|
Re: وجهة نظر بشأن تنظيم بورداب الخرطوم (Re: Tabaldina)
|
Quote: خلوها بتاعت هيصة وزيطة وزمبريطة وحفلات وونسات وهشك بيشك واكلات فى قندهار ولمات جايبه لينا الإساءات؛
---------
مبروكـ عليكم .. وكل الرفقاء دربكم اخضر..
(برضو وجهة نظر ) |
لا يا تبلدينا الفكرة ما كده ..........
ممكن يكون في عمل جاد وجاد جداً بدون تنظيم وعندنا تجارب كثيرة في المجال ده ومع بورداب الخرطوم ........
ماذا اضاف التنظيم والترتيب لمنظمة (تنادينا) ....... حتى الان المساهمات والمبادرات الفردية هي الحل الناجع لكثير من المشكلات .....
| |
|
|
|
|
|
|
Re: وجهة نظر بشأن تنظيم بورداب الخرطوم (Re: omer osman)
|
.. .
Quote: ممكن يكون في عمل جاد وجاد جداً بدون تنظيم وعندنا تجارب كثيرة في المجال ده ومع بورداب الخرطوم |
ليه ما جيت يا جنابو فى اجتماعين متتالين عشان تطرح وجهه نظركأ دى بالفهم دا ..
Quote: حتى الان المساهمات والمبادرات الفردية هي الحل الناجع لكثير من المشكلات |
الله يقدركـ والعوض ..
-------
منظمة تنادينا الغطس حجرها التجاهل للاخر والحى يغطس حجر بورداب الخرطوم التشرزم ..
ومازال الدرب اخضر؛
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Tabaldina)
|
Quote: ليه ما جيت يا جنابو فى اجتماعين متتالين عشان تطرح وجهه نظركأ دى بالفهم دا .. |
ظروف خاصة منعتني من الحضور ......
وطالما ان كل امور بورداب الخرطوم تناقش هنا فلا ضير من فتح بوست اطرح فيه وجهة نظري الخاصة ونسمع من الناس الحضروا الاجتماع والما حضروا وحتى من بورداب الخارج
Quote: الله يقدركـ والعوض .. |
ويجعلها في ميزان حسناته .....
Quote: والحى يغطس حجر بورداب الخرطوم التشرزم .. |
والتشرزم سببو شنو ؟ مافي اى سبب للتشرزم .........
| |
|
|
|
|
|
|
Re: وجهة نظر بشأن تنظيم بورداب الخرطوم (Re: SHIBKA)
|
.. .
Quote: العوض المسلمي رئيساً ونحن الباقين كلنا اعضاء |
بالمناسبة .. فى زول قال يشيلو الرئاسة من العوض .. ياخى دا فهم غريب والله؛
----
والله مستعد ادفع عشان اعرف الشمار دا طالع من ووين والشمشار الخباط دا منو ؟؟
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Tabaldina)
|
Quote: بالمناسبة .. فى زول قال يشيلو الرئاسة من العوض .. ياخى دا فهم غريب والله؛
----
والله مستعد ادفع عشان اعرف الشمار دا طالع من ووين والشمشار الخباط دا منو ؟؟ |
ياتبلدينا ...........
لافي زول قال يشليو العوض من الرئاسة ولا في شمار ولاحاجة ......
اوردت اسم العوض باعتبار ان الهيكل التنظيمي العفوي الذي تم بالاجماع والتراضي على رئاسة العوض وعضوية كل بورداب الخرطوم هو الذي يستمر
دون الحاجة لهياكل ولجان وامانات وخلافه ............
| |
|
|
|
|
|
|
Re: وجهة نظر بشأن تنظيم بورداب الخرطوم (Re: SHIBKA)
|
فى إحدى المدن الأمريكية، كان نفر كريم يجوب المدينة لجمع إشتراكات للجمعية، 15 دولار فقط للشخص الواحد.. لم يجمعوا إلا مبلغ ضئيل ولم يستجيب الناس معهم، ثم حدث أن توفى شاب فى فى حادث موسف، فقامت نفس اللجنة ومرت على نفس الناس، وكانت الحصيلة قبل نهاية اليوم 20 الف دولار
فتأمل
نحن الســودانيين مازالت عندنا بقايا بداوة ولا نطيق النظام.. وأظن ناس الانقاذ الوحيدين الإكتشفوا هذه الخاصيـة، فصارت عندهم ما يسمى النفرة.
اما لو اردت النظام فاستعد للأسئلة من نوع:
1- الفكرة دى جابها منو وتابع لياتو حزب، وهدفو شننو.. وعلاقته بالامن شنو.. يعنى إما سيكون عميل للأمن أو معارضـة.ز
2- الرئيس منو؟ وليه فلان دا بالذات
كامل التأييد لإقتراح جنابو لناس جوة مع إننا لسنـا معهم
| |
|
|
|
|
|
|
Re: وجهة نظر بشأن تنظيم بورداب الخرطوم (Re: بدر الدين اسحاق احمد)
|
Quote: العوض رئيســا ( انا شاعر انو جملتك دى فيها عدم تقدير لحقوق هولاء الاعضاء )..
خلــى الاعضاء ديــل يجـو ويقولو ويعملو وينظمو انفسهم فى لائحــة
تنـص على ان العوض المسلمى رئيسا مـدى الحياة لبورداب الخرطوم
وستجدنــى موافقا مع التصفيــق ...
لكن ما تختذل تجارب / مساهمات / دور / اخوانك الاعضاء فى ان يكونو
اعضاء فقــط ... |
لا يابدرالدين يمكن فهمتني غلط او انا خاني التعبير ..........
اليد الواحد ما بتصفق ........... والعوض في النهاية يد واحدة بتصفق بلمة اخوانه في بورداب الخرطوم .......
اى تلاتة او خمسة او عشرة او عشرين او مية هم بورداب الخرطوم اذا قاموا بعمل سقط عن الباقين ......
بورداب الخرطوم ذمتهم واحدة ................
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Tabaldina)
|
كدي دقيقة يا أخوانا بالله ،
هو الغرض الأساسي من تجمع بورداب الخرطوم ده شنو ؟
إذا الغرض إجتماعي بحت ، يعني الناس تتلم وتتطايب ، وتجامل بعض في مناسباتهم المختلفة كان فرح كان حزن ، ويكون في شكل ترابط كدي بين الناس عشان ينقلو معرفتهم بي بعضهم من شاشة الكمبيوتر الضيقة دي ، لي معرفة حقيقية على أرض الواقع ممكن تتطور لي أواصر وصلات عائليةوغيرها..
إذا الغرض يا هو ده ، يبقى مافي أي داعي لي تنظيم ، وجمعية عمومية ، ومناصب ، والنصاب إكتمل وما إكتمل !
الموضوع وما فيهو داير ليهو زول/ه نشيطة زي أخونا العوض ، وأختنا د/ داليا ديل يكون عندوالرغبة ،و القدرة والفرقة الزمنية عشان يتحرك ويلم الناس، بس !
ده عمل تطوعي في المقام الأول .
وصدقوني ، لو فتحتو باب تنظيم زي البيقولوهوده يا دوب الموضوع مرق من خطو وغرضو الأساسي ، ويادوب حتبدى الشلليات والتكتل ويمكن ( لا أكيد ) حتخش السياسة في الموضوع .
كدي يا أخوانا حاولو أصلو ليكم لي حل عشان نجيكم.
تحياتي للجميع ،
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Hassan Bakri Nugud)
|
.. .
Quote: وصدقوني ، لو فتحتو باب تنظيم زي البيقولوهوده يا دوب الموضوع مرق من خطو وغرضو الأساسي ، ويادوب حتبدى الشلليات والتكتل ويمكن ( لا أكيد ) حتخش السياسة في الموضوع .
|
والمقصود النظام وليس التنظيم والهدف توسيع دائرة المساهمة والمشاركة مع تخفيف عبء ولو بسيط عن البعض بذلك التوسيع .. واشراك الخلايا النائمة ومساهمة كل الاعضاء بأسس وبدون فرز .. ولكن .. يبدو اننا .. اخطأنا فلم نصيب قلب الحقيقة
-------
غايتو وانت جاى وعلى بال نصل لحل جهز شلتك وتعال ..
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Tabaldina)
|
تحياتي تبلدينا ،
Quote: والمقصود النظام وليس التنظيم |
والفرق بيناتهم شنو يعني لي زول بيكتب بي الدارجي ؟
عشان نفهم بس !
Quote: والهدف توسيع دائرة المساهمة والمشاركة مع تخفيف عبء ولو بسيط عن البعض بذلك التوسيع .. واشراك الخلايا النائمة ومساهمة كل الاعضاء بأسس وبدون فرز |
ما هو ده زااتو العانيهو أنا ، توسيع دائرة المشاركة دي بتبقى بي إجتهاد الناس كلّهم مع بعضهم خاصة وإنو العمل تطوعي ، مش بي إعتمادهم علي مكتب معين ، أو أمانة معينة أي كانت التسمية.
وده بي إعتبار إنوالموضوع إجتماعي بحت زي ما قلنا.
Quote: غايتو وانت جاى وعلى بال نصل لحل جهز شلتك وتعال .. |
أنا والله الموضوع من الاول كان بقى فيهو شلليات ده طرفي منو ..اللهم الا كان الشلليات المقصودة هم ناس بتعرفهم من خلال اللمة الكبيرة دي وبعد كده تلقى بينك وبينهم قواسم مشتركة( التوجه السياسي ما من ضمنها ) تخلي العلاقة العامة يبقى فيها حبة خصوصية ، واظنو ده عادي وما فيهو مشكلة.
السياسة محلها براهو ، والاجتماعيات محلها براهو ، وعشان ما يحصل الخلط ده ( إحنا شعب ما بنعرف نفرّز بين العام والخاص ) قاعدين نقول ما في داعي لي تنظيم الموضوع ده .
مودّتي ،
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Hassan Bakri Nugud)
|
Quote: كدي دقيقة يا أخوانا بالله ،
هو الغرض الأساسي من تجمع بورداب الخرطوم ده شنو ؟
إذا الغرض إجتماعي بحت ، يعني الناس تتلم وتتطايب ، وتجامل بعض في مناسباتهم المختلفة كان فرح كان حزن ، ويكون في شكل ترابط كدي بين الناس عشان ينقلو معرفتهم بي بعضهم من شاشة الكمبيوتر الضيقة دي ، لي معرفة حقيقية على أرض الواقع ممكن تتطور لي أواصر وصلات عائليةوغيرها..
إذا الغرض يا هو ده ، يبقى مافي أي داعي لي تنظيم ، وجمعية عمومية ، ومناصب ، والنصاب إكتمل وما إكتمل !
الموضوع وما فيهو داير ليهو زول/ه نشيطة زي أخونا العوض ، وأختنا د/ داليا ديل يكون عندوالرغبة ،و القدرة والفرقة الزمنية عشان يتحرك ويلم الناس، بس !
ده عمل تطوعي في المقام الأول .
وصدقوني ، لو فتحتو باب تنظيم زي البيقولوهوده يا دوب الموضوع مرق من خطو وغرضو الأساسي ، ويادوب حتبدى الشلليات والتكتل ويمكن ( لا أكيد ) حتخش السياسة في الموضوع .
كدي يا أخوانا حاولو أصلو ليكم لي حل عشان نجيكم.
تحياتي للجميع ، |
انت فهمتني صاح ياحسن .........
شكراً ليك ................
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Tabaldina)
|
Quote: حتى ولو داليا عندها راى فى الهمجية |
داليا دي اسي فتحت خشمها في الموضوع دا؟ يا صالح .. بالواااضح كدا : انا زوله اعتذرتا عن النشاط الاجتماعي لبورداب الخرطوم وفتحتا بوست قدرر الضربه .. يعني رأأي قلتو بالوااااضح .. وهنا في البورد دا والدليل اني ما حضرتا ولا اجتماع من اجتماعات الجمعيه العموميه .. صـح ..؟؟ ودا طبعا ما عشان انا معترضه عليها , بالعكس انا مشجعه الحاجاه دي جدا وبختلف مع جنابو في رايو دا ! لكن بي بساطه لانو اعتذرتا عن الاجتماعيات بتاعت البورداب , بلاقي اصحابي الاخترتهم من هنا بي طريقتي .. رايك انت في انك داير تعمل رابطه , جمعيه , منظمه لبورداب الخرطوم .. حق من حقوقك تماما وماشالله الاجتماعات ماشه في الطريق دا واموركم كوولها تمام .. يلا داليا الدخلها شنو اسي ..؟؟ عشان جيت علقتا على كلمه (هيشك بيشك ) دي ؟؟ طيب دا رأأيي انا ! رأيي انو الكلمه دي ما عجبتني ! موش جييت رديت على كلامي فوق ..؟؟ طيب تاني داليا دخلها شنو ..؟؟ انت الزول/الزوله الاتكلمو عن بورداب الخرطوم بي طريقه مسيئه جد جد اتخطيتوهم عااادي جدا .. وتجي تمسك فيني انا داليا دي ؟ ولا بقيتوا ما بتشوفوا عوجه رقبتكم يا تبلدينا ..؟؟ وبعدين انت موش داير ديموقراطيه ؟؟ منو القال ليك انو الناس المادايرين جمعيه عموميه همجيين ..؟؟ ياخ دا رايهم .. احترم رايهم زي ما بيحترموا رايك !
-------------- بالمبناسبه يا تبلدينا .. انا اول زول قال نعم نعم نعم لقيام رابطه لي بورداب الخرطوم لتنظيم النشاطات ! عامل قميصك الليموني دا !
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Tabaldina)
|
.. .
Quote: داليا دي اسي فتحت خشمها في الموضوع دا؟ |
فتحت خشمكـ وعايزة تورينى متين اقول راى ودخلت الشتارة وما ادراكـ رغم ان التعبير الذى ورد هو ما وصفكم به عدد من البورداب ولم تفعلى سوى اتيت ( بعجورة صبرى )
Quote: يا صالح .. بالواااضح كدا : انا زوله اعتذرتا عن النشاط الاجتماعي لبورداب الخرطوم وفتحتا بوست قدرر الضربه .. يعني رأأي قلتو بالوااااضح .. وهنا في البورد دا والدليل اني ما حضرتا ولا اجتماع من اجتماعات الجمعيه العموميه .. صـح ..؟؟ |
تعتذرى .. تعتكفى .. تغتربي ما موضوعى .. وما فعلت الا بعد ان اختلف الجمع بين جمعة وسبت .. ورغم هذا نشاط الاجتماعى الشللى .. موجود ...
Quote: ودا طبعا ما عشان انا معترضه عليها |
لا معترضه .. وما عاجبك والدليك مقاطعتك للامر الله شافو بالعين ولا عرفو بالعقل ..!!
Quote: يلا داليا الدخلها شنو اسي ..؟؟ عشان جيت علقتا على كلمه (هيشك بيشك ) دي ؟؟ طيب دا رأأيي انا ! رأيي انو الكلمه دي ما عجبتني ! |
الكلمة دى ما كانت ليك .. وكانت اقتباس او معنى اخر لما وصفوكم به هنا واعتبروكم بتاعين غنا وحفلات وهجيج (اجيب اقتباسات ولا مافى داعى ) ؟؟
Quote: انت الزول/الزوله الاتكلمو عن بورداب الخرطوم بي طريقه مسيئه جد جد اتخطيتوهم عااادي جدا وتجي تمسك فيني انا داليا دي ؟ |
منو دا ؟؟ والله الاساءات التى طالتكم لم يتصد لها هنا سوى ناذر وشخصى الضعيف وانتم تواريتم _ معظمكم _ بحجة دا صحبي ودا فردتى وعاااادى
Quote: ولا بقيتوا ما بتشوفوا عوجه رقبتكم يا تبلدينا ..؟؟ |
عوجه شنو ؟؟ ورقبة شنو ؟؟ انت شترا ولا ما بتعرفى الكلاام تعالى اشرحى الكلام دا تانى ..
Quote: منو القال ليك انو الناس المادايرين جمعيه عموميه همجيين ..؟؟ ياخ دا رايهم .. احترم رايهم زي ما بيحترموا رايك ! |
معليش طيب رأيكم شنوو؟؟ ممكن اعرف .. مش احسن نكون واضحين بدل الكلام المغتغت والمدسدس والتصرفات دى ..
--------------
الكلام الفووق دا ما فيهو وش ضاحكـ وااضح ولا اعيدو
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Abureesh)
|
Quote: فى إحدى المدن الأمريكية، كان نفر كريم يجوب المدينة لجمع إشتراكات للجمعية، 15 دولار فقط للشخص الواحد.. لم يجمعوا إلا مبلغ ضئيل ولم يستجيب الناس معهم، ثم حدث أن توفى شاب فى فى حادث موسف، فقامت نفس اللجنة ومرت على نفس الناس، وكانت الحصيلة قبل نهاية اليوم 20 الف دولار
فتأمل
نحن الســودانيين مازالت عندنا بقايا بداوة ولا نطيق النظام.. وأظن ناس الانقاذ الوحيدين الإكتشفوا هذه الخاصيـة، فصارت عندهم ما يسمى النفرة.
اما لو اردت النظام فاستعد للأسئلة من نوع:
1- الفكرة دى جابها منو وتابع لياتو حزب، وهدفو شننو.. وعلاقته بالامن شنو.. يعنى إما سيكون عميل للأمن أو معارضـة.ز
2- الرئيس منو؟ وليه فلان دا بالذات
كامل التأييد لإقتراح جنابو لناس جوة مع إننا لسنـا معهم |
شكراً يا ابوالريش للتأييد وده الكلام العملي المثمر ...........
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Tabaldina)
|
Quote: ممكن اعرف الكلام دا عملى ومثمر ووين يا جنابو
--------
بالله انتبهوا انا بقراء البوست دا سطر سطر وحرف حرف ..
ما تفترونا انكم تخمونا سااى ولا حتاكلونا حنك بيش |
عدم التنظيم والعفوية الحالية دي اثبتت نجاحها في كل التجارب المرت بيها .........
حل مشكلة ، ترحيب بضيوف ، مساعدة ، ......... الخ حتى المسيرة للسفارة اللبنانية قامت على اكتاف بورداب الخرطوم بدون رابطة وبدون هياكل وخلافه ....
| |
|
|
|
|
|
|
Re: وجهة نظر بشأن تنظيم بورداب الخرطوم (Re: tahani abusin)
|
عموماً انحنا شغل الهبتلى والهمجية دا ما بقع لينا ..
ينصر دينك يا تبلدينا ..
يا عمر ...
انت كنت غاطس وين .. خلال ما سبق من دعوات وحوارات واجتماعات ..
وطوالي جاي شايت ضفاري ..وقايم سداري...
لاعيب في اي تنظيم كفهم وترتيب للاشياء وتوزيع للمهام وتحدي للواجبات والمسئوليات ..
اذا كان هناك عيب..
هو عيب الافراد ومحاولة فرض اجندتهم ورؤيتهم قسرا ..
لك الود والأحترام
| |
|
|
|
|
|
|
Re: وجهة نظر بشأن تنظيم بورداب الخرطوم (Re: ahmed haneen)
|
سلام لجنابو عمر والاخوات والاخوة المتداخلين
Quote: لاعيب في اي تنظيم كفهم وترتيب للاشياء وتوزيع للمهام وتحدي للواجبات والمسئوليات ..
اذا كان هناك عيب..
هو عيب الافراد ومحاولة فرض اجندتهم ورؤيتهم قسرا ..
|
ده الكلام يا احمد حنين
كونو في تجارب لتنظيم النشاطات الاجتماعية باءت بالفشل وادت لخلافات بين السودانيين
ما ببقي العيب في النظام ،،،،، العيب في الجماعة الاتصرفوا تصرفات خاطئة وادت لفشل هذه التجارب
يا جماعة بدل تدعموا فكرة جديدة بي ايجابية وتساهموا في رابطة اجتماعية للبورداب ،،، تقوموا تخزلو الناس من مشروعم؟
خلوا بورداب الخرطوم يقدموا تجربتم وكلي ثقة في انها ستكون تجربة متميزة
ويا تبلدينا ما يقولوا ليك الاغلبية ضد الفكرة،،،،، الاغلبية مشغولة عن المبادرة ،، إذن فليتقدم المبادرون ولهم قصب السبق
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Abdalla aidros)
|
Quote: كونو في تجارب لتنظيم النشاطات الاجتماعية باءت بالفشل وادت لخلافات بين السودانيين
ما ببقي العيب في النظام ،،،،، العيب في الجماعة الاتصرفوا تصرفات خاطئة وادت لفشل هذه التجارب
يا جماعة بدل تدعموا فكرة جديدة بي ايجابية وتساهموا في رابطة اجتماعية للبورداب ،،، تقوموا تخزلو الناس من مشروعم؟
خلوا بورداب الخرطوم يقدموا تجربتم وكلي ثقة في انها ستكون تجربة متميزة |
من كل قلبي اتمني لهذه التجربة النجاح ......
لكن ليس كل ما يتمناه المرء يدركه ...........
ولا اقصد التخزيل من وراء هذا البوست بل ياريت يصبح دافع لانجاح التجربة ......
كل الذي قصدته ان اعبر عن وجهة نظر خاصة ووجدت ان البعض يشاركني فيها ..........
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Abdalla aidros)
|
.. .
Quote: ما ببقي العيب في النظام ،،،،، العيب في الجماعة الاتصرفوا تصرفات خاطئة وادت لفشل هذه التجارب |
فعلا المشكلة مافى النظام المشكلة فى الجماعة ودى مشكلة السودان .. ونعيب زماننا والعيب فينا وما لزماننا عيب سوانا
Quote: ويا تبلدينا ما يقولوا ليك الاغلبية ضد الفكرة،،،،، الاغلبية مشغولة عن المبادرة ،، إذن فليتقدم المبادرون ولهم قصب السبق |
شكرا ليك يا عيدروس لكن يبدون ان المبادرة بأت بالفشل من اول منحنى ودا كلو بسبب الرسائل الخفية والغير واضحة ولم يكن الهدف سوى التنظيم ولكن غياب الاغلبية وضعنا كأننا نسعى لانقلاب عسكرى او تشتيت شمل او سيطرة على ( ضياع زمن وحفلات وهجيج ) وان العمل الارتجالى العشوائى هو الانجح من المنظم والمنسق والمتكاتف .. او كما يقول هذا البوست او صاحب الراى
---------
بالله امسحوا لينا هذا الخراب الذى حل بمجتمعكم المثالى ..
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Tabaldina)
|
Quote: وان العمل الارتجالى العشوائى هو الانجح من المنظم والمنسق والمتكاتف .. او كما يقول هذا البوست او صاحب الراى |
التلقائية والعفوية والمبادرات الفردية والجماعية لاتعني الارتجالية والعشوائية .....
فرق ياتبلدينا بين الاتنين .........
| |
|
|
|
|
|
|
Re: وجهة نظر بشأن تنظيم بورداب الخرطوم (Re: ahmed haneen)
|
Quote: يا عمر ...
انت كنت غاطس وين .. خلال ما سبق من دعوات وحوارات واجتماعات ..
وطوالي جاي شايت ضفاري ..وقايم سداري...
لاعيب في اي تنظيم كفهم وترتيب للاشياء وتوزيع للمهام وتحدي للواجبات والمسئوليات ..
اذا كان هناك عيب..
هو عيب الافراد ومحاولة فرض اجندتهم ورؤيتهم قسرا ..
لك الود والأحترام |
قد تنجح فكرة التنظيم والهيكلة ........
لكن التجارب لاتبشر بخير ...........
وخوفي لا نلم في عنب اليمن ولا بلح الشام ...........
| |
|
|
|
|
|
|
Re: وجهة نظر بشأن تنظيم بورداب الخرطوم (Re: ahmed haneen)
|
Quote: لاعيب في اي تنظيم كفهم وترتيب للاشياء وتوزيع للمهام وتحدي للواجبات والمسئوليات .. |
أول شي تنظيم ولا نظام .
تاني شي ده كلام 100% .
Quote: اذا كان هناك عيب..
هو عيب الافراد ومحاولة فرض اجندتهم ورؤيتهم قسرا .. |
أهااااا ، ما هي دي القصة زاااتا ! الضمّنك شنو ما يجو الأفراد ديل يحاولو يفرضو أجندتهم ، مش قسرا كمان .. لوبي راسو عديييل !؟
وبالتالي الغرض الأساسي من لمّة الناس حيكون إنتفى.
تحياتي ،
| |
|
|
|
|
|
|
Re: وجهة نظر بشأن تنظيم بورداب الخرطوم (Re: tahani abusin)
|
جنابو سلام كدي خلوني اتحشر شوية من عشمي و لقناعتي انه بورداب الخرطوم تجمع مهم و ملهم و معين لكل بورداب الخارج و يهمنا جدا انه على اقل تقدير تكون البينهم عامرة، من خلال حضوري لاجتماع بيت الفنون و التقائي ببعض من لم يحضروا الاجتماع عرفت انه في اختلاف حول تأطير العمل و وضع هياكل و لوائح
اتمنى انه الناس ما تتعصب لآرائها لانه في كلا الرأيين وجاهة و يبقى الاهم هو التصافي و الحرص على بقاء الصداقات التي نشأت بين الناس و ان كان من الطبيعي ان يكون البعض يجد نفسه اقرب لبعض المجموعة للميول النفسي او اي اسباب موضوعية اخرى اتمنى ان يحرص الجميع على ازالة اي اعتقاد بان الناس قد تكتلت فس شلليات بالاتصال بالجميع كلما سنحت الفرصة
بصراحة ارى انه الخلاف عميق و له خلفيات لا اعرف الكثير منها و لست حريص على معرفتها بقدر حرصي على التقريب بين اناس احببناهم قبل ان نلتقيهم و مقدر لهم مواقف كبيرة و شهامة و طيبة ظننا ان المتغيرات الكثيرة قد طوتها و جعلتها من ذكريات الماضي
ارى انه بالامكان التوافق على حلول وسطى خاصة ان لا احد و لا مجموعة يتحرك او تتحرك بدافع شخصي بل الكل ينشد الخير العام اذا سمح لي الجميع اقترح ان نتحرك نحن القاديمون من الخارج لتقريب وجهات النظر و تخطي العقبات ليظل بروداب الخرطوم وحدة متجانسة على صيغة يتفق عليها في نهايت المطاف
| |
|
|
|
|
|
|
Re: وجهة نظر بشأن تنظيم بورداب الخرطوم (Re: نصار)
|
سلام يانصار ........
رأي الشخصي ....... شئون بورداب الخرطوم ..... ملك لكل عضوية سودانيز اونلاين .......
واى عضو في سودانيز اونلاين عضو في بورداب الخرطوم باعتبارها الرمزية التى تجمعنا كسودانيين ......
انا شخصياً لا اتعصب لرأي واذا اتفقت الاغلبية على الهيكلة والتنظيم ستجدني معهم مشارك بكل اريحية ........
| |
|
|
|
|
|
|
Re: وجهة نظر بشأن تنظيم بورداب الخرطوم (Re: tahani abusin)
|
Quote: يا جنابو...السلام فى زول قاليك نحن ما منظمين؟ ثم ثانيا العوض المسلمى على العين والرأس بس انا الرئيس المنتخب ولا اسمح بأن يكون رئيسا غيرى هذا بعد السلام |
يا تهاني الزول كان ما عمل 500 مداخلة ما بنعتبروا عضو كامل العضوية .....
لسه باقي ليك زي 300 وشوية .......
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Tabaldina)
|
Quote: يا زول خم وصّر انت وهم .._ واشار للجمع المتكتل_
--------
دى ذكرتنى قطر عجيب |
تبلدينا طول بالك وامشي في مساعي التنظيم والترتيب وبالتأكيد هناك من يناصرون الفكرة .......
ما يتفق عليه اغلبية بورداب الخرطوم سنكون ملزمين به انا واصحاب الرأي الاخر .......
واذا اتفقت الاغلبية على الوضع الحالي عليك ان تكون جزء منه ........
| |
|
|
|
|
|
|
Re: وجهة نظر بشأن تنظيم بورداب الخرطوم (Re: omer osman)
|
.. . اطول بالى ..!! مساعى شنو ؟؟ وفكرة شنو ؟؟ الفكرة ماتت بتصرفات بمؤامرات خفية وبوستات علنية زى دى .. ومشكور عليها
Quote: واذا اتفقت الاغلبية على الوضع الحالي عليك ان تكون جزء منه |
شخصياً .. تانى ما عندى علاقة بحاجة اسمها بورداب الخرطوم ولا كلام فارغ هو انحنا فاضيين للدرجة دى ..
--------
بالمناسبة كل عمل بقى فيهو جزئية .. وكلية وشلة وشللية ما بستمر لقدام؛ واعتبروا الموضوع .. وقف هنا.. وماشين فى السكة نمد
| |
|
|
|
|
|
|
Re: وجهة نظر بشأن تنظيم بورداب الخرطوم (Re: omer osman)
|
والله يا جنابو دي بالغت فيها :
Quote: يا تهاني الزول كان ما عمل 500 مداخلة ما بنعتبروا عضو كامل العضوية ..... |
يعني هسة انحنا نلم ضنبنا ونغرّض علي كده ولا كيف
هو في شي في البورد ده بقى يستاهل الواحد يتداخل عشانو ، عشان يحصل 500 مداخلة !؟
ما كلو شاكلني وأشاكلك ، نبذّني وأنبذّك ، وطالعني الخلا ( أون لاين طبعا )
غايتو أنا متابع البورد ده من زماااان خالص ، ويا الله بتين يدوني عضوية عشان أشارك مع الناس الكويسين ديل.. أول ما دخلنا بقينا في البمرقنا !
_________ دي زكرتني قصة واحدأخونا كان شغال مهندس في شركة كبيرة كدى في الخرطوم ، كنت بقول ليهو والله شركتكم دي ترطيبة والشغل فيها كويس و كدة ، قال لي : تعرف شركتنا دي زي الحمام ( الله يكرمك ).. البرّة مزنوق داير بتين يدخل ، والجوه العفنة كاتلاهو بتين يمرق
| |
|
|
|
|
|
|
Re: وجهة نظر بشأن تنظيم بورداب الخرطوم (Re: omer osman)
|
Quote: غايتو انت ياحسن شايفك عامل (468) ممكن نسجلك استثنائي (كمراقب) زي فلسطين في الامم المتحدة .... .. |
يا زول ليك علي باقي ال500 دي بكرةأكملها ليك ، تهاني وتعازي ساااكت بتتم..
أها لاكين كان تمّت ، والجماعة ديل إتفقوا علي قصة التنظيم دي أقل من رئيس ان زاااتي ما بقبل
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Hassan Bakri Nugud)
|
انا يا عمر مع التنظيم برابطة او جميعة او اي شكل تنظيمي آخر ..
عشان توزيع المهام يكون بي شكل عادل بين كل الاعضاء ..
عشان الحاجة لو بقت على زول واحد في النهاية بحصل الملل والزهج والقرف من يا فلان اعمل لينا ويا فلان سوي لينا .. تبقى عليك ومرات بتكون عندك ظروف ما بتسمح بانك تعمل تقوم يا تلغى البرنامج يا تجي على نفسك وتلغى حاجاتك وتعملوا ..
اها لو القصة منظمة .. مثلا تبلدينا عليه الاتصال بالناس وناجي الملك عليه جمع الشير وكرفس عليه تجهيز العدة والعوض عليه يمشي يشتري الخروف وحذيفة الكباشي عليه يجيب الكراسي وحميم عليه المشاوي وياسر تمتام عليه الغنى وانعام وانعام ومنال وفادية واماني يرصوا الصحانة ..
وباقي المجموعة يوزع البارد والاكل للباقين ..
بي كدة تلقى كل الناس شاركت واشتغلت ..
من يا انعام التجمع الساعة كم ووين ويا انعام وصفي لي ويا انعام فلان جاي ولا ما جاي و انعام الشير كم انعام مدي لي موية وعايز شاي .
شفت الفرق بكون كيف ..
---- الاجتماع الاول عزري كان فيهو واضح والتاني بت خالتي راقدة في العناية من مستشفى القلب لي فضيل ولي هسة ..
| |
|
|
|
|
|
|
Re: وجهة نظر بشأن تنظيم بورداب الخرطوم (Re: انعام حيمورة)
|
Quote: انا يا عمر مع التنظيم برابطة او جميعة او اي شكل تنظيمي آخر ..
عشان توزيع المهام يكون بي شكل عادل بين كل الاعضاء ..
عشان الحاجة لو بقت على زول واحد في النهاية بحصل الملل والزهج والقرف من يا فلان اعمل لينا ويا فلان سوي لينا .. تبقى عليك ومرات بتكون عندك ظروف ما بتسمح بانك تعمل تقوم يا تلغى البرنامج يا تجي على نفسك وتلغى حاجاتك وتعملوا ..
اها لو القصة منظمة .. مثلا تبلدينا عليه الاتصال بالناس وناجي الملك عليه جمع الشير وكرفس عليه تجهيز العدة والعوض عليه يمشي يشتري الخروف وحذيفة الكباشي عليه يجيب الكراسي وحميم عليه المشاوي وياسر تمتام عليه الغنى وانعام وانعام ومنال وفادية واماني يرصوا الصحانة ..
وباقي المجموعة يوزع البارد والاكل للباقين ..
بي كدة تلقى كل الناس شاركت واشتغلت ..
من يا انعام التجمع الساعة كم ووين ويا انعام وصفي لي ويا انعام فلان جاي ولا ما جاي و انعام الشير كم انعام مدي لي موية وعايز شاي .
شفت الفرق بكون كيف .. |
كلامك ده كلو صاح يا انعام لكن هل ببقي على ارض الواقع ........
خوفي فقط من الدخول في تجربة فاشلة ونكون فقدنا الشكل القديم ........
الناس في السودان دائماً بكونوا متحمسين جداً في الاول ونشاط وهمة ......... شوية شوية يدب التراخي
لكن عشان ما نثبط همة الناس نجرب زي ما قال شول ......
ولن انتظر فشل التجربة لاثبت صحة وجهة نظري بل سا اتمني واعمل على ان تنجح التجربة .........
| |
|
|
|
|
|
|
Re: وجهة نظر بشأن تنظيم بورداب الخرطوم (Re: معاوية عوض الكريم)
|
عمر البوليص ازيك يا حبيب وسعيدين بالشوفة
طبعا اول ما جيت راجع كان في ذهني بوست اسمه ( وداعا بورداب الخرطوم ) طبعا دا العنوان والمضمون كان مخادع نوعا ما لانه ظاهر البوست يكون الوداع بمعني مغادرتي للخرطوم وبوردابها ولكن المعني الذي اردته هو انه لا يوجد فعليا ما يسمي ببورداب الخرطوم بل مجموعة اصدقاء من اروع من قابلت ولكن جسم بورداب الخرطوم اصبح محض ذكري , في لحظة تجلي في جلسة كرينية مع اهل الجلد والرأس من بورداب الخرطوم ( سابقا) وكعادتي شترت لي شترة كدا جعلت وهبة يمتلئي ضحكا كعادته وانا اقول ( يا اخوانا انا في البورد دا كل ما اجي الخرطوم القي بوردابها اتغيروا , يعني انتو الان النسخة العاشرة من بورداب الخرطوم الزول يقابلهم , وفعلا هناك وجوه كثيرة سادت ثم اختفت حتي من المنبر بعد ان شغلته زمانا . عموما الامر عائد لعضوية المنبر من سكان الخرطوم يقدرون امرهم كيف شاؤا . يا تبلدينا السهر معاك حكاية لا يفك شفرتها الا الشفت والتحايا لرمز القنايا
| |
|
|
|
|
|
|
Re: وجهة نظر بشأن تنظيم بورداب الخرطوم (Re: اساسي)
|
فات علي ان اقول اني طلبت الي الاخ ناذر الخليفة ان يقوم بتصويري امام بيت الفنون وفي يدي ( مقشاشة) عملا بالمقترح الشهير , الا ان ناذر اتغاتت علي كعادته واخبرني ان هناك ردميات قدام بيتهم يوم الجمعة وهو يطلب خدماتي الامر الذي عجل بسفري قبل يوم الجمعة
| |
|
|
|
|
|
|
Re: وجهة نظر بشأن تنظيم بورداب الخرطوم (Re: اساسي)
|
.. .
Quote: طبعا اول ما جيت راجع كان في ذهني بوست اسمه ( وداعا بورداب الخرطوم ) |
والله ما زلنا فى الانتظار عشان نودعهم معاكـ .. بـ 30 مداخلة
Quote: ولكن المعني الذي اردته هو انه لا يوجد فعليا ما يسمي ببورداب الخرطوم بل مجموعة اصدقاء من اروع من قابلت ولكن جسم بورداب الخرطوم اصبح محض ذكري |
وصدق اساسي وخاب الكثيرون
--------
بالله لوسمحت رسل لى طيبى الذكر 150 مكشاشة ويونير فورم لونه طينى
| |
|
|
|
|
|
|
Re: وجهة نظر بشأن تنظيم بورداب الخرطوم (Re: اساسي)
|
Quote: وكعادتي شترت لي شترة كدا جعلت وهبة يمتلئي ضحكا كعادته وانا اقول ( يا اخوانا انا في البورد دا كل ما اجي الخرطوم القي بوردابها اتغيروا , يعني انتو الان النسخة العاشرة من بورداب الخرطوم الزول يقابلهم , وفعلا هناك وجوه كثيرة سادت ثم اختفت حتي من المنبر بعد ان شغلته زمانا . عموما الامر عائد لعضوية المنبر من سكان الخرطوم يقدرون امرهم كيف شاؤا . |
دي ما شترة يا اساسي ....... دي الحقيقة ......
هناك تدوال سلمي للسلطة بدون قانون الا قانون الامر الواقع .....
الموجود يقوم مقام الغائب ..............
والامور ماشة باسطة ..................
ما تطول الغيبة ..................
| |
|
|
|
|
|
|
Re: وجهة نظر بشأن تنظيم بورداب الخرطوم (Re: شول اشوانق دينق)
|
Quote: خلوها بتاعت هيصة وزيطة وزمبريطة وحفلات وونسات وهشك بيشك واكلات فى قندهار ولمات جايبه لينا الإساءات؛ |
مالك ياتبلدينا خليهم ينبسطو
Quote: فى زول قال يشيلو الرئاسة من العوض ؟ |
انا
شنو البضير انو يتعمل ترشيح ويخلو البورداب يختارو ؟
رغم انى ما من بورداب الخرطوم لكن بعجبنى راى تبلديتا
| |
|
|
|
|
|
|
Re: وجهة نظر بشأن تنظيم بورداب الخرطوم (Re: معاوية عوض الكريم)
|
تحية لجنابو عمر ولجميع المتداخلين
Quote: يبدو ان مناصري هذا الرأي في زيادة ..... |
ده ممكن يكون حاصل فعلاً بس المانع شنو إنو الرأي الفي زيادة دي يجي يقعد معانا (نحنا التانيين) في بيت الفنون يوم السبت الجاي فوقنا ده ؟ مش يمكن زيادتو تزيد ؟ مع تقديري لكل الهواجس الانا متأكد مية المية من صدق النية فيها وانها فعلاً ما للتخذيل ولا شيتين بقدر ما هي خوف على الجسم الطبيعي والعفوي الموجود إنو ينعدم ويمشي مأسوفاً عليه لي دريبات وأزقه .. بس سؤالي إنو وين وعي الناس القاعده تتلما دي إذا في خرمجه راح تحصل من فلان - من شله - من حزب ولا من قيامة رابطة ؟ ما الداير يخرمج ده بخرمج بس بعد داك شيل حالو حيسير بيهو الركبان ولا شنو ؟
بالاضافه لي حاجه تانية كمان .. كلنا عارفين إنو الجسم العفوي الموجود ركايزو قايمة على خيرين الله يكتر من امثالهم زي الريس العوض والدكتورة داليا ، طيب يا جنابو أول شي إنقال في اول إجتماع إنو لازم نفتش في طريقه يتخفف بيها اللود من الريس العوض والدكتورة والمجموعه القليله اللي قاعده ترهق (بضم التاء) من خلال سعيهم المتواصل لعكس صورة مشرفه عن بورداب الخرطوم !
طيب فتيش الطريقه ما ياهو ده التقنين والتنظيم والتربيط وكده ولا شنو ؟
أنا حاسعد جداً يا جنابو عمر لو شفتك بيناتنا السبت الجاي ومش براك وكل بورداب الخرطوم وبورداب بره برضو القاعدين في الخرطوم (على راسهم الاخ نصار) عشان نتفق على مسالة واحده وهي ببساطة : عاوزين إسم بورداب الخرطوم لمن يتسمع او يتقري ، عاوزينو يرتبط بي شنو ؟ وشنو دي هي الكنته زاااتا بالمناسبه
سلمك الله إنت وضيوفك الفي البوست
كاهن
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Tabaldina)
|
Quote: رحمه الله ولكننى اظنه كان مخطئاً .. او يظن ان اللجنة القادمة ضد حزبه او بالاصح افكاره --------
على ما يبدو انك تويد الخطأ |
لا حول يا تبلدينا .. !!
يعني إنتو لازم تحكوها كدا ..
يا حبيبي والله نحن بنتونس بس .. لكن رأينا معروف للقاصي والداني في نظام مايو الفاسد ورموزه ..
تحياتي وتقديري لك
ولك العتبى حتى ترضى ..
| |
|
|
|
|
|
|
Re: وجهة نظر بشأن تنظيم بورداب الخرطوم (Re: صديق عبد الجبار)
|
Quote: أؤيد ...
قديماً قال جعفر محمد علي بخيت رحمه الله : "إذا أردت أن تقتل مشروعاً ... فكون له لجنة " |
سلام ياصديق .......
كل المؤيدين تأيدهم نابع من خوفهم من فشل التجربة ..........
لكن لكي لا نكسر الصف والحماس سنشارك مع بقية الاخوة .......
ونتمني ان ينجح التنظيم ................
| |
|
|
|
|
|
|
Re: وجهة نظر بشأن تنظيم بورداب الخرطوم (Re: omer osman)
|
Quote: سلام ياصديق .......
كل المؤيدين تأيدهم نابع من خوفهم من فشل التجربة ..........
لكن لكي لا نكسر الصف والحماس سنشارك مع بقية الاخوة .......
ونتمني ان ينجح التنظيم ................ |
أكيد حنشارك ..
أهو نحن بنفكر معاك بس بي صوت عالي ..
| |
|
|
|
|
|
|
Re: وجهة نظر بشأن تنظيم بورداب الخرطوم (Re: صديق عبد الجبار)
|
زي ما قال أساسي أنتم أدرى بشعابها-الخرطوم-! ___ ممكن تكونوا لجنة من (دعاة التنظيم و دعاة اللا تنظيم) لإعداد برنامج إستقبال ووداع أبتفة، ينتهي العمل بها-اللجنة- بمجرد ما أديكم قفاي.. خروفي العوض وعمر الانفاي خارج عمل اللجنة.. Otherwise كما قال عمر البشير أنا لا أسافر إلا بدعوة..
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Yassir Tayfour)
|
Quote: ممكن تكونوا لجنة من (دعاة التنظيم و دعاة اللا تنظيم) لإعداد برنامج إستقبال ووداع أبتفة، ينتهي العمل بها-اللجنة- بمجرد ما أديكم قفاي.. خروفي العوض وعمر الانفاي خارج عمل اللجنة.. |
اللجنة شغالة ياعمك من شهر واحد 2010م ......
لمن تجي بتكون ميزانية برنامج الاستقبال كملت في حوافز اللجنة .......
| |
|
|
|
|
|
|
Re: وجهة نظر بشأن تنظيم بورداب الخرطوم (Re: داليا الكباشى)
|
Quote: يا عمر
رائك تجي تقولوا في الأجتماعات
ويكون معاك مؤيدي الفكرة الذين يزدادون حسب احصائياتك
..
يا تبلدينا
بالجنبة كدا
دي بوست شله .. معروفة. وكدا .. |
لا يا حنين من حقنا كزملاء وعضوية معاكم هنا نعرف ... مافي حاجة إسمو بالجنبة! ياالكلام يتقال كلو هنا يا بلاش ... الله!!!
بعدين البمنع عمر ده يقول كلامو ده هنا شنو؟! ياخ ممكن لظروف خاصة بيهو ما قدر يحضر الإجتماعات الفاتت هل ده ما بديه الحق يدلي برايه هنا؟! ثم إنتو مش اللماكم كلكم المحل ده يبقي في النهاية بتجو تطرشو كلامكم كلو هنا.
| |
|
|
|
|
|
|
Re: وجهة نظر بشأن تنظيم بورداب الخرطوم (Re: داليا الكباشى)
|
يا مرة الهالك مورش راجلك قال بعظمة كيبوردو تلفي معاي؟ لفي لفك وكل زول يلف براهو، خلينا نكمل اللفات دي سريع، وأمنعي الكلام.. ____
Quote: يا خساره الخروف الكنتا دايره اضبحوا ليك |
موش كان دِرِب بتاع جلكوز! متين بقى خروف؟ لما نصل، أبتفة لا يرفض طعام قط، حتى لو كان للقِطّط..
| |
|
|
|
|
|
|
Re: وجهة نظر بشأن تنظيم بورداب الخرطوم (Re: العوض المسلمي)
|
.. . الاخوة الاعزاء شول عمر العوض
من استخدم كلمة ( الشللية ) هو شخصى الضعيف واحمد حنين طرح على تساؤلا .. شنو ناطين للزول فى حلقو ومافى زول يا زعيم بخس جهود الناس بالعكس للان وحتى غدا نقول بأن المجهود الذى قام به البعض وجاء معظمه على رأسك يجب ان تشارك فيه الخلايا او العضوية النايمة دى ..وانابعرفها كويس وبالله ما تشوفوا الفيل وتطعنوا فى احمد حنين المسكين دا .. كان لو عندكم سؤال تسالونى تقول لى شنو قاصد ( بشلة ) وانا اجاوبكم واحد واحد .. وصراحة البوست داالواحد لو ما ختاه واطه كدا كنتو حطنشوهو زيو وزى بوست زهير ..
----- عموما اجتمعوا وشوفوا البتتفقوا عليهو ا وعنى اقول ليكم قول ياخى دى طرفى من الموضوع دا
دربنا اخضر؛
| |
|
|
|
|
|
|
Re: وجهة نظر بشأن تنظيم بورداب الخرطوم (Re: Tabaldina)
|
كويس يل تبلدينا يلا تعال ورينا نحن شلة بورداب الخرطوم قصرنا في شنو ؟؟ ويلا ورينا الرواد عملوا شنو والشلة دي ما عملتوا؟ والشلة دي منو بالاسامي لو سمحت ؟ بالجد كنت بفتكر نفسي ما عندي شلة وبعتبر الناس كلهم شلتي .. اخر زمن بقينا ناس شلليات !!!
| |
|
|
|
|
|
|
|