب الجيران جولات في حوش السودان الوطن, وضعف مخارج الحروف يقوي التجربة ويزيد محاولاتهم جمال .. ويدعونا لمد الايدي لهم للمزيد من التجويد ادوني فيديو كليب سوداني واحد بجودة بعض الفيديوهات اعلاه ,, !!
من اقترب منا باعا شلناه فوق راسنا عديل واقتربنا منه ذراعا :) , لهم التحية لهذه المحاولات وهذا التواصل ,, وتحية لفنانين سودانيين غنوا وسيغنو بلغة الامهرية,,
هذا تواصل حضارات كامل الدسم ,, تحياتي وشكرا لخيط النور ,, ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
04-28-2014, 06:01 PM
الفاتح سليمان الفاتح سليمان
تاريخ التسجيل: 09-14-2009
مجموع المشاركات: 1735
ابدا القصة ما شكلهم لكن هم فعلا عندهم احساس بالاغاني
واسمعنا مرة وغيرها ادوها اداء جميل جدا
ما اظن حقو نعيب عليهم ينطقوا الاغاني بمخارج حروف مختلفة او غيروا المهم تعبيرهم والاداء الملتزمين في انهم يجودوه ويحفظوا اللحن ومحاولة اضافات جميلة
احد الاصدقاء الاثيوبيين وبكل ثقة قال لي نحن شلنا كتير من الالحان من السودان وهو زول موسيقي وفعلا في كتير من الاغاني لحنها في اثيوبيا من السودان لكن الشاب ما فكر انو يدعي ويلف ويدور
وحتي اذا سمعنا الاغنية بدون فيديو فهي جميلة
بعدين ياخ في السودان في ناس مخارج حروفهم بتختلف وما سليمة ( ز) بنخلطها ( ذ)
ال (ه) ننطقها (ح) دا ما بقلل من جمال الاداء
ال ( ث) تنطق (س) والعكس مرات الخ
الشعب الاثيوبي شعب محترم وصاحب حضارة وتأريخ لا يقل من تأريخ السودان
حولوا اغانيهم الشعبية واصبحت تتمدد عالميا بالحانهم ورقصهم المميز الخ
يا ريت نقدر نتواصل ونعاين للناس ديل انهم متساوين معانا لا يزيدوا او يقلوا عننا
بعيد عن التنميط
ما هو المصريين الحرامية سرقوا اغاني السودانيين وبكل بجاحة ساطوها فوق تحت في حد سالهم
غني الاعاجم اغاني السودان بطريقة اجمل من العرب
ويا ريت لو واحد جاب عزة في هواك موسيقي بالساكس فون دا الرابط بتاعها
ما خلونا اغاني وطنية ما خلوا اغاني عاطفية
كلوا جضموها معانا
تقدرينا لكل المتداخلين وحضورهم الجميل كما قال شهاب :-)
Quote: هذا التواصل الثقافي بين شعبين مختلفين في اللغة و اللحن رائع ومدهش , حباب الجيران جولات في حوش السودان الوطن, وضعف مخارج الحروف يقوي التجربة ويزيد محاولاتهم جمال .. ويدعونا لمد الايدي لهم للمزيد من التجويد ادوني فيديو كليب سوداني واحد بجودة بعض الفيديوهات اعلاه ,, !!
من اقترب منا باعا شلناه فوق راسنا عديل واقتربنا منه ذراعا :) , لهم التحية لهذه المحاولات وهذا التواصل ,, وتحية لفنانين سودانيين غنوا وسيغنو بلغة الامهرية,,
هذا تواصل حضارات كامل الدسم ,, تحياتي وشكرا لخيط النور ,,
شهاب الفاتح ازيك وتسلم ياخ كلامك درر يعلم الله ..
برة النص:
إنت قايلني بحب رفاعة دي من هين :)
.
04-28-2014, 09:04 PM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
Quote: الأهم من وجهة نظري أن التناول الإثيوبي لأغانينا يسحب البساط من ( فرية ) أن السلم الخماسي هو العائق أمام إنتشار الأغنية السودانية ويعريها
عاطف عمر ازيك وحبابك كلامك صحيح تماماً ، عارف يا عاطف عمر في اكتر من مقطوعتين للموسيقار Yanni سمعتهم بي السلم الخماسي الما بغباني واستغربت لتفاعل الناس مع المقطوعات خصوصاً انه عزفها لايف في الهند والصين وامريكا ، وسالت نفسي طالما الموسيقى بتصل لاحساس الناس المشكلة شنو البتخلي الغناء السوداني داخل اطار المحلية ، وحتى نايل الاشترك في ذا فويس غنى بالاجنبي حتى في العروض المباشرة.. قصة تحير
.
04-28-2014, 09:26 PM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
سلام يا عبير بوست رائع ... الغريبة قبل اسبوع تقريبا عملت بوست فى الفيسبوك أدعو فيهو للوحدة مع اثيوبيا واريتريا والصومال وجيبوتى لأنهم بحبونا ونحن بنحبهم ونزلت اغنية سودانية أداء اثيوبى... يا سلام عليهم ... جمال وطبيعة وأداء فنى راقى خالى من عقد السودانيين الذين يتماهون مع الأفكار الاصولية الدخيلة والتى شوهت الفن ... تجد معظم الأغانى رجالية بدون النساء وانحسار الرقص والأداء المشترك بسبب المحاذير الاصولية والعقد الذكورية... اثيوبيا تنمو وتتطور بطريقة طبيعية فى اقتصادها وحياتها الاجتماعية وفى فنها دون حواجز وعقد... لنسير نحو وحدة القرن الافريقى لأنها الأفضل بالنسبة للسودان .... بدون تردد... شكرا على البوست الواضح والصريح وليغن الاثيوبيون اغانينا بلهجاتهم ولكناتهم فنحن اعاجم مثلهم وهنا اختلف مع الصديق قبانى فيما ذهب اليه...خليهم يكسروا اللغة العربية زينا الحلفاويين فهذا ليس عيبا ...
04-29-2014, 06:34 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
حتى { الشاي } السادة دا البعيعملوه بي مويتنا وسكرنا وفحمنا برضو مختلف { وش مدردق ومعفوص } عشان الجنس الناعم مايزعل سمعت اغنية الرائع سيد خليفة { على الجمال تغار منا } سمعتها بنكهة أثيوبية والله الأغنية تطير بك لتزرعك في قمم بحيرة تانا ثم تطوف بك في جبال أديس الخضراء لتزرعك مرة بالمقرن ومرة أخرى على حواف الغمام صوت مدهش وموسيقى تدغدغ الأحاسيس وتخضر معها القلوب والمشاعر هسي يجيك واحد ناطي ويقول ليك انتوا مصابون بـ متلازمة الجمال الأثيوبي لا والله 00 الناس ديل جميلين في كل شيء والله ست شاي سودانية في الرميلة ولازبون ماعندها مش الحكاية جمال واناقة لكن صارة وشها اليوم كلو !!!
استمع كثيرا للفنانة الأرترية الرائعة هيلينا ملس صراحة تزيل عنك كل حالات الاكتئاب يعني ممكن تستمع ليها وبدون تردد وانت طالع من جهاز المغتربين أو قابلك بتاع مرور عمل ليك مخالفة أو شاءت لك الأقدار ان تدخل احدى السفارات السودانية أو فجاة اتصلت عليك المدام وقالت ليك اشتري لي معاك توب اسمع هيلينا وكرطع ليك كباية عرديب
شترة والله ياتماضر حنيت عليك 12 سنة ماعندك حرف { الذال } وانت ماعارفة هنا حرف { الذال } في السعودية مكرهنا العيشة يعني لو جيت ساي تنطقو قدام سعودي الا تطلع لسانك لحدت ما يصل زراير القميص !!!
اهلين عبير وين الحي بيك الاثيويين بغنو غنانا بطريقة رائعة جدا اقيس محاسنك بمن احسن من غناها رشا شيخ الدين وهي الخلتني اعرف كلمات هذه الاغنية الرائعة التحية لها وللوافر في العود وياريت رشا وتماضر وتبارك ومريم والوافر والصادق يجونا هنا في استراليا
تحياتي لك يا عبير
05-03-2014, 06:35 AM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
هلا عبير نحنا بنعانى من حصار اعلامى مطبق ومقنن على كل منتجاتنا المادية والحسية واكبر مصيبة انك ماتقدر تسوق مايخرج من (حنانك)ولاقول بين جبنات صدرك وانت مترع بالفرح حينا والحزن تارة اخرى لم نجد من يواسينا الا هذا الشعب العملاق هذا الشعب القديم والمعتق فى تاريخه وحضارته شعب نزل القران فى توبيخ متكبرهم (ابرها الاشرم)ولم يجرؤ احد على فعل ماحاول فعله قبل ولم تحصل لقبلهم لشعب وشعب مدحهم رسول الله في (صدقهم+امانتهم +عقيدتهم ولم تحصل لشعب قط انا شخصيا اعتبر هذا الشعب وانتاجه تسلية من الله وماواساة لنا على ظلم ذوى القربى وجورههم وغدرهم بنا لا لشئ الا انه حسد لم اجد له مبرر اختى عبير احتفائهم فقط بالعملاق وردى واعتقادهم فيه كانه (اله طرب مقدس)يكفيهم ان يجد من كل من ينسب نفسه للسودان ان ينحنى لهم او امامهم والباقى كتير بينما اى عريبى جريبيع يقعد يتمسخر ويتضاحك على انتاجنا الا هؤلاء فقط (هيافلننهض ونحطم الحدود اللى تفصلنا عن هذا الجمال لو لم يجدو من السودان الا وردى لكفاهم فكان منهم واليهم وعاش وفيا لحبهم فنعم الابن ونعم الشعب الايكفيهم انهم ينتسبون في التوراة الى سلالة سيدنا سليمان وبلقيس؟؟والغريبة فيهم سلالات من بنى هاشم اشرف العرب ولكنهم يوما لم يتفاخرو بها!!كما نحن نركض خلف جينات تركلنا ونحط من لهثنا خلفها ان وجدت
الأخت عبير خيري لك الود والتحايا الطيبات ولك الشكر على هذا البوست الراقي الذي جمع أغانينا بلسان أشقائنا الإثيوبيين وجمع أيضاً الذين يتذوقون طعم أغنيتنا بأداء إثيوبي .. والحقيقة أن الحديث يطول حول هذا الموضوع ولكن أود تناول حقيقة مفادها أن الأغنية الإثيوبية أصبحت أغنية عالمية بكل مقاييس العالمية ويذكر الإخوة الإثيوبيين في تحليلاتهم لأغنيتهم أن من الأسباب التي وصلت بأغنيتهم مجال العالمية هي انفتاحها على جيرانها في القرن الأفريقي وأخذ أغانيه وبالذات (الأغنية السودانية) والأغنية الصومالية .. أي أنهم يرجعون سبب تطور الأغنية لديهم إلى الأغنية السودانية .. بالطبع هناك أسباب أخرى كثيرة ولكن وعلى لسانهم أن الأغنية السودانية كان لها دور كبير .. وأخذت الأغنية عندهم إما بكامل الأغنية كما هو معروض في هذا البوست .. وإما أخذ الأغنية وترجمة كلماتها إلى اللغة الأمهرية .. وإما أخذ موسيقى الأغنية .. وفي اعتقادي ومن خلال متابعتي لموضوع الأغنية السودانية بأداء إثيوبي أن من أوائل الأغاني التي أخذت وترجمت إلى اللغة الأمهرية هي أغنية الفنان الراحل أحمد المصطفى (حبيب الروح) .. وهي أيضاً من الأغاني التي تعزف لديهم كمقطوعة موسيقية من فرط حبهم لها وعنوان الأغنية باللغة الأمهرية هي Shegeye وتنطق "شيقيي" إذ أن الحروف الإنجليزية عندما تكتب بها الكلمات الأمهرية لها نطق خاص وتعني الكلمة أحلى شئ. اللحن الذي أضعه هنا من نسختين نسخة كلاسيكية وتعني إستخدام آلات عزف الأغنية الإثيوبية الأصلية "التقليدية" وهي .. 1- الكِرار وهو مايعرف عندنا بالطمبور .. 2- الشِّنْت وهو المزمار أو "الصفارة" 3- الأزمري أوالماسنكو وهو مايعرف في غرب السودان بأم كيكي وعند العرب "الربابة" 4- الكبَّرو وهو الإيقاع عبارة عن طبلين كبيرين يعزفان بالضرب عليهما بمطارق خشبية. والنسخة الأخرى هي عزف بتوزيع مغاير وبآلات موسيقية حديثة. http://youtu.be/juAsbHIHv7k
التعديل محاولة لإنزال الفيديو الثاني من متصفح آخر
(عدل بواسطة بابكر قدور on 04-29-2014, 03:16 PM) (عدل بواسطة بابكر قدور on 04-29-2014, 03:21 PM)
04-29-2014, 12:39 PM
يوسف محمود يوسف محمود
تاريخ التسجيل: 05-17-2013
مجموع المشاركات: 627
لك شكري وتقديري ومحبتي أخي يوسف محمود أعاني من مشكلة في "الكود" في المتصفح الذي استخدمه وهو الفايرفوكس .. وخاصة في رفع الفيديو ... وياريت لو نزلت الفيديو رقم 2 أيضا أكرر شكري ومحبتي وتقديري ...
04-30-2014, 10:21 AM
كمال علي الزين كمال علي الزين
تاريخ التسجيل: 11-14-2006
مجموع المشاركات: 13386
عبير بتي الله يديك العافية بالرغم من أني ألتقيك بالفيس بوك إلا أن للقاء هنا له طعم مختلف هنا نتذكر حواراتنا القديمة ونتذكر لقاءات البورداب ونتذكر البدايات الطيبة وأنّ هذا المكان قد جمع الناس على الإلفة والمحبة والمودة عبير : أنا أرى أنّ محبة الأحباش سنة .. جادي جدا يا عبير كلنا مسلمون ولنا حق الاجتهاد أشار الرسول على أصحابه بالهجرة إلى الحبشة وأشاد بحكامها وأهلها قرّب الرسول بلالا ، وجعله أول مؤذن في الإسلام والصوت في الآذان والغناء هو الصوت .. ولو لم يكن صوته جميلا لما فاز بهذا النصيب جاء الأحباش ليغزو مكة في عام الفيل وقد سمي بفيلهم ، وأعتقد أنهم كانوا يدركون قيمة مكة وإلا لما جاؤوها وقيل أن ذلك قد تزامن مع ميلاد الرسول الفن السوداني عبر إلى اثيوبيا منذ زمن طويل .. والاثيوبيين شعب يحب الغناء والطرب ورقصاتهم خفيفة وجميلة تشبه أجسادهم وأرواحهم هم شعب طيب ومتواضع وينظر إلينا أننا شعب معلّم يحبون السودان ويلجأون إليه في الحارة والباردة وهم شعب جميل وراقي ومنفتح عملت في شركة طيران وكان بالشركة حوالي 10 مضيفات اثيوبيات تعاملت معهن من قرب حيث كنت المدير الإداري وكنّ في قمة الجمال والرقي والتحضّر مخلصات في عملهن متميزات في أدائهن يحترمن انفسهن ويحترمن الآخر واصلي هذا الجمال وقد قيل للفنانين في بدايات الفن السوداني صيع ، مساخيت ، صعاليك وغير ذلك ، لكن نفس المجتمع تراجع عن ذلك واحترم الفن والفنانين واحترم من يحترمهم وأطلق لفظ مبدعين على كل المشتغلين بالغناء حتى الذين يجيدون الاستماع نعتبرهم مبدعين لا تنقطعي عن سودانيزأونلاين فهي الأم الرؤوم
04-30-2014, 08:15 AM
Yousuf Taha Yousuf Taha
تاريخ التسجيل: 05-03-2013
مجموع المشاركات: 1034
taha yousef عاطر التحيات وشكرا لكلماتك الطيبات بالجد هذا الشعب ذو السر الدفين قدم اخر(اقدم امبراطورية)تصدق يكفيهم انهم الوحيدين في العالم اللى بيقولو ان السنة الميلادية خطا!!!!كل العالم في الفين واربعطاشر الا هم!!!شغالين بناقص خمسة سنوات على ما اعتقد تخيل انهم الان في العام 2006؟؟؟ ومصرين على تقويمهم اللى بنى على معقتدهم الراسخ سألت احدهم لما لم تغيروه؟قال لى الغرب مفروض يغير نحن ادرى بالمسيح وتاريخ ميلاده امريكا والغرب احدث من ان ناخذ منهم تاريخ مقدس يرجع للمسيح عيسى (عليه السلام) تحياتى للجميع
05-03-2014, 06:40 AM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
Quote: هلا عبير نحنا بنعانى من حصار اعلامى مطبق ومقنن على كل منتجاتنا المادية والحسية واكبر مصيبة انك ماتقدر تسوق مايخرج من (حنانك)ولاقول بين جبنات صدرك وانت مترع بالفرح حينا والحزن تارة اخرى لم نجد من يواسينا الا هذا الشعب العملاق هذا الشعب القديم والمعتق فى تاريخه وحضارته شعب نزل القران فى توبيخ متكبرهم (ابرها الاشرم)ولم يجرؤ احد على فعل ماحاول فعله قبل ولم تحصل لقبلهم لشعب وشعب مدحهم رسول الله في (صدقهم+امانتهم +عقيدتهم ولم تحصل لشعب قط انا شخصيا اعتبر هذا الشعب وانتاجه تسلية من الله وماواساة لنا على ظلم ذوى القربى وجورههم وغدرهم بنا لا لشئ الا انه حسد لم اجد له مبرر اختى عبير احتفائهم فقط بالعملاق وردى واعتقادهم فيه كانه (اله طرب مقدس)يكفيهم ان يجد من كل من ينسب نفسه للسودان ان ينحنى لهم او امامهم والباقى كتير بينما اى عريبى جريبيع يقعد يتمسخر ويتضاحك على انتاجنا الا هؤلاء فقط (هيافلننهض ونحطم الحدود اللى تفصلنا عن هذا الجمال لو لم يجدو من السودان الا وردى لكفاهم فكان منهم واليهم وعاش وفيا لحبهم فنعم الابن ونعم الشعب الايكفيهم انهم ينتسبون في التوراة الى سلالة سيدنا سليمان وبلقيس؟؟والغريبة فيهم سلالات من بنى هاشم اشرف العرب ولكنهم يوما لم يتفاخرو بها!!كما نحن نركض خلف جينات تركلنا ونحط من لهثنا خلفها ان وجدت
يوسف محمود حبابك ياخ .. كفّيت ووفيّت مقتبس ناقشت فيه واقع فنّي وسياسي واجتماعي وجسدت معاناتنا بكل دقة وبراعة .. لنا في الغد حكاية أجمل يا أخي لعلها .. رغم تضاؤل التفاؤل دمت بخير
.
04-30-2014, 08:04 AM
يوسف محمود يوسف محمود
تاريخ التسجيل: 05-17-2013
مجموع المشاركات: 627
العزيزة عبير قبل ان انال شرف عضوية المنبر تداخلت مع الاستاذ كبر فى احد بوستاته و كان أس المداخلات ان ما يقدم عبر التلفاز هو صورة نمطية مكررة لفنان و خلفة رصة عازفين قاعدين فوق كراسى وهى صورة ما عادت تجدى مع و اقع هذا الزمن ,, و تماما كما قال كبر ... غيبت امدرمان ممثلة في تلفزيونها اغانينا المفعمة بالحركة و الرقص فى الشمال والجنوب و الشرق و الغرب وسط جمال طبيعة حبانا بها الرحمن .. عشان كده الناس جرت للناس الغنوها بالطريقة ال بتشبه تراثنا بما فيها من رقص و حيوية
05-01-2014, 04:56 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
اهلين عبير وين الحي بيك الاثيويين بغنو غنانا بطريقة رائعة جدا اقيس محاسنك بمن احسن من غناها رشا شيخ الدين وهي الخلتني اعرف كلمات هذه الاغنية الرائعة التحية لها وللوافر في العود وياريت رشا وتماضر وتبارك ومريم والوافر والصادق يجونا هنا في استراليا
تحياتي لك يا عبير
05-03-2014, 07:15 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبير خيرى
Asma.A.Salih
يحي قباني
Asim Fageary
أيمن محمود
ناصر حسين محمد
Hani Arabi Mohamed
Tumadir
فيصل محمد خليل
عاطف عمر
khaleel
شهاب الفاتح عثمان
الفاتح سليمان
Mannan
ابوحراز
ابراهيم ناصر
محمد الكامل عبد الحليم
خالد العبيد
بابكر قدور
كمال علي الزين
Awad Omer
ودقاسم
جلالدونا
معاوية الزبير
إبراهيم عبد الحليم
طارق عبد اللطيف نقد
فيس بوك
تويتر
انستقرام
يوتيوب
بنتيريست