|
دعواتكم لزميلنا المفكر د.الباقر العفيف بالشفاء العاجل
|
|
 Re: يا حبيبي أنا شمتان !!!!! (Re: Amin Mohamed Suliman)
|
ما متذكر بالظبط سنه 84 ولا 85 كنت في الثانوي العالي ، المريخ لاعب المباراه النهائيه لبطوله سيكافا ، شايل الراديو و خاتيه في اضاني و أعصابي بايظه بشجع في المريخ و أنا الذي إذا ما جرحت نزفت دما ازرقا !!
صفر الحكم معلنا نهايه المبارة ، فبكيت فرحا ، أي والله بكيت البكا الواحد ده ، والله الذي لا إله إلا هو المره الوحيده البكيت فيها في كوره كانت لمن المريخ فاز في سيكافا !
تلف الدنيا و تدور و كل ما تتفتح سيره الكوره " يعايرونا " بسيكافا و كاس دبي لليله الواحده و كاس شنو كده ما عارف ، و يجيك مزمل أبوالقاسم يزيد ما في النفوس من سخايم ، و تمشي تقرا منتدي المريخ تجدهم أساتذه في هبش مكامن الحنق و الغيظ في نفس كل هلالابي حتي تيقنت أن المريخاب يكرهون الهلال أكتر من حبهم لفريقهم !
من البكا فرحا لفوز المريخ للدعاء بأن ينزل الهزيمه عليهم اينما حلو ! الرحله دي تمت بكل سهوله و يسر فالتحيه ليكم يا مريخاب السهلتوها لي ، التحيه لمزمل أبو القاسم و أبو شيبه و كل مشجعي المريخ البكتبو في الجرايد ، و تحيه خاصه لواحد إسمو( شيبه ) كان بكتب هنا و الله كنت بخاف عليهو من السكته القلبيه لو الهلال غلب هلال كادقلي !
فبالله ما تلوموني في شماتي دي ، الصهاينه ديل سقوني ليها سقايه !!
| |
 
|
|
|
|
|
|
|
|
Re: يا حبيبي أنا شمتان !!!!! (Re: Amin Mohamed Suliman)
|
تحياتي يا أمين
لم أشمت على المريخ كما شمت بالأمس
ليلة أمس دي كانت بالجد لا تقل روعة عن ليلة عرسي..
بس الواحد ما لقى حد يشمت فيهو كل الناس الحوالي هلالاب..
قبل يومين كنا في مناسبة، هل تصدق كنا تمانية أشخاص جالسين في تربيزة واحدة،
اتضح إننا كلنا هلالاب؟ والله بستغرب الواحد كيف يبقى مريخابي!
نبارك لأتراكو ونقول للمريخ تعيش وتاخد غيرها وربنا يجعل ليك في كل مباراة هزيمة..
| |
|
|
|
|
|
|
|
|
|
Re: يا حبيبي أنا شمتان !!!!! (Re: Nasruddin Al Basheer)
|
أجمل حاجه يا نصر في شماته أمس إنو ما كان في زول متوقعا ، اتراكو فطيسه ماخد سته منهم هم ذاتم قبل أسبوع ! مالين لينا البورد فصاحه و لداحه ليهم أسبوعين ، صارفين ليهم إتنين مليون دولار ( ما مليون و نص زي ما كنت قايل ) عشان يقولو شلنا سيكافا تلاته مرات ،اها خليهم يخمو و يصرو !!!
| |
|
|
|
|
|
|
|
|
|
Re: يا حبيبي أنا شمتان !!!!! (Re: Amin Mohamed Suliman)
|
يا أمين عليك الله انت وعمر الفاروق خلاص كفاية!!
كترتوها خااااالص لحد ما تكتلو زول بي السكتة الأتوركية..!!
لا..بالجد بتجيبو خبر زول..الناس ديل على الهبشة..ومن هسي لا خنفر لمن ضنفر..يوم السبت كان الهلال هلّ ما تجوا منططين وتفتحو بوستات وتقوموا الدنيا..بوستات الفوز دي ما تتفتح هنا إلا من الأهلي المصري وانت طالع..والأهلي ظاااتو أقل من 2 ده ما غلب يستحق بوست !!
| |
|
|
|
|
|
|
|
|
|
Re: يا حبيبي أنا شمتان !!!!! (Re: خالد عويس)
|
| Quote: حتي تيقنت أن المريخاب يكرهون الهلال أكتر من حبهم لفريقهم |
يادووووووبك عرفت؟ ياخي انت متاخر خالص خالص
الناس ديل مابعرفو اللاعب كويس ولا لا لو ما قارنوه
بلاعب هلالي. الله يهديهم.
واحد شمتان شماتة ابله ظازة ظاطه
| |
|
|
|
|
|
|
|
|
|
Re: يا حبيبي أنا شمتان !!!!! (Re: خالد عويس)
|
خالد يا عويس ! سلام يا صاح !
واحده من أكبر المشاكل العملتها لي معطه المريخ الأمس دي : إنو إحساس الشماته تمدد في القلب فما ترك أي مكان لأي إحساس أخر ، يعني السبت الجاي الهلال يغلب ، يتغلب ما عندي ليو إحساس ، فليعذرني أبو الهل !!!
و عشان يا خالد تعرف الحكايه سجمانه كيف : الجماعه ديل من رواندا ، و رواندا دي نص الشعب كتل النص التاني ! أها اتراكو ده فريق نقابه التاكسي بتاع النص الفضل !!! يعني حاجه كده زي سجم مارق من سجم ، كونو السجمانين دي يجو يمعطو جماعتنا ديل في إستادم و بعد ما غلبوم في الافتتاح سته ، و بعد ما دفعو مليونين دولار إقامه و ترحيل و عليفه للخلق دي كلها ! جد حاره !!!!!! و كل ما تقع لي الحروريه اتكيف زياده !!! و تتمدد الشماته أكثر و أكثر حتي لم يصبح في قلبي موضع الا وفيه ضربة شماته او طعنه شماته او رمية شماته ، فلا نامت أعين الجبناء !!!
عشان كده ما تخاف إنشالله مافي أي بوستات السبت , كل الأحاسيس خلصانه و محجوزه من أمس !!!!!!!
| |
|
|
|
|
|
|
|
|
|
Re: يا حبيبي أنا شمتان !!!!! (Re: Amin Mohamed Suliman)
|
Quote: و بعد ما دفعو مليونين دولار إقامه و ترحيل و عليفه للخلق دي كلها !
جد حاره !!!!!!
و كل ما تقع لي الحروريه اتكيف زياده !!! |
يا أمـين
ناس جمـال الوالي ما سـمعوا بي :
" أتـق شـر مـن أحسـنت إليه " ?
يا مـان :
الجـماعـة ديل هـوتو ولا توتسـي ?
| |
|
|
|
|
|
|
|
|
|
Re: يا حبيبي أنا شمتان !!!!! (Re: Abd Alla Elhabib)
|
يا عبدالله الحبيب عليك الله شيل كورتك واتخارج من هنا..هسي بكري أبوبكر يشوفنا ملمومين في محل واحد يفتكر انو الشغلانية تاني فيها السيد..يجي يغطس حجر البوست..يا تتخارج انت يا اتخارج انت قبال ما يلحقو البوست ده أمات طه !!
انت صحي البوستات ديك مشت وين..؟ والله أظن في الخور ظاااتو ما تتلقي.
أمين .تتجازى ياخوي.
انت خليت شغلتك كلها وقعدت لي الناس ديل..وبس.
غايتو لو غلبنا يوم السبت - بإذن الله - بي عمايلكم دي انت وعمر الفاروق..أحمد شرفي بتتملي..مغسة سااااكت
| |
|
|
|
|
|
|
|
|
|
Re: يا حبيبي أنا شمتان !!!!! (Re: خالد عويس)
|
سـلام حـبيبنا خـالد ..
والله ما قلت إلا الحـق
تعـرف يوم الجـمعة كنتا شغـال وبشارك
كلما أمكن في بوست التصفية داك ..
ساعة ونـص كدا البوسـت إخـتفي ..
زعلت جـدا والله .. في ردود ما عملتها.
السبت الصباح عملت بوست :
أين بوست التصفية الشاملة ?
هـل هي ذراع الكيزان الطويلة ?
والله ياخالد.. وئد في أقل من نصف ساعة
ياخ إنتا الحاصل شنو ?
أشـكرك جـدا يا خالد
---------
عـذرا أمين !
| |
|
|
|
|
|
|
|
|
|
Re: يا حبيبي أنا شمتان !!!!! (Re: Abd Alla Elhabib)
|
عبدالله سلامات
ياخوي كان كدة انت فاتك باقي الفيلم
لما اختفى البوست بتاعك (أين بوست التصفية الشاملة..أهي ذراع الكيزان الطويلة)..قمت فتحت بوست بسأل فيهو عن البوستات الاختفت دي..أنقر بكري ما لحقو أمات طه في دقيقة ونص بالضبط والله تقول قاعد معاي في كمبيوتر واحد..
غايتو.الجاتك في بوستك سامحتك..لكن زولك داك تاني سيرة المعارضة ما بيجيبها..
معليش يا أمين نرجع لي أبوالهل حبيب الملايين
| |
|
|
|
|
|
|
|
|
|
Re: يا حبيبي أنا شمتان !!!!! (Re: خالد عويس)
|
شكرا يا مريخ و أنت تأبي أن تخمد إحساس الشماته فينا !
شكرا يا مزمل فلولاكم لما عرفنا قيمه الشماته كاحساس ، شكرا و أنتم تنثرون فينا الفرح فتزدان أيامنا الكئيبه !
شكرا and keep up the good work !
| |
|
|
|
|
|
|
| |
Amin Mohamed Suliman
Nasruddin Al Basheer
عبدالوهاب علي الحاج
Abd Alla Elhabib
waleed dawash
أمين محمد سليمان
طلحة عبدالله
فيس بوك
تويتر
انستقرام
يوتيوب
بنتيريست