|
دعواتكم لزميلنا المفكر د.الباقر العفيف بالشفاء العاجل
|
|
 Re: لمصر الياسمين و للحاقدين الرماد !! (Re: أمين محمد سليمان)
|
الأخ الكريم أمين
التحايا والسلام
| Quote: لو كان مشجعي الفريق الجزائري من السودانين معجبين بالفريق الجزائري أو الشعب الجزائري في عضمتو فمن حقهم ، أما تشجيع الجزائر كراهية في المصريين فهو الحقد ذات نفسو !! و لسنا بحاقدين ! |
كواحد من الناس الشجعوا الجزائر وتمنوا فوزها سأوضح وجهة نظري ،
مصر بالنسبة لي دولة محتلة وغاصبة ، كونو انو الحكومة السودانية ساكتة علي كده دا ما مبرر لي بالسكوت ،
يا عزيزي انا لا أكره المصريين ومودتي علي كل حال لن تزيدهم شيئا ،
انا فقط احب السودان ولا أرضي ليه الحقارة ،
وضد الاستلاب العايشين فيه قطاع كبير من السودانيين المنجذبين لثقافة الاخر والجاهلين تماما لثقافتهم السودانية ،
اها يازول بالنسبة للجزائريين فناس محترمين فيما بدا لي ،
ما عندي سبب انو ما اشجعهم لكن عندي اسبابي في عدم تشجيع المصريين وهي ما ذكرته ليك عاليه .
مودتي يا زول .
| |
 
|
|
|
|
|
|
|
 Re: لمصر الياسمين و للحاقدين الرماد !! (Re: حيدر حسن ميرغني)
|
أمين ياخال حمّور والله حيرتني ..
عامل زي المصريين بيعتبروا اللي مابيحب بلدهم من الدول المجاوره مجرم وناكر للجميل !!!!!!
وأنا أحب مصر لييييييييييه ؟
أنا بلدي السودان, المقدس عندي بلدي, ومن حقي أحب أو ما أحب أييييييي دوله تانيه ..
ما جابت ليها حقد يعني عادي ..
هسي لو شجعت البرازيل وما شجعت ألمانيا لأني بحب البرازيل ومااااابحب ألمانيا .. أبقي حاقده علي الألمان ؟؟؟؟؟؟؟؟
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: طارق جبريل)
|
الأخ أمين
أحيك على بوستك
والسودان تستعد لإستضافة المبارة الفاصلة
وسوف يساند الأغلبية من الشعب السودانى الفريق المصرى أولاد حسن شحاتة
يوم الأربعاء القادم 18 نوفمبر فى الخرطوم
والأن أعلن فى الفضائيات المصرية أن مصر سوف تنظم رحلة للجماهير
وأعتقد إعداد المصريين المتواجدين فى السودان يكفى
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: نبيل عبد الرحيم)
|
بالنسبة للاخوة الذين سيشجعون مصر
فاقولها بصراحة من حقكم ان تشجعو مصر اذا قدمت لكم ثلاث اشياء
هى من حقوقكم الضائعة وللاسف تتجاهلونا بسذاجة مخجلة لمن يعانى من ضعف ذاكرته امام التاريخ
اولا : تعويض حلفا عن الغرق بتعويضات مادية
ومساعدتهم لاعادة التوطين حول بحيرة ناصر وايصال كهرباء من السد العالى لهم كما وعدو و(طنشو)!
ثانيا : اعادة حلايب للسودان او على الاقل القبول بالتحكيم الدولى
مع تعويض شهدائنا الذين قتلوهم هناك فى اعتدائهم الغاشم.
ثالثا : الاعتراف بمجزرة مصطفى محمود(المهندسين) التى ارتكبت فى حق الابرياء عام 2005
وتعويضهم ماديا وادبيا عما حدث!!
...............................................................................
. اذا قامت مصر بهذا فسوف اشجعها
وانا واثق انها يستحيل ان تقوم بهذا
وبالتالى سوف اشجع الجزائر
وتحياتى
>
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: نبيل عبد الرحيم)
|
Quote: بالعكس ماعندنا ضعف فى الذاكره بل نفرق بين النظام والشعب ومانسيس المواقف
أتمنى ألا نأخذ الفريق المصرى بجريرة حكامة
ونفرق بين الشعب والنظام
حلفا باعها عبودلعبد الناصر
وحلايب باعها البشير
وأتفق معك فى مبدأ التعويض بس مين الذى سوف يطالب بحقوقنا
والبشير عينه مكسوره بعد محاولته إغتياله لمبارك
ومجزرة المهندسين أخذت الضوء الأخضر من النظام السودانى ومباركته [/QUOTE
اولا انا افرق بين مصر وبين حكومة مصر
للكن للاسف الحكومة التى قامت بتلك الافعال المخجلة الوقحة لاتزال فى الحكم
وتبارك خطوات منتخبها باعتبار انه انجاز رياضى
وفى نفس الوقت لا عداء بينى وبين الشعب الجزائرى
وبالتالى الافضلية للجزائر
حلفا لم يبيعها عبود بل تم استغباءه فيها
عبود حاكم عسكرى لا ديمقراطى
وتم تدعيم حكمه الديكتاتورى لمصلحتهم
وهو قد قبل التنازل عن حلفا للاستمرار بالحكم
وبالتالى المسئلة ليست بيع وشراء
من لا يملك اعطى حق لمن لا يستحق وبالتالى لنا الحق فى التعويض
والاعتذار الرسمى ايضا
فهو نظام يعرقل الديمقراطية فى بلدنا من اجل مصلحته الشخصية
اما بخصوص من يطالب بالتعويض فاعتقد انه سؤال لا منطقى
ويعيدنا للنقطة الاولى المطالبة بالتعويض هناك ملايين السودانيين يطالبون بها
وللاسف لاحياة لمن تنادى المطالبة مطلب شعب وليس فردى كما تظن !!
مجزرة المهندسين اخذت الضوء الاخضر من الامم المتحدة وليس السودان
هولاء الابرياء كانو لاجئين سياسيين فى حماية الامم المتحدة واحتجاجهم كان موجه ضدها لا ضد مصر
وما قامت به حكومة مصر حدث مخجل وحقير
وبتواطىء من الامم المتحدة التى التزمت الصمت بوجود اتفاق سرى بينها وبين مصر
ولذا لى الحق فى تشجيع الجزائر
والدهشة من موقفكم
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: طلحة عبدالله)
|
Quote: كواحد من الناس الشجعوا الجزائر وتمنوا فوزها سأوضح وجهة نظري ،
مصر بالنسبة لي دولة محتلة وغاصبة ، كونو انو الحكومة السودانية ساكتة علي كده دا ما مبرر لي بالسكوت |
الاخ المحترم بحق الوليد ، سلام
ياخي موضوع كراهيه السودانيين للمصريين ده ما جاي من إحتلال حلايب ، أنا مما قمت - و ده كلام بعيد جدا لو تعلم  - نحن بنكره المصريين و عندنا ليهم صوره نمطيه وحده : ناس ممكن تشتريهم بالقروش ، ناس ما عندهم مبادي و لا قيم غير القرش ، و ده كلام ما سليم علي الإطلاق و أظنك بتوافقني علي كده ...
بالنسبه لموضوع حلايب فبالتأكيد you have a point و تبقي القصه يا وليد لو إنت بتشجع ضد مصر لانها محتله حلايب : فده كلام أنا بفهمو و بحترمو و أحترمك إنت ذاتك عليهو ، لكن لو موضوعك كراهيه المصريين نتيجة تنميطنا الظالم ليهم ده فتبقي داخل في زمرة الحاقدين ....
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
أماني بو حيرد سلام !Quote: عامل زي المصريين بيعتبروا اللي مابيحب بلدهم من الدول المجاوره مجرم وناكر للجميل !!!!!!
|
أبدا يا أماني ، أنا ما مشكلتي مع الناس البشجعو ضد مصر كده علي إطلاقو ، أنا مشكلتي مع الناس البشجعو ضد مصر كراهية في المصريين نتيجه لتنميط سالب و ظالم .
Quote: وأنا أحب مصر لييييييييييه ؟
أنا بلدي السودان, المقدس عندي بلدي, ومن حقي أحب أو ما أحب أييييييي دوله تانيه ..
ما جابت ليها حقد يعني عادي ..
هسي لو شجعت البرازيل وما شجعت ألمانيا لأني بحب البرازيل ومااااابحب ألمانيا .. أبقي حاقده علي الألمان ؟؟؟؟؟؟؟؟ |
طبعا من حقك يا أماني تحبي البلد الدايراها و تكرهي الدايراها ، لكن ما من حقك تنميطم بالظلم و كراهيتم إستنادا علي التنميط ده .
و عليه ممكن تشجعي البرازيل كراهيه في المانيا بلا سبب إن شاء الله ، لكن ما ممكن تجي تقولي الألمان ديل شعب تافه و كسلان عشان كده أنا ما بحبهم و حا أشجع ضدهم و ده البنعملو نحن كسودانيين - إلا ما رحم ربي - لمصر !
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: امين كيفنك
حقيقي الجزائر احق بالوصول لكأس العالم من المصريين
الجزائر لديها فريق منظم ويلعب كرة جميلة
|
ود جبريل مندوبنا في المغرب العربي سلام
فعلا يا طارق الجزائر لديها فريق منظم و بيلعب كرة جميلة ، و أولاد صغار لكنهم عموما ما أحسن من المصريين الان .
| Quote: يا أمين هل انا كجار جنوبي علي دائما ان احب المصريين؟؟ |
لا يا طارق ما عليك دايما تشجعهم ، و بالمناسبه أنا ما طوالي بشجع مصر ، مرات كتيره بشجع ضدها زيها زي أي فريق تاني ما عندي مصلحه فيهو . لكن أن نتخذ من كراهيتنا المصنوعه زورا و بهتانا للمصريين عشان نكون ضدهم طول الخط ، فده الأنا رافضو !
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
أمين يا حبيب القصة ما تنميط
ياخي المانع شنو انا ما اشجع الجزائر
ياخي الجزائر عندها فريق يستحق يمشي لي كاس العالم
بعدين لو جينا للمرارات
ياخي خلي حلايب وحلفا ودة كله
موش في اتفاقية موقعة بين السودان ومصر بخصوص الحريات الاربعة
ومن ضمنها التنقل
كدي امشي وانت عمرك اقل من خمسين سنة وحاول تدخل من غير فيزا
يمين يذلوك ذلة الكلاب
وعشان ما تمشي بعيد
انا القدامك دة حصلت لي
وقلبتها معاهم لي رب السماء
وفي النهاية دخلوني عشان انا عندي بطاقة صحافة
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: بالنسبة للاخوة الذين سيشجعون مصر
فاقولها بصراحة من حقكم ان تشجعو مصر اذا قدمت لكم ثلاث اشياء
هى من حقوقكم الضائعة وللاسف تتجاهلونا بسذاجة مخجلة لمن يعانى من ضعف ذاكرته امام التاريخ
اولا : تعويض حلفا عن الغرق بتعويضات مادية
ومساعدتهم لاعادة التوطين حول بحيرة ناصر وايصال كهرباء من السد العالى لهم كما وعدو و(طنشو)!
ثانيا : اعادة حلايب للسودان او على الاقل القبول بالتحكيم الدولى
مع تعويض شهدائنا الذين قتلوهم هناك فى اعتدائهم الغاشم.
ثالثا : الاعتراف بمجزرة مصطفى محمود(المهندسين) التى ارتكبت فى حق الابرياء عام 2005
وتعويضهم ماديا وادبيا عما حدث!!
...............................................................................
. اذا قامت مصر بهذا فسوف اشجعها
وانا واثق انها يستحيل ان تقوم بهذا
وبالتالى سوف اشجع الجزائر
وتحياتى
|
أخونا إبراهيم سلام
زي ما قلت لاخونا الوليد ، كلامكم ده مفهوم و مقدر و الما عايز يشجع مصر للأسباب دي من حقو ، لكن كراهية معظم السودانيين لمصر سابقه لموضوعي حلايب و مجزره مصطفى محمود ، و كراهيه مسببه ما ساي .
كراهيه مبنيه علي إنو نحن أحسن منهم لانو نحن عندنا مبادي و هم لا ، علي إنهم ناس حبرتجيه و بياعين كلام و ممكن تشتريهم بالقروش . دي الكراهيه الانا بتكلم عنها و برفضها لانها ببساطه غير صحيحه .
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: غايتو انا لمن الخيار يكون بين مصر واى دولة تانيه بالتاكيد بكون مع مصر واذا كانت السودان طرف طبعا
بيكون السودان ... مبروك لمصر ونتمنى ليها الفوز برضو فى السودان ...
تسلم يارب .... |
ماجده الماجده
أنا ما كده والله ! مرات كتيره بشجع ضد مصر لانها كوره ما أكتر ، لكن بحب المصريين و أي مصري تعرفت عليهو عن قرب لمست فيه عمقا حقيقيا و حبا للسودان و السودانيين !
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
أكلت وجيت واللا لسة ما مشيت؟
المهم مبروك لمنتخب مصر وعقبال الفوز في المبارة القادمة
***************
إذا كانت المرارات تتسبب في الإمتناع عن التشجيع لكنا لانشجع
السودان ذاته حتى لو لعب ضد الشيطان!!... تلك لها مجالها وزمانها.
تحياتي
قيــــر
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: GeerTor Tong)
|
Quote: أمين يا حبيب القصة ما تنميط
ياخي المانع شنو انا ما اشجع الجزائر
ياخي الجزائر عندها فريق يستحق يمشي لي كاس العالم
|
مافي مانع يا طارق ، الجزائر و مصر ما بلدانا و من حق أي منا يشجع العايزو فيهم ، دي ما فيها خلاف .
أنا بفتكر إنو معظم السودانيين بيشجعو ضد مصر بسبب التنميط القلتو ليك ده ، لكن لو في زول بشجع ضد مصر لي سبب آخر فطبعا ده رأيو و هو حر ، يعني مثلا إنت يا طارق شايف الجزائريين فريقهم أحسن و يستاهلو يمشو كاس العالم ، المشكله شنو إنك تشجعهم ؟
Quote: بعدين لو جينا للمرارات
ياخي خلي حلايب وحلفا ودة كله
موش في اتفاقية موقعة بين السودان ومصر بخصوص الحريات الاربعة
ومن ضمنها التنقل
كدي امشي وانت عمرك اقل من خمسين سنة وحاول تدخل من غير فيزا
يمين يذلوك ذلة الكلاب
وعشان ما تمشي بعيد
انا القدامك دة حصلت لي
وقلبتها معاهم لي رب السماء
وفي النهاية دخلوني عشان انا عندي بطاقة صحافة |
المرارات دي يا طارق سبب وجيه إنك ما تشجع فريق ، ما ممكن تشجع ليك ناس إنت بتفتكر إنهم أساءو ليك ! إنت عندك تجربه شخصيه مع الناس ديل في مطارهم خلتك تكرههم : كلام واضح و مفهوم .
الما واضح و ما مفهوم بالنسبه لي إنو لو وقفت أي سوداني عشوائيا في أي مكان في وطنا الشقيق و سألتو عن انطباعك عن مصر و المصريين : بيبتدي ليك أولا بالحلبه أولاد الكلب ديل و بعداك ينزل ليك شتيمه فيهم و هو في حياتو لا شاف و لا إتعامل مع مصري ! و ده في نظري حقد و حسد مننا علي الناس ديل لا كتر و لا أقل .
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: GeerTor Tong)
|
امين الحبيب
| Quote: عندنا ليهم صوره نمطيه وحده : ناس ممكن تشتريهم بالقروش ، ناس ما عندهم مبادي و لا قيم غير القرش ، و ده كلام ما سليم علي الإطلاق و أظنك بتوافقني علي كده |
الحكاية ماكدي وهي قديمة هي تاريخ
وتاريخ كالح ،لو مر عليك كتاب (الرق في المجتمع السوداني)
دراسة توثقية،يتضح ليك جزء من الصورة
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: MAHJOOP ALI)
|
أمين ازي ياخ
يا شباب كورة السودان وبنين متبن والحصل فيها شنو برضك مهما كان ده السودان مش عيب نتفشخر بي حق غيرنا؟
شفتو الأستعدادات اللى سبقت مباراة مصر والجزائر على كافة المستويات؟ بالله عليكم لو هيئنا نفسنا مثلما فعل المصريون والجزائريون ما كنا اليوم على الأقل فى أنجولا؟
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: GeerTor Tong)
|
Quote: أمين يا حبيب القصة ما تنميط
ياخي المانع شنو انا ما اشجع الجزائر
ياخي الجزائر عندها فريق يستحق يمشي لي كاس العالم
|
مافي مانع يا طارق ، الجزائر و مصر ما بلدانا و من حق أي منا يشجع العايزو فيهم ، دي ما فيها خلاف .
أنا بفتكر إنو معظم السودانيين بيشجعو ضد مصر بسبب التنميط القلتو ليك ده ، لكن لو في زول بشجع ضد مصر لي سبب آخر فطبعا ده رأيو و هو حر ، يعني مثلا إنت يا طارق شايف الجزائريين فريقهم أحسن و يستاهلو يمشو كاس العالم ، المشكله شنو إنك تشجعهم ؟
Quote: بعدين لو جينا للمرارات
ياخي خلي حلايب وحلفا ودة كله
موش في اتفاقية موقعة بين السودان ومصر بخصوص الحريات الاربعة
ومن ضمنها التنقل
كدي امشي وانت عمرك اقل من خمسين سنة وحاول تدخل من غير فيزا
يمين يذلوك ذلة الكلاب
وعشان ما تمشي بعيد
انا القدامك دة حصلت لي
وقلبتها معاهم لي رب السماء
وفي النهاية دخلوني عشان انا عندي بطاقة صحافة |
المرارات دي يا طارق سبب وجيه إنك ما تشجع فريق ، ما ممكن تشجع ليك ناس إنت بتفتكر إنهم أساءو ليك ! إنت عندك تجربه شخصيه مع الناس ديل في مطارهم خلتك تكرههم : كلام واضح و مفهوم .
الما واضح و ما مفهوم بالنسبه لي إنو لو وقفت أي سوداني عشوائيا في أي مكان في وطنا الشقيق و سألتو عن انطباعك عن مصر و المصريين : بيبتدي ليك أولا بالحلبه أولاد الكلب ديل و بعداك ينزل ليك شتيمه فيهم و هو في حياتو لا شاف و لا إتعامل مع مصري ! و ده في نظري حقد و حسد مننا علي الناس ديل لا كتر و لا أقل .
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: الحكاية ماكدي وهي قديمة هي تاريخ
وتاريخ كالح ،لو مر عليك كتاب (الرق في المجتمع السوداني)
دراسة توثقية،يتضح ليك جزء من الصورة |
المحجوب يا حبيبنا سلام
التاريخ الكالح ده بعرفو الناس المتعلمين و في المتعلمين الناس العميقه و المهتمه بالتاريخ ! المواطن السوداني البسيط ما عارف تاريخ بلدو ، كراهيتنا للمصريين يا محجوب جايه من التنميط القلتو ليك .
حضر معاي الكوره عشره من الشباب ، كنا إتنين بنشجع مصر : أنا و أخ و صديق والدتو مصريه ، و باقي الشباب كلو بشجع في الجزائر كراهيه في المصريين و سبب الكراهيه ياها النظره السالبه حقتنا للمصريين اللي هم ما ملايكه ولا شواطين ، شعب زيو و زينا و زي أي شعب تاني : فيهو الصالح و الطالح ، بعداك العندو سبب لكراهيتم سوي تاريخي أو شخصي أو لاي سبب أو حتي بدون سبب فده ما في إعتراض عليهو ، لكن - في تقديري - الكراهيه دي في مجملها ما جايه لأسباب تاريخيه .
----
الكتاب بكل أسف ما إطلعت عليهو ، لو عندك ليهو رابط أونلاين و لزيتو لي ، أكون شاكر و ممنون .
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: حسين نوباتيا)
|
سلام يا فاضلابي Quote: يا شباب كورة السودان وبنين متبن والحصل فيها شنو برضك مهما كان ده السودان مش عيب نتفشخر بي حق غيرنا؟
|
كورة السودان و بنين يا عبدالعزيز إتلعبت في نفس وقت كوره مصر و الجزائر و إتغلبنا إتنين واحد جوه بلدنا . فإذا كان نحن ما عندنا (حق) ذاتو ، نتفشخر بشنو ؟!!
| Quote: شفتو الأستعدادات اللى سبقت مباراة مصر والجزائر على كافة المستويات؟ بالله عليكم لو هيئنا نفسنا مثلما فعل المصريون والجزائريون ما كنا اليوم على الأقل فى أنجولا؟ |
ما ده الكلام ذاتو ، لو نحن كنا هيئنا نفسنا زي المصريين و الجزائريين و بقيه الناس الإتأهلو ، كان بنكون مساهرين محتفلين ببلدنا !
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: بوست غير موفق..
مع انو بوستاتك في الاونة الاخيرة قمة في الروعة..
|
ما ممكن يا حسين بوستاتي كلها تكون قمة في الروعة ، لازم كل شويه كده أعمل لي بوست غير موفق زي ده ! 
البوست ده يا حسين باختصار شديد عايز أقول فيهو إنو كراهيتنا للمصريين في مجملها جايه من تنميط سالب للمصريين لا يمت للحقيقه بصله ! لكن رايك والله مقدر و مفهوم تماما !
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: السيد المسلمي)
|
امين
تعرف عندي واحد صاحبي كنا انا وهو فقط نشجع مصر في نهائي كاس افريقيا 2006 ضمن مجموعة كبيرة تشجع ساحل العاج ضدها المهم مصر بعد ما فازت زولي دا قبل على الجماعة وقال ليهم (والله الما بشجع مصر كااااافر) كي لا يأتي من يتحدث عن ثقافة الاستلاب او الجهل هذا الرجل متوسط التعليم.
مصر يا امين شقت طريقها من النقطة الواحدة قبل كاس القارات بجنوب افريقيا 2009 الى التساوي في صدارة المجموعة عن جدارة واستحقاق ولن يتوقف قطارها الا في محطة 2010 التي اطلق منها.
تحياتي
البعرفه انك خال كمال اما انه خال حمور دي جديدة.
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: Muna Khugali)
|
يا أمين سلام وتحية ... اعضد من هذا الرأي الواضح والصريح
Quote:
كواحد من الناس الشجعوا الجزائر وتمنوا فوزها سأوضح وجهة نظري ،
مصر بالنسبة لي دولة محتلة وغاصبة ، كونو انو الحكومة السودانية ساكتة علي كده دا ما مبرر لي بالسكوت ،
يا عزيزي انا لا أكره المصريين ومودتي علي كل حال لن تزيدهم شيئا ،
انا فقط احب السودان ولا أرضي ليه الحقارة ،
وضد الاستلاب العايشين فيه قطاع كبير من السودانيين المنجذبين لثقافة الاخر والجاهلين تماما لثقافتهم السودانية ،
اها يازول بالنسبة للجزائريين فناس محترمين فيما بدا لي ،
ما عندي سبب انو ما اشجعهم لكن عندي اسبابي في عدم تشجيع المصريين وهي ما ذكرته ليك عاليه .
مودتي يا زول . |
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: كمال ادريس)
|
Quote: إذا كانت المرارات تتسبب في الإمتناع عن التشجيع لكنا لانشجع
السودان ذاته حتى لو لعب ضد الشيطان!!... تلك لها مجالها وزمانها |
سلام يا قير
ياخي يا ريت نحن كلنا بفهمك و سماحتك ، كلماتك دي مفروض نفكر فيها مليا ما عشان موضوع مصر ، عشان موضوع سودانا الممكن يتفتت في أي وقت ده .
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
| Quote: عشان موضوع سودانا الممكن يتفتت في أي وقت ده . |
أمين:إنت بتتكلم عن سودان التاريخ واللا سودان اليوم؟
انا لمن اقول سودان التاريخ يعني قاصد السودان اللي كانت امنية لكل عاشق
لامانه ووحدته وتنوعه وجماله وقوة شعبه..............
كان ممكن تقول (عشان سودان ما تزداد تفتت في اي وقت!!.
لك التحية!
قيــــــر
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: GeerTor Tong)
|
الأخ الكريم أمين
ولك من الاحترام ما تستحقه يا اخي الكريم
| Quote: بالنسبه لموضوع حلايب فبالتأكيد you have a point و تبقي القصه يا وليد لو إنت بتشجع ضد مصر لانها محتله حلايب : فده كلام أنا بفهمو و بحترمو و أحترمك إنت ذاتك عليهو |
عشان كدا علي الاقل يا امين انا باطالب بعدم تشجيع المصريين ،
واشكر احترامك للموقف دا لكن كمان باطالبك انك تتبناه - محبة مني وحسن ظن بك لصالح هذا الوطن !
يعني ما دام مصر محتلة حلايب فدا داعي كاف لعدم تشجيعها غض النظر عن تشجيع الجزائر من عدمو ،
اما مسألة كراهيتنا المجانية كشعب سوداني للمصريين فدا موضوع مختلف ،
المصريين في فترة من الفترات احتلوا السودان ،
والمصريين الان كحكومة يتعاملون معنا باستعلاء فرضته سياسات حكوماتنا الهزيلة ،
والمصريين حتي الان يعرضوننا في افلامهم كمادة للسخرية وبطريقة مستفزة ،
كل ذلك وذاكرة الشعوب لا تنسي يا أمين ،
الشعب السوداني الان مقهور تكالبت عليه الدنيا وقهر الرجال ،
تنطق صحفه بغير مكنوناته وتسبح تلفزيوناته بعكس ما يريد ،
رغم ذلك للشعوب ذاكرة لا تنسي يا أمين ،
عشان كدا المسائل دي كلها ناتجة عن اسقاطات تاريخية محكومة بظروفا الموضوعية ،
عن نفسي قابلت الكثير من المصريين خارج السودان ، مثلهم مثل باقي الناس : فيهم الصالح وفيهم الطالح ، بل وكان لي منهم أصدقاء ،
ليس لي مبرر لكرههم كأفراد ولكن لي مائة مبرر ان أكون ضدهم كمجموعة ، لذلك انا ضد تشجيعنا لهم ،
لا أفرض رأيي علي أحد ولكن أوضحه وتخنقني الحسرة من تبريرات الذين يدعون كراهية حكوماتنا المختلفة بينما هم صورتها في المرآة !
وتقبل مودتي الصادقة يا أمين .
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: امين
تعرف عندي واحد صاحبي كنا انا وهو فقط نشجع مصر في نهائي كاس افريقيا 2006 ضمن مجموعة كبيرة تشجع ساحل العاج ضدها المهم مصر بعد ما فازت زولي دا قبل على الجماعة وقال ليهم (والله الما بشجع مصر كااااافر) كي لا يأتي من يتحدث عن ثقافة الاستلاب او الجهل هذا الرجل متوسط التعليم.
مصر يا امين شقت طريقها من النقطة الواحدة قبل كاس القارات بجنوب افريقيا 2009 الى التساوي في صدارة المجموعة عن جدارة واستحقاق ولن يتوقف قطارها الا في محطة 2010 التي اطلق منها.
|
محمد يا عمر سلام
الشباب الحضرو معاي الكوره ديل ، لو كنت قلت ليهم الما بشجع مصر كافر ، كان قالو لي أخير لينا الكفر من تشجيع مصر ، ياخي في كراهيه غريبه لمصر و المصريين !
مافي زول إتوقع إنو المنتخب المصري يكون عندو فرصه أصلا بعد هزيمتو من الجزائر في الجزائر ، المنتخب المصري الان عندو momentum عجيبه و يبقي موضوع تأهلو للمونديال - في تقديري - مسألة وقت ليس إلا .
| Quote: البعرفه انك خال كمال اما انه خال حمور دي جديدة. |
أنا خال حمور يا محمد عمر ، ما عرفتك قاصد منو بكمال !
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: عشان كدا علي الاقل يا امين انا باطالب بعدم تشجيع المصريين ،
واشكر احترامك للموقف دا لكن كمان باطالبك انك تتبناه - محبة مني وحسن ظن بك لصالح هذا الوطن !
يعني ما دام مصر محتلة حلايب فدا داعي كاف لعدم تشجيعها غض النظر عن تشجيع الجزائر من عدمو ،
|
سلام يا صاحب
أنا يا وليد ناظر للموضوع بصوره مختلفه ، و عامل و عارف إنو في فرق بين النظام المصري و الشعب المصري ، لمن إنت تقول لي المصريين : إنت بتتكلم عن الحكومه و النظام المصري و أنا بتكلم عن الشعب المصري و شتان ما بينهما .
يا وليد بنفس منطقك ده : الشعب السوداني أتفه شعب في الدنيا لانو بيقتل في أهلو و ناسو في الجنوب و دارفور .
و أنت تعلم و أنا أعلم إنو ده منطق غير سليم و ظالم في الحكم علينا ، لأننا - كشعب - ما قتلنا زول ، كلها حكومات ظالمه بسياسات أظلم .
الشعب المصري ما إحتل حلايب يا وليد ، و لا عندو معانا مشكله و لا بينظر لينا نظره دونيه ، نحن العندنا مشكله معاهو و بننظر ليهم نظره دونيه و كراهيتنا ليهم جايه نتيجه للنظره دي .
Quote: اما مسألة كراهيتنا المجانية كشعب سوداني للمصريين فدا موضوع مختلف ،
المصريين في فترة من الفترات احتلوا السودان ،
والمصريين الان كحكومة يتعاملون معنا باستعلاء فرضته سياسات حكوماتنا الهزيلة ،
والمصريين حتي الان يعرضوننا في افلامهم كمادة للسخرية وبطريقة مستفزة ،
كل ذلك وذاكرة الشعوب لا تنسي يا أمين ،
|
كراهيتنا للمصريين يا وليد ما موضوع مختلف ، ده الموضوع ذاتو : نحن بنكره المصريين لانو متصورنهم تصور غير حقيقي و نتيجه للكراهيه دي بنحاسبهم بعمايل حكوماتهم .
إذا صح كلامك في موضوع سخرية المصريين و تصويرهم لينا بصوره مستفزه : فده كلام ما سليم و ما مفروض نسكت عليهو ، لكن يا وليد ده ما سبب لكراهية شعب كامل ، و أنا متأكد نحن لو عندنا أفلام و مسلسلات زي بتاعت المصريين كنا سخرنا منهم زي ما سخرو مننا و أكتر .
Quote: عن نفسي قابلت الكثير من المصريين خارج السودان ، مثلهم مثل باقي الناس : فيهم الصالح وفيهم الطالح ، بل وكان لي منهم أصدقاء ،
ليس لي مبرر لكرههم كأفراد ولكن لي مائة مبرر ان أكون ضدهم كمجموعة ، لذلك انا ضد تشجيعنا لهم |
ما عندك مبرر تكون ضدهم كمجموعه يا وليد ، لانهم ما عملو أي حاجه غلط في حقنا كشعب ، و إلا خلي بقية شعوب العالم تنظر لينا و تعاملنا من خلال موقف حكومتنا .
شكرا يا وليد لحسن ظنك بي و تقبل خالص إحترامي .
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
سلام تاني يا وليد
بعد ما كتبت ليك ردي الفوق ده ، لقيتك عامل تعليق في بوست عصام جبر الله
Re: كوره و لا سياسة و حاجات تانية؟
| Quote: أصلو ما اتخيلت الاستلاب بتاعنا وصل المرحلة دي ! |
و ده هي المشكله الأكبر من مشكلة نشجع منو و نحب ياتو بلد و نكره ياتا !!!
ليه يا وليد المختلف معاك في رأيك ده طوالي طلعتو مستلب ؟
و عصام جبر الله في بوست تاني كاتب
دي مشكلتنا الحقيقيه يا وليد : نحن ما بنستحمل الرأي الاخر ، و الزول أول ما يختلف معانا في رأي ، طوالي تطلع الشتايم و الإساءات ، ما ممكن عشان عندنا وجه نظر تانيه نطلع كلاب و مستلبين و في روايه أخري - تجدها في أعلي البوست ده و بوستات أخري - خدم !! !
و طبعا لو ما كاتب التعاليق دي إنت و عصام جبر الله ولا كان ممكن أعلق عليها فالزبد في سودانيزاونلاين ماكث في الأرض و ما ينفع الناس قد ذهب جفاء منذ زمن !!
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
المواطن امين محمد سليمان
لسنا حاقدين على مصر و لم تكن بيننا اي محاولة اغتيال -بل نحبها ايضا
لكننا نفضل الكرة الجزائرية فهل تسمح لنا بتشجيع الفريق الجزائري دون وصفنا بالحاقدين؟؟؟؟
_______________________________
يا جماعة الواحد فيكم عشان يكتب في المنبر لازم ينزل من الموتور
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: المواطن امين محمد سليمان
لسنا حاقدين على مصر و لم تكن بيننا اي محاولة اغتيال -بل نحبها ايضا
لكننا نفضل الكرة الجزائرية فهل تسمح لنا بتشجيع الفريق الجزائري دون وصفنا بالحاقدين؟؟؟؟
|
من المواطن أمين محمد سليمان الي أخيه المواطن حامد برقو
السلام عليكم و رحمة الله و بركاته
وصلني مكتوبك يا أخي و لي نقطتان فيما تفضلت به :
- أوضحت أن العنوان مقتبس من مقوله كان الاخ أسامه الخاتم يزين بها مداخلاته (لكم الياسمين و للحاقدين الرماد ) و هي - فيما أظن - لا تعني الكلام حرفيا .
- عرفت الحاقدين بالذين يكرهون مصر و المصريين نتيجة التنميط السالب للشعب المصري ، و حيث أنك يا أخي لم تنمط هذا الشعب تنميطا سالبا بل ذكرت حبك لهم ، تصبح خارج التعريف .
Quote:
يا جماعة الواحد فيكم عشان يكتب في المنبر لازم ينزل من الموتور |
والله دي غلبني أفهمها يا حامد ، لكن للضمان كده بيتنا ده ما فيهو أي نوع من أنواع المواتر و الموتورات .
ما عارف ليه لكن عندي إحساس إنك قريت العنوان بدون قراية المداخلات و جيت كتبت كلامك ده ، و علي أي حال لو العنوان ضايقك أو إستفزاك فلك العتبي حتي ترضي .
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
| Quote: انا مع مصر كورتم حلوة وممكن يمشوا قدام فى المونديال كورة وبس |
والله يا حسن ده بالظبط سبب تشجيعي للفريق المصري ، في أغلب الأحيان بشجع ضد مصر ما لاي سبب لكن بكون فريقهم كعب ، المره دي و بالذات بعد مباريتي البرازيل و إيطاليا في كاس القارات : إقتنعت إنو المصريين ديل كان وصلو كاس العالم ممكن يعملو حاجه .
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
العزيز امين
انا هسه في الشغل حسب مواقيت السودان ،
سأعود لك مرة اخري لموضوع الاستلاب
الي حين ذلك تقبل مودتي الصادقة ،
ولولا المودة الصادقة يا أمين ما جيناك نحن برضو ،
فكما تري البورد مليان مواضيع فيما خص الكورة دي ،
لكن الواحد بيدخل يكتب محل يحس انو احترامو حيكون محفوظ .
الي حين عودة .
| |
|
|
|
|
|
|
|
|
 Re: لمصر الياسمين و للحاقدين الرماد !! (Re: الوليد محمد الامين)
|
| Quote: يا ناصر نحن ناس ديمقراطيين ، شجع الدايرو بس ما بعدين ما تزعل لمن الجزائر تترشه ؟! |
[]بالتاكيد يا أمين ما حازعل رغم أنو يوم السبت خلاص بدينا نتبادل تلفونات التهنئية
مع الاصحاب التوانسة وكلهم بشجع الجريا بس في أخر دقيقة الفرحة أتأجله
المصريين ما شين الخرطوم والملعب حيتحول لملعب عنابة أو خمسه جوليا يعني
رجعوا يلعبوا مع الجزائر في الجزائر[/]
أها والمدحة دي مني ليك هدية
كلنا صحراويين
كلنا مغاربيون
كلنا جزائر
**
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: حيدر حسن ميرغني)
|
امين ياحبيب
| Quote: ناصر يا بني : اركب معنا فإنا إن شاء الله فائزون ! |
انت من هسه جهز اعزارك ،وانا بساعدك بي ديل
1- الملعب غير مهيئ لكرة القدم دا استاد لمصارعة الثيران
2- القمهور علي خط الملعب وبيشتموا فينا
3- الناموس ماخلانش ننام رحنا المبارة علي ملي وشنا
4- مافيش كهرباء غرف الملابس ضلمة ولمن دخلنا المعلب كنا لابسين ملابس القزاير
ازديك ولا كفاك
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: انت من هسه جهز اعزارك ،وانا بساعدك بي ديل
1- الملعب غير مهيئ لكرة القدم دا استاد لمصارعة الثيران
2- القمهور علي خط الملعب وبيشتموا فينا
3- الناموس ماخلانش ننام رحنا المبارة علي ملي وشنا
4- مافيش كهرباء غرف الملابس ضلمة ولمن دخلنا المعلب كنا لابسين ملابس القزاير
ازديك ولا كفاك |
محجوب يا حبيبنا ،
حبايبنا المصريين ديل ما بستحملو الغلب كلو كلو و ممكن عادي كان إتغلبو يكبو الجرسه الجبتها دي ، علي الأقل كلامهم بالعربي و مفهوم ، لكن قرايبك الجزائريين جرستهم إلا تجيب ليها دكشنري !
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: بشير أحمد)
|
منقولة من مساهمة في بوست آخر بنفس الموضوع
===
ناس الكورة في السودان (مشجعين) وليسوا بمتفرجين. يعني بدلا من يصفقوا للعبة الحلوة لازم يصفقوا للعبة البلعبها الفريق الهم في صفه حتي ولو كانت (وحشة). يعني بالعربي كدا لو كانت المباراة هذه بين ألمانيا النازية(ألمانيا الثلاثينات من القرن الماضي) وإيطالياالفاشية لكان بعض المتفرجين قد إنحاز لفريق (شجعو) وأنحاز البعض الآخر للفريق الثاني
المهم لا لينا في عنب الشام ولا بلح اليمن، الناس في السودان تدي نفسها فرصة تتفرج في كورة من أجل الكورة. ولهم أن يصفقوا (يشجعوا ) للعبة الحلوة. وليس ضروريا علي الإطلاق تشجيع فريق ضد الآخر. الرياضة هدفها التنافس السلمي بين البشر وإمتصاص شحنات التوتر السالبة بينهم!!
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: Nasr)
|
العزيز أمين
يازول التحايا كلها والمودة
| Quote: ليه يا وليد المختلف معاك في رأيك ده طوالي طلعتو مستلب ؟ |
أبدا يا أمين ، ما كل مختلف معاي سميتو مستلب ،
الاقتباس الانت جبتو فوق كان تعليق علي كلام الاخت اميرة الشيخ في البوست المعني ، وكلامها كان :
Quote: تخيل دا السودان الكان حيلعب فى مصر يعملو لينا هيلمانة قدر العاملنها
نحن ليهم دى???
والله ما اظن فى زول يسمع بينا زاتو
|
في النقطة دي انا باصر انو دا استلاب ، انا هنا اطلقتوا علي الناس الاتكلمت عنهم الاخت اميرة الشيخ ،
اذا عندك ليه اي اسم تاني غير الاستلاب فقولوا لي يا أمين !
قصة انو الاخ عصام جبر الله كتب
| Quote: : الكلب بيريد خناقو |
فدا يا امين وكما تعرف مثل سوداني معروف ،
بالنسبة لي مع اني ما انا الاوردت المثل الا انو لا أري فيه غضاضة ، وما معني كده انو عصام وصف الاخرين بالكلاب ،
يعني في مثل بقول ليك الصقر ان وقع كترت البتابت عيب ، اها هل نغير اسم الصقر هنا ونخت بدلو الزول مثلا ؟ وكذلك نفعل بالمثل الاول فنقول الزول بريد خناقو ؟
استفضت في النقطة دي لانو انا شايف انو دا ما موضوع خلاف مع زول زي عصام جبر الله - وانا لا اعرفه الا من خلال هذا البورد -
قصدي انو انا لا اشكك في وطنيتك وصدق نواياك وكذلك عصام ،
بالتالي نحن في جهة واحدة ولكن هناك اختلاف في الرؤية ،
لا ينبغي لذلك ان يفسد للود قضية ،
لكن بالمقابل نحن كناس عارضوا تشجيعنا كسودانيين لمنتخب مصر اوردنا اسبابنا البنراها وجيهة ،
لما جيت انت يا أمين واحترمت مسألة حلايب مع انك ما وضحت رايك فيها - واحسبو بل اتيقن انو ايجابي - ،
اقول لما جيت وعملت كدا اتفتح باب الحوار بينا في النقطة دي ،
مع كامل الاحترام ليك يا أمين لا يمكنني ان احترم واحد يجي داخل ويتجاوز تظلماتي ليهو كمواطن سوداني يستجدي فيه الاحساس بالوطن
ويتجاوز حتي ادانة ما يحدث في حلايب ويجي يقول لي : بنحب مصر ... أو : المصريين حبايبنا .... او : المصير المشترك والنيل الواحد .... الخ مما يقول الببغاء !
دا يا امين انسان مستلب ولو عندك ليهو اسم تاني قولوا لي برضو ...
اها يا امين مسالة الاستلاب دي انا قلتها هنا برضو في أول مداخلة لي معاك هنا :
Quote: يا عزيزي انا لا أكره المصريين ومودتي علي كل حال لن تزيدهم شيئا ،
انا فقط احب السودان ولا أرضي ليه الحقارة ،
وضد الاستلاب العايشين فيه قطاع كبير من السودانيين المنجذبين لثقافة الاخر والجاهلين تماما لثقافتهم السودانية ،
اها يازول بالنسبة للجزائريين فناس محترمين فيما بدا لي ،
ما عندي سبب انو ما اشجعهم لكن عندي اسبابي في عدم تشجيع المصريين وهي ما ذكرته ليك عاليه .
|
وتاني المودة يا أمين .
| |
|
|
|
|
|
|
|
|
 Re: لمصر الياسمين و للحاقدين الرماد !! (Re: أمين محمد سليمان)
|
أمين يا خال
مساء الروقة والجمال
في غربتي قربته من المغاربيون ( التوانسة ) على وجه الخصوص
لانو اكتر شغلى في المملكة كان معاهم ياخي الناس ديل مختلفين شديد
وفي البال منهم سليم بن منجي والصادق بو قطاية ورشيد بو زيان
وأكيد العزيز سفيان عبد الرحمن والعم شاذلي ومنير فنيرة
ناس راقية بمعني راقية وفي نفس الوقت عصبيين للغاية
وفيهم شراسه طبع ما في جن احمر بدوس ليهم على طرف
وبتعاملوا مع الانسان كإنسان بجدية ما عادية ما عندهم جاى من وين إن شاء الله من جهنم
المهم هو شنو ومؤهلاتوا شنو والعمل البقوم بي شنو
لو حللته طباعهم دي صدقني طباع السودانيين لما يكونوا سودانيين وحارين
عشان كدة أستمريت معاهم سنين تشوفنا هايجين في بعض تقول الناس ديل مجانيين
وتشوفنا رائقين مع بعض تحلف انو الناس ديل في هدؤهم وطيبتهم مافي
هسه في شغل تاني لكين أكيد الصلات قائمة وقوية
لو الجزائرين زي التوانسة ياخي أنا بشجع الجزائر
بكامل الإقتناع لانو مافي أى مقارنة بينهم وبين المصريين
المهم بيظلوا هم والافارقة من إثيوبيا والسنغال ونيجريا
الغالبية المطلقة من الاصحاب من غير السودانيين
وبالجد من غير الناس ديل ما حتقدر تصاحب زول
لا تحتتحملهم ولا حيتحملوك معليش ده كلام زول عارف أنو بطباع حّدة للغاية
ما يقدر يتعامل إلا مع ناس بنفس سماتو وعندو كبير الجمل
والاهم الاتنين البشجعهم وصلوا ( نيجريا / الكميرون )
فيفا الجرية
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: Elhadi)
|
الزول السمح الوليد محمد الامين ، سلام
رجعت قريت كلامك في سياقو يا وليد و لقيت فعلا كلامك صاح و طالما ما عممت موضوع الإستلاب بحيث إنو ما كل من يشجع المنتخب المصري مستلب ، إذا مافي مشكله .
عصام جبر الله أنا رديت ليه بهناك و رد لي باك و بدربي ده ماشي عليهو تاني .
يا وليد أنا موضوع حق الناس في الاختلاف بكل إحترام حقيقي مؤرقني ، موضوع كوره مصر و الجزائر دي حاجه عارضه ، الأسبوع الجاي ما بتكون في أي سيره للكوره ، لكن موضوع إحترامنا لبعض مع إختلاف الرأي ده باقي ما بقيت الحياه ، و بفتكر إنو المسأله دي بتقع علي عاتق الناس المحترمه بجد زيك و زي عصام جبر الله - الأنا ما بعرفو معرفه شخصيه ، لكن بتذكرو كويس في الكليه و في أركان النقاش في النشاط - عشان كده لمن شفته (مثل) عصام و كلمة (إستلاب) ما تريثت أبدا لانو الكلام ده جا منك و من عصام جبر الله تحديدا .
في موضوع الكوره يا وليد : أنا قلت ليك إنو أنا محترم رايك و محترمك عشانو ، لكن بالتأكيد أنا ما متفق معاك فيهو و وضحت ليك الكلام ده : إنو أنا ما شايف إنو الشعب المصري هو من إحتل حلايب ونفذ مجزرة ميدان مصطفي محمود و بقية مظالمنا عند الحكومات المصريه المتعاقبه ، و شايف وعارف إنو المصريين علي العموم بيحبو و بيحترمو السودانيين ، و ده كلو كلام ممكن نتفق و نختلف عليه .
مشكلتي كلها و سبب فتحي للبوست ده يا وليد ، إنو أنا عارف إنو معظم الشعب السوداني حا يشجع ضد مصر لسبب واحد فقط : نظرتنا الدونيه ليهم الجايه من تنميط سالب و ظالم .
أي زول داير يشجع ضد مصر لأي سبب أو بدون سبب من حقو و رايو علي راسنا من فوق لكن لانو أنا عارف تماما إنو السودانيين ما حا يشجعو مصر نتيجه مظالم السياسه المصريه تجاه السودان ، لكن نتيجه النظره السالبه القلتها ليك دي ، و في تقديري إنو لو الكوره دي إتلعبت قبل إحتلال مصر لحلايب و قبل مجزرة مصطفي محمود نفس الناس دي كانت حا تشجع ضد مصر و لنفس السبب الظالم.
واضح لي تماما إنو نحن مختفين في رؤيتنا للموضوع ككل ، أنا فاهم وجهة نظرك و مقدرها تماما ، لكني مختلف معاها نتيجه إختلاف زاوية الرؤيه .
شكرا يا وليد علي سعة صدرك و أدب محاورتك وسوى اتفقنا أو اختلفنا معك في رايك يقيني إنك واحد من الناس اللي إصلاح شأن هذا المكان بيقع علي عاتقهم ، و دام الود .
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: ميسرة سيد أحمد)
|
أمين يا خي الحوار معاك ممتع ،
اها يا زول خلينا نواصل ،
باتفق معاك انو كتير من السودانيين بيحملوا نظرة خاطئة عن المصريين وغير صحيحة بالمرة أو جزئيا ،
تعرف الليلة الصباح وانا ماشي في الشارع ومعلق العلم الجزائري في العربية واحد سألني انت بالجد بتشجع الجزائر ؟
قلت ليهو انا ما باشجع مصر عشان احتلال حلايب !
الزول دا كان بيشجع مصر وقعد يقول لي حلايب ما باعتا حكومتك ووووو ... الخ من السماجة ،
الصباح دا ذاتو وقفت في البنشر القريب من البيت لبعض احوال العربية ،
جو جماعة جزائريين شايلين الاعلام الجزائرية وبهتفوا للجزائر ،
بتاع البنشر قال لي ديل جزائريين والا مصريين ؟
اعترافي بانو في نظرة خاطئة من كثير من السودانيين تجاه المصريين ما بيعني اني اسعي لتصحيح الوضع دا مقابل التنميط المصري للسودانيين في قوالب معينة ،
وموسم الكورة دي وفر لينا كتير من المواد الجابوها الناس من اليوتيوب وغيرو ،
قصدي انو مصر الرسمية والشعبية استمرأت وضع انها اليد العليا وتابعت تعاملا معانا علي اساسو ،
المواطن المصري ناهيك عن حكومته ح يفهم شنو او ح يتبادر ليو شنو لما كل مرة شايف رئيس السودان ماشي ليهم خليك من بقية الوزراء ووكلاء الوزارات ووزراء الري
البيحسسوك انو النيل دا بينبع من مصر !
ح يفهم المواطن دا انو مصر هي الاعلي ، بالنسبة لي ما بلومو في نظرتو لي بلدو ،
بالوم ناسي البيختوني في المرتبة الادني ،
اها دا البيعملوه ناس كتار في الحياة العامة وفي المنبر دا ،
يا أمين ارجع للصفحة الرئيسية في المنبر دا واقرا العناوين الموالية لمصر ، اذا لم يصيبك الغثيان من حالة الاستلاب دي كلمني بالله خليني اتحسس مفاهيمي ،
في بوست تاني شايف الاخت اماني الامين كتبت انو يكفينا انو وصلنا المسج بتاعتنا ،
وشايفك رديت بوش ضاحك كدا ، من الشماتة فيما يبدو لي ،
( ياخي انا وشوش بكري دي ولا بتظهر لي ذاتو )
اها يا زوزل اقول ليك حاجة اخيرة :
انا والله ما باقدر احسب ليك اسامي تلاتة لا من لاعبي الجزائر ولا من لاعبي مصر !
ايا كان الفايز ما حيفرق معاي كتير ،
عجبني انو ذاكرة الشعب السوداني لاتزال بخير ، وانو وصل رسالتو بأنو اذا الحكومة اتنازلت لأسباب تخصها او لضغوطات تخصها فدا ما معناه انو نحن ح نقبل !
كتير من الناس ديل ما شايلين موضوع حلايب دا معاهم ، ودا غلط كبير ،
ما بأعني انهم يشيليو معاهم في استاد المريخ أو حتي في المنبر هنا ،
قصدي انو فهمنا للوطن ما يكون بالابتسار دا ،
عشان كدا يا أمين انا ما رضيت انو زول زيك يساهم في تعضيد الراي دا ، انا عارف انو ما رايك لكن بدون نقاشنا دا ما كنا ح نصل للنقطة دي ،
اكيد ظني ان الكثيرين ممن تابعو النقاش هنا اضاف لهم هذا الامر شيئا ما ،
دي غايتو الحاجة البتحصل لي لما يكون النقاش في حدود الاحترام ،
اذا حدث ذلك وهو ما أرجوه فالياسمين لنا كلنا يا أمين .
أقول قولي هذا وربما اعود للحديث عن انحسار اثر الثقافة المصرية في السودان .
والمودة كلها .
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: نبيل عبد الرحيم)
|
Quote: لو الجزائرين زي التوانسة ياخي أنا بشجع الجزائر
بكامل الإقتناع لانو مافي أى مقارنة بينهم وبين المصريين
المهم بيظلوا هم والافارقة من إثيوبيا والسنغال ونيجريا
الغالبية المطلقة من الاصحاب من غير السودانيين
وبالجد من غير الناس ديل ما حتقدر تصاحب زول
لا تحتتحملهم ولا حيتحملوك معليش ده كلام زول عارف أنو بطباع حّدة للغاية
ما يقدر يتعامل إلا مع ناس بنفس سماتو وعندو كبير الجمل
|
سلام يا ناصر
يا سيدي الجزائريين بخيتين و سعيدين عليك ، شجعهم زي ما داير و زي ما قلت كتير في البوست ده : كل زول يشجع محل ما يريحيو ، لكن قصه إنو الجزائريين أحسن من المصريين دي فيها نظر !
المصريين زيهم و زي أي شعب تاني ، لا أحسن من زول و لا في زول أحسن منهم .
بالنسبه للكوره ذاتها في تقديري فوز مصر مساله زمن ليس إلا ، قياسا علي المستوي و أهم من كده علي الmomentum الجايه من إنو الناس ديل ما كان عندهم امل أصلا : غلبو في أخر كورتين بره بلدهم و جابو قونهم التاني في أخر ثانيه في الجزائر دي ذاتها .
والله ما داير ليك الزعل اليله ، لكن إنك لا تهدي من أحببت !
| |
|
|
|
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
الوليد ، صبحاتك بيضاء إن شاء الله .
Quote: باتفق معاك انو كتير من السودانيين بيحملوا نظرة خاطئة عن المصريين وغير صحيحة بالمرة أو جزئيا ،
تعرف الليلة الصباح وانا ماشي في الشارع ومعلق العلم الجزائري في العربية واحد سألني انت بالجد بتشجع الجزائر ؟
قلت ليهو انا ما باشجع مصر عشان احتلال حلايب !
الزول دا كان بيشجع مصر وقعد يقول لي حلايب ما باعتا حكومتك ووووو ... الخ من السماجة ،
|
النظرة الخاطئة عن المصريين دي يا وليد سبب تشجيع الغالبيه العظمي ضد مصر و دي تحديدا مشكلتي في الموضوع ده كلو ، القصه ما عندها دخل بموضوع حلايب و مظالمنا عند الحكومات المصريه ، الشعب المصري ده شعب مغلوب علي امرو زيو و زينا كان ما اكعب مننا .
الفرق شنو يا وليد بين موقفك ضد المصريين في الكوره دي و بين زول مصري ولا جزائري بيشجع ضد الفريق السوداني لانو السودانيين بيبيدو في بعض ليهم أكتر من خمسين سنه ؟! كلام بتاع البنشر أصلو ما سمج ، نحن كلنا شعوب مقهوره حكوماتنا المفروضه علينا هي البتقرر مصايرنا .
Quote: اعترافي بانو في نظرة خاطئة من كثير من السودانيين تجاه المصريين ما بيعني اني اسعي لتصحيح الوضع دا مقابل التنميط المصري للسودانيين في قوالب معينة ،
وموسم الكورة دي وفر لينا كتير من المواد الجابوها الناس من اليوتيوب وغيرو ،
|
التنميط السالب من الجابنين ما صاح ، و أنا متاكد مليون في الميه ، لو النهائي ده كان في مصر بين السودان و الجزائر ، مصر كلها حا تشجع السودان !
واجبنا - سودانيين و مصريين - كناس متعلمين و يفترض نكون عميقين في نظرتنا للأشياء إنو نصحح الوضع الغير صحي ده من الجانبين ، ما إننا نعمقو بدعوي إنو الطرف الاخر بيمارس في نفس التنميط السالب ده .
Quote: اها دا البيعملوه ناس كتار في الحياة العامة وفي المنبر دا ،
يا أمين ارجع للصفحة الرئيسية في المنبر دا واقرا العناوين الموالية لمصر ، اذا لم يصيبك الغثيان من حالة الاستلاب دي كلمني بالله خليني اتحسس مفاهيمي ،
|
يا وليد الناس الحا تشجع مصر أسبابها كتيره و مختلفه : معظم الناس دي - و أنا من ضمنهم - حا نشجع مصر لانو الموضوع كوره لا أكتر و لا أقل ، نسبه بسيطه - و بصراحه بوست واحد بس - الحسيت إنو فيهو نوع من المبالغه في تمجيد مصر و المصريين ترقي لدرجة الإستلاب .
في تقديري (و قد أكون غلطان ) نفس المباراه دي لو كانت في ظروف كرويه - أكرر كرويه - تانيه كان ممكن ناس كتار من مشجعي مصر يشجعو الجزائر ، العكس ما صحيح بالمناسبه : الناس البتشجع ضد مصر عمرهم ما بشجعو معاها و دي نتيجة الكراهيه الجايه من التنميط الظالم و الخاطيء حقنا ده . المصريين يا وليد ما عارفين أصلا إنو السودانيين ما بيحبوهم و حا يفاجأو جدا من تشجيع معظم السودانيين للجزائر .
Quote: ايا كان الفايز ما حيفرق معاي كتير ،
عجبني انو ذاكرة الشعب السوداني لاتزال بخير ، وانو وصل رسالتو بأنو اذا الحكومة اتنازلت لأسباب تخصها او لضغوطات تخصها فدا ما معناه انو نحن ح نقبل !
كتير من الناس ديل ما شايلين موضوع حلايب دا معاهم ، ودا غلط كبير ،
ما بأعني انهم يشيليو معاهم في استاد المريخ أو حتي في المنبر هنا ،
قصدي انو فهمنا للوطن ما يكون بالابتسار دا ،
|
يا وليد لو إنت قايل السودانيين حا يشجعو ضد مصر عشان حلايب تبقي غلطان !
نحن لو وطنيين بالجد ، مفروض نضغط علي حكومتنا بإتخاذ موقف قوي لإسترداد حلايب ، ما نلوم و ندين الشعب المصري المغلوب علي امرو ده .
Quote: عشان كدا يا أمين انا ما رضيت انو زول زيك يساهم في تعضيد الراي دا ، انا عارف انو ما رايك لكن بدون نقاشنا دا ما كنا ح نصل للنقطة دي ،
اكيد ظني ان الكثيرين ممن تابعو النقاش هنا اضاف لهم هذا الامر شيئا ما ،
دي غايتو الحاجة البتحصل لي لما يكون النقاش في حدود الاحترام ،
اذا حدث ذلك وهو ما أرجوه فالياسمين لنا كلنا يا أمين .
أقول قولي هذا وربما اعود للحديث عن انحسار اثر الثقافة المصرية في السودان .
والمودة كلها . |
متفق معاك تماما إنو بدون نقاشنا دا وجهة نظري ما كانت وصلت كامله ، و إنو الناس لمن تناقش بادب و إحترام بيكون فيهو فايده للجميع ، لكن يا وليد نحن في منبر لو اختلفت ساي مع زول في راي علي الأقل بطلعوك امنجي و دي هي النقطه الدايره نقاش ، عدم تقبل الرأي الاخر ده ، لكن طالما في ناس - علي قلتهم - مؤمنيين بأهمية الحوار و الاختلاف بادب و إحترام المنبر ده بكون مؤثر و فاعل .
الله يديك العافيه علي إثراء البوست و أهم حاجه ما تزعل بعددين لمن الجزائر المركب علمها في عربيتك دي تترشه بمزاج !
| |
|
|
|
|
|
|
|
| |
أمين محمد سليمان
حيدر حسن ميرغني
طلحة عبدالله
طارق جبريل
نبيل عبد الرحيم
Ibrahim Sayed
Muna Khugali
غباشي
ماجدة عوض خوجلى
GeerTor Tong
MAHJOOP ALI
عبدالعزيز الفاضلابى
حسين نوباتيا
عمر التوم
محمد عمر الفكي
كمال ادريس
انور التكينة
عاطف عبدون
ombadda
WAD ELGAALI#4
Tragie Mustafa
خالد العبيد
بشير أحمد
Nasr
Elhadi
ميسرة سيد أحمد
فيس بوك
تويتر
انستقرام
يوتيوب
بنتيريست