|
|
 آل المسلمي - وهبه - السودان الشقيق و أشياء أخري !!
|
بدون دعوه من أي زول ، قام وفد علي مستوي عال من بورداب ولايه كانسس و التي لا يوجد بها غير شخصي السمين بزياره لجمهوريه السودان الديمقراطيه في الفتره ما بين الثالث و العشرين حتي التاسع و العشرين من شهر سبتمبر المنصرم .
الغرض من الزياره كان لتقويه أواصر العلاقات بين بورداب ولايه كانسس و أشقائهم و شقيقاتهم من بورداب الخرطوم و الوقوف علي تجربه بورداب الخرطوم الثقافيه و الاجتماعيه الرائده .
إلتقي الوفد بشيخ بورداب الخرطوم العوض المسلمي و نائبه عبدالوهاب علي الحاج الشهير ب (الوالد العزيز وهبه ) و بالاخ السيد المسلمي المرشح الأول لخلافة العوض علي رئاسه بورداب الخرطوم .
كما إلتقي الوفد بالاخوان :
ناذر محمد الخليفة
أحمد حنين
أبوبكر أبوالقاسم
مزمل خيري
محمد عادل
محي الدين جبريل
ياسر بيناوى
جمال السنوسي
أحمد موسي
عبد الرحمن الضو
الفاتح وديدي
معتصم ود الجمام
كمال إدريس
هشام كمال
ذواليد سليمان مصطفى
ناجي الملك
خالد ساتي
و الأخوات مياده كمال و إنعام حيموره
|
|
 
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: أمين محمد سليمان)
|
أن تلتقي وهبه وجها لوجه لأول مره و يكون حاضرا بشخصه و بالفرح المعبأ في ضحكته : فتلك قصه أخري !
و وهبه لمن لا يعرفونه : من الفقاريات التي تتغذي علي الصعوط ولا تتنفس إلا دخان البرنجي و الشيشه البحرينيه !
وهبه أصبح من نجوم المجتمع في السودان الشقيق فما ذهبنا أي مكان إلا و وقف الناس يسألون : إنت وهبه بتاع سودانيزاونلاين ؟!!
| |
|
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: أمين محمد سليمان)
|
Quote:
Quote: خياااااااااااااااااااااااااااااااااااااااااانه .....!!!!
الكلام دا وين ومتين ؟؟؟؟؟؟؟؟؟؟؟؟
يا داليا كان ما تكلمنا بالتلفون ؟! النكري ما بيفيد : كلو مسجل ! |
انا قصدي الخيانه بتاعت الملاقاه ... انتو اتلاقيتو وين وبتين , ونحن ما كنا معاكم ليه ؟؟؟؟
لكن التلفون دا ما ناكرينو يا اخوي , وكامن ازيدك من الشعر بيت , ضربت لي من تلفون حمور زياده وانا عرفتك من الصوت طوالي صح ؟؟؟؟ لووووووووول ..
امين ... يديك الف عافيه وكللك زوق ...
| |
|
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: داليا الكباشى)
|
دكتورة داليا ازي الحال
صاح عمو وهبة العسل دي ابتدرتيها انتي لكن بقت حاجة عامة زيها وزي صمرقع وحموودي وكاك و كسير التلج وغيرها
ما كل مرة تتقال معناها المعنية بيها انتي عشان تكلفي نفسك عناء التعليق
ما علينا
تاني قصة عمو وهبة دي خليتها نهائي , "الوالد العزيز" اخير
اها يا وهبة يا والدنا العزيز كدا كيف معاك؟
| |
|
|
|
|
|
|
|
|
 Re: آل المسلمي - وهبه - السودان الشقيق و أشياء أخري !! (Re: محمد البشرى الخضر)
|
عمو محمد البشرى نهارك سعيد ...
| Quote: صاح عمو وهبة العسل دي ابتدرتيها انتي لكن بقت حاجة عامة |
منو القال ؟؟؟ منو القرر الكلام دا ؟؟؟ ياعمو محمد دي جمله بتاعت احترام , انا ما بقدر انادي زول زي عمو وهبه باسمو , والله بخجل ...!!!!
بعدين مساله حاجه عامه دي , ما مشكله , حاجه عامع , حاجه برايفت , المهم حقوق الملكيه الفكريه حا تكون للزول المبتكر , ولا شنو؟؟ اي تغيير او تعديل لازم ترجعوا فيهو لي سيد الحق .. مش؟؟؟
| Quote: زيها وزي صمرقع وحموودي وكاك و كسير التلج وغيرها |
لا لا لا لا , بالغت يا عمو محمد !!! والله زعلتني عدييييييل كده !!! اسي عمو وهبه دي , زي صمرقع !!!! مع اني ما عارفهو شنو لكن ماااا شكلو حاجه تطمن ,, لووووووووول ..
غايتو مسأله حمودي دي ود الصايم مخير فيها , كان وافق , يتحمل بكره يغيروها ليهو لي حماده , ولا حمدمد , ولا حمدو في بطنو زاتو ,, لوووووووول ..
| Quote: ما كل مرة تتقال معناها المعنية بيها انتي عشان تكلفي نفسك عناء التعليق |
يا عمو محمد انا لاقيه اعلق ليك انت ..؟؟؟ انا لاقيه انت تكتب اسمي في مداخلاتك ؟؟؟ ياخي انا مش اكلف نفسي , انا لو ما علقت ليك انت اعلق لي منو ؟؟؟ لي عمو وهبه مثلا ؟؟؟ لوووووووول
| Quote: تاني قصة عمو وهبة دي خليتها نهائي |
لا والله , الرسول , النبي كان خليتها , ياخي والله تخليها انا تاني عمو وهبه دا ما اسلم عليهو اي سلام اسفيري .. اها رايك شنو ؟؟؟
| Quote: "الوالد العزيز" اخير |
من قلبك ؟؟؟؟ والله عارفاهو من ورا قلبك .... النبي فيك كان ما قلت ليهو عمو وهبه تاني ,, والعسل كمان .. لووووووووول
----------------------------------------------------------------------------------------------------------------------------------
ود البشرى , والله انا مشاغلاتك لي بتسعدني جدا , ربنا يديك العافيه ونشوفك على خير , يا عمو محمد البشرى يا سكر ...
اختك الزغيروووونه دلوشه ...
| |
|
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: عبدالوهاب علي الحاج)
|
Quote: بعدين عمو وهبة دا متييين بقي الوالد العزيز ... ؟
|
يا الطريفي
عمك وهبه ده الوالد العزيز من يومو ، نحن الما جايبين خبر !
| Quote: ومعتصم ود الجمام متيين بقي من بورداب الخرطوم ؟ |
معتصم ده شوف عيني قااااااعد في الخرطوم ، و الدليل آلولو التحت دي :
بعدين يا الطريفي الموضوع لو فيهو نثريات ما كان برجع في أقل من أسبوع !
| |
|
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: صلاح ليون)
|
يا ياسر شايفك طافي لينا اللمبه و محرش لينا الكلبه : لا تلفون لا إيميل يبل الشوق ، لكن الله في !!
Quote: طالما قلت: آل المسلمي، ما كان في داعي تزيد: ووهبّة، آل المسلمي تشمِل وهبة كمان..
والترتيب عمرياً، وهبة المسلمي، عوّض المسلمي والسيِّد المسلمي..
|
والله وهبه ده إلا يكون جا آل المسلمي لوتري ، بعدين الزول ده تقول ليه كده بكره ينشبك في الناس دي داير حقو !
| |
|
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: أمين محمد سليمان)
|
Quote: إن شاء الله السودان الشقيق ده رحب بيك يا كنساسي
وفي انتظار الأشياء الأخرى .. |
السودان الشقيق ده يا ليون ساكن فينا جوه : ما عندو سكه ما يرحب بينا !
يا صلاح : مات يقين الناس في بلدي !
و لكأن الله إطلع علي قلوب أهل السودان فنزع منها الرحمه !
اليأس هو الحاكم الفعلي في السودان !
مافي زول بيتكلم في السياسه و السياسيين ! الكلام كلو عن الاقتصاد و رجال المال و الاعمال !
الموبايلات في السودان أكتر من المصاحف !
نهر النيل بقي أصغر من خور أبو عنجه !
في نهضه واضحه في الشوارع و المباني !
الحر و الغبار يجعلون السودان بلدا غير صالح لسكن البشر !
الهلال لو فاز بكأس أفريقيا : مساحه البلد غير كافيه لتكون مسرح للاحتفالات !
إنت سوداني ، لازم تعاني ! جوه ووب و بره ووب !
الناس في بلدي ساخطه علي أي حاجه و عكسها !
أول مره أشوف شعب كامل عندو القولون العصبي !
| |
|
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: أمين محمد سليمان)
|
السلام عليكم
يا زول
كلامك ده كلو كوم
وإنك في خلال 6 ايام قدرت تلاقي الناس دي كلها كيف في الخرطوم كوم تاني
والله والله
آخر مرة كنت في السودان
قضيت حوالي شهر
كنت ناوي الاقي الناس
ولو بالميت كدي الوالد العزيز وهبة 
تصدق ...
ناذر الخليفة ما قدرت الاقيهو
ده ما تقليل من مقامو
بس كنت مغرود فيهو
ومغرود فيني
ومواعدو اجيهو
...
غايتو ذكرتني بحول العالم في ستة ايام
...
حمد لله على السلامة
...
| |
|
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: أمين محمد سليمان)
|
| Quote: حمور ما محسوب بإعتبارو مجبور علي الوفد الزائر ! |
سلاماااااااات وحمد الله على السلامة
سعدت جدا جدا بي رحلة الجبل ... وآخر حاجة كنت اتوقعها... أنو حضرتك تشرفنا
لاني كنت عارفة انك من بورداب العم سام البعيدة ديك
واكمتلك الفرحة لمن عرفت انو الجالس على اعلى شرق المجموعة هو امين محمد سليمان
فياصديقنا الجميل ... انا كمان من الليلة مجبورة على الوفد الزائر (لالا من اليوم داك)
بحق الزمالة في المنبر... وبحق انو معرفة الناس كنز ... (مع انك ضفرتني في بوست معاوية المدير... ههههههه)
وان شاء الله دايما البلد مرحبة بيك
وحقيقي شرفنا بيك وباخرين في ذلك اليوم الجميل (بس الصور وين !!!!!!!!!!)
| |
|
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: جمال السنوسي)
|
هوي يا ناس البوست ازيكم ...
بهذا تقرر : (1) ارجاع اللقب القديم للسيد عبدالوهاب الحاج الشهير بي (وهبه) ... وهو (عمو وهبه) .. ومرات كده ( عمو وهبه العسل) ..
سانيا : ايقاف كل الالقاب المخالفه زي ( الوالد العزيز وهبه) وغيرها وايقاف التداول بها ..
سالسا : يعتبر هذا المرسوم ساريا بدئا من هذه اللحزه ...
صدر تحت توقيعي ...
التوقيع .. القائم باعمال عمو وهبه .. دلوش ..
| |
|
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: أمين محمد سليمان)
|
| Quote: غايتو لو ما الصور كان نفاها ليكم نفيا قاطعا! |
يا ود الصايم : والله بالصور ذاتها كان إتزنقته انفيها ليكم 
أسمع دي عن والدك العزيز :
مشينا المطار نستقبل أبو السيد ، جو ولد و بت لوالدي العزيز ، الولد قال ليه : إنت وهبه بتاع سودانيزاونلاين ؟
قال ليه آي ، قال ليه أنا متابع كتاباتك !
والدك العزيز قال ليه ياتو كتابات ؟ ما ياهن السطرين ديل و قعد يزرزر ليك في الود لامن بقي في التحلو !!
والدك العزيز كان ما لحقتو ، بعد شويه حا يمضي أوتوجرافات !!
| |
|
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: khaleel)
|
Quote: فياصديقنا الجميل ... انا كمان من الليلة مجبورة على الوفد الزائر (لالا من اليوم داك)
بحق الزمالة في المنبر... وبحق انو معرفة الناس كنز ... (مع انك ضفرتني في بوست معاوية المدير... ههههههه)
وان شاء الله دايما البلد مرحبة بيك
وحقيقي شرفنا بيك وباخرين في ذلك اليوم الجميل (بس الصور وين !!!!!!!!!!) |
أختنا مياده سلام عليكم
ياخي أنا والله الذي تشرفت بمعرفتك و بالحديث معاك و مع باقي الاخوان في الرحله . و نسأل الله أن يديم الود و المعروف بين الناس .
بالنسبه للصور : والله ما عارفها وين ، أنا بكون إتصورت زي ميه صوره كده ، شفت منهم تلاته أربعه بس في المنبر !
| |
|
|
|
|
|
|
|
|
|
Re: آل المسلمي - وهبه - السودان الشقيق و أشياء أخري !! (Re: أمين محمد سليمان)
|
Quote: امين النوتة (صاح)
ما كان فى بينا معرفة
لكن اخوك عينه نجيضة مابنسى الناس
وخصوصا الناس الما ساهلين الزيك
نحن قدامكم بدفعة او اتنين بالكتير (85)
وكنت مرة مرة كدة بنتفقد مواقع الحناكيش
وبشوفك هناك واظنك انت زاتك بتكون بتتفقد
زى كدة
حبابك فى بلدك التانى السودان وهنئيا لك
بصحبة العلمين وهبة وال المسلمى |
يا أبوحميد سلام ، و أنا متأكد كان لقيتك بتذكرك ! نحنا كنا بسيطين في العدد
بعدين أخوك كان مدعي حنكشه عشان يتواجد في المين لأغراض لا تخفي عليك : ياخي في زول ساكن أبوروف حنكوش ؟!
| |
|
|
|
|
|
|
| |
أمين محمد سليمان
داليا الكباشى
عبدالوهاب علي الحاج
محمد البشرى الخضر
HAIDER ALZAIN
Elawad
haroon diyab
Yassir Tayfour
محمد عبد الماجد الصايم
حمور زيادة
صلاح ليون
الزوول
omer osman
mayada kamal
معتصم محمد صالح
احمد التجانى احمد
جمال السنوسي
abdalla osman
مزمل خيرى
elnawrani margan
khaleel
فيس بوك
تويتر
انستقرام
يوتيوب
بنتيريست