|
كنت في مناطق البحث عن الذهب (Re: ياسر بيناوي)
|
مثلي ومثل معظم ابناء منطقتي استقلينا عربة أحد الأقارب ( بوكس ) وكنا اربعة افراد لكل منا جهاز ( gbx ) ولدينا خيمة ومستلزمات الميز ما يقضي حاجتنا لمدة شهر وكانت بصحبتنا عربتان تحمل نفس العدد و العتاد واتجه ركبنا شرقا من مدينة ابوحمد مسافة ستين كيلو متر حيث مناطق ( أب نيران - والعانج - وفتوح السكران _ النجيم - وكتمت )
= نواصل =
خالص الود
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
وبمجرد وصولنا منطقة اب نيران قمنا بنصب الخيام ومن ثم بدأنا رحلة البحث واخذ كل منا جهازه واخذ اتجاها يختلف عن الاخرين وبدأ رفاقي في العثور علي القطع الصغيرة من المعدن النفيث ( نواميس -وتسالي - جنزبيل ) علما بأن ( الناموسة تزن اقل من نصف _ والتسالية تزن حوالي جرام - اما الجنزبيلة فتزن ما بين جرام ونصف الي عشرة جرامات ) في الايام الأولي كلهم عثروا علي تلك القطع الثمينة عدا العبد لله والذي ظل يبحث بكل جد ومثابرة ولكن دون جدوي د ظلت الوضع بهذا الحال لمدة عشرين يوما بالتمام والكمال الرفاق (ملقطين) ومن من كان حصاده قرابة الاربعين او الخمسين جراما والعبد لله ولا ( ناموسة ) وفي اليوم الواحد والعشرين وتحديدا في الخامسة عصرا اذا بالجهاز يصرخ باسعد صرخة سمعتها في حياتي وعندها حفرت مكان الصرخة حفرة لايتجاوز عمقها العشرة سنتمتر وقطرها كذلك و اخذت ( انسب ) التراب الذي اخذته من الخفرة اذا بي اجدها قطعة من الذهب الخالص تزن مائة وسبعين جراما بالتمام والكمال
= نواصل =
خالص الود
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
Quote: وفي اليوم الواحد والعشرين وتحديدا في الخامسة عصرا اذا بالجهاز يصرخ باسعد صرخة سمعتها في حياتي وعندها حفرت مكان الصرخة حفرة لايتجاوز عمقها العشرة سنتمتر وقطرها كذلك و اخذت ( انسب ) التراب الذي اخذته من الخفرة اذا بي اجدها قطعة من الذهب الخالص تزن مائة وسبعين جراما بالتمام والكمال
|
صدق اولا تصدق يا أخ ياسر وياكل القراء رغم اني لم أتشرف بمعرفتك ياياسر حتى اللحظة غير أني وصلت الان وبديت معاك من النقطة دي الفوق دي صدق لو قلت ليك في اللحظة دي انا اتخيلتك لدرجة اني مستعد اوصف شكلك ولولا أني مقيد وعارف قيدي حدو وين كان اتجرأت ووصفتك يا أخي ربنا يوسع ليك دنيا وآخرة واصل وانا مستمتع بالسرد والمناظر
| |
|
|
|
|
|
|
Re: كنت في مناطق البحث عن الذهب (Re: abas)
|
الاخ بيناوي تحية و احترام
سرد ممتع ياخ ولا افلام جيمس بوند ورينا كيف بلدنا جميلة وفيها الخير بالله ياسسلام ياخ انا مغرم حتى الثمالة بهذا النوع من المغامرات و خاصة لما تكون في سوداننا العجيب ده و اعشق التوثيق وثق يا بيناوي لكل حركة و كل سكنة و كل قطعة من هذه الارض المعطاءة السودان ده زي ما بيقول حسين خوجلي لم يكتشف بعد احبك ياسودان ولا عزاء لغير السودانيين و ربنا ييسر الارزاق لينا و ليكم
| |
|
|
|
|
|
|
Re: كنت في مناطق البحث عن الذهب (Re: خالد المبارك)
|
الاخ خالد المبارك فعلا السودان جميل واجمل ما يكون ولكن الله يجازي الكان سبب كان سلطة ينسلط ينسلط عليها وكان حسين خوجلي يلجنو
يا عزيزي السودان لكل السودانين عدا الما بيشبهونا خلقة واخلاق
خالص الود
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
Quote:
المستنير وهبة · الأكثر تعليقا · Khartoum, Sudan اتاريك كنت مختفي من الساحة ههههههههه ان شاء الله ربنا يديك من وسع يا ياسر |
وإنت كمان يا يا حبيب، و إن شاء الله ربنا يكلل مسعاك بالنجاح.
ياسر طبعاً أنا صاحبك، مُش، هههههههه.
يا أخي ايما سعادة هي !!!. والله صحي ...
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
وتتعدد طرق التعدين الأهلي مثل التعدين بواسطة الاجهزة الكبيرة ( gbx ) والتعدين بواسطة الاجهزة الصغيرة ( gmt ) وهذا يتطلب وجود تزاكتور او لو در او بوكل وهناك التعدين بواسطة حفر الآبار ( وهذا اصعب و اخطر )
واخيرا ظهر التعدين بواسطة الغرابيل
وسنعود لشرح كل طرق التعدين ونتحدث عنها بالتفصيل
= نواصل =
خالص الود
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
الف مبروك لغاية هسى, اكيد كان الناتج اكتر, فى إنتظار باقى الجرامات
السرد ممتع , جعلنا نحس بالصحراء و نتذوق ذرات التراب مع الاكل
شجاعة منك للاعتراف بكمية الجرامات, اى زول عرفناهو مشى الدهب نسالو والرد الثابت هو ( الحمدلله ), نعمة بالله لكل باحثى الرزق فى كل مكان, لكن ما بيعترفوا مع تحياتى
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
يا سلااااام يا ياسر الف مبروك وان شاء الله المرة الجاية بدل الجرامات ربنا يديك بالكيلو .. رجعتنا لي ذكريات جميلة رغم إننا ما اتوفقنا لكن ان شاء الله متفاءلين انو الجايي يكون أحلى عارف يا ياسر نحنا عندنا مشكلة واحدة ، زي السمك من غير موية ما بنعيش عشان كده لمن قررنا نمشي الدهب مشينا المحس رغم اننا عارفين انو الخلايا في وادي المعقل ونوراية وغيرو. المسافة قريبة من النيل والبرنامج ثابت ، بنشتغل من بعد الفجر لغاية الساعة 11 بعد داك بنفطر ونشرب الشاي وعلى البحر طوالي بنستحما ونغسل ملابسنا ونشتري السمك ، بنعمل أكلنا بي مزاج وبنقيل في (الجنينة) لغاية العصر بنرجع ونواصل شغل لغاية المغرب وإذا في قمر بنشتغل بالليل يمكن لغاية 12 وهكذا .. برنامج رحلة جميلة لكن ما بتخلو من مخاطر التمساح في البحر والعقارب والعناكب السامة والثعابين في الجبال خاصة ما يعرف بـ(أب درق) ويوجد أيضاً ضب سام .. الحافظ الله .
أجهزتنا بالإضافة للجي بي أكس ، عندنا الألماني لورينز ديب ماكس أكس 6 - الصورة من الإنترنت
في منتصف الصورة الخيمة بتاعتنا ، عربة بوكس وعربة جيب وبعض براميل الماء
نهر النيل ، الماء والخضرة .. والسمك
الكيلو بي 2 جنيه ، ومرة اشترينا نص شوال سمك بي 15 جنيه
سمك مبالغة .. حاجة ما بتتوصف والله
الكبسة .. أسهل وجبة يمكن إعدادها في الرحلات ، لكن الناس ما جايبين خبر
أخيراً .. التحلية .. قطعة من الذهب الخالص عيار 1000، 12 جرام
معليش يا جماعة رداءة الصور بسبب الموبايل المخستك الكنت شايلو لكن عندي صاحبي مصور كمية من الصور بي آي فون بحاول اتحصل عليها ان شاء الله. التحايا من على البعد لأهل (كويا) الطيبين خاصة عم موسى (صاحب الجنينة) . ان شاء الله ربنا يقدرنا ونرد ليك جميلك
تحياتي ..
| |
|
|
|
|
|
|
Re: كنت في مناطق البحث عن الذهب (Re: محمد عبدالله مختار)
|
محمد عبد الله مختار تحياتي ياخي طلعت زميلة بورد وزميل مجازفات
ياسلام علي الصورة الجميلة زكرتني ( سمنة - وعكاشة - والبير حيث كافتيريا فكرية )
تعرف يا صديق انا لفيت معظم مناطق الدهب في نهر النيل والشمالية ولكن تظل ايامنا في منطقة المحسة هي الاجمل
خالص الود
| |
|
|
|
|
|
|
Re: كنت في مناطق البحث عن الذهب (Re: ذواليد سليمان مصطفى)
|
Quote: سرد ممتع ياخ وand#65275; افand#65276;م جيمس بوند ورينا كيف بلدنا جميلة وفيها الخير بالله ياسسand#65276;م ياخ انا مغرم حتى الثمالة بهذا النوع من المغامرات و خاصة لما تكون في سوداننا العجيب ده و اعشق التوثيق وثق يا بيناوي لكل حركة و كل سكنة و كل قطعة من هذه اand#65275;رض المعطاءة السودان ده زي ما بيقول حسين خوجلي لم يكتشف بعد احبك ياسودان وand#65275; عزاء لغير السودانيين و ربنا ييسر اand#65275;رزاق لينا و ليكم |
ههههه ....ما ناقص الا المنعطف الخطير و الظرف التاريخي عشان يكتمل البيان. سلامات يا بيناوي
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
الإخ ياسر بيناوي بعد السلام خلاص خلينا متابعتك.. خليت الحكي وبقيت ترد على المداخلات .. عندك باقي حكي ولا ما ندخل ساكت ونطلع بخفي حنين؟ تحياتي
كبـّاشي الصـّـافي .
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
نواصل المهم بعد ربنا أكرمني بالمائة وسبعون جرام وطبعا جري تقسيمها حسب العرف السائد تلت للعامل وتلت للجهاز وتلت للعربة اها مجرد ما استلمت نصيبي طوالي اشتريت جهازي الذي لم يفارقني حتي اللحظة و بقيت دهابي اصلي شهر في الخلا واسبوع في الحلة ثم اصبحت الرحلات تأخد فترات زمنية اطول والي مناطق ابعد ( النفايات - وادي الشيخ - قبقبة - المعقل - المرات - نصب الحصان - تلة عابدة - ام طباق ) وغيرها من المناطق
= نواصل =
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
كنا في البداية ننقب عن طريق الاجهزة وحدها ثم انتقلنا بعد ذلك للتنقيب بمساعدة وابورات التراكتور ثم اخيرا انتقلنا لمرحلة التنقيب بمساعدة البوكلن وهذا الاخير يتيح الفرصة للعثور علي كميات أكبر واعرف الكثيرين من من عثروا علي مائة كيلوجرام وعلي مائتين وعلي ثلاثمائة واكثر
= نواصل =
خالص الود
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
ومن القصص المثيرة ان الميسورين من منطقتنا ( سأجري معه حوارا مطول خاص بالمنبر ) جهز البوكس والأجهزة واشتري الميز ودفع سلفيات للعمال ما يقارب العشرة الف جنيه ولكن العمال عادوا بعد شهر بخفي فكرر المحاولة واشتري الميز ودفع السلفيات وايضا عادوا ولم يجدوا ولا جرام واحد وايضا كرر المحاولة ثم كررها حتي وصل مبلغ مادفعه لهم حوال خمسون الف جنيه قال لهم ( امشوا المرة برضو لو لقيتو الحمد لله ولو ما لقيتو انا عافي ليكم لوجه الله ) فذهبوا ولكن بعد عشرة ايام فقط عادوا ومعهم قريب العشرين كيلو وقالوا انهم عثروا علي حفرة ويريدون بوكل وفعلا دهبوا وبمعيتهم البوكلن واصبحوا كل عشرة او خمسة عشر يوم يعودون محملين بكميات كبيرة حتي فاقت جملة ما عثروا عليه اكثر من ثلاثمائة وتسعين كيلو
= نواصل =
خالص الود
| |
|
|
|
|
|
|
Re: كنت في مناطق البحث عن الذهب (Re: Tragie Mustafa)
|
اها دخلت الغريق دابك،، ياهو جنس الكلام ده البفرح هو الخلا عثمان موسي هسع تحت الجبال ديك.. وبي تحت تحت قالو قريبو ود المدير لاحقو... الله ابشرك بالخير وياغني اغني بفضلك عبادك الكادحين متوكلين علي رحمتك وراجين من خزاين دهبك..
| |
|
|
|
|
|
|
Re: كنت في مناطق البحث عن الذهب (Re: عبدالعزيز عثمان)
|
الأخ / ياسر
ربنا يوفقك ويوسع في رزقك ، ولكل مجتهد نصيب .
البحث والتنقيب عن الذهاب من الأعمال الشاقة ويحتاج لمرء بذي صبر وجلد وتحمل الصعاب ، حيث أن الانسان معرض للخطر في أية لحظة ولكن الحافظ هو الله أحفظ الله يحفظك من كل سوء .
الحبيب محمد عبد الله لكم التحايا وايامك إن شاء الله ذهب .
| |
|
|
|
|
|
|
Re: كنت في مناطق البحث عن الذهب (Re: ولياب)
|
Quote: واصبحوا كل عشرة او خمسة عشر يوم يعودون محملين بكميات كبيرة حتي فاقت جملة ما عثروا عليه اكثر من ثلاثمائة وتسعين كيلو |
الاخ ياسر الف حمد لله على السلامة وربنا يرزقك من فضله على اجتهادك وصبرك وتحملك للصعاب
لكن يا اخوى الكلام الفوق دة لو مظبوط البشير القاعد ليها شنو فى القصر الجمهورى
| |
|
|
|
|
|
|
Re: كنت في مناطق البحث عن الذهب (Re: احمد التجانى احمد)
|
حبيبنا احمد التجاني سلاماتي ياخي الكلام دا مظبوط وهناك من عثروا علي اكثر من ذلك ويمكنك ان تسأل عن بابكر عباس ( ابوديس _ ابوحمد ) وازهري ( العفاض ) صاحب الحفرة التي تسمي بنك السودان وياسر كليب (ابوحمد ) والكثيرين من الذين عثروا علي ما يفوق المائتين والثلاثمائة كيلو
وبعدين القال ليك منو عمر البشير ووزراءه قاعدين في الخرطوم وما عندهم شركات او اسهم في شركات تعمل في التعدين يا عزيزي تابع البوست وستقرأ الكثير و المثير
خالص الود
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
معتصم سليمان.. سلام...
ياسر بيناوى دا سودانى أصيل.. زول بسيط جدا وأخو أخوان للطيش.. وبعدين النوع البيبّسط ليك الآمور و ما بيعقدها.. ورغم كل المعاناة الحاصلة فى السودان.. يا أخى تلقاه متفائل شديد.. وعنيد.. وساخر بأدب وتهذيب.. وعنده أصرار على النجاح.. وكريم كرم حاتمى... تلقاه ما عنده التكتح.. لكين يعزمك على فطور فى السوق العربى.. ولا كباية شاى تحت شجرة نيم.. وبعدين ما عنده كبير غير الله.. وما بيخاف من الجن الآزرق.. وأنت لو لاقيته حتحلف انك بتعرفه من ايام الطفولة وكورة الشراب.. وممكن يكون من أى بلد فى السودان..
دا وصف عام لى ياسر بيناوى..... لمّتنى بيه ظروف الحزب الليبرالى فى الخرطوم.. وأفترقنا على هذا الاساس..
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
سلام لصاحب البوست وضيوفه.
في تجربتك و تجربة غيرك من الضيوف خاصة الكانوا في المنطقة النوبية ممكن تكتبوا لينا عن اي مشاهدات او لو حصل شفتو ناس بيسرقوا اثارات او بيخربوا المناطق الاثرية في المنطقة سواء افراد او من شركات وعن حرائق النخيل في المنطقة وعن ما يذهب للمحليات من اموال من المنقبين العشوائين وعن استخدام المواد الخطرة في عمليات ما بعد التنقيب وعن المناطق السكنية للوافدين للمنطقة .
و ممكن تشاركوا في البوست ادناه. اذا عاوزين تكتبوا هنا عن ايجابيات التنقيب العشوائ.
http://www.sudaneseonline.com/board/460/msg/1396371433.html
| |
|
|
|
|
|
|
Re: كنت في مناطق البحث عن الذهب (Re: Medhat Osman)
|
حبيبنا مدحت عثمان سلامات ياخي وأكيد سأكتب اولا عن جمال ورعة المناطق النوبية التي زرتها سأكتب عن عكاشة والبير و وادي حلفا وغيرها وساكت ايضا عن الشركات التي تعمل في غسيل الكرتة عن طريق سيانيد البوتاسيوم وسأكتب عن الدهابة وتأثيرهم الايجابي في مناطق النوبة ومناطق نهر النيل وسأكتب عن الشركات الاجنبية وعلاقة رجال الدولة والكثير الكثير
خالص الود
| |
|
|
|
|
|
|
Re: كنت في مناطق البحث عن الذهب (Re: ياسر بيناوي)
|
نواصل في رحلاتنا للعديد من المناطق ( شقر - هويد _ ام فتفت _ نمرة تلاتة ونص _ والمنجم-وبعض المناطق في المحس وغيرها من المناطق ) وجدنا بعض المناطق الممسوحة لشركات بعضها عالمية وبعضها محلية والمحظورة تماما علي التعدين الأهلي ولكن من المؤسف حقا ان معظم هذة لاتعمل حاليا
= نواصل =
| |
|
|
|
|
|
|
Re: قبل ان تصبح بوردابي (Re: علاء سيداحمد)
|
حباب الدهب والناس الطلتها اعلى من الدهب
سعيد بتجربتك واخبارك, وثق في سودانيز وبعدها وثق في كتاب سيجد القبول ! .. الاثار المفقودة او التي يتعامل معها عشوائيا الم وجريمة واكثر ,,
للامام وياليت في المستقبل استعين ببعض الصور ,, التصوير مهم , وابقى عشرة وياحافظ تحياتي ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
| |
|
|
|
|
|
|
|