|
|
|
 Re: حن ياقمر ...... جفاك شقاء ونظرتك سعادة (Re: عفاف الصادق بابكر)
|
الجميل عمر عثمان
ياخي هديتك تتاور الشوق وتوجع القلب
ويالها من ذكريات
ياخي في يوم من الايام وفي جو جميل
جانا صاحبك البربري والزمن داك فرفور عدادو بس حق صابون الغسيل
والزهرة هههههههههه
اها قال عايز يعمل حنه لاخوة في المعمورة
وجاني قال لي رايك شنو نكلم فرفور واصلا فرفور مكرهني في الصعود
ودي مناسبة لازم يسد دينه
يازول لملمنا العدة وكلمنا الفنان خالد نحل
وباقي الفرقة وقبلها اتصلت علي صاحبك البربري قلت ليهو
ماتشبكونا بعدبن طار ورطانة وحتى حق الصابونة والزهرة
ماعايزنو منك
وتحركت الحافلة ونحن بنغني حقيبة من بحري الى المعمورة
وخالد نحل كمان يعجبك اخطر من فرفور في الحقيبة
يازول وصلنا الساعة تسعة صاحبك البربري شاكلنا وقال تاخرنا
وقال لينا نجيب ليكم العشاء ضحكنا وقلنا ليهو يازول كهربتك وينا
بسرعه رفعنا الساوند وصاحبك ضرب فاصل حير الناس وقعدوا يسألو عنه
ده منو ومن وين المهم غنى فرفور (حن ياقمر ) مرتين يازول مسكونا للساعة
اتنين وبعدها شبكنا ليك تاني اجيب ليكم عشاء وهو عارف عشانا لازم يكون كوارع وفول
في بحري عند ناس (سعاد الكو ) لان هناك عندنا قعاد بنابر وغناء من بيت الكلاوي وفي المكان
لازم يجونا ناس محمود عبد العزيز ومحمود تاور وباقي فنانين بحري
صراحة ياعمر رجعتنا مليون سنة للوراء ومشكور تاني على الهدية
-----------------
صاحبك ربيع وصل من دبي ودردشنا واعدنا الذكريات الجميلة
| |
 
|
|
|
|
|
|
|
 Re: حن ياقمر ...... جفاك شقاء ونظرتك سعادة (Re: وليد عبد اللطيف)
|
ولـــى يا مــرعــب ...
الرندوق دى ما بيعرفوهــو الا ناس بحرى الاصالة
| Quote: في بحري عند ناس (سعاد الكو ) |
كــدى قــولــى ليــه ما احــلــى بالحقيبــة
ومــا احلــى من حقــت فردتكــم ود الصبابــى
عمر ( ازيك لعلك طيب ) معليش وكت نلقه ناس الشعبية بنشعشع حبا لهم
| |
|
|
|
|
|
|
|
|
|
Re: حن ياقمر ...... جفاك شقاء ونظرتك سعادة (Re: حبيب نورة)
|
أغنية حن ياقمر أوفى لي ميعادا من كلمات ابوصلاح ولقد ذكر محمد حسن الجقر في كتابه روائع حقيبة امدرمان إنها من الحان الفنان على الشايقى ولقد سجلها على الاسطوانات الفنان التوم عبدالجليل وهوالشقيق الأكبر لعصفور السودان إبراهيم عبدالجليل .. ولقد اعتزل الغناء منذ فترة طويلة ولقد كان يؤذن في إحدى مساجد الموردة... وتوفى في نهاية التسعينات على ما اذكر ...سجل التوم عبدالجليل عدة اسطوانات منها ...
* من فروع الحنه وزهرة التفاح لإبراهيم العبادى
*آمنه للشاعر عبدالرحمن شوقي
* القمري المظلل لابوصلاح
* فرع البانه البيرنع يقود لابوصلاح
* عيني ساهرة وقلّ اصطباره لابوصلاح
و
حن يا قمر أوفى لي ميعادا
حن يا قمر أوفى لي ميعادا ......... منامي خاصمني و لي عادا
**************
غمضة اجفانى طال بعادا ...........وسال دمعي البقـالى عادا
أرجو من شوفتك الاعادا .......... جفاك شقا ونظرتك ســـعاده
**********
البدور ناظره ليك حساده ......... ودون حلى تضوي خلقه ساده
والشعر في القديم تساده .......... والردف باقـــى ليك وســــاده
*************
المحي اللمـــع تبـــــادا........... كم عـــوازل حــــرق اكبادا
نوره فرم كلاى ابــــــادا ..........وكان هواك يبقى لي عـــباده
************
ما الضمير الرنع تهادا ............. نظرته بى عيني زاد سهاده
يا نجم سالك الشهادة .............. كفاي عذاب وروحي طال جهادا
************
حزت شوقي الكتر ترادا ............ وبالجمــال حــازت لانفرادا
تومة البــدر قلبي رادا ..............وامـــــرى ســلمــته للاراده
***************
الشعور وأخر امــتدادا ............... مــع القـــديم اتصــل ودادا
والســـهام زايد اشــتدادا ............. جروحي هل تدرى بى عدادا
*************
ليك لحاظ ماسكه في القيادا ........... ولى جروح ماشه في الزياده
أرجو من صاحب السياده ............. قليـــل مـــراهم من العــــياده
الاخ / عمر عثمان
سلامات
هذه بعض المعلومات عن هذه الاغنية الرائعة ، واقول ان اداء احمد الفرجونى الذى اتحفنا به الاخ بدرالدين اسحق لايًعلى عليه ، وعاصم البنا وياسر تمتام والصاعدة غادة كان اداءهم جيدا
تحياتى لك ولزوار البوست الكرام
| |
|
|
|
|
|
|
|
|
|
Re: حن ياقمر ...... جفاك شقاء ونظرتك سعادة (Re: وليد عبد اللطيف)
|
| Quote: الاهداء الى كل معجبي الفنان فرفور ........... أم عبدالرحمن والاخ وليد عبداللطيف ............. |
هل تصدق ياعمر جنابو فرفور
شجعناه كثير ان يسلك هذا الطريق
ولكنه كان يرفض ويكتفي بالغناء
داخل الصوالين ويشارك في حيشان البيوت فقط
حفلة خارج هذا النطاق كان يرفض كما تعلم انه خجول جدا
وكان يحب كرة القدم اكثر من الغناء
ومن الطرائف عند اول اجازة سنة 97م وانا طالع من المطار
وجدت صورة معلقة في الجدران واعلان حفلات
فضحكت وقلت له الذي لم تجده في كرة القدم
وجدته في الغناء
جمال يستاهل كل خير ومن اسرة طيبة
الله يرحم والده مصطفى حسن احمد
ويمد لنا في ايام الحاجة فتحية والدته
التي تعتبر بمثابة ام لنا جميعا
---------------
ام عبد الرحمن عليك بس تجهزي الصالون والعشاء والغناء علينا
| |
|
|
|
|
|
|
|
|
|
Re: حن ياقمر ...... جفاك شقاء ونظرتك سعادة (Re: وليد عبد اللطيف)
|
Quote:
والغريبة بي صوت فرفور .. حاجة ما تخلص ..
جنابو .. كيف حالك ..
اكيد حالك زين وانت جائي ومعاك الفرح هنا .. |
اختنا عفاف الصادق
تعرفي عمر جنابو
ماعارف انو كفاية علينا غربة وبعيدين عن كل الاهل والاحباب
يقوم يصحي الذكريات فينا ويخلينا نسرح مع ايام لم تنسى ولم تمحى من الذاكرة
مع اصحابنا ومن هنا تحياتي لصديقي جمال فرفور
------------------
والف تحية ليك ياعفاف الصادقة
| |
|
|
|
|
|
|
|
|
|
Re: حن ياقمر ...... جفاك شقاء ونظرتك سعادة (Re: وليد عبد اللطيف)
|
Quote:
أغنية حن ياقمر أوفى لي ميعادا من كلمات ابوصلاح ولقد ذكر محمد حسن الجقر في كتابه روائع حقيبة امدرمان إنها من الحان الفنان على الشايقى ولقد سجلها على الاسطوانات الفنان التوم عبدالجليل وهوالشقيق الأكبر لعصفور السودان إبراهيم عبدالجليل .. ولقد اعتزل الغناء منذ فترة طويلة ولقد كان يؤذن في إحدى مساجد الموردة... وتوفى في نهاية التسعينات على ما اذكر ...سجل التوم عبدالجليل عدة اسطوانات منها ...
* من فروع الحنه وزهرة التفاح لإبراهيم العبادى
*آمنه للشاعر عبدالرحمن شوقي
* القمري المظلل لابوصلاح
* فرع البانه البيرنع يقود لابوصلاح
* عيني ساهرة وقلّ اصطباره لابوصلاح
|
الاستاذ احمد القريش ( دكشنري حقيبة الفن )
ياخي ما كان نلاقيك في جلسة .
سحر الحقيبة ليس كلمات فقط لان توصيله كان يعتمد ايضا
على جمال الصوت و التطريب العالي به
---------------
تحياتي لك من على البعد
| |
|
|
|
|
|
|
|
|
|
Re: حن ياقمر ...... جفاك شقاء ونظرتك سعادة (Re: Amany Elamin)
|
وليد ... كيفنك انشاءالله طيب ...
Quote:
تعرفي عمر جنابو
ماعارف انو كفاية علينا غربة وبعيدين عن كل الاهل والاحباب
|
غايتو يا وليد جنابو ما عارفين نشكره ولا نكشروه هههههههه
شغال فينا وجع قلب والغريبة هو وطارق جبريل بيحفروا حفر ويجيبو الشغل العجيب ده ..
الله يديهم ... ويديك العافية ...
| |
|
|
|
|
|
|
|
|
|
Re: حن ياقمر ...... جفاك شقاء ونظرتك سعادة (Re: الطيب عثمان يوسف)
|
| Quote: *** البوست دة ما ساااااى كده ... !!! لله |
انا زاتى زيك مستغرب فى اللورى العمروا مكنتة دا
افصح ثم اوضح يا جنابوا هههههههههههههه
تحية خاصة ومعطرة ليك ولاسرتك الكريمة وللمتداخلين الكرام معزعتنا الخاصة
استمر النشوف اخرك بصل وين
ومتااااااااابعين
| |
|
|
|
|
|
|
|
|
|
Re: حن ياقمر ...... جفاك شقاء ونظرتك سعادة (Re: Yousif A Abusinina)
|
Quote:
*** البوست دة ما ساااااى كده ... !!! لله
............ كل التحايا |
يا ابو الطيب
ياخي ماتخليك طيب والراجل نيتو حسنه
يعني شككتني بكلامك ده ياربي يكون جنابو عاملني تمامة عدد
---------------------------
البعرفو بعرف عمر راجل طيب وفنان وزول بحب الطرب سبق جاب حاجات حلوه وتشكراتنا له بالهدية القيمة
| |
|
|
|
|
|
|
| |
omer osman
عفاف الصادق بابكر
جمال السنوسي
نهلة محكر
عبد الرحيم محمد عبد الرحيم
elmahasy
وليد عبد اللطيف
بدر الدين اسحاق احمد
حبيب نورة
Ahmed al Qurashi
الطيب عثمان يوسف
Yousif A Abusinina
فيس بوك
تويتر
انستقرام
يوتيوب
بنتيريست