|
|
 الاستوساخ ............!!!!
|
تقول الأعراب إذ إستوسخت شيئا ( عفن كيف !!...) ، فالاستوساخ لغة هو الاستعفان بلا خلاف . *
--------
* راجع (تراجم الوسخين ) لعماد عبدالله الجزء التاسع صفحة 24
|
|
 
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
و الاستوساخ منبريا : هو تجاهل الرد علي من تداخل معك ، أو الرد فقط علي من إتفق معك !!
و هو علم يدرس في سودانيز أون لاين ، له أساطينه و فنونه و يمارسه السطحيون في هذا المكان و هم أقل الناس معرفة و أقصرهم قامة فكرا و سلوكا ، فلا علم و لا معرفه و لا حجج !!
| |
|
|
|
|
|
|
|
|
|
Re: الاستوساخ ............!!!! (Re: HAIDER ALZAIN)
|
Quote: بالله وقت تصل لمرحلة النماذج كلمني
|
والله يا الطريفي نماذج ما عندنا ، و ده الفرق بيني و بينكم : أنا زول مفكر ، بجيب القضيه و بتكلم عنها كقضيه ، انتو جيبو نماذجكم و مشاكلكم مع الناس المستوسخاكم و أنا بحللها ليكم ! 
| |
|
|
|
|
|
|
|
|
 Re: الاستوساخ ............!!!! (Re: أمين محمد سليمان)
|
يازول اصلن ما مشكلة .. إنت قائل شنو ما أساساً انا من البسطاء هنا ..
فخلينا مع النماذج
بديك هسع نموذجين لانه متوقع الباب يدق في اي لحظة واكمل الباقي بعدين او بكرة ..
ومن هسع يبقي في معلوم الجميع .. لن أرد على اي زول مخالفني
إلا لو كان من اصحاب الشان ظاااااتهم فاليبلو ويجو
| |
|
|
|
|
|
|
|
|
|
Re: الاستوساخ ............!!!! (Re: HAIDER ALZAIN)
|
النموذج الاول : هو اخونا هشام هباني تقدس في المعالي ..
الشخص دا فتح بوست قمة في البذاءة واللغة الداعرة وهابطة من عنوانه ودا رابطه:
ألا يكفى كل هذا ( الاستربطيز) الى تعطيل والغاء هذه المهزلة!؟
وجوا العديد من الاخوان وضحو ليهو وين الدعارة فيهو وفي لغتو خاصة وانه اول مداخلة فيهو كانت :
Quote: بعد مرور اليوم الاول من مهزلة ما يسمى بانتخابات السودان وهو يوم مترع بكثير من حالات الغش والخداع والارباك
في مناطق شتى من السودان بشهادة مواطنين واجانب شهدوا هذه المهازل وقد ضحكوا عليها كثيرا ألا يكفى كل هذه الخروقات لتعطيل والغاء هذه المهزلة والتي اصبحت ملهاة لكثير من الشامتين وهم يرون الطغمة المجرمة المزورة لدين الله في اكثر عروض (الاستربطيز) فضائحا وهو امر بديهى لمن يزور اسم الله ودينه ان يزور ما هو ادنى!؟ |
وزيادة في انه يوضح سوء نيته فقد لون ما هو موضح بالاحمر ..
لكن ماذا فعل لا اقول ( استوسخ ) التداخل .. بل ( استوححش ) و ( واستهجل )
لأنه حتماً بعد الردود التي توضحت له بين مدي بذاءة ما كتبه
فاحسن حل يعمل شنو ؟!
يزوغ بالباقي بس
| |
|
|
|
|
|
|
|
|
|
Re: الاستوساخ ............!!!! (Re: HAIDER ALZAIN)
|
ونموذج تاني لنفس الشخص .. اللي هو هشام هباني فقد كتب بوست بسوء فهم
تطاول فيهو واتهم اتهامات مجانية للعقيد عبد العزيز خالد واسفف فيه بدءاً من عنوانه حتي متنه
ثم بعد دشة دشتين - دون ردود منه ايضاً - كتب اعتذاراً مطولاً للعميد حمل في داخله
اسفاف واساءات اخري - يعني اساءة جديدة مغلفة باعتذار .. ورابط البوست هو :
اعتذار الى سعادة العميد عبد العزيز خالد
جاء في متنه :
Quote: سعادة العميد عبد العزيز خالد
بعد التحية
بالامس في ال18/4/2010افترعت خيطا بناء على تصريح من شخصكم لوسائل الاعلام كان بالنسبة الى غامضا ومحبطاوهو منشور في صحيفة سودانايل الالكترونية ولكون هذا التصريح مشفوعا في البدء بموقف لتنظيمكم من جملة احزاب لا زلت اعتبر موقفها خيانة للصف الوطني وهو موقف المشاركةالتي شقت الصف الوطني منذ البدء والتي لو لم تقع لظل الموقف الوطنى اقوى وامتن مما هو عليه الان لان وجودكم قد شرعن وجود هذه المهزلة التي سميت بانتخابات واعطى ذريعة بل حجة للخصم يستند عليها امام الرقيب الدولى الذي يبدو قد بنى تقديراته وتقييماته الحالية والمخيبة للامال حول شرعية الانتخابات وربما اعتماد نتيجتها من خلال وجودكم فيها كمشاركين ظللتم فيها ولم تحتجوا منذ ان اكتشفتم التزييف والخداع في اوائل ايامها وهو الموقف الافضل لو توقفتهم عنها في تلكم اللحظات ولكان لتصريحاتكم وقتها وقعا وطنيا وعالميا افضل من الاحتجاج بعد نهايتها بل سيحرج الرقيب الدولى ويقض مضاجع اعداء الشعب ولكنكم للاسف اتممتم الامر الى نهايته والان تحتجون حيث في اعتقادي ان وزن الاحتجاجات ما بعد نهاية المهزلة ليس ذا قيمة مثلما لو اقمتموها بشكل منظم في اثنائها وقاطعتموها وبناء على كل تلكم الحيثيات السالبة جاء الالتباس في تفهمي لتصريحكم عبر صحيفة سودانايل ولكن بعد تصريحكم الاخيرالذي اوردته اختنا المناضلة زهرة حيدر ادريس اليوم19/4/2010 يكون بالفعل قد زال الالتباس واتضحت الرؤيةولذلك اتقدم الى شخصكم الكريم باعتذاري عن هذا الخيط الذي كنت فيه حادا معكم وانااتوخى بحدتى وحدة الصف الوطني لا غيرها لاننى من الدعاة لها منذ البداية وبشدة ولا زلت انادى بتوحد كلمة الصف الوطني (مقاطعون ومشاركون) اقوى مما كانت عليه لان هذا الخصم المجرم لن يجابه الا بالوحدة والعزيمة الوطنية ونحن نضع مصلحة الوطن فوق مصالح الاحزاب والافراد مع خالص حبى واحترامي.
هشام هباني/دالاس/ تكساس |
فتداخل من انتقده مثالاً الاخ عادل عبد العاطي في قوله :
Quote: من جملة احزاب لا زلت اعتبر موقفها خيانة للصف الوطني وهو موقف المشاركةالتي شقت الصف الوطني منذ البدءهذه اهانة وادعاء؛ ماذا لو قلت لك ان موقفك بالمقاطعة هو خيانة للموقف الوطني ؟؟ بعدين هو اعداء لانو اصلا ليس هناك صف وطني او غير وطني موحد؛ فاحزاب جوبا شاركت اغلبيتها - الحركة الشعبية في الجنوب والنيل الازرق وجنوب كردفان والامة في النيل الازرق وجنوب كردفان وكذلك الاتحادي الديمقراطي والوطني الاتحادي والمؤتمر الشعبي والمؤتمر السوداني والتحالف السوداني وحزب العدالة والناصريين الخ - ؛ ولم يكن مقاطعا حقيقة منها الا البعث والشيوعي وحركة حق؛ فعن اي صف وطني يتحدث وعن اي شق ؟؟
هشام هباني هنا مجرد مدعي ويحاول ان يهين من يختلفوا معه في الرأي ولو اردنا التخوين لاثبتنا خيانة كل الاحزاب التي يدافع عنها بكلماته هو ولو اردنا تخوينه لما اعجزنا ..
ولكن هذا طريق مسدود . |
لكن ماذا فعل الوطني الغيور هباني ؟!
زاااااااغ برضو
| |
|
|
|
|
|
|
|
|
|
Re: الاستوساخ ............!!!! (Re: HAIDER ALZAIN)
|
النموذج الثاني هسع هو الزميــل - بريمة محمد - الذي كتب بوست ينضح بالعنصرية
بوست لا اجد له صفة غيرها وكان يستحق انه يبلعو من اول مداخلتين ..
فقد كتب بالبوست اللي هذا رابطه :
ناس الشرق والخج: الغرباوية شرفها واصل حتى فى لحظات الخج!
الآتي :
Quote: على النعمة .. شريحة الشعب السودانى القاعدة تلبس سديرى .. تانى ما أصدقهم لو الواحد فيهم دس يده فى النار الحامية ..
وتعالوا عددوا لينا ناس السديرى: البطاحين، الهدندوة، البجه، البنى عامر، الشكرية .. بصراحة ناس الشرق كلهم هم مزورى الأنتخابات للمؤتمر الوطنى ..
وأطالب أمثال الأخ هاشم نوريت وبقية أبناء قبائل الشرق أن يأتوا هنا ليرونا كيف أندس هؤلاء المزوراتيه بينهم؟
بريمة |
وزاد عليه :
Quote: والله لم أحسب أن ضمائر أبناء الشعب السودانى تكون ماتت أو تبلدت بهذه الصورة المهينة ..
كيف يصل إنحطاط الأخلاق والقيم لهذه المرحلة المزرية ..
قتل المؤتمر الوطنى لضمائر الناس وبيعه لضمائر نتيجة حتمية لفساد هذا النظام الفاسد الذى أفسد قيم وأخلاق الشعب السودانى ..
ولكنى أقف وألوم ناس الشرق .. ناس السديرى .. ناس السراويل الطوال والمجررة حتى الواطا .. ناس التفه الكبيرة واللون الأخضر .. هؤلاء الناس عرفناهم محربى سلاح بين حدودنا فى الشرق .. واليوم لقد ربحوا تجارة أخرى ..
تجارة التزوير وبيع القيم والأخلاق .. هؤلاء الناس فاسدين مثل مثل الأنقاذ الذى أفسدهم ..
يجب فضحهم
إلى الجحيم يا أمات سراويلاً كتار ..
بريمة |
بعدها رد ردين تلاتة .. وبدل يبلع من سكات او يناطح الحجة بالحجة ..
فضل انه يلبس رواحات ويعمل فيها تائه
وقد كان
| |
|
|
|
|
|
|
|
|
 Re: الاستوساخ ............!!!! (Re: داليا الكباشى)
|
شفت يا اديبنا ومفكرنا وناشطنا الانساني امين لو عاوزني اثري ليك البوست دا بكل ماهو جميل
ومقدر من الفكر الانساني .. تقوم تجلي الزول الاسمو البدري عبد الله دا ومعاهو الدكتورة الاسمها داليا كباشي ديل
هؤلاء لما ياتو لحوار بل لحرف البوستات .. وانت تعلم انه - انا وانت - عندنا رسالة في الحياة دي نؤديها
من خلال هذا الموقع الجامع للسودانيين مع الشكر لصاحبه ابصلعة الذي ارجع لي باسوويردي في تلات ساعات
| |
|
|
|
|
|
|
|
|
|
Re: الاستوساخ ............!!!! (Re: Hisham Amin)
|
Quote: النموذج الاول : هو اخونا هشام هباني تقدس في المعالي ..
|
أولن يا الطريفي ، هشام ماسكو ده أبعد منو ، الزول ده بيناضل بقلة الأدب دي فكل ميسر لما خلق له !!
تانين إنت دايرو يرد عليك يقول ليك شنو ؟! ماهو لم ياتي لحوار و لكن لقلة الأدب !! فما عندو حل غير الاستوساخ !!!
-------
والله داليا ما خاتيه عليك كلو كلو !!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
| Quote: النموذج الثاني هسع هو الزميــل - بريمة محمد - الذي كتب بوست ينضح بالعنصرية |
والله يا الطريفي قريت كلام بريمه ده و ما عرفت أضحك و لا أبكي !!
بريمه ماعط البورد ده بالسنيين عن العنصريه و يجي يكتب كلام زي ده في حق قبائل كريمه يوصمم بانهم مجرمين و مهربي سلاح و مزورين و بايعي قيمهم و أخلاقهم و يسخر منهم و من لبسهم بجريرة اربعه خمسه أنفار منهم : ياخي إيه الأرف ده !!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
داليا الجكس بتاع تمبس !! Quote: والله يا امين انت متفاءل شديد خلاس ..!!
انت داير حيدر الزين يفهم ليك الكلام الكبار كبار دا ..؟؟
خاطبوا الناس على قدر باسويرداتهـم ياخ |
حيدر ده يا ستهم أنا شغال معاهو off-line و ماشي كويس جدا و إن شاء الله حا يطلع من مرحلة الطريفي الهو فيها دي و يوما ما حا يبقي مفكر زيي واحد , لحدي الوقت داك ساعدونا برفع روحو المعنويه !!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
الأخ امين محمد سليمان
السلام عليكم و رحمة الله و بركاته
لدى سؤال و تعليق لو سمحتم
ام السؤال فهو: انت بتعاين وين في صورة البروفايل دي؟؟
و التعليق هو: قبل كده في ناس ناقشوا مسألة الردود في البوستات دي و انتهوا إلى أنو ما ضروري ترد على الجميع و ممكن الاكتفاء بمداخلات معينة ، و كمان في النهاية صفقوا للناس البعملوا كده و اشادوا بيهم، و هم في جهدهم ذاك لم يشيروا لنظريتكم حول الاستوساخ هذه ابدا و لم يزنوا الأمر بنفس الميزان الذي استخدمتموه في اخراج بوستكم هذا.
| |
|
|
|
|
|
|
|
|
|
Re: الاستوساخ ............!!!! (Re: سيف النصر محي الدين محمد أحمد)
|
Quote: شفت يا اديبنا ومفكرنا وناشطنا الانساني امين لو عاوزني اثري ليك البوست دا بكل ماهو جميل
ومقدر من الفكر الانساني .. تقوم تجلي الزول الاسمو البدري عبد الله دا ومعاهو الدكتورة الاسمها داليا كباشي ديل
هؤلاء لما ياتو لحوار بل لحرف البوستات .. وانت تعلم انه - انا وانت - عندنا رسالة في الحياة دي نؤديها
من خلال هذا الموقع الجامع للسودانيين مع الشكر لصاحبه ابصلعة الذي ارجع لي باسوويردي في تلات ساعات |
أولن : يا الطريفي أنا الأيامات دي مجلي قصة أديب دي لانها ما بتاكل عيش أنا أعلنت نفسي مفكر و بس !!
تانين : كونك تخت الدكتوره في نفس السطر ساي مع البدري (حيث لو بدر هناك ) فدي مسبه تتعدي الدكتوره إلي تمبس ذات نفسو ، فانا ما حا أرد عليك في الحته دي لحدي ما يجيك الأسد ذات نفسو يشوف ليه دباره معاك !!!
| |
|
|
|
|
|
|
|
|
|
Re: الاستوساخ ............!!!! (Re: khaleel)
|
| Quote: أنا صلعتي عرفتها ، حمور ده بتراجف كده مالو ؟!! |
بتراجف من صلعتك دى
الناس يورثو عيال أخواتم العمارات
تجى تورث الود .....صلعة؟؟؟؟
وكمان بتسأل؟؟؟
________________________
تحول الوضع من مراقبة إلى إقتحام
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
هشام يا حبيبنا Quote: اها قصدكم شنو؟
نسميهو وسخين اون لاين يعنى ولا حاجة تانية (هههههه)
امين ازيك ياخ |
المكان ده فيهو ناس يكفو لنظافة السودان الشقيق في الواقع خليه في الاسافير ، المشكله صوتهم ما بصل مع كمية الاستوساخ الحاصل ده .
بالنسبه للتسميه ، الصحيح مستوسخين أون لاين و الله أعلم !!
| |
|
|
|
|
|
|
|
|
|
Re: الاستوساخ ............!!!! (Re: Hassan Makkawi)
|
| Quote: السلام عليكم ورحة الله تعالى وبركاته |
و عليكم السلام و رحمة الله و بركاته !
---------
اميره : إنت و البدري بالله خلو البوست ده يعدي علي خير شابكني السلام عليكم ورحمة الله تعالى وبركاته التقول في مسجد أنصار سنه نحن !!!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
يا معلّم ...
البوست دا جادي نحرق رزّنا معاك فيه ولاّ كدا وكدا؟
قول جادي ..
يا امين يا عمك كونك تتجاهل زول اتداخل معاك خير شر تصرف سخيف و عديم ذوق مافي كلام
لكن أحيانا بتكون مضطر , كأن يكون البوست طبيعته لا تحتمل الردود و النقاش
أو يكون الزول الإتداخل معاك دا ثقيل على قلبك و النوع الإسمو ساي بقوّم عليك الحساسية
اها وانت ما داير تفتح معاه باب بتاع أخد ورد وفي نفس الوقت ما غلط عليك عشان تشاكلو أو تتماسخ عليه مثلا
في الحالة دي الطناش اسلم
وفي حالات تانية غير كدة
يعني الموضوع ما استوساخ واستعفان على طول الخط
| |
|
|
|
|
|
|
|
|
|
Re: الاستوساخ ............!!!! (Re: ABUHUSSEIN)
|
Quote: لو ممكن السؤال من وين جات تسمية أمين نوته ؟؟؟؟
لو ما ممكن طنشو و بس |
يا عمك حمد لله سلامة ...
زولنا دا دعمو بقي سريع جداً ..
عارف انا قلت اشوفك نهاية شهر ستة حسب سوابقك
اما بخصوص تسمية امين نوتة ...
صراحة ما عارف
ـــــــــــــ
المهم الاستربتيز كيف ههههههههه
| |
|
|
|
|
|
|
|
|
|
Re: الاستوساخ ............!!!! (Re: HAIDER ALZAIN)
|
Quote: يا عمك حمد لله سلامة ...
زولنا دا دعمو بقي سريع جداً ..
عارف انا قلت اشوفك نهاية شهر ستة حسب سوابقك |
عايز تشمت فيني شماتة ودالصائم في الطريفي ؟؟؟؟
يا خي في ناس كانو مشوهين سمعتي إبتعدت عنهم و خلاص الحمدلله سمعتي بقت زي الياقوت
و الله الباشمهندس ما قصر معاي الله إديهو العافية
| Quote: المهم الاستربتيز كيف ههههههههه |
الإستربتيز بالتاء و لا بالطاء ؟؟؟؟؟؟
لو بالتاء قلة أدب
لكن لو كانت بالطاء دي تبقى قلة أدب
| |
|
|
|
|
|
|
|
|
|
Re: الاستوساخ ............!!!! (Re: ABUHUSSEIN)
|
Quote: أخونا و حبيبنا أمين
ســـؤال برئ جداً ممكن ؟؟؟
لو ممكن السؤال من وين جات تسمية أمين نوته ؟؟؟؟ |
يا بو حسين
أمين البعرفو دة يكون ما عارف من هو ( أمين بن باقوراء )
تجى تقوليهو أمين نوتة؟؟؟؟
____________
قول يا لطيف بث.....
| |
|
|
|
|
|
|
|
|
|
Re: الاستوساخ ............!!!! (Re: Hassan Makkawi)
|
Quote: يا بو حسين
أمين البعرفو دة يكون ما عارف من هو ( أمين بن باقوراء )
تجى تقوليهو أمين نوتة؟؟؟؟ |
حسن مكاوي الصياد
ياخي أخونا أمين دا أنا متعشم فيه خير لكن لبس لي البدلة و غطى لي الصلعة ما عارف بفكر في شنو
بعدين يا حسن إنت شايل السنارة السنة كلها و ناس الشرقية قالو كرهتهم في السمك تقطع ليك حدود دولية علشان
تاكل معاهم السمك ؟؟؟؟؟
| |
|
|
|
|
|
|
|
|
|
Re: الاستوساخ ............!!!! (Re: ABUHUSSEIN)
|
Quote: الأخ امين محمد سليمان
السلام عليكم و رحمة الله و بركاته
لدى سؤال و تعليق لو سمحتم
ام السؤال فهو: انت بتعاين وين في صورة البروفايل دي؟؟
و التعليق هو: قبل كده في ناس ناقشوا مسألة الردود في البوستات دي و انتهوا إلى أنو ما ضروري ترد على الجميع و ممكن الاكتفاء بمداخلات معينة ، و كمان في النهاية صفقوا للناس البعملوا كده و اشادوا بيهم، و هم في جهدهم ذاك لم يشيروا لنظريتكم حول الاستوساخ هذه ابدا و لم يزنوا الأمر بنفس الميزان الذي استخدمتموه في اخراج بوستكم هذا. |
و عليكم السلام و رحمة الله و بركاته يا دكتور ،
ما عارف يا سيف لو ما كنت شيوعي كنت سلمت كيف ؟! شنو الليله قصة (السلام و رحمة الله و بركاته ) دي !!!
بالنسبه للسؤال : أولن أنا ما كنت بعاين أنا كنت برنو لمستقبل الوطن الشقيق و بحاول أشوف ممكن نطلع كيف من الحفره النحنا فيها دي .
و لو داير الجد ، كنت مارق عندي شغل و بشرب لي في قهوه و بعاين في التلفزيون (معلق في الحيطه ) و لانو أخوك رجرجه و ما بلبس بدل إلا مضطر زوجتي صورتني و لو عارفاني حا أعلقها هنا ما كانت صورتني من الأساس !!!
بالنسبه للتعليق ، ما تابعت نقاش الموضوع ده لمن اتفتح لكن أنا ناظر للموضوع من ناحيه أخلاقيه بحته ، لمن يكون في زول بيتكلم معاك أنت مجبر - أخلاقيا - أنك ترد عليه ما دام بيتكلم بادب و في نفس موضوعك الفاتحو .
أمبارح شفت بوست بتاع أماني الأمين لصلاح غريبه ، أماني فاتحه بوست لانو غريبه ما رد عليها لمن سالتو في بوستو ، و الموضوع مهم بيخص خصوصيتها و بسببو عملت بلوك لناس اصحابها و بعد ده كلو سيدنا غريبه ما جا بجنبها !! في قلة أدب و إستوساخ للناس أكتر من كده ؟! الأمثله من شدة ما كتيره ما حا أقدر ذاتو .
الاستوساخ أنواع و أشكال و ملل و نحل ، القاسم الوحيد للمستوسخين السطحيه و عدم الحجه : هل يعقل يا دكتور نكون بنتناقش في موضوع تجي إنت تقول رايك بكل أدب و في نفس الموضوع ، أقوم أستوسخك و كان السيره جات أقول ليهم أنا ما برد علي الشيوعيين مثلا ؟!!
المؤسف يا دكتور إنو المساله دي عند المناضلين و الناس الطارحه نفسها معارضه في منبر من لا مبنر له بتاع بكري ده !!!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
Quote: موني النوتة
شفت امبارح استوساخ حمص للهلال جوة المقبرة
يا معز جيب من جووووووة |
حمص و الاسماعيلي إستوسخونا كلنا يا خلي !!
الغريبه ما عارف ليه ما زعلان شديد زي كل مره لو الهلال مغلوب ، يبدو أن الانسان قد مات في داخلي !!
إنا لله و إنا إليه راجعون !!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
Quote: الناس يورثو عيال أخواتم العمارات
تجى تورث الود .....صلعة؟؟؟؟
وكمان بتسأل؟؟؟
|
و حمور ده حبة العماقه العندو دي جايبها من وين ؟!
بعدين القال ليك منو ما حا اورثو العمارات ، بس خليني أموت ، الباقي هين !!
| Quote: تحول الوضع من مراقبة إلى إقتحام |
والله كانت مراقبتك أحسن يا أبو علي !!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
ود البشري يا حبيبنا Quote: يا معلّم ...
البوست دا جادي نحرق رزّنا معاك فيه ولاّ كدا وكدا؟
قول جادي ..
|
أنا بوستاتي كلها جاده و مطابقه للمواصفات ، المشكله إنو الواحد مصاحب ناس ما جاده في البورد حسبونا معاهم ساي .
Quote: يا امين يا عمك كونك تتجاهل زول اتداخل معاك خير شر تصرف سخيف و عديم ذوق مافي كلام
لكن أحيانا بتكون مضطر , كأن يكون البوست طبيعته لا تحتمل الردود و النقاش
أو يكون الزول الإتداخل معاك دا ثقيل على قلبك و النوع الإسمو ساي بقوّم عليك الحساسية
اها وانت ما داير تفتح معاه باب بتاع أخد ورد وفي نفس الوقت ما غلط عليك عشان تشاكلو أو تتماسخ عليه مثلا
في الحالة دي الطناش اسلم
وفي حالات تانية غير كدة
يعني الموضوع ما استوساخ واستعفان على طول الخط |
نبدا من تحت :
فعلا الموضوع ما استوساخ واستعفان على طول الخط لكن يمكن يكون بنسبة 99.99% !!!!
يا ود البشري ياخي إنت كيف ممكن تكون بتحترم نفسك و الناس , و الناس بتتكلم معاك و إنت ما بترد عليهم ، بعدين العماقه انك تعرف ترد علي الناس الثقلاء علي قلبك - و ما غلطو عليك - بطريقه ما تخلي في مواصله للحوار . الاستوساخ ما ممكن يكون حاجه كويسه إلا في حالة انك تكون استنفذت الطرق في إقناع الزول أو الزوله القدامك دي أو لو في زول بلاحقك في بوستاتك بمدخلاتو بصوره مكرره مثلا ، غير كده الاستوساخ يسئ لصاحبه ولا لاحد سواه .
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
يآخ الله دا ما رحيم !!
كنت عاوز اجيب ليك النموذج التاني العضو - محمد البشري خضر -
وبعدو الشفيع وراق ..ثم نعرج على ود الباوقة
ونختمها بكستاوي ..
لكن اهو نماذجي جات .. وللآن سوف اتجاهل اي شخص غير صاحب الشان كتجاهلي لمن هم اعلاه
| |
|
|
|
|
|
|
|
|
|
Re: الاستوساخ ............!!!! (Re: HAIDER ALZAIN)
|
جمعة مباركة يا خال حمور
Quote: كنت عاوز اجيب ليك النموذج التاني العضو - محمد البشري خضر -
وبعدو الشفيع وراق ..ثم نعرج على ود الباوقة
ونختمها بكستاوي ..
|
حيضر الزين
أيواااااااااااتك
قرررررررط على كدا واختم بي كوستاوي... عشان ما تعرج علي كنموذج
%%%% تخريمة
بالله لمن قريت مداخلتك لي في بوست التشكيل الوزاري الجديد
بـ | Quote: بطلي تستوسخي الناس |
قلت الزول دا قاعد ينبذني
واكلتها جواي وسكتت
| |
|
|
|
|
|
|
|
|
 Re: الاستوساخ ............!!!! (Re: mayada kamal)
|
Quote: بالله لمن قريت مداخلتك لي في بوست التشكيل الوزاري الجديد
بـ
Quote: بطلي تستوسخي الناس
قلت الزول دا قاعد ينبذني
واكلتها جواي وسكتت |
عارفة يا ميادة بعد كتبت تستوسخي دي فكرت وقلت طيب هسع لوكانت ميادة ما متابعة
كتابات الاديب الاريب والمفكر العميق امين محمد سليمان حاتظن شنو ؟؟!
لكن طبعا نهائي استبعدت الحاجة دي لسبب إنه لا اظن في زول ممكن يفوت على نفسه حرف يخطه امين محمد سليمان
إلا يكون جنى علي نفسه او ما محتاج علم وثقافة ومعرفة
فيا اختي بنصحك لوجه الله يممي شطر ثقافتك ومعرفتك تجاه هذا الأمين
ـــــــــــ
كوستاوي بالمناسبة اشهر من استوسخ الناس على ظهر هذا البورد لا يفوقه في ذاااك الا هشام هباني والديك تور صاحبك هههه
| |
|
|
|
|
|
|
|
|
|
Re: الاستوساخ ............!!!! (Re: HAIDER ALZAIN)
|
Quote: عارفة يا ميادة بعد كتبت تستوسخي دي فكرت وقلت طيب هسع لوكانت ميادة ما متابعة
كتابات الاديب الاريب والمفكر العميق امين محمد سليمان حاتظن شنو ؟؟!
لكن طبعا نهائي استبعدت الحاجة دي لسبب إنه لا اظن في زول ممكن يفوت على نفسه حرف يخطه امين محمد سليمان
إلا يكون جنى علي نفسه او ما محتاج علم وثقافة ومعرفة
فيا اختي بنصحك لوجه الله يممي شطر ثقافتك ومعرفتك تجاه هذا الأمين |
جمعة مباركة يا مان
وفعلا ياادووووب الليلة شفت البوست دا
| |
|
|
|
|
|
|
|
|
 Re: الاستوساخ ............!!!! (Re: أمين محمد سليمان)
|
امـين يا صديقـي ..
مسـاء الخير (تغيير من السلام عليكم ورحمه الله وبركاته)
ممكن عن اذنك (كلمه راس) مع ابو الحسين ..؟؟ اتفضـلي يا دلوش .. شكرا ..
| Quote: يا خي في ناس كانو مشوهين سمعتي إبتعدت عنهم و خلاص الحمدلله سمعتي بقت زي الياقوت |
قصــدكـ منـو ..؟؟
امين ممكن عن اذنكـ (كلمه راس) مع عمو وهـبه .. اتفضلي يا دلوش .. شكـرا ..
دا منـو..؟؟ دا انتا البتقول خـــال دي..؟؟
انت لاقي امين دا مسكين وبتحقر بيهو صاح ..؟؟
لو سمحتا انا (مصادري الخاصه) بتقول انو امين دا الدفعه (الوراي) في الجامعه !!
بعديـن لو سمحتـا بالله : انت زول بروفشنال ياخ صغر الصوره دي
وبطل الغتاته .. فتلتا البوست ... اذن !!
شكرا يا امين تعبتك معاي .. لا والله يا دلوش مافي تعب ..
بالله اطرد المدعو حيدر الزين دا من هنـا .. فليمارس عبثه الاسفيري في مكان اخر..
ود البشـرى ممكن تواصل معاهو لانو قرررب يبقى (مفكـر)
حسن مكـاوي ممكن ترد ليهو ساي كدا بس مزاااج منـي
| |
|
|
|
|
|
|
|
|
|
Re: الاستوساخ ............!!!! (Re: داليا الكباشى)
|
| Quote: ممكن عن اذنك (كلمه راس) مع ابو الحسين ..؟؟ اتفضـلي يا دلوش .. شكرا .. |
دا الإستوساخ ذااااااااااااااااااااااااااااااااااتو
يعني زول فاتح ليهو بوست بالشى الفلاني جاية داخلة تووووووش و تخاطبي ليك زول غير سيد البوست
و أريتو لو كان موضوعك داخل في لُب موضع البوست إنما موضوع جانبي و إنصرافي
أسمعي إنتي رايحة ليك شكلة و لا شنو ؟؟؟
حركات ناس الموردة دي خليها 
عموماً أنا زول مسكين و ما بتاع مشاكل عندي واحد صاحبي إسمو علاءالدين متلقى حجج بجي بكره بخلي إتفاهم معاك
| |
|
|
|
|
|
|
|
|
|
Re: الاستوساخ ............!!!! (Re: ABUHUSSEIN)
|
Quote: حركات ناس الموردة دي خليها
عموماً أنا زول مسكين و ما بتاع مشاكل عندي واحد صاحبي إسمو علاءالدين متلقى حجج بجي بكره بخلي إتفاهم معاك
|
علييييييك نور يا ابوحسين ..
نحن ظااااااتو لو ما صاحبنا علاء دا ما كنا عرفنا حانعمل شنو ولا نمشي في البورد دا وين ..!
إنتو بكري بيخم لينا من عينة الناس دي من وين ويكبهم في البورد ؟؟!
ـــــــــــ
| |
|
|
|
|
|
|
|
|
 Re: الاستوساخ ............!!!! (Re: HAIDER ALZAIN)
|
| Quote: أسمعي إنتي رايحة ليك شكلة و لا شنو ؟؟؟ |
| Quote: حركات ناس الموردة دي خليها |
| Quote: عموماً أنا زول مسكين و ما بتاع مشاكل عندي واحد صاحبي إسمو علاءالدين متلقى حجج بجي بكره بخلي إتفاهم معاك |
| Quote: نحن ظااااااتو لو ما صاحبنا علاء دا ما كنا عرفنا حانعمل شنو ولا نمشي في البورد دا وين ..! |
| Quote: إنتو بكري بيخم لينا من عينة الناس دي من وين ويكبهم في البورد ؟؟! |
| |
|
|
|
|
|
|
|
|
|
Re: الاستوساخ ............!!!! (Re: البدري عبد الله)
|
Quote: نحن ظااااااتو لو ما صاحبنا علاء دا ما كنا عرفنا حانعمل شنو ولا نمشي في البورد دا وين ..!
إنتو بكري بيخم لينا من عينة الناس دي من وين ويكبهم في البورد ؟؟! |
عارف يا حيدر دي جات الرياض كلها كم يوم
أول ما رجعت في بوست كدا نجهت ليك ود الصائم (عجني ليهو )
وصفت ليك الموقف القدام البيت و كيف ود الصائم مستهبل ليك الجيران بوقف عربيتو و بحجز لي ضيوفو
و بتاع البقالة قصاد بيت ود الصائم بعمل شنو و حاجات كتيرة كدا ياخي دي حددت ليك مواعيد بتاع الزبالة بجي إنضف الساعة كم
واحدة زي تدخل معاها في مشكلة تبقى في التحلك منها نحن ناس عندنا عيال بنربي فيهم
أوع تكون الزولة دي حا تساهر أكتر من كدا ؟؟؟؟؟؟؟
| |
|
|
|
|
|
|
|
|
|
Re: الاستوساخ ............!!!! (Re: ABUHUSSEIN)
|
والله يا باو حسين انا عجبني موقف صاحبنا العملوا ..
\فرغم من ل شئ لكنه حذرها من السهر خاصة وفي ضبابيضن ممكن تحوم بالليل وتنقل ميكروبات عجيبة كدة
بعدين بالجد الاسد النتر دا ما هاميهو ضباننة بعوضة كلها عندو اصغر منك دوسو
المشكلة في الست دي
يآخي شيالة حيال كدة لمن تشفق على روحك ..بقالة شنو يآخ
قول ود الصائم مقطع وبيتدين من بتاع البقالة وبيغير ليهو الشارع كل اول شهر ؟؟1
في داعي تشيل حسو وكل الناس يعرفوهو !
بالغت والله
ـــــــ
ثمن بيني وبينك ود الصائم مفروض يسدد لبتاع البقالة او يبطل الاندومي البيلهطو دا .
ما ممكن يآخ ياكل اندومي ونحن ندافع عنو ؟!
| |
|
|
|
|
|
|
|
|
|
Re: الاستوساخ ............!!!! (Re: البدري عبد الله)
|
أبو الحسين بجيك في قصة نوته دي ، لكن للمره العاشره بحذرك : الأسد النتر بكون نايم هسي و عندو بوست طويل عريض اسمو (أنا بجي الصباح ) عشان ما يفتح واحد تاني اسمو (أنا بجي الصباح يا أبوالحسين ) ، أبعد من داليا دي !!!
اللهم اني قد بلغت ، اللهم فاشهد
----------
عالم تكوس للمشاكل كواسه !!
----------
إيه الأرف ده !!!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
Quote: كنت عاوز اجيب ليك النموذج التاني العضو - محمد البشري خضر -
وبعدو الشفيع وراق ..ثم نعرج على ود الباوقة
ونختمها بكستاوي ..
لكن اهو نماذجي جات .. |
العاجبني في نماذجك انها بتجي بكرعينها !!!
والله يا الطريفي بقيت خايف عليك تكون من الثقلاء الاتكلم عنهم ود البشري فوق !
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
| Quote: كدي يا نوتة قبل ما نواصل في موضوعك الثر والمفيد اقنع لينا السيد/ وهبة يصلح الفتلة دي ..ياخ الواحد حّوص ورقبتو اتعسّمت .. |
وهبه يا البدري بكون نام قبل تلاته اربعه ساعات ، بلع الحبوب و أسلم الروح لبارئها ، يعني تاني إلا الصباح !!!
----------
اميره الشيخ رسلت لي ماسنجر نعلت سنسفيل اليوم البكري اداك في إشتراك ، هببت شنو يا مان ؟!!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
و الله يا أمين إنت إستوسختني و جات جكس تمبس برضو إستوسختني و إنت غضيت الطرف عن إستوساخها لي و كمان بتشجع جكسها على إستوساخي
يعني يا أمين إنت بقيت المستوسخ الأكبر في بوست الإستوساخ
يا أمين ياخي أنا تمبس دا بعرفني قبل ما إعرف جكسو الإستوسخني دا يعني معقول إبيعني علشانها أكيد لآ
| |
|
|
|
|
|
|
|
|
|
Re: الاستوساخ ............!!!! (Re: ABUHUSSEIN)
|
| Quote: يا أمين ياخي أنا تمبس دا بعرفني قبل ما إعرف جكسو الإستوسخني دا يعني معقول إبيعني علشانها أكيد لآ |
الكلام ده يا أبو الحسين تقولو لزول ما من المورده !!!
شايف داليا حصرت المعروضات ، نصيحتي تضرب لترجي تشوف ليك ياتو سفاره غربيه فاتحه بالليل ده !!!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
| Quote: لو سمحتا انا (مصادري الخاصه) بتقول انو امين دا الدفعه (الوراي) في الجامعه !! |
والله يا داليا مصادرك الخاصه بالغت لكين !!
عصرتي علي الدفعه الوراك و الدفعات المجاوره !!
--------------
أنا بكون كنت الدفعه الورك قبل عشرين كده !!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
البوست دا مسكون و لا شنو ؟؟؟؟
يا خي علاءالدين أمس بتكلم معاي قال لي الولية دي حلتهم الكهرباء بتقطع فيها الساعة 12 ليلاً
إكون الزول دا دقسني و لا شنو ؟؟؟؟
غايتو البورد دا ما تأمن فيهو أخوك ذاتو
أسمعي أعملي العايزة تعمليهو
و الله نحن ذاتنا نستاهل ندخل لينا بوست عنوانو الإستوساخ ؟؟؟؟؟
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
بالمناسبة يا نوتة ..شايف الشبل مورتا صحى من نومو وجاي كلو نشاط وحيوية ..فبالله عليك اديهو سحبة في البوست المفتول ده عسى ولعل يستعدل ويمشي لي قدام ...
اما فيما يخص اختنا بت الشيخ فقد اتصلت علي هاتفيا قبل قليل وافادتني بانها بصدد رفع دعوى جنائية ومدنية ضدك في آن واحد ..بس اول ما تخلص القضية المرفوعة من قبلها ايضا ضد تراجي وبيان ..مع انو انا كلمتها ونصحتها انو الصلح خير لكن هي رافضة مبدأ المسامحة وغض الطرف عن اخطاء الاخرين تجاهها ..فبالله حاول تعتذر ليها بي سرعة وشوف ليك اجاويد يحلوا الموضوع ..
| |
|
|
|
|
|
|
|
|
|
Re: الاستوساخ ............!!!! (Re: البدري عبد الله)
|
| Quote: اما فيما يخص اختنا بت الشيخ فقد اتصلت علي هاتفيا قبل قليل وافادتني بانها بصدد رفع دعوى جنائية ومدنية ضدك في آن واحد ..بس اول ما تخلص القضية المرفوعة من قبلها ايضا ضد تراجي وبيان |
الله يسالنى يالبدرى بعد دا مهاتفتك وجبت وبقت فرض عين عدييييل
لو خليتك فى تحليلاتك العميقة دى يانى المشيت لاهاى وعمر البشير اخد مؤبد فى الحكم
لا بقدر الون ولابقدر اشرح ولا بقول سمح ولا شين,,,
لانو عصرتها علىىى شدييييد,,,,,,
الليلة ووووب
| |
|
|
|
|
|
|
|
|
|
Re: الاستوساخ ............!!!! (Re: Amira Elsheikh)
|
Quote: الله يسالنى يالبدرى بعد دا مهاتفتك وجبت وبقت فرض عين عدييييل
لو خليتك فى تحليلاتك العميقة دى يانى المشيت لاهاى وعمر البشير اخد مؤبد فى الحكم
|
والله يا بت الشيخ اخوك ما عندو علاقة بي قصة التحليلات العميقة و الكلام الكبار بتاعكم انتي والسيد نوتة وما شابهكم ..القصة كلها انو انا زول حقاني وشايف عمايل الاديب الاريب اخونا امين الياسمين وهجومو غير المبرر عليك ..والقصة دي بالجد ما عاجباني ..وقدر ما كلمتو انو اميرة دي زولة بسيطة وعلى نياته وما بتشكل اي تهديد من اي ناحية على مسيرتو الابداعية ..الكلام ده اصلو ما دخل راسو الخالي من الشعر ..ومصر انو يواصل في اوهامو واغتيالو لي شخصيتك ..عموما ربنا يهديهو ....
.
.
.
دعوا الاشجار تنمو
| |
|
|
|
|
|
|
|
|
|
Re: الاستوساخ ............!!!! (Re: البدري عبد الله)
|
Quote: والله يا بت الشيخ اخوك ما عندو علاقة بي قصة التحليلات العميقة و الكلام الكبار بتاعكم انتي والسيد نوتة وما شابهكم ..القصة كلها انو انا زول حقاني وشايف عمايل الاديب الاريب اخونا امين الياسمين وهجومو غير المبرر عليك ..والقصة دي بالجد ما عاجباني ..وقدر ما كلمتو انو اميرة دي زولة بسيطة وعلى نياته وما بتشكل اي تهديد من اي ناحية على مسيرتو الابداعية ..الكلام ده اصلو ما دخل راسو الخالي من الشعر ..ومصر انو يواصل في اوهامو واغتيالو لي شخصيتك ..عموما ربنا يهديهو ....
.] |
كدا عداك العيب,,,امين دا مقدور عليهو وسجلو حافل بالياسمين والهزائم وممكن استوسخو عاااادى ومافى شئ بحصل,,,
لكن فى ناس النصيحة لله ما,,,,اخير اسكت,,
البدرى امى قالت ليك انت المحرشك منو??
_______________________________________________
اول امبارح انا وامين قطعنها فيكم انت ومورتا,,,والله دى جدجد
الله يقطعنى حتة حتة,,
| |
|
|
|
|
|
|
|
|
|
Re: الاستوساخ ............!!!! (Re: Amira Elsheikh)
|
Quote: اول امبارح انا وامين قطعنها فيكم انت ومورتا,, ,والله دى جدجد
الله يقطعنى حتة حتة,, |
من غير حليفة يابت الشيخ مصدقك ..طبعا دا كلو في ميزان حسناتنا انا والشبل مورتا ان شاء الله ..
.
.
.
.
ياهو طبعكم ..ولا حتشتروهو من السوق كمان ؟!!
| |
|
|
|
|
|
|
|
|
|
Re: الاستوساخ ............!!!! (Re: مرتضى احمد عبد القادر)
|
Quote: اللذيذة دخلت البوست لقيتو مفتول
بفتش في الفتلو دا داير استوسخو ليك !
لقيتو دا انا ذاتي فعدلت عن الفكرة |
وهبه و الله العظيم السهر دا ما بتقدر عليهو
أمشي نوم ما إلم فيك الوهم داك في حالة زي دي و الله إطقطقك زي الترتيب
| |
|
|
|
|
|
|
|
|
|
Re: الاستوساخ ............!!!! (Re: HAIDER ALZAIN)
|
Quote: ماحصل ابدن وكلو كلو ..
غايتو ابسط دليلك بالرابط او انت تكون كذاب آشر |
الما حصل شنو يا حيدر ؟ خاف الله يا زول ..ياخ اخونا ود الصايم ده اتشرّ كدة لما نشف ..وقدر ما قلنا تتكرم وترد عليهو ما اشتغلته بيه الشغلة ..بالرغم من انو انا اشيل واصبر فيهو وافتش ليك في الاعذار وانو الطريفي ده يا دوب مارق من حبس وعليهو واجبات كتيرة من فواتح وزيارات مرضى وخلافه من مشاكل الحياة اليومية ..لكن برضك اصريت ترفع القزاز ولم تتكرم حتى برفع يدك بتحية على استحياء ...
.
.
.
.
.عموما انا ود الصايم ده بضمنو ليك زول مسامح زيّ كده وبينسى زعلتو سريع ..الكلام في ناس اميرة الشيخ ومن لف لفها.. زي ديل بالجد تخاف من زعلم ..اني لك من الناصحين..
| |
|
|
|
|
|
|
|
|
|
Re: الاستوساخ ............!!!! (Re: Balla Musa)
|
أمينكو يا ....| Quote: فعلا الموضوع ما استوساخ واستعفان على طول الخط لكن يمكن يكون بنسبة 99.99% !!!! |
يعني أسي عليك النبي كلامي الفوق عن الحالات المختلفة و النماذج - ياريت حيدر الزين يساعدنا و يجيبها - دا كلو حشرتو في الـ 0.01 % الباقي !! خجيتها كيف دي؟ أدروب ما سبقك عليها
| Quote: يا ود البشري ياخي إنت كيف ممكن تكون بتحترم نفسك و الناس , و الناس بتتكلم معاك و إنت ما بترد عليهم ، بعدين العماقه انك تعرف ترد علي الناس الثقلاء علي قلبك - و ما غلطو عليك - بطريقه ما تخلي في مواصله للحوار . الاستوساخ ما ممكن يكون حاجه كويسه إلا في حالة انك تكون استنفذت الطرق في إقناع الزول أو الزوله القدامك دي أو لو في زول بلاحقك في بوستاتك بمدخلاتو بصوره مكرره مثلا ، غير كده الاستوساخ يسئ لصاحبه ولا لاحد سواه . |
يعدين يا أمين القصة ما لدرجة احترام و ما احترام و اساءات الموضوع ما بستاهل القصة في النهاية أسافير و بيئة خائلية يا قول الحبشي
حتى قولة إستوساخ دي فيها قسوة و أوفر حبتين ليتك خففتها بقولة تجاهل أو اي شي قريب
| |
|
|
|
|
|
|
|
|
|
Re: الاستوساخ ............!!!! (Re: محمد عبد الماجد الصايم)
|
| Quote: والله يا الطريفي نماذج ما عندنا ، و ده الفرق بيني و بينكم : أنا زول مفكر ، بجيب القضيه و بتكلم عنها كقضيه ، انتو جيبو نماذجكم و مشاكلكم مع الناس المستوسخاكم و أنا بحللها ليكم ! |
يا أمين يا خي انت طلعت ثقافتك عالية شديد خلاس
| |
|
|
|
|
|
|
|
|
|
Re: الاستوساخ ............!!!! (Re: حافظ حسن ابراهيم)
|
أستاذ أمين...
.
.
ذكّرتني الجرح و قد كنت "متناسيآ"...
.
.
الإستوساخ... و المستوسخين...في هذا المكان تصدق فيهم مقولة الجاحظ الواردة في رسالة البغال "إن صادقتهم فضحوك...و إن أنكرتهم رفسوك"..
.
.
واصل لينا في "نغمة المفكر" دي....و خلى ناس ود الزين و ود البشرى يساعدونا بالشرح و الأمثلة التوضيحية...
.
.
بس سؤال "صغيرووووني" كدا....
الموود بتاع "مفكرنا"-دام ظله- في موضوع الإستوساخ دا...موود "مفكر" ممغوس...و لا "مفكر" ناصح...و لا "مفكر" ساخر؟
.
.
معليش الفهم تقيل شوية...قلنا كدي النعرف النجيضة قبل ما ندخل لفت...
.
.
.
.
مودتي...
ودحطب الله
| |
|
|
|
|
|
|
|
|
|
Re: الاستوساخ ............!!!! (Re: محمد عبدالله حمدنا الله)
|
Quote: بس سؤال "صغيرووووني" كدا....
الموود بتاع "مفكرنا"-دام ظله- في موضوع الإستوساخ دا...موود "مفكر" ممغوس...و لا "مفكر" ناصح...و لا "مفكر" ساخر؟
. |
يا ود حطب الله سلامات
اجاوبك انا نيابة عن المفكر نوتة
الموود هنا ...بتاع "مفكر" ممسوخ !!
| |
|
|
|
|
|
|
|
|
|
Re: الاستوساخ ............!!!! (Re: وجن)
|
Quote: والله يا بت الشيخ اخوك ما عندو علاقة بي قصة التحليلات العميقة و الكلام الكبار بتاعكم انتي والسيد نوتة وما شابهكم ..القصة كلها انو انا زول حقاني وشايف عمايل الاديب الاريب اخونا امين الياسمين وهجومو غير المبرر عليك ..والقصة دي بالجد ما عاجباني ..وقدر ما كلمتو انو اميرة دي زولة بسيطة وعلى نياته وما بتشكل اي تهديد من اي ناحية على مسيرتو الابداعية ..الكلام ده اصلو ما دخل راسو الخالي من الشعر ..ومصر انو يواصل في اوهامو واغتيالو لي شخصيتك ..عموما ربنا يهديهو ....
|
البدري حيث لا بدر هناك !!
اميره الشيخ دي ِقبلة اقدامنا إذا شكت الأقدام أشواك الطريق !!
-------------
يا البدري أمرق من بيني و بين اميره و دع الأشجار تنمو !
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
| Quote: كدا عداك العيب,,,امين دا مقدور عليهو وسجلو حافل بالياسمين والهزائم وممكن استوسخو عاااادى ومافى شئ بحصل,,, |
لعن الله الاستعجال !!
كتبت كلامي الفارغ الفوق ده قبل ما أقرا هراءك أعلاه !!
البدري بالله بل لي اميره الشيخ الطلعت أشواك الطريق ذات نفسو !!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
| Quote: عمو أمين بوست بتاعك دا كان دايرين قطيعه ما تسوي ؟؟ قطيعه تسوي نخج ليكم بوست |
القصه كلها يا لابورتا إنو اميره ما مقتنعه انك من الأشبال ، بتفتكر انك قدر ناس عمك وهبه و مستوسخه أدائك في البورد !
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
يا دوك سلامات Quote: غايتو يا أمين
أنا حصلت لى الحالة دى من زول واكلتها وسكت لكن مادام الزول براه قطع ليها إسم وفتح ليها بوست أحسن نسلما ليهو وهو يتصرف!
كاااااااك!!!! |
الله يكسر وهبه و الطريفي و ياسر طيفور في يوم واحد كان متذكر ، ولو حصلت ما مقصوده ، بعدين ياخي في حاجه اسمها الاستوساخ الكاذب ، اللي هو إنو زول يستوسخك بدون ما يقصد !!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
| Quote: الطريفي دا مستوسخني في بوست كامل! |
ثكلتك أمك يا الطريفي !!!!
ياخي ود الصايم ده الناس كايسه كواسه ، و إنت تستوسخو في بوست كامل ؟!!
امسحها لي في وشي يا الصايم ، البوست بكون اتفتح بالليل و الطريفي - براك عارفو - بتنقصو الحكمه انصاص الليالي !!!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
حافظ يا حبيبنا | Quote: يا أمين يا خي انت طلعت ثقافتك عالية شديد خلاس |
عاليه و ساي هي ؟!
يا حافظ أنا مبعوث العنايه الالهيه عشان أطلع الفكر السوداني من (الأرف) الفيهو ده ، ما عارف ليه مافي زول بصدقني لمن أقول الكلام ده !
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
البشري يا حبيبنا Quote: يعدين يا أمين القصة ما لدرجة احترام و ما احترام و اساءات الموضوع ما بستاهل القصة في النهاية أسافير و بيئة خائلية يا قول الحبشي
حتى قولة إستوساخ دي فيها قسوة و أوفر حبتين ليتك خففتها بقولة تجاهل أو اي شي قريب |
كلامك سليم جدا : القصة في النهاية أسافير و أنا كلامي ده كلو داخل في نطاق الاسافير دي ذاتها ، يعني تعابيري المستخدمه هنا دي تخص الاسافير لانو الواقع مختلف جدا !!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
Quote: طيب لو زول ردك عليك ..لكن كتب ليك ..
التجاهل
|
سلام يا داليا
التعريف ده تعريف عام ، في تفاصيل كتيره جات و لسه حا تجي في سياق البوست ، قلناالاستوساخ أنواع و أشكال و ملل و نحل ، و لو زول رد عليك و كتب ليك التجاهل ده اسمو إستوساخ مقرون بالرد !!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
محمد عبدالله يا ود حطب الله ، سلام يا شيخنا Quote: واصل لينا في "نغمة المفكر" دي....و خلى ناس ود الزين و ود البشرى يساعدونا بالشرح و الأمثلة التوضيحية...
.
.
|
"نغمة المفكر" دي جات قبل فتره و في الحقيقه أنا ما بديت مفكر ، أنا بديت قاص و أديب و صحفي ناشط في حقوق الانسان ، شويه شويه حشرت مفكر دي و أول ما لبست البدله إستوسخت قاص و أديب و صحفي ناشط في حقوق الانسان و بقيت مفكر !!
Quote: بس سؤال "صغيرووووني" كدا....
الموود بتاع "مفكرنا"-دام ظله- في موضوع الإستوساخ دا...موود "مفكر" ممغوس...و لا "مفكر" ناصح...و لا "مفكر" ساخر؟
|
الموود بتاعت المفكرين بتجي من روحهم و روح المفكرين دايما قلقله ما واقفه في حته واحده ،....... الكلام ده صعب و معقد ،.......
غالبا ما أكتبو في فورول و بعدين أخلي واحد يجي يترجمو للوهم الهنا ديل !!
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
أم لمار سلام Quote: ذكرتني أعز صاحباتي الله يطراها بالخير في السودان أيام الجامعة كان
جنها تستخدم الكلمة دي بس بدل حقتك كانت بتقول ( إستزبال )
على فكرة
السلام عليكم ورحمة الله وبركاته :) |
( إستزبال ) ما بتحسي بيها كعبه زي (إستوساخ ) ، و حقو تحمدو الله الما قلنا (إستعفان ) !
| |
|
|
|
|
|
|
|
|
|
Re: الاستوساخ ............!!!! (Re: محمد عبد الماجد الصايم)
|
Quote: شـــالو العـــدة !!
في استوساخ أكتر من كـدا؟ |
والله يا ود الصائم استوسختك في البوست دا لمن كنت عاوز اخسرك غداء قراصة
بس سمعت تحت كدة انك ما عملت القراصة وشبكت الجماعة كبسة من شواية الخليج
قلت اخير عشرة الوست واحضن النوامة
ــــــ
بالله يا مفكرنا الزول دا ما بيبالغ ... شمتانيين هو كمال على الزين وعاوزني استنضفوا
| |
|
|
|
|
|
|
|
|
|
Re: الاستوساخ ............!!!! (Re: أمين محمد سليمان)
|
Quote: و الاستوساخ منبريا : هو تجاهل الرد علي من تداخل معك ، أو الرد فقط علي من إتفق معك !!
و هو علم يدرس في سودانيز أون لاين ، له أساطينه و فنونه و يمارسه السطحيون في هذا المكان و هم أقل الناس معرفة و أقصرهم قامة فكرا و سلوكا ، فلا علم و لا معرفه و لا حجج !! |
الاخ امين
ياخ تشكرات كميات على اعمال الفكر فى شرح الاستوساخ والنهى عنه
وياحبذا لو تدعون القوم للا ستنضاف .... وبالمره تكوين هيئتكم العليا للامر بهذا والنهى عن ذاك.
ولا نامت اعين المستوسخين.!!
وياريت لو تواصل وتشرح لينابما انك مفكر عن الحالة التى تعترى المستوسخ وهو يأتى الفعل :)
دعوانا ان يديم الله فكرك
وان لا يستوسخ لك بوستاً ولا ردا..
| |
|
|
|
|
|
|
| |
أمين محمد سليمان
HAIDER ALZAIN
البدري عبد الله
داليا الكباشى
Hisham Amin
Hassan Makkawi
عبدالوهاب علي الحاج
khaleel
محمد البشرى الخضر
ABUHUSSEIN
mayada kamal
مرتضى احمد عبد القادر
احلام وهبي
Balla Musa
محمد عبد الماجد الصايم
داليا حافظ
حافظ حسن ابراهيم
محمد عبدالله حمدنا الله
وجن
احمد الأمين على إدريس
فيس بوك
تويتر
انستقرام
يوتيوب
بنتيريست