دعواتكم لزميلنا المفكر د.الباقر العفيف بالشفاء العاجل
|
|
 إجتماع هام للجنه العليا لإفشال إفطار بورداب الخرطوم !!
|
اللجنه بتضم كل الحاسدين بورداب الخرطوم و لمتهم ، و تعلن إنها لن تألو جهدا لإفشال الإفطار و حا تستعمل كل الطرق الشرعيه و الغير شرعيه عشان القصه دي ما تتم .
اللجنه برئاسه أخونا طارق جبريل و في إنتظار مقترحاتكم !
ع/ أمين محمد سليمان المنسق العام و الناطق الرسمي للجنه
|
|
 
|
|
|
|
|
|
|
|
Re: إجتماع هام للجنه العليا لإفشال إفطار بورداب الخرطوم !! (Re: أمين محمد سليمان)
|
| Quote: وهبه معترض علي إقتراح إنو سيدنا بكري - قدس الله سره - ما يدفع في الشير بتاع الفطور |
الاخ الخال امين
تحياتي
اول حاجة بكري ما قاعد في الخرطوم رجع امريكا زمان
لكن لو كان قاعد ذاتو الزول دا ناشف نشاف يوم واحد ما شفتو شايل ليهو قروش
مرة قلت ليهو الشيرنق يا عمك تعرف قال لي شنو ؟ قال لي انا ما رجعتك شيرنق شنو كمان ؟
____
غياب انعام حيمورة عن البرنامج بيأثر كتير والله
| |
|
|
|
|
|
|
|
|
|
Re: إجتماع هام للجنه العليا لإفشال إفطار بورداب الخرطوم !! (Re: ابراهيم بقال سراج)
|
سلامات يا أمين
متابع البوست دا من برة برة لي تلاتة ستة يوم كدا
وما عايز اخش رغم ما احمله في كنانتي من مقترحات متأكد انها ستهدم
المعبد على من فيه ومن خارجه حتي مسافة فراسخ مفرسخة .
تلبدي البرة دا عملتو من منطلق أنو :
الواحد لازم يكون حريص كل الحرص عندما يتعلق الامر ب(مع وضد)
ودا ما بمنع أنو لوطلبت عون او مدد امد ليك يد المساعدة لامن شاف ولا من دري
نهايتو :
ادينا الاكيدة النجيضة
هل قام ذلك الفطور اللعين ؟
مع تمنياتي لك بالتوفيق .
| |
|
|
|
|
|
|
|
|
|
Re: إجتماع هام للجنه العليا لإفشال إفطار بورداب الخرطوم !! (Re: طلحة عبدالله)
|
بصفتي الاعتبارية
وكشخص مناوئ لكل مناشط بورداب الخرطوم (الملاهطية)
اعلن الآتي:
- صلاة بخشوع تام لمزيد من الامطار وسيول تجرف بيت الفنون
- الدعم اللوجستي لكل المنفصلين من بورداب الخرطوم والمؤلفة قلوبهم (بقال مثالا)
- افشال جميع محاولات وهبة في رجوع انعام حيمورة للمجموعة حتى لو اضطرني الامر
لارسال عمتي الحواء بت الخضر ود كنيش اشهر دعاية في منطقة البركل
وذلك لكي تواتيها باضعف دعوة اذا اصرت على الرجوع للمجموعة: ان شاء الله تنقصي انت
- محاولة تاليب جميع زوجات المشاركين في الفطور الفاشل باذن الله حتى يقمن بمحاولة
فطور ازواجهن بقربهن ودعمهن بجميع الوسائل الممكنة ليسقن الدلال على ازواجهن
وممكن الدعم دة يكون في شكل محلبية وسرتية وحنة تاج وشوالين طلح ابو كديس
من حواشة ود شيقوق للطلح الاصلي وفتيل خومرة من النوع ابو كديس البخلي الراجل
يدك الشغل يومين...وممكن برضو فتيل ريحة سمسرة او اورقانزا او حسب الاختيار
- تاليب ازواج البوردابيات وذلك بحثهم على اظهار العين الحمرة لزوجاتهن
وبث اشاعة عقاب الجلد الذي قد يطولهن لوجودهن في معية بورداب يكتبون في منبر
((مطلوق)) وما عنده وازع ومنبر طالع للربا والتلاف
دعوة الختام
اللهم دمر قراصتهم
اللهم اعدم لُقمتهم
اللهم بوظ حلو مرهم
اللهم خلي رقاقهم يعتت
اللهم اعدم الويكة والدمعة من السوق
اللهم ارسل عليهم جند النظام العام
اللهم سلط عليهم امطارا من السماء
اللهم فرق فطورهم
اللهم انك كريم مجيب
| |
|
|
|
|
|
|
|
|
 Re: إجتماع هام للجنه العليا لإفشال إفطار بورداب الخرطوم !! (Re: طارق جبريل)
|
Quote: دعوة الختام
اللهم دمر قراصتهم
اللهم اعدم لُقمتهم
اللهم بوظ حلو مرهم
اللهم خلي رقاقهم يعتت
اللهم اعدم الويكة والدمعة من السوق
اللهم ارسل عليهم جند النظام العام
اللهم سلط عليهم امطارا من السماء
اللهم فرق فطورهم
اللهم انك كريم مجيب |
آآآآآآمين يا كريم ... من خشمك ولباب السماء ..
ويا ناس مكة والمدينة نفر نفرين كدة يتهجدوا بالدعوات دي في الحرم المكي والمدني ..
| |
|
|
|
|
|
|
|
|
 Re: إجتماع هام للجنه العليا لإفشال إفطار بورداب الخرطوم !! (Re: طارق جبريل)
|
الخال الكمنضال الكبير أمين محمد سليمان ..
كانت بداية حركة "أبت " باقتراح من ود اختكم :
Quote: امجد يا اخوي شكلنا حنشيل تمرنا و نمشي نفطر في الفيس بوك
الجماعة شايفم جاطو
الله يستر
ــــــــــــــــــــــ
رايك شنو نعمل حركة مسلحة انفصالية برانا هنا و نسميها حركة : ( ابت ) الديموقراطية
حركة افطار البورداب التقدميين الديموقراطية |
Re: فطور بورداب الخرطوم السنوي السبت 13 رمضان (( حوش بكري ابوبكر )) ببحري
و تلقف الزميل أمجد الفكرة ليصيغها :
Quote: البورداب الشرفــــاء
نعلن نحن الموقعون ادناه عن قيام حركة افطار البورداب التقديميين الديموقراطية (أبت) لمتد و التي تطالب اولئك الذين تربعو من غير حق و لا تفويض او اختيار على امراقامة افطارنا الجماعي الميمون و قررو اقامته يوم السبت 13 اغسطس من دون اجراء مشاورات كافية و لا انتهاج السبل الديموقراطية للحوار من اجل توزيع عادل للسلطة و السلطة (بضم السين و فتحها) . اننا اذ ندين هذا المسلك الاقصائي نستنكرمنهج الاستكبار الذي درجت هذه الجماعة الصفوية من البورداب على نهجه ونحن من فوق ها المنبر الذي نعلن فيه قيام حركتنا المجيدة ندعوكم للانتفاض و تغيير هذا المنهج المستهجن حتى يعود الامر كله لجماهير البورداب اختيارأ و توزيعاً و افطارا
عاش كفاح المنبر الحر و اعضاءه
حركة أبت
اغسطس 2008
الموقعون :
حمور زيادة
امجد فريد
|
بيـــــان هــــام
اثر ذلك اعلنت الطغمة الحاكمة انه :
Quote: لا تفاوض ولا حوار مع هذه المجموعة الخارجين عن القانون والخارجين عن طاعة بورداب الخرطوم والذين يسعون لتقويض
نظام بورداب الخرطوم الشرعي والدستوري , اطلقنا يد البورداب ولا نريد اسيراً ولا جريحاً |
و اعلنت حركة "أبت " الكفاح المسلح في بيان استولى عليه الهكر و تدافعت جماهير البورداب للانضمام الى الحركة.
راجع التفاصيل التاريخية لقيام الحركة في هذا الرابط
فطور بورداب الخرطوم السنوي السبت 13 رمضان (( حوش بكري ابوبكر )) ببحري
و من المهم الاطلاع على هذه الوثيقة التي كتبها الدكتور أمجد عن الاسس النظرية للحركة
اعلان هــام: حركــة أبت
مع تحياتي.
| |
|
|
|
|
|
|
| |
أمين محمد سليمان
HAIDER ALZAIN
عبدالوهاب علي الحاج
حمور زيادة
ابراهيم بقال سراج
عمر صديق
محمد البشرى الخضر
عمر التوم
طلحة عبدالله
طارق جبريل
محمد عبد الماجد الصايم
Yassir Tayfour
العوض المسلمي
وجن
ياسر بيناوي
صديق الموج
فيس بوك
تويتر
انستقرام
يوتيوب
بنتيريست