وجهة نظر بشأن تنظيم بورداب الخرطوم

Quote: والله فكرة خالص الود

Quote: وهـشك بيشك

Quote: ما ممكن تقول وجهه نظرك بدون ما تشتر ليك كلمه !

Quote: خلوها بتاعت هيصة وزيطة وزمبريطة وحفلات وونسات وهشك بيشك واكلات فى قندهار ولمات جايبه لينا الإساءات؛ --------- مبروكـ عليكم .. وكل الرفقاء دربكم اخضر.. (برضو وجهة نظر )

Quote: ممكن يكون في عمل جاد وجاد جداً بدون تنظيم وعندنا تجارب كثيرة في المجال ده ومع بورداب الخرطوم

Quote: ليه ما جيت يا جنابو فى اجتماعين متتالين عشان تطرح وجهه نظركأ دى بالفهم دا ..

Quote: خلوها ماشة كده بدون تنظيم او تقنين تحت اى مسمي كان ..........

Quote: العوض المسلمي رئيساً ونحن الباقين كلنا اعضاء

Quote: بالمناسبة .. فى زول قال يشيلو الرئاسة من العوض .. ياخى دا فهم غريب والله؛ ---- والله مستعد ادفع عشان اعرف الشمار دا طالع من ووين والشمشار الخباط دا منو ؟؟

Quote: نحن الســودانيين مازالت عندنا بقايا بداوة ولا نطيق النظام .. وأظن ناس الانقاذ الوحيدين الإكتشفوا هذه الخاصيـة، فصارت عندهم ما يسمى النفرة. اما لو اردت النظام فاستعد للأسئلة من نوع: 1- الفكرة دى جابها منو وتابع لياتو حزب، وهدفو شننو.. وعلاقته بالامن شنو.. يعنى إما سيكون عميل للأمن أو معارضـة. 2- الرئيس منو؟ وليه فلان دا بالذات كامل التأييد لإقتراح جنابو لناس جوة مع إننا لسنـا معهم

-------

عموماً انحنا شغل الهبتلى
والهمجية دا ما بقع لينا ..

( برضو وجهه نظر ..
حتى ولو داليا عندها راى فى الهمجية )

هنا .. دربي اخضر وليس هم ...

(عدل بواسطة Tabaldina on 08-03-2010, 10:21 AM)

Quote: Up ------- بحثاً عن المتاعب ..

Quote: تحياتى يا جنابو

Quote: عينك فى الفيل وبتطعن فى ضلو

Quote: العوض رئيســا ( انا شاعر انو جملتك دى فيها عدم تقدير لحقوق هولاء الاعضاء ).. خلــى الاعضاء ديــل يجـو ويقولو ويعملو وينظمو انفسهم فى لائحــة تنـص على ان العوض المسلمى رئيسا مـدى الحياة لبورداب الخرطوم وستجدنــى موافقا مع التصفيــق ... لكن ما تختذل تجارب / مساهمات / دور / اخوانك الاعضاء فى ان يكونو اعضاء فقــط ...

Quote: وصدقوني ، لو فتحتو باب تنظيم زي البيقولوهوده يا دوب الموضوع مرق من خطو وغرضو الأساسي ، ويادوب حتبدى الشلليات والتكتل ويمكن ( لا أكيد ) حتخش السياسة في الموضوع .

Quote: والمقصود النظام وليس التنظيم

Quote: والهدف توسيع دائرة المساهمة والمشاركة مع تخفيف عبء ولو بسيط عن البعض بذلك التوسيع .. واشراك الخلايا النائمة ومساهمة كل الاعضاء بأسس وبدون فرز

ما هو ده زااتو العانيهو أنا ، توسيع دائرة المشاركة دي بتبقى بي إجتهاد الناس كلّهم مع بعضهم خاصة وإنو العمل تطوعي ، مش بي إعتمادهم علي مكتب معين ، أو أمانة معينة أي كانت التسمية.

وده بي إعتبار إنوالموضوع إجتماعي بحت زي ما قلنا.

Quote: غايتو وانت جاى وعلى بال نصل لحل جهز شلتك وتعال ..

أنا والله الموضوع من الاول كان بقى فيهو شلليات ده طرفي منو ..اللهم الا كان الشلليات المقصودة هم ناس بتعرفهم من خلال اللمة الكبيرة دي وبعد كده تلقى بينك وبينهم قواسم مشتركة( التوجه السياسي ما من ضمنها ) تخلي العلاقة العامة يبقى فيها حبة خصوصية ، واظنو ده عادي وما فيهو مشكلة.

السياسة محلها براهو ، والاجتماعيات محلها براهو ، وعشان ما يحصل الخلط ده ( إحنا شعب ما بنعرف نفرّز بين العام والخاص ) قاعدين نقول ما في داعي لي تنظيم الموضوع ده .

مودّتي ،

Quote: كدي دقيقة يا أخوانا بالله ، هو الغرض الأساسي من تجمع بورداب الخرطوم ده شنو ؟ إذا الغرض إجتماعي بحت ، يعني الناس تتلم وتتطايب ، وتجامل بعض في مناسباتهم المختلفة كان فرح كان حزن ، ويكون في شكل ترابط كدي بين الناس عشان ينقلو معرفتهم بي بعضهم من شاشة الكمبيوتر الضيقة دي ، لي معرفة حقيقية على أرض الواقع ممكن تتطور لي أواصر وصلات عائليةوغيرها.. إذا الغرض يا هو ده ، يبقى مافي أي داعي لي تنظيم ، وجمعية عمومية ، ومناصب ، والنصاب إكتمل وما إكتمل ! الموضوع وما فيهو داير ليهو زول/ه نشيطة زي أخونا العوض ، وأختنا د/ داليا ديل يكون عندوالرغبة ،و القدرة والفرقة الزمنية عشان يتحرك ويلم الناس، بس ! ده عمل تطوعي في المقام الأول . وصدقوني ، لو فتحتو باب تنظيم زي البيقولوهوده يا دوب الموضوع مرق من خطو وغرضو الأساسي ، ويادوب حتبدى الشلليات والتكتل ويمكن ( لا أكيد ) حتخش السياسة في الموضوع . كدي يا أخوانا حاولو أصلو ليكم لي حل عشان نجيكم. تحياتي للجميع ،

Quote: حتى ولو داليا عندها راى فى الهمجية

Quote: داليا دي اسي فتحت خشمها في الموضوع دا؟

Quote: وااضح ولا اعيدو

Quote: فى إحدى المدن الأمريكية، كان نفر كريم يجوب المدينة لجمع إشتراكات للجمعية، 15 دولار فقط للشخص الواحد.. لم يجمعوا إلا مبلغ ضئيل ولم يستجيب الناس معهم، ثم حدث أن توفى شاب فى فى حادث موسف، فقامت نفس اللجنة ومرت على نفس الناس، وكانت الحصيلة قبل نهاية اليوم 20 الف دولار فتأمل نحن الســودانيين مازالت عندنا بقايا بداوة ولا نطيق النظام.. وأظن ناس الانقاذ الوحيدين الإكتشفوا هذه الخاصيـة، فصارت عندهم ما يسمى النفرة. اما لو اردت النظام فاستعد للأسئلة من نوع: 1- الفكرة دى جابها منو وتابع لياتو حزب، وهدفو شننو.. وعلاقته بالامن شنو.. يعنى إما سيكون عميل للأمن أو معارضـة.ز 2- الرئيس منو؟ وليه فلان دا بالذات كامل التأييد لإقتراح جنابو لناس جوة مع إننا لسنـا معهم

Quote: شكراً يا ابوالريش للتأييد وده الكلام العملي المثمر

(عدل بواسطة Tabaldina on 08-03-2010, 11:40 AM)

Quote: ممكن اعرف الكلام دا عملى ومثمر ووين يا جنابو -------- بالله انتبهوا انا بقراء البوست دا سطر سطر وحرف حرف .. ما تفترونا انكم تخمونا سااى ولا حتاكلونا حنك بيش

Quote: عدم التنظيم والعفوية الحالية دي اثبتت نجاحها في كل التجارب المرت بيها .

Quote: جنابو دا كان رايي وقلتو في اخر لمة انا حضرتها معاهم في بيت الفنون

Quote: ويبدو ان هذا الرأي يعتنقه الكثيرون

Quote: لاعيب في اي تنظيم كفهم وترتيب للاشياء وتوزيع للمهام وتحدي للواجبات والمسئوليات .. اذا كان هناك عيب.. هو عيب الافراد ومحاولة فرض اجندتهم ورؤيتهم قسرا ..

Quote: كونو في تجارب لتنظيم النشاطات الاجتماعية باءت بالفشل وادت لخلافات بين السودانيين ما ببقي العيب في النظام ،،،،، العيب في الجماعة الاتصرفوا تصرفات خاطئة وادت لفشل هذه التجارب يا جماعة بدل تدعموا فكرة جديدة بي ايجابية وتساهموا في رابطة اجتماعية للبورداب ،،، تقوموا تخزلو الناس من مشروعم؟ خلوا بورداب الخرطوم يقدموا تجربتم وكلي ثقة في انها ستكون تجربة متميزة

Quote: ما ببقي العيب في النظام ،،،،، العيب في الجماعة الاتصرفوا تصرفات خاطئة وادت لفشل هذه التجارب

Quote: وان العمل الارتجالى العشوائى هو الانجح من المنظم والمنسق والمتكاتف .. او كما يقول هذا البوست او صاحب الراى

Quote: يا عمر ... انت كنت غاطس وين .. خلال ما سبق من دعوات وحوارات واجتماعات .. وطوالي جاي شايت ضفاري ..وقايم سداري... لاعيب في اي تنظيم كفهم وترتيب للاشياء وتوزيع للمهام وتحدي للواجبات والمسئوليات .. اذا كان هناك عيب.. هو عيب الافراد ومحاولة فرض اجندتهم ورؤيتهم قسرا .. لك الود والأحترام

Quote: لاعيب في اي تنظيم كفهم وترتيب للاشياء وتوزيع للمهام وتحدي للواجبات والمسئوليات ..

Quote: يا جنابو...السلام فى زول قاليك نحن ما منظمين؟ ثم ثانيا العوض المسلمى على العين والرأس بس انا الرئيس المنتخب ولا اسمح بأن يكون رئيسا غيرى هذا بعد السلام

Quote: جنابو سلام انا غايتو ده راي من زمان لكن ما قلتو وما كتبتو لانو بي صراحة ما عندي زمن لي زول يجي ينط لي في حلقي وعوك وعييك

يبدو ان مناصري هذا الرأي في زيادة .....

التنظيم وسيلة وليس غاية ............

تحياتي يا سمؤال ..........

Quote: يبدو ان مناصري هذا الرأي في زيادة

(عدل بواسطة Tabaldina on 08-03-2010, 12:50 PM)

Quote: يا زول خم وصّر انت وهم .._ واشار للجمع المتكتل_ -------- دى ذكرتنى قطر عجيب

Quote: واذا اتفقت الاغلبية على الوضع الحالي عليك ان تكون جزء منه

Quote: تبلدينا انت ما مقصود بي كلامي ده وقايه وكده

ما قلتو نووبة

--------
فى داعى حسي بالله جنابو دا
يختكم فى الحته الضيقة دى ..

Quote: يا تهاني الزول كان ما عمل 500 مداخلة ما بنعتبروا عضو كامل العضوية .....

هو في شي في البورد ده بقى يستاهل الواحد يتداخل عشانو ، عشان يحصل 500 مداخلة !؟

ما كلو شاكلني وأشاكلك ، نبذّني وأنبذّك ، وطالعني الخلا ( أون لاين طبعا )

غايتو أنا متابع البورد ده من زماااان خالص ، ويا الله بتين يدوني عضوية عشان أشارك مع الناس الكويسين ديل.. أول ما دخلنا بقينا في البمرقنا !


_________
دي زكرتني قصة واحدأخونا كان شغال مهندس في شركة كبيرة كدى في الخرطوم ، كنت بقول ليهو والله شركتكم دي ترطيبة والشغل فيها كويس و كدة ، قال لي :
تعرف شركتنا دي زي الحمام ( الله يكرمك ).. البرّة مزنوق داير بتين يدخل ، والجوه العفنة كاتلاهو بتين يمرق

Quote: يعني هسة انحنا نلم ضنبنا ونغرّض علي كده ولا كيف

Quote: غايتو انت ياحسن شايفك عامل (468) ممكن نسجلك استثنائي (كمراقب) زي فلسطين في الامم المتحدة .... ..

Quote: انا يا عمر مع التنظيم برابطة او جميعة او اي شكل تنظيمي آخر .. عشان توزيع المهام يكون بي شكل عادل بين كل الاعضاء .. عشان الحاجة لو بقت على زول واحد في النهاية بحصل الملل والزهج والقرف من يا فلان اعمل لينا ويا فلان سوي لينا .. تبقى عليك ومرات بتكون عندك ظروف ما بتسمح بانك تعمل تقوم يا تلغى البرنامج يا تجي على نفسك وتلغى حاجاتك وتعملوا .. اها لو القصة منظمة .. مثلا تبلدينا عليه الاتصال بالناس وناجي الملك عليه جمع الشير وكرفس عليه تجهيز العدة والعوض عليه يمشي يشتري الخروف وحذيفة الكباشي عليه يجيب الكراسي وحميم عليه المشاوي وياسر تمتام عليه الغنى وانعام وانعام ومنال وفادية واماني يرصوا الصحانة .. وباقي المجموعة يوزع البارد والاكل للباقين .. بي كدة تلقى كل الناس شاركت واشتغلت .. من يا انعام التجمع الساعة كم ووين ويا انعام وصفي لي ويا انعام فلان جاي ولا ما جاي و انعام الشير كم انعام مدي لي موية وعايز شاي . شفت الفرق بكون كيف ..